᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
-اغصان يتيمة-
الكاتبة وَرْد حيدر
قبل كلشي لتنسون التصويت + التعليق بين الفقرات + متابعة الحساب
يگــــٓـꪆل?
مِثل چيله بحرب ماتدري وين تطيح .
᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
الغصن ١٧ :-
گاعد احجي جان يندفع عليه الباب تسللت عيوني تجاه الباب شفتة اخوية حسام والاتبينلي جان سامع گلشي فاك حلكة مصدوم وجاحض عيونة عليه
اصابع ايدي بدت تتراجف التلفون بدة يتحرك مـטּ ؏ اذاني تبنجت بمكاني عيوني علية مصتگة اطرافي بردت صرت اجر النفس بثكل واني اشوفة يتقدم تجاهي خطوة تلو الاخرآ
كل خطوة تحمل نضرة جبروتية صارمة متركزة بعمق عيني حاولت انزل التلفون رفع اصبعة السبابة بتهديد اسمع صوت عراد يحجي بستهتار
::- لاتخنسين لاجرج بحلك
بلعمت بلعابي صارت عيوني تتلاقط بين المگان عليت نبرتي احاول اسمعة وفهمة منو يمي
::- ها حسام اخوية حبيبي گول
صار صوت حركة بلتلفون گانة صوت هرولة اباوعلة صار گدامي مد ايدة من يم اذاني جر التلفون ويباوعلي بعيون تجدح بلعت ريگي خايفة مهضومة گمت اكل بروحي جنت مسجلة رقم عراد باسمة علثقة كاتبتة
" النقيب عراد "
رفع التلفون خلاه ؏ اذانة وحجة بنبرة جامحة مريبة تجمع بين القسوة والرعب
حسام :- منو انتَ؟ الوو جاوبني مو جاي احجي ويااك
بقيت اتراجف اباوعلة كلساع يحول التلفون ؏ آذان ويصيح منو انتَ؟! والتلفون تضوي شاشتة گلبي راد يوگف خفت لايقرة الاسم بس جان مامركز كل الجان ايهمة يعرفة منو؟! يريدة يجاوبة يسمع صوتة
بلحضة غضب ومحاولاتة لتحويل التلفون الاذن واخرآ ضغطت اذانة مكبر الصوت عصرت ايدي وغمضت كرر نبرتة
::- منووووووو انتَ جاوبني للككك
وجان انصعق بنبرة انثوية متمگنة جانت ناعمة وممزوجة بدلع
ذنب :- عفية منو انتَ وين ليال خرعُتنة
رفع تك حاجب وصار يباوعلي بنضرة شك جان ممقتنع من النبرة الجان يسمعها كمل كلامة
::- شهلتدخل ! شلون هيجِ تاخُذ التلفون متستُحي بالله دنحجي بشغلات نسائية موعيب عليك تسمعها؟! مرلوووخ لصير حُشري تُمام؟!
بدة يهز براسة ويبتسم بوجهي وگانة يلمحلي ممصدك وان الجاي يسمعة مجرد مسرحية للخلاص لا اكثر
::- خلصت؟ لو رجال وفعلاً طالع من ضهر رجال جان حجيت بصوتك مو تستخنث ووتنعوص بصوت مرة تحسبني زوج اصدكك هيج علطاير ياحضييينة
::- عفية انجب
هز ايدة منتچي بيسارة ؏ الحايط عفس شفتة متقزز
::- بس واضحة التربية وطياح الحض
::- انجب داكُلك
::- خنيث ضل تنعوص يصير خير انشاء الله
اباوعله وجهه محتقن عصبية يغمض بثكل يريح عيونة ويفتح عصر التلفون بيده حيل وطشرة بلگاع گلبي وگع شفتة زفر بقوة مبين مفول عصبيه وضوجه فرك وجهه وگال بصيغة نتر وعيونة مركزهن علية
::- ويامن چنتي تحجين؟!
همست بصوت واهن
::- ويه صديقتي
مضيگ عيونه ومثبتهن عليه تقدم لداخل الغرفة واني رجعت بحافت الجرباية صرت لزك بلحايط مد ايدة لوة ايدي وكسر جف ايدي بلعكس روحي شاغت كتمت عبرتي بيدي خنگتها حيل رفع عينة صارت بعيني خزرني
::- جاوبيني منو هاذ وشعدة يحجي وياج بنص اليل
بلعمت بعبرتي دگات گلبي احسهن خرخشن صدري بلعت ريگي ومثلت البرود والقوة
::- شبيك حسام صديقتي ياهو الحاجية ويااه انِ؟!
قبض ايدة اكثر فوك جف ايدي احس عضامي نطبگن صار عضم لازك بعضم تقرب گز ؏ سنونة اكثر ونترر بحس يلفح بوجهي
::- صديقتج وتگليلها شو صاير مستخف وستهتارك فد مرة صاير؟! صديقتج وتگليلها سوالفك تعبانة؟! جاوبيني صديقتج وتگليلها غصبن عليك اني شريفة؟!
بهت وجهي ملامحي بادت طلع سامع كلشي صرت اخذ نفس وذبة نار وشتعلت بية جمعت قوتي وگلت
::- احنة ذابين وياها ميانة وهاية ميانتنة هية المسترجلة بلشلة ونصيحلها جبار ونحاجيها بصيغة ولد كلش طبيعي اكلها صباح الخير شلونك جبار كل شلة بيها هيج حتة الولد شبيك حسام فشلتني كدام البنية شنو ماعندك ثقة بية؟!
رخة ايدة من جف ايدي وعدل كعدتة يباوعلي بنضرة ماعرف افسرها سحبها من يمي حط ايدة بحضنة يفرك ايد بيد باوعلي وحط عينة بعيني وگال
::- ليال لاتستغبيني اني ولد وعرف بسوالف الولد من يلگفونة بسرعة يغير صوتة حتة لاتصير مشاكل للابنية وينقطع تواصلة وياها
::- اي مو اني شلوني ؏ حوري وشگار رموشي يغيرون صوتهم علية الله وكيلك جلحة ملحة محد يباوع بجهرتي لا من گريب ولا بعيد اطمأنّ
::- ليال ماريدج تطيحين من عيني ، ولد الحرام هواي وبكل مكان هدفهم يستغلون بنات الناس يجونهن من باب احبج وريدج ويلعب بعقلها يخليها محبس بين اصابعة شيطلب يتنفذ ماريدج توگعين بهلغلط اگدر اضربج اكتلج كلشي اگدر اسوي بس اني ارييد انصحج افهمج ووضحلج صورة هلطريق العتم واليصير بية ياما بنات اخذو صورهم وهددوهن خلوهن بيدهن يكتلن نفسهن ياما نشرو صورهن وفضحوهن الضرب عمرة مافاد نصحتج مرة مرة ثانية يصير غير شي
::- شبيك حسام غير ابنية هيه
عقد حواجبة وباوعلي معاجبة الوضع
::- مو ابنية لاتحاولين هلنوعية دارسهم زين وخابزهم بيدي عدل اعرفهم بادق تفاصيلهم ويايَ جماعة وشباب تخابر وهاذ اليصير مـטּ ينلگفون اني مو قشمر اخيج مفتش بلبن بعد روحي
حمحمت غمضت عيني تنفست حجيت بصوت ناصي وهاادددئ
::- الهل درجة ماعندك ثقة بختك؟!
::- الدنية صارت تخوف صار الواحد بروحة مايثق الحرص واجب ، اباوعلة گام اندار راح للتلفون مد ايدة خلفة سحب الباب مالة ضربة بگف ايدة طاحت البطارية خلة اضفرة ؏ الشريحة سحبها لزمها خلاها بين اسنونة كسرها وبين اصابعة صار يلوي بيها تقرب ذب علية التلفون ويردف بخفوت
::- كل خط بعد مايصير عندج
لزمت التلفون ولدمعة جامدة بعيني حجيت ولعبرة خانگتني
::- هايَ شسويت؟! ليش كسرت الخط حسام ليششش رقم ياقوتة وحساباتها كلها بلتلفون اني ماحفضضض ليش هيج سويتتتت
شفتة يباوع للتلفون راد ياخذة شاف الشاشة مفطرة عبالة عطل عافني وطلع من الغرفة ، جلبت بلتلفون دموعي صارت تنزل رقمي قديم بي خدمات احبة حتة جانت ارقامة سهلة بسرعة تنحفض گمت بسرعة للباب قفلتة ورجعت للجرباية شكلت البطارية وگعدت احاول بيه اريدة يشتغل الشاشة مليانه فطور مسحتها وبقيت ضاغطة ؏ الدگمة اشتغل روحي فرفحت اشتغل بس لمسة جان ثگيل ولشاشة كلشي ماشوف منها الفطور مغطيتها ماجنت لازگتلة شاشة حماية لان اعرف بروحي مداريتة مستحيل اشمرة هيجِ شمرة
دخلت للاستديو اباوع اكو صورة الية فتحتها كلشي ماشوف من وجهي لفطور مخربتها بجيت بحرگة مو على حالي لا!! ؏ "التلفون" دخلت لوحة الاتصال جانت موجودة الارقام والمكالمات محفوضة طلعت ورقة وقلم ونقلت جم رقم احتاجة بالف يالله گدرت انقلهن نداريت ضميتهن جوة الدوشگ مال الجرباية عدلت المخدة فوكهن وتمددت دموعي تنزل
الهدوئ جان سيد سرحت بدوامة تفكيري وصوتي الداخلي الجان يرعد شهگاتي المتعالي وعصابي الترجف شوية وجان يندك الباب مسحت وجهي بردان التشيرت وگمت فتحتة شفت مهيرة وبثينة دخلن ساحباتني بيدهن گعدن وخلني بيناتهن وحدة ؏ يميني وحدة ؏ يساري وجوهن باهتة مصوفرة جلبت بية بثينة وگالت
::- شبي حسام وياج شكو شو نزل يصيح ؏ مهيرة يكلها اياج اشوف تلفونج بيد ليال وتخابر منج اگلب الدنية فوك راسج
غمضت ابلع بريگي محتقنة قهر
::- لگفني احجي وية عراد
مهيرة :- صديق الملازم عابس؟!
هزيت راسي
::- اي
عقدت حواجبي باوعت الجهت مهيرة متسائلة
بثينة:- منو هاذ منين تعرفينة؟
::- هاذ ساعدنة من انخطفنة ذيج المرة وليال بس تغلط علية شلون حجت وياه هسة مادري
اباوع البثينة عيونها صارت بلطول كلشي مامفتهمة كملت كلامي مبلعمة بحس يرجف حجيت
ليال :- قبل كم يوم اعتقلو زميل وياية بلگلية خابرني مهند صديقي يشگي يگول اختة واصلة للموت واني من حلاوت روحي خابرت النقيب عراد وطلع هوة معتقلة ذليت روحي بس اتوسل بية اريدة يفرج عنة علمود اختة گلبي نمرد عليها جان بنص المكالمة يفوت علية حسام جر مني التلفون سواه وصل بنص الكاع هاج باعي الشاشة مردها مرد طيح بلسيمكارت كسرة حاسني حوس هجمني هجم لامن اكدر احجي ولا من اگدر ابرر نلصمتتت لصم
جحضت عيونها بثينة وأردفت بحس هامس
::- سامعة بهاذ ليجيب المصايب لروحة هاذ انتِ هسة انتِ شعليج بصديقج انسجن ماعندة اهل يدفعون كفالتة ويطلعونة؟! زينية من هسة سويتي عليج سالفة لا ؏ البال ولا ؏ الخاطر ديالله شيخلصج من حسام بعد
::- چاا شسوي اخلي يشبعونة صوندات خطية اختة زغيرة واصلة للموت متعلقة بية بلقليل الكفالة خير مـטּ الله اني گلت اطلعة بدون هاية الدوخة كلها
::- تجيبين الشبها الروحج هسة هايَ هم سالفة وتتسولف ولله حتة ماتتسولف تلگينة اخذ عليج نضرة مال مصاحبة ولگفج
::- مادري شسوي هسة منين ادبر سيمكارت؟! ،نداريت، مهيرة انطيني تلفونج اخابر ورجعة دقيقتين بس
قدمت تلفونها وجان تنز من مگانها بثينة
::- لا ليال كتلج اول مانزل گام يصيح ؏ مهيرة
هديت من ايدي التلفون وجان اطگ بجي حاوطتني ايدين ناعمة احتضنتني باوعت مهيرة حضنتها وصرت اشهك بحضنها تردد بحس ناصي قرب اذني
::- بسج ياعيني تكبرين وتصير سوالف
::- كسر سيمكارتي ترضينهااا
همست بذاني بحس ناصي
::- ميخالف خابري مني كلشي ولا هلعيون الحلوة اشوفها تبجي
حضنتها حيل ودموعي تزخ ندفع الباب نزيت من مگاني مخروعة شفتة حسام جلبت بمهيرة حيل نتر بيهن يطلعن بقيت بوحدي مد ايدة طفة الضوة طبك الباب وطلع اسمعة يگل المهيرة وين تلفونج وهية تگلة هاذ عبالة انطتة الية وراح اخابر
غمضت روحي مختنگة مذهولة مهضومة اريد تعدي هليلة ؏ خير عشتو عود اني طب مدري راح ارسب شوكت الحك ممداومة غير يومين بس وباچر هم ماراح اداوم لازم انفذ الرادة ابو المحارم حتة يفرج عن خنجر ، بعد تراطمات داخلية غفيت .
