بقلمي
زينب
بارت طويل لعيونكم لان تاخرت ب التنزيل
تعليقاتكم فراشات♡
تصويت
..........
شعلة النار وحرارة الحرق لحد هسه ماطفت بكلب تميم
طفولته وطفولتها وطفولة عباس لحد هسه محفورة بكلب تميم قبل عقله
من الصعب تنتزعين كل الصار من حياته يتاذه من تحتركين ويجي ياذي نفسه اضعاف اذيتج بس جان كلشي مدسوس
تميم مو نفس الي تعرفينه
انسان بارد المشاعر والاعصاب اذا ترجعين سنين ليورا راح تلكين تميم الي ضحه وانطه وحارب حتى ياخذ انسانه يحبها بس جان للحياة راي ثاني انو يكملها وحده ويلكاج ب النهايه
انتي بنفسج جاي تكليلي هو كلج اسولفلج ب الوقت المناسب وهذا الوقت ب التحديد مو مناسب ياسديم بس اسولفلج اني وفهمي مني كلشي
قهر تميم يبين بعيونه وحيله المهدود وظهره المنحني دموعه اذا نزلت عليج مره فاتكدي تميم مستحيل بيوم يكدر يعوفج لو ينساج
ربما انتي عوضتي عن الفاته وصرتي كل ناسه اذا كايلج دنياي انتي فصدكي لان مو ب السهولة يكولها اذا شفتي دموعه بعينه لاتكولين رجال ضعيف الاراده كولي خاطره جبير بس بسرعه ينكسر
باعي سديم مو غلط ضمينه عليج كلشي بس غلط ندخل بحياتكم وهو تميم يريد وقت علمود يسولفلج
كلت بقهر واني حيلي مهدود ودموعي تلالي بعيني
_شمس كلشي سولفتي الجمانه رجعي احجي الي شنو خمسه ميل شنو النار ليش اني غريبه وسطكم او ب الاحرى ليش غريبه وسط هل دنيا
_لاتكولين هيج سديم باعي والله العظيم مو نفس مامفكره الموضوع اكبر من هيج سديم ماريد اهيج مواجعج بس تكدرين تسولفين عن وفاة امج
تكدرين تسولفين عن عجزج انو تنقذيها ترا تميم مر بنفس المريتي بي خلي نفسج مكانه قبل لاتقيمينه
باعي تميم اكيد مو بهذا العمر ومامار بعلاقه قبل انتي هم فكرتي ب الموضوع ومن سالتي كلج غير مره اسولفلج وضل يتهرب حسب كلامج سديم والله ماكدر اسولف مو بيدي يعني هو يسولفلج احسن
_احجي
كلمات تنطق بقلق وغصه وهيه تتذكر لوعه اخوها وتكطع كلبي بكلماتها
_شوفي منين ابلش والله ماعرف عوفينه من الامور الجانبيه عباس عاش قصه بطفولته حيل متعبه لهذا السبب تميم تعلق بي حيل بس جان تعلقه بعباس بشكل مو طبيعي
_مجاي افهم شي شبي عباس شدخله بتميم
_شلون اوصلج فكره والله ماعرف باعي عباس مو ابن عمه ميساء اهله توفو جان جبير بعمر مرتضى هيج يعني يفتهم مفتح عيونه ع الدنيا بقه هو واخته محد رادهم عمه ميساء جانت من كرايب ام عباس روح ب الروح عمه ميساء جان مايصير عندها اطفال ضلت سبع سنين بدون خلفه وتخبلت من الحجي التسمعه المهم ماخذه الطفل عباس واله تربيه هيه وجدو ماقابل تخبل من سامع بيها هيج تريد ويكل العمو تطلكها وماتاخذ ولد الغريبه وتربي بس عمو جان مايد عمه ميساء وطلعو من البيت هذا كعدو بمنطقه اسمها خمسه ميل
اخذت عباس واخته ود الله يرحمها ضلو سنين جان تميم اكبر من عباس بس تاخذه الهم بيبي او عمو رافد او عمه كوثر لحد ماتعلق بعباس واخته بشكل مو طبيعي صار كل حياته عباس اذا مايروح يوميه يشرد من البيت باعي هذا الحجي كله من لسان بيبي وجاي اسولفلج لحد ماكبرو سوا صارو شباب ودخلو كليه سوا جانت ود اصغر من تميم باربع سنوات بعد تخرجه تميم صدمنه يريد يخطب ود كلها عارضته
