لاجدوى لمناداتي وسط بحيرة غارقاً
كنت موجود امامي ولم تحاول انقاذي
كنت على امل اني لن اغرق طالما انته جنبي
لكن وجدت نفسي بعالم يخلو منك
اخذني الموت تدريجا الى بعيد
لم استطيع استيعاب خذلانك لي
لم استطع تخطي اهتزاز قلبي حين يذكر اسمك
اليوم انا اصبحت ميت
وانته حي
اليوم انا لا جدوى لعيشي وسط ذئابي
وانته ترسم بقلبك ضحكة رسمت لي الم
لمَ لم تقل لغيري كيف جعلتني اغرق
وقلت غرقت ولم استطع انقاذها
لمَ لم تقل لهم لم استطع الوفاء بوعدي لها
اني على يقين قلبك لم يحبني بيوم
الان وعد العيون انتهى
وبحر الذي اغرقني قد جف
احاول النجاة من جديد
احاول ازهر مكان جفاف البحر لاجعلة يبهر
.....
بقلمي
زينب
....
بشائر...
كعدت سديم من نومها ورا ماقريت الكاتبته سديم مدري نرجس
-كعدي سديم عليتي كلبي
فركت وجهه وهيه تلم شعرها اردفت وهيه تحاول تصحصح
_يبختك انا اختك
_انجبي مو مكلوبه مصريه شو احجي عدل صدك هذا الحجي الكاتبته ولج ليش ماكعدتيني
_هو انتي جنج ثور نايم تكعدين
_سديم الفاظج صايره كلش
_عبالك بس انتم البيكم خير ومحسسيني اني كلش
_شلون راح اركعها غير تحجي
_احم باعي البارحه مو اجه تميم من جاب عمو حازم فكال احتمال جدو يوافق وكعدتج بس انتي فاهيه ماكعدتي
كالتها والفرحه ماليتني ورا مجان عندي امل بسيط انو يوافقون
_سديم متاكده
_اي نوعا ما
_هيو كومي من يمي ورمتي كلبي
تحجي ببرود واني اريد منها جواب منطقي قبل لا اغسل وجهي وقبل لا اتريك خابرت غيث الي من امس اخابره وميجاوب
ماصدكت جاوب واني اكله
_وين صرت بالي عليك من امس متجاوب
_موجود حبيبي
_اهوو غيث انت هاي سوالفك كل ماكلك وين صاير وين مختفي موجود بسيطه نتزوج وكول هيج
_عود شنو تخوفيني
_لا عيني انت منو يخوفك
_شنو كالو اهلج مافتحو الموضوع وياج
_لا امس محد فارغ مدري شبيهم مخبوصين علمود عمو حازم انت ماسولفتلي شنو صار من اجيت هنا
_ماصار شي
_غيييث
_شنو والله ماصار شي
_ترا مراح ينقص منك شي لو سولفتلي
_هو شنو اسولف حتى ينقص مني شي اشو جايه تردين تعاركين
_اني اريد اعارك غيث
_اي بشائر باعي حجيج
_خوش يصير خير
_بشائر والله العظيم ماصار شي يعني شنو اسولف
_اي هذا هو
_لاتضوجين اذا ماوافقو ارجع اخطبج مره ثانيه وثالثه
_غيث لاتكسر فرحتي ليش حتى ميوافقون
_كلشي نتوقع بشوره
_عود اني جايه اكلك تميم يكول جدو موافق
_صدك والله بشائر
_اي والله هو هيج كال
_يالله ماضل نذر مانذرته علمود يوافقون والله مشتاق الشوفتج حيل
_شلون اجيت واهلك ماقبلو يعني عارضتهم
_شلون لوتيه كلبي الموضوع
_لان صدك كوه اكدر احاجيك انت مدري شبيك
_ورا الخطوبه نسولف بهاي المواضيع
_ليش مو هسه
_فارغه نحجي
_اني ماعندي شي بس انت دومك مافارغلي
_مو هيج بشائر سمعي كلامي انوب حكمي هسه انتي يمته كعدتي
