مساء الحب هذا البارت هدية
بمناسبة فوز منتخبنا الغالي شكرََا الهم
فرحة غمرت گلوبنة يارب دوم الأفراح النه
عذروني اذا اكو اخطاء رتبت ع سريع البارت
#أنساب_طاهرة ٥
#بقلم_ام_مختار
#دنيا_غانم
نمارق _هووسة وصياح و ناس ساكته الكلام ابوي الكل گام بس هيثم دنگ وشابك ايدي بعصبيه
امير _ جايبنة تخبلنه اليووووم انت
لؤي _خويه على كيفك ويانه خلينه نفهم الاولى ونستوعبها يالله الثانيه شنو انت سكتت دهر وهسا نطقت
عزيز _الاولى مو مصيبه حتى انتوا تفهموها
اختكم مزوجة وبولادتها انطتكم عمرها اترك طفلتها لاااا طبعاََ لا كبرتها وهاي اخير سنه جامعه وهسا اريدها الابني شنو الغلط وين الغلط
لؤي _ انت التعرف بهذا كله احنه منعرف ومصدومين احنه نعرف همه خواني و هسا تگلي نزوجهم وهاي الناس شنو نگلها
عزيز _الناس راح تسال وراح نجاوب وراح يعرفون وانتهت المسأله
نمارق _ صارت وره هيثم ولازمه بأيده وترجف
وتشهگ ومن تشهگ راسها يتحرك بقوه و تمتم بكلمات ما مفهومة
لؤي _وانت يابه هيثم شنو جوابك شو ساكت
هيثم _ يابه اسياا
عزيز _ يابه باباتي شبيج احجييي وياي
هيثم _گتلك مووو هيج يابه مووو هيج
التفت الها وايدها محاوطه ايدي بقوه
باوعيلي لا تخافين هياتني يمج
اسيا _ اني اختك ان... ي ان... ي
هيثم _ انت لعابة هيثم الصغيرونه لا تخافين تجيت المها الصدري ما قبلت لازمه ايدي وترجف
عزيز _يابه احجي وياي احجيي لا تخافين
حنان ماما فدوه الگلبج نطقي عزيز البنيه راح ترَح من ايدينه
اسيا _ يابه انت انت گتلي ميتغير شي
عزيز _ ما تغير شي راح تظلين يمنه طول العمر ما تردين تظلين يمي
نمارق _استعادت وعيها رجعت تبجي َتحجي
اسيا _ الله يخليك اني ما اريد ما اريد هيثم اخويه فدوه بابا فدوه يوووم
عزيز _ تعرفين شنو سوه جدج من رجع من البصرة ولگه امج مزوجة
اسيا _ دنگت ودموعي يصبن
عزيز _هذا الشي ضر بسمعتنه واني ما اريد باجر تزوجين وعلى اقل مشكلة يعيرج بأمج
اني اريد انام بگبري مرتاح مو بعد تعبي وعمري الفنيته عليكم يجي واحد ما اعرف منين يشرب بنتي السم لا والله ادفنه
اسيا _اني رافضه يابه هيثم اخووي وما اكدر اتصور غير هيج هيثم احجيييي فدوووه احجي لويشش ساكت
هيثم _ شديت قبضتي على ايدها سمعي كلام ابوي
باوعتله يعنيي شنوو؟؟
هيثم _يعني اني موافق
اسيا _حجاها وطلع من البيت كله لحگوا الشباب
عزيز _ وانتِ بابا فكري اني اريدج ترتاحين اني ما اعرف الدنيا شنو ضامتلي
لؤي ياريت ما حاجي ياريت خالها هيج طول العمر
حنان _ هو راد يسكت بس غير رايه لا تعبون عزيز وهو من ذاته تعبان وهذا الموضوع صار قرابة ال٢٧ سنه ياكل ويشرب ويا وانتوا ما تحسون بي والسوا عين الصواب اني هم اريد اسيا تظل يمنه وجنه الي وماكو احسن من هيثم الها
...........
اسيا _نهدمت حياتي بيوم واحد بس بيوووم واحد گعدت بالگاع ما اعرف شسوي لطمت على فخذي لا بجيي يفيد ولا حرگت روحي ولا اي شي
لوو خالني اموت وي عمه فاتن ولا هذا الداشوفه
نمارق _لا تگولين هيج كافي ابوي اعرف بمصلتحج قابل يأذيج
اسيا _هيثممم اخوووووي
نمارق _خلي يطلعون عمامي ونحجي ويا
گللها بنات عماتي وعمامي هم نفس الكلام
اسيا _ابوي متخذ القرار اذكري قبل شهر شنو صار بينه وبين هيثم من حرب والبنيه الرافضها هاي انييي ياا نمارق انيييي البنيه الجان يصيح ويصدح برفضها اني اخته
عزيز _ وهسا راضي ويريدج
اسيا _ اني ما ازوج لا تزوجنس خليني اموت يمك بس لا تسوي بيه هيج
عزيز _اخذيها نمارق فوگ
نمارق _......