للصبح كعدت متكسرة عكست عيوني ؏ الساعة ب ١١ بعد ساعة ؏ الدوام اسمع صوت برة زفرت اهوو عفراء رجعت من اهلها صوتها يجعر ليكول مطي صايم نزلت بسرعة امشطهم بعيوني شفت نفس الروتين مهيرة وبثينة ينضفن وهية گاعدة ؏ القنفة مددة ابنها وتحفض بية وابوي گاعد رگبة وگسر كدامها ويصيح صبولي چاي مالمحت حسام مبين طالع ومؤيد كذالك ماموجود صعدت بسرعة فگيت الكنتور طلعت الملابس العزلتهن لبستهن بسرعة
اباوع لكفشتي ماتتسولف شغلت الگاوية سحبت گذلتي ليشوفني يكول شحلاتها ام كذيلة تتطاير مايدري بزيج تطير رتبت وجهي كحيلة حميرة طحين تمن خبز يابس كلشي اشوفة كدامي احطة نداريت طلعتلي شال شمرتة منا ومنا شعري طالع من گدام لبست جنطتي وتقصدت اخذ وياية التلفون ردت اطلع جلبت بلعطر بخبخت بية باوعت الروحي بنضرة مرضية ونزلت
طلعت مستعجلة مسوية روحي متأخرة وامشي بسرعة وعود افتح بلجنطة ومخبوصة حتة ابوي ماينتبة الوجهي ومايوگفني لو يعلق ؏ شي بية واصيح رايحة اتأخررت بايي باااي
طلعت بلباب انتضر الخط انشتلت نص ساعة لمحتة اجة صعدت بسرعة نداريت سلمت
::- ها كرار وتر شلونكم
جاوبني كرار مبتسم
::- ولله ابخير انتِ شلونج؟!
::- الحمد لله
هز راسة صعد الجامة عدل كعدتة وگال
::- البارحة نسحل زميلج من باب الگلية
::- خنجر غير؟
::- مادري بس هاذ الدائمن يجيج من نگعد بلكافترية
::- اي هوة خنجر هاذ
::- مبين فقير خوش ولد هوة مايستاهل الدگ الاگله
::- شنو نضرب؟!
::- گولي نمرد
::- گول غيرها
::- اي ولله
التفت ندس صاحبة وتر بجتفة وگالة شفت شسوو بية؟ جاوبة مكزبر
::- طاحولة تشريب
ابتسم محتقن يريد يضحك
::- انتَ مبين مامتغدي بعدك
::- ابد ولله هية بيضة سلك بدون ملح
::- يالله عود بليل مرلي اعشيك على احسابي
::- غير التگة ولمعلاك فلا اقبل
::- ادري شعدك مزة خو ما مززة ههههههه
ضحك وباوعلي مكمل كلامة
::- لزموة ثلاث ضباط واحد جتفة ولثاني لاوي فچة بيدة ولثالث بيدة عودة شيط روحة محد گدر يتدخل همة الدولة بين قوسين حكم القوي ؏ الضعيف
::- زين معرفت شسوة؟!
::- مامسوي شي توة نزل من السيارتة سلم علينة راد يدخل اثاري منطور من الباب استلموة
::- هية هايَ دولتنة عايفة اليخمط بلفلوس وجاية للفقير تحوشة حوش من بين خلك الله تلزمة وتبيع بطولات براسه
::- الله كريم مهمى مسوي ماتسوة ينضرب هيجِ ضرب كدام العالم اثلاثة ؏ واحد حتة الله مايرضاها
::- جبناء
هز راسة يعدل بلملازم مالتة رجع باوعلي وگال
::- شعجب ماداومتي البارحة؟
::- علمود خطوبت اختي ونخبصت اساعد وتدري ناس ومعازيم خبصة تصير
::- هم صح بس لاتتهاونين انتِ طب المفروض كل وقتج اتبذلي الدراستج
::- انشاء الله راح اشد حيلي
::- تتندمين وعلي اذا عدتي سنة اخذيها من مجرب عدت وطاح حضي
::- ليش عدت؟!
::- ولله صارت ضروف وتهاونت بدراستي تقريباً الشهر ماحضر بية غير سبوع واحد
::- شنو السبب؟!
::- اشتغلت تدرين الولد يختلف عن الابنية لگمتة اذا من غيرة شوية هضيمة مو نوب يتعير بيها!
::- يعني تعيرت بلگمة
جر نفس زفرة حيل تكتف وجهه مرسومة علية ابتسامة باهتة
::- شوفي اني ابوي متوفي من حرب ايران جان وية الجيش وستشهد بايران ليومج مالاگين جثتة حتة گبر مالة
هزيت راسي ناصتة بمسامي الى كمل كلامة
::- ف وراه بسنتين جانت امي مضروبة بجلطة نضربت بلثانية وگبل لحگتة ، قبل على عهد ابوي جان مداريها المعلاك والعصير يهتم بصحتها وراها من توفة نهملت اخوي الجبير ضل يحجي بلورث وكلساع يگلها نسوانة راح يترگنة نريد الورث خل نبيع البيت ومن هاذ الحجي ف المرة تعبت من القهر ولضيم نضربت بجلطة وتوفت وتمنيت لاحگها
::- ليش اسم الله يمعود الموت حق الله يرحمها وييرحم والدك
::- يرحم موتاج
وراها نباع البيت وتقسم عليهم اني جنت زغير خاطوني خوط گالو مايصير ننطية ورث قبل السن القانوني يعني لازم ١٨ يالله استلمة گالو جيبة نشتريلك بيت بسبع قصور ياريتة يسوة جان بيت اخوي نطيتة فلوسي البيت مليوم مايسوة مليان رطوبة وغرگان ماي اخذو مني ١٦ مليون رحت اريد اعيش بية البيت مو مال عيشة حتة كهرباء ماكو مجطلين ؏ الجيران الحيطان تنتل كلها رجعت يم اخوي الجبير بيتة هوة وزوجتة نفسة الشتريت منة البيت بقيت يمة
هزيت راسي كمل كلامة مدنگ يحك بضفرة
::- گمت اتعير بلگمة نومتي مامرتاح بيها مرتة اذا غسلتلي قميص تگلب الدنية كفيلج العباس الگاع گلها طين اتخطف منها تخطف ؏ اصابعي امشي خاف اتدمر اسمع اخوي يگل المرتة بزعية خلية يطلع شني فندق بلاش جلب خوما جلب مايروح يم اخوتة
جنت مشتري دراجة بوگتها وكلش مستعز بيها اغسلها كلساع ومرتة كل ماغسل تصيح بطل الزاهي خلص گام يحاسبتي ؏ الزاهي مرة عطلت الدراجة ردت الف اروح عبرية اجيتة كتلة اريد الف اخذ عبرية عندي شغلة ذب علية الف شلون الخادم عندة يصيح بية الى متى گلساع ماد ايدك تطلب الالف انتگل على نفسك طلعت مختنگ شتغلت بگلشي تتوقعينة خدام حمال وگونت نفسي الحمد لله اشتريتلي نص قطعة من صاحبي باعليها بمبلغ اذا اكلج ارخص من الرخص يدري بحالتي باعها والحمد لله عايش بيها بخير راسي مرتاح تسوة الدنية اعزم جماعتي يلتمون يمي لا اخوان ولا بطيخ اكو صاحب يعادل الف اخوو
::- هايَ فوك ماباكك يعيرك حسبي الله ونعم الوكيل
::- ابشرج حوبت يتيم بينت بية مرتة خلعتة وضل حافي ملطم حتة ولدة مارادهم تنازل بيهم المرتة وهسة يشتغل بمولد ليلي يدور من الگطف دخان وضال يدفع نفقات
::- هاذا مصير الياگل فلس اليتيم
::- وتركت السنة والله الحمد لله عوضني بيها الخير صح متندم اكول عمر المفروض اني سنة رابعة بس شسوي الله كريم قسملي الكرامة وعزت النفس بعيداً عن ناس تنطيني الگمة بعين ضيگة
وكف الخط باوعت صرنة گدام الگلية ابتسم يلم بغراضة
::- وجان نوصل اعذرينة ؏ التاخير حجيتلج قصت حياتي وعلي خذاني الواهس ههههههه
::- فرحت گلبي بقصتك عرفت الضالم اكو يوم يجية ويتندم ويتعاقب وعرفت اليتيم حوبتة صايبة وعرفت الصبر مفتاح الفرج ، تذكرت قول تعالى:- يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللهَ لَعَلَّكُمْ تُفْلِحُونَ
صاح بينة ابو الخط باوعت الخط فارغ بس احنة نزلت بسرعة وراي نزل كرار وتر يتمشون وياية ويسولفون لمحت البطول التيل واكف گدام السيارة بكل استهتار يريد يجيني خزرتة ماريد كرار يشوفة لان اذا شافة راح يشك بية هوة شافهم من يضربون بخنجر اختلقتلي جذبة وتركتهم بحجة اريد اشتريلي شي تقصدت اعبر الشارع انتبهتلة صعد بلسيارة وحركها تجاهي لافها وصار كدامي نزل الجامة وبيدة فتح الباب البصفة دفعة برجلة يأشرلي اصعد
انداريت اريد اصعد ورة صاح
::- كبد تعاي گدام ابصفي گعدي
نداريت بعيوني عليه خزرتة
::- ماثق بيك
::- تعاي زعرورتي شبيج خايفة
ذبيت نفس فتحت الباب الخلفي صعدت ندار براسة باوعلي وحجة بنبرة لعوبة
::- صبيح حول ليگدام ليش تخليني اخيسة بلسجن اخلي يغوغي فوكَ الذبان
وجهي صار نار كمت من مكاني ارعد فتحت الباب نزلت طبگتة بقوة صاح علكييفج فتحت الباب شمرت الجنطة صارت بحضنة جلب بيها صعدت رگعت الباب سديتة گرصني بمتني شاغت روحي ونداريت اكفخ بية
::- آآآآي وزقنبوت كون بكلببببك سم يسمم بطنننك
ادفع بية وكفخ وهوة ولا مهتم يضحك اباوع الايدة يفتح بلجنطة جريتها منة وصحت
::- الحرامي بعد اذا تمد ايدك راسك اكسرة دماغ سزز
لازمة الجنطة اسد بيها مد ايدة خلاها ؏ فخذي شاغت روحي جلبت بيدة قابضة ايدي ودك بيها بوكسات وصيح
::- توووب مني بزعتني بززززعتني تدري شنو بزعتني
جر ايدة لزم راسي هززة ممازح يضحك بكل حيلة
::- سوادييين
::- وخر اييييييدددك جاي اكول لا تلمسني اببدد بسببك لبارحة اخوية لگفني گسر تلفوني شاشتة تفلشت ، مديت ايدي بلجنطة مقدمة التلفون خالتة بنص عينة ، شوفففف كلة بسبببك لزم السيمكارت طگة كسرة وصلتين علمودك يلتيل يلمصخم ياريت تسوة واخوي ياخذ عليه نضرة مو زينة ياريت تستاهل
مد ايدة طلع جگارة خلاها بين شفايفة ياخذ نفس عميق ويزفر الدخان يلفح بوجهي اختنگت أردف مبحلج بوجهي
::- الحب افعال كفوشة
كفختة
::- لاتتسوفل
جر نفس من الجگارة زفرة ينكث بيها باوعلي من جوة حاجبة
::- منو ذول اليتمشون وياج كثرانة صداقاتج
::- وانتَ شنو تحل تربط شعليك ترة انتَ لاتحل ولاتربط شوية انتبه الروحك لاتعيش الحضة زايد
::- راح اعلسة
::- المستهتر ، عليت صوتي ، يلااااا فضهااا
::- منو جناب اليتمشون وياج؟!