بس جان ضاربهم بعرض الحايط وخطبها فعلا تميم صار انسان ثاني تغير جذريا من حبه الها صار الكل من يريد شي من تميم بس يحلفه بغلات ود قبل عرسهم احترك البيت الجانت بي ود عباس بدوامه وعمه ميساء وعمو جانو طالعين بس هيه ب البيت
احترك كل جسمها ضلت اسبوع ب المستشفى وتوفت تتخيلين تميم بهاي الفتره شنو صار بي
ترك كلشي بس مكابل البيت المحروك وكاعد ايام وليالي هو ب النجف هواي شغلات ماتذكرها ب الضبط ماجنت واعيه
بعد كلشي صار تميم رجع للبيت بس رجع مقامه بين عمامي مقام جدو فرض شخصيته ورجع احسن من قبل بس يبقى جزء مكسور بي اختلفت علاقته ويه عباس جذريا ابتعد عنه صار يخاف يخسر شخص يحبه شايفه من توفه اخوي حسين شلون تعذبنه بس هذا كله قطره بحر يم عذاب تميم والايام الشافهن وصل المرحله يتوسل ب الدكاتره بس علمود تعيش بس جان حالتها صعبه
من طفولتي اشوف دموعه وكسرته تعودت على تميم بهذا الشكل بي كلنه لاحظنه تغيره وياج
جنه من نطلب منه شي مايسمعنه حتى تصرفاته تغيرت ويانه من اجيتي انتي جد مو قصه اسوي تميم فد شي يمج واعظم الامر بس علمود يصير كلشي كدام عينج ماترحين تلومينه سديم شي طبيعي المر بي تميم يجوز مراد يذكر مواجعه
و انتي مريتي بهواي عواقب مراد تزيدين من تفكيرج ب الموضوع اكثر من هيج
كلامها الي من الصعب استوعبه اخذ نص حيلي
لفكر بعمق بكلامها احاول استوعب بدون افكار جانبيه تشوشني اكثر
بس جان اكو ضجه بكلامها مجاي استوعبها واني ارسم تخيلات وضع تميم ويه غيري حب طفولته ومراهقته اني اجيت نهايه المحطه بحياته ياترى راح اكون نهايه حقيقه لو مكتوب التميم يشنلع كلبه
اتضحت الي كل علامات الاستفهام الجانت تراودني من بدايه معرفتي بتميم
سألت شمس واني الغصه خانكتني
_نهايه حزينه مو شمس اني اخر محطه بحياته ماكلف نفسه يجي يحجيلي لو جزء من المر بي
كمت من يمها واني رافضه اسمع اي شي منها زايد يزيد الحاله الاني بيها
دموعي رافضه تطيح وتريح جفوني
كلبي رافض يستراح من قطار المتاعب المر بي
لتنتهي حياتي ويه تميم لو بدت ماعرف شنو ب الضبط سيطر علي شعور الكره تجاه نفسي
شعور الحقد الحسيت بي على كل الوياي ب البيت
طلعت من غرفه شمس واحس الفستان العلي خانكني ورافض يعتقني
صوت الاغاني تتعالى بس جسمي نحلان الدرجه ماكدر انزل اشارك بشائر بفرحتها
صارت كدامي غرفه تميم مجرد ماشفتها دموعي تنزل بقهر
دخلت جانت الملابس ع السرير والميز هوسه
صوت تلفونه الي يرن بجيب بنطلونه
نفتح الباب ودحل تميم مستعجل ومبتسم تلاشت ابتسامته وهو يشوفني مسحت دموعي تنزل غيرها
كلت قبل لا يكعد يمي
_شنو الجنيته بحياتي حتى هيج تجازيني تميم مو تكول حسن ضني جنت احس ب الذنب خاف بيوم اخذلك جنت اتمنى ماتكول هاي الكلمه مره ثانيه كل ماتعيدها ينعصر كلبي بس طلعت فعلا حسن ضنك لان ولا مره خيبت ضنك ولا مره اذيتك مثل ماسويت بي
لاحظ رجفتي وهو يلزم ايدي حيل بين ايديه
_على شنو هل حجي سديم