نزلن البنات وراحوا عمامي بعد نص ساعة وهمه ما مصدگين
صعدلها ابوي بس شافته گامت الايده تبوسها هو سحب ايده
عزيز _ سمعيني بالاول اني ما اريد اغصبج اني ما غصبتج كل هذا العمر على فروض ربي الواجبة شلون اغصبج على زواج العمر
بس هيثم حنين وبس هو يعرفلج
اسيا _ما اريد اتزوج والله صعبه يابه صعبههه
عزيز _بس هسا صعبه ايام و تاخذ افكاركم منحنى اخر
اسيا _ ما اريد يابه ما اريد اوصل الهذا المنحنى الله يخليك
حنان _ ابوج خاف يزوجج الواحد غريب وباجر يصير عندج اطفال ويعرف بسالفة فاتن ويطلكج ويحرمج من اطفالج ابوج ديفكر بيج للبعيد الابعد نقطه ممكن ابوج امس يتواصل وي معارفه بالنجف علمود قطعه ارض نشتريها بصف والدتج حتى اذا واحد منه يموت ما نفترق جاي تتخيلين ابوج وووين واصل وانتوا دتشلعو الگلبه
اسيا _ انتِ ربيتيني هذا اخوي شلون اتجاوز هذا
حنان _ تجاوزي و يصير حبيب
نمارق _حطت ايديها على ذانها وگتلها لااا تحجين هيج لا تحجييننننن
هيثم _ دخلت للبيت اسمع صياحها گعدت بالصاله ما اكدر اصعدلها ولا اكدر ابرد نار مشتعله بيه اني هم
رائد _ساكت؟؟
_ شحجي
_تريدها لو لا
هيثم _ شريد بالضبط؟؟ اختي يعني انت متخيل بيوم وليله الانسانه الي مفكرها اخت تصير زوجتي اني بويل من نار و محد يحس بيه
رائد _ حاجي ابوي ارفض صرر
_حاجيت وتعاركت وحجيت و عصبت وتجاوزت هم لو نسيت ما شفعلي يم ابوي
رائد _بس والله اسيا ورده ع الاقل تظل يمنه وگدام عينه
هيثم _ اسيا منوو منهن اسيا اختنه لو اسيا الي راح تصير زوجة الي تتخيل يعني شنو زوجة الي
بس تخيل وشوف الطامه الكبرى الابوك يريد يخليني بيها
رائد _شنو الي ما متقبله
هيثم _ يعني نهاية الليل استغفر الله
خليني ساكت ولك احس الله ما راضي عني حتى ابوك يريد يزوجني اختي عقلي ما ديتقبل
رائد _بس هيه مو اختك اقصد يعني مو محرمة شرعياََ
هيثم _ اكو مسلسل اسمها الداية الحياة الفهد البنيه تحب ابن عمتها مدري خالتها وبيوم عرسهم يطلعون خوان قبل فتره امي تابعتها تذكر
رائد _اي
هيثم _اني قصتي تنجح اكثر منهم
٣٣ سنه هاي اختي بت امي وابوي وهسا بشهر عرفت مو اختي و تعال تزوجها و حبها حب متزوجين و عيش وياها عيشة مزوجين عقل ما ظل براسي وما مقاوم الا لسبب
_وشنو هذا السبب
_خليها يا خوي سكته
_حاجي گله اكعد ويا وگله اني ما متقبل فكره اتقربلها وهذا اليمنعني
هيثم _حجيتها اله بالقلم العريض
يگلي من راح تشوفها يمك مثلها مثل اي عروس راحح يفز گلبك الها
رائد _قافل عزيز مثل سعدون من قفل
هيثم _شعليه عزيز يريد بس يرضي نفسه وعادي احنه يذبنه بالنار
رائد _ ابوي مو هيج هيثم
هيثم _جاي تسمع شلون تتوسل بي هيج توسلت بي وهو يگلي باجر تحبها ويصير عندك ولد منها راح انجنننننن اني يصير عندي ولد منين من اسيا والله ابوك كسرر ظهرري
_كافي يمعود شنو سحرونه ونهجم بيتنه
هيثم _ نزلت ع درج تجر بفالينتها والعيون والخدود والخشم حمررر وتباوعلي بقله حيله وعصبيه واضحة
اسيا _قنعه قنعه گله صعبه صعبه گله اني ما اريد ازوج اصلاََ
هيثم _ باوعتله هو واگف بأستقامه تامة
رجعت باوعتلها ما عرفت شحجي
اسيا _ عيب وحرام هذا الزواج حرام ما اريد اني ما اريد ازوجك حرررام بالنبي حررام
هيثم _اهدي هسا ماكو شي يظل على حاله كلشي ينحل مووو
ضربت رجلها بالارض ومستمره تجر بكمام بلوزتها
وگلتلي
_يعني انت راضي؟؟
هيثم _ اي راضي ردت اصبر عليها
اسيا _ اللگولي سيف وودوني اله اني مراضيه انتوا شنووو تحجووون هذا الشي حرررام دتسون زواج محارم
عزيز _اسيااا شنو هذا الحجي
هيثم _ ظلت ترجف وبالگوه تحجي وتشهگ
لزمت ايدها بسرعة بعدت ايدي عن ايدها
اسيا _انت انتتتتت اكيد قابل طبعاََ تقبل عندك كلشي عادي مووو بستني مووو حطيتني وكبتت عليه وبستني من شفايفي انت حقير تفكر بنفسك ونسيتني اني نسيت اسيا ما اريد ودوني السيف
هيثم _باوعت الابوي باوعلي بأستنكار
عزيز _شنو تقصد اسيا؟؟
هيثم خلاص اسيا
اسيا _مو خلاص ما اريد ما اريدددد اتزوجك
هيثم _ بنفاذ صبر خلاااااص نشوووف حل
نمارق _ اجت تصعد الدرج داخت گعدت على الدرج تبجي
اسيا _لويش خذيتني من عمه فاتن جان خليتني اموت وياها اذا انت هيج تريد تسوي بيه ليش ما خليتني اموت انت دتظلمني مثل ما عمة فاتن ظلمتني وفكرت بحبها مثل ما سيف فكر ينهزم و مثل ما انت سكتت دهر وخليتني اتعايش وياهم اخواني هسا دتگلي تزوجي اخوج
نمارق _تقربلها ابوي نزلت دموعه وهو يحاجيها
عزيز _اني مداظلمج صدگي اني فنيت حياتي الكم شلون اظلمج بس والله هيثم اكثر واحد يحبج ويحن عليج
اسيا _لأن اخته مثل ميسوي النمارق
عزيز _ باوعي النمارق بنتي بس اعرفها متشفقه تترك بيتي وتروح الحبيبها وهيثم ما يختلف عن اصيل بشي نفس الحنيه راح تحبي مثل ما نمارق
اسيا _ ما اريد بابا ما اريد
حنان _ تذكرين الصار قبل شهر ورفض هيثم هو جان موضوعج من عرف بس اقتنع حس ممكن هذا الزواج ينجح
اسيا _رفعت نظري اله هزلي راسه بمعنى الرفض
سكتت جزء من الثانيه مسحت دموعي وگمت الابويه راح احجي وياك بهدوء بلكت تفهمني هسا تخيل اني تزوجت هيثم وبعدين شنو يصير؟؟
عزيز _بعدين شما يصير ما راح يگلج الناس تگول انتِ نطفه حرام ولو بأمج خير ما تلث سنين تنهزم من ابوها ولو ابوج رجال من حق وحقيق ما يترك امج بساحة معركة محسومة وينهزم
تتحملين تسمعين هذا الكلام؟؟
اسيا _ظل يگح ولازم ايده
هيثم _خلاااااص اسيا صعدددي جيبو ماي الابوي تعال يابه درت عليها خزرتها صعددددي