زفرت بقوة وصحت واني الطم ؏ فخذي بجزع
::- الله يصبرررج يارررروح
مد اصبعة السبابة قربة من راسي يندس بيه بنتر
::- اثكلي خوش اثكلي لا امرغل السانج بمعطة مسوفلة كلساع وية واحد شعدنة كل يومية شايلين واحد للمركز ومرخين جتافة
جلبت بصبعة لويتة وصحت
::- ايدك لاكسرها لاتتمادة احدودك كلك خلك واحد ابو محارم لا اكثر ولا اقل انسان ساقط سرسري كل خير مابيك لاتضبط براسي وشكلج عود اني شريف وعلمج الثكل اني ثكيلة غصبن ؏ هاذ خشمك وهاذ شاربك روح علم الثكل الامك الربتك شلون تربية طايح حضها خلتك تغتصب اختك وتحركها ودور بلاخير اتندمت وضلت تكتبلك رسايل تدعي عليك
وجهه احتقن صار دممم لزم الجكارة طفاها باطن ايدة عصرها حيل وهدها مد ايدة جر اليدة الصايره بالوسط ولف السياره سريع وشخطهه يرجع ليورة
ندفعت ليورة اباوعلة حرك السيارة بقوة
حجاية ماحجة اباوعلة مد ايدة شغل اغنية نصرت البدر ومبين متأثر بگلماتها يحرك بشفايفة ويعلس بهل جكاير وحدة ورة الثانية
❊:- هية هم تسمة دنية وبيهه ارضى شمااا يصيررر
تمشي ويه الطيب اعوج ولله ماعدها ضميررر
الغني مرتاح بيها والتعب بس للفقيرر
طبگ جكارتين سوة كاسر ايدة ؏ الجامة يدخن ريحت السيارة صارت تكتل مقفل الجامات
❊:- ربي ماتفرجها عاد خلي نتنفس هوااك
الارض ضاگت علينة وهوة ماكو من سماك
وصرنة بيد الدنية لعبة وهاذا يشمرنة الهذاك
معلي الصوت حيل انتبهت لعيونة ذبلانة يحرگ بهل جكاير ويرجع ليوة بحلگة حجي هواي مايكدر يگوله
هز راسة يردد وية الاغنية
❊:- فدوة صبرنا يربي على همووم الدنية هاي
يعني مالها نهاية جروحنة صارررن هواي
دنية مابيها عدالة وصار كدامي الورراي
الدرج بلناس يصعد وحنة نزلنا الترراب
كبل كالو بلامثال الصبر مفتاح الفرج
انكسر مفتاحة صبرنة ونهزم حتة فرج
اباوعلة شمر الجكارة ومد ايدة فتح هاية التصير ليگدام طلع نفس القلادة البيها صورة مرة وطفلة قبضها بيدة حيل قربها من شفايفة باسها بلهفة وقربها من صدرة زفر حيل اسمعة يرددد
::- خرب روحك
❊:- دنية للمرتاح تركض والنة وكفت مامشت
الغيرنا فتحت اديها وبس علينة قفلت
ماكعد ويانة حضنة شافنة فقرررة وفلت
حتة حضنة اتبرة منه وصار هوة مايفيد
شعرة مانكطع بدينة وغيرنا يگص بلحديد
ومن القديم اشفنة احنة حتة نفرح بلجديد
اباوعلة متأثر بلاغنية عادها مرتين اخر شي رجع القلادة النفس مكانها وداس بانزين حيل گلبي ضل يرگص
::- وين راح تديح بية؟!
::- اخذج العنترة
::- مو نطيتني كلمت رجال وگلت ماتقربلج؟!
::- اي كبد ابو المحارم غير رئية
::- شنو غيرت رأيييك دنزلني شو وخرر نزلنننييي
اعت بليدة مال الباب مقفلة جلبت بية اجر بمتنة
::- نزلني مو جاي احجي وياك
رفع حواجبة وسوه صوت بحلكة معناه لاء
::- چؤؤ
::- وييين ماخذني فهمني ويين
::- العنترة
لطمت ؏ خدي وعطت
::- نزلللنننييييييييي
::- وحرش اشش
مديت ايدي اعت بليدة اريد الباب ينفتح
::- هديها لاتنكسر
::- اني اريد اكسرها
جراها ضحكة مستهترة وصاح
::- وعنترة يكسرج
دموعي بدت تنزل ذبيت حيلي ؏ الباب گرفصت روحي عليه ابجي اباوعله حيل الثور هاذ اذا راد يجيبني براجدي يسويني طماطية دايسها المطي
مسحت دموعي بيدي ابجي وباوعلة ندار يباوعلي ورجع يسوق ويردد
::- اي ابجي شكي ثوبج اذا بيها مجال تعبان ولله
شافاني ابجي بلزايد صاح
::- اي حيل بعد ابجي صرخي خل ارسم عليج
نزلت دموعي بيدي مسحتهن احجي برائة
::- كافي ترة جنت اشاقة وياك
التفت يباوعلي مبرطمة شفايفي مثل الجهال ودموعي منگعة خدي مد ايدة جر شفايفي بين اصابعة حيل وباس اصابعة
::- زعرورة لاتبرطمين هيجِ ماتحمل اذا مامعط
سكتت ماعلقت ؏ كلامة خفف السرعة وبدة يسئلني واني العرگ يگت مني
::- ذول لوياج منو؟
بلعت ريگي جاوبتة ابرود
::- اصدقائي بلخط
::- شدعوة لازك وراج
::- وين يمشي فوك راسي؟!
::- لازك ورة الدشبول ستت
::- يعني شيسمونها غيرة لو شنو بلضبط؟!
::- غيرة شنو كفوشة بيش كيلو انتِ جاوبي ؏ گد السؤال
::- اذا مو غيرة شكو تسأل؟!
::- احقق بقضيتج احتمال نفسهم الخاطفينج اخر مرة
::- لا مو همة
::- اشعرفج
::- ذولاك ضخمين مو هيج
::- همم
نزل عينة يباوع خزرتة رد گال
::- مطلعتة شكبرة تمايلين بية يمنة يسرة وحضرة جناب زميلج حلتلة الوضعية طبگ وراج
::- عراد ترة مصختها
::- تشوفج العين التشتهيج التتخيلج بليل بشغلات تعبانة عادي عندج؟! من حاصرتة بلبنطرون حصر گوة مدخلتة وتفرين بية بنص الگلية شابعة نضرات وتحرش وبحجة ماكو مكان طبك عليج مرتاحة للوضعية بعد روحي
::- نزلني شهل حجي الطايح حضة شوية جان استحيت
::- انتِ من اطلعين ماعندج زلمة يلزمج يشوفج شلابسة يشوف دشبولج شلون يريد ينفجر شنو انتم ناس هدد كـ***** عادي عدكم هلوضعية؟!
جحضت عيوني واني أردف رافعة اصبعي السبابة وحركة بتهديد
::- اهلي خط احمر احترم نفسك لاتشوفني بقيت ساكتتلك
::- مفصلة جسمج تفصال خو تصلخي احسن المن لابسة بنطرون نزعي وطلعي امشي كلشي شفنة بقة ؏ الحم
::- شي راجعلي مالك دخل شلبس البس شعليك انتَ
عض شفتة وحجة بستهتار يباوعلي بعيون ناطة جنهن مال سگير
::- شتوكلينة شكبرة دخيل الله
::- شلقضية كافي غيررر الموضوع
::- ها ضجتي؟! بلضبط هاذ اليشوفج يرسم هيج عليج شفتي عيني وين راحت وشكد دققت وحجيت
::- لان انتَ عينك مال ناس گوجة
::- اخ يلسان العرمات علج للدوخة
باوعتلة ورجعت درت راسي للجامة افرك بيدي وفرفح شفتة طلع علج حط واحد بحلگة وذب واحد بحضني عود لان دخن يريد يعطر حلكة الخايس
شفتة طبگ السيارة بگراج ونزل رمقتة بنضرة سريعة لابس بنطرون قهوائي وقميص اسود لزك ؏ الصدر مد ايدة فتحلي الباب مبتسم نزلت بسرعة روحي ترعد اعصابي تفور مشيت گدامة صاحني وأشر بصبعة السبابة خلفة بمعنى ليگدام اخذت خطواتي تجاها مجلبة بلجنطة اعصر بيها بكل حيلي اريد افضها باوعت للساعة البيدي بعد لاساعة ولاساعتين شلون راح اتحمل اگابل هلخلقة التسد النفس
::- ايدج شو بله
باوعتلة بطرف عيني
::- خيررر
مد ايدة حط اصابعة بين اصابعي عصرها ؏ كيف ومشة اعت بيها خزرني وأشر بعيونة تجاه العالم
::- هد ايدي ماتفقنة تلزمني
::- چؤؤ
::- عراااددد
::- قلبة
::- قلبالة تقلبلك وتقلبل قلبك هد ايدي منا العالم لاتخليني اعيط
::- تعبان هههه
::- تعبان تروح تنطمر وتنام مو تجلب بيدي هدها المستهتر
::- كبد لتعبني اشش
::- هوة شنو اشش عوفني ولله راح اعيط وخزيك
::- راح اعلسة
::- شلون بلوة يالله ، عضيت اصابعي بغيض ، شورطني يلقاسسسسم
اباوعلة يضحك ضربت متنة بيدي الثانية
::- اتخزينة هدني خرب ابيك
::- مويحة مويحة
::- عرراااددد
::- يطلاببتتت عراد اليوم
::- هد ايدي ماريد امشي وياك
::- ليش بالله
::- باع العالم شلون تباوع علينة هد ايدي جنك تيل
::- شعليج بلعالم انطيهم طـ**** صفح
::- متسوفل شو هههههههه
::- ههههه افيدج وعلي
ضحك وكمل طريقة فات بين الممر مجلب بيدي دخل شفتة مطعم گعد ؏ ميز واني گدامة باوعلي وگال
::- شتطلبين راح
::- باگلة بلدهن الحر ووياها فد راس بصل حايل
::- هههههه خرب انوثتج
::- جوعانة شني الاكل بية انوثة صار
::- مو مال بصل دخيل الله
::- لا مال بصل
::- نو
::- لا يسسس
شفتة أشر للعامل صاحلة اجة بصفنة
::- كبد اثنين همبركر وقوطيتين ببسي
مديت رجلي من جوة الميز رفستة ضحك وحجة
::- بعد روحي باكلة بلدهن موجود
جاوبة مبتسمة
'' موجود اغاتي
::- وفد راس بصل وياها
شفته يحجي وجهه يضحك هز راسة العامل وراح يحجز الطلب
::- شو ما گتله باگلة بلدهن الحر
::- هوة يفتهم
::- روح حاجي ماريد بلزيت مالتنة
::- اطيرج بزيج؟!
::- منا العالم هيو
::- زحمة؟
::- اي
::- يالله عود بلسيارة
مد ايدة يگلب بتلفونة ذبيت حسرة وگلت
::- تلفوني تكسر كلة بسببك
::- زعرورة الزبدة شرايدة تلفون؟!
::- ماطالبة منك الحمد لله اهلي مامقصرين ويايه بَس تكسر كله بسببك
::- التكسر يتصلح؟! لا عود اشوفلج جهاز طايح حضة تمشين حالج بية
كفختة ضحك ورجع عينة للتلفون اباوع التلفونة دگ فتح خط وگال
::- ها ذنب .. ههههههاي سافل لاتتنعوص .. طالع وية صاحبتي ههههه وعلي .. وين عابس يمك؟ .. عود مرولي بليل للشقة .. وياك جيب بيرة.. اسلامية لا اذنب بيك .. مويحة الامك الايچة ههههه ياللة طير محضور ماكدر افشر ههههههه يالله .. هلو
سد التلفون باوعلي شافني مخنزرة
::- هم بيرة
مد ايدة لازم مثانتة رجع التلفون الجيبة ولازمها
::- اي انتهيت
::- چاا متسوي العملية
::- مالحگ
::- ليش متلحگ
::- زعرورة مالحگ بلشغل
::- اخذ اجازة
اباوعلة ابتسم بخفوت ودار عينة يباوع للمكان
::- ابو النسوان
دار عينة باوعلي رافع تگ حاجبك
::- منوَ؟
::- انتَ
::- ليش كبد
::- متستحي؟!
::- بدة الاستشراف لا ماستحي اني فد واحد هتلي سيبندي سربلوتي
::- هوة المطعم هم مايفتهم
::- شلون بله
::- يعني بنات چاي ياگلن تباوع بوجهن شكو حتة الاكل راح يطلع مـטּ خشمهن
::- ممباوع اصبيح
::- حقير
::- ههههه طاح حضج
شفت العامل اجة قدم الاكل لفتين همبركر وتشريب باگلة بلدهن اباوعلة گف اردانة ولا جنة گاعد گدام ناس مد ايدة طگ القوطية وفتح الفة ياگل
روحي سرسحت مديت ايدي اكل قرب الفة من حلگي
::- اخذي عضة
درت راسي متقززة
::- ماريد تلعب نفسي
::- ههههه ليش يابعد محجر عيني؟
::- اييع بنص حلكك مطمسها وتريد تحطها بحلكي انتَ وشواربك وحلكك اعع غدددي
::- تعودي وراج معط
خزرتة
::- ماناوي تحترم نفسك؟!
ابتسم ابتسامه واسعة برزت سنونة حط الفة ؏ صفحة ولزم الفة الجديد فتحها وقربها من حلگي
::- معطيها
وجهي احتصر ردت اضحك هزيت ايدي هاذ شبي مديت ايدي اخذت الفة من ايدة وهوة مد ايدة ياكل بلفة مالتة ويشرب بلقوطية
اكلت منها وخليتها بصفي رجعت اكل بلباگلة روحي مسرسحة عليها ريحتها ضربت بخشمي تفتح النفس مفرگسين فوكها بصل حمس وبيض مكسب
اباوعلة خلص لفتة مد ايدة جر لفتي ياكل منها باوعتلة
::- ماتلعب روحك؟!
