" بِسمِ الله ألرحمٰن ألرَحيم ''
• #غموض_الشُجاع
• بِــ قلم :- فطم الطائي.
• ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.
.. قبل ما نبدي ألبارت خلِ أحچيلكُم شغله عن لهجة ريڤال ، كُلنا نُعرف أللهجه المصلاويه شگد صعبه وخاصه لهجة (المواصله ألقحيين ) أني من أجي أكتب مُستحيل أكتبلچ كلمه كلمه من كلام ريڤال ولفضها للأحرُف ، من أكتب أريد بَس أوصل ألچ فِكره عن لهجتها فقط أني ما أگعد أدقق بـ كُل كلمه وأگوللها عليها وأجي أكتبها لا أني بَس أوصلچ فكره .. + ع فكره ريڤال من تلفض الراء مدري شلون تسويها ماعدها لدغه بَس هيچ تلفض الراء عبالك ( ل) وتضحك وبنفس الوقت حلوه 😂
لـ هنا تمام ؟؟ تمام .. نجي ع ألأحداث .. من أكتبلچ أحداث وغامضه كُلش مثل ما صار بـ البارت السابق أني ما أكتب بكيفي كُل شي أنكتب بـ ذاك البارت كان بـ وقتو وماگدر أغير شي لإن الأحداث مُتسلسِله وإذا يخرب فـ هاهيه خربت ألقُصه ... أني كاتِبه وحافظه ألقُصه وأعرف ألصالح ألها وترتيب أحداثها .
طولت عليكُم بَس كـ معلومه حتى تعرفون كُل شي ، وأحلى شي تجي وحده تگول ألقُصه كذب لإن المصلاويين لُغتهُم مو هيچ لا يعني هاي واگفه كُلش 😂 فـ أي بلشو قِرائه مُمتِعه + أريد ألتعليقات 1k هيچ كشخه بَس 🌚🔪
..
أجد صعوبه في الكلام ، أيامي متشابها..
إحباط بِـ كُل مُنعطف ، بالكاد ألتقط أنفاسي ، ولدي نظرةٌ سامه إتجاه العالم ونَفسي.
..
"... ألتفت عليه لُبَيد وگال :- شعنده نَهشَل وين رايح ؟
- رايح لـ عمامه يمكن.
لُبَيد :- وأخيراً عرف عمامه .
- أي لگيتهُم قبل فتره وأليوم راح عليُم يمكن .
لُبَيد :- وعلي أنتو ما ينحزر شنو تسوون ، صايرين أستِخبارات رقم واحد ع العالم .
- شعبالك يعيني ، دومنه رقم واحد ع العالم .
سكتنه ثنينه دخل عَواد يطگ أصبُع صار يم لُبَيد وهم صار يهز أخر شي لُبَيد لطمه بدفره طيرته ، ضحكت علىيهم وطلعت برا ألكُل جاهزه بَس ألنسوان ينرادلهُم سَنه يلا يخلصون ..
صارت بـ ثلاثه طلعنه كُل واحد صعد بـ سيارته ووياه أحد ألبنات راحو ويَ عمامي وبَس بقو عَواد وخالد وأيهم صعدو بـ سيارتي ولُبَيد وحده بـ سيارته ، طلعنا على ألصالون ، أخذنه أڤين من هناك وبـ وجهنا لـ منصة ألموصل ...
..
ريڤال .. بعد ما طلعنا من ألصالون وزين لابسه شي على راسي ومغطي وجهي لإن لو يشوفني عُمر يذبحني نوب مخليه مكياج .. داصعد بـ ألسياره شفتو واقف يم ألولد بـ صفحه ما منتبه ، طالع يجنن صعدت لـ ألسياره وأستغفر ، يول ريڤال غاح يفطسكِ يكفي تقصينو ، بَس والله هوَ حلو أشعمل يعني ..
طلعنا بـ ألسيارات وأفونه ويه لُبَيد سياره وَحدهُم ، صارو يمشون وألأغاني حيل عاليه وألأجواء تجنن ، هوَ نحنَ صدقنا أفونه تتزوج لُبَيد ويخلصون ، والله أنا لهسه ما مصدقه يعني بعد كُل هذا ألعذاب ألي شافو وأخيراً صارو لـ بعض ..!!
صارت سيارتو من يمنه وهوَ من جِهتي ، بقيت صافنه وهوَ ما منتبه سيارتو أعلى من سيارتنا ما حسيت غير على گرصه فزيت وصوتي طلع بسرعه خليت أيدي على شفايفي وألدمعه بطارف عيني ألتفتت جيهان أردفت بـ دموع :- ليش هاكذ علمتي ؟؟ زورقتيني ألله يطيحو لحضكِ ألزفت .
جِيهان :- وجع أشبيكِ وجه ألسطل هيَ دائِماً أكرصكِ؟؟
- وسم ولي شو ولي حقيغه تفو عليكِ .
ألتفتت ع ألجامه ودموعي بعيني وأفركها لأيدي حتى يروح ألوجع ، وصلنا ما أدري وين رفعت راسي من وقَفو ألسيارات ، كانت منصة ألموصل .. أبتسمت نزلو ألولد كُلهم وسوو دبكه ولُبَيد ما أعرف وين طلع من ألشارع ألثاني ، أدحق عليهُم كُلهم يدبكون بَس شُجاع واقف بـ صفحه ويدخن ، تمركزت عيوني علينو وبقيت صافنه ، رفع راسو عليه نفخ ألجكاير وعيونه بيه ، دنك وأبتسم لـ درجة ظهرت غمازتو ألخفيفه ...
..نزلت رأسي ، والله يا ريڤال لو تقعدين وتسكُتين أحسللكِ ، ولا تضلين تلوصين أشبيكِ بعد ما شفتي غيرو ، والله ياربي .
بعد وقت وأحتفال هواي ولإن عرس لُبَيـد صار ب يوم ألنصر فَـ سوه مُفاجئه لأفونه وجابها للمنصه وكُله حتى تفرح ، طلعنا بعد وقت للقاعه نزلنا كُلنا والنسوان بـ قاعه وألزلم بقاعه ثانيه ، دخلنا بـ قاعتنا نزعنا أفونه الكبوس ولُبَيد مبتسم وينظرلها بـ حُب ...
گعد شويه وطلع بقينا نحنَ ألبنات شغلنا الأغاني ونزلو ألنسوان يرگصون من عدهم ووياهم وَرده ، بقو هاكذ وقت كثير ، بعدها أنطونه علم نلبس شالات لإن راح يدخلون أخوانو لـ لُبَيد، وفعلاً لبسنا شالات دخلو لُبَيد وعَواد وشُجاع وأنس أخوهم ألصغير ...
