غسق
بذلك البال الهارب بعيدا عني
الافكار المتضاربه والنيران المشتعلة
تلهب بين اضلعي
بذلك القدر الذي يفرض علي مواجهته لوحدي
تلك الاعين الي تجعلني نادمه حين النظر اليها
الخوف الذي يتسلل بين افكاري
هاربه من حياتي ليس بارادتي ب الفعل
فقط احاول اللجوء الي من يحتضنني
بعيدا عن مخاوف تلاحقني
بعيدا عن حظ عاثر اصبح متلازمتي
غسق...
مكالمات ابوي المتتاليه ماكدر اجاوب علي
ليش صفاء يلعب بكيفه ومحد يكدرله ليش وليش
انتي اكثر شخض ياغسق تعرفين ليش
ص
لان مايهمه شي مستعد يكتل بدون مبالاه
ماكدر حتى اذي ولا يكدر ابوي يسويله شي امي بين ايديه
ليش بس من عزيز يتردد
جانت هاي الافكار مسيطره علي
كاي رنه تلفون عبالي مكالمه ثانيه من ابوي رفعت التلفون بس جان مجرد رقم بدون اسم مامسيفته يمي
كل ظني امي فتحت المكالمه بدون تردد واني ناوية انهي علاقتي ويه امي ع الاخر
بس تخلل مسامعي صوت اخر
اخر شخص اتوقع اسمع صوته
_غسق حبيبت امها
_شتريد
_ههههه يعني شاريد منج مثلا شنو تتوقعين ترتاحين وتعيشين بال صافي على هاي سوايتج وياي بهذلتيني ب المحاكم والمستشفيات انت وهذا ال... مالتج الي مسويي نفسه ضابط
قويت نفسي مثل قبل واني احجي وياه لان شبعت من تهديده
_حرامات القبور ماتلفي امثالك ياعار حرامات الطلقه ماجتي بنص كلبك راح ابقه ادعي عليك لاخر عمري
_ههههه وكحه مايصيرلج حل المهم سمعي عدل ياترجعين تنطمين هنا يم امج يا تنسين ابوج وتصيرين يتيمه
_تهديدك نكعه واشرب مايه انت مايفيد بيك غير عزيز
_عزوز خوش طحتيلج بضابط موو اله احطه بمصيبه ماخلي يعرف ايده من رجله عود بعدين يعرف منو صفاء
سديت التلفون بوجهه اعصابي ترجف تعبانه
نسيت كل حديث دار بيناتنه اني وعزيز
_الوو عزيز
_ها غسق
_شوف دير بالك من صفاء عفيه يريد يطيحك بمشكله ماريد يصير بيك شي بسبيي
_هسه عليمن البجي اهدي حبيبتي
_عزيز عوف سوالفك وعوفني وانتبه من صفاء
_هيج تخافين علي من كل عقلج اني اخاف من هل حثاله صفاء ادوسه برجلي بس لخاطر ابوج ساكتله ماكدر اتصرف بكيفي وابوج يريد يهدي النفوس ويتبعد عن المشاكل
اني منا مفرفحه روحي وهو يحجي بهدوء وتبطر
_عزيز مو وكت حجيك كتلك صفاء خابرني ويهددني بيك وبابوي اذا مارجعلته
كال وكانو توا بدا يتسأل نفسه ليش خابرلته هسه
كال وهو يصيح كانو يلومني
_انتيييي شلوووون تجاووووبين تخبلتتتتتي تسدين المكاااالمه من اااامج تخابريييين صفاء
_لاتضل تخربط عزيز كتلك خابرني ماخابرته اني ماعندي شي وياك غير انبهك منه لان اعرف شنو صفاء
جاي احاجي واجتي اشعارات رسايل من صفاء فتحت الصور واني ع المكالمه نصدمت بصور ابوي عن قريب هناك ب البصره صورة ويه جدو والسلاح موجهه علي بمكان شغلهم نجنيت واني اشوف الصورة اغلط على صفاء بكلمات مافهمهن سديت اتصال عزيز وخابرته واني اغلط علي دايخه وارجف من الخوف
_عووود تستفززززني ب الصووووورة تهدددددني صفاااااء مووووو والللله العظييييم موتك على ايدددددي اصبرللللللي صفااااااء عباااااالك اخااااف لان امييييي بيييين ايييددددك ذليتنننني ومااااخفت منكككك طرررردتني وسوووووويت بيه العجبببببب بس عباااااالك هسه اسكت
اصيح علي بصوتي العالي واني فاقده مادري شنو احجي
شمرت التلفون حيل وعيوني مغوشه تلالي بيهن الدموع ابوي الي دفع الباب متفاجا من حالتي باوعتله ونهد حيلي حضنته حيل واني مامصدكه ابوي يمي اردد بصوت ناصي الصورة فبركه ابوي مابي شي
