قبل ماتبداو فوط + كومنتار
هبطت لميس من الطومبيل بعد ماوصلها للسونتر كوميرسال
قعدت في اول كرسي قابلها تستنا في مايا تلعب برجليها كيما الصغار عيطت على طولها شافو فيها الناس كامل حكمت راسها وشافت لصحبتها بغيض
لميس: بڨرة لاه هكذا تضربيني!!!وجعتيني
مايا: توجع!! وش نقول مالا انا البارح مارقدتش تستاهلي كثر ياوحد الحيوانة قريب مت من الخوف عليك
لميس: وش راكي مدايرة في صاكك عيشك كسرتيلي راسي
حضنتها مايا بحنان تمسح على راسها بلطف : خلاص تكبري وتنساي
بعدت عليها تشوف فيها بخزرة تقتل
مايا: قوليلي وش صرا معاك وين كنتي الليلة كومبلي!!؟؟
حكت لميس شعرها : وراس ما انا ومعلاباليش بصح ضك نقلك وين لقيت روحي
مايا: اففف وكتا تترباي وتحبسي طوايشك هاذو وتهورك اه!!!
حكمتها لميس من يدها وسحبتها
لميس: اسكتي برك تضالي تديريلي في المحاضارات هيا ضك ندخلو نديرو شوبينغ شباب نبدل هاذ البيجامة تاع سبونج بوب الدنيا تشوف فيا وتضحك وعاونيني نقص هاذ الشوشة ونقلك
ضحكو ومشاو مع بعض
مايا : شوفي هاذي باهية !!!
لميس وهي تقيس في السبادري : نن ماتواتيكش بدلي وحد اخرى
هزتلها مايا راسها بايه : هاه كملي وش صرا بعد مانضتي !!!
بدات لميس تحكيلها بحماس وهي تشوف في رجلها في المراية مع اللبسة اللي شراتها
لميس: علابااك لقيت روحي في وسط غرفة حمامها كثرمن دارنا تخيلي وتشوووفي الشمبرة راسك يحبس مانقدرش نوصفهالك هي ووحجمها اااعع كون غار جيتي معايا كنت وسط سرير قل من حمامنا بشوويتح هههه
تشوكات مايا دخلو لكوسميتيك وهوما مزالهم يهدرو
مايا: اذا كانت الغرفة هكذا مابالك بالدار كاملة
شافت فيها لميس من راسها لرجليها وهي تجرب في الغوج
لميس: شنهي!!! دار !؟؟ هاذي اهانة كبيرة في حق هاذاك القصر .. اي مانحكيلكش قصر عجز لساني عن وصفه من شدة كبرو وجمالو وحد الستيل وحد الفن والتصميم كثرمن دار عايلتي ب 7 مرات وتشوفيه وش نظيييف حي عليا الارض تحسيها مراية تشوفي فيها وجهك ماتيماجينش وش تبرق نظيفة على وجهي ووجهك غاضتني كي مشيت عليها بصح علابالك اللي محيرني ؟؟ شكون يسيق هاذاك كامل تسيق الحمام برك تطيحي 5 كيلو من وزنك
مايا بصدمة : ماشي دار عايلتك كبيييرة !!!شكون اللي داك ؟؟؟
لميس وهي تبوز في شفافها : منعرف حتى من الخدامة وحدة فيهم ماحبت تهدر معايا كأني مكانش قلقوووني واحد ماحب يهدر معايا مسمطيني كي الكلبة بلاك سيد القصر موصيهم مايهدروش i don't know
مايا : ماميزتيش قصر شكون!!
لميس : تعرفي صحبتك حمارة حتى نسيت متولهتش للطريق خاطر كنت نفكر في مولاه باش نشكرو
____________________________
السكرتير وهو يشوف في جدول الاعمال : سيدي متأكد انك تحوس تزور المركز التجاري!!!
جاوبو رئيسو وهو هاز مفاتحو : لاه تبانلك اني نتمسخر ولا شنهي!! هيا اتحرك معايا
مشا وهو يخمم سمع بلي كاينين اساءات من الموضفين للزبناء يحوس يتأكد ويضرب طلة باش يحبسهم عند حدهم ... حبس طومبيلو متوال المول دخل بقامتو وهيبتو كل الموظفين كانو في حالة صدمة من زيارتو المفاجأة بدون سابق انذار حبس كي سمع عياط جيهة مكان الدفع مشا جيهتو يحب يعرف وش سبة هاذي الفوضى
عيطت لميس وهي تضرب في الطاولة تاع الدفع اللي ماوصلتش مامبا لصدرها بيديها ومايا تجبد فيها تحاول تمنعها وهي محرجة وحشمانة من تصرفات صحبتها والكل داير بيهم ويتفرج
لميس: ضك ضك نقابل مدير شركتكم موش يشوووف في اهمالكم !!! كيفاش يوظف موظفات كيما نتوم!!
