تفااااعلو باش نمشيو في الكرونيك
قاطعو صوت الخدامة اللي كانت تدقدق في الباب دخلت بعد ماسمحلها
الخادمة وهي منزلة راسها : مسيو عندك مكالمة
حكم عليها التيليفون خرجت هي وهو خرج للبالكون يحكي
ادم : وش كااييين ؟؟
*** : بليييز ميسيو لوينو خفف العقوبة على ابني هو مادارش جريمة باش يتعاقب بهاذيك القسوة
ادم ببرود : نظن نسيت معامن راك تهدر السي جوليان
جوليان : لالا سيدي وشكون اللي ينسى مكانتك وش تكون نتا
ادم ببرود : امم مالا ماتخلينيش نبدل حبس 8 سنين للاعدام ديراكت تعرفني مانيش من النوع اللي يحب يتلقى الاوامر وانما العكس مانيش انا اللي تلعبو عليا
جوليان بخوف : لالالا اسمحلي سيدي هاذا الامر مايزيدش يتعاود مرة اخرى بليز تغاضى هاذي المرة
كوبا عليه ادم ديراكت مسح على وجهو بفدة وتعب دور راسو شاف فيها من البالكون راقدة بعشوائية وملامح تضحك
ادم : وش يجذبني لطفلة كيفك ؟
شاف فيها بتركيز وتمعن في ملامحها البريئة عكس كي تكون فايقة تروح هاذيك البرائة هباءا منثورا
ادم : انا شخص سيئ واذا طحت في شباكك رايحة تكوني في ورطة وحصلة كبييرة وميش شخصياتنا اللي تتناسب ولا انا اللي نتنازل انا واحد صعيب بزااف نتمنى مانزيدوش نتلاقاو
مسح حاجبو الايسر كي تفكر حاجة هز تيليفونو عيط لواحد من رجالو
ادم بحدة خلات لوخر يرجفف : جيبو كاامل الرجال اللي كانو في شارع K46 البارح في الليل للمستودع واتهلاو فيهم ملييح حتان نجي
كوبا عليه وهو يحاول يتكالما لضك معلابالوش لاه راه متقلق ومهتم بييها حسها كأنها مغناطيس تجذب فيه ليها .. دخل للغرفة سمع عياطها اللي فزعو كان يحسبها ناضت كون ماشافش عينيها اللي مغلوقين
لميس : اقسسم بالله كون ماجيتش استاذي كون وريتلك شكوون لمييس كانغراس ياوجه النحس
كانت لميس تهدر في نومها وبطريقة لطييفة خلاتها تبان كي الطفلة الصغيرة بالنسبة ليه هو ميل راسو بجنب يشوف فيها بتركيز ويتعمن في حركاتها
لميس بنعاس متقطع : كوون ماتخطينيش يا حضرة المدير ياا الحيوااان والله نشرب من دمك ونشكيك للمديرية ماتزيدش تمسني
دارت ع الجيهة لوخرا مكملة الهدرة في عز نومها بعدها سكتت رجعت للعالم الخاص بيها ... قرب من وجهها اللي باينة عليه اثارا لنوم خدودها حومر ومنفوخين تخلطت انفاسهم مع بعض بقا يشوف في ملامحها بتمعن كبيير بشرتها بيضة وطرية كيما تاع لي بيبي رموشها طوال مقلبين نيفها صغير مقدود وعينيها حكاية اخرى لونهم نادر بزاف هاذا الشي كامل كان يدور في بالو
ادم : كيفاه يقدر الانسان يرقد هاذ الوقت كااامل الساعتين بعد الظهر من البارح وبهاذ الراحة والانسجام تقول راقدة في دارها داخلة في سبات
هبط نظرو لشفافها الصغار المتورمين اللي كسبو لون الكرز خطف منهم بوسة سطحية كيما اللي سرق حاجة ...حاجة فيها تجذبو ليها هاذي الطفلة ميش عادية مزالو عطشان حاب يرتوي برحيق شفافها مافهمش لاه حاب يزيد قرب منها مرة اخرى وطبع بوسات خفيفة متفرقة حلت لميس عينيها الرمادية الناعسين بخفة متلاقيين بسواد عينيه خلاتو يتبسم لا ارادي وسط القبلة غمضت عينيها مرة اخرى ولات لنومتها كلي ماصرا والو فاقدة احساسها ووعيها تماما بالعالم الخارجي
بعد عليها يشوف فيها بخزرات ميش مفهومين مافهمش رقادها هاذا لهاذ الدرجة ماتحسش ونومها ثقيل لهاذ الحد
ادم : شكون اللي يعسها كي ترقد
تخمامو هزو لبعيد خرج من الغرفة ومن القصر بأكملو بعد ماعطى تعليماتو وأوامرو للخدم باش يتهلاو فيها متمني ماتزيدش تجي في طريقو
-----------------------------