صعد لُبَيد لـ ألكوشه يم أفونه ونزلها وألباقيين قابلو وَرده وردح للستار ، أبتسمت وأصفگ بيدي وجيهان مضيقه عينها عليه مدري اشبيها ،
صارو وَرده وشُجاع يرقصون وورده ما لابسه حِجاب شعرها طالع يمكن عدهُم عادي يعني حاسبين شُجاع مثل أخوهم وأكثر وماعدهم حرام هاكذ شي ، ألتفتت بـ جِهه ألثانيه عَواد حاضن روجينا ويرقصون سوه أبتسمت لإن شفتهم سوه ، صَح عَواد ألي سواه غَلط بَس يبقى سَندها لـ روجينا وحبيبها وزوجها ، والجِهه ألثانيه لُبَيد وأڤين يرقصون بـ نزاكه حيل حلوين مع بعض .
ثواني ولُبَيد نزع ألستره مالتو وبقى بـ ألقميص سحب أيد أفونه وصارو بـ نُص ألقاعه والكُل رجعت لأماكنها تشوف شنو يسوي لُبَيد ، شفتو رفع ايدينو ثنينهم ويطق اصبع وافونه قدامو يهز بـ كتفو حواليها وهي مبتسمه ، بقو ألكُل صافنين بي وشلون حافظها ،
كانت رقصه تُركيه أتذكر شايفتها بـ مُسلسل وادي ألذِئاب هم عدهم هاكذ رقصه سوه ..ألتفتت لـ عَواد وروجين واحد معصب ع الثاني ويتهامسون بينهم ضحكت على سوالفهم والله عجيبين هالأثنين مره سوه مره واحد يريد يشرب من دم ألثاني ..
بقيت صافنه بـ خواتي كُل وحده ويَ زوجها ، روجينا ماعدها أحد بَس نحنَ صرنا خواتها ، وأفونه أختي الوحيده الأكبر مني ، بَس هيَ باقيه من حنية أُمي ، ثنينهُم خواتي ولو اجه يوم قالو أختاري بينهم ما أقدر لإن أعزهم بنفس المَعَزه ولا يجي يوم وأتخلى عن وحده بيهم ، وأتمنالهم وأدعيلهُم دائِماً ألله يحققلهم ألي يتمنو ويرزقهُم بـ حياة هادئه تعوضهم عن الأيام ألمُره ألي عاشوها ...
بنص تَفكيري حَسيت أنجريت من أيدي وصرت بـ نُص ألقاعه نظرت بـ تَوتُر وأسحب ألنفس بـ ألگوه أحس وجهي گَب نار وايديه ترجف لإن قدام كومه ناس ماعرفهُم وهم وياهم شُجاع حيل أستحي من هاكذ أشياء ... گالت وَرده وهيَ ألي سحبتني :- شوفينا إبداعچ ست أُم الرور.
نظرتلو صافن بيه بلعت ريگِ وشجعتها لـ نَفسي أبتسمت بـ تصنُع ، دنگت نزعت ألگَعب ودفرتو يم وَرده گلت وعيني بـ شُجاع :- هسه تغشعين إبداعي شلونو .
وَرده :- يلا لا بَـس حچي.
بقت صافنه ومركزه بـ الأُغنيه أسترجعها بـ ذاكِرتي ثواني رفعت ايديه ثنينهم لـ فوك ووگفت ؏ اصابع رجليه وأفتر وفستاني دمرني يلتف على جسمي .. صرت أسترجع الرقصه وأتذكر من زمان كثير أنا وجيهان متعلمين عليها ودائِماً كنا نرقصها ، ولهسه ما ناسيتها أبد أعتمدتها أحسن ما أتفشل ..
صرت أفتر ع ألموسيقى وتفكيري كُله بـ الأُغنيه وأسترجع ألرقصه حتى أكملها ، كانت بسيطه حيل هيَ مُجرد أرفع أيديني وأمشي على رؤُس أصابعي ، وسويتها صرت أغني مع ألمُطرِبه بـ هدوء ، حَسيت ماكو أحد بَس أنا وحدي وأندمجت بـ ألجَو وصرت أهمس مع الأُغنيه بـ صوت ناعم ...
نزيت من شفتو مقابيلي ويفر بـ ألسبحه مالتو ووَرده وياه ماهتميت وأعرف نظراتو كاصتني كملت وأغني وي نَفسي بـ صوت ناعم معَ ألمُطرِبه :-
" نزلت عالدبكه خُزامي "
" تتمايل متل اليمامه "
" علواه تمسك قدامي "
" تحلا هالدبكه زياده وبزياده "
فزيت وصارت رجفه بـ جسمي من أجه صوت رجولي خَشن يغني حسبالك مُطرِب :-
" تعالي حَدي وين رحتي "
" عقلي براسي سوسحتي "
" بدي اعطيكي مسبحتي"
" محسوبك شحرور الوادي "
بقيت صافنه بي وأفتر وهوَ عيونو بيه مانزلها أبد ويغني معَ ألمُطرِبه ومن جِهه وَرده مبتسمه ، خجلت من نفسي وخلصت الأغنيه أبتعدت وألناس تصفقلي ، بَس مارفعت عيوني بَعد حيل خجلت بَس أبتسمت ألهم ...
بقينا شويه بعدها وأفرك بيدي من ألتَوتُر وألخوف ألي صابني ، شويه وصارو يوزعون عَشه رفعت راسي هوَ وأنس أخو لُبَيد يوزعون وصلني خلا ألسفري أخذتو ومضيقه عيني ..
..نوب سحب قوطية ببسي وصافن بيه ما عاجبو ، مَديت أيدي وعيني بـ عينو سحبتها مجلب بيها عصبت علي وأتنفس سَريع سحبتها قوي شو وگعت وأنفجرت بـ ألأرض وملابسو وملابسي طفر عليها فتحت عيوني وهوَ دنگ مضيق عيوني گال بـ عصبيه :- قوطيه ماتگدرين تلزمين چا شتگدرين تسوين .
أبتعد شويه وصاحلهم ينظفون ألمكان كُله وهو مقلص عيونو عليه ومدري شبي عود يسوي براسي شيخ لازم محد يطخو والله يا الله ..
فتحت ألسفري وأكُل وأغرد معَ نفسي :- يعني أشبي هاذا وإذا وصختونو وشنو يعني يغوح يبدل لو يغسل لو هاكذ صَعبه على حضغة شُجاع المغرور ، أغشع شسوي بيك أُستاذ مغرور أبو القواطي .