::- نو
::- مايصير من حلك الحلك تنقل جراثيم وامراض
::- ماتلعب روحي
::- اوي شنو من نفسية شايل
::- بعد روحي شلونج زينة خمس نفرات نتعارك ؏ بطل مي واحد ومن حلك الحلك مچعة
::- يااا
::- جگارة چنة گل واحد ياخذلة نفس هاي احجيلج بلعدادية جنة نداورها بيناتنة فد سبع شباب ثمانية ندخن كل واحد ياخذلة نفس ويحولها للبصفة
::- ايييع زين شلون تدخنون اني ادري ممنوع التدخين
::- ورة المدرسة الدايح البينة جايبلة باگيت ويداور ؏ الشباب ولكعدة الزينة وللصبح هههههاي ولله ايام
::- امبين انتَ ابو الباگيت
::- لا وين جان اليجيب الباگيت طاگ
::- نمونة هوه بخمسمية
::- وانتِ شعرفج مرات بالف خوما تدخنين زعرورة
::- لا مادخن سالمين بَس اعرف جنت قبل اشتري الابوية من الدگان
مد ايدة
::- القوطية ماتردينها؟
::- اخذها
شرب منها وقربها من حلگي
::- اشربي
::- مو گتلك تلعب روحي
::- بطليها هلسالفة مو حلوة
::- نفسيتي هيجِ
::- بالله تزوجتي وزوجج راد يجرج بحلك؟!
گلبت عيوني
::- سوالفك تعبانة تدري بروحك لو لا ؟ حجيك ماصخ
::- لا ولله صدك قفل عليج وراد يجرج بحلك شنو ماترضين؟ لو تضلين تصيحيلة طلئنننني
::- اذا زوجي نضيف عادي ليش لا
::- تخيلي گاعد من الصبح خيست حلگة تكتل وجرج بمعطج
::- مو گاعد ناگل راح ازوع علييك
جراها ضحك كزبرت بدني اباوعله يضحك جنها اول ضحكة ضاحكها بحياتة يضحك من گل گلبة ؏ ضحگتة صرت اضحك
::- يجرج بمعطة دخيل الله ليگول حجامة مال واحد طاگة الجفاف وضاربة التصحر يسويلج الشنوفة هيج هههههههايي
يقدم بحلكة ليگدام شلون ليريد يبوس ويضحك
::- لا وداعت فرسدق اطيح بية ودوس بطنة
صار يضحك واني ؏ ضحكتة اضحك گلبي گام يوجعني من الضحك صار بية نغزات شوية وگال
::- شنو اوصاف زوجج المستقبلي حال مال تردينة
::- مو مهم الفلوس اهم شي اريدة انسان مثقف ويخاف الله
شو هاذ جراني بزيج دخيل الله هاذ شبي نزيت من مگاني اباوع ؏ الناس تباوع علينه وهوة ولا مهتم
::- يخاف الله وانتِ مطلعة الدشبول العنترة
جانت ايدة ؏ الميز مديت ايدي گرصتة بغيض لويت لحمة وهمست بحس ناصي
::- بَس عاد منا الناس
اباوعلة گام فرض هيبتة حرگ ايد بيد بمعنى راح اغسل ندار صاح لواحد من الموجودين مسوي روحة مثقف يگول وين الصحيات عود الحمام هزيت ايدي ثواني معدودة ورجع مغسل بيدة كلنس ينشف بيدة باوعلي وعگد حاجبة
::- ماغسلتي؟
::- شوية وغسل
::- گومي غسلي طلابة خلصنة شناكل بعد المواعين
افئفففت ونداريت بسرعة غسلت وطلعت شفتة واگف يحاسب اول ماشافني رفع ايدة حتة اشوفة جانت عينة ؏ الحمام عبالة اضيعة
تقصدت اوگف ؏ صفحة ماريد اوكف بصفة رغم اني طويلة مو گصيرة بَس بصفة اصير صوبة عطلانة
ندار يرجع بمحفضتة بجيبة انتبهت لسلاحة خالة بخاصرتة نزل فوگة القميص وتقرب راد يلزم ايدي وخرتها مشيت نفس المستوى الجان يمشي بية ماجنت اندل حتة اطنگر وسبقة
مد ايدة فتحلي باب السيارة صعدت بدون جدال ندار صعد لازم مثانتة
باوعتلة بعيون ثابتة بفضول گلت
::- تأذيك؟!
ذب نفس غمض حيل وفتح هز راسة بعدم مبالا وايدة عليها مد الاسويج خلاه بلسيارة يريد يسوق وروحة ممرودة
::- بيك شي؟!
::- لا كبد شوية يبست عليه
اباوعلة نمرد مرد شفت اكو بطل مي بي تلترباع حاطة بيناتنة فتحته بسرعة وقدمتة بيدي
::- هاك الزم اشرب شوية
مد ايدة لزمة شرب شوية نزلة اخذتة من ايدة اسد بلقبق اباوعلة فتح الاحزام جحضت عيوني متگنبصة جامدة بمكاني اباوعلة سحبة يضب بية فوك مثانتة ويغمض بعينة حيل ويفتح رفع راسة وجهه عرگان حالتة ماتطمن توة جان يضحك ويسولف هاذ شمالة دخيل الله بگلبي اكول لايموت ويطيح براسي
مد ايدة سحب هاية التصير بلوسط حرك السيارة ندار بعيونة يباوعلي
::- شكد بعدلة ويخلص دوامج
نزلت عيني سللت انضاري تجاه الساعة بيدي طلعت الساني بللت شفايفي وأردفت
::- ساعتين
اخذ نفس قوي وزفرة لاف السيارة اخذ السريع رجعت عيني النفس المكان ايدة جانت فوك مثانتة حجيت بحس جامع النتر والجزع
::- راتبك خير من الله شگد فگر متسوي العملية
مد ايدة فتح باكيت الجكاير طلعلة جكارة حطها بين شفايفة ورثها اخذ نفس زفرة وگال
::- كفوشة ماگدر اسويها
::- ليش ماتگدر؟!
::- الشغل
::- مو عذر هاذ گول فگر خايف ؏ جيبك
::- زعرورة مو سالفة فلوس بس ماگدر اسويها هسة
::- عود ليش
جر نفس عميق من الجكارة زفرة متنهد
::- ناس تريد دين ولشغل رايد حقة تعبان هههه اريد احط راسي بحضن دافي يزيح تعبي گلة
::- ياعيني معوز حنان
::- تعبان زعرورة
::- متروح تنام ترتاح
::- وراي واجب ليلي اذبج وطلع
::- ها صدك وتطلع خنجر
صفن وميل شفتة بطريقه عبالك ديفكر بعدين گال
::- بشرط
فزيت مخروعة
::- شرط شنو؟! جان شرطك اطلع وياك وطلعت كافي بعد شتريد
تمركزت عينة بعيني جر نفس وگال
::- بربوك الطريق كلة ضاربة البوز
جتفت ادية الصدري ورفعت حواجبي وصحت
::- يعني تضحك عليه؟!
باوعلي وعيونة نحلانة
::- تعاي زعرورتي اتقربي
خفف السرعة وبدة يتقرب خرطت العافية من صار كدام وجهي لزم حنچي شلون ليريد يبوسني تقرب نبتت شواربة بخدي كزبرت غمض حس ؏ نفسة وبسرعة ابتعد باوعلي
::- منطيج وعد ماتقربلج
وجهي صار نار دكات كلبي صعدت البلعومي انفاسي الاهثة نكطعت فرفح حسي بلعت ريگي جرح بلاعيمي حجيت بحس يرجف
::- رجعني الاهلي
::- بعد ساعتين
انداريت اباوع من الجامة تنهدت واني أشر ؏ الرصيف
::- نزلني هنااا اتمشى اضيع الوگت وررجع
عض شفتة وغمز بستهتار يهز راسة
::- ولدشبول
حجيت بحس يرجف مليان خوف
::- فدوة نزلني ماريد نزلني مااثق بيك
::- ههههه خليني اعلسة
نصيت صوتي كلش وگلت بلطف
::- عُرراد
مد ايدة نزل الجامة شوت الجكارة بطرف اصبعة طيرها رفعها وندار مثبت عيونة بعيني
::- قلبة
::- جنت اشاقة وياك
::- چؤؤ
::- حباب
::- شكو
::- طلع خنجر
::- بشرط زعروررة
::- شنو؟!
::- معطيني اني ماگدر امعطج واعدج
نعمت صوتي وحجيت بهدوئ
::- عُررراد كافي طلعة
اباوعلة ضل يضحك فرك وجهه حيل اجتافة تهتز
::- هم گالت طلعة دخيل الله داخلة مداهمة طلعة ماطلعة شتردين كبد؟! "عنترة"
::- لا شبيك قصدي تطلع خنجر
::- معطيني
::- لو تموت
::- اوكي كبد انشاء الله بفرحت الزهرة اطلعة
::- عُررراد
::- اسرسح
::- حباب
::- همم
::- طلع خنجر
::- چؤؤ
مديت ايدي جلبت بية
::- فدوة الطولك
نزل عينة يباوع الايدي ابتسم بخفوت
::- هههه اوكي
اباوعلة طلع تلفونة خابر عابس فتح مكبر الصوت يسمعني
عابس: عضيدي
::- يمحجر عيني وينك بلمركز غير؟!
::- اي موجود بخصوص قضية زميل ليال وين صفة دهرها
::- اي كبد خابرتك اريدك تفرج عنة طلعة للسربلوتي هاذ
::- همم ، وينك انتَ هسة؟!
اباوعلة يباوعلي مبتسم عضيت اصابعي أشرلة لايگول اني وياه
::- طالع وية ليال
غميت گصتي حيل صار صوت
::- ليال وياك؟!
::- اي
::- حول التلفون احاجيها
مدالي التلفون ومقرب راسة بصفي اخذت التلفون وحجيت والخجل مالي نبرتي شكد عيب شيكول علية طالعة وية صاحبة
::- الو ها سيدي
ابتسم بخفوت حسيت ؏ انفاسة دخلت جوف اذني
::- عابس ولله
::- لا سيدي احترمك
اباوع العراد الرافع حاجبة معاجبة الوضع ويأشرلي بيدة ويردد اني اگبر منة بخمس سنين ادبسز
::- زميلج انشاء الله اليوم يطلع دللتتة وعلي قمت بلواجب
::- بعديش سيدي ورة ماخرط العافية
::- داريتة اليوم غديتة كباب
::- الكباب قبلة شنو
::- لا ماكو شي مقبلات انشاء الله الوضع تمام اي شلونج اخبارج مهيرة شلونها وين وصلت اخر اخبارها
أردفت بصوت مخنوك
::- انخطبت
اباوع العراد يأشرلي بيدة منو؟ ويندس بمتني وخرت التلفون من اذاني وحجيت بحس ناصي
" مهييرررة اختي "
حسيت ؏ انفاسة الزافرة بفتور اجاني صوتة بفحيح
::- مثل مافهمتج بيوم العقد مال السيد خليها ترفضة مو تخلينها تتعلق بية ديربالج
::- لا سيدي شتتعلق بية متگلي اذا هوة مريض نفسي سوالفة تبزع الروح كون تحجيلك مهيرة جان طگيت وصحت الغوووث
::- اي بمعنى شنو؟
::- الزبدة نرجسي
::- طاح حضة
عراد :- ماتجيبينة ارخيلة اجتافة شوية
اسمع صوت عابس يضحك عزفت مسامعي صوت ضحكتة الرنانة ختم كلامة ب
::- خابريني بليل نحجي بموضوع مهيرة
مد ايدة عراد جر التلفون سدة يباوعلي من جوة حاجبة
جريت نفس زفرتة بجزع
::- شخابرة البارحة لگفني اخوي ، خاف يزعل اذا ماخابرتة
::- اخوج مو گسر السيمكارت؟!
::- اي كسرة
::- همم ، چاا شلون تخابرين؟
::- ؏ الماسنجر
::- لاتخابرينة ليوم بليل يمرلي وفهمة ديربالج هيو اثكل مابينة حيل تنلگفين مرة ثانية
::- صددك تعال نسيييت اكلك
::- همم
::- هايَ البارحة منو الحجة بصوت ابنية؟!
