فوط قبل ماتقراو وكومنتار بعد ماتخلصو فضلا وليس امرا
قطعت هدرتها كي شافاتو ورا زاكي حط يدو على كتفو ودورو ليه
ادم: عندي هدرة طوييلة عريضة معاك في بزاف امور علابالك ؟
كانت تشوف فيه ويدها ترجف معلاابلهاش لاه بعدت عينيها منو بعد ماتلاقات بعينو تبسم هو بجانبية وجه نظرو لاختو اللي كانت تديرلو براسها لالا تترجا فيه بعينيها مادار حتى ردة فعل كان البرود على وجهو جرتها لميس مخرجتها من ثم صونا تيليفونها لقاتو رقم روسي كوبات وكملت مشيتها مع يارا وقلبها ينبض بسرعة حاسة بخوف احساس داخلها يخبرها انو كاين خطر يستنا فيها
نسات ذيك الافكار السلبية تحوس على شوي ايجابية وصلها ميساج مجهول حبست في الطريق فتحاتو اعتلات على وجهها ملامح الصدمة بصح ثمثم غيرتها لنظرة متحمسة وابتسامة جانبية مزينة ثغرها بصح ماتنكرش الخوف اللي تملكها
مضمون الرسالة :
اهلا بالصحافية المتمردة حفرتي قبرك بيدك ... بيدك تحوسي على نهايتك بلعبك معانا وحنا ماناش في دشرة نلعبو مع بعضانا مالا عسي روحك مليح حنا مانرحموش وراح تدفعي ثمن تهوراتك
حطت تيلفونها في صاكها بدون اهتمام والله ماهي سامعة بيهم وكملت مشي تحكي مع يارا
لميس: علابالك ؟ ؟ معلااباليش وش كنتو تهدرو انت وزاكي بصح اني متأكدة بلي يحبك بزااف ماتديريش عليه وفي نفس الوقت ديري عليه فهمتي؟؟
فاقت مع روحها وش هدرت والغباء اللي طاح عليها ناضت يارا تضححك من قلبها
يارا : هههههه وكيفاه هاذا؟؟
لميس: لاه غبية هكذا ؟ شرحتلك هذا الشي بباسطة
يارا : ههه عقلك مزال ماستوعبش وحلل وش هدرتيه ضك تحوسيني نفهمو انا
تبسمت بتبهليل ولطافة خلات ليفوسات يكونو غاسيين زادو منظرها لطافة خلات لوخرا تحبها من اول نظرة
.............لميس: ههههههه والله .. بصح يعني قصدي بينيلو بلي غاضك الحال بصح في داخلك لا خاطر والله غار يحبك وثاني
قفزت من بلاصتها بخووف ع اليد الللي تحطت على كتفها دارت شافاتو بعدت عليه بخطوتين للخلف خايفة
ضمت يديها تحت صدرها بعد مابعدت عليه تتجنب تشوف في عينيه الزروقة اللي كانو مصدر خوفها
لميس : اوووه ميسيو .ا..ا.ا..ا....... المهم كاين حاجة ؟؟؟ وش تحوس؟؟
ايفان : اوووو عيب عليك نسيتيني ديجا ؟؟
لميس ببرود : تفكرتك بصح وش تحوس؟؟
رفع حاجبو مستغرب من برودها نحا اللينات من راسو وضم يديه لصدرو
ايفان : ماتوقعتش برودك يوصل لهاذ الدرجة ؟
لميس : ديزولي مانهدرش انا مع الغرباء اللي مانعرفهمش ايا باي
قالت جملتها وحكمت كرسي يارا تدزها حبسها بهدرتو
.............ايفان : لاه تتجنبي الهدرة معايا لهاذ الدرجة وهاذ المعاقة حبيتيها من اول نظر
ماكملش جملتو بعد مافاق بلي فضح روحو حلت لميس عينيها على وسعهم ماعجبتهاش هدرتو شافت في يارا اللي هبطت راسها بحزن كبير واحراج قربت منو طلعت على روس صباعها تحاول توصل لقامتو بصح ماقدرتش حكمت كتافو وضرباتو بين رجليه بكل قوتها خلاتو يطيح في الارض يعوق كي الذيب
لميس: هاذا باش تتعلم توزن كلامك قبل ماتخرجو و تعرف كيفاه تهدر مع الناس بادب واحترام ياوحد المتخلف وهاذا باش نعتلك الاعاقة من جيهة اخرى
شافت رجال يتقدمو ببطء علاجال باش ماتلاحضهمش بصح معامن طاحو طاحو مع لميس اللي طاح عليها الذكاء في ذيك الدقيقة دارت ليارا تعيط على طولها
لميس: يااااارااا طيييييري اجري ماتشوفيش وراك
ضحكت يارا عليها وخبطت جبهتها من غبائها
يارا : حماارة
فاقت لميس بروحها ضربت راسها تلعن في غبائها وراحت ليها تجري تدز في كرسيها ... ماخلاش رجالو يلحقوها حاول يوقف ماقدرش
ايفان : غبيية تولهت لموضوع غبي وماتولهتش لهدرتي