في بلاصة اخرى بعيدة على لوس انجلوس و بالتحديد في موسكو عاصمة روسيا الحديث بالروسية طبعا راح نكتب بالدارجة
قعدت ميرا على طاولة االعشا بكل أناقة وبريستيج لابسة لبسة تاع خدمتها كانت بزاف كلاس
ميرا : مساء الخير
فيروز : مساء النور بنتي وليتي اليوم بكري على غير العادة خلصتي خدمتك ؟
شافت ميرا في باباها اللي كان متجهالها ومكلفش روحو حتى شافها
ميرا : امممم كان عندي اجتماع مع شركة كريدر علاجال استشمارات نحوسو نشاركو بيها مع بعض وكللشي مشا ملييح كيما حابين
فيروز وهي تشرب في الما : امممم هكذا مانواجهو حتى مشكل في المصاريف والمداخيل تاع الشركتين؟
ميرا وهي مزالت تشوف في باباها : نن تفاهمنا في هاذ الموضوع مااما الارباح راح تكون بالنصف
هزتلها فيروز راسها بايه مفتخرة ببنتها بقات ميرا تشوف في باباها اللي ما حكى حتى كلمة وماشافش فيها حتى ولا سقساها
ميرا : وش بيك بابا ؟؟ نشوف فيك ان نورمال ياك صافا؟؟
طلع راسو يخزرلها بشر كبيير كون صاب ناض ليها دقدقها بطريييحة على عملتها
سامر بالعياط : وتززززيدي تحللي في فمك وتهدري بكل وقاااحة ؟؟ كييفاه تخسرري صفقة مهههمة كيما هاذي مع شركة لوينو معلاباللكش بلي كانت ضربة الحظ لشركتناااا؟؟
ميرا :بصح بابا لاه نبقاو نستناو ردهم بعد شهر ونص كااملين لاه نطلبو في صدقة منهم ؟ انا مانيش صبوورة لهاذ الدرجة هوما ماهمش شايفينا اصلا ولاه وش يهمنا اصلا تقول رايحين نفلسو و............
ماكملتش هدرتها من الكف اللي كلاتها دار وجهها للجهة لي ملهيه
سامر : راني نشوف فيك ولا عندك لسان كانغراس ميرا من وكتا تهدري معايا بهاذ الطريقة ولا تحوسي تتمردي عليا كيما الهايشة لوخرا ؟؟
حطت ميرا يدها على خدها من حر الكف اللي داتو طاحو دموعها شخصيتها ضعيفة وثمثم تبكي عضت على شفتها وهي تشوف في باباها بحقد هز يدو رايح يزيدلها لوخر حبسو امير كي حكملو يدو
امير : تقدر تتفاهم معاها بالهدرة برك ميش هكذا
سامر : هاذ الحمارة سحبت صفقة الشراكة مع شركة لوينو العالمية خاطر حضرت جنابها ماتقدرش تصبر سمانتين ضيعت علينا ضربة الحظ كنا قادرين ندخلو الملايير
امير : كنت تقدر تفهمها بالعقل بلا ما تضربها بابا
سامر : تستاهلو خاطر بدات تخرج ع الطريق خايف عليها لا تولي كيما لميس
شافت فيه بحقد وعينين مدمعين وفي امها اللي مادافعتش عليها لوكان بكلمة ... شحال تكره كي يشبهوها بلميس كيفاه بعد الطاعة والالتزام اللي دارتو كامل يشبهها بختها الطايشة البهلولة مفهمتش لاه ديما تجي هي في النص واللوم كامل يولي عليها
خرجت من ثم ماسمعتش حتى باباها كي عيطلها ركبت طومبيلها وجبدت تصويرتو اللي أسرت قلبها حباتو غار من تصاورو والمقالات المكتوبة عليه معلابالهاش لاه رفضت الشراكة مع شركتو وهي تمووت عليه خبات تصويرتو في الدرج وتخمامها مزالو عالق بيه
ميرا : راح نخليك تكون ليا ولا مانيش انا
-----------
فيروز : سامر وشبيك؟ كيفاش تضربها هكذا تحوسها تولي كيما المهبولة لخرا ؟؟
قعد على الفوتاي بكل اريحية : متهنية ميش راح تخرج كيفها شخصيتها اضعف من انها تولي كيفها وهاذا افضل حل باش ماتشبههاش خاطر لخرا ماكانتش تسمحلي مره نضربها
قعدت فيروز متوالو
فيروز : سامر لاه مانرجعوش لميس كون تصرالها كشما حاجة بعيد علينا
سامر بالعياط : هي اللي تخلات علينا وماسمعتش هدرتنا وعصاتنا خليها هي اللي حبت طريق الشقا وملي راحت مولاتش 4 سنين كاملين هي اللي اخترات احلامها وتخرج من بصح ميش رايح نرحمها بعد اليوم ماولاتش بنتي
فيروز : عندك الحق
..........يتبع ♥♥♥