اسيا _ بابا
هيثم _خلاص
_اريد اعرررف شبيي
عزيز _ما بيه شي لا تخافين هيثم وينك يابه
هيثم _يمك يمك
عزيز _اسيا مووو امانه بركبتك لاااا اسيا طوق اني لفيته حوالين ركبتك ولو يوم نزل من ركبتك اني خصيمك امام الله مثل ما تحملت مسؤليتك من اول يوم نولدت بي تتحملني هسا يابه
هيثم _ الي تريده يصير خلاص لا تحجي ارتاح
نمارق _شبييي ابوي فدوه لا تخوفني
رائد _ يوم احجي شبي ابوويه تره والله هاي عيشه ما تنطاق
حنان _ماكو شي نقهر مدشوفون وضع البيت وخرو عنه
اسيا _تفرك على صدره امي وهو يگح وصوت خرخشه بگحته حتى ون من الم ايده اللازمها ولحضه ضعف منه گال الامي رجليه خدرن مرخيهن هناك ولزم زمام الامور مره لخ
گامت اللبوه و خذت دوره
حنان _هذاااا الاسبوع نخلص هاي المهزلة كلها شووف هيثم تزوجون وغصباََ ما عليكم ثنينكم عاجبكم معاجبكم تسوون الي يريده ابوك وانت هم رائد خلصنه وجيب الغرفه وانتِ يوم نمارق لمي نيشانج لا تخبلووووني مووو صغار انتوا واحنه نظل نحجي اني وابوكم ورانه مشاغل الحد الهنا وحايرين بزلم البيت وبناته شنووووو شبيكم تخبلتوا مدترحمون هاي الشيبه
اسيا _صعدت بصعوبه ماكو بعد كلام ينحجي ابوي حسم الموضوع
ما اكدر اوصف احساسي لا اردياََ عقلي يربط وي البوسه و بكل قوتي اخرمشهن لشفايفي اني احس حرام حررررام بس محد يفهمني
نمارق _نظل هيج مو طلع دم من وجهج
اسيا _ يعني باجر اني وهيثم شنو يصير بينه
نمارق _ يعني هسا انتِ تجهلين هيثم وحنيته؟؟
اسيا _ حنيته شدخلها بالامر الي احنه بييي
_راح يحتويج والله ترتاحين كل حياتج دشوفي انوار مجلبه بوائد وهيثم بعد اضرب من رائد
اسيا :غطيت وجهي باللحاف وبعد ما جاوبتها الحد الصبح واني مغطيه وجهي ما اريد تحد يشوفني ولا اشوف احد
عزيزز_صباح الخير
بابا اسيا راويني الوجه الحلو
نمارق _ وخرت اللحاف عنها مسحت دموعها وجاوبته بصوت خافت صباح النور
عزيز _تعاي وراي الغرفة هيثم بابا اسيا
اسيا _باوعت النمارق
نمارق _اگدر اجي وياكم
عزيز _بس همه اريدهم يلا يابه
اسيا _اجر رجليه والگه روحي بمكاني اخاف اشوفه واستحي اشوفه وشنو يذكر من يشوفني صرت وره بابا دگ باب غرفته هو فتحله الباب فوت يابه دخلت ورا من شافني تحسر
اني تجاوزته قدر المستطاع
گعدت اني وبابا على جربايته و هو واگف بسد الكنتور ندگ الباب لحضات ودخلت امي گعدت يمي ولزمت ايدي
عزيز _نبدي الحديث بكلام رب العباد حتى ترتاح نفسيتكم وجعل بينكم شنو يابه هيثم
اسيا _صوته رايح وبالگوه حجاها
هيثم _موده ورحمة
عزيز _ان خلق لكم من انفسكم شنو باباتي اسيا
اسيا _ولا جاوبته ولا اريد اجاوبه ما عاجبني كلام بابا ولا صحيح
حنان _ ازواجا
عزيز _ اختك امس گالت انت بايسها يمتى هذا الشي صار
اسيا _ اني عبالي ابوي فهم مثل ما اني فهمت باوعتله ومسحت شفتي وگتله لا لا مو مثل ما تصور هو جان يدري اني مو اخته جاوبني بكل بهدوء ابدد ما عصب او ضاج او حتى رد فعل بسيط ماكو
عزيز _اعرف بس شنو الصار؟
هيثم _ من عرفت هيه مو اختي سويت هيج حسيت راح يخف وجعها من توازن فعلي بالي عرفته
عزيز _هااا اي وشنو صار بعدها اقصد شنو صارلك
هيثم _ هياتني گدامك كلشي ما صار انسه الصار و احجي الجاي تحجي بي يابه
عزيز _ تمام اني تزوجت امكم كلشي ما اعرف والدنيا جانت تلطم بيه يمين ويسار بس حسيت بالاستقرار وهاي اني گدامكم هسا دكتور جامعي غصنه بخضام هاي الحياة وطلعنه بيكم وانتوا احلى شي بحياتي
اسيا جزء من الوقت وربت على فخذه وگال باجر يصير عدكم اولاد وتشوفون شگد الحياة الزوجية حلوه
هيثم اي صوت ماكو اني اشوف بس رجليناته اريده يحجي حتى اني اشجع واحجي بس هو ساكت
عزيز _باجر من تنجمعون بغرفة وحده
وتشوفي گدامج وتحسين بالمسؤولية تجاه واجباتج راح تعشقي
وانت هماتين من تشوفها تنتظرك و تهتم بأدق تفاصيلك من الله ينزرع الحب بگلبك
اسيا _ من اسمع هذا الكلام لا اردياََ جسمي يشنج
ما اگدر افهم كلامهم ولا افرزنه على النحو الصحيح
عزيز _باجر من تنومها بحضنك تضحكون على هاي الايام
هيثم _ كافي يابه انت بنفسك جاي تجر بالكلمة جر مستصعب تنطق بالكلمات هاي فـ خليها سكته يابو هيثم و ربك من عالي سماه يحلها
حنان _ باجر من يجمعكم فراش واحد راح تضحكون على رفضكم هذا
هيثم _ اني ما رافض والافضل نسكت كافي خلو الحياة هيه تفاجئنة لا تمهدولنه الطريق
عزيز _ مدام هيج گعدوا سولفوا شوي
اسيا _لا لا يوم اخذيني وياج
حنان _خليج شوي يوم هنا احجي وي هيثم شوي وبعدين انتِ طلعي
هيثم _ايي افضل احجي وياج
اسيا _ اني لازمه بأيد بابا گمت ويا بس ما قبل اطلع واگفه يم الباب ما اريد اظل بس ما عرفت الباب شلون ينفتح
هيثم _تعاااي
اسيا _اريد اروح
هيثم _تعاي الحضني لا تخلين شي يبعدج عن هيثم
اسيا _ مااا اريد هو تقربلي ولمني الحضني
هيثم _كاافي بجي لجج اوووف يا نومة العين
اسيا _ ما اگدر احاوط حضنه بأيديه وقربه هذا ولاول مزه اكره الديصير
هيثم _ كلش صعبب اسوو كلش الاحنه بي صعب
صعب الدرجة احس روح هامت بس اذا اگلج الخاطر ابوي اني صابر تصبرين وياي
اسيا _ ما اگدررر هيثم ما اگدر بابا ديموت بيه ع البطيئ
هيثم _ مو انتِ كل فتره تجين تنامسن يمي وتجين دهلين بفراشي و تفززين بيه تخيلي الامر الاحنه بي هيج تعاي گعدي ارتاحي اباوعلها عيونها دخلن بنگره والوجهه احمر وخشمها ورم من البجي مسحت دموعها خلي أيدج بأيدي واني اوعدج ما يوم اخون هاي الامانه
اسيا _ اريد اطلع هيثم ساعدني ما ظليت اشرف.
