فوط قبل ماتقراو وكومنتار بعد ماتخلصو فضلا وليس امرا
يارا بصدمة : استنا استنا هاذا ماشي خويا امبوسي سير بدلوك
ادم : ماشي كون تسكتي خير؟ قبل مانبدل رايي
سكتت ثم وصلو وين كانت قاعدة سيلفا والياس ناضت تجري حضناتو متوحشاتو اما الياس سلم عليه سلام رجولي
ادم : هيييه وش كااين ؟ ميش من عادتكم تجيبوني من مسافة بعيدة باش تقولولي كاش حاجة وشنهي الحاجة اللي ماتتهدرش في التيليفون خاطر كيما علابالكم لازم نرجع لامريكا
الياس بجدية : نحوسو نعرضو عليك عرض زواج بصح ماشي كيما باقي العروض والله
شافو فيه كامل متوترين يستناو في ردة فعلو ويارا تتمنى مايقبلش هز حاجبو وتبسم بسخرية
سيلفا بجدية : ماتضحكليش هاذيك الضحكة باباك عندو الحق الطفلة الله يبارك وعايلتها نعرفوها وناس ملاح نغضب عليك كون ماتتزوجش لوكتا تقعد هكذا
يارا : وشبيك ماما ؟؟ لاه تحوسي تزوجي خويا بطفلة مايحبهاش
سيلفا : يارا هدرتنا مع خوك ماشي معاك
ادم : شوفو انا نتزوج اللي نحب وكيما نحب وقت مانحب وماتزيدوش تتدخلو فيا وفي حياتي صينو ميش رايح يعجبكم تصرفي اذا جبتوني لهنا باش تقولولي هاذي الهدرة اني رايح
ناض من بلاصتو رايح حبساتو امو كي رمات التصويرة فوق لاتابل
سيلفا : اعين رمادية وشعر كستنائي قصير وبشرة بيضة حليييب ابتسامة مشرقة طفلة من عائلة راقية سباحة ماهرة وتسوق الدراجات النارية من الدرجة الاولى وحنينة كل مواصفات الزوجة المثالية
عينيه ترشقو في التصويرة تصنم في بلاصتو يدقق في ملامحها بدقة
'''''''''''''''''''''''''''''''''''''''''''''''''''''''''''''''''''''''
سوطات من السطح هاذاك تلفتت على جنابها تشوف اذا كاين حد ودزت ذاك الباب الحديدي بقوة كانت الظلمة قاسحة حلت عينيها بصدمة بعد ماشافت البنات ثم مربوطين صغار في العمر مابين 16 و 19 حسبتهم بعينييها كانو 10 كانت هازة كاميرا بيد واليد لخرا هازة كاميرة خلاف صغيرة معلقة في رقبتها تصور في فيديو حطت يديها على فمها مصدومة فاقت من صدمتها على صوت انينهم يطلبو في المساعدة منها زربت فكتهم وهي قريب تبكي تخمم وش كان راح يصرالهم كون ماجاتش حست بخطوات الحارس اللي كان في الباب قبل مايدخل ويستوعب كانت ضرباتو لراسو مخلياتو يطيح
راحت تجري بالبنات لبرا بهدوء علابالها بلي هاذ الاماكن مستحيل تكون مافيهمش كاميرات خرجتهم لبرا وطلبت منهم يهربو بأقصى سرعة ويعيطو لابوليس ضربت زوج حراس خراين للجيوب السباتية قدقد (هي عبارة عن زوج من الأوعية الدموية الموجودة على جانبي الرقبة التي توصل الدم إلى الدماغ والرأس ضرب أحد الجانبين يسبب اصطدام المخ بجانب الجمجمة مسببًا الإغماء)
لميس: مكانش مافيا تخطف غار 10 بنات وتخلي على راسهم حارس واحد ماشي هاذا هو المكان الخطير المطلوب
شافت حولها ورجعت دخلت تحوس تصور كثر تضمن قبول الشركة صورت شحال من تصويرة وقلبها ميش مطمنها من هاذ الهدوء مازادت تلاقات بحتى حارس تمشي وتتخبى لمحت 5 رجال يحرسو في باب خرجت الكاسات اللولة تاع البنات خباتها بمهارة متجنبة انها تشوفها الكاميرا باش مايضيعش كلش هباءا منثورا في حالة اذا ما حكموها
طلعت في الصور اللي متوالها ولات فوق سطح ذاك المصنع بقات تمشي ع الحديدة بحذر باش تشوف وش يصرا الداخل حلت عينيها على وسعهم قلبها يخبط في 1000
لميس: مااايا!!