لم شعري من وجهي وهو يمسح بدموعي
_غسق منو وياج فهميني بوية ليش هيج حالتج
لزمت ايديه بين ايدي الي يرجفن امنعه يروح واني احجي بصوت عالي
_لاتروح بابا عفيه لاتروح صفاء يكتلك لاتطلع برا خليك يمي
عصر ايدي بايديه وهو يكعدني ويكعد يمي
_بس على كيفج مجاي افهمج احجي عدل غسق بس لاتبجين اهدي
رفعت راسي الجدو وعمامي واكفين ب الغرفه وهم مندهشين من حالتي
_صفاء توا خابر وظل يهددني بيك دزلي صوره الكم انت وجدو جنتو بمحل شعلكم وموجهه سلاحه عليكم جان سلاحه طالع ب الصورة والله بابا اني شفته لاتطلع عفيه
صاح عمو رافت على ابوي
_وووين هل كلب كاااعد بسسسس انطيني عنوانه
ابوي هز راسه بلا سكت
_حااااازم تخببببلت انت بااااع شلون مخووووف البنيه ضااال يسرررح بكيفه هناااك وانت منا تشتعل وتنطفي
_مراح تلكونه رافت لان سافر واخذ ام غسق وعائلته وطلعو
_حازم ياسفر شبيك انت غير سادين الحدود هسه
_اقصد مو بمحافظته مسافر غير محافظه
_بس انطيني رقم تلفونه
جر ابوي نفس وهو يكول
_صفاء مو غبي حتى يخابر من نفس الرقم اكيد هسه يكسر الشريحه عزيز حاول هواي يتبع جهازه بس بكل مره يفشل
_ماشي وين يفلت اجيبه اجيبه
كالها عمو وهو يصفك ايد بايد
التفت علي جدو وهو يكول
_بنيتي سمي ب الرحمان شيريد يسوي مثلا
_بس لاتخلون ابوي يطلع
_مقابل شنو ويعوفه
نقبض كلبي من كلمته حسيت راح ارجع اعيش الايام السودة العشتهم
_مقابل اروح يم امي
حازم _خيولي فارغ الله وكيلج
طلعو جدو وعمامي بعد ماتوعدو الصفاء ضليت كاعده بس انا وابوي ركضت ع التلفون بلكي احصل رقمه بس مثل ماكال ابوي اخابره وماكو الصورة جانت موجوده لان مجان اكو ب الواتساب خاصيه الحذف من الجميع
ابوي شاف الصورة تفاجا وهو يكول
_هاي يمته ماصار يومين شلون مالاحظته
_فبركه مو
_واضحه غسق فبركتيش
_لاتطلع عفيه خابر عزيز شوفه عفيه
_زحمه كل سالفه مدخلين الرجال بيها
_ميخالف بابا ولايصيرلك شي
_طمني بنيتي الحافظ الله
بجيت حيل من كالها فقدت اخر امل
حضني بس بكل مره احس هذا اخر مره احضنه بيها
دخلت عمه ميساء ورا ماسمعت الصار من عمو وهيه تحذر ابوي مايطلع ويشوفله حل بجت من شافتني ابجي وهيه تكول
_شوكت ترتاحين يابنيتي جبتي عمرج مشلوع كلبكم انتي وابوج الله لايسامح السبب
كالت كلمتها وطلعت وهيه تمسح عيونها لهل درجه حالتي تعبانه بحيث ضلت تبجي من شافتني
طلع ابوي واني عيني ع التلفون ماكدر اكسر كلام ابوي واخابرله وماكدر اعوف ابوي بنص هل مشاكل دزيتله الصورة الدازها صفاء
مجرد شافها خابرني
_هااي شوكت
_عزيز ابوي مايقبل حتى يكلك ادري هواي تعبناك بس ماعرف احد وماكدر التجا الاحد
_هسه عوفج من هل كلام ترا هذا شغلي
_توا دزهن محتارة حيل عزيز
_راح اخطبج وافقي اعرف شنو مطلب صفاء منج
سكتت من سمعت كلامه مو بحالة انهار مره ثانيه
_غسق وافقي
_تضمن الي سلامة ابوي
_ماتزوجج علمود سلامة ابوج اني اريدج كغسق توافقين بيه ابوج مثل كامل الي قدمه الكامل وبناته ماننساه
_الي تشوفه سوي المهم ابوي الله وياك
غلقت التلفون واني هادئة حيل بس الشهكه ملازمتني
كل ماغمض عيوني يجي بين عيوني صورة ضحكت ابوي
الي دفع الباب ودخل بيده صينيه اكل مبتسم ولا كانو شي كان صاح لشمس وجمانه محد بيهم اجت تاكل لان ماكلات
سديم...