_ما الومك ابد لان هاي حياتك وهذا ماضيك شنو راح ينقص بحياتك لو مسولفلي قبل لاننخطب ليش دومك جنت تاجل سوالفي وياك لدرجه صرت احس نفسي ثكيله عليك هاي الفتره الكلها اعيش جوا شعور الذنب تعبتي تميم مكافي ليش اني الغريبه بحياتك
غمض عيونه حيل كانو يريد يتهرب بعد مره من كلامي بس يجوز هل مره حطيته كدام الواقع
_سديم كتلج ب الوقت المناسب اكلج
_مقهور مو كلبك يوجعك مو ذكرتك صح
اخذني بين حضنه واني اكول كلمات مامفهومه بين دموعي دخت من كد مابجيت غمضت عيوني وجفوني تحركني كلت بصوت مبحوح
_ليش تخلي كلبي هيج يحترك بدون ماتحجي شي تميم شسويتلك اني
جانت صفنته بوجهي تزيد من حرطت كلبي اضعاف كلت ابتعدت عنه واني اعلي صوتي بقهر علي
_سااكت موووو متووونس ع الووووضع متووونس تشووووفني هييييج
_بس اهدي انوب نسولف
_شنسولف بعد نسووولف سدددديم ب الووووقت المناااسب نسوووولف سدددديم تعباااان غيرررر مررره نسووولف هسه سددديم اهدددي ونسووولف انت مجاااي تحس بلوووعه كلبي لاتلووومني ياتميم لو مهمااا سووويت هسسه سوووايتك ويااااي ماتنغفرررر ابد
حط ايده على حلكي وهو يسكتني ويكول
_مو هيج سديم لاتزيديها علي
شهكاتي المتتاليه تمنعني اكمل حجي
_اشش سديم على كيفج باعي رجفتج تنفسي زين لاتختنكين
_لاتخاف ما اموت وراي عمر طويل اتلوع بي من وراك
غمض عيونه وهو يجر نفس
كلت بغصه وعيونه مدمعات
_هيج الماعنده اهل ينكسر بسهولة تميم
سكوته يزيد من غضبي وناري
_جنت تحبها هواي تميم حب طفولتك وشبابك شلون ماتحبها هههه سديم شنو هل سؤال السخيف
_لاتزيديها علي سديم
_لا تميم شزيدها روح تونس اليوم خطوبه صديقك وابن عمك سديم شنو حتى تكابلها وتكعد
_سديم لان مقهورة تحجين هيج توقعين هيج افكر
_اووو تميم كافي تبيع مثاليات تعبت اني مكافي تميم مناوي تحجي شي مناوي تبرر مناوي تهتم
_مايهون علي اشوفج هيج
_لا هنت عليك تميم هنت وهنت شنو تتوقع مراح اعرف عبالك اخلص حياتي كلها مغمضه عيوني عن تصرفاتك
_منين عرفتي
_هذا الهامك
_منين عرفتي سددديم
_مراح يقدم لو ياخر
دنكت راسي وايدي مشابكات بعض دموعي تنزل بحركه وضياع صوت انفاسه وهو يجر حسرات صافن على وضعه
استمع اله بكل قهر وهو يحجي
_ماردت اشتت تفكيرج بشي فوك ما انتي تعبانه سديم لا عبالج اني غشيتج بشي لو ضريتج عرفتي كلشي شنو الاوضحه بعد
اني مدنكه منتبهه الرجله الي يهزها بتوتر وايديه الي يقبضهن حيل
رفع راسي وهو يمسح دموعي
_سديم اهدي
_مو بيدي ماكدر اصير هاديه مثلك مو بيدي تميم ماتحس ب الحركه الاحس بيها والقهر فعندك وضعي طبيعي
_مو انا عديم كلب ياسديم
صفنت بعيونه وعيوني تحركني ادور على شي يكلي جذب انتظره يحجي شي يبرد كلبي
_سديم كافي سدي الموضوع
_دلل حضرتك اسد الموضوع وانسه ماشي
_كاااافي سدددديم تررددددين تزوووديها علي
كمت من يمه واني ارجف غمضت عيوني ورا ماختل توازني والدوخه لازمتني من كد مابجيت
حسيت باديه وهو يلزم اكتافي ويكعدني ب الكاع
_لاتسوين بنفسج هيج
_عوفني تميم انت ماتريدني واضح كلشي ليش اوهم نفسي بيك
