تفااعلو البنات يخي ماتخسرو والو اذا ماعجبتكمش نحبس
كان امير يحوس يلحق ميرا بصح مالقاش ريحتها خرب شعرو وهز تيليفونو يعيط لوخرا ماريبونداتش عليه من البارح تقلق عليها
امير : هزي لميس نعل ***
عاود مرة اخرى ماريبونداتش
امير : باينة بلي راقدة كي الباندا
-----------------
خذا البوليسي كمية من الهوا قبل ما يدق باب المفتش دخل بعد ماسمع الاذن منو
ادم : وش كاين؟؟
البوليسي : سيدي هاذا تيليفون الطفلة اللي كانت هنا البارح من قبيل وهو يصوني وش ندير؟ خاطر هاذي المرة الخامسة اللي يصوني اليوم من نفس الشخص
ادم : هاتو لهنا ضك انا نتكلف بالامر
حكم عليه التيليفون شاف المتصل حك حاجبو الايسر
ادم: اممم مالا عندك حبيب
هز على لابال :شكون معايا!!
شاف امير في التيليفون يتأكد من الاسم عقد حواجبو باستغراب: نظن هاذا السؤال موجه ليك نتا... شكون نتا؟؟!!
ادم ببرود : نظن ماطرحتش السؤال باش نتلقى سؤال اوخر بلا لف ودوران شكون نتا!!!
امير: مد التيليفون لهاذيك الغبية ماعنديش وقت للتفاهات
عيط عليه ادم بعد ما ضرب يدو بالمكتب بقوة كي بدا يستفز فيه بهدرتو
ادم:قلللت لك شكوون نتا!!
امير بالعياط : ن*** ونتا وش دخللك وش نكون!! مد التيليفون للهايشة الحيوانة هاذيك ضك ما......
ادم بعياط اكبر سمعو كامل اللي في المركز :شكون هي الحيوانة ياوحد ال*** استنى تطيح في يدي نعتللك
عقد امير حواجبو مقلق مفهم والو مافهمش معامن راهو يهدر فصل ادم الخط رما التيليفون فوق البيرو وبقا يحك في لحيتو متقلق مفهمش لاه راهو يدير هكذا وهاذ الافعال اللا ارادية اللي يديرها كي يشوف ولا يسمع حاجة عليها
________________
شافت مايا في تيليفونها متذمرة : ما لها هاذي وين راحت كي البقرة لاه ماهزتش على تيليفونها ضك !!اففف
كان قاعد يتفرج فيها من بعيد يحاول يسمع هدرتها عقد حواجبو بعد ماشافها دات ضربة لراسها من راجل كبير ويعيط عليها
الراجل: ماشي قتلك التيليفون ممنوع في الخدمة ؟؟ولا تحوسي نقصلك من لاباي تاعك مدموزال مايا!!!
قلبت مايا عينيها بضجر قبل ماتدور تقابلو
مايا: عيطت للميس نفكرها بلي تبدا الخدمة غدوة
تكا المدير على الطاولة اللي وراه ضام يديه لصدرو ويخزرلها
المدير: كلكم متهاونين في خدمتكم الحل الانسب اني نطردكم تبانلي راح يكون افضل انجاز للمطعم
مايا : تسما تعترف بلي هاذ المطعم ماعندوش انجازات
جاوباتو ببرود وهي تمشي للطاولة تلبي طلب الزبون مخلاياتو يغلي في بلاصتو
مايا : تفضل ميسيو وشنهي هو طلبك
هدرت معاه باحترام وجبدت قلم تكتب طلبو مالقاتش رد طلعت راسها لقاتو يخزرلها ويفحص في وجهها بكل جرأة
مايا : احمحححم عفوا مسيو كاينة حاجة!!
فاق من شرودو جاوبها : نحوس على مشروب 1960 الاحمر ونطلب الاكل بعد يجي اللي راني نستنا فيه
هزتلو راسها بايه ومشات تحت انظارو منحاش عينيه منها غار بعد ماسمع صونات تليفونو
سراج: سبحان الله معجزة الشبح يعيط اونبارسون خير حبيبي توحشتني!!!
ادم ببرود: سراج حوسلي على بلاصة وموقع هاذ الرقم . نحوس على معلومات مفصلة على صاحبو
سراج بجدية بعد ماسمع نبرة صوتو : اوكي بصح وش صرا؟ قلقك!!!