_قبل لا احاجيك
_ماشي روحي تريكي هسه اني اليوم ب البيت يمته ماتردين حاجيني
_ضل حاجيني
منو يمج
_بس نرجس نايمه
_بشوره باعي ماريد ضم عليج اكثر لان والله ماكدر احاجيج بهذا وضعي حتى اخجل من نفسي ضام عليج هيج موضوع
_خوفتني شصاير
جر نفس وهو يكول
_ب الايام الي ماجاوبج عليها ع اتصالاتج وتلكين جهازي مغلق لاتخافين علي ابد صحيح اني ب الجهاد بس دومني زين لخاطرج
كلامه مثل الصاقعه الكعدتني من نومي
_شنو تحجي غيث من كل عقلك هذا كله واني مادري شنو راح يصير لو مسولفلي يعني
_اعرف جوابج وردج بس هذا قراري بشائر
ختنكت ودمعت عيوني مجرد تذكرت يوم استشهاد حسين مدري ليش اجه براسي هذا اليوم وشكل كوثر ودمارهم
_بشوره وياي انتي
سكتت ماعندي جواب مناسب
_لاتخاف على نفسك بس خاف علي شنو يصير بيه بعدك وانت تدري اني محد الي غيرك انت وبيت جدو
_بشائر ماتحمل كعدت البيت وامي وهيه تلح علي ع الزواج بت خالتي والله ماتحمل اذا اضل هنا اتعارك اني وياها اطلع من البيت احسن على مانتزوج
_وهم ورا زواحنه تضل
_ماكدر اترك الجهاد بشائر شنو فرقي عن الجاي يجاهدون ويستشهدون
اختنكت حيل والعبره لزمتني ماكدرت احجي شي غير سديت التلفون واني ادنك وجهي
سرقت افكاري غسق وهيه تفوت وايدها بيد مصطفى
غسق...
درت وجهي على مصدر الصوت
مصطفى يبجي ويصيح على بيبي الي تريد تلزمه بيدها ماتكدر
لزمته من اكتافه احاول اسيطر علي وهو فاقد بس يبجي وصوته مبحوح من الصياح
امسح بدموعه واحاجي بهدوء بعد ماسمعت كلماته الي يرددهن البيبي
_اريد اروح الماما ماضل هنا اريد مرتضى
_اني اخذك الماما بس اسكت حبيبي تروح المرتضى هسه اكل التميم ياخذك الهم بس اسكت يروحي تعال شوف هسه بس يكعد تميم من النوم نكله ياخذج الماما ضل يمي علما يكعد تميم
_غسق سكتي عنه مصطفى احنه اهلك مرتضى يجيبه تميم يمك تعيشون يمي وليدي مثل بشائر وسديم تصيرون
ضم نفسه بظهري وهو لازم ملابسي حيل ويصيح على بيبي برفض
_مااا اروح يمهم مااااضل هنا هسه بابااا يضرب مرتضى
_بيبي دخلي انتي هسه خل يهدأ
بيبي دخلت وهيه تهز راسها باسف تلفوني بيدي يتصل
جاوبته واني ناسيه كلامنه اخر دقايق امسح بوجهه مصطفى الي وجهه محتقن احمر من كد مامعصب واحجي ويه عزيز
_الوو عزيز
_تسدين التلفون بوجهي
_يمته
تذكرت من شكرته وسديت التلفون لان ضل يسأل اسأله ماتخصه
_ها اسفه مو قصدي اسده بوجهك بس صارلي موقف واضطريت
_شنو هل صوت اليمج
ابتسمت المصطفى واني ابتعد عنه صوت شهكاته واضحه
_ابن عمي يبجي
_ماشي اخذي راحتج الله وياج
سد. التلفون هل مره رجعها الي مدري ليش ضجت من حسيتني ضوجته من طريقه كلامه
التفت لمصطفى واني امسح دموعه
_حبيبي تروح الماما بس لاتبجي
_تاخذيني انتي كلتي تاخذيني