::- صاحبي ذنب
::- ولله شايل صوت خرب ليسة
::- ها سالمين خيلتي علية
::- وسم شنو خيلتي عليه صوتة عجبني
::- لا ولله
::- صوتة احلة من صوتي النهار كلة اصيح زنجر
::- فد مرة خليني انزل اجيبة يگعد بصفج
لا ارادياً ابتسمت مليق يجبر الواحد يضحك صار يضحك باوع للساع وگال
::- يالله شوكت تولين جزعت
::- ماگاعدة ؏ گلبك جبتني تحتار بية
::- طالع للشقة
جلبت بية خازرتة
::- هاا خيررر وييينن
اباوعلة مد ايدة لزم مثانتة عيونة ؏ الساعة البيدة يراقبها بنفاذ صبر
::- يعني واحد رايد منك دين متسوي عمليتك علموده؟! هيج انتَ كريم
::- بربوك كتلة ؏ الراتب اداينك مابيها مجال امزلگة
جحضت عيوني تكتفت وضربتلي صفنة
::- هواي تجاوزت ولخط الاحمر لعبت بية حبل
::- اصبيح كتفي الايمن انتَ مو بس العب بي حبل واسوي قيطان البسطالي
مديت ايدي گرصتة ضحك ومكمل يسوق
::- سوي عمليتك بلگي تموت واخلص منك
::- انشاء الله ادعيلي اريد ارتاح كبد
درت عيوني ؏ الجامة اباوع للطريقة طبگ يم الشقة مالتة مسافة طريق نزل گدامي فتح الباب مد ايدة يأشرلي انزل
::- روح انتَ ارتاح اني هنا باقية بلسيارة اخلص الساعتين الگشر ورجع
::- شلقضية انزلي شو بلة ايدج
مد ايدة لزم ايدي بحركة سريعة عتاها ندفعت بنص الشارع رفع ايدي ليفوك استندت بية مابسطت بنص الشارع شبعتة دك غلط ودك كفخات مكياجي صار خلقة نصة انمسح
سبقني بخطواتة تجاه الشقة مشيت وراه اتبعة وخوف يقتحم گلبي صار گبال الشقة طلع المفاتيح صوتهن الرنان عزف مسامعي بمحاولتة لفتح الباب لايجاد المفتاح الصحيح للشقة واخيرا مد المفتاح فتح الباب دفعة بخفت ايدة باوعلي ومد ايدة
::- دخلي
جريت نفس عميق زفرتة دخلت وهوة وراي نزيت ؏ صوت طبگت الباب نداريت عيوني تجاها شفتة سد الباب وبحركة بعثرية شمر المفتاح فوك القنفة راح للحمام واسمع صوت مي نزلت جنطتي بيدي تقربت گعدت ؏ القنفة وعيوني تجاه ذيج الغرفة
اباوعلها بعيون مضيگتهن مركزة بيها بكل حذافيرها بعدها نفس الضلام النابع داخلها رجعت عيوني للحمام صوت المي بعدَ اكيد جاي يسبح هديت الجنطة وگمت امشي ؏ اطراف اصابعي تجاه الغرفة الباب جان مردود ؏ النص قدمت ايدي دفعتة صار صوت گلبي گام يدگ من وگف صوت المي ثواني ورجع اشتغل كملت خطواتي تجاه ذاك المجر المعزول بزاوية الغرفة
صرت گدامة مذهولة خوف مريب يحيطني افكار وتراطمات داخلية اختل توازني غمضت اصارع هلافكار الداخلية عصرت راسي وفتحت عيوني صرت گدام الميز قدمت ايدي الجانت ترعش وترجف بطريقة همجية صارت ترجف بلزايد وهية تلزم اليدة مال الجرارة حاولت افتحها ماگدرت جانت مقفولة بحوشت بلغرفة بحثت بكل الطرق مالگيت القفل صوت براسي يدفعني ادنگ تحت الميز ، حنيت نفسي ومديت ايدي لزمت شي بارد سحبتة
"المفتاح"
،،
ياقوتة:-
وبين اليالي والنهار تحوطها ساتر صوت عقارب الساعة يقودها قطار مسمى بقافله القدر حينها كان الخاسر الوحيد من تلك الحرب الوحيد هو " عمري "
متمددة بفراشي اسمع اغنية مساكييين دموعي تجري بعدني اتذكر ذيج اليلة بعدني اتذكرها بكل حذافيرة بعدني اتذكر تصرفاتة بعدني اتذكر كلشي قدمة الية هل انسان عجزت افهمة عجزت اتقبلة الحيل باد ولا في اليد حيلة تمنيت اگعد وفهمة اني انسانة شريفة مو نفس الانسانة المختلقها فكرة تمنيت اگدر اواجها تمنيت احجيلة اافهمة بلبگلبي تمنيت يسمعني تمنييت ينطيني مجال ولو مرة وحدة بسس !
نضرات عيونة سيوف ملتهبة يباوعلي ويردد
" نازلة من عيني هواي يلجنتي راية "
عيوني جانت تجاها كتلة من الكرة والغضب من بعد ذيج اليلة التقربلي بيها ومحاولاتي القناعة البادت بلفشل صرت ازيد بگرهي الى بكل ماحس الگلب طاب اگلة زيد بكرهك ياگلب ،
تذكرت قول الله سبحانه وتعالى :-
يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ .
صرت اردد بخفوت ربي شضل للاثم جرم بحقي مو بس اساء الضن تعبني الله لايوفقة مرد گلبي اذاني الله لاينطي عيوني نمردت انتهييت عصرت عيوني حيل گلبي يدك بلدقيقة الف واني اتذكر شلون نضراتة تجاه اخواتة مـטּ يجن بصفي وشلون يمنعهن يتقربلي
غمضت دموعي تتتعداني اشتاقيت اليال نت ماعندي جان عندي دولار ردت بس اسمع صوتها وحجيلها بلبگلبي اريد احط راسي بحضنها اشگيلها بلبية اريد نرجع مثل قبل نروح للگلية سوة بعيدة عن ديرة مابيها عرف بعيد عن ديرة صلت رحمي عدو
سديت الاغنية دخلت الجهت الاتصال خابرتها التلفون ؏ اذني لا حياه لمن تنادي حاولت اكثر من مرة ماكو ، شمرت التلفون ؏ صفحة وگمت للحمام فتحت البوري خليت ايدة جواه قابضتها مجوفتها انترست رفعتها اشطف بوجهي قطرات المي الباردة تبعثرت بگل مكان بوجهي راسي ثكلان عيوني مورمة غسلت ورجعت لفراشي منتضرة عمتي ترجع باقية بوحدي بلبيت گلبي بشيشة قافلة علية باب الهول خاف تنعاد نفس ذيج اليله
هلفترة جانت عبارة عن روتين اروح للگلية ورجع ادرس شوية انام اكعد اكل اختنگ ابجي جوة البطانية بنص اليل قبل لانام ، انشغلت بدراستي رغم الضروف ماهملتها بقيت باذلة كل جهدي الها بين مجانت عمتي تسير العصريات يم بيت الحجة شروق ويم بيت عمي دلام تاخذ وياها آصف والطفلة تگول يحبونها الجهال يتونسون عليها تروح للمغرب ترجع تگلي تعاي وياي ماقبل بحجة الدراسة جنت مفضلة الوحدة
آصف صار عندة اصدقاء بلمنطقة يلعبون وياه اسرسح من اشوفة گاعد ويلعب وياهم حجرة ورقة مقص جنت محذرتة مايركض وهوة شاطر ياخذ الكلمة
ندك الباب فزيت مـטּ مكاني مخروعة مندارة بعيوني تجاه الصوت دنگت ارجع گذلتي خلف اذني مسحت وجهي مـטּ بقاية المي وكفت افتح بلباب مال الهول سحبتة لفحتني نسمة هوة باردة ريح تناثر شعري تبرد عيوني من الحرارة الهايمة فوكهن برودة صارت بصدري تنفست وكملت خطواتي تجاه الباب فتحتة
شفتها هييية اي هيية نفسها نورس جريت نفس عميق وگلت بنتر ثگيل
::- شتردين بعد توديني للملها؟! احجيلي شرايدة
بلعمت بلعابها متمسكة الباب وتباوع منا ومنا ؏ العالم حجت بهمس
::- ياقوتة اسمعيني منا العالم ندخل ونتفاهم فدوة
رفعت اصبعي السبابة بوجهه غمضت ونترت رافعة حواجبي
::- ماعندي شي احجي وياج
جلبت بيدي متوسلة تهمس بحس ناصي
::- فدوة اسمعيني خل نحجي اني مادري ولله العضيم مادري شغل بنت خالتي شنو؟ ولله العضيم ماعررف
هزيت راسي بستهزاء وجهي ثكلان لزمت الباب
::- وين اكو وحدة ماتعرف شغل بنت خالتها شنو؟! بَس السالفة ومابيهه ولصوج كلة بية جنت محتاجة الشغل وشمرت روحي شمر مافكرت لبعيد علعموم من رخصتج
ردت اسد الباب جلبت بية ترددد
::- فدوة اسمعيني اني هم تورطت
فتحت الباب وصحت ولعبرة لازمتني الدمعة تلمع بعيوني
::- روحي الخاطر الله رووحي نفسيتي تعبت ررروحي
بين ماجنت گاعد احجي مرت من الباب مرت ازهر رجاء بيدها علاليگ مبينة مسوگة تقربت تحمحم
::- احم مساء الخير
صارت عيني بعينها وعيني تجاه نورس الجانت بعدها واگفة هزيت راسي
::- مساء النور
حركت عيونها تجاه نورس عدلت وكفتها
::- شو سمعتج تصيحين شنو اكو شي؟!
هزيت راسي نافية
::- لا ماكو شي
نورس :- ياقوتة اسمعيني
خزرتها
::- كافي روحي
حجت رجاء بفضول
::- شكو شكو صاير شي
جريت نفس زفرتة عيوني مثبتهن عليها حجيت بحدة
::- ماكو شي شغلات خاصة ماعتقد تفيدج
بهت وجهه اختفت ابتسامتها درت عيني تجاه نورس
::- يالله روحي
رادت تحجي قاطعتها رافعة ايدي :- روحي
نورس :- لازم افهمج ياقوتة
بوزت حلكها رجاء انتبهتلها مضيگة عيونها
بلعت ريگي تنفست بهدوئ
::- الله كريم روحي هسة
راحت وبقت رجاء واكفة حست ؏ نفسها ابتسمت بطرف شفتها ودارت ضهرها مديت ايدي طبگت الباب ودخلت انتضر عمتي ترجع من بيت الحجة شروق
بقيت اعزل بلبيت احاول اشغل نفسي بأي شي ممكن يهدي نفسيتي كملت ورجعت لفراشي متلفلفة ثواني معدودة اندك الباب گمت بسرعة فتحتة جانت عمتي دخلت وراها آصف لزمتة من ايدة ادغدغ بية يضحك سديت الباب ودخلنة
حنينة: وينج ياقوتة
حجيت بسرعة واني اطبگ باب الهول
::- ها عمة
::- تعاي ماتشوفيلي هايَ شني اشو سووها طويلة علية
تقربت متربعة گدامها وآصف گاعد بصف الحايط يرسم فوك الحايط يزلغة
::- شكو؟!
مدت ايدها طلعت مستمسكات
::- خطية هايَ البت تضل هيجِ مالها واحد يدادة اريد اسجلها باسم حويتم
دمعت عيوني مـטּ صارت ؏ صورت ابوية بلهوية كملت كلامها تهز برجلها تلولي للطفلة رادت تبجي
::- أشو يدادة ناس تگلي يحتاجون بيان وناس تصيح حويتم ميت مايصير تسجلين البت باسمة لاتصيرلج مشاكل ويكولون عنج خاطفتها ويلهلوب حلها
::- لا وين اكو هيجِ ، هواي ناس لگت جهال مشمورة بلشارع واخذوهم
::- يدادة خبلوني
::- شوفيلج واحد شوية يفتهم
::- اي بلگت واحد من الولد يرگضلي بيها
::- اي سامعة عادي ماتوگف ؏ البيان گولي ضايع
::- اي ياقة هم ماوصيج شوفيلج ملابس حلوات
عدلت گعدتي متكتفة
::- ليش؟!
::- عزمتنة الحجة شروق عرس بندقة الجمعة الجاية
::- شبسرعة؟!
::- ولله اني هم حاجيتها گتلها عباس خوش عباس شسويلها تريد ستار قسمتها بعد
::- خطية عباس يحبها
::- اهلنة گبل جانو يگولون اخذ اليحبك ولا تاخذ التحبة ، مشت بشورها بعد شدرانة بستار رايدها ليلة ويشمرها لو عمر؟ الله اليدري بعد
::- الله يعوضة بلاحسن انشاء الله
::- ماوصيج دادة شوفيلج ملابس حلوة ترحين بيهن للحنة مال البنات ورتبيلج لبسة للعرس
::- الحنة شوكت؟!
::- عگب باچر
::- ماگدر اروح عندي امتحان عگب باچر
::- ياااع ياقة شنييه
::- عود بلعرس اروح هم ملابس ؏ گدي يادوب يگفن ههههه وهم معقولة عطلة
::- لا دادة روحي تتونسين هية كلها بنات
::- عمة اني طب مالاحگة احك راسي لو مسوينها حنة جمعة وعرس سبت واحد يروح اسمها عطلة بَس مو هيجِ
اباوعلها غنتبت تدردم مغثوثة تريدني اطلع اتونس
::- عازلة روحج وين ماگلج امشي تصيحين لا
ابتسمت بخفوت وايدي ؏ رجلها
::- وداعت فرسدق مو بيدي الامتحانات ماگلة وجهي
::- چاا اني هم ماروح
::- ليش؟!
