تصويت
تعليق بين الفقرات
بقلمي زينب
************
سديم...
اشبه ب الغركان الي يجلب بكشاية
اريد تميم بهاي اللحظه
صافنه والافكار تتمحور براسي ليش دائما المشاكل حول تميم ليش دائما المتاعب تتبعه
صافنه وتذكرت شلون لحيت عليه يجيب مرتضى ويدور عليه فجاة اجه جدو وهو يكول تميم سوا حادث
جريت نفس واني اصبر على نفسي باجر خطوبه بشائر يبقى الجزء المكسور بيها حي مايموت يبقى خوفها على غيث وكانو الخطر ملاحقهم بكل مكان
سمعت اصواتهم تتعالى وطلعت اشوفهم تميم الي شايل
مرتضى الي نايم على كتفه ومصطفى كاعد على رجله
دمعت عيوني واني اباوعله حسيت رجع كل حيلي الي جنت مامصدكه من كلامهم تميم مابي شي الى ان شفته كدامي ابتسملي وهو يميل راسه
دنكت راسي امسح عيوني المغوشات
كالت بيبي وهيه تبوس بمرتضى
_خوفتنه عليك بعد جدتك جا انت وين ماتروح المصايب وراك
_بيبي شسوي مدري ليش دخت وغوشن عيوني واني اسوق
_من التعب يمه من حيلي على حيلك
_الله يخليج النه خيمه
امه الي تلوم بي وهي تحاول تستفزني بكلامه سويت بايدي المرتضى ومصطفى بمعنى تعالو بس جانو حاضنين تميم وكاعدين كانو حاضنين ابوهم
بهاي اللحظه تندمت لان تركت خواني بيد ناس مثل شيماء وابوي والتهيت بنفسي
تميم كل الامه وهو يكوم
_يمه لحد يكعدني مرتضى ينام يمي لان هم تعبان
عمه كوثر ماعارضت بعد موافقه جدو وهو يايده بكلامه
ترددت حيل اروح ورا رجعت للغرفه يم بشائر وهيه تشوفني صورة
_شوفي سديم زين طلع منها تميم سلامات
صورة سيارة تميم والجهه اليسرى كلش متضرره نعصر كلبي واني اتخيل شوغه مرتضى ب الموقف هذا
_سديم اني استحي اصعد هسه علمود اطمن على مرتضى صعدي انتي انوب تميم خوفني اكثر من شفت مرتضى شلون متمسك بي حتى بيبي مارادوها ولا قبل احد يحجي وياه
_بشائر لاتخوفيني اكثر
_والله مو شغلة اخوفج بس سديم مقهورة حيل حتى ماكدر احط عيني بعينهم رغم همه اطفال بس اكول شنو الشافوه بهل عمر خطيه مرتضى وينه وين الشوراع والبهذله حتى مدرسه ماداخل من كد ماصغير
_يعني اروح اشوفهم
_اي بس بسرعه تعالي طمنيني عليهم
صعدت الغرفه تميم ورا ماكلمن راح الغرفته
دخلت بدون مادك الباب لكيت تميم كاعد ب الكاع ومرتضى كاعد ع السرير ويبجي وتميم يحجي وياه مصطفى الي ماخذله زاويه يباوعلهم جان مرتضى يبجي بحركه وشهكه وهو يحجي بكلمات متقطعه التفت علي تميم بعيون مدمعه وهو يسد حلك مرتضى بايده
نهد حيلي من شفته هيج سوا ومن دنك راسه
رجف كل جسمي من منظرهم ليش البجي بهل شكل
كلت بصوت يرجف واني اوكف كدام تميم
_عفيه كلي شصاير تميم راح يصير بيه شي من الخوف
هز راسه وهو يلتفت المرتضى مبتسم حجه بحه مصحوبه بقهر