_اي بس خنشوف تميم انوب نروح باع هسه ليل حتى الشمس ماطالعه تنام يمي انوب الصبح نروح
هز راسه ب الموافقه بيبي الكاعده ب الهول على اعصابها
_راح انوم مصطفى يمي
لازم ايدي حيل مايريد يروح البيبي صعدته فوك وهو ساكت
نام على السرير نزلت جبتله ماي وشربته صافن ع السكف وعيونه الصافيات بيهن حيره وقهر
حسيتني جاي اشوف طفولتي كدامي
كلب للجهه الثانيه وهو يغمض عيونه الناعسات اشبه بالعيون الكحليه
مر وقت طويل واني بس صافنه علي ماكدر اغفه من التفكير بابوي
فز مصطفى وهو خايف كانو شاف كابوس او كعد وتذكر شي اول كلمه كالها
_تاخذيني المرتضى
_حبيبي ماكتلي منو مرتضى
_اخوي
_ليش ما اجه وياك
_عمو تميم جابني وكلي غير مره اجيب مرتضى بس كلي لاتكول الاحد
_مادام كلك هيج لاتكول الاحد
جاي احاجي واجاني اشعار رساله فتحتها من عزيز
"لاتحاولين ترجعين لديالى انهي كلشي جان بيها"
عقدت حواجبي باستغراب
واني ادزله
_اطمن التركني اتركه
كال مصطفى
_اخذيني البشائر
_اختك
_اي
نزلته جوا واني احاول اطاوعه بكلشي بس في سبيل مايضوج ومايبجي
اخذني هو الغرفه اخته الي دخلت عليها توا كاعده من النوم
_العفو حبيبتي فتت هيج بس مصطفى يريدج
مدري ليش احاجيها وكلبي يحترك صافنه بوجهه اكول معقولة هاي اختي
كامت المصطفى وهيه تضحك وياه
_ها صفصف اسويلك ريوك
_لا كلي التميم ياخذني المرتضى
نزلت بموازته وهيه تكله
_بس تميم كلك راح يجيبه يمك
جانت تحاجي وهيه كوة تحجي وكوة تبتسم اله وعيونها مغوركه ب الدموع
_مو باعي هو البارحه مانايم كوة نومته شوي الفجر
رن تلفونها باتصال وهيه تباوعلي حسيت تريد تاخذ راحتها
طلعت من يمها واني حايره بمصطفى رحت الابوي الي لكيته بعده نايم كعدت يمه واني حاضنه رجلي الصدري
انتظر ثانيه ثانيه علمود يكعد
اخر شي ماتحملت ندسته بكتفه وكعد شافني ونرسمت الضحكه على وجهه حضنته حيل واني ابجي من الخوف علي والقهر
الغصه بلعومي مو كادره احجي شي
كال وهو يبعدني من حضنه
_شلونج بنيتي هسه ارتاحيت من شفتج كبالي هزيت راسي واني مدنكه
_شبيج غسق احد مسمعج شي
_جنت حيل خايفه عليك عبالي ماتطلع من السجن بعد
_مو كتلج اطلع بابا قابل اخليج تدخلين سجن بدالي
_ماعرفت ليش صفاء مسوي هيج
_سهله بنيتي عزيز يعرف كلشي بس ماصارتلي فرصه احاجي من السجن للمستشفى وهسه رجعت للبيت
_يعني بابا هسه انت تمام ليش ماتروح للمستشفى احسن
_لا زين خصوصا انتي يمي كلش زين من سنين انتظر هذا اليوم
_بابا صح مو وكته الحجي بس دايخه حيل ومسطورة اكو طفل اسمه مصطفى يكول ابن صلاح زين هو صلاح تزوج على امي ؟
_انتي منو كلج على صلاح
_عزيز جان عباله اعرف بس كال هيج شي سطحي لان مايعرف شي هم بابا اترك هل موضوع اريد انسى كلشي ماريد اتشوش ب التفكير