_شنو هل تمسلت سديم تفهمين شنو جاي تحجين تردين ترحين وتعيشيني العشته مره ثانيه مستحيل اخليج تسوينها سديم ليش ماتفهميني عاجز كدامج عاجز كدام دموعج ماكدر احجي لان الغلط بيه انا كلشي تحجينه صح سديم خلي تعبي بين عيونج انسي كلشي وابدي صفحه جديده
اخذ راسي وهو ينومني على رجله غمضت عيوني اجر نفس هادئ عصرت ايديه على راسي واني اكله
_طلع الافكار من راسي راح اتخبل
لزم ايدي وهو يدلك باصابيعي بهدوء
_كافي ترجفين
باوعت بعيونه ونظرته المليانه خوف وعطف وخيط دموع كلهن كدرت افسرهن واني اكله
_ماعرف الصح من الخطا تميم شنو اسوي هسه
_تنسين سديم ماضي
عدلت كعدتي واني امسح وجهي
_خايفه انسه وترجع تعيد الصار تميم خايفه انسه وارجع الوم نفسي خايفه اسامح واتعايش ويه الوضع واتعود اغفرلك كل اخطاك
لزم ايدي وهو مبتسم
_امون مو
هزيت راسي باي
_ليش ماتحجي شي
_شنو التردين تعرفينه ب الضبط وانتي تعرفين كلشي
_ماريد ارجع اذكرك واقهرك
_حتى وانتي بهذا وضعج تفكرين بيه
_تميم ماكدر اباوع لعيونك واكرهك واحقد ماكدر
قرب راسه على اذني وهو يحجي
_ياحسن ضن تميم
باسني من ورا اذني ميلت راسي لناحيته
كلت بصوت مبحوح
_مانساها الك
_يهي
_هاي سوايتك
_تنسين وداعتج تنسين
_ليش هيج بارد ومايهمك شي
مارفع راسه حرك وجهه بركبتي يبززني بلحيته
_بارد بس هنا احترك
استسلمت الحركته بس ماكدرت اسكت عنه
_عود تنسيني
بوساته المتفرقه ثكلت جفوني ابتعدت منه واني اميل راسي
حطيت ايدي على صدره ابعده
باوعلي بعيون ناعسه
_كلمن يبجي يصير هيج حلو
_وخر ماحاجيك بعد والله لحد مانسه
جر نفس وهو يكول
_يهون عليج ماتحاجيني
_مثل ماهنت عليك
_جنت شايل هم جبير شلون اكلج نزاح هذا الهم منو كلج
_سمعت شمس وجمانه يسولفون على هيج موضوع وبسرعه افتهمت من الوشم الي بكتفك جبرت شمس تحجيلي
_كلتلج على عباس مو
_اي
_ماريد هل موضوع ينفتح مره ثانيه
_واذا نفتح
_سباعيه انتي ماتعاندين ادري بيج
_ماريد اشوفك بعد لحد مايبرد كلبي
_لاتضلين تخربطين
_ما اخربط بس ماريد اشوفك عيونك الكحليه تغثني
_والله اطيح حضج هسه سديم
_اي ليش تطيح حضي شنو مامصدك
_على اساس عيونج الفاهيه حلوات حتى الكحل وصل لحنجج
_شدعي عليك يا تميم من وراك تدري تميم مرات من كد مانقهر اتمنى اختفي من الدنيا اتمنى انام ماكعد جنت حيل فرحانه علمود بشائر واريد بس تجي علمود اشوفك الفستان الجبته الي بس دومك كاسر فرحتي تميم لا تسكت اروحلك فدوة
_شحجي بعد
_ماريدك
_مو بكيفج فتره ونتزوج عوفي كلشي ورا ظهرج
_جد ماريدك
_مو لعب جهال
_كلبي طاب منك
_سديييييم
احجي هل كلمات من باب فعلا اني ماريد اشوفه هل فتره اريد يختفي من كدامي
_يهون عليج ابتعد
_كلشي يهون
_لا مصخيتها
كالها وهو يكرصني من زندي حيل
_اووي تميم شبيك
_كومي منا يلا
_خو انت كوم صدك حلوة
_كومي لا اعضج
_حيوان
_سدددددديم ب القران مصخيتها كووومي مناااا
من شفته عصب صدك وخزرني كمت لميت اصابيعي سوه واني اسويله حركه بسيطه
ردت اطلع كال
_انشالله هيج تطلعين
_وين موليه وين اروح انزع صخامي واكابل الحيطان واكعد على القهر الاعيشه مابيه حيل اشوف ناس
تقدم ناحيتي وهو يكول