والله هذا اللقب يفيدو شو كان حامل قواطي ويوزع هوَ قوطيه ، لا ابو القواطي أحسن ، أشعملو هوَ يوازيني أعمل هاكذ بينو كوي بيدي اللهُ أكبر ...
تنهدت بـ تَعب وعيوني على أفونه ولُبَيد وشلون فرحانين وياخذون لقطات ، أبتسمت على أبتِسامة أُختي وهيَ تنظرله بـ حُب وعيونها تلمع وتهمس ماعرف شنو يم أذنو وهوَ يبتسم ويبوسها ..
.. حيل فرحت وبنفس ألوقت دمعت عيوني ، لو أُمي هنا تفرح من تشوف أفونه بـ بدلة ألعرس ، كانت تتمنى هاكذ أيام ، حتى زواج عُمر كانت تتمناه ودائِماً تلح معاه حتى يتزوج بـس ماكان يقبل ويأجل الموضوع ، لمن ما توفت أُمي وماشافت أحد بينه كن أتزوج ..
مسحت دمعتي وطلعت بـ باب ألقاعه متضايقه وقلبي يوجعني هيَ صايره مثل ألغُرفه وبعدين ألباب الخارجي أكو كُرسي قعدتو علينو وأنظر لـ ألي قدامها لـ عيني ، دمعت أكثر وصرت أناشغ ونغزات تضرب بـ قلبي ، نزلت نَظري لأيدي ترجف رَجف عصرتها بـ أيدي ألثانيه أريد تهدء ..
بين دموعي رفعت راسي شفتو واكف بـ ألباب ألخارجي وصافن بيه ، بسُرعه مسحت دموعي ردت أدخُل أجه صوتو :-
شُجاع :- لا تستحين نزليهن.. " أنه أتمنى أبچي على عيوني الي مـا فد مَره بچت عليه "
.. نزليهن ترتاحين.
التفتتلو مستغربه مـن كلامو گلت وأمسح بـ دموعي :- ما يطَفون ألنّار ألي بـ ألقَلب .
سحب نٕفس بـ عُمق وگال :- بعدها ترتاحين ثواني مُمكن دقيقه مُمكن ساعه ، بَس تخيلي شَخص عيونه ما تبچي على حاله ، تخيلي سنين وألدمعه مانزلت ..!!
رجف قلبي لـ كلامو وهو يتكلم بـ قَهر وحسره كأنُ حاسدني على دموعي ألي نزلت .. سكتت ودرت ظهري ورجعت لـ ألقاعه وأفكر بـ كلامو ، صَح هاكذ عايش هوَ ؟؟ معقوله كلامو صَحيح وهو ماكن نزلت دموعو ولا مره ؟؟
غمضت عيوني وفتحتها دخلت لـ غُرفة ألتبديل أعدل مكياجي خلصت طلعت وكُل تَفكيري بـ كلامو وشنو يقصد تعبت حيل من التفكير ،...
مَر ألعرس وطلعنا لـ فُندق بـ الموصل كان جديد يمكن لإن وقتها ماكان أكو فنادق بـ ألموصل وكُلها مخربها داعش ، بَس لُبَيد ما أعرف منين مدورلو ، وصلنا ألفُندق نزلنا وقفو بـ ألباب وصارو يسلمون عليهم ويباركون ألهم ، تقدمت يم أفونه حضنتها قوي ودموعي صارت تنزل ، باركتلها وأبتعدت أجت خاله بقت توصي بـ لُبَيد على أفونه وانا دموعي تنزل على كلامها كان حيل مؤثر ...
دخلو همَ ونحنَ رجعنا لـ ألبيت أول ما وصلت مسكني عُمر :- شلونها أفونه خوما أنقهرت ..؟ خوما نزلو دموعها ؟؟
أبتسمت وگلت :- لاتخاف مابيها شي هسه بخير .
أبتسم على كلامي وصار يدعي ويَ نفسو ، عفتو ودخلت لـ غُرفتي ، أليوم أول يوم بِدونها والله لو شما نقول يبقى صَعب فقد الأُخت وخاصه لو كانت الكبيره ، دخلت سبحت وبدلت ودموعي تنزل ونغزات كتلتني ، تمددت وأفكر بـ كلامو ، سمعت صوت البنات برا سويت نفسي نايمه ، والله دخلو يمي بـ ألغُرفه والي تبدل وتتكلم ، سكتت وولا حسستهم أنا ما نايمه ..
..
شُجاع.. رجعنا لـ بيت خالة لُبَيد بعد ما زفيناهم لـ ألفُندق ، أحس راسي راح ينفجر وعيوني تأذيني خليت وتمددت بـ ألأستِقبال حتى ما بدلت وَنهشَل وألولد كُل واحد مدد بـ جِهه..
.. غمضت عيوني بـ تَعب أجت صورتها گبالي من رگصت ، ومن چانت تبچي برا ألقاعه ، ياترى شبيها ؟؟ ليش ألبچي واضح عُمر ما مقصر عليهُم بـ شي ، مُمكن علمود أُمها ؟؟ حقها تبچي ، دموعها زرفت گلبي بَس ميخالف تبچي أحسن ما تگبت بـ داخلها ..
غفيت وغطيت بـ ألنوم ... ما حسيت ألا على ضربه براسي فَزيت أتنفس سَريع باوعت ألكُل نايمه خليت أيدي على رأسي يوجعني ، فرگت عيوني وگمت طلعت بَرا بيت شكُبره ألي يجي بي يضيع مثل بيت جدي بـ البَصره وهذا بعد أكبر بـ هواي ...
گعدت بـ ألحَديقه أطحن بـ. ألجگاير وأفكر بـ طريقه وحده أگدر أتزوجها بي ، حيل صعب أخُذها من عُمر وخاصه أنه ما أعتقد ينطيني مدللته ، بقيت گاعد وأدورلي طَريقه وحده بَس حَسيت أيد صارت على چتفي ألتفتت وَرده بيدها آيسر أبنها گعدت يمي وگالت :- ليش گاعد بـ هيچ وَقت ..؟
- ما جايني نوم .
ألتفتت عليه وعينها بـ عيني گالت :- تفكر بيها مو ؟؟
بسُرعه باوعتلها أبتسمت :- تقصدين منو ؟؟
:- غير ألي بـ راسك صارلها فَتره ..؟
باوعت بـ ألثَيل والأشجار رجعت نَظري عليها أردفت بـ هدوء :- ما أعرف تقصدين منو ..!!