::- شعدي اروح وحدي انه المرة الجبيرة شني مـטּ الرگاصات الطبالات وچمالة وحدي اگعد لا دادة اضل وگعد
مديت ايدي اگرص بخدودها وهز براسها مگزگزة
::- شحلاتج يبووي جنج ماعون بقلاوة تنگطين عسل وخري لا اكلج ههههههه
ضحكت عيونها تلمع وگالت
::- ما الله يهديج وترحين ويايية
گلبت عيوني ليفوك
::- مو گتلج امتحانات يبقلاوة امتحانات يسطاا ؏ گولت المصريين ههههههههه
خليتها ونداريت آلاصف الجان مندمج بلرسم تقربت مسللة عيوني تجاه الرسمة باوعت راسم طفل شلون المتمدد وفوگة قلب الحب يلون بية موصل بية خط بجهاز مسوي بية خطوط
مديت ايدي عصرت خدودة
::- شچاي ترسم ابو خدودد؟!
باوعلي ؏ وجهه ابتسامة والبرائة محاوطة ملامحة يأشر بصابعة الناعمة تجاه الرسمة
::- لولو هايَ اني وهاذا گلبي شوفي شلون الدكتور طلع گلبي وراح يسوية زين حتة اصير ارگض بلشارع والعب وية الجهال غميضان
بهت وجهي لا ارادياً دمعت عيوني مديت ايدي حضنتة الصدري شكد حاولت اخلي يحس هوة مابية نقص حالة حال اي طفل لكن دائماً يثبتلي العكس يفتقد لعبة الغميضان والركض بين اصدقائة ، حاضنتة اباوع الايدة المليانة جص ابيض جان لازم جص متجمع ؏ شكل حجرة ويرسم بية ايدة مليانة جص خليت ايدي بين اصابعة عصرتها رفعتها قربتها من شفايفي صرت ابوس بيها لامتة لم الگلبي امنيتي لو يصير انطي گلبي جان نطيتة
باوعت لعيونة مكورة وجهه بين جفوف ايديَ
::- راح تصير زين وتشبع من الركض والغميضان
::- ولله؟!
هزيت راسي
::- ولله يبعد گلبي وروحي وكلشي غالي عليية
::- لولو انتِ شلون عرفتي راح اصير زين؟ بس رب العالمين يعرف اذا اني راح اصير زين لو لا صح؟
::- حبيبي عمليتك سهلة متخوف مشوفني اكلك تصير زين
::- لا بس رب العالمين يعرف اصير زين لو لااءء يمكن اموت..
هوة گال هيجِ واني العبرة صارت بزردومي حسيت ؏ ايدة الصغيرة الجانت ؏ خدي يردد بحس واهن
::- اشاقة وياج لولو حبابة لاتبجين اشاقة ولله ولله
مسحت دموعي باوعتلة دموعي تارسة عيني
::- بعد لاتحجي بلموت
هز راسة بطفولية لام شفتة لداخل فمة ويحجي بحماس
::- حاضر ياالولو الحلووووه
جريت خدودة مدنگة راسي ابوس براسة حضنتة بلهفة وگمت للغرفة الثانية صاحت بية عمتي
::- وچ دادة معتازة حضاين خطية هايَ البت شلون اتضل مشلتحة بحضينتها؟!
رجعت بخطواتي مديت راسي مبحلجة
::- اشوفلها شي مني تلفينها بيه؟!
::- لا مو زين بعدها زغيره مايصلح
عقدت حواجبي
::- هوة قماش ياعمة شنو المايصلح عادي ترة
::- مو زين امي
::- چا لعد بيمن تلفينها؟!
::- تمنة تگول مرت ازهر عدها حضاين ماتريدهن مال ابنها مغسولات ونضيفات عازلتهن
عگدت حاجبي مستغربة وكتفت ايدي بنفس الاثناء انتچيت بضهري بصف الحايط حجيت متسائله
::- عازلتهن المن؟ النة !
::- اي ياقة اني حاجيتها ذاك اليوم گالت اريد انطيهن
::- ياحضاين هايَ الرايدة تنطيهن مال معيرة بعد گلبي
::- دادة صالحتنة
::- عمة الحجي ماينسي يبقة طابع بلگلب ، طشيلج ماي ينلمم؟! صح صالحتنة ورحنة وحجينة بس بعدة الحجي بلگلب تعيوبها علية! والمعيرة! والنتر والصياح! گلهن بلگلب مختومات مو ياهو الضحك بوجهنه نتلگاه بلاحضان
عدلت گعدتها لامة الطفلة الصدرها ترضعها بلممية وتحرك بفخذها أردفت بحس فاتر
::- يقول الامام علي علية السلام :-
امنحو التسامح والمغفرة وواجعلو قلوبكم بيضاء
وتذكرو ذات يوم لن نكون في هذا الحياه .
الدنية زائلة باچر عگبة كلنة راح انموت ومايبقة غير؟ اثرنة!! وطيبنة وذكرنة ، انموت وفلان يگول جان طيب الگلب يسامح ، ولا يگول عنه ولله فلان جان حقود ولئيم حقير خبيث ثارة ثارر
الله سبحان وتعالى يسامح منو احنه حتة مانسامح؟
نسامح داده ونضل نسامح ونسامح الى ان نموت ونبقة المضلومين افضل مـטּ الضالم وبلنهاية الله ماينسة عبدة ،
سكتت مانطقت حرف استمعت بانصات تام اكرص بيدي الى ان گالت
بقيت ناصتة بمسامعي تجاها اباوعلها گامت شالت الطفلة خلتها فوك الدوشك مدت البطانية فوگها تلولي فوك راسها حد ماقتحم النعاس روحها ندارت بعيونها تجاهي وحجت بصوت خافت ناصي حتة لاتفز الطفلة
::- روحي شوفي الحضاين بعدهن لو انطوهن
لميت شفتي الداخل فمي أشرت بيدي تجاه صدري
::- اني اروحلهم؟!
::- اي چاا منو يروح هيا منا لهنا ياهو اليطلعلج بَس گليلة الحضاين مال عمر انطيتوهن لا الحاجتكم عليهن عمتي
زفرت بقوة وگمت اتراطم وية روحي الضغط صار علية قوي ماگدر ابقة مگاطعة بيت عمي دلام عمتي راح تشك بيه صرت امرد بروحي مديت ايدي جريت بسرعة الشال لفيتة مشيت خطوتين للهول جريت عبايت عمتي جانت بصفها خليتها فوك راسي ونداريت اردد بغنتبة
::- مولية
ردت بنبرة ناصية مافهمت الحجتة ، گملت خطواتي لخارج الهول صرت گدام باب الحوش مديت ايدي فتحتة بهمجية وطلعت امشي وتعثر بخطواتي رجلية ترجف عيوني مركزتهن تجاه بيتهم الغيض ماليني نضراتي يشع منهن كرة نابع من گم متغلغل نابعة الوحيد كرة تجاه انسان من دمي ولحمي ، تقربت ادك بلباب
اجاني صوت بارود يصيح منو جاوبتة اني صار صوت خطوات تسللت انضاري تجاه الباب نفتح باوعلي وبتسم ممازح منتچي بيمينة ؏ الحايط
::-ها بنت العم الثكيلة عاش مـטּ شافج شهلغيبة يول
همست بصوت ناصي
::- ولله ملتهية تدري دوام ودراسة ، شلونك انتَ زين؟
ابتعد عن الباب ملوح بيدة للداخل
::- واكف بطولي كدامج بشحمي ولحمي هههه شو اتفضلي
جريت رجلية للداخل صرت لازگة بصف الحايط ماگدر ادخل رجلية نملت ارجف استحي رجع طبگ الباب وباوعلي
::- هايَ بعدج واكفه؟ صدك جذب ددخلي تمن عمبر جوة تلگينها
سبقني بخطواتة خلاني تايها بمگاني ولا جنة بيت عمي جريت نفس عميق زفرتة ومشيت اسمع صوت نابع من المطبخ جنت اندلة اتذكر من حجيت وية رجاء بسرعة جرتني رجلية تجاها
شفت ام دهار گاعدة وبصفها ليزة وروزة وغصون گاعدات يختمن گليجة بلعت ريگي دگيت الباب انتبهتلي
تمنة :- ياا هايَ صالج شكد واكفة ويين رجاء ماتحجي ماتگول طاح حضهاااا
حجت غصوت
::- غجاء (رجاء) بعدها يم نوغس (نورس)
::- شعدها يم نورس ماتگول عندي شغل عمل حاجي بارود يصيحها شني ناوية تبااتتت
گامت روزة تقربت مبعدة ايدها ومقربة بس راسها تسلم علية متريد تدمرني ايدها جانت بيها تمر
::- شلونج
جاوبتها برود
::- زينة
انتبهت ليزة تأشرلي بيدها تلوح مبتسمة بادلتها ببتسامة باهتة ودنگت احاول اشغل نفسي بلخيط مال العباية المسلوت
بين ماجانت ام دهار تحجي وية غصون تنتر
::- صالها لا ساعة ولا ساعتيين ذبت المسواگ وسابت ادري ابنها بس يزوع ماتگول يختنك محد بحالة
::- مادغي (مادري) هسة تجي
::- وين عممرر شوفي ويين خاف مزوع الطفل مريض صدرة يخرخش امة حايرتلي تصبح وتمسي
::- يم ازهغ (ازهر) بلغغفة (بلغرفة)
شفت روزة شالت الصينية دخلتها للفرن مدنگة تقلل بلعين مال الطباخ وتباوع من خلف الزجاج وليزة ملتهية تختم وغصون تحط حلقوم بلعجينة تگورة وتذبة اليزة تختمه ، اجواء اغرمت بيها حيل اشتاقيت الشملي الدفنتة الگاع
حجت تمنة وهية تباوعلي
::- كولي عمة شمحتاجة
بلعت ريگي واني اعدل وگفتي تكتفت واني اكرص بمتني بتوتر
::- عمتي دزتني تگول اكو حضاين ماتردونهن
::- اي موجودات هسة بس تجي صخيمة سابت مادري وين وللللج غصون گومي حاجي بارود يشووفها ويين
گامت غصون ثواني واجت تهرول وترددد
::- اجت اجت غجاء (رجاء)
فاتت رجاء باوعتلي بنضرة ماعرفت افسرها رفعت حواجبهه وگالت
رجاء :- شنو ياقوتة هايَ انتِ هنا؟ صدمتيني صراحة مو مـטּ عوايدج تجين
ابتسمت بطرف شفتي برود ودرت عيوني عنها
تمنة :- سايبة ساعة صالج ماتكولين ابني خطية مريض لايزوع ويختنك شهلتاخير هاذذ
تقربت گعدت بصف باب الكاونتر تفرج برجلها وتردف بحس خافت
::- جنت يم نورس
::- شعدج يمهااا
::- ولله هيجِ حبيت اسلم عليها وهم عزمتها ؏ عرس بندقة بنت الحجة شروق وبعد اخذتنة السوالف ، تعذريني عمة كولي شمحتاجة
::- تعزمين بكيفج وصايرة مرة وابنج مخليتة يتغصغص صدرة يخرخش ليشوفج يكول شلون معدلة عين الصگر جنج
::- ولله عمة شسوي اطردها قابل؟! هية هواي تحجي جلبت بية شسوي يعني
::- دگومي نزليلي علاگة الحضاين العزلناهن ذاك اليوم
::- ياعلاگة؟!
خزرتها
::- اليوم شمالجججج
حجت روزة
::- علاگة الحضاين مال عمر
ذبت نفس وگامت شوية وجان تنزل بيدها علاگة من هاية البيضة المرسوم عليها باگيت جگاير تقربت خلتها بصف روزة اشرتلي بيدها تمنة تقربت گالت
::- هاج عمة وشوفيهن نضيفات لا ترة جنتي سگط
باوعتلها بطرف عينها متنرفزة
رجاء :- عمة شني السالفة شكو اليوم
خزرتها ليزة تعض بشفتها بمعنى كافي ، رفعت اصبعها غصون بتهديد
::- غجاء احتغمي نفسج لاتصيحين خوش
ندارت بعينها بنتر صارم حجت
رجاء :- انتِ سكتي ام نص السان الغوووغة لتدخلين
حسيت وجودي صار مالة داعي بسرعة اخذت العلاگة وطلعت اسمع الصياح الصار ورة ضهري غمضت حيل وكملت طريقي للبيت مالنة بسرعة دخلت خليت العلاگة بيد عمتي وشمرت روحي بلفراش متلفلفة
مر اليوم جنت واكفة الف بشالي مبدلة حتة اداوم حاجيت عمتي اخذت منها گروة عبرية وچاي افتح الباب حتة اطلع لمحت برة عباس جان يضرب براسة بلحايط وبارود ورة ضهرة يعت بية ويزمخ كاافي ماكافي ، شفت دهار گاعد بكل برود يدخن بجكارتة منتچي ؏ حافة السيارة ويعاين للوضع الگدامة
عصرت الگروة البيدي طبگت الباب ؏ صوتة ندار علية مجمد الجگارة بطرف اصابعة نداريت امشي ؏ الرصيف بخطوات شبة سريعة طلعت الفرع صار گبالي الشارع العام العيون كلها بوجهي سيارات رايحة جاية متت بدمي كل ماريد اعبر تجي سيارة بوجهي
نداريت احاول ارجع ؏ الرصيف جان المحة يراقبني بلعت ريگي وبسرعة لزمت السريع تيهتة بين السيارات وگبل صعدت عبرية
نزلتني العبرية بصف تقاطع كملتها مشي الحد ماوصلت للگلية دخلت جان اشوف اياد اول ماشافني لوح بيدة تقرب
::- شلونج ياقوتة
هزيت راسي
::- الحمد لله ، هايَ رابع صدفة اشوفك صحيح؟!