_ماتنعاد وداعتج بس بدلي ملابسج
_اصلا الفستان حيل خانكني لان منك راح اشككه ماريده
رفع حواجبه وهو يكول
_متاكده
_اي مو حلو
جان الفستان للركبه ومابي ردانات يصير بف
لوه ايدي لوا ظهري وهو يكول
_عادي انا الجبته الج واني اشككه ليش انتي
_بلا وخر تميم
_لهل درجه صايره ماتطيقيني
_فوك ماتتخيل
_لاه لاه سديم
كالها وهو يفتح سحاب الفستان
_لزمت ايده اريده يوخر
_تميم شبيك وخر
يتنفس من وهو مقرب راسه على شعري ويكول
_عادي نتزوج الليله وتنسين كلشي
قربت راسي اله وبراسي الف فكره ماعرف ليش حبيت حيل استغل ضعف تميم من يتقربلي حسيته انسان ثاني يحجي كلشي بدون مجادله لفيت ايدي على ركبته واني خجلانه حتى من نفسي على هاي تصرفاتي بس ردت اكسر الحاجز الي مانعه مني ومن كلامه وياي
_تميم منو اني
شدني من خصري اله وهو يكول
_شمعتي انتي نور دنياي اخر رحلتي
نفسه الحار يلهب بركبتي ضعفت يمه واني اجمع بشتاتي يمه
قربت شفتي الشفته مستسلمه اله اريد قربه اريد انسه كلشي
اخذ شفايفي بين شفايفه لحد مانقطع نفسي
ضميت راسي بركبته واني كوة اتنفس كال وهو كوة يحجي
_سديم وياي
مشيت ايدي على ظهره واني اقوي لزمتني
_تريدني
_تعذبيني
قربت شفايفي الركبته اوزع بوسات متفرغه وهادئه
ماعرف شوكت صرنه ع السرير شوكت فساتني منزله هيج لزمت ايديه الي جانت على صدري واني امنعه واحجي يم اذنه
_تميم
_روحه
يوزع بوسات متفرقه جنت بعالم ثاني واني مندمجه ويه كل حركاته ابتعدت متوجعه من اخذ شفايفي بين شفايفه بقوة
_تميم
_اشش
لزمت ايديه واني احاول اقاوم الشعور الي مسيطر علي
_جاي تاذيني تميم مو هيج
انتبه النفسه وهو ينام على ظهره وياخذني على صدره
_سديم ماكدر بعد
لفيت ايدي على ركبته واني احجي قريب يم اذنه
_اعذبك اني ياتميم مثل ماعذبتني
نزل نظره على صدري رفعت الفستان الجان نازل من اكتافي
رجع راسه مغمض واني احط راسي يم اذنه بهدوء
_توعدني ماتضم علي
_جاي تحركيني
_ماتضم عني شي تحجيلي لو حتى اتاذه
رفع راسي اله من حنجي كال وهو مبتسم
_شرايج اذيج
_اي تعودت عليك اني انوب يضحك
_لا مافهمتي بغير طريقه الاذيه
كالها يغمز ابتعدت منه واني الم بشعري
_بلا روح منا انزل يمهم يلا هسه يفتقدوك
كام وهو يضحك عدل ملابسه ومشط شعره رش عطر وكال
_مو تطلعين برا هيج ماشي عيناي انتي
عقدت حواجبي باستفهام
_ليش حتى ماطلع باع اني تعبانه حيل ومهدود حيلي لان نقهرت بس من كتلي لاتطلعين حسيت الممنوع يصير مرغوب يعني صريحه وياك اني
اخذني من ايدي المقابيل المراية وهو واكف وراي وياشر على ركبتي نصدمت من منظري شلون مالاحظت نفسي حسيت الهوى كله شح علي بيني وبين نفسي الوم نفسي شسويتي سديم وخرت عن المرايه واني ادير علي
_كله من وراك هسه شلون اطلع تميم بيبي تموتني والله
_عفتي كلشي وفكرتي بيبي ليش مافكرتي نتزوج الليله اكو احلى منها
_اهوو وخر تميم انطيني شي يروح هذا شلون اطلع عفيه مو هيج
_خهههه لبسي ملابس طويله كون تغطي ركبتج
تلفونه ماسكت من كد ماتصلو علي حسيته بس اريد يطلع ومايشوف شكلي هيج اكثر