صورت لقطات كيفاه يضرب هاذاك الوحش في مايا وهي ضعيفة بين عشرات الرجال اللي دايرين بيها
الراجل : وينو الرئيس ؟؟
الراجل 2 : قال اتهلاو فيها هاذا وشش نعرفو ضك
لمحو ظل في الارض هزو عينيهم شافوها تصور فيهم عيط واحد منهم باش يحكموها اما هي ماخممت في حتى حاجة غار كيفاش تخبي الكاسات الثانية طيشاتو فوق السطح بعد ماثبتاتو في بلاصة بخفة مايشوفوهاش وضك مايهمهاش اذا حكموها قفلت سيرها ووبدات تزرب في مشيتها خايفة لا تطيح تشوف فيهم وراها كي الوحوش شافت التاقة صغيرة مقابلتها راحت تجري نحات لاحت كرطابلها هو اللول وزادت نص من جسمها لصقت ثم لحقو عليها وجبدوها عاطها وحد منهم كف قاوي خلا نيفها وفمها يسيلو بالدم وزادها الكف الثاني خلاها مرهوجة طاحت للارض شافت صحبتها في حالة كثرمنها تقوات على روحها وناضت تجري فكتها وهي تفرفط تضرب في الرجال اللي اعتارضوها مالقري قوتها ضعيفة ماتتقارنش بقوتهم كل تفكيرها في صحبتها وخلاص مزادوش ضربوها ولا حاولو يلمسوها جاتهم اوامر صارمة واحد مايمس شعرة منها بقاو جامدين في بلاصتهم بصح لميس كانت مزالها تجري وتعافر مع صحبتها وهي قريب تتغاشى
هوات مع صحبتها للارض كي طاحت بعد ماتلقات رصاصة في ظهرها
لميس:مااااااااااااايا
قلبها تحل دموعها طاحو فهاذيك الدقيقة يحرقو وهي تشوف في صحبتها طايحة في الارض جثة بلا رروح غارقة في دموماتها هبطت لمستواها تبكي جراو ليهم الحراس هاذوك اما هي كانت في عالم اوخر عقلها حبس من تفكير وقلبها تسارعو نبضاتو من الخوف ولات ترجف كيما راهي حطت يدها على فمها حالتها كانت كي المهبولة ماقدرتش حتى تمسها خافت تأذيها
لميس:م. م. م... م. مايا نوضي نوضي صحبتي هئ اهئ هئ نوووضي الله يسترك ماتخلعينيش عليك
هزت تيليفونها رايحة تعيطي للاسعاف تنفضت على يد تحطت على كتفها رجعت للخلف شافت راجل لابس لباس رسمي كيما اللي هجمو عليهم
الراجل : متخافيش كلش راح يكون لباس انستي هدي روحك برك ميش راح يصيبها مكروه
ناضت ليه شداتو من كول لكوستيم كانت كي المهبولة وجهها مبلول بدموعها والدم على وجهها ميش مبالية بلي هو رجل من مافيا كل همها صحبتها
لميس بالعياط : خطفتوها وقتلتوها وتجي تطمن فيا!! كلااااب كيفاش تديرو هااذ الأمور السوداء القتل عندكم ساهل لهاذ الدرجة
بقات تخبط فيه لصدرو بقوة وتبكي وتعيط : كون كشما يصرااالها مانسااامحكمش والله غار تخلصوها غالية يا كلااااب يا ***
سكتت كي لمحت رقبتو اللي موشومة بزوج كلمات اللولة بالإنجليزية "الشبح" وتحتها وشم اوخر بلغة مفهمتهاش
لميس : الشبح!! شكون نتووم يا مجرمين لاه درتو هكذا وش ذنبها هي انا اللي كنت نصور كان عليكم غار تزعكوها وتديو المعلومات اللي ديتها منكم علاه هاذي القسوة والوحشية كااملة ماعندكش ام. اخت. بنت تخاف عليها!!!.
دارت لصاحبتها زادت وتيرة بكاها كانت حالتها تقسم القلب ولاتلها الروح كي شافت لامبيلونس جاية وصلت في ظرف عشر دقايق برك الشي اللي تعجبت منو من عادتها تتأخر شي 20 دقيقة ولا نص ساعة!! هاذا وش كانت تفكر فيه قبل ماتطيح هي مستسلمة للظلام هاربة من الواقع تاعها
وقف ذاك الحارس باحترام بعد ماصونا التيليفون
الحارس : مرحبا سيدي!!!
ادم : اقسم بالله يا اليوم مانرحمكم كون درتو واجبكم تاع الصح ماصراش وش صرا
زرب ركب في الطيارة راجع للوس انجلوس وهو يغلي منرفز لاقصى درجة
الحارس : ذكية هربت منا بمهارة ماقدرناش نلحقوها عرفنا بلاصتها غار من صوت الطيحة القوي اعتذر سيدي
ادم : *** كيفاه رجال مافيا متدربين يتعاملو مع رجال مافيا تخدعهم طفلة صغيرررة !! اعتذاركم خليوه ليكم.... المافيا تاعنا هي اللي طلقت عليها الرصاصة
سقساه مالقري كان يشوف في كلش من الكاميرا
الحارس : لا سيدي حنا كنا كامل متجمعين مع بعض وبخصوص الآنسة اغمى عليها بعد ماتضربت
ادم بالعياط : اليوم ن*** شكون ال*** اللي تجرأ يمد يدو عليها اليوم موتكم كاامل اني جايكم
...... يتبع ❤️❤️❤️