بشائر الي مستغربه من وضعي وحدهن جمانه وشمس الي واكفات يمي يعرفن شكد جاي انقهر من داخلي
مسحت وجهي وابتسمت البشائر
_شبيكم ليش تبجين غسق ليش تبجي شصاير
كحيت علمود اكدر احجي من بلاعيمي المتجرحه
_ماكدر افاركج غسق شلون تتزوجين وتعوفيني انتي امي هيج اشوفج
دمعت عيونها وهيه تحضني
_هاي سنه الحياة سديم شنو بيدي بس انتي من مساع مالج خلك ليش ضايجه جنتي فرحانتلي اكثر مني
_هههه ماكو شي بشورة بس توا ستوعبت فتره قصيرة وراح تفارقينه
_لا شنو افاركج كل فتره يمج يلا كومي ننزل خلي البنات يرتاحن
صدكت بكلامي رغم جانت دموعي واحد من هذن الاسباب
نزلت وراها واني دايخه حيل من كد مابجيت
بعد تفكير طويل كدرت انام وامنع نفسي من انو اسأل على تميم او وين هو
ثاني يوم اجت مجموعه نسوان ورياجيل لخطوبه غسق وهنا جانت المفاجا من سألها عمو عن رايهه جانت موافقه ومايده بكلامها مراح تلكه احسن من الي تقدملها الضوجه بانت بوجه عمو حازم وهو يكلها
_ماتتزوجين هسه تكملين دراسة وتزوجي
_الي تشوفه المهم تردلهم موافقتي
_غسق صاير شي اعرفج انتي مو هيج
خديجه_عوفها يحازم هذا رايهه موش رايك الوليد اذا زين واخو كامل صديقك وامه درة مالت الله بعد ليش ماتوافق
_يمه اشوفها صغيره بعدهي مو زواج بهل عمر
_البنيات اصغر منها وتتزوج وتخلف وينها صغيره كول انا ماشبعت منها بس وين تروح كل فتره تجي يمك
_بس مو هسه خليها تتخرج بعد سنه وتتزوج
جانت ملامح غسق الطافيه وجهه الشاحب دليل على عدم فرحتها
كاعده يمهم ونقاشاتهم طويله مجان اكو فرحه بكلشي صار طلعت كوثر من غرفتها وهيه تباوعلي بكره مانسى سوايتها
من شكتت فستان الجبته الخطوبه بشائر ورا ماشفتها طالعه من غرفتنه ب الصدفه بس كدرت اجيب غيره
وكانو جاي تستغر نفسها وتفكيرها بتصرفتها وهيه انسانه بكامل وعيها
فززني من صفنتي عليها كلام عمو رافدبصوت عالي
_وين جنت تميم ليلك كله برا نخابرك ماترد وين رحت لو ماغيث كايللنه ب الكورنيش جا عبالي صارتلك مصيبه
_وين غيث راح لو بعده
رجعت للغرفه واني مابيه حيل حتى اسمع كلامهم جريت نفس بهدوء اصبر نفسي لازم تصبرين ماريد اخرب فرحه بشائر وهيه اخر ايام الها ويانه مرت ايام وضع البيت تمام هدوء اني الي ماطلع من الغرفه بحجت ادرس وفعلا ذبيت نفسي على الدراسه
فرحه نرجس بنجاحهه بدا دوام المدارس وبدت اسألة بشائر ليش تميم مايجي ليش تميم مختفي ليش تميم يطلع من الصبح مايرجع اله قليل للبيت شبيكم انتي وتميم ضلت تلح علي هواي ب الاسألة اجه تميم من دوامه وكالعاده يطلع بليل مايرجع اله تالي ليل الي مضوجني حتى مابادر يحاجيني وهو يوميه يسأل شمس علي من بعيد بدون ميحسسني
صبح واني ونرجس كاعدين علمود نروح مدرسه جان اول يوم مدرسه اخذت جنطتي بملل واني اكل النرجس
_بسرعه تريكي خنطلع
_ماتاكلين
_ما اشتهي
_باع وجهج شصاير بي من الضعف تريكي يمعوده لاتطيحين علينه
جنت كاعده على اعصابي ماعرف ليش من كلتلي لاتطيحين علينه حيل نرفزتني وتذكرت امي ايام قبل من ترزلني كل مره ع هذا الموضوع