_نطلع نتعشى برا لو تنام
مرتضى الي ماجاوبه كعد تميم على السرير وايده على راسه كعدت ب الكاع لازمه ايدين مرتضى
_مرتضى حبيبي انت هسه يمنه بعد ليش تبجي ويم تميم ومصطفى انت مو تحب تميم ليش تخلي عمو تميم ضايج
ماحجه شي بس يباوعلي بعيونه البريئه
كعدت كدام تميم وحجيت بتوسل
_شبيكم عفيه احجو
لزمت وجهه بايدي واني امسح على عيونه
_دموعك تاذيني تميم احسهن مثل السجينه بكلبي ماتحمل تنقهر عفيه انت قوتي اذا طحت شيصير بيه
حضني وهوويجر نفس وحسره دموعي ماوكف ماعرف ليش حيل استهضمت من شفته هيج
بقى هواي وهو حاضني ويشدد بحضنته حاولت ابتعد منه بس كال وهو يحجي يم اذني
_راح تبقين هادئه لو مهما صار
_شلون ابقه هادئة وانت منهار كدامي
_شكد مريتي بمواقف ولا مره حجيتي على ابوج بشي مو زين ولا مره اعترضتي على قدرج الي جعل ابوج هيج مثلج انسانه اكدر امن نفسي عندها واني مطمن لو مهما يصير مراح ترجعلي الاذيه
لفيت ايدي على ظهره ودموعي تنزل على كتفه
_ تميم جاي انقهر والله شصاير بس كلي
_خليج يمي واصير زين هواي
_دوم يمك اني
ابتعد عني وهو يحجي بس مايباوعلي لازم ايدي ويلعب ب الحلقه بصبعي
_تعال مصطفى نامو هنا
كام مصطفى وهو صافن علينه نام يم مرتضى ع السرير
_راح ينامون خوانج يكعدون يتذكرون كلشي عاشو بس يوم عن يوم ينسون كلشي ينسون حتى اهلهم صيريلهم ام سديم
مابجي اله من هزني موقفهم مانقهرا اله من شفت نفسي عاجز امسح دمعتهم اشوف طفولة عباس بيهم جاي يعيشون العاشوه جاي احترك عليهم وانا اعرف مستقبلا شنو راح يواجهون سديم ابوج مقتول كدام عين مرتضى
بعدت منه واني اريده يعيد كلامه اختنكت حيل وحسيت الدنيا وكفت بيه
كلت بكلمات متقاطعه
_شتحجي تميم انت تعرف وين ابوي حتى تكول هيج
قهرت تميم قبل شويه اكدتلي كلامه
_مابي شي مو تميم احجي وكفت كلبي
_لا زين هسه
_زين شلون يمته
التفت عليهم لكاهم نايمين
_خليهم نايمين باجر نسولف
_تميم ماتحمل شلونه ابوي عفيه احجي
_كتلج زين والله بس مرتضى حيل خايف انوب كملتها انا ب الحادث
مرتضى الي نايم والشهكه لازمته حيل نقهرت علي
_منو كتل ابوي
_ماعرف واحد يطلبه فلوس مدري شنو داخل عليهم جانو ماجرين بيت هنا ب البصره من مالكين شي ب البيت كاتلينه وبنفسهم ماخذينه للمستشفى يكول مرتضى ضاربينه ب السجينه وحاركين الغرفه الجان بيها لان ماقابل يطلعلهم وهذا كله مرتضى مفرفح على منظرهم باعي سولفتلج وبيبي وجدو يعرفون وين ابوج سديم ماعندي اب شنو سمعتي انسيه ماشي والله المصلحتج ماريد تمرين بلي مرو بي خوانج لو ماخذج جا هم شفتي الشافوه اليوم
_وانت شلون صرت حيل خفت عليك ضليت الوم بنفسي
_اششش ماطول انتي يمي شريد من الدنيا بعد