شافت فيها الموظفة ذيك بحدة مطلعة حاجبها
لميس : عندي ساعة وانا واقفة هنا نستنا في دالتي باش نخلص واللالة لاتية بالتيليفون تطرطق في العلك تقول عندك مشاريع يطرطق مخك وقلبك ان شاء الله ... ههه واللخرة تزيد تخلي اللي جاو ورايا يسلكو قبلي كأني مكانش وينو الاحترام والكفاءة في العمل اممم
وقفت متوالها بطالونها كأنها تستعرض ازيائها وهبطت لمستواها لطول لميس وزيد لابسة سبادري سبورتيف
الموظفة : شنهي هاذ المستوى وقلة الادب اللي تهدري بيها معانا يلا ماعجبتكش خدمتنا تفضلي من غير مطرود ... كملت بسخرية : كأنو الشركة راح تفلس بسبب زبونة وقحة كيفك !!!
طيشت لميس الاكياس من يدها وسوطات عليها هبطتها لطولها من شعرها لصقت فيها كي العلك
لميس: الشركة اللي راح تفلس بسبة موظفين كيفك ياوحد الحيوانة الرخيسة عديمة الاحترام .... مالا ها ارواحي تشو نعتلك الزمباع وين يتباع
جرت شعرها يمين ويسار ولوخرا تحاول تفلت من قبضتها بصح لصقت فيها كي القملة تقدمت موظفة اخرى تعاون صحبتها وتفكها بصح قبل ماتتلاح كانت لميس جبدتها باليد لوخرا نتفتها
لميس: كلللبة ارواحي مالا نعتلك تتحاماو فيا مالا غار كي هدرت على حقي
حكمتها مايا من ذراعها تجر فيها وهي حمرة من الحشمة والاحراج الناس كاامل دارو بيهم يتفرجو جبدتها وهي تحاول تهديها ماطلقتهمش حتان طيحتهم للارض
بصح لميس تسكت !!!باينة نو كانت راجعة ليهم مرة اخرى تفاجأت من اعتذارهم المتكرر
حطت يديها في زوج على خصرها تخزرلهم بتحدي وغرور
لميس: وش ضك عجبكم مستواي!!ماتحشموش يا المنافقات الحرايمية
قربت مايا ليها تلز على سنيها تحوس تخرج من حست بالاحراااج الناس كامل يتفرجو ودايرين بيهم
مايا: هيا لميس يخي طلبو السماح على تقصيرهم هيا فضحتينا متوال الغاشي هوليوود كامل سمعت
لميس : نحوووس ع المديير تاعكم ضضضك ضضك تعيطولو
جاوبها من وراها دارت ناوية تزيد تغسلو بصح ثمثم حلت عينيها : انا رئيسهم بشحمو ولحمو هنا وش هي الشكوى اللي تقدميها
لميس بصدمة :نتاااااااا!!!!
ميل راسو بجنب يضحك : وش بيك خفتي شفتي ابليس!!!
شوك لحمها وتبدل لون وجهها كي تمعنت في لون عينيه الزروقة حست انها تغرق في وسط دوامة تخااف منها
رمات افكار السلبية من راسها وضمت يديها لصدرها وعينيها على يدو اللي مزالت مضمد. بطريقتها
لميس: انا ابليس ندخلو في قرعة ونسكر عليه نخاف منك نتا!!!!
ضحك على جوابها وعلى طفوليتها
ايفان : ها مالا وش كاين !!
(😂😂وش الجماعة اللي يحسبوه ادم صافا !!..)
ماجوباتوش كرر السؤال بحدة خلات كل الموظفين يرجفوا من الخوف
ايفان : قولي وش كاين !! وش هو التقصير اللي تعرضتي ليه من موضفاتي ميش راح نتساهل معاهم في الموضوع
لسانها يحوس يفصح وش كاين وعقلها يمنع فيها من انها تفضحهم خاصة بعد ماشافت خوف الكل ونظراتهم اللي تترجا فيها
حكت شعرها وتبسمت بتبهليل ومرح
لميس: هههه كنت نتمسخر برك ماكاين حتى تقصير. غار سوء تفاهم فقط امر عادي يعني ومارسي نتمنالكم نهار سعيد
سحبت مايا من ذراعها واللي بدورها كانت باش تموت من الفضيحة والاحراج لضك مزالت ماستوعبش شخصيتها المتقلبة
تبسم بلا وعي وهو يشوف في ظلها القصير مركز على كل انش من جسمها دار للموضفات
ايفان : نتوم الزوج مطرودين مانزيدش نشوف وجهكم ودوسياتكم في لاليست نوار وشركة ماراح تقبلكم
مشا بلا ما يسمعلهم لمكتبو بتعب وهو يشوف في يدو المضمدة تايه فيها
قاطع تفكيرو السكرتير كي دخل
السكرتير: مسيو ايفان عندك اجتماع ع 01:00 مع الشبح والاعضاء غدوة في مطعم "نجوم الحياة "
ايفان : افف الشبح هاذاك الحيوان ضك يجي وقت قريب ماتخممش
....يتبع❤️❤️❤️