ضحكت قَوي حيل خلت ملهاية آيسر بـ حلگه وألتفتت عليه بـ كُل جسمها گالت :- أقصد ريڤال .
توسعت عيوني عليها وگلت مضيق عيوني :- هاي شدخلها ؟؟
طبطبت على اسوري وعيونها بالأشجار :- أعتقد هيَ هم تحبك .
مُجرد سمعتها صارت نَغزه بـ گلبي بقيت ساكت وعيوني تحرگني رَدت گالت :- خايف من ألمُستقبل مو ؟
- كُلش .
:- چا أخُذها .
- وحياتي .. شُغلي.. ماضيي.. مَرضي.. راح تتقبلهُم ؟؟
:- أي تتقبل كُل شي وأضمنه ألك .
- شنو ألي مخليچ متأكده ؟؟
:- روحها حلوه يا شُجاع ، رُغُم داعش وألدنيا وألناس ولا زالت قَويه ، راح تكون عِلاجك صَدگني .
ضحكت بـ سُخريه ورَديت :- أفكر أخُذها بَس خوفي تترُكني وتفلت أيدي ، وَرده أنه ألي يلزمها لأيدي لازم مايفلتها أبد ، أساساً ماراح يگدر يفلتها .
:- خلي خوفك على جَنب وأستمع مَره وحده لـ گلبك .
- گلبي راح يختار شي وأبقى متندم علي طول ألعُمر ، راح أبقى أحتقر نَفسي طول الحياة لإن دخلتها بـ عالمي .
:- ما راح تتندم شُجاع ، أخطبها وأخُذها ألك أحسن ما يجي شَخص غيرك ياخُذها وقتها تاكُل بأصابعك نَدم ، ألبنيه كامله وما شاء ألله جمالها يجنن وألي يشوفها ...
- تثوله .
باوعتلي أبتسمت :- لازم ثولتك ؟؟
ضحكت وهزيت بـ راسي :- " وعلي جمالها ثوَلني ''
:- ههههههههههههه خرب حضي مو هيچ هاي أنتَ شُجاع ألثكيل وهاي .
- يمعود يا ثُكُل يا بطيخ .
:- والله مبين مصفنتك .
- ليش هيَ صَفنه صَفنتين ههههه.
ضحگت وگامت :- رايحه أنوم هذا ألمَشعول وأنتَ فَكر زين بـ ألي گتلك علي ، مادام صرنا نسابه وماخذين أفونه منهُم نگدر ناخذ ريڤال هَم .
گالتها ومشت بقيت گاعد لـ ألصبُح صافن بـ ألفراغ .. وأفكر بـ ألمُستقبل ، هل راح أگدر أعيشها عيشه زينه لو راح أخليها بـ ألظلام دائِماً ؟ راح تكون بعيده عن ماضيي وغموض وكُل شي ، راح أبعدها من هيچ وأخليها بـ حياة هادئه ويصير فَقط لو صبرت وتحملت ، وما بخوشت بـ حياتي وشغلاتي ، وإذا فضوليه فـ راح تكون بـ ألتساؤلات دائِماً وراح ينجرح گلبها وتتأذه هواي ...
لـ ثاني يوم ورا ألغده رجعنا على بَغداد وصلنا ومعانه نَهشَل وأحس بي مو على بعضه ويصفن هواي وأعرف سَبب ألي جاي يصير بـَس مصخها حيل وكُلها ما مستاهله هيچ ... شگد لَحيت علي يبقى ع ألعشه بَس ما قبل وگال عندي شُغُل هواي .
دخلت لـ ألبيت سبحت خلصت ونزلت جوى جاي يتعشون گعدت يمهُم وعماتي وخالات لُبَيد كُلهم هنا يسولفون بـ ألعرس ويحچون على فلانه وعلانه بـ نُص أكلي گالت وَرده :- ما لگيتو ألنّه وحده لـ شُجاع من ذني ألي بـ ألعرس ؟؟
غصيت بـ أللُگمه وأخزرها وهيَ تضحك گالت عمتي :- أكو هواي بَس ألمُميزات بيهن چانت بنت عم أڤين وأُختها ، بَس ذَني شفتهن حلوات ونازكات .
باوعتلها ونزلت راسي متفشل شدعي عليچ وَرده نوب رجعت گالت :- أي والله أنا هم گلتله على ريڤال وشوف هوَ شنو يقرر نحنَ نسوي ونخطبها .
عَواد :- وعلي هاي تشعل أبو أبوكم أنا أحذركُم .
خزرته ردلي أياها ورافع حاجبه گالت عَمتي :- ليش يُمه شبيها ..؟؟ ، خوما ما خوش بنيه ؟؟
وَرده :- لا عمّه هذا عويد مايفهم شي عوفي جاي يخبص وبعدين هوَ شعرفه بـ ألبنيه ؟؟ وهاي أخذنه أفونه شو عاقله وحَبابه خوما أُختها دتطلع شيطان ..؟؟
.. ما أعرف يُمه وليدنا شحلاته هادئ ورزن وأكيد ندورله بنيه هادئه تتفهمه وتعالج جروحه مو نجيب وحده لسانها عشر مترات .
وَرده :- لا حجيه أنا شفتهم وكعدت وياهم والله فد بنيه ذَهب ، تخليها ع الجرح يطيب .
.. خوش يُمه چا شُجاع وليدي حَرك نَفسك وأختار وأنطينه علم حتى نمشي عليها .
- ألله كَريم حَجيه ، ألله كَريم.
سكتو وياكلون وعَواد يباوعلي مضيق عينه مبتسم وكُل شويه ويغمز ، خزرته ورجعت أكُل ، خلصت طلعت برا خابرني نَهشَل ..
- ها ضلع ..؟
نَهشَل :- أبن خالتك يشتغل معَ جَلال ؟؟
- قصدك منو ؟؟
:- مُنير ..!
صفنت شويه وگلت :- إذا جَلال يشتغل بـ ألمُخدرات وألد••• فـ أكيد مُنير وياه ، أنه من زمان أعرف هوَ وياه بَس أمهل ألطريق وهسه كشفته أنتَ ، أخذ دَوريه وأسحله من بيته ولا تهتم أين منو وگرابة منو ..
:- مو قليل ترا راح يأذوك .
- أنه أريدهُم يأذوني إذا هُما زلم خلي يجون يواجهوني .
:- بَس شُج...
- ولا بَس سَوي مثل ما گتلك وأسَحله من ألبيت سَحل ، وأنعل أبو لا أبو الي يطلع وراه .
