تصويت + تعليق فضلا وليس امرا وين راه التفاعل ؟؟؟
جا خارج من هاذيك الغرفة المظلمة نقطة ضو مافيهاش حبساتو بهدرتها
لميس: لاه حاط روحك رايح تخوفني زعما في هاذ الشمبرة المظلمة ؟؟ يخي ؟؟ يلا الجسم الله يبارك بصح العقلية 0
ادم بعصبية: لسانك هو سبابك احكمي فمك صينو نقصولك وانا مانيش من النوع اللي نزعق اذا هدرت نفذ
خبط الباب وخرج مخليها وحدها في ذيك الضلمة قعدت لميس في الزاوية تاع الحيط ضامة رجليها لصدرها وهي تحاول تنظم انفاسها لي بدات تضطرب رجعتلها ذكريات الماضي ذكريات أسرت عقلها ذكرى تبصمتلها في ذهنها بكل تفاصيلها ولات كابوسها
flash back
مسح على شعرها ببطء : كيفاه راكي يا الفراشة !!!
تنفضت من لمساتو مربوثة وخايفة تكمشت على روحها
لميس : وييين رااني ؟؟؟ شكون نتا ؟؟؟ بععععد علييااااا
*** بسخرية : انا كابوسك يا الشقرا
لميس : لاه البلاصة مظلمة ؟؟؟؟ شكوون نتا ؟ وش تحوس عندي ؟
*** : لاه الضلمة ماشي مليحة ؟؟؟ انا نحب الضلام خاطر هو مايفضحش وجوهناا وكلش يكون في السر مايفضحش الاسرار
لميس : بعددد علياا بععععععععد
back
تحضنت روحها وتكمشت ... دموعها خذاو مسراهم هي صح قوية من برا وجريئة بصح داخلها لميس صغيرة وبريئة وضعيفة محتاجة اللي يعاونها واللي يونسها
----------------------------
بدل ادم لبستو لبدلة الشرطة الرسمي ومشا للغرفة اللي فيها لميس وهو يتوعدلها يخليها تندم على جرأتها ووقاحتها معاه دخل بعد ماخبط الباب بقوة خلاها تتنفض من بلاصتها بخوف حررت رجليها اللي كانت ضامتهم بيديها وهزت راسها ليه خدودها مبلولين وعينيها حومر ورموشها مزال عليهم قطرات الندى
ادم بسخرية : هه الفرخة الصغيرة خايفة ؟؟
قدمت ليه مرتبكة وخايفة داخلها بصح ميش مبينة خوفها ليه
لميس : مانيش خايفة خليني نروح منا
مشا رايح للكرسي تاعو يمشي بهدوء
ادم : مكانش رووحة
عوجت فمها تحكي بسخرية : ههه قول والله!! بلاك قتلت الرايس تاع البلاد وانا معلاباليش انا ما.............
قاطعها ادم كي خبط الطاولة بقوة خلاها تتنفض من بلاصتها ناض من بلاصتو منرفز طاح الكرسي في الارض رايح لجيهتها بدات تتراجع لاور بالشوي رجعت بخطوات حتان تخبطت في الحيط اللي وراها بلعت ريقها بخوف ورعب كبيرر طلعت راسها تخزرلو والخوف متمكن منها تخزر في عينيه الحادين وحدهم يخوفو حكمها من فكها يزير عليه حساتو رايح يطير
ادم : شوفي يا طفلة الصبر عندو حدود وانا مانيش من الصابرين يا تسكتي وتبلعي فمك يا اقسم بالله نقتلك ونقطعك ل 1000 شقفة ونرميك للكلاب
شافت فيه وبالضبط في عينيه كان جدي في هدرتو ومابانش بلي يتمسخر خافت منو صح عضت على شفتها التحتانية بخوف مسيطر على قلبها
لميس : ضك نسكت بصح وش هي تهمتي ؟؟
طلقها وكمل يحكي ببرود : انتي متهمة بقضية عنف
حلت عينيها على وسعهم وشورت لنفسها تخزر فيه بغباء
لميس : أنااااا !! راك من نيتك !!! شوف الهيئة تاعي وحجمي هذا يبانلك اني عنيفة !
شاف فيها وكيلها من الفوق للتحت كانت صح بنيتها صغيرة بالنسبة ليه ولحجمو هو شاف فيها وفي برائة ملامحها الطفولية هاذا وين توله ليها خاطر مكانش قريب ليها لهاذ الدرجة غير ضك ثبت عينيه في عينيها الرماديين كانو يبرقو بطريقة غريبة جذبو لونهم بزااف
توترت من هدوئو وبدلت عينيها منو وهي تمسح على رقبتها بتوتر كبيير خلات التواصل البصري يتقطع ضمت يديها لصدرها وطلعت بعدها راسها تحكي بثقة .... كذب يلا كانت هاذي هي اللي كانت خايفة هاذا وين
لميس : بصح انا مانيش متفكرة اني مدايرة حاجة كيما هاذي
أدم : أدخللللو
عقدت حواجبها من هدرتو وجهت نظرها للباب اللي دخل منو راجل يبان كبير ومتولو راجل شاب معلابالهاش وين شافاتو ملامحو مألوفة ........... شاف فيها أيان وتبسم بسخرية واستهزاء في بالو حد ماشافو غير هي شافت فيه لميس باستصغار وكيلاتو من الفوق للتحت ضيقت عينيها فيه تحاول تتفكر وين شايفاتو حلت عينيها بصدمة كي تفكرت وش صرالها البارح ............ بلا ما تضيع دقيقة راحت ليه وبدون سابق انذار سوطات عليه وحكماتو من شعرو هبطاتو لمستواها و ضرباتو بين رجليه بكل قوتها خلاتو طايح في الارض يتلوى كي الحنش وزاداتو كوتبي لكرشو عيط على طولو لصقت فيه كي العلقة
لميس : حيواااان رخييس بكل ثقة واقف متوالي بعد وش درت البارح !!! تفوووو
تصدم باباه.... السياسي من الشي اللي داراتو حكمها من معصمها بقووة هز يدو رايح يضربها حبسو ادم وهو يعيط بحدة هبط يدو ديراكت من الخوف
ادم بالعيااط : اااااي حاطينها زريبة تاع حيوانات هنا !! حاطيني حيط متوالكم ؟؟ ولا تحوسو على موتكم
الراجل : حاشا سامحني ميسيو بصح راك شفتها بعينك بلي همجية ومتوحشة
لميس : انا اللي همجية ومتوحشة يا شيبة النار !!! ابنك الللي ................