هيثم _ارتاحي وروحي ما اريد منج شي خليج يمي اختاريلي ملابس راح اطلع اختاريلي العطر البس يا علي مدد لو يا سوار هاي الساعة احلى لو هاي
احجي وياها اريد انتشلها من الهيه بي
اسيا _شلون گادررر تظل هيج باررد هيثم
هيثم : مو بارد اسيا روحي. دتطلع مني بس مجيور صدگي الانسان مستحيل يقبل بهيج وضع بس مجبور
_خلي نوگف بوجهه ابووي
: ابوي خط احمر هاي الفتره خلي كلنه نعديها والي تردي يصير
اسيا _ ما دافهم كلامكم راح تخبلوني هاي الايام صارت سممم عليه لزمت بأيده وطلعني من غرفته گعدت بالگاع مداگدر حتى امشي بعد جسمي كله ما ظل يقاوم
نمار:
رجعوا عمامي الباب بعد يومين ودخلو ويا للمكتب وحجو وهمه ما مصدكين واكدلهم بابا الكلام
الجامعة بعد ما وصلتلها اسيا وبس نايمه ومن تگعد تبجي اسالها تگلي: على عمه فاتن وعلى ماما حنان و ابو الي نهزم الي عبالي جان ميت وبابا عزيز واخرهن زواجي من اخوي احس اعصار براسي
؛اسيا: هو صح مو اخوي بس احنه هيج تربينه
نمارق: تخيلي حبيبج والله شبي
اسيا :تدللين هسا اتخيله حبيبي و نايم يمي وبعد شنووو ولج اخجل احجييي اخاف امي تسمعني وتضربنيييي اخووووي
نمارق :مووو اخوووج هاي الحقيقة وووكافي بجي
حددو بعد يومين نطلع الاربيل وهناك يتم كلشي جدي صار زين بس علي اصر يظل يمه بحجة يغطي الجو علينه
ندگ الباب جان رائد باوعلي وبتسم
اريدجن بموضوع
نمارق _ سويت مصيبه مو
رائد : بس اريد اشتري الانوار شي عيب واني ما افهم بهاي السوالف
نمارق _رفعت حاحبي شي عيب!! ؟
شنو هذا
رائد _ثوب ينامون بي
اسيا _ههههههههههه والله نسيت الضحك شلونه رحم الله والديك
رائد _ يعني ملابس مالت ناس ما تستحي اخجل احجي الامي و انتن شبابيات تفهمن
نمارق _لا واضح التوتر شبابيات سهله سهله فهمناك
رائد _اريد مالت اول يوم عرس يا يابه المن اروح واحجي
اسيا _مندمجين ونحجي ويا ندگ الياب ونفتح هيثم جان
هيثم _شدسون
نمارق _اگول؟؟
رائد _اذا يهون عليج اخوج گولي
نمارق _ لا ما احجي
هيثم _شنو شصاير احجي لججج
رائد هسا فضحتنه اريد اشتري الانوار شي و اجيت البنات يساعدني
هيثم _ هاا اي ساعدوا ساعدوا مسكين متلهف الانوار
رائد _ يا ناقص
هيثم _ باوعتلها وهيه متجاهلتني وتخاف تباوع اصلاََ الناحيتي نسيتي هيثم صار عيب نباوعله موو
نمارق _ تستحي تطلع حتى لا تشوفك
هيثم _ما اختلف شي اسوو
اسيا _اي صحيح
هيثم _ اني طالع تردين شي
_لا شكرََا
ننارق _جيبلنه حلويات وفدوه خلص المرطب مالتي انطيك العلبه مالته تجيبلي عليه
هيثم _جيبي رايح. للعطيفية اذا اشوف كوزمتك هناك اجيبلج منه وانتِ ما تردين اجيبلج مثله
اسيا _باوعتله وهزيت راسي لا
هيثم _ مثل ما تردين
اسيا _ الهدوئ مَلَكَة هيثم بأصعب المواقف وهو محافظ على هذا الهدوء واني اعصابي نهارت لأن داحبس بداخلي وما اگدر احجي وحتى لو احجي محد يفهمني
نمارق _تره راحوا عينج وين
_اريد احجي ويا اريد اگله ما يصلح هذا الزواج
نمارق _ ليش ما يصلح والله هيثم يخبل شنوو نسيتي هيثم
اسيا _اعرفه اخوي اكثر من هيج ما اعرف لج نمارق تذكرين من هو وابويه تخبلوا وبس مشاكل هو هم ما يريدني هو هم يحس اني اخته وصعب صعب حتى من باسني مو سولفتلج يگلي ما حسيت غير بالطفله الجنت اقايضها على نستله
نمارق _ لأن هذا جان
اسيا _وشنو الي اختلف
نمارق _الي اختلف هسا كل ما يباوعلج صوت روحة يگله هاي راح تصير زوجتك ومساحة التفكير بيج صارت اوسع
اسيا _......