::- ههههه بكل وقت تلگيني ندار براسة ورجع باوعلي رافع ايدة تجاه الكافترية ، نغير المكان؟!
::- ولله عندي محاضرة مهمة عود غير مرة
::- قبل لاترحين شو ما اتصلتي علية؟!
::- من رخصتك راح اتأخر
عفتة ورحت بسرعة حضرت المحاضرة ، مشة الوقت والدوام على وشك النفاذ خلصت كم شغلة جنت احتاجها وامتحانات جنت محضرتها نزلت الدرج مهرولة اريد ارجع للبيت بوكت شفت اياد بصف احد القاعات الي لازم امر منها حتة اطلع برة للحديقة
طگت روحي هاذ شلون بية اريد اطلع هسة يلزك ؏ سالفة الرقم شكلة؟ قابل هوة منو شايف روحة لا صدك مصخها ، امشي وحجي بگلبي ، استوقفني صوتة
::- ها ياقوتة اوصلج؟!
باوعتلة وحجيت بثكل
::- عندي فلوس ورجع بيهن مشكور ماتقصر
::- صدك جذب امشي ولله زحمة اني اوصلج
::- اني ارجع بيتي قريب شوية وخر اريد اطلع
صار بوجهي معارض طريقي
::- حلفت بعد مايصير
::- عود ادفع كفارة ، باوعتلة ، شوية من رخصتك وخر منا طلاب
::- امشي اوصلج محسستني اني مو زين صدك جذب ههههه بية طبيعة مكروهه بسرعة اخذ على روحي
::- لا حشاك بلعكس بَس اني عندي شغلات اريد اجيبهن بطريقي فماريد توصلني لان اتأخر
::- ماعندي شي أتاخر عليه امشي اوصلج يله
گام يلح ولطلاب رايحة رادة من الممر وكلهم عيونهم علينة شكد فشلت عبالهم عدنة علاقة حسيت من نضراتهم هاذ الجان واضح ، وستحيت افشلة وگلة لا صار عبالك يتوسل ضطريت اخليه يوصلني هم تزود گروة وهم اطلع من المأزق الصرت بيه
صعدت بسيارتة ورة وهوة ليگدام يسوق
اياد :- وين بلضبط عنوانج؟!
::- اطلع السيطرة يصير گدامك تقاطع بصفة شارع عام ادخلة وطلع ؏ ☆☆☆☆☆ بيت الشيخ دلام اذا تعرفة گبالهم اني
::- هاااا ، اي اندله
::- اي هوة الشيخ دلام يصير عمي مادري اذا تعرفه
::- لا ولله ماعرفة اني مو مـטּ هايَ المنطقة بَس عندي رضيعتي ساكنة هنا
::- الله يحفضها
::- رحم الله والديج يحفضلج الاهل انشاء الله
زفرت نفس قوي دمعت عيوني عضيت على شفتي السفلية وگلت بقهر
'' كل الشمل مهدوم انه يتيمة ''
بسرعة عدل المراية وگال
::- الله يرحمهم اسف مادري
هزيت راسي
::- عادي مصار شي لاتتأسف
كمل الطريق ساكت حجاية ماحجة شوية وگف محتار
::- ياقوتة منين اطلع دخت
اشرتلة وبقة يمشي صار بلفرع طبگ بصف الباب مسافة جان المح دهار بلباب مگنبص يدخن لمحني ثبت عينة يباوع مبين تذكرة ، بحركة سريعة مديت ايدي سحبت الباب نزلت نداريت طبگتة وبسرعة دگيت الباب جان يعزف مسامعي كلماتة متأسف
::- عذريني ياقوتة موقصدي خوما ضل ؏ خاطرج؟!
نداريت نص جسمي
::- لا عادي مصار شي
::- صدك ماخابرتيني ليش؟
::- موجود الرقم انشاء الله اخابرك
::- يالله اخذي راحتج
حرك السيارة واني درت ادك بلباب فتحتة عمتي دخلت بهمجية مجلبة بلباب اريد بَس اطبگة
::- ياااااع ياقة اسم الله الرحمٰن منو راكض وراج شبيج مفرفحة
طبگت الباب وحجيت فحطانة نفسي احسة يريد ينگطع
::- عمة جلب جان يركض وراية الله لاينطي سوحل بية الشوارع وداعت فرسدق مو جلب ليكول شاد ماطور
::- الله ستر ماعضج
::- لا شحدددة
::- شحدة ومركضج شوارع هههههه طبي ضامتلج غداج دولمة من ادين الحجة شروق
حجيت بسرعة
::- دووولمة !!
::- اي عزلتلج البصل الاچع بلجدر تلگين الجدر متغطى بخبزاية بصف آصف اگلي لاتهمين بينة متغدين گلنة
روحي سرسحت دخلت بسرعة شمرت الشال وگفيت الردان خليت الجدر بحضني ونهديت اكل ، اكلي جان محدود ماگدر اكل اذا گاعدة عمتي حنينة وآصف اگول خاف مايشبعون جنت اگوم قبل لاشبع حتة يكفيهم
هلمرة الجدر جان مـטּ نصيبي الدهن وصل الاذاني اكلت ليكول مفجوعة وبالي متشتت افكر بضلع الحايط مـטּ شافني وية اياد بقيت افكر بعدين گلت ديلة هية سمعتي بنضرة صارت منخل بقت ؏ هايَ تعود المريض
خطية الحجة شروق جانت دازة الجدر بكبرة تريدنة نشبع ، للعصر جان يندك الباب طلعت عمتي اسمع ترحب وتصيح تفضلي بَس سرعان ماهزت راسها وانهت كلامها بـ " ان شاء الله "
تلگيتها عاقدة حاجبي بستغراب ومتكتفة
::- منو؟!
::- الحجة شروق اجت تگول معزومين باچر ؏ الحنة مال بندقة مو ماتجون گتلها انشاء الله
::- جان انطيتيها الجدر
::- راح من بالي يالله عود ورة الحنة اوديج تدزينة
::- خوش
::- ماعندج شي غير؟
::- عمة اني ماريد اروح ولله مو مال هلجواء
::- ياقة زحمة المرة بكبرها اجت عزمتنة
::- اي بلعرس اروح
::- بداعت حويتم يدادة امشي نروح لاتفشليني
::- عمة شني مو كتلج من البارحة اني ماولي ماريد اروح
::- ياااااع وتالي هية منا لهنا الحنة شي اگيد عصرية تداومين وترجعين ونرووح للمغرب نبقة ونرردد لاتضيگينها وهية وسيعة
::- مـטּ اداوم مارجع تعبانة؟! ادري مطي خوما مطي حتة مارتاح
::- اي مطي
::- هايَ عليه؟
::- اي عليج ! صايرة اتعبيني هواي
::- ردت اگلج رايحة طلعتيني مطي خزي وشهيرة مطي يروح لحنة بنات ف ماررووح بلون احمر تنكتب بنص گصتي
مدت ايدها مجلبة بية مبتسمة
::- ياااع غير جنج فستقة خاب ياقة امشينة شبيج
::- الا تكولين اني اشبهمن بدون مجاملة
::- جنج عبد الحليم حافض يبعدي
::- عود صدك تحجين؟ بعد ماروح ماطول هيجِ صارت
::- وچ اشاقة يبعد حلات النيات كلهن
::- خيولن چاي تجامليني هههههه
::- جنج ياقوت اسم على مسمى
::- خوش اذا هيجِ رايحة هم زين باچر دوامي صبحي اداوم وللضهر ارجع ارتاح وروح وياج ولو مالي واهس بس لخاطرج غالية وطلبج رخيص
مدت ايدها گرصت خدي مبتسمة
::- عفية هيجِ صيري سمعي الكلام
دخلت شفت آصف غرگان بنومة وايدة بيها چص ابيض مبين جان يرسم ؏ الحايط القيت نضرة سريعة ؏ الحايط راسم اثنين شخصيات كبار وبنصهم طفل صغير التبينلي هاي امي وابوي وهوة بنصهم نمرد گلبي تقربت اباوع خدودة مطگع دمع مسحتهن بصابعي وبستة بلهفة بقيت حاضنتة الحد ماعزف مسامعي صوت عمتي
::- مـטּ هسة دادة طلعيلج ملابس الج ولخيج انه مـטּ هسة راح اغسل عباتي
رجعت راسة للمخدة مسدت فوك راسة بحنية رفعت الغطة غطيتة وگمت مادة ايدي
::- انطيني اني اغسل عباتج هم عندي كم شغلة رايدة اغسلهن صيحة بخت صبيحة اغسلهن سوة
اخذت منها العباية ودخلت اغسل بيها المي بارد ايدي جمدت نگلب لونها احمر دم شطفتها وبسرعة طلعت شريتها ؏ باب الحوش ودخلت
مرت اليلة بهدوئ داومت ثاني يوم صادفتني ليزة بلحديقة مال الگلية
ليزة :- صباح الخير
تقربت سلمت عليها بستها وبتعدت
::- هلا صباح النور
::- اليوم الحنة مال بندقة ترحين غير؟!
هزيت راسي بنعم
::- اي اروح اجت عزمتنة الحجة شروق مـטּ البارحة
::- خوش اذا ترحين امر عليج
::- راح اروح اني وعمتي هية منا لهنا
::- لا مو هاذ قصدي ، نروح للصالون وية بندقة نرتب روحنة
::- يمعودة شعدنة هية حنة
::- مو اني ماعرف امكيج هنا المشكلة كل مناسبة يطيح حضي حشاج حدي حمرة وهم الحمرة الطفل يحطها احسن مني
::- شيرادلة لزمي وشخبطي تصيرين حلوة
::- ماعرف
::- عود اني اعلمج
::- الله عليج تعرفين؟!!!