ادم : والو دزلي المعلومات وماتحوسش
كوبا عليه ديراكت شاف سراج في التيليفون مقلق
سراج : مايسڨمش ديما يأمر بوقاحة
قاطعاتو نادلة اخرى جابتلو الطلب تاعو
سراج: وين راهي الطفلة اللي دات الدموند تاعي
النادلة : تقصد مايا مسيو؟؟
!!!سراج: نظن هي وين راحت
النادلة : خلاص الدوام تاعها قبل شوي برك وطلبت مني نتكلف بالطلب تاعك
هزلها راسو بايه راحت وبقا هو يخمم فيها
____________________________
تقلبت في السرير يمين ويسار مدت يديها براحة تتكسل مبعد ناضت من بلاصتها مفزووعة بعد ماستوعبت بلي ميش في فراشها شافت في الغرفة باستغراب حلت فمها بصدمة من حجمها الكبيير كانت بزااف كلاس وكلشي فيها يبرق عايلتها صح غنية وعندهم قصر بصح ماوصلش لدرجة غرفة بهاذ الحجم الكبير وهاذا الاتقان في التصميم
بدات تدور في الغرفة وفمها محلول من الاعجاب مبهورة
لميس: واااااااو
عضت على شفتها وشدت شعرها وألفت اسوء السيناريوات والتصورات في عقلها
لميس: اااففففف وين راني!!؟؟
ولات تحوس على صباطها وهي تمتم بغيض تسب في ذاكرتها اللي ديما تخونها وما تتفكر واالو
لميس : يااربي وين رااني وشنهي هاي الدار اللي راني فيها اععععع خطفووووووني!!!!!! لا لالا بصح علااه ماني متفكرة وااالو
مشات تحوس على باب الغرفة باش تخرج حلت واحد فيهم لقاتو حمام حلت عينيها على وسعهم تتفرج فيه مبهورة
لميس : وااااااو وشنهي هاذا حمام ولا صالو دين الله قد دارنا
خرجت مرة اخرى منو وهي تشوف في الغرفة تايهة
لميس : اععع وين راه الباب
حلت باب اوخر لقاتو لادريسينغ كانت بزااف كلاااس ع اللخر دخلت تستكشفها مبهورة من كم الملابس اللي فيها
لميس: ربي تقول راني في سونتر كوميرسال
تأففت وتوجهت لباب خلاف كبير حلاتو وكان كيما توقعت باب الغرفة هبطت وهي تشوف في القصر جمالو غير طبيعي في حياتها شافت كيفو كان كبير لدرجة ماتتصورش كأنو قصر الملكة اليزابيث ولا اكثر منو
لميس:مالغري مانحبش ليكولار القاتمين بصح خرج فففن
بقات تمشي وهي تدور في راسها من ومن بانبهار من التصميم
لميس: شكون اللي ينظفو هاذا ويسييق هاذ الفيلا كاااملة
تمشي وتهدر وحدها فمها محلول : نمي الكرلاج نظيف على وجهي
هبطت الدروج تمشي تايهة شمت ريحة الطبخ تبعتها دخلت لقات كم هائل من الخدم كل وحدة وش تدير المطبخ كان اوسع واوسع كلشي كان كلاس وغاالي وانيق وحدة ماهدرت معاها
لميس: صباح الخير
الكل : صباح النور
قعدت في الطابلة بلا حشمة حطولها الفطور من كل الانواع معارضتش بدات بلي كراب ضربت منهم 10 فمها معمر وطبعا حنا رانا نهدرو على لميس اللي ماتسكتش
لميس: شكون اللي جابني !!!
واحد ماجاوبها ولاداها فيها حطت لي كراب من يدها ومسحت دارت ليهم وجها مخلط بالشيكولا عقدت حواجبها مستغربة كانو مسمطينها ويكملو في شغالتهم
لميس: هلااااااااو hhiiii... مالكم !!!!
مالقات حتى رد منهم
لميس: شكون سيدكم !!!! مولا هاذ الفيلا
واحد ماريبوندا عليها كأنها مكانش تقلقت
لميس : صحا قولولي شكون اللي يسيق هنا هاذ الفيلا كاملا مانيش نبااان !! جاوبوني شكون جابني وتاعمن هاذا الفيلا؟؟؟
تأففت منهم تقلقت دفعت الكرسي وناضت : الله لاهدرتو انا الدابة اللي جاية نهدر معاكم يخي سامطين يخي
خرجت برا وعاودت رجعت تشوف الصالون اللي فاتت عليه
زادت شافت لااصل دومونج وهي مزالها مبهورة
لميس : وش يخدم مولا هاذ الفيلا نمي نخدم كيفو بابا عندو شوية صوارد حاسب روحو مالك الدنيا ونافخ ريشو وين تبان دارهم مع هاذ الدار تششه الناس وين واصلة وانا ومايا نتهاوشو ع الدوش
خرجت وخزرت في القصر من برا كان كلششي تحفة شافت رجال بزااف نفس لون اللبسة نفس الحجم نفس الطول نفس النظرة كانو واقفين مستفين كأنهم عرص كل ميترة كاين واحد منظرهم يخوف جات خارجة حبسها الحارس يهدر ويخزر في الارض
الحارس : مدموزال وصاني السيد نوصلك بالطومبيل
لميس: دير مزية والله عيشك وين راهم مالين هاذ القصر ؟؟ شكون السيد تاعكم هاذا
الحارس: تفضلي مادموزال
قلبت عينيها بملل واحد ماحب يخبرها شكون ركبت في الطومبيل جيب نوار وهي مزالها مبهورة عرفت اللي عندو قصصر كيما هاذا عندو مكانة كبييرة في لوس انجلوس
_____________________
فوط +كومنت رااايكم