عفتها ولبست جنطتي وعطلت برا انتظرها عافت ريوكها وطلعت وراي
_سديم شبيج صدك ضجتي
صيحت بوجهها واني افجر كلشي كاتمته بداخلي
_اذا خلصتي اكلللل نكدرررر نرووووح حضرتج
بانت الضوجه على ملامحها راحت تلبس حذائها جريت نفس متندمه من كلامي اجاني مصطفى يركض وهو يضحك
_اريد اروح للمدرسه مثلج
_حبيبي عمو تميم راح يسجلك انت ومرتضى
نرجس_امشي يلا
_نروح عبريه
كالت بدون ماتباوعلي وبتذمر
_يعني منو ياخذنه عباس وطلع لدوامه تميم نايم
طلع تميم وبيده مرتضى شايلة
_صباح الخير يحلوات
_صباح النور
_شبيكم ضايجين
كالها وهو يفتح بقفل السيارة
_كل المرتك مو يهو تشوفه كدامها تطلع حركتها بي من صباحيات الله
كالتها بغصه وصعدت للسيارة التفت علي عاقد حواجبه
_شبيها نرجس ليش مزعلتها
_اي اهم شي نرجس واخت نرجس منسية
_شبيج يروحي ليش هيج تعبانه اعصابج
_على اساس انت ماتعرف ليش لو هذا التجاهل عاجبك
لزمني من ايدي يريد يصعدني للسيارة فلتت ايدي منه واني اكله
_روحو انتو انا ماروح
_مو وكت عنادج سديم صعدي حتى خوانج ضاجو من شافوج هيج
صعدت بس على اعصابي
رجع خواني للبيت وصعد يسوق وصلنه التفت وهو يكول
_لاترجعون وحدكم انا اجي عليكم
_ودوامك
_ماطلع للدوام اليوم العصر يلا اروح
فتح محفظته وانطه النرجس فلوس واني حتى ماباوعلي
نزلت من السياره وطبكت الباب حيل نزل الجامه وهو يحجي بتذمر
_رجعي صعدي سديم
_ليش اصعد
_كتلج صعديييي
ضطريت اصعد من صوته العالي حتى حارس المدرسه ضل يباوعله التفت النرجس وهو يكلها
_نرجس سديم باجر تداوم اليوم تفرغت علمودها نزلي وانا اجي عليج
نزلت نرجس وحرك السياره ساكت ولا اني حجيت نزلني يم جنت عبالي راح نرجع للبيت بس نزلني بيت بنفس منطقه بيت جدو
_نزلي
_وين انزل بس لا تريد تعوفني هنا وتروح
_مخبلة والنبي مخبلة شعوفج بوية نزلي عليتي كلبي عل
نزلت من البيت وهو اخذ المفتاح من جيبه فتح الباب دخلت ورا واني مستغربه تصرفه اول مره اجي لهذا البيت
كعد ع المرجوحه ب الكراج وشبك ايديه ورا ركبته ساند راسه عليهن وهو يباوعلي بضحك هسه بمزاج ومساع بمزاج
_بوية انا كاتل اهلج بايك رجلج كاطع ليلة عرسج ماكل عشاج
_اي بقه بس هذن تسويهن ياويلك
_شسوي العشه شلون ابوكه ليلة عرسج شلون اكطعها جا شبيج كابله علي
_يعني شبيه
عدل كعدته وهو يجر نفس وتختفي ابتسامته
_تعالي سديم
كعدت يمه واني انتظره يملي الاسألة باجابة وينتهي كلشي متعبني
_شبيج بعد اميمتي
_ مابي شي
_ليش مالج خلك بعدج مانسيتي
_الوقت سبيل يطيب كلشي لاتشيل هم على هذا الموضوع
_بس انا شايل عليج لكلبي سديم تشوفيني شلون تعبان يوميه اكول هسه تجي تحاجيني وتطيب خاطري بس مادري هيج كلبج قاسي
_واني انتظرك تحاجيني وتبادر مو اله اني ابادر
_تقيسن المواضيع على هذا الاساس ناسية كلشي
_مادري تميم ردت فتره اشرد بيها من كل الافكار كل ماشوفك اتذكر كلشي صار وافكر باشياء ماريد افكر بيها
_مثل شنو
_مادري
_ماشي تدرين ليش احنه هنا
_لا