::- اي شوية
::- عجل تعلميني من يصير عندج مجال
::- تمام
::- امر عليج من نرجع؟
::- لا روحي وية البنات اني راح التهي ارتب آصف ومنا ملابس مامطلعتلي خبصة الله وكيلج
::- عود عبالي نروح سوة يالله ميخالف نزلت عينها تباوع للساعة يالله عود اشوفج بلحنة عندي محاضرة ضرورية
::- اخذي راحتج
راحت مهرولة بخطوات سريعة حضرت محاضرة وطلعت جان يصير بوجهي لزك اياد خرب حضي ردت ارگع گصتي بغمة افلشها تضاهرت البرود وگلت
::- وين ماروح تطلع بوجهي
::- ههههه صدف القدر هايَ
::- لا مو قدر هاذ حضي
::- حضج زين لعد
::- الثقة
::- مليان ثقة
::- الله يزيد ويبارك محتاج شي؟
::- مشغولة؟
::- اي اريد ارجع بسرعة عدنة مناسبة
::- اوصلج بطريقي؟ ماعندي شي
::- لا ولله مشكور
نداريت خطيت خطوتين جان يكول
::- خابريني عود
سويت روحي ماسمعة الدوام خلص طلعت بسرعة وگفت عبرية طريق هد حيلي دفعت الگروة بلمة ونزلت كملت الطريق مشي
دخلت بلدرابين وصار بوجهي بفرعنة سيارات هواي مشيت ؏ الرصيف وبسرعة دگيت الباب لگيت عمتي مبدلة الآصف ومرتبتة اول مانفتح الباب جان يحجي بنبرة مليانة برائة
آصف :- عادي اگعد بلباب؟
جاوبتة واني ابوس بخدودة وحضن بية
::- اي ابو خدود اگعد بَس مو تروح بعيد ديربالك بلباب ضل گاعد لاتتحرك
هز راسة وگعد عمتي صاحت خلتة يوكف عبالها راح يتدمر شافت الصبة نضيفة رجع گعد دخلت جوة بسبب السيارات البرة والهورنات منا عمتي گعدت تحط عمبر وتعطر بلعباية بمعطر مال صلاه جان زغير مرسوم علية الكعبة عطرة جنة بخور فواح يخبل
دخلت بسرعة للغرفة طلعت العلاگة اشوف شلبس ملابسي قديمة تعبانة جان اكو قميص جوزي قديفة شتائي طويل يوصل للفخذ بي رگبة جريتة ونفس البنطرون الاسود بقيت بية بس غيرت القميص عدلت الرگبة مالتة جانت تحك برگبتي حيل نغثيت كلساع احكها بسبب الركبة مالتة الخشنة
طلعت شخابيط العيد حميميرة وكحيحيلة شخبطت بيهن وجهي ومسحت باودر خفيفة وگبل لفيت الشال نداريت اشوف عمتي مخلصة شفت العطر مال الصلاة مبقيتة بلگاع طفرت علية اتعطر بية ولحذاء الصيفية نفسها ام السير لبستها
بقينة شوية بعدين للعصر جان تگول عمتي يالله خل نروح هم يالله شالت الطفلة واني شلبگت ايدي بيد آصوفي طلعنة رادت ماتطبگ الباب بعدين گالت خاف ننباك ف طبگتة تكول عود واحد من الولد يطفر يفتحة
الشارع مليان سيارات وكراسي الفتهمتة بلشارع راح يسوون حنة ستار وجوة حنة بندقة كملنة طريقنة لبيت الحجة شروق ، لگينة ام دهار جاية ولبنات كلهن ليزة روزة غصون رجاء بس شنو صلوخ محد بيهن لابسة حجاب بس اني امبخنگة ، عاد سلمنة عليهن وگعدنة ؏ صفحة دخلت هواي نسوان لازمات ايد بندقة يرگصن بيها ويهوسن وهية الفرحة ماواسعتها لابسة بدلة وردية تخبل طالعة
طشن جگليت والديجي صوتة عالي مشغلين سارية السواس بس اسمع مني ، آصوفي گام يلعب وية الجهال وصيتة ينتبة ؏ روحة اباوعلة بلحوش يرگص
شوية ودخلت فايقة العايقة وبناتها شذى وشوق المكياج تخم متعنيات مـטּ بغداد للانبار الحلك ليكول مطي ماكل رمان تجاهلت وجودهن وهنة كذالك اتجاهلنة القهرني تجاهلت اختها انتبهت العمتي انهضمت
تقربن اكلن تمنة اكل بلسلام كعدت فايقة بصف تمنة وبناتها شذى وشوق گامن يرگصن گدامها گامن وياهن ليزة وروزة وغصون يرگصن
دخلت نورس تلكتها رجاء سلمت عليها وگعدن
تقربت ليزة مدت ايدها لازمة ايدي تسحبها تريدني اگوم اركص وياهن واني لا ما لا بل اخير كمت اصفك وهز براسي والديجي خلة العالم تذب لحم
گامت الحجة شروق دخلت صينية بيها حنة وشموع وبخور جانت ساكتة ولا مبين عليها الفرح وجهه ثكلان حطت الصينية وندارت تاشر البسن الحجاب ، وهاي شذى خبصتنة تصيح لُوييشش نلبس الحجاب جاوبتها تمنة راح يدخل ستار غير يحنيها
شوية وجان يدخل ستار لابس قاط يضحك تقرب باس ايدها وخلة بيها حنة والنسوان تهلهل ، واني عود ردت اهلهل جان انوص گضيت ورجعت المگاني
مابية حيل فشلة ، حناها وطلع جان تجرني ليزة تهمس تعالي نصعد فوك اجيت وياها لحگنة شذى وشوق وروزة وغصون ، صعدنة للسطح جان تدنگ وتگول
ليزة :- باعن الچوبي
مديت عيني باوعت گراسي محاوطة الفرع وبنصهن زلم لابسة دشاديش وبيدهم سبح ورجال جبير ؏ صفحة بيدة سماعة يغني انباري
شذى :- شنو هاية كلهم راح يركصون جوبي؟!
روزة :- لا بس اليعرف يچوب عدل
رفعت اصبعها تأشر
شوق :- ذاك منو؟
جرتها روزة تردد
::- دنگي يمعودة لاواحد يشوفج باوعي من جوة
::- هوة منو ذاك؟
::- اخوي ازهر
::- ها چاا وين الباقين
::- شدراني
حجت غصون
::- تدغن اني اعغف اغگص چوبي
ليزة :- عجل ماطول تعرفين ترگصين چوبي دتعاي يخايبة نچوب اني وياج
::- اغيد سبحة
::- نزعي الگلادة وفري بيها منين الگالج سبحة
رراحن بنهاية السطح يفرن بلگلادات ويچوبن وروزة ملتهية تباوع وتدنك بسرعة خاف واحد يشوفها شوية وجان تهزها شذى بهمجية وهية تأشر
::- منننووو ذذذك منووو
::- ياهوة؟
::- ذااك ابو الدشداشة البيضة
::- اخوي بارود
::- وذاك الوراه ابو دشداشة السودة
::- هاذ اخوي الجبير جاسر احنة نصيحلة دويهر
::- بارود احلة منة
::- ههههه شنو عجبج اخوية
::- ههههههههه
رفعت عيني اباوع شفتة لابس دشداشة سودة ولاف غترة فوگ راسة ، وفوك الدشداشة لابس حزام مدرع حاط بيه مسدس بصدرة بيدة السبحة يفر بيها ويدبچ برجلة وية صوت الطبل
ومنا بارود لازم عباس واگف بصف ابو السماعة يحجي وياه ويأشر بيدة حولو السماعة الايد عباس لزمها وعيونة ناطة شماغة مغطي وجهه حجة بحة شايب كاتله التعب
عباس :- يول ارررد امشي للعباس وشكيلة حالي ترررضاها يامولاي باگو حلالي
نص الگاعدين صاحو الله بصوت مسموع رنان بين ماجان ستار مدري وين ماشفتة
كمل بصوت مبحوح يفطر الگلب
وين الله ويگولون ردها الخذاها اخذها لو عشرين جاهل وراها
انتبهت الجاسر عاض السبحة يلبس بجفة بدون مقدمات ندار من ورة ابو الطبل جر عباس ويعض بصابعة البارود وينتر بيدة
حجت روزة بحس مخنوگ
::- ولله خطية عباس مايستاهل هسة حبج درضي بية ماكو شلوون ماتريدة
شوق :- هاذ السحبة اخوج دهار موو؟!
::- اي
::- ليش جرة
::- من البارحة بليل يوصي بية يابببة لاتصير ضعيف وتبين انتَ مگسور تعال للچوبي چوب وضرب الدنية بجلاق شو هاذ بعرها بموال فلش القضى ولمضى عليش بعد مايجرة ايريد ايرد ماي وجهه
::- يعني عباس يحب بندقة
::- يمعودة سالفة طويلة بعدين اسولفلج ، ها صدك شو انتن ماتعرفن لا ولد عمجن لا عمامجن شلقضية
::- صالنة عمر ماجايين للانبار وين نذكر
::- شعجب عاد صلة الرحم ماتنسي
::- اي اتذكرهم مـטּ همة وصغار مو مـטּ گبار
اجت ليزة وغصون تقربت ليزة جان تگول
::- يله خل ننزل جوة نذب لحم شعدنة بلسطح متعلگات هوة چوبي مال زلم
ضربتها روزة تضحك
::- لعد منو صعدنة فوووك
::- خالتي هههههه
غصون :- غوزة خلينة نغگص چوبي
شذى :- شنو انتِ ترتلين؟!
::- شنو اغتل؟ (ارتل)
::- يعني ماتعرفين تحجين حجيج مكسر رتلة
انتبهت لعيون غصون بسرعة دمعن جلبت بيها روزة جان تحجي بنبرة ناترة
::- اكو شي اسمة لدغة شنو ترتلين شهل حجي الهيلگي هاذ
جاوبتها شذى بنبرة تحاول تتلافة بيها الموضوع
::- لا مو قصدي بس حجيها ماينفهم وجاني فضول اسئل
::- لا ينفهم وكلش زيين ييخبل حجيها
شفت غصون هدت روزة وندارت تركض مبينة بجت لحگتها روزة باوعت لعيون ليزة بسرعة غنتبت تقربت مدتلي ايدها سحبتني من بيناتهن ومشت تحجي وياية روحة طاگة
::- ذن شو ماعدهن اسلوب بنات فايقة
سحبت نفس بيه حسرة وأردفت بحس خافت
::- عشت وياهن وجرعت المر شكد جانن يحجن ؏ وحمتي يخلني هيجِ انتهي امرد عيوني مرد من البجي هنة هاذ طبعهن يحبن يجرحن المقابل عبالهن زينية
::- يولي يخسن ولله لساني هاطول اني ماسگت عن حقي دلالة الله وكيلج شيجرحن شيصخمن احطهن جواي ونام فوگهن ادوسهن بلگاع ابلط بيهن الشارع
ابتسمت بخفوت شفت روزة لازمة غصون جانت تشهك جنها طفلة دموعها عشرة عشرة وترردد
::- غوزة عوفيني تغكيني اغيد اغجع للبيت وين باغود خلي يغجعني يله
مدت ايدها تمسح بدموعها وتحضن بيها
::- ختولي كافي مو احجي وياجج
::- شفتيها شتگلي سمعتتتيهاا
::- وشعليج بكلام الناس؟ شيحجون خل يحجون طز اهم شي انتِ مقتنعة بنفسج كلام الناس غاية لاتدرك
نزلت دموعها ونصت راسها خجلانه
::- غوزة اكو دكتوغ يعالجني ولله تعبت
كرصت خدها تحرك بية راسها يمنة ويسرة ممازحة
:- لج اني شلون اعيش بعد اذا ماسمعج تصيحيلي غوزة!! شحلات اسمي من حلگج يمااا غير امووت اذا ماسمعهاا
تقربت ليزة تدغدغ بيها تريد تضحكها
::- هيلا يارمانة وهيالة يممااا مـטּ هية الزعلانة؟
جاوبت مبتسمة واني اصفگ
ياقوتة :- غصونة الزعلانة هيلا يماا
::- منو اليراضيها؟؟! ، هيلا يماا
::- ليزة التراضيها ، هيلا يماا
::- وشلون تراضيها؟ هيلا يماا
::- بمحبس وگردانة هيلا يماا
::- لا يخايبة مفلسة منين اجيبلها محبس وگردانة
جرنها ضحكة ؏ ضحكتهن صارت تضحك وتمسح بدموعها
حجت روزة وهية تندس بيها وتحاول تجرها
::- اي هيجِ اضحگي شحلاتج ، يله امشي خل نرگص مو مال بچي وشكو واحد يعيب عليج يغاررر خوش
هزت راسها مكتفة اديها الصدرها مشت وياهن ودك ورگص ساعة نرگص جوة يم بندقة ساعة نصعد للسطح نشوف الچوبي الجان يموت صوت الطبل رنان ومتگابل ضلع الحايط وبارود وازهر يچوبون
اجت عيني ؏ جاسر لزم السبحة ببين اصابعة فرها عاض الغترة بين اسنونة ويدبج برجلة يگمز ليفوك وينزل للگاع يصعد وينزل ، حط السبحة ؏ جتفه ورفع ادية حط جف بجف وصار يحرگ قرب راسة وليگدام وية صوت الطبل ، رجع السبحة بيدة فرها ؏ اصابعة وسوة حرگة طك الاصبع وصار يچوب ؏ الخفيف رگبة وگسر
گام مـטּ الگاع رجع ايدة ورة ضهرة وايد رافع بيها السبحة يفرها وية صوت الطبل تدبچ رجلية
نزيت مـטּ صفنتي ؏ صوت ليزة تغمز وتگول
::- هاا هاا وين صافنة
بلعت ريگي وعدلت وگفتي
::- اباوع ؏ الچوبي ولله حلو رگصگم صارت بنفسي اريد اجرب ارگص چوبي
::- نچوب اني وياج
::- ويين ماعرف
::- صالج ساعة صافنة على دويهر متعلمتي؟
::- "اهو بدينة بلتبلي" هواا منو صافن عليه
::- ههههههه عجل تعالي جوة شعدج فوگ
نزلت وياها اباوع هاي شبيها دخيل الله كل ماتجي عيني بعينها تغمزلي وتحرك بحواجبها ليفوك
شفت عمتي گاعدة يم الحجة شروق تسولف بقيت گاعدة يم البنات شوية باوعت آصف ماكو؟! ردت اگوم جلبت بية روزة
::- ها راح ترحين؟
::- لا بَس آصف ماگو جان بلحوش يرگص وية الجهال
::- يجوز بلباب
::- خليني اشوفة احسن مايرتاح گلبي اذا مو گدام عيني
ردت اروح جان تقاطعني رجاء
::- تدورين ؏ اخوج غير؟
::- اي وينة؟!
::- هسة اصيحة اوكفي
عافتني وراحت بسرعة ورة دقايق اجت وبيدها آصف تقربت وگالت
::- عذريني تأخرت جان يحجي وياية دهار ، هاج اخوج ديربالج عليه
::- مشكورة تعبتج
::- لاماكو كل تعب بَس...
رفعت عيوني تجاها هزيت راسي بمعنى شكو؟!
بقت صافنة بوجهي وتردد بَس...!
العالم بدت تخف اذن المغرب كلمن راح ؏ صلاتة سدو الديجي حجت بنبرة مسموعة
::- بَس ياقوتة انتِ مو جنتي تشتغلين بگوفي؟!
⁘✹⁘
يتبببع...
📌:- حسابي الانستا _lolo743_ انشر بية تغشوشات .
والى هنا نقفل البارت فلذات قلبي
-الكاتبة وَرْد حيدر-