نمارق _ باجر من تنجمعون بغرفه وحده والموده ورحمة تزين حياتكم وتتلهفين على بوسه منه راح تضحكين على هاي الايام
ضربت على فخذها بكل قوتها وگالت عييييب عيييب لا تگولين هيج اتصل تليفونها گلتلي
نمارق _اووي دولي الوو ها حبيبي هاا حياتي
يمته نروح الاربيل يمته يسوون هل عقد ونخلص
اسيا _عابت الاخلاقج الظاهر جاوبها جواب اقوه طكتها بضحكة سرسريه ابتسمت وتمددت على فراشي ماجان هذا كله ببالي رغم شگد اجذب على روحي قبل ما انام وابتكر قصص بس بحياتي هذا شي ما طرى على بالي نفتح الباب جانت امي سوده عليه تتنفس بصعوبه وبيدها صينيه
حنان _سويتلجن مخلمة و بتيته جاب وجاي مهيل تعالن يلا نزلن ناكل
نمارق :باي حبيبي اروح اكل وارجع اخابرك
حنان _يلا يوم ونبي اني وابوج مدنام بسببج اكلي لگمة راح تموتين
اسيا _نزلت يمها تحسرت حضنتني بسرعة
حنان _ ما يحتاج يمه الهاي الدرجة اني وابوج يمج قابل احنه نكرهج ونريد نزوجج ابنه ياريت كل الناس التكره هيج تسوي
_يوم مگلت تكرهوني بس هيثم اخوي
حنان _تفضلي يوم ماكو شي اسمه اخوي باجر من ينسد عليكم باب واحد يظل حتى الشغل ميطيقه شلون هسا ابوج لو لا العيشه ميشتغل وما يفارگني
اسيا _ما جاوبتها خطت الجاي سويتلي لفه وگعدت اكل وهيه تگلي اكلي اكلي رجعي سمني خدودج ذبلن وهو يحب خدودج
اسيا _ تكدرين تسولفليلي على عمه فاتن
حنان _اكيد بس مو هسا من تزوج نمارق
اسيا _جاوبتها وهيه الاكل بحلگها ليش ليشش
حنان _اسم الله لا تغصين هههههه اشاقه وياها يوم احجيلجن ثنينجن من نرجع من اربيل
اسيا _ ما تنقهرين
حنان _لا امج ومن حقج تعرفين كلشي عنها
اسيا _ما عندج صوره الها حاولي تلگيلي صوره
_ولا عندي صوره وجدج حرگ كل صورها بيوم العرف مو حاجيتلكم اني
_الله يسامحة
حنان _بس هيه احلى مني بهواي هيه حيل حلوه
اسيا _انتِ ماكو احلى منج حتى عمه فاتن مو احلى منج اني متأكدة
نمارق _ما تصيحلها امي او حتى لو بس فاتن رافضه الفكره كلها
رجع هيثم جايبلي الكريم وجايب الها هم
جابلج هيثم وياي
_خلي على الميز
_يابه ضحكي شوي
_نمارررق
_خلاص خلاص
...........
اسيا _ حاولو يطلعون عذر الجدي وياخذون علي حتى يحضر عرس اخو بس علي رفض رفض قاطع وگلهم اني يمه حتى لا تصير مشكله خلو الولد يزوجون ويرتاحون خطيه
على اساسها تم الاتفاق باجر الكل يحرك وامي تركض وراي نطلع للسوگ تشتريلي ملابس گتلها ابد لا اروح ولا اجي
عزيز _ليششش مو كلها راحت وتسوگت لج حتى هذا رائد الما يعرف شي كمشته مشتري قميص نوم الانوار وانتِ ام الملابس ما ترحين
رائد _اني رايح اشتريلي لافته واعلگها فوگ السطح اشتريت قميص نوم الزوجتي
هيثم _ ما ردتني اعرف مو هههههه
رائد _والله مو اني شتريته نمارق اشترته اصلاََ
عزيز _وانتِ شبيج يااابه
اسيا _عندي كلشي
عزيز _ يعني باجر وراج عرس ترديني اني اجيبلج قميص نوم
هيثم _حطت ايديها على ذاناتها وهيه تصيح بابااااا لا تحجي هيج وياي ما اريددددد هذا العرس عرسك انت
انت الي تريده يصير
عزيز _ههههههه هذا هو بلا هل سوالف الماصخة لا تشترين شي
هيثم _ يوم ما تحضرولي جنطتني كلها مجهزه الا اني
حنان _ماما اسيا حضري جنطة هيثم
اسيا _ اني متعوده احضر جنطهم كلهم لأن يحبون ذوقي بس هاي المره مالي نفس احضر جنطته احس كلشي اختلف
عزيز _ يلا بابا اسيا حضري جنطة زوجج
اسيا:.......
عزيز _اصعد وياها بابا شوف شنو تريد
هيثم _ هسا اصعد
اسيا _اصعد الدرج بكلل وملل ابوي واضحة تصرفاته واني ع درج سمعت امي تگله موو هيج لا تغصبها انطيها مجال تتقبل
هيثم _دتحرجني يابه يعني جاي اطلع الدنيا من عيني عوفني اني اتصرف براحتي
عزيز _ هذا وجهه واحد راح يعرررس دوف اخوك
هيثم _ استغفر الله ياربي وين اهج وووين
اسيا _ع سريع دخلت للغرفه فتحت كنتوره هو فتح باب الغرفة
هيثم _ خلي بس اجببلج الجنطة فوگ
_ وگلي شنو حاب تلبس انت
هيثم _على ذوقج شنو تشوفي يناسبني و حلو عليه خلي
_طلعتله مجموعه ملابس وهو طلع ملابسه الداخلية خلاهن جوه الملابس خله عطوره و ساعاته
هيثم _اخذي وياج مكوه
_ماما خذت
_تردين اشتريلج شي
_لا ومناك راح اشترلي بدلة هذا العرس
هيثم _تعاي يمي
_خليني هنا
هيثم _مالج شغل بكلام ابوي انتِ تظلين مثل ما انتِ ما اختلف شي
اسيا _بعني شنو؟؟
_يعني عقد القرآن ما يزيد ترابطنه لأن بالاصل انتِ معگوده بالگلب
و مسمى الزواج ما يضرنه لأن انتِ الاخت والحبيبه والصديقة و بنيتي هم ابوي يحجي لأن يريد يشوفنه مثل ما هو يريد بس احنه نسوي الي نريده
اسيا _ تحسرت
_تصير هاي الغرفة النه سوه نتشارك بيها سوالفنه وهمومنه وافكارنه وخططنه
اسيا _ ان شاء الله
_لا تضوجين اسو كلشي ينحل
اسيا _كملت جنطته وطلعت