حطيت راسي على كتفه واني حيل تعبانه
_شلون اذا طلع ابوي من المستشفى
_اشوفه ماخلي بس هم مايضل ب البصره سديم كليلي شسوي شنو الحل الي تشوفينه من كل الطرق مو عادل
_اعرف بي تميم باع راح انزلهم يمي ينامون وانت ارتاح ماشي
_ضلي يمي لحد ما اغفه
متردده بداخلي بس ماكدر اكسرله كلمه وهو بهذا التعب
_ضلي هنا اني رايح اسبح واجي
طلع ملابس من الكنتور وطلع نزعت حجابي وتمددت يم مرتضى واني حاضنه كف ايده بين ايدي
من التعب ماعرف شلون غفيت واني انتظر تميم
فزيت على صوت طكطه لكيت تميم يدور بالغراض ع الميز
من شافني كعدت اجه يمي مبتسم
_نامت حلاوة شهل سرعه
_مادري بروحي شوكت غفيت من يمته تسبح
_ترا ماصار عشر دقايق انتي نعسانه والدنيا مغرب
_نشف شعرك مبلل ونام اذا اضل شويه بشائر تكتلني
تجاهل كلامي وهو يتمدد بصفي
_صايره دبه ماخذه السرير كله
_بلا وكت حجيك ترا انت سمين مو اني
_لا حلاوة انتي دبيه اكلج بلا عوفي ايده شنو مجلبه بي
_ياا شبيك عوف ايدي
عاصر ايدي بقوة بايده وهو مبعدها عن ايد مرتضى
_ايدي تميم
_هاي عفت ايدج بس ضلي هنا
_اول شي نشف شعرك ونام
_كيفي انا انام اكعد انشف شعري لا
_اي عمي كيفك خوش نام واني رايحه
_لا يابه وين
حط حنجه على كتفي وهو لازم ايدي وساكت
_تميم نمت
_لا
_وين صافن
رفع راسه وهو يباوعلي
_صافن لو انتي مو بحياتي شلون اعيش
_تميم باع ليش احسك تتهرب من انو تسولف وياي ماسولفت شلون صار الحادث ليش عيونك غوشن ودخت
_يجوز هبوط ضغط
_يجوز!
_اي بعد مالحكت اروح للدكتور
_من رحت منا شلون عرفت مكان ابوي شلون لكيت مرتضى
حط راسه على زندي وهو يحجي
_ضليت اسأل ب المكان الكال عليه مصطفى لكيت بيتهم ومشالله ابوج بفتره قصيره صايره المنطقه كلها تعرفه من وصلت للبيت كالو عليه محترك الي بالمنطقه والي كاتلين ابوج علمود يطمطمون السالفه ماخذينه للمستشفى لكيت مرتضى كاعد وقافل باب الحمام على نفسه سمع صوتي يلا قبل يفتح الباب بس شكله يفطر الكلب
_سودة علي بيه ولا بيهم التعب
_ااششش شهل حجي الماصخ
_ترا ايدي خدرت
_شسالفه بوية هيج راسي ثكيل لو مرتضى نايم هسه ماكلتي ايدي خدرت
_ماغير هذا اخوي
كزبر كل جسمي وهو يحط راسه يم ركبتي
_هسه هم ايدج خدرت
حاولت اسحب روحي منه بس جان مرتضى نايم من الجهه الثانيه
_هههه عليمن قشعر جسمج شوكت تتعودين علي
_مو تميم شواربك تبزز
_خليني نايم هنا يروح كل التعب حلاوتي انتي حسن ضني دنيتي الخفت اخسرها
سكتت واني اسمع كلماته المعتاده
_سديم
_همم
_لاترحين لحد ما انام
_ماشي
_سديم
_هممم
_ولا مره سامع منج كلمه حبيبي رغم ادري بيج شكد تحبيني ليش احسج تستحين مني