:- ماشي ، صدُك عمامي شخبارهم ؟؟
- مو حچيتلك كُل شي ، وبعدين أنتَ أمس ما طلعت عليهم ؟؟
:- هااا أي ، هسه رايح بعدين أحاچيك .
- أخُذ راحتك ضلع .
سده گعدت ع ألكُرسي ع ألرَصيف يم باب ألبيت وأفكر بـ كُل جاي يصير ، أفكر بـ ألأشخاص ألي يگدر جَلال يوصللهم هيَ بَس ... بَس هيَ جَلال يگدر يوصل ألها بـ سهوله .. وأنه أريده يوصللها حتى أشوفه أبو ابو .
غمضت عيوني رجعت فتحتها فزيت من أنضربت على رگبتي گمت بِدون لا أعرف منو لويت أيده ودفرته :- عار حيوان ألف مَره گتلك لاتسوي هيچ فجأه .
عَواد :- أوي سعوده شبيچ عيني .
- أكُل ••• لا تصير حمار .
هديته وگعدت سحب كُرسي من جوا وأجه گعد يمي گال بـ هدوء :- بـ شنو جاي تفكر ؟؟
- مُنير طلع معَ جَلال .
:- وشنو ألغَريب أنا مو گتلكم من ألبدايه هذا ألنَغل ويه جَلال ألخيخه ..؟
- أنه چنت أعرف بَس عايفه بـ مَزاجي بَس أعتقد أجه وگته ، ولازم أخُذ كُل شي منهُم .
:- أُخذه خويه ، صارلك شگد خامد ، أجه وَقت الأسد يزئر .
باوعتله ثواني ورجعت نَظري ؏ ألشارع شويه وگام جاب چاي ورجع گعد نطق وهوَ يضحك :- أليوم أخونا يچوب ع الجُربايه .
باوعتله خزرته وأبتسمت على كلامه والله علي سوالف گال بـ صوت شبه عالي :- چا مثل حضي مصخم ملطم .
- ما صالحتها ؟؟
:- ليش هيَ تنطي مَجال ؟؟
سحبت نَفس وشربت من ألچاي :- شماتسوي حَقها ، ألي سويته وياها شوف شگد چبير ألي هيچ جاي تصدك بـ كُل فُرصه .
سكت ما رَد گعد شويه ودخل .بقيت بَرا صافن بـ ألفراغ أخر شي بـزعت ودخلت ...
مَر كم يوم وبين ألشُغُل وألمُهِمه ألجايه دايخين ، ومن جِهه مُنير مختفي وماموجود أصلاً ، عرفت شنو مُبتغاه وشلون أصيده أنطيت علم لـ ألنَهشَل وشگد گال مايصير وشلون هيچي تسوي بَس ما همني أهم شي ألزمه ..
وكُل فكري مُنير شَخص عادي ، ما ببالي راح أتندم لإن خطيت هيچ خطوه ، بقيت أغلس عنّه كُل ذاك ألوقت بَس هسه أجه ألوقت ألي لازم مُنير ياخذ جزاته ويشوف شُجاع ألقديم ..
خليت أكس ع صورته وأيهم يمي وصلني مَسج من وَرده چان عنوانه :- تعال ريڤال عدنا جايين علمود أفونه وأعتقد يبقون لـ ألمُغرب .
أبتسمت وگمت :- حَولي ألمَلفات وأنه أراجعهم ولا تنسى نَهشَل بَس يجي تنطي كُل ألمعلومات ألي وصلناها وگُله لا يگرب يم عمامه هالفتره خلي يصبُر شويه .
..بأمرك سَيدي.
أبتسمتله سحبت ألموبايل وباكيت ألجگاير وطلعت صار گبالي حارث أبتسمتله أكثر ورثت جگاره وگلت رافع عيوني عليه :- ورقة نَقلك تلگاها يَم أيهم .
مشيت من يمه گال :- شُجاع أنتَ منو بـ ألضَبط ؟؟
أبتسمت هواي وشويه ويطلع صوتي نفخت دُخان ألجگاير وگلت :- " أبو مُقاتل حَبيب ڪَلبي "
عفته وطلعت صعدت لـ ألسياره مشيت شويه وخليت عيني بـ ألمرايه الأماميه أبتسمت تك خَد :- ألحگني راح تدخُل لـ جَحيمي بـ رجلك أليُمـنى حَبيب گلبي .
بقيت أمشي وهوَ ورايه دخلت بـ أفرُع هوايه ضيعته :- بـعد وگت لإفتراسك .
وصلت ألبيت صَفيت ألسياره ونزلت باوعت بـ ألمرايه عدلت شعري ومشيت جوه بباب ألمَطبخ أتصلو فتحته وأحچي دخلت لـ ألمطبخ سديته وگلت بِدون لا أرفع راسي :- يُبا وَردتي چاي .
وَرده :- والله أنتَ دمرتني بهذا ألچاي.
حمحمت رفعت راسي أباوع شفتها گاعده ع ألكُرسي ووَرده ورحمه بـ جِهة ألطباخ ، حمحمت رفعت حاجبها خزرتني ، أردفت وعيني بيها :- ألچاي يصفي المُخ من سوالف ألمسعدات.
وَرده :- لازم عندك مسعدات؟؟
أباوعلها تغيرن تعابير وجهه للعصبيه گلت بـ خباثه :- اي سعديات ادبسزيات.
وَرده :- چا شجابك من دوامك..
- عفته واجيت ...
التفتت وَرده عليه تغمزلي :- احمم ليش؟
- أگمل الشُغُل الباقي ع الحاسِبه ماكو مُشكله..
وَرده :- ديلا ادخُل بعد اختك نشوف التالي .
ابتسمت ودخلت جوا بدلت وأمشط شَعري دخلت وَرده مقلصه عيونها وشبح إبتِسامه على شفايفها أخذت ألچاي :- ها أبو ألحُب من هسه ألخباثه تمشي بـ دمك ، خو هاي لا تشوفها مسكينه وعلي إذا تخليك بـ راسها تمشيك صَفح على گولة عَواد..
ضحكت شربت من ألچاي وگلت أباوع بـ ألمرايه :- شتسوي خلِ تسوي .. يلوگلها.
غمزت وَرده :- ها وها خيو جبنالك مَره ، وهلا هلا خيو جبنالك مَره .
خزرتها وأريدها تسكُت متيفيد بقت شويه وسكتت :- ولك هاا شُجاعووو هااااا .