ماكو شي ينحل ولا شي يرجع مثل قبل
حنان _ماما اسيا جيبي سويج سياره هيثم ابوج يريدها
اسيا _هسا
رجعتله من شافني ضحك
والله اني ما اريد اجي بس همه يگلولي
هيثم _هاي غرفتج وقت ما تحبين تعاي گولي شنو يردون
_ابويه يريد سويج سيارتك
_على الميز اخذي
_جريت السويج انطيته الامي ورجعت غرفتي
قبل لا نسافر بيوم عرفنه ابوي جاي يمشي بموضوع تقاعد
وهيثم اول واحد شد على ايده بهذا القرار
ثاني يوم الفجر تقرر السفر الاربيل ابوي ما قبل لا اني ولا هيثم نسافر بسيارته
هيثم _ لعد شلون نروح
عزيز _بسيارتك
هيثم _انت مگتلي وما مجهز اني السياره للسفر
عزيز _اني جهزتها الك امس وتكدر تسافر بيها
اسيا _اني ما اتونس ويا
عزيز _لا تتونسين يلا بابا نصعد ورانه طريق
اسيا _طلعوا واني ويا ظلينه
هيثم _هو متعمد هيج يسوي يلا ع سريع نطفي الكهرباء ونسد البيبان ونطلع
اسيا _ وگفتله وتخصرت بس ما تفتحلي كاظم الساهر
_عمي احطج بسبس ميو بس رجعي احجي وياي هيج
اسيا _ ابتسمتله بتعب
وهو بادلني الابتسامة سد الاضويه و قفل البيبان وطلعنه
گعدت يمه بالصدر گال بسم الله وحرك
اسيا _اني راح انام من نوصل گعدني
_هههه وبسبس ميو
_من اگعد
_لعد نامي
اسيا _تجيت راسي بأتجاهه وغمضت عيوني او تصنعت اني مغمضه باوعتله وهاي جانت اول مره نظره الهيثم بهذا الشكل بشرته الحنطيه و شعره الخفيف ومقدمة شعره الخاليه من الشعر لحيته الخفيفه و شعره وحواجبه الي عبالك مسطره باوع اتجاهي ظليت اباوع لحضات باوع للطريق وباوعلي رجع كرر الحركة الحد ما تحسر وبعد ما باوع اني هم تحسرت ويا التفيت للجهه المعاكسة ونمت فزيت ولفيت روحي اكثر
هيثم _ صباح الخير
_صباح النور بارده
_اي مو قربنه نوصل
_تعبان؟؟
_كلش تعبت ما جنت مستعد للسفره
_ابوي بعد
_خلي يسوي الي يريده مدام مرتاح اني مرتاح
اسيا _ باوعت للطريق وتحسرت جان حلو الطريق و الجامه باررررده تموت
هيثم _ليش هاي الحسره؟؟
_شنو مستقبلنه
هيثم _ رجعي نامي اسيا
اسيا _ههههههههه
هيثم _ والله انا بعدني بالحاضر ما مفكر ترديني افكر بالمستقبل
اسيا _ اني متسابقه وي الدنيا
هيثم _ مو غلط واحد يفكر بس اني ما اخفي عليج هذا الموضوع شل عقلي وشگد ما افكر الگه روحي اراوح بمكاني
اسيا _ خلي نحاول نحجي وي بابا اني وحدي مو قويه انت لو وياي افضل
هيثم _ انتِ توثقين بيه لو لا
_ايي
_فتحيلي گلبج وگليلي شنو الي مخوفج
_مو مخوفني بس احس هذا الزواج عيب يعني تفتهم عليه
هيثم _مفتهم عليج واني اگلج حتى لو نزوج تظلين انتِ انتِ ما يختلف شي
اسيا _.....
هيثم _فتره وتعدي الحد ما تعدي هاي الازمه
_يارب
وصلنه الاربيل گالو ابوي داخل مستشفى مختنگ وحاطيله اوكسجين هيثم طار للمستشفى وبس وصل گلهم ابوي حاجز فندق الكارت بالسيارة اخذوا وروحوا اني يمه
رائد _واني هم اظل وياك
هيثم _لااا روح انت اخذهم ودير بالكم عليهم واحد هنا وواحد وي النسوان
اسيا _ما خلانه حتى نطمن عليه طلعنه بسرعة وامي رادت تظل كلها لا روحي رجعنه احنه للفندق وبالليل طلعوا بابا ورجع كلنه تجمهرنه عليه شنو صار بابا ما جاوب
هيثم _حساسيه الوالد متحسس و اختنگ
امير _وهسا شلونك
عزيز _الحمد لله لا يظل بالكم حنان باجر جهزي البنات خلونه نخلص هذا الاسبوع بسرعة
_اجهزهن لا تخاف ونخلص هم
اسيا _ابويه وجهه شاحب و مبين تعبان تركنا يرتاح واحنه هماتين رحنه انام الصبح گعدنه على هوسه رائد والشباب گعدني گومي شوفي منو الاحلى هاي لو هاي
هيثم _بشرفك مكعدها حتى تختارلك ساعتك
رائد _ اسكت لا اجيلك لو ما ترضه عليها
هيثم _ يمعووود
اسيا _ مو شكال انت شنو لابس باوعتله بالگوه هاي احلى فدوه سد هاي البرده موتني الضوا
هيثم _ ما تنسد مسوين البرادي خفيفه حتي بسرعة تكعدين
اسيا _ باوعتله جان ديلبس حذائة وين رايحينن؟؟
_ابوج يريد يختارلنه ملابس العرس
اسيا _ خليني ارجع انام احسن ذبيت البطانيه عليه وهو طلع دقايق واجتي امي يلا گومن نطلع
_طلعت نمارق من الحمام اني جاهزه
اسيا _هاي مؤامره
انوار _واني هماتين جاهزة
اسيا _ وين رايحات
حنان _انأجرلجن بدلات
انوار _ يلاا گومي اخرتينه
نمارق _احسب للخمسة اذا مكمتي نطلع
اسيا _ والله اني ابدل على راحتي انتن فرحانات اني بالنسبة الي شايله نعشي بأيدي ورايحة هذا المشوار
حنان _اسم الله يوم لريش توجعين روحي هيج اسيا
اسيا : هاي الحقيقة يوم
انوار _شوفي تره اطلع صبر السنين كله بيج هسا كوووومي
اسيا _ههههههه گمت ع سريع لبست مشطت شعري شلون مجان و لفيته ذيل حصان و طلعنه البنات وصلن للسياره قبلي واني اركض وراهن متحمسات كلش صعدنه السياره وي عمي امير اتصل بيهن گلهم بسوگ القلعه نتلاگه