_ليش استحي منك لو اريد اكول الكلمات المعتاده بس احسهن مايقدمن ولا ياخرن ماطول تعرف شكد احبك
_امممم يعني مراح اسمعهن منج ابد
_لا تسمعهن هواي حبيبي انت
ابتسم وهو يرفع راسه يباوعلي ورجع راسه وهو يجر نفس من شعري
_لو ادري من قبل مسوي حادث علمود اخذ هل نفس الي يرد الروح
_سوالفك كلها غبره يسوي حادث هو
_ترا انا مو ابنج وتحجين وياي هيج
_ماشي احترمك انوب شبيك تميم ماتتحمل مني كلمه
كام وكانو تذكر شي جاب تلفونه وهو يتمدد يمي رفع راسي وهو يحط ايده جوا راسي ويكول
_انا مو نفسج اكول ايدي خدرت اخليج تنامين براحتج
_هااا تميم لزمتها علي بعد
_ههههه تعاي ولج شوفي
فتح تلفونه وهو يراويني صور بيت صور متفرقه لاكثر من بيت
ياشر على الصور ويشرح المساحه والمكان والسعر
_تميمي هذن المن البيوت
_النه اني وياج واطفالنه
ابتسمت الكلامه
_بس مو بعد وكت ع البيت
_لا عيني مو بعد وكت هسه راويتج صور نتفق على واحد ونروح نشوفه
_مادري يعني كلهن حلوات وتقريبا مثل الشي
_نروح انا وياج نشوف وتقررين
حطيت راسي على صدره واني مغمضه بامان
_ماريد لا بيت ولا شي ماطول انت يمي
_بس اني اريدج تعيشين احسن عيشه تنسيج كلشي عشتي
_باع انت بس صوتك كفيل يغير حياتي كلها جد مو مجرد مجامله او شي جنت دايخه وحايره وابجي مجرد ماحجيت وياك حسيت تصلح كلشي بحياتي افكاري المتشوشه رجعت صحيحه
_اصدق كلام اسمعه وماشكك بي لان من كلبج دبدوبه
_خوش باجر اقيس وزني ونشوف منو الدبه واني حتى خميسن مابيه
_دكولي يالله خميسن مابيها هسه يطلع تسعين
_تميم لاتجذب والله اضوج اني ماجنت هيج تتذكر اول ماجيت هنا شلون ضعيفه كلش هسه رجعتلي عافيتي يعني مو سمينه
رفع ايدي وهو يباوع لاثر الحرك
_كل ماتكليلي اول ماجيت اتذكر الحرك هذا مدري ليش بوقتها حيل نرفزتيني يعني اكو واحد يحترك وهو مامنتبه النفسه والي نرفزني اكثر وجودج جنت اضوج بلا سبب من وجودج سديم مدري ليش والله يعني من اصفن واتذكر هذيج الايام اكول سبحان الي مغير مقامات الناس بكلبونه شلون صرت يوم عن يوم اخاف عليج شلون صرت ماتقبل فكره تحجين وتباعين ويه احد غيري جنت حيل متردد انو اخطبج بس بيبي جانت دافع جبير الي شنو سديم نمتي
_لا اسمعلك وكلي اذن صاغيه
_تضحكين علي لج
_مو اضحك والله بس مادري ماكدر اضم ابتسامتي وانت تحجي يعني احسك شلون مرتضى من يحجي
_لا لا طوختيها
_ههههه افهمني والله مو تقليل قيمه او شي بس يعني شايف من احد يحجي الي بكلبه وبطلاقه محد يسوويها صح غير الاطفال ونادرا ماتلكه شخص يحبك ويحجي هيج يعبر عن مشاعره بدون احراجات او بدون خوف او بدون تردد انت النادر بحياتي او النادر بين العالم
_بدون مبالغه