هزيت رأسي طلعت ألحاسِبه گالت :- أنتَ مابيك فائِده هسه خلِ أنزل أشوف ألمسعده شجاي تسوي ، وأحضر ألغده بَس أصيحك تعال ماشي .
هزيت رأسي ساكت نزلت أذن ألظُهر صاحتني ، لميت ألأوراق وألحاسِبه خليتهن بـ ألدولاب ونزلت .. بوجهي ع ألديوان حتى مارفعت راسي ، دخلت عَواد يطگ أصبع ، هزيتله راسي بـ معنى شكو صار يغني :- أخونا خوش أخو يستاهل ألهوسه
باوعتله مستغرب :- شنو ؟؟ أخوك وتزوج شتريد بي تزوجه ألثانيه حتى أفونه تمسح بيك بَغداد من ألطول لـ ألطول .
عَواد :- أكو غير أخو ويستاهل ألهوسه ، هلا هلا ..
ضربته بوكس بـ بطنه توجع :- يا أحچي ألجُمله يا لا تحچي بـ ألألغاز .
عَواد :- ياعار مو أنتَ راح تعرس فـ مُهمتي أهوسلك من هسه .
- أستغفرالله ربي جاي تشوف .
لُبَيد :- عوفه ألولد مرته مطلگته وعقله مضروب بوري وگلبه مضروب بوري.
- و••• مضروب بوري تَربيع .
عَواد :- أخوان زر•• أنتو ..
لُبَيد :- يابه غير جاي نخفف عليك .
- يلا سَعوده لا تبچين تتعوضين بـ غيره بـ إذن ألله .
راد يحچي لو ما وَرده دخلت بيدها صينية ألغَده باوعتلنه رفعت حاجبها گعدنا وخلت ألصينيه بـ ألگاع ، گامت وگفت وتخصرت گالت بـ عصبيه :- شضامين عليه ولكُم ..؟؟؟
عَواد :- گاعدين يتشمتون بيه تقبليها وَردتي ؟؟
وَرده :- هذا ياهو منكُم يتشمت بـ عَواد ؟؟
عَواد :- وألعباس ثنينهُم .
وَرده :- ليش يتشمتون ؟؟
عَواد :- لإن مطلگ بـعد أخوچ ..
ضحكت بقوه وگالت :- يلا يابه هاي روجينا هَم رجعتلك بَعد إذا تشمتو گولي أشوي على أذانهُم بُصل .
عَواد :- عليچ ألعباس صدُك ..!!
وَرده :- والله بَس تطلع من هنا تجيك .
عَواد :- تزقنبو هاللحم ألي بفلوسي محاللين ومواهبين بيه ، هذا من فَرحتي تركته بَس والعباس بيوم القيامه أطلعه لُگمه لُگمه .
- چا ما تگولولي هذا من فلوس عَواد چا ماتزقنبت ..؟
عَواد :- تاكُل بـ خيري چا شعبالك هذا راس ألثور يصرف عليك ؟؟
لُبَيد :- وليش محملنه منّيه ، هوَ بَس أليوم صرت شَريف ورحت أشتريت ، شو باقي الأيام مَصروفنا سوه .
عَواد :- أنتو ما تحسون بـ قيمتي ألا تفقدوني ، ربي چا ما تموتني وتخلصني من نَدى .
بلعت أللُگمه وأضحك أردفت :- لا تخاف خلصت منها .
عَواد :- وعلي بلوه بلوه .
- لا تبچي بَس لا تبچي .
خزرني وگعد ياكُل ووَرده طلعت گال لُبَيد :- راح أطلع لأربيل .
- أي أطلع شدخلنا .
عَواد :- خايون .
- دنچب بيك زود أُخذ زوجتك وأطلع .
عَواد :- نَهشَل العار كارب عليه هالفتره وما جاي أشوف دَربي .
- حيل بيك كون يسحلك ما أنقهر عليك .
عَواد :- صرت مثل أخوك خايون .
- بَس لا تتنعوص لعبتها لـ روحي .
عَواد :- وعلي مشتاگ لـ سَعوده يمته تجي ؟
- ما أعرف روح أسألها ، عساها لا أجت گطيعه .
سكتو وأنه هَم سكتت صبو چاي شربت وگمت :- من تخلصون ألحگوني أنطيكُم علم عن ألشي ألي راح نسوي ، لو تريدون بَريد ؟؟
لُبَيد :- يمعود هوَ شنو هسه أجي بَس أخلص ألچاي .
هزيت راسي وطلعت لـ ألغُرفه صعدت ألدَرج وأسمع صوت يجي من فوگ وگفت بـ أول دَرج وأباوعلها تحچي معَ نَفسها وتفتح بـ غُرفة عَواد شو شافتها مقفوله ، ضحگت من صارت تسب بـ مَدري منو ، شو هاي وصلت غُرفتي أول ما فتحتها دخلت راسها من ألباب رحت يَمها وگفت وأباوع شتسوي أردفت بـ صوت خافت :- شتسوين هنا ؟؟
التفتت عليه ضيقت عينها وقلدت كلامي أريد أضحك بَس لازم نفسي طبگت حواجبي بـ عصبيه مُصطنعه :- شتسوين هنا..؟ ما أعيد كلامي.
تخصرت گدامي ورافعه حاجبها :- أبحث على أُختي أنتَ ألي أشتعمل ؟ .
- ترا هاي غُرفتي الي دخلتي راسج تبخوشين بيها.
ريڤال :- أغشع عيني اول شي انا ما أعغف غُرفتك وثاني شي أنا ما أعغف شنو هاي مال تبخوشين .
متت على كلامها ومُرادِفات ألكَلِمات ألي تختلف بـ لهجتها تقربت يمها وهيَ تباوع بـ حاجب مرفوع گلت :- تبخوشين يعني تلعبين بـ شي ما الچ .
ريڤال :- اهوو اشو أبتعد بابا اغوح لـ أودتها لـ أُختي .
طبگت حَواجبي :- شنو معناة " أوده "؟
باوعتلي ثواني وأشرت ع ألغُرفه :- هَي نحنَ نسميها أوده ، وهسه أبتعد شويه أنا أش وصلني هوني وأنتَ مَوجود .
حگيت خَدي نزلت نَظري بـ الگاع رجعت رفعت رأسي :- ليش أنتِ مـا اجيتي عَلمودي ..!!
فتحت حلگها غمضت عيوني شكلي چفصت أستغفرالله ، بقت صافنه بيه مفهيه أردفت بـ تَعجُب :- نَعم مافهمت ..!!