_وهذا الاريده منج ابدي جديد بعدج بداية حياتج كلشي كدامج اريد منج دوم الضحكه الحلوة ماريد الخنكه والتفكير اعرف شنو تحسين بنيتي مار ب الي تمرين بي اعرف شنو الفقدان والانكسار اعرف شنو جاي تعيشين
نزلت راسي ونزلت دموعي بخنكه كلت
_والله احبها حيل ليش ماتريدني
_ربتج وجزاها الله الف خير هذا قرارها مانجبرها على شي
ماريد ترجعين لو صايرلج شي بهذيج الفتره كلبي نار عليج من يسولفلي عزيز على طلعتج حتى تعاركت ويه عزيز والرجال مادخله بشي لان رحتي الامج
_شسويلها ضليت افكر بيها شلون مقفول الباب عليها شلون تاكل شلون بيها وهيه مريضه
_اعرف بنيتي بس مو تطلعين واحنه محذرينج تدرين بيها هيه الي مشتكيه عليج
_شكيت ب الموضوع ومن سألت عزيز ماجاوب شلون طلعت
_تنازلو عن القضيه الفضل كله العزيز
_شلون بابا عرفت صفاء هو مصوب نفسه لو شنو السالفه
_يكول ضغطت ب الغلط جان ناوي يصوب تجاهج
_يعني معترف النذل
_كتهن كت مدري شمسويلهم عزيز وهيج خايفين
ابتسم واني مرتاحه توا يلا برد كلبي
_راح اتعبج بنيتي مامرتاح هنا رتبيلي الغرفه الفوك
_بس مصطفى عباله غرفه امه جانت غرفه اهله زين صلاح مو بغداد
_اجه هنا فتره ورجع البغداد ضل يسوي مشاكل مرتاحه هنا غسق لو نطلع انا وياج بيت وحدنه
_اذا نطلع بيت وحدنه انت خوما تضل كاعد بابا هم تشتغل واني راح ابدي جامعه يعني تصير قليل كعدتنه ب البيت نضل هنا
_بكيفج بعد
_جوعان اسويلك ريوك
_ياريت ريوك من ايدج الحلوة
ابتسمتله وعفته يريد يخابر طلعت للمطبخ لكيت بيبي تهدر جاي
من شفت ابوي نسيت كلشي ونمليت طاقه
بيبي الي سوت الريوك واني اساعدها اخذت الصينيه الابوي لكيت كاعدين يمه تميم وجدو ماعرف شوكت كعدو
صبيتلهم جاي وهمه يتريكون وياي
دخل عباس وهو يصيح
_هسه ارتاحيت حازززم شلعت كلبنه يلا استجنيت
_عبيس اكوم ادوس بطنك
_اسكت بلا تميم بكلشي حاط روحك
كعد يتريك وياهم وتميم يكله
_لك كوم منا للصينيه ماتكفي
_خو انت كوم انا رجال جوعان
_مصدك روحك رجال كول والله
_بيبي وتكولين ليش تحجي على تميم
كالت بيبي وهيه تضرب تميم على زره بخفه وكوة حابسه ضحكتها
_اكعد عن عبيس
_اي جاهل عبيس شنو يريد صاح ماما بابا بيبي امداك
اجت سديم وبيدها مصطفى بس شاف تميم راح كعد بحضنه وسديم مرسوم عليها ملامح الضوجه وعيونها حمر
كالتلها بيبي
_سديم حضريلج صينيه ريوك انتي وغسق وتعالي تريكي يمنه
كالت بصوت مبحوح اشبه للهادئ
_ب العافيه بيبي ماريد احضرلج ريوك غسق
_لا هم ماشتهي
الكل لاحظ سديم وعيونها المبين باجيه ورموشها مليانات دموع
تميم كام اليمها وهو يباوعلها بعطف
_سديم روحي صبي المصطفى حليب
طلعت وطلع وراها كالي جدو
_بشائر كاعده
_اي
_روحي صيحيلها
رحت الغرفتها لكيتها على نفس كعدتها مال مساع
وضعها جان لايقل عن وضع سديم