_طول هاي الفتره مانع اهلي يكللولج هذا بيتنه هاي الايام كلها تعبان بي ومالحك ارجع للبيت
فتحت عيوني متفاجا من كال بيتنه كزبر كل جسمي لاحظ خيط الدموع بعيوني واني اكله
_تشاقه وياي مو
كومني من مكاني وهو يفتح باب الهول انوب دخلني للمطبخ رغم جان بدون اثاث بس حيل حلو بس جان فارغ
دخلني الغرفه جان بيها بس سرير ابو النفر وغطه مخربط باكيتات جكاير مخلصه
طلع يبات هنا من يطلع من البيت واني احرك بروحي واكول وين
_هذا بيتنه بعد بيتي انتي
الغصه بلعومي ماكدر احجي حضني من ورا وهو يحط راسه يم راسي
_خلصي امتحانات وناثثه
حطيت ايدي على خده واني ابوسه من خده الثاني ضحك وهو يكول
_جا لو ادري جايبج هنا من قبل جنت ناوي اكمله اثاث يلا اجيبج بس ماتحملت اشوفج هيج تعبانه ردت شي يغير نفسيتج
بعدت ايديه من خصري واني احجي وياه
_طلعت مو هين تخوف مسوي كل هذا ومادري بشي
_صغير البيت مو
_يجنن مادخلك بافكارك المهم حبيته حيل
_ماطول هيج جا خنعرس وناثثه
حضنته من خصره وحطيت راسي على زنده
_اممم نعرس هسه مو كلت ورا سنه
_ماشوفج هناك هواي اريد كدام عيني على طول الوقت
_لا شوف بس هاي الكم شهر ادري اذا نعرس اهمل دراستي واني اريد انجح
شدني علي وهو يرفعني من الكاع
فتح حجابي بايده الثانيه وهو ينثر شعري
_خليني اتنفس مخنوك حيل
جان يتنفس بعمق من يم اذني كال بصوت هادئ
_خايف هاي الكم شهر ماتعدي على خير خايف ترحين من ايدي
حطيت ايدي ورا راسه واني متبنجه بايده حتى ماكدر افتح عيوني كلت بصعوبه
_لاتفكر بهاي الافكار انسه كلشي صارلك
اخذ شفايفي بين شفايفه بوسات متقطعه بعدت عنه اخذ نفس وهو ياخذني للسرير مستسلمه لكل حركاته ماكدر امنعه مني ولا اكدر امنع نفسي منه اريد قربه اريد انفاسه تختلط ويه انفاسي اريد دفو جسمه يلامسني لفيت ايدي على خصره وهو ياخذ شفايفي بين شفايفه بتعدت متوجعه ورا ماعض شفتي سند نفسه على تاج السرير واني مغمضه عيوني على صدره
رفع شعري من وجهي وهو يريد يبوسني مره ثانيه بتعدت عنه ماريد نندمج اكثر واحاول امنع نفسي منه باوعلي مستغرب من تصرفي
_سديم
_هممم
مسح باصبعه على شفتي وهو يبوس اصبعه
_خليني سديم
رجع يبوسني واني انافسي حابستها فتح سحاب الصدرية وهو يفتح دكم القميص احس بلمساته بس ماكدر احاجي وامنعه مني
قويت نفسي وبعدته مني واني ادكم قميصي
_ماشي لشوكت تضلين تمنعيني منج اروح اجيب ريوك واجي حضرت جنابج كاعده من الصبح تعاركين باختج مز خطية ترا فقيره نرجس طايحه بلسانج ماقبل عليها والله
عيديها وشوفي
رفعت راسي واني اباوعله يحاولل يحسسني كل تصرفاته طبيعيه وهو كوة فاتح عيونه
_ترا نرفزتني ورجعت نقهرت حيل لان هيج حاجيتها
_على شنو نرفزتج
عدلت كعدتي واني الم بشعري واعدل بملابسي وهو على وضعيته نايم
_قبل جان بيه فقر دم لان حيل اهمل اكلي لو ارجع من المدرسه الكه محد طابخ ومخلصيها عرايك وضع تعبان مالي واهس اكل مرات اكل بس حلويات جنت يغمى علي دوم امي تضل تعاركني بسبب هل موضوع جانت كلمتها المعتاده وين نوديج لو طحتي ماجانت تتفاهم وياي كله صياح هسه كلمه نرجس مثل كلمه امي