ادم : خلااااااص بللللللللللللللعي والله غارتزيدي حرف نخسر غير عليك رصاصة بين عينيك ونتوم اخرجو مناا ضك انا نحاسبها
تبسم أيان شطر تبسيمة .. تبسيمة نصر وخرج هو باباه اللي كان يحمد في ربي ويشكر اللي خرج حي من عندو سالم غانم
لميس : اااو لاه خليتيوووو مزال مابرد قلبي اليوم نرفسك يا........
كانت رايحة وراه حبسها صوت الفرد كي ركحو دارت ليه لقاتو في يدو يخزرلها ببرود تبسمتلو بتبهليل
ادم : مانكثرش الهدرة بلاصتك
تأففت وقعدت مقابلاتو
ادم : ماتزيديش تنفخي ولا تعلي صوتك عليا فاههمة رراني شاد روحي عليك على شعرة
لميس : شوف اسيدي هايلة هاذي لاه نتا ..................
قاطعها كي خبط البيرو بقوة قريب تكسر قطعت صوتها ثم معلابالهاش لاه خافت
ادم : اسمعيي مانيش صاحبك باش تهدري معايا بهاذ الطريقة فااهمة ؟ هاذي المرة الاخيرة اللي نحذرك فيها المرة الجاية ديراكت للسما
بصح كلي ماهدرش هدرتو دخلت من وذن خرجت من الوذن لوخرا كلامو كان لا يسمن ولا يغني من جوع كملت تهدر بتحدي اصلا ميش هي اللي تسكت على حقها
لميس : ولاه تشوف فيا صاحبتك حتان تهدر معايا بهاذ لاافصون حتى لو كنت في غرفة التحقيق مانسمحلكش تعاملني بطريقة المجرمين هاذي مانيش كلبة عندك حتان تعاملني هكذا احترمني نحترمك حضرة المفتش
شاف فيها بعينين حاديين عرفها تستهزا بيه عينيها الرماديين كانو مليانين تمرد وتهور وتحدي ومافيهمش حتى نقطة خوف ماينكرش انو عجبتو شخصيتها القوية رجال يهابوه وهي تتحدى فيه والعين في العين اول واحد يهدر معاه هكذا ويبقى حي
ادم : اللي كيفك لازم يجربو سوء الحبس باش يتعلمو كيفاش يهدرو
عقدت لميس حواجبها مستغربة ماهي فاهمة فيها حبة تفزعت كي سمعاتو يعيط للبوليسي شافت في الباب سمعت ذاك البوليسي اللي كانت ملامح الخوف مسيطرة عليه وزاد دخل أيان وباباه
البوليسي : نعم سيدي ؟؟
ادم : اديها للنظارة احبسها ماتعطيها لا ماكلة لا شراب باش منا والجاي تعرف كيفاش تهدر باحترام
فتحت فمها بعدم تصديق شهقت بعد ماسمعاتو كمل هدرتو
ادم : وبخصوص القضية اكتب في الملف تاعها انها عنفتو لسبب غير مقنع وزيدلها تهمة عدم احترام الضابط وتقليل الادب والاعتداء على 3 من الشرطة ودزها للمحكمة باش يحكمو عليها وش دارت وتدي عقابها
ناضت من الكرسي تشوف فيه بصدمة
لميس بخوف : اااي ماالك نتا ؟؟ وش نتا مهبول ولا مريض ؟ انا مزال مامديتش افادتي ا مخلوق ربي
تبسم ادم بخفة شطر تبسيمة كي شاف الخوف على ملامحها
ادم : انا عطيتك شحال من فرصة بصح نتي ضيعتيهم وضك لازم تدفعي الثمن
لميس ببرائة ذبلت عينيها تحاول تستعطفو : خلاص خلاص اسمحلي سيدي المفتش والله مانزيد نعاودها
ادم : اوكي هزوها من توالي
لميس بين شفافها : حمار انا طييحت من قيمتي وعفست على كرامتي واعتذرت على حاجة مادرتهاش وهو يحوس يحبسني
شافت فيه لقاتو يشوف فيها بخزرة ترعب عرفتو سمعها تبسمت بغباء
لميس : بصح اني طلبت السماح
...........يتبع♥♥♥