ضحكت ضربت راسها بـ خفه :- هذا ألعقل مليان تبن لو شنو شو ما يفهم ؟؟
خزرتني وصارت عينها ورايه بلعت ريگها وأشرتلي بـ عيونها رفعت حاجبي مافهمتها شبيها متخبله هزيت راسي بـ معنى " شكو " أشرتلي بـ أصبعها ألتفتت ورايه عَواد ولُبَيد واگفين مكتفين يضحكون صحت بـ عَصبيه :- الله لايخلي احد بـ حلگكم شجابكم سَرسريه ؟؟
أجو يمي يضحكون وعَواد يطگ أصبع خزرته :- أخونه خوش أخو يستاهل الهوسه .
- راح أجيبك بـ بسطال أطير جبهتك لا تصير حيوان .
بقو يحچون ويضحكون وأجت أفونه تسأل شبيهم عفتهم ودخلت لـ ألغُرفه وسديت ألباب ، تمددت ع الجُربايه وعيني بـ سقف ألغُرفه :- يعني أوده معناه غُرفه ، شحلاتها أللهجه ، أبتسمت معَ نَفسي وغمضت عيوني أتذكر نَظراتها من تخزر ، شفايفها من تحچي ، كُل شي بيها حافظه ، ملامح وجهها ألهادئه وألمُريحه للگلب.
..
دَزيت ألمَلف مال مُنير لـ شُجاع وطلعت من ألمَركز ، دايخ ولعبانه نَفسي من ألحياة ، ما ليه خُلك أي شي ، نَفسيتي تَعبانه حيل وما عدركز ، تَفكيري كُله بيها ، أتمنى بَس ترجع والله ما أسويلها شي ..
بَس شكلها تركتني للأبد ومُستَحيل ترجع مره ثانيه ، لو چانت تريد ترجع چان أتصلت بيه وطمنتني عنها وأني ما أتدخل بـ حياتها بَعد بَس هيَ لا اتصلت ولا شفتها بَعد ، حَتى ماگدرت أحصل عنوانها ، ماكو شي يوصلني ألها ، ماخليت مستشفى والمَطار رحتلو أي مَكان حكومي رحتلو وأدور عليها ، وخاصه بـ الأنبار شگد دورتلها بَس ما لگيتها أبد ولا شي صغير وصلني ألها ...
حسبالك أنشگت الگاع وبلعتها ، وكلمتها ألي گالتها قبل لا تطلع " نَهشَل أني أحبك لاتنساني " ترن بـ أذني لـ هسه وما گدرت أطلعها من عقلي بـ رُغم شگد شكوك بـ عقلي بَس گلبي يوجعني بـ مُجرد أتذكرها .
غمضت عيوني وضربت ألستيرن قوي :- وينچ هسه وينچ لو بَس ألگاچ لو بَس ألمحچ مَره وحده وأتطمن عليچ عود روحي .
طلعت ألموبايل وما أعرف بـ منو أتصل ، عقلي مشوش ، ألدنيا ضربتني من كُل ألجِهات ، كُل شي صار بـ نَفس ألوقت ، لگيت شي وضاع مني شي .
سديتو وأدحگ بـ ألشارع ، أدحگ بـ ألجاي وألرايح لو ألمحچ بَس مَره وحده .. لَكِن ما شفتها شغلت ألسياره وطلعت لـ ألبيت ، وصلت صفيتها ونزلت دخلت صارت أُمي بـ وَجهي سلمت ودخلت جوا أجت يمي :- يُمه نَهشَل .
دحگتلها ساكت وعيوني تفتر بـ ملامحها گالت بـ قَهر :- يُمه سامحني أني ما چنت بوعيي وهجي حچيت عليك بَس مَقهوره على سَفانه .
- وطلعتي حُرگتچ بيه ..!! ، سويتيني گـ••• حسبتيني متزوج بَس حتى أفضي ذيچ ألغَريزه ألحيوانيه ، وكذالِك أستغل ألبنات علمودو مو يُمه ؟؟
هزت رأسها بـ " لا " گلت :- لا يُمه هذاك كلامچ چان هجي أنتِ هجي وصفتيني ، ماتذكرتي تَربيتچ وأبنچ ذاك ؟؟ من شوكت أني أستغل بنات يُمه ؟؟
:- أبني والله أني متعصبه بـ وقتها وما عرفت شحچيت سامحني يُمه .
رفعت راسي وألدموع متجمعه بيها حضنتها قوي وبستها بـ راسها :- أخخ يا يُمه شصاير بـ حالي ، دتگولين شلون متحمل كُل هذا ألشي وساكت .
بعدتني شويه :- شنو صاير أحچيلي !!
حضنت وجهها بـ أيدي :- صايره كومه شَغلات بَس مو كُل شي ينحچي ، خليها على ألله يُمه وأدعيلي أرتاح عن قَريب ، أدعيلي ألگاها والله ماسويلها شي بَس أتطمن عليها .
:- ليش ما لگيتها مو أنت شُغلك هجي وشُجاع هم معقوله ماگدرتو توصلون لـ مَوقعها ؟؟
- ما أعرف يُمه تگول الگاع نشگت وبلعتها ما تبين ، ماخليت مكان مادورتلها بي بَس ما لگيتها .
:- تحبها مو ؟؟
باوعتلها صافن بـ عيونها نزلت راسي وگعدت ع ألكرويته أنزع بـ ملابسي :- لا .
:- ليش تچذب عليه مو أني أعرفك .
رفعت راسي ألها :- يُمه سدي ألسالفه هاي رجاءاً.
:- خوش يُمه خوش .
راحت بقيت وَحدي صافن بـ ألفَراغ وما أگدر أربط أي شي ، حتى ذاك شُغلي أهمتلو ومو مثل قبل چان بـ ألمُقدِمه ، صار هَمي كُله أدور على سَفانه وأعرف مكانها وإذا بخير أو لا ، بَس هذا ألي هامني هالفتره ، نسيت كُل شي چنت مخطط أسوي ، وباقي بَس شَغله وحده ألي هيَ الأنتِقام وراح يحين وَقتو وأشوف كُل شَخص أذه روحي ' ألنّار ' ، هذا أسوي وبعدها إذا متت عادي .
تمددت على ألكرويته وغمضت عيني من ألتَعب غفيت حَسيت أُمي غطتني وباست راسي أبتسمت ورجعت نمت ..