يارا : اوووف حبسي ا طفلة اني قريب نكلااطي هههههه تجري تقول هاربة من سبيطار المهابل
حبست لميس ركعت ترد النفس حاطة يديها على جنبها
لميس: هههههه اسمحيلي تحمست زيادة وقيل ......... وجه الكلب رخيس ماتدريش عليه
يارا : ههههه خلينا منو مانيش لاتية بيه والفت هاذ الشي
سكتت لميس بقات تخمم هاذا وين فهمت هدرتو يعس فيها !!! شدت شعرها بقة عاضة على شفتها التحتانية
لميس : وش راه يصرا يالزعفران وهاذاك الحمار تاع المفتش لاه ديما نشوف فوڤيرتو تخلطت عليا المشاكل من كل الجوايه كيما الفيروووس .... كملت بالعياط : اععععععع هاذا يزيد يحمممسني هههه حياتي اكشن في اكشن
يارا : نتي مهبولة ولا مختلة ولا وشبيك وش تصنيف حالتك بالضبط خلعتيني
تبسمت معاها لميس بلطف وبراءة خلات لوخرا تضحك لا ارادي
لميس : ماتديريش عليا والله غار خيوطي تالفين الله غالب اتحملي هبالي هاذ السويعات هههه علابالك بلي تفكيري والحب اللي داخلي ماعندوش تفسير ههه
ضحكت وعنقتها بقوة من الخلف قريب خنقتها
يارا : اععع وين راه خويااااا
كمل ادم طريقو بعد ماكان يتعقب فيهم وتأكد بلي اختو في امان مع لميس وكان شاف كلش بعينيه
ادم : ضك نعرف كلش من يارا وشكون هاذا الايفان اللي نشوفوه وش يحوس من عند جوهرتي
تبسم بعد ماتفكر منظر ضربتها لايفان وهروبها
ادم : مانخافش على ملاكي خاطر هي شيطان هههه
__________________________________
قعد زاكي ع الكرسي وشرب الما مزالو يرجف من الهدرة اللي سمعها خاصة انو يعرف هوية وشكون اللي يهدر معاه
زاكي : لازم نهرب من هاذ المدينة صينو نموت على يديه وربي كبير
بلع ريقو بصعوبة بعد ماتفكر هدرتو
flash back
حكمو من كول تريكوه ورفعو لمستواه
ادم بحدة : اسمعني ياوحد ال*** كون نزيد نشوفك تحوم على يارا اقسم بالله نقتلك ونشرب من دمك مانزيدش نشوف حتى ظلك سمعت ؟؟ واذا لقيتك ولا شفتك تهدر مع لميس مانرحمكش مانحبش نشوف وجهك فهممت ؟؟ صينو والله غار نفصل راسك على جسمك ومانيش نتمسخر اك تعرفني !!
طلقو وخبطو على صدرو ضربات وكمل يهدر بتهديد
ادم : واذا جربت تتمرد وتلعبها فايق ضربة هنا نبعثك ديراكت الى جوار رحمة ربك
شاف فيه بتحذير وخرج من ثم مخليه واقف بصدمة ميش مصدق شكون قدامو ولا وش علاقتو بلميس و يارا
back
زاكي : افففف وش ندير ضك ؟ حتى لميس حذرني نقرب منها لازم نروح لمايا هي اللي تعاوني
_____________________
ادم : اهلا يا عبقري الحاسوب
سراج : اني في مطار لوس انجلوس يا وحد الحمار لاه ماقتليش بواش صرا لمايا ها ؟؟
ادم : لسااانك يا****
سكت سراج ثم مازاد حتى حرف صح صاحبو بصح رئيسو ... يخاف من نوبة الغضب تاعو وعلابالو بلي مايرحمش مايعرف لا صاحبو لا خوه
ادم : اك في المطار؟
سراج : ايه
ادم : اني جاي ليك
سراج : ماتبدليلش الموضوع كنت في روسيا لاه رجعت للوس انجلوس همم ؟؟
ادم : من وكتا كنت تتدخل في اموراتي قو.......... ن*********
كان يسوق بسرعة ماشافش هاذيك اللي كانت تقطع في الطريق بدل الطريق اخر دقيقة مخلي لي تراس على طريق مخلي صوت كبيير لفت انتباه الجميع
سراج : ادم ؟؟ وش كاين ؟ اك بخير؟؟؟
ادم : مبعدا ....
كوبا عليه ونحا لاسانتير منرفز لللخر ناوي اليوم على خلاها هبط عاقد وجهو مايتفسرش
ادم : وشبيه ر*** ماشية في الطريق تقول تاع باباك عمية ؟؟؟
"ونتا وش دخلك ان....."
سكتت بقات تدقق في ملامحو بعناية وتكلمت بهمس خفيف ماسمعتها غار الريح : ادم!!!!
ادم بحدة : طيري من خليقتي قبل مانفزدلك وجهك
بقا يشوف فيها يدقق يحوس يتفكر وين شافها من قبل ...
..........يتبع ♥♥♥
شكون تتوقعو هاذ الطفلة ؟؟؟
ووش تتوقعو يصرا ؟؟؟
اراااائكم مهمة يا بنات شجعوني ولو بكلمة