_ميخالف سديم قابل قصدها شي غير جانت خايفه عليج
_اعرف نرجس مو قصدها بس اني نفعلت لان انت جنت مضوجني
_شبيه بلا انا
_مادري ولا عبالك موجوده سديم ب البيت
_ملتهي حيل
_هسه فهمت
_امي خوما تتصادفون
_مخلصتها ب الغرفه ادرس تميم شلون نعيش هنا وحدنه اني متعوده ع الهوسه والبنات
قطع كلامي مكالمه عباس وتميم يجاوبه جان عباس يحجي بصياح وعصبيه كله تميم وين احنه وكال راح اجي سد التلفون وهو يكول
_اليوم عباس طابكات عنده اي حبيبي شنو تضوجين وحدج مو
_اي
_اخوانج يمنه نجيبهم تلتهين وياهم بشائر وراح تعرس بيتنه بنفس منطقه اهلي يوميه نروحلهم كل ماتضوج اميرة سديم بعد شتردين
_اويلي صرت اميره لا راح انغر
_انتي اميره عندي كلت اليوم اذا اعوفها هيج ضايجه تكتل خواتها
_شو انت غزلك مكسر تميم جنت تبات هنا
_جا وين اروح مرتي ماتريد اجي للبيت اجي هنا اكابل حيطان
_سودة علي الي يسمعك يصدكك
دك الباب عباس وتميم راح فتحه اله لبست حجابي واني ارتب نفسي طلعت يمهم على اثر صياحه ب الهول
_بكييييف اااامي تميم انا اريدها ياخي البنيه احبها واريد اتزوجها شراح تسوي الامي واذا مو بنت اختها تبقى بنت خالتي
_تدري بعمه ميساء من قبل بعد ليش هذا الحجي الزايد
_خوية لاتزودها علي ترا والله اهج من الدنيا
_شسويلك عباس راح تعيد نفس اسطوانه قبل ترجع تصيح وتعارك ومن توصل للخطوبه ماتصير شلون تروح تخطبها وحدك لا ابوك ولا امك ترا ماراهمه شتكول الاهل البنيه
كعد عباس ب الكاع مدنك راسه
_تميم تعبت حتى بست ايدهم وراسهم بس علمود يقبلون شبيها جوري تشوف بيها شي تستحق اهلي يرفضوها
_لا والله خوش بنيه بس بعد ماتعرف عمي يدور عائلة قبل لايدور بنيه عمه ميساء متخبلة عبالها من راح تاخذ جوري راح تعوفها
_شوفلي حل تميم حاجيهم صخمهم مابقه هيج انا
_ولا يهمك اخوي احاجيهم اليوم
هاي يجوز ثاني مره اشوف عباس هيج منهار ومثل الفاقد مره باستشهاد حسين وهسه مثل حالته قبل رفع راسه وهو يشوفني واكفه ب الباب ويباوع التميم
_ها تميم بدينه مو بعد وكت
_سالفه حليانها خوما اروح هناك نتعارك كدامهم
_اي مبينين صار فتره مطنكرين
_لو تعدل مصطلحاتك بعد اخوك انت ليش لسانك فالت
_دخليني ساكت المن جايب البنيه هسه سديم والله مال اروح افتن عليج واكل للمديره طالبتج طالعه بيت وحدهم ويه حبيبها
_دكعد واسكت هاي حالتك ومامستقر روح جيبلنه ريوك علمود احاجيهم لخاطرك
_استغفرالله حاجيهم وفكني طلبات الماتخلص
_شعندك عايف دوامك
_غير امي شعلت جد جدي تخابرني بدون سبب تكلي خلي البنيه تشوف حياتها وتتزوج لاتاملها بزواج امشو نرجع للبيت تميم عوف الريوك
باوعلي تميم ومبين شكد ضايج على وضع عباي اخذ السويج من الغرفه وشال جنطتي وطلعنه وعباس راح بسيارته
وصلنه للبيت جانو كلهم كاعدين تفاجاة بكلام بيبي وهيه تكول مبتسمه
_وحده ورا الثانيه نخطبتن اليوم خطوبة غسق حتى مالحكت اشبع منجن قبل لا اموت
يتبع....