️💬 كومنتار فيه رايكم + فوط⭐
حبيت نزيدكم هاذ البارت اللي راح يكون الاخير حتان تزيد تطلع الكرونيك شوي ومن فضلكم ماتضغطوش عليا بيسك الكرونيك مزالها في الحضيض منقدرش نكملها هكذا بهاذ التفاعل مع زوج من العباد ونقلهم شكرررا بزاااف لييكم كانو معايا من بداية الكرونيك ويعلقو على كل حدث نقلكم مارسي حبيباتي على دعمكم ahlam_halomaو Mer__iem__kr__
قرب منها يحاول يمسح الدم اللي على وجهها، الصمت كان سيد الموقف كامل يتفرجو حد ماقدر يقدم ولا يحكي في حضورو
بعدت عليه قبل ما يمسح لها حكم معصمها بقوة وجرها ليه يهمس في وذنها
......ادم : كلما تبعدي نقرب كثر.... تهربي نلقاك... تخبي حوايج عليا وانا نعرفها في الدقيقة... انت تعاندي وانا
شاف للون عينيها الرمادي وكمل : راح تعرفي هاذا مع مرور السنين
شافت فيه لميس بلا فهم ما استوعبتش هدرتو والتلميح اللي يقولو مزالها في حيز الصدمة بلعت ريقها بصعوبة وهي تحاول تتحرر منو
ادم : هدي روحك ماني راح نديرلك والو
مسح على وجهها اللي ولا اصفر من الخلعة بحنان تحت نظرات ايفان القاتلة
حاولت تتحكم في روحها متوالو رجفتها و شعورها بالغثيان خلاها تتبكم ماتقدر تهدر ولا تدافع على روحها ملصت يدها منو وراحت تجري للسانتيار ... محا ملامح الحنان ورسم ملامح الجدية والصرامة على وجهو وناض امر رجالو يجيبو رجالو اللي كانو ثم للمصنع القديم ومشى تبعها للحمام مديسيدي يديها معاه باش يرتاح من تهورها وتمردها اللي رايح يهبلو
شافت في المراية بعد ماغسلت وجهها مسحت فمها بيسك رجعت كلشي
لميس : الله يعطيني غمة تغمني لوكتا نبقى مهبولة هكذا ماتربيتش من الشي اللي صرالي مادرت والو في حياتي ماحققت لا احلامي لا علاقاتي مع عايلتي مافهمتش كيفاش ننصح الناس بالتفاؤل وانا اكثر الناس المتدمرين
مسحت على وجهها بتعب وكملت تهدر وحدها : افف عييت والله محتاجة واحد يوقف معاايا ويكون سند ليا حسيت بالناس كامل ووقفت معاهم وانا واحد مايحس بيا
خبطت روحها بكفوف خفاف تفيق في روحها ميش حابة تتأثر بالسلبيات اللي اجتاحوها
لميس: هههه السعاادة السعااادة ماكاين غار السعادة ااحياة نعيشها مرة وحدة معليش المغامرات ملاح نهار نولي عجوزة اني نحبس مانقدر ندير واالو
طلعت لمورال لروحها بروحها ودعمت روحها بروحها
سمع لكلماتها كاامل يضحك عليها ويضحك على روحو كيفاش طاح في حب وحدة مهبولة حس بالكالم الداخل سمع صوت عيطة دوات الحمام ماخممش دقيقة ديراكت كسر الباب ودخل حوس عليها بعينيه مالقاهاش شاف التاقة محلولة وطرف من قشها لاصق ثم راح يجري لقاها لاصقة ثم معلقة من ظهرها
ادم : وشراكي تديري!! تهربي!!
لميس : عاونني ماكش تشوف فيا معلقة كي الفيستا!! قاعد تتفرج فيا
ادم : اممم اللسان هااذك مزال ماتصّلحش يلزملو قص!!
لميس : اععع فكني يا وحد الدب العملاق جايبها غار في الطول والعرض الظرافة ماتعرفلهاش طريق اا ظهري تكسر بهاذ الوضعية
راح ادم غلق باب الصالدوبان ورجع ليها قرصها من ذراعها حتان عيطت
ادم : تبانلي تحتاجي اعادة تربية!
لميس : اااسمحلي اسمحححلي والله مانعاودها ياحضرة المفتش غار فكني برك بليييز 🥺
ادم : ضك نهبطك واستنايني التحت عندي هدرة معاك
هزتلو راسها بايه ماجات تهز راسها ليه كانت في الارض تتوجع
لميس: اااااا ما مسلاااني ظهري تقسمم
هزت راسها ليه : ياوحد المتوحش لاه هكذا!! ماتعرفش تنحي بالعقل باللطافة لاه هكذا نعاونو الناس!!!