دخلنه للسوگ يفتح النفس من ترتيب و الالوان و الزي الكردي للرجال و السياحة اخذونه العنوان الظاهر همه يعرفوا جانت اكو محلات للفساتين
وكفنه يمهن ننتظر الولد اجوي وابوي بمقدمتهم حبيبي طول بعرض شخصية هو العريس
عزيز _يلا
اصيل _تعاي يابه والله وياكم
رائد _يابه هيه غير فستانها دنطوني مريتي نختار
عزيز _ ما اشتريلج بدله حنان
حنان _ هههههههه بعد راحت عليه شنو ماما هيثم ما تروح انت واسيا تختارون
هيثم _ تجين؟؟
اسيا _ هزيتله براسي بخجل احس عمامي يگولون متستحي راح تزوج اخوها
هيثم _باوعي اني هاي السوالف كلشي ما افهم بيها انتِ ختاري الي تردي
اسيا _نختار اي شي اني مالي خلگ لو ما البنات ما اجي
هيثم _بالعكس اختاري احلى بدله
اسيا _ تحجي ببرود هيثم ادري بيك هادئ بس مو الهاي الدرجة
هيثم _ ابوج عيونه علينه يتفحص حركاتنه
لا تفضحينه
اسيا _ همستله بسخرية انت تريد تخبلني والله
هيثم _ هذا كله شكليات ليش اگلج اختاري وتونسي لان بس منظر حسبي حساب جاي تشتري فستان الحفلة رائد و نمارق وما عندج غير الون الابيض
اسيا _ابتسمت الكلامة
هيثم _وباوعي الهذا المعروض هواي عجبني
اسيا _هذا مال محجبات
_اي حلو بلكت الله يهديج وتظمين هاي الكوشه
اسيا _ابوك يباوعلنه
هيثم _هههههههههه
اسيا _ تقربت الفستان من الاكمام للبطن خفيف حيل عجبني هو ظل بعيد باوعتله اني ما ردت اخذه ولا اصلاََ اريد اخذ اي فستان مالي نفس بس حيل عجبني
هيثم _ هسا من تصير كربلاء هنا ما تاخذين هذا الفستان
_ليششش؟؟
_الحفلة مختلطه شنو هذا من فستان حتى اقبل عرضي هيج تلبس
اسيا ظليت اباوع للبدلات شي ضخم كلش وشي بسيط كلش شي متروس شغل وشي العكس
باوعتله شنو اختار
هيثم _اختاري الي تردي بسس المهم مستور
_ باوع هاي
_حلوه بس من فوگ هواي مكشوفه
اسيا _خلي نگلها تشبها بس كون مستوره شرايك
_اي
_حجينه وياها متعرف عربي بس اكو ناس تعرف عربي وساعدونه هيه البدله جانت ذيل سمجة وكلها تول بس گلنالها اريدها مستوره طلعتلي مديل كلش حلو ومستوره وبيها اكمام بس تول
الكليل خذيته طويل واصلاََ ما انتبهت اذا يوالم البدله امي ساعدتني خذينه ملابسنه ورجعنه بالمصعد هيثم وياي باوعلي وضحك
_شكووو
_راح تصيرين بكيفي والله امشيج مثل ميل الساعة
_ياااا هيثم
_ههههههه لا اشاقه وياج
_تقربت منه وحطيت راسي على ايده اني تعبانه هواي و كارهه الديصير
_ يابه هسا من حورج باجر اطلكج وازوجج واحد يخرع
_بالعكس اني ما رافضتك انت اني رافضه الوضع الي نحطينه بي باوعتله لگيته يباوعلي وتحسر
انتبهت الروحي ووخرت ليش وخرتي تعاي
_نسيت نفسي متعلمه قبل حتى بفراشك انام
_ما تغير شي وراح ترجعين بفراشي تنامين
يلا اله الغرفه
...........
قبل الحفله احنه بيناتنه سوينه جسمنه واني خجلانه من نفسي على شنووو هذا كله مداتقبل صعببب
حنان _يوم انتبهوا زين نظفن روحجن زين هذا يوم العرس ما ينسي
اسيا _الحد ما خلصنه طلعت روحي
يوم الحفله يتصلون بعلي ما يرد
يتصلون بجدي ما يرد خافوا
خذونه الصالون جانت يمه كنيسة دخلنه الكرديات يموتن احنه رغم جميلات بس ما نجي يمهن الشعر و الزي مالهن الاهتمام شي حلو
نمارق ركضت للكرسي وانوار تعاركها تگلها اني ابدي قبلج وهذيج تگلها اني اول
ام اصيل دافعت النمارق وكلتلها هذا كرسيها
حنان _ لا تتعاركن ما نطلع الا تخلصن تلاثتجن ياله
اسيا _انتبهت اني وحده منهن اجتي ام الصالون رحبت بينه تعرف عربي جانت بس مكسر
سوتلنه بدكير ومنكير و لبسونه الفستان ورتبت جسمنه گعدونه اني جنت ضايجة اليشوفني يعرف اني ضايجة سألتني ام الصالون خاف غاصبيني
كتلها لا
_خاف جبير بالعمر
_لاا شاب
_لعد شنو بيج
_تعبانه
_عادي توتر هذا
خلصتني امي تصلي على محمد ونسوان عمامي يلهلهن حتى الناس ظلوا يباوعون
اباوع الروحي ما احس روحي حلوه ولا بيه نشعه عرس ولا فرحة العرس موجودة ركبلي الاكليل
نزلت دمعتي ام الصالون نقهرت تردين اساعدج بشي هيج گلتلي
_لاا اني بس شوي خايفة
_لا تخافين وجعلنه بينهم موده ورحمة مو رعب وخوف
_شوي هدتني وامي يمي كل شوي تبوس راسي و تگلي والله هيثم طيب والله حنون
_يوم تره اني اكثر وحده تعرف هيثم
_اي يا امي لويش هيج ضايجة حتى نسوان عمامج انتبهن
_سكتت عن امي نسوان عمامي مستغربات لأن ضايجة وما مستغربات شلون دازوج اخوي راح اتخبل من التفكير اجه علينه اصيل
سألته امه عن علي گلها زين جان يسبح وما جاوبنه
خذونه المصوره جانوا الولد بالباب
هيثم ع سريع اجه يم سياره غطاني بالبرنص
ونزلنه صورو بالبدايه رائد وانوار بعدهم نمارق
هنوب احنه ذبيت البرنص وباوعتله
هيثم _ ما شاء الله تبارك الله
اسيا _ مداحس روحي حلوه
هيثم _ احلى عروس اشوفها بحياتي