_جدو يريدج تكدرين تجين
رفعت عيونها الباهته وهيه تباوعلي بجمود
كامت وهيه تمشي كدامي
كعدت يمهم ب الديوانيه وهيه ماتحط عينها بعينهم
كالها ابوي بابتسامه
_شنو عمو حتى ماكو الحمدالله ع السلامه
كانو انتبهت الوجوده وفزت كامت باسته وهيه تكله
_اسفه عمو مانتبهت شلون صرت
_دامني يمكم بخير عروستنا
ابتسمت مجامله الابوي وهيه تكل الجدو
_تكول غسق تريدني جدو
_صار هواي ماشايفكم وين مختفيه بنيتي
_موجوده جدو بس انت جنت مو ب البيت
_دريتي بغيث خطبج اكيد والرأي الاول والاخير الج واحنه وياج جدو انتي جبيره وفاهمه لو صغيره واعرف مصلحتج اكثر منج اوافق بغيث اكيد بس الراي الج
سكتت من وجهلي جدو السؤال باوعت الغسق الكاعده يمي
الف فكره رجعت براسي بهاي اللحظه بس الفكر الي سيطرت علي ماكدر اعيش بقيت ايامي بدونه
_الي تشوفه جدو اذا موافق هذا هو
ضحك جدو وبيبي على ضحكته ضحكت
كال وعيونه دمعن من الضحك
_اشو سديم مو هيج خجوله وينج سديم
كال عباس وهو يكرف جاي
_هيه ذيج منيلها مستحه
حازم_انت لاترطن بكيفك
عباس_شبيج مطنكره بشيرة اذا ماتردين لاتزوجين حمضي على كلبي
خديخه_انت ماتكوم منا سوالفك تسد النفس كووووم
_رحم الله والديج بيبي طالع طالع عايفلكم البيت بكبره
كام عباس وهو ينكث بملابسه
_يلا الله وياكم
طلع عباس وعمو حازم كال
_يابه منو غيث ماشايفه
_صاحب الولد جان حسين يدرس يمهم بغداد وصديقه كلش
_الله يرحمه
دخل تميم وهو يضحك
_ها بشائر نزوجج ونخلص
ابتسمت اله وهو يكول
_لاتخافين اطيح حظ غيث اذا كمل بالجهاد مازوجج اله يترك الجهاد
تنفست بعمق وبداخلي اسب سديم يمته لحكت تكله
ماكدرت احجي شي بحضور جدو دزيت التميم رساله وطلعت علمود يطلع وراي كعدنه ب الهول ومصطفى ماعاف تميم مثل ظله
_بشورة لاتضوجين الي تردينه يجرالك
_ماريد تفتح وياه الموضوع تميم ماريد تفرض علي لو انا لو شغله انت تعرف حالته الماديه زينه ومامحتاج لراتب الجهاد بس هو رغبته هاي راح يحس ب النقص من يتركه بحكم انو يشوف الشباب بعمره تستشهد وهو كاعد ب البيت ينتظر الي يقدمله الامان خلي يسوي الي يريده
_جا عليمن تبجين بعد بشورة لاتتسرعين فكري
_الله كريم
_باعي بلا لاتبجين مرتي
_شسويلها هيه مرتك حساسه بس شافت وضع مصطفى وشافت وضعي بجت
_تريدلها حجه علمود تبجي ادري بيها
_هيه وينها
غمز وهو يضحك
_مادخلج بيها
_لابلةة ترا غرت والله شهل دلال
_روحي تزوجي وزوجج يدللج شكو بيج احنه
_لا عيني اني ادلل نفسي شبيه
_يعني ماتتزوجين
_اتزوج
_جا وين المستحه اليحجون عليها ولج
_ تميم حتى انت
_صدك ترا اذا تمت الخطوبه انشالله غيث يريد يستعجل على الزواج لان مايريد ينقلج من الجامعه
_الله كريم
_بشائر راجعي قرارج الوكت كدامج
_هذا هو تميم موافقه
يتبع....