_انت تشوف مبالغه بس من تتعمق ب الموضوع اكثر راح تشوف شلون كلامي صحيح رغم اني ماحجي وياك عن الاعيشه تدري بي شكد كتومه بس انت تفهمني بدون ماحجي
_شلون مافهمج وانت دنياتي
سكت تميم وهو يلعب بشعري الي ان حسيت نفسه ثكل وايده نزلت من شعري بعدت عن صدره واني ارفع الغطه عليهم هو ومرتضى ومصطفى
فتحت تلفونه اريد اخذلهم صورة لكيت اشعار رسالة من عباس
"شنهي تميم جا انت ماتكول ابن عمي شيال همي جا كتلك مشتهي بندق لو جايبلي وياك "
جانت الرسالة وقتها من الصبح كتمت ضحكتي على رسالته والله علي سوالف عباس تميم وين حاير وعباس مشتهي بندق
طلعت اشوف بشائر وجمان يحضرون ب العشه وهمه يحجون على خطوبه باجر بس بشائر ماجانت صاحبه اللهفه القديمه اختفت لهفتها ورا راي غيث وشغله
كالت جمانه وهيه تلاحظ وجودي
_هااا لج ديمه خدودج موردات
_ياا جمان يامورده غير من البرد
_اسم الله البرد هو وينه البرد
_شسمه بعد كم يوم وتبدي المدارس ماطول تميم جاب نقل النه هنا راح اروح للسوك اجهز للمدرسه
_اي روحي خيه اني وبشائر نجهز للكليه زين هذيج شمس خبصتنه ب الكليه وهسه متريد تداوم
_اي شي طبيعي هو منو يريد يداوم من اتذكر وراي سادس
بطني تضل تمغصني
_ههههه بعدج خيه تعيشين وتشوفين شنو السادس
_فال الله ولا فالج
_وراج وراج روحي صيحي نرجس ختجي يمنه
بشائر جان صوتها مختفي وهيه تسوي اكل
_سديم صفنت اني رايحه اصيح نرجس
راحت جمانه بعد ماشافتني صفنت على بشائر تقربت البشائر احجي وياها عبالي ضايجه مني
_بشورة ليش ضايجه
_ماكو شي بس صافنه على جمان تتذكرين اوا ما اجينه شلون جانت حلوة ومرحه وبس تضحك هسه حسيتها كبرت خميسن سنه بعد وفاة حبيبها يعني صرت اشوفها بغير نظره صرت اشوف الانكسار بعيونها وقلة الحيله لحد البارحه هيه تبجي بسكته وشمس الي تصبر عليها بس داخلها تبجي اكثر من جمانه بس مجبورة تصير قوية تخيلي سديم يجي يوم واعيش الجاي تعيشه جمان تخيلي حياتي تتصور كدامي بهل شكل
_اسم الله على غيث شبيج هيج تفكرين بشائر فكري ب الخير هسه مو بس غيث الي يجاهد ملايين الناس غيره وكلهم تاركين عوائل واطفال ونسوانهم وامهماتهم بس مو كلهم استشهدو دومهم بحفظ الله ودعائنه
_مادري سديم لو شكد ماتحجين وياي مايفيد كلبي معصور
_باجر خطوبتج وهيج تفكرين بشائر مو حلوة يوشوفج غيث هيج ضايجه
_الله كريم منا الباجر
قطعت كلامنه جمانه وهيه تكول
_شوو باب غرفتكم مقفول اصيح نرجس ماكو محد يفتحه
_هسه رايحه اشوفها
ب اللحظه الطلعت بيها من المطبخ طلعت كوثر من الغرفه كلبي نعصر من شفتها شنو تسوي ب الغرفه نزلت نرجس من فوك واني اسوي نفسي اتجاهل وجود كوثر بغرفتنه واحجي وياها
_نرجس جمانه تريدج يمها ب المطبخ
غسق...