وگفتنه المصوره دنگص صور اللقطات مو مال الي بداخلنه رومانسيه وبيها قرب حط ايده على ظهري وهيه تأشرله تقرب اكثر مسح وجهه وباوعلي
هيثم _ منو حط فقره الصور يا ناقص
اسيا _ خلي نگلها ما اريد صور
هيثم _ مال يخلگ درس المعاتب من ابوج
اسيا _ تقرب مني اكثر باوعلي وضحك
هيثم _ عيونج حلوه
_اول مره تشوفهن شنو
احنه نحجي وهيه تصور
هيثم _لا بس جاي الهي روحي لأن بديت اتنرفز
_شعجب هيثم عصب
_هههههههههه
_خلصنه الصور لبسني البرنص وطلعنه جانت الحفلة بقاعة صغيره بس احنه وعماتي وعمامي ونسوانهم و اهاليهن ودي جي واصيل و رائد ركصوا ركص مصاير ابوي يحاجي هيثم دگوم اركصلك شوي حسسها فرحانه
هيثم _هيه تفرح من اني اكون يمها مووو
اسيا _يحجي وياي ويخزر
اي اي صحيح
عزيز _ما تصيرلك كل جاره
اسيا _ وطفو الاغاني و جابوا السيد يعقد يمه شصار بحالي لزمت ايد هيثم
بالجنسية اسمي نفس اسمك
هيثم _ابوي سال بموضوعنه گلوله مدام انت الولي حلال بشرط ما تعرف ابوها وين وانتِ تعرفين ابوي وين يعرف ابوج وين
ومع هذا ابوي خاف منا تعرفين الكرد مو مثلنه يدققون فـ راح يخفي جنسيتج ويتم العقد بدون جنسية
اسيا _ ما فهمت شي ولا ركزت بكلامه تحسرت هو مسح على ايدي اجيت انهزم اطلع اروح وين ما اروح بس ما اظل هنا
هيثم _ ووين
_ما اريد هيثم ما اكدرر
_نگدر احنه گدها هذا العقد بس يحرر ابوي من مسؤليتج وتصيرين بعصمتي
_ما اريدد
هيثم _ ما يتغير شي اسيااا
_فدوه الله يخليك ما اريد مداگدر راح اموت من الخوف
هيثم _من شنوو خايفه
_ما حابه ما اگدر اظل يمك بغرفه وحده
لزم ايدي بقوه وگال اسسسسس بعد ماكو تراجع
اسيا _صعببببه
هيثم _ هواي
اسيا _خوفني بالزايد خلاص خلي نوقف كلشي
هيثم _ الخاطر ابوي ما نگدر نوقف
_وشبي ابوووي هيانه ما بي شي
باوعلي وتحسر خلاص اسووو
حاولت افلت ايدي بس هو شد قبضته احس معدتي نقبضت
وصل السره النه تم العقد على موتي وبصعوبه بالگوه حجيت وهو من يحجي ويا بعالم ثاني مبين مو ويانه عكس رائد واصيل الگلبوا الدنيا بالشارع واني وهيثم بسيارتنه ابد ما سوه شي اصيل ظل يشاوط بسيارته و يدگ هورنات و رائ. بسيارة ابوي طلع جسمة ويركص والناس ويانه احتفلت اتصل تليفون هيثم فتحة سبيكر جان ابوي
عزيز _ شبيكك يابه دفرح اليمك عبالك طالع بجنازه
هيثم _ تعبان يابه
_ميخالف يابه الخاطر مرتك
اسيا _ درت وجهي صرت مرته شتد الالم بمعدتي واحس ببروده بصدري
وصلنه للفندق انطونه مفتاح الغرفه دخلنه هو ع سريع ذب حذائة و الستره طلعله ملابس دخل للحمام بدل وطلع
هيثم _واكفه ع سررريع بدلي
_لويش
_بدلي وتعاي
_فتحت الكنتور جانت بس قمصان نوم امي حاطتهن اخذت تليفوني واتصلت بأمي
هيثم _شدسوين
_باوع امي خالتلي بس قمصان نوم وكلهن كصار
هيثم _سدي الخط ع سريع
اسيا _سديته شكو
_لبسي تراكي وتعاي
_ياااا انت طويل اني قصيره
_ميخالف كفي البجامه
_خذيت تراكه ودخلت لبسته التشيرت زين عليه بس السروال طويل طلعتله ضحك عليه
_تره والله اروح انام يم امي
هيثم _ بعدد ماكو نوم يم امج مكانج صار يمي
من حجيت هيه غرست اسنانها بشفتها
قزحة عيونها حزينه
تعاي لا تخافين يابه اشاقه وياج وهسا ع سرريع اتصلي بنمارق
_ياا لويش
:اتصلي ومالج دخل
_لا خطيه وعيب
_اني راح اتصل برائد وانتِ اتصلي ب نمارق بسرعك
_هاا شنو دتخبث
هيثم _ اتصلي دنشوف رد فعلهم
_تحمست ويا واتصلت نمارق ما جاوبتني
بس رائد جاوب مبين صوته مرتبك شكوو هيثم
هيثم _ اني خايف رائد
رائد _ هيثم سد الخط مو زين عليك تره باجر سويها و هسا اذا اتصلت بعد اتصل بعزيز واگله وانت تعرف شيسوي
اسيا _سد الخط بوجهه متت من ضحك
هيثم _ منتهي الاخ اتصلي بنمارق
_هذه مزحة مو حلوه ما اتصل اني
هيثم _اخخخ مو على گلبي
اسيا _خطيه تقبل هسا انت بعرسك ويكطعون عليك ليلة عرسك حجيتها وانتبهت الكلامي بعدها دنگت
هيثم :مو ليلة عرسي وانا كاعد اسولف وياج تعاي بشرفج نسمع الكاظم الساهر
اسيا _يلا
شغل اغنيه دلع النساء استغربت اول مره اسمعها
هيثم _اي هستوها نازله
اسيا _ الاغنيه كلها تربك من يگول ما الحل الحد مقطع منها يگول نحن في احلى مكان وثالثنة الحنان من اين يأتي النوم من اين يأتي النوم يرجع يگول همساََ يذيب الصمت ووسدتاََ كالجمر
احس روحي طلعت من كلمات الاغنيه ظليت كلشي اربطه بوضعنه هو منطلق و يغني ويا اني نمت على طرف الجربايه واباوع الفضاء الغرفة
خلصت الاغنيه سداها وعم الهدوء بحيث الهمهمه الي صدرت منه اخترقت مسامعي
هيثم _ تتوقعين ابوي راضي عن وضعنه
اسيا _اكيد مدام الهاي الدرجة اصر راضي والا شنو يجبره مثلاََ
هيثم _ الموت
اسيا _التفتت اله شنو تقصد؟؟
_ابوي مريض اسيا
يتبع......