شاف فيها بتمعن في تفاصيلها رغم تصرفاتها الوقحة الا انو تعجبو وكون تطيح بين يديه يروضها غار مسألة وقت برك شاف فيها بحدة يحاول يهبط لعندها
ادم : اسناي ضك نهبط ليك
لميس: لا لا لا ديزولي اسمحلي هو اللي تحرش بيا والله ماني نكذب
استوعبت وش كانت تقول وكملت تهدر بسخرية حاطة يديها على خصرها
لميس : استنا استنا حاطني رايحة نخليك تزيد تعتقلني مرة اخرى!! لالا غاالط ماشي لميس اللي تتحكم مرتين
نحات فردة سبادريها ورماتو عليه تحاول تشتتو وتأخرو لشتا شوية باش تهرب وصح هرربت بفردة صباط وحدة شاف فيها ادم بصدمة هاذي بالحق مهبولة
ادم: يخي مهبولة استناي تكوني بين يدي ونشوفو الهربة وين
_________________________________
بقات تجري هاربة بلاما تحبس دقيقة هزت تيليفونها اللي كان ماحبش يحبس من الصونات
لميس : الو
بعداتو على وذنها بسرعة تسمع في عياط مايا عليها قريب تخرجلها من التيليفون
مايا : يا وحد ال***وين راكي راهي 3 تاع الصباح وش راكي ديري ياوحد الكلبة
لميس : اني جاية والله راني في الكارطي تاع الدار دقايق ونكون في الدار
صدقتها مايا تحسب صح : روحي برك كي تجي نتفاهمو 5 دقايق نلقاك قدامي
لميس: ايه ماما كيما تحبي
كوبات عليها قبل ماتزيد تسبها شافت وراها مالقات حتى واحد زادت في لافيتاس تاعها مروحة للدار
________________________
في موسكو عاصمة روسيا
سامر بحماس : طلبت الشراكة من شركة لوينو بصح عن طريق الياس ماشي ادم هو صاحب الشركة مانضنش راح يرفض.... وجدي روحك فيروز خاطر عرضنا للعشا مع عايلتو ولازم نقتارحو عليه فكرة زواج ابنو وبنتنا اذا قبل راح تزيد ثروتنا بالاضعاف
شافت فيه فيروز بحيرة وحطت كاس القهوة تخزرلو
فيروز: فكرة هاايلة عنندك الحق اذا درناها شركتنا راح تولي عالمية بصح نظن ميرا ميش مناسبة للزواج ضكا قادر يتملكها ويطلب منها ماتخدمش وشكون اللي يدير الشركة ويدير امور الصفقات.... ؟!!
سامر: شكون قالك بلي رايح نزوج عقلنا المدبر مزلنا نحتاجوها.. ولا نسيتي بلي عندك ابنة اخرى... اصلا سمعت بلي ادم لوينو قاسي ومتملك و صعيب مايقدرلها غار هو.. يروضها ملييح
فيروز : شنهي شنهي!!! كيفاش راح دير هاذي نسيت شخصية ذيك العاقة واقيلا والله ماتقبل هي تكره اللي يتحكم فيها وتحب الحرية ماتحبش اللي يتصرف في حياتها
سامر: ماتخافيش عندي خطة محكمة تخليها تركع عند رجلينا وتلبي طلباتنا
فيروز : هه ماشكيتش هاذيك المهبولة ترجع يلا ماقتلهاش تقتلو هي بعمايلها
سامر : استناي واتفرجي
فيروز: فاش راك تفكر!! نبرتك هاذي ماعجبتنيش سيرتو كي راك تبان متأكد بزاف من هدرتك
سامر : نستغلوها بصحبتها مايا سمعت بلي تحبها بزااف من قلبها وتعرفي لميس مالغري قبييحة بصح حنينة ميش رايحة تفرط في صحبتها اللي هي اصلا ميش معتبرتها صحبتها
فيروز : ممم فكرة مليحة نسبة حدوثها 20٪ بيسك مانعرفوش اسكو عائلة لوينو راح تقبل ولا نو هههه وثاني امبوسيبل يقبلو هوما لميس بنتنا تولي مرت ابنهم من تصرفاتها ووقاحتها غير المؤدبة ماشكيتش تعجبهم
سامر : هههه مالك فيروز قوليلي برك شكون اللي يتقدمولها الرجال بزااف لميس ولا ميرا... باينة لمييس خاطر عفوية ومهبولة وطفولية تدخل لقلوب الناس تسما هي الضربة القاضية لينا
كانت ميرا تسمع لكل هاذ الكلام وعينيها مليانين حقد وحسد من ختها زادت كرهتها اكثر واكثر خاطر داتلها كلش حب خوها الصداقات وضك تحوس تديه هو!! ميش راح تسمح لها هاذ المرة يالوكان تقتلها
ميرا : راح نندمك على كل حاجة ديتيها مني وميش راح نتسامح معاك لمييس
...... يتبع❤️❤️❤️
الى الملتقى متتبعاتي الحبيبات ♥♥♥