صنطفه الشوارع والدرابين الضيكه ولعب الاطفال البيوت القديمه والتعبانه الناس البسيطه والي ضاكو العوز والفقر ولجمات الحياة
من بين هذن كلهم حطني قدري ويه صفاء الي عيشنه ادنى عيشه وهو اذا ارجع المستواه المادي انسان ماناقصه شي الى الانسانيه الجان يفتقرها
كاعده احجي الابوي اصغر التفاصيل المريت بيها بحياتي جنت احجيله عن الليالي الي اخلصها جوعانه وبردانه في سبيل ادبر فلوس علاجات امي احجيله عن حر الصيف الي يطردني بي صفاء احجيله عن التنمر المريت بي والسمعته احجيله عن روح الحياة الجانت تنبض بالاطفال وحبي الهم
عن امنياتي البسيطه الي احدث نفسي بيهن كل ليله اولى امنياتي لقيا ابوي وتحققت بعد عذاب سنين
رغم هوسه الناس الحولينه بس جان يسمعلي بس اذن صاغيه
انتهيت من كلامي واني اشوف الحسره والقهر بعيونه ابتسمت اله
_اكل بابا ترا برد الاكل
_اكلي انتي هم
_ماحب اكل المطاعم تلعب نفسي
_لاتكولين هيج حبيبتي تبقى نعمه
_اكل وياك ع الواهس شوي
_تاكل شوي هيه دكلي اكلي
_هههه خوش تسوي واهس كرشك كبران حبيبي انت
_عود ضحكي علي هو اول وتالي نموت شيفيدنه بحياتنه غيره
_اي والله يابابا صدقت
اكلنه بمطعم بعد يوم متعب رجعنه للبيت وهو يسألهم عن تميم ارتاحيت نفسيا حيل بعد ماحجيت الابوي عن كلشي
حسيتني انسان فارغ من التراكمات النفسيه
نمت يم بيبي بعد طلب منها لان مجان عندي غرفه خاصه بيه
الهي نفسي ب التلفون شارده من كل الافكار
اجاني متابعه ع الفيس من عزيز الي دز رسالة
"كاعده"
_اي
_اكدر اخابر الابوج هسه لو نايم
_لا نام
_راح اخطبج وتوافقين
جريت نفس واني اقره رسالته من شافني ماجاوبت خابر بسرعه سديته ماريد الصوت يزعج بيبي النايمه
طلعت للديوانيه محد بيها واني اخابره
_هلا عزيز
_ليش سديتي بوجهي
_ماكدرت اجاوبك رجعت خابرتك رجاءا عزيز لاتكبر الموضوع وتزعل
_ها هيج تشوفيني
_مو ادري بيك هسه تسمعني كم كلمه وترجع تسد التلفون بوجهي عود ترجعها الي بس ترا ماهمت لهيج شغلات
_خوش يعني مراح تعبيني مستقبلا
_كلش واثق
_طبعاواثق
_شعجب خابرت
_مبين ماتحبين تسمعين صوتي
_بصفتي شنو حتى احب اسمع صوتك
كال وهو يرفع صوته
_تحبين تعاندين انتي مووو احد بالج غسق اذا احد بالج فشيلي من راسج لا اكسر راسج
_اول شي باع اسلوبك ب الكلام باي حق تجي تكسر راسي باي حق تكلي حتوافقين ع الزواج شلون اقبل اتزوج شخص على الطالعه والنازله يكلي اكسر راسج ساعه تحجي ببرود وساعه تعصب اذا خواتك مافاهماتك عزيز تجي تريد اقبل اتزوجك ترا الزواج مو بس قرار ومعرفه اني ماكدر اتقبلك بحياتي عزيز ليش تحسسني الموضوع سهل هيج وانت ماتنطيني اي حق ب الكلام خابرتني وانت هادئ على شنو عيطت هسه لو رسمت براسك افكار واجيت تطلع حركت كلبك بيه اني بااع لحد هسه ساكته والله وكلت لو مهما يكول سكتي غسق وتحملي مو لسواد عيونك بس محترمه الوضع الانت بي وخسارتك لصديقك ووضعك كله مقدرته بس انت اناني حيل تفرض سلطتك على اي شخص
كال وهو يشدد على الكلمات
_ها هيج الحجي صار غسق شوي وتسويني مريض نفسي
ماشي فكري ب الي ترديه باجر يمكم اني ورفضي الزواج وشوفي شراح يصير والله ارجعج ليورا دهر
......