وكف باب الغرفه قبل لايطلع كال بتحذير
_سديم اموتج اذا احد شافج هيج
هزيت راسي باي ضايجه
طلعت ماشفت احد رحت الغرفه شمس دخلت ادور
بكنتورها على ملابس بدون ما استاذن حتى
جاي ابدل ونفتح الباب دخلت شمس ضميت نفسي ورا باب الكنتور اصيح عليها
_شمس بس خل ابدل وين جيتي
طلعت بدلت ورجعت دخلت باوعتلي بقلق كتلها
_انتي شنو جنتي مراقبتني بس دخلت دخلتي
_عوفج من الصخام ماضل واحد ماسال عليج وين خطيبه تميم ضليت الزك ب الجذب وارد ليورا نزلي يمعوده بيبي اكلت راسي لحظه لحظه هاي شنو صخام بوجهج سديم واني اكول البنيه راح تموت من القهر وضليت اكل بروحي اكل طلعت الاخت ماخذه راحتها ولاعبه طوبه
_عفيه شمس عوفج من كلشي والله مو بيدي شوفيلي شي اضم بي الضيم
_مو بيدها وهيه راحتله برجليها استغفرالله يالله روحي غسلي المكياج طالعه مومياء انطيج فستان طويل وحجابه لبسي وعدلي وجهج نزلي ترا بعد مابيه اجذب
طلعتلي فستان ورتبت وجهي اباوع الايدي الرجفه بيها ماتروح لزمت ايدي حيل شمس وهيه تكول بهدوء
_تميم سوالج شي
_لا
_جا شبيج مثل السعفه ترجفين
_ماكو شي بس مدري شبيه من قبل هيج مو جديده
_يلا نزلي هسه اوكفي قبل لاتنزلين سولفيلي شصار عرف تميم انا كتلج
_اااخ لاتذكريني اريد انسه عفيه
كالت وهيه تعض شفتها
_مبين جانت لحظات حميميه مو
_شمسسس شهل حجي اني وين احجي وانتي وين
_عليج الله سولفيلي تشوقت حيل سديم باع وجهج صاير دم من الحمار شسالفه
_باعي والله مادري ليش ردت بس اتقربله علمود انسه يعني مو بيدي
_يمه همزين لا مغتصبه اخوي
_انجبي مو لهل درجه
_اااخ اااخ شوقت وبعد منو بادر ب الاول اكيد هو اذا مامخلي مكان بصدرج والركبه ماتفيد
_اهوو شمس
_هههههه حلوين ايلافيو
_انجبي
شاورتني وهيه تكول
_نساج لو بعده
_شمس ياريت بهل سهولة
_ذبتي بيده ونساج لحظات مو
_دروحي روحي انتي هم مفرفحه ع الزواج والله اله اكل البيبي تزوجج ونرتاح منج
_لا اول شي تزوجي واذا الزواج حلو من باجر اتزوج
_يااا يااا بيها الخير انشالله
غسق...
عيون بشائر تلمع من الفرح كل شوي وسألت وين سديم ماجنت اعرف وينها فماجاوبتها
اجه مرتضى وهو يريد ماي رحت للمطبخ علمود انطي ماي تفاجاة حيل بوجود ام عزيز وبيبي تستقبلها شافتني فتحت ايدها الي وهيه تكول
_يمه هلا بهل غسق
سلمت عليها واني اباوع التلفوني مكالمه من عزيز من اخر مكالمه سديت التلفون بوجهه بعد ماخابر
ليش عزيز جاب امه معقولة ابوي عازمهم رغم مجان مسوين حفلة جبيره بس كرايبهم
ماجاوبت ع المكالمه دز رساله
_وين الوالد
جاوبته باستغراب يعني وين ابوي اكيد يمهم
_انت وين
_ماكدرت اجي بس جبت امي ابوج اخابره ميجاوب
خابرت ابوي وهم ماجاوب يرن بس ماكو ميجاوب رجعت خابرت العزيز خايفه علي
_وين ابوي عزيز
_مادري كامل هم دخل للبيتكم مالكاه يم الجماعه
_ليش انت مادخلت وينك
جر نفس وهو يكول
_صديقي توا متوفي مالي واهس مناسبات
_زين بس فوت شوف ابوي عفيه
_لو ادري مكايلج عليمن كتلج
_ماشي براحتك الله وياك
سديت التلفون واني اخابر التميم الي ميجاوب رجعت جابرت الجدو هم ميجاوب
يتبع....