قبل ماتبداو ديرو فوط وكي تخلصو ماتنساوش تخليو تعليق
ايفان : وشبيك؟؟ صافا لميس ؟
لميس بهمس: ك...ك.كيفاه يعرف اسمي
رمشت مرتين بصدمة و بعدت عينيها من عينيه خايفة من لونهم
ادم وهو يلعب بكاس الما يدور فيه بين يديه : وش كاين سيد ايفان تعرفها؟؟
ايفان وهو يشوف فيها:ههههه وي المرة اللي فاتت قلبت الحالة في Centre commercial تاعي
تبسمت ابتسامة خفيفة باحراج كي تفكرت ذاك اليوم
لميس : اعذروني نروح نجيب طلبكم
شافت في ادم بسرعة وجسمها يرجف من نظراتو اللي ماعرفتش تفسرهم اما هو كان يشوف في وجهها اللي اصفر وعينيها ذبلانين توله لستيل شعرها الجديد الشوشة زادتها جمال على جمال بينتها طفلة صغيييرة لاحظ شعرها اللي نقص كان يوصل لكتفها رجع يغطي رقبتها وبس نهار تولي ليه مستحيل يخليها تقصو ولاتصبغو
___________________________
مايا : هبلللللتي ؟؟؟ حماااارة ماتعرفيش تسكتي ؟ ماتعرفيش تحكمي ذااك الفم!!! المدير راح يكلاطي علاابلك ؟ ضك يزعكك هاذ المرة مافيهاش
ضربتها بقوة لراسها تعاتب فيها
لميس : افففف مايا ماتضربينيش والله ماني قادرة مريضة خلاص مانيش خايفة من القرد هاذاك يدز معاهم اخر همي
ملات الطلبية على الطباخ اللي كان يضحك عليها وقعدت بعدها عيانة حطت راسها على الطاولة وجهها اصفر مبينة من بعيد بلي مريضة قعدت مايا مقابلتها بنفس وضعيتها
مايا : لميس نحوس نصارحك لقيت سبق صحافي اذا جبتو ننجح بسرعة
لميس : هاااه ومالا لاه مزلت نشوف وجه الكلبة متوالي روحي ونفذييه
حطت بعدها يدها على كرشها تضغط عليها تخفف في الوجع ميش قادرة
مايا : الصراحة هو السبق خطيير خاطر يتعلق بالامور السوداء لوحد المافيات وهاذا الشي ميش مطمنني
لميس بانفعال بعد ماتفكرت سائق التاكسي وصحابو
لميس : اخطييك منو المافيا ميش حاجة ساهلة ماتديريهش وماتخمميش تديريه خاطر نقتتلك حوسي على غيررو
مايا : يااا لاه انفجرت هكذا انا مانديريوش حياتي عزيزة عليا
ناضت مايا وبالها يخمم في عايلتها اللي في ازمة مالية وحالتهم حالة ياربي يلقاو وش يوكلو ومكانش حل من غيرر هاذ السبق اللي راح تكسب من وراه الملايين
______________________________
زاكي :يارا اني بعثتلك بيي طيارة للوس انجلوس توحشتتك واخيرا رايح نشوفك
يارا : وش راك تقوول؟ مانقدرش نسافر وما عنديش الوقت اصلا باش نسافر لاه تشري فيها وهي غالية بلاما تسقسيني
زاكي : يااااا ا نا دفعت نص صوااردي للتذكرة كون ماتجيش نكسرلك ذاك الراس ونمدها لصديقة اخرى
يارا : ههههه ياااضك نجي كنت نتمسخر برك انتا تصدق ثمثم
زاكي:خلعتيني ايا باي غدوة نتلاقاو مالااني متتحممس عندي حاجة نقولهالك
.........................يارا : وشنهي ه
يارا : فصل الخط هاذ الحمار افففف ياربببي ضك يتخلى عليا بعد مايشوفني في الكرسي بصح ميش راح نزيد نكذب عليه بعد هاذ السنين كامل لازم نصارحو
تنهدت بحزن وعيطت لخدامتها توجدلها فاليزتها
------------------------------------
مايا : وي مسيو سامر وصل الحارس تاعك وسلملي المبلغ ماارسي بزااف كي وفرتلي هاذي الوظيفة راح نحاول ندي السبق هاذا بأي طريقة باش نقبلك خيررك انقذت عايلتي من التشرد بسبتك
كانت مايا تهدر في التيليفون وهي في غاية السعادة وبالصدفة كانت لميس فايتة من ثم سمعت نص كلامها ولات للخلف بصدمة
لميس : ماشي قالت دونجي مانروحش؟ لاه كذبت عليا
دخلت عليها كأنها ماسمعت والو
لميس: مايا اكي مروحة ؟؟ انا عندي ساعتين اضافية عقوبة
مايا : شه تستاهلي باش ماتزيديش تعاوديها انا مشغولة اليوم كون عاونتك والله وبلاك نجي روطار للدار ماتستناينيش
لميس : امممم مانيش محتاجاتك اصلا
ضحكت مايا وعطاتها بظهر تنحي في الطابلية داتلها لميس تيليفونها بلاما تحس وخرجت وغلقت الباب وراها مخلية مايا تخبط في الباب
مايا : لميييييس حليييي البااااااب لمييييس
_______________
في وسط ذيك الطيارة اللي متوجهة لموسكو قاعد يشوف في تحركاتها ماعرفش وش بيها تجري بالزربة
ادم للحارس : كشما كاين مشكل؟؟
الحارس : ماوصلني حتى تقرير بخصوص هذا سيدي
ادم: مالا صورو كل حركاتها بطائرة التصوير بلاما تحس
الحارس : حاضر سيدي
راح الحارس ينفذ وش قالو اما هو حط يدو يمسح في لحيتو
ادم : لاه راحت لدارها؟
-----------------------------
لميس : اقسم بالله ننكسر راس هاذا اللي يعرض في حياة صحبتي للخطر استنا برك نروح نجيبلها هاذا السبق ونعرفك شكون نتا
هزت كاميرتها وكل وش تحتاج للتصوير حطتهم في كرطابلها دارت كسكيطتها وخرجت لوجهتها في هاذاك الوقت حلت مايا الباب وبلاما تخمم راحت ديراكت للبلاصة اللي كان مكتوب عنوانها في الرسالة في بالها لميس سبقتها لثم
تبسم لوخر ابتسامة عريضة خبيثة وهو يشوف في مايا خارجة من المطعم تجري قفل البيسي تاعو بعد ماتأكد بلي راحت للبلاصة ذيك وعيط للحارس تاعو خبرو باش يخبر ذيك المافيا اللي صحافي متوجه ليهم
سامر : ضك نشوفك يا بنتي العاقة كيفاش تجي لبابي وتترجايني نتي هي ورقتي الرابحة
-----------------------------------------
هبطت الطيارة الخاصة في المطار تاع قصرهم قفل البيسي تاعو وحطو على الطاولة بجنبو بعد ماشاف اخر مرة تحركاتها خرجت من الدار تجري ماستغربش من هاذا الشي لاه من وكتا لميس تخرج بهدوء كيما باقي البنات .... خرج من طيارتو بشموخ ورجولة رخف الكرافات تاعو شوي وهو يتفحص في البلاصة حولو خرجو كل الخدم يستقبلوه حط لينات تاعو ومشا للقصر وكل الخدم مهبطين روسهم
قابلاتو اختو بوجه غاضب منرفزة منو مدية موقف منو هبط لمستواها وسلم على راسها محضنها بقوة
ادم : توحشتتك بزاف صغرونة وش راكي؟؟
يارا : ماتهدرش معايا نتا خانقني هنا تقول بنت 5 سنين حبس معاملة الاولاد الصغار اني كبيرة نظن متوحشتتكش انا
قرصها بخفة وهدر معاها بحدة عكس اللطف والحنانة اللي كان يهدر بيها من شوي
ادم : سمعت بلي ماكيش تروحي لحصص ترويضك تخالفي في كلامي يخي؟؟
يارا بخوف وتوتر : اا..ا.دم انا.. ب
ادم : مبعدا نهدرو نتفاهمو عليها وين راهي يما وبابا ماستقبلونيش
يارا : ام الداخل
هزلها راسو بايه وحكم الكرسي تاعها يجر فيها
يارا :ا ..ادم
ادم : امم وش تحوس صغرونتي
يارا : اععع حبس ماينسبكش هاذا الدلع يا شبح كون يشوفك رجالك ينتحرو مايأمنوش
ادم بجدية:اني نسمع
يارا :ادم انا..ن ...
ادم :اهدري وماتحاوليش تكذبي الظاهر انك تحوسي تكذبي
هدر ببرود وهو علابالو وش تحوس تخبرو ويتمنى ماتكذبش عليه خاطر كون تديرها يقتلها اكره حاجة عندو الكذب والكذب تأففت وشافت في يديها اللي كانو يرجفو بتوتر علابالها بلي علابالو ومالازمش تكذب عليه بخصوص ملاقاة زاكي مالغري علابالها ومتأكدة بلي ميش راح يقبل
يارا : نحوس نسافر للوس انجلوس نتلاقا مع صديق ليا
شاف فيها ادم بحدة وحبس الكرسي يشوف في عينيها مباشرة كانت بزااف متوترة وخايفة
ادم بحدة: مالا كبرتي وليتي تكوني صداقات واللخرة صديق ماشي حتى صديقة !!!!
بدات تتلعثم في الهدرة وتجمعو الدموع في عينيها
يارا: اسمحللي خويا ..... والله غار مجرد امي برك نتلاقا بيه دقايق برك وميش راح نمانع اذا بعثت رجالك معايا نشوفو برك خاطر كان يقرا في جامعتنا ومبعد انتقل لثم
شاف فيها ادم بخزرة تقتل هبطت عينيها بخوف ندمت اللي قاتلو علابالها ضك يعاقبها على هاذا وميش رايح يفوتهالها
ادم : تقابليه لعشر دقايق برك لازيادة عليهم لا نقصان
شافت فيه بصدمة ميش مصدقة الي تسمع فيه
يارا : ادم صصح ؟؟ خليتني ؟
شاف فيها بابتسامة وكمل يدفع فيها : وي كمكافئة كي ماكذبتيش عليا بصح راح تكون اخر مرة نسمحلك تهدري مع الرجال
..........يتبع ♥♥♥