فَزيت على صوت موبايلي الثاني يرن گمت بـ ألگوه وعيني بـ ألنوم فتحته چان شُجاع رديت :- ها يمعود فززتني من نومي شصاير ؟؟
:- ألزم ألحاسِبه هسه أدزلك شَغله شوفها وگولي إذا نگدر ندخُل بـ زي مَدني لو نداهم ألمكان .
- مَكان شنو ؟؟
:- تابع لـ جَلال مكان تِجاره نِساء .
- لحضه حاسبتي بـ السياره ناسي أنزلها دزو بَس أغسل وأجيبها .
:- خوش بَس لا تطول عليه لإن مستعجل حيل .
- تمام تمام دقيقتين بَس .
گلتها وسديتو دحگت ساعه بـ سته ألصبُح ولا يبطلون يطلعون شُغُلهم هجي وقت والله مال اگض النعال ودگ على راسهُم ما عدشوف ألنوم بسببهُم .
غسلت وَجهي صحصحت نزلت جوا فتحت ألسياره طلعت ألحاسِبه ورجعت قفلتها ألتفتت مشيت خطوتين صار مُسدس بـ راسي وصوت غَريب همس يمي :- ولا حَركه حضرة ألأوس .
بلعت ريگ وأفكر شلون أطلع منّ حلگ المُسدَس ، نزلت أيدو أخذ ألجنطه مال الحاسِبه وضحك :- بيها كُل شي يخُص ألشُغل ومُهِماتكُم مو ؟؟
- متوقع من الأوس يخليلك شي بـ حاسِبه؟ ماعرفتكُم هجي أغبياء .
ردت أستفزو حتى أفلت منو بَس چان عادي عندو أي شي أگولو ، هيَ ثواني وأصوات رجلين ثلاثه على حسب تخميني وصلو يَمي وظهري عليهم..
..أنضربت بـ ألمُسدس على راسي غوشت عيوني ووگعت بـ ألگاع ووجهي صار على جِهتهُم ألي شفتو بَس كَعب أسوَد وبنطلون قماش أسوَد وثنين من وره أحذيتهُم سود ومبين ذكور أجه صوت بنيه بي خشونه شويه :- اه الأوس وگع ، وأخيراً .. شيلو .
... ردت أرفع رأسي بَس ماگدرت وغوشت عيوني لحد ما غبت عن ألوَعي .....
..
شُجاع .. أتصلت على نَهشَل ودزيتله ألمَلف كامل ومُخطط وعيني بـ الحاسِبه تمددت وغفيت من ألنَعس ألي لاحگني .. فَزيت على صوت طرگعه ... گعدت مسطور فتحت ألموبايل ماكو شي گمت باوعت لـ ألغُرفه دايخ حيل ، مشيت سبحت وبدلت ..طلعت لـ ألمركز وألطريق كُله أتصل بـ نَهشَل ما يرد أستغفرت ودخلت لـ ألمركز أجاني أيهم :- صباح ألخير سَيدي .
- صباح ألنور شكو ماكو ؟؟
:- أخبار ما زينه سَيدي .
گعدت ع ألكُرسي وألتفتتله أردفت بـ هدوء :- خير أيهم شصاير ؟؟
:- مُنير .
- شبي نعلان ؟؟
:- أنطوني خَبر من ألحمايه ألي مخليها ع ألبنيه وگالو شفناه قَريب على مدرستها .
باوعتله خازره گمت وأيدي على راسي :- شلون فهمني ؟ مُنير شعرفه بيها ؟؟
:- ما أعرف أليوم وصلني ألخَبر هذا يمكن شايفكم سوه .
ضربت ألحايط قوي وما حاسس ألتفتت علي عيوني تجدح لزمته من ياخته :- إذا صارلها شي أذبح مُنير فاهم أذبحه وخلي أدخُل سجن من وراه ، هسه تلگالي حَل ضاعفهم لاتخلي يحوم حواليها .
:- بَس سَيدي ..
هزيته وأردفت بـ عَصبيه :- ولا بَس ، ولا بَس أيهم سوي ألي جاي أگوله إذا صارلها شي أمحيكُم .
:- تَمام بَس شغله ثانيه .
گعدت ع ألكُرسي :- گول شنو هيَ !!
:- الـ ••• نَهشَل ماموجود خابرته أليوم ألصُبح موبايله مُغلق .
- حددت موقعه ؟؟
:- أي وموقعه بـ ألبيت .
فرگت عيوني وگلت :- دز أحد يشوف وينه .
:- أمرك .
گالها وطلع سندت أيديه ع ألميز وخليت راسي أبين أيديه :- ياتره على شنو ناوي مُنير ، على شنو فهمني ، لو گربت صوبها أمحيك من ألوجود وعلي .
گمت دايخ وأفتر بـ ألمكتب مثل ألمخبل وألف فكره براسي ، وكُلهن خايف عليها تتأذه ... دخل أيهم باوعت وياه نَفسه ألي قتل جِهاد .. أنه شفته لو تخبلت ، سحبته لـ داخل ألمكتب وضرب ...
:- شُجاع بَس أوگف ..
- أنتَ گتلته وعلي ذبحك على أيدي أنه ما أخلي قاتل أخويه عايش ولك وين چنت أنه نسيتك نسيتك بَس مانسيت ثأري ، أليوم أزوعك حَليب أُمك يا سگط أبن ألسگط .
لزمني أيهم بعدني عنه بألف ياعلي ، باوعت مغوشه عيوني وراسي راح ينفجر :- أطلعو بَرا .
:- شُجا...
- گلتتت بَرااااا
شاله قربت يمه أتنفس سريع :- وحق الحَق موتك على أيدي، حسبالك مخليك كُل هذا الوقت ؏ الفاضي؟ لا راح أشوفك شي داعش بنفسه مايتخيله، بَــس صبر عليه.
طلعه أيهم وسد الباب مشيت لـ ألميز فتحت ألجَرار طلعت عِلاجي أخذته وجسمي يرجف مسطور ما أفسر أي شي ، مديت راسي ع ألكُرسي وغمضت عيوني فتحتها وأباوع لـ ألسَقف وأغمض نرسمت صورتها گبالي همست بـ ثُكل لسان ... ريڤال .
اندگ ألباب وما أگدر أنطُق غير بـ أسمها محد دخل لإن مانعهم يدخُلون بِدون ما أسمحلهُم ، أستعاديت نَفسي وگمت فتحته :- وينه ؟؟
:- لا تخاف راح ياكُل جزائه .
- أيهم نَهشَل ما أجه ؟؟. وين صار طلبت منه يچيك الملفات شو هوَ ما أجه ، متأكدين هوَ بـ ألبيت ؟؟
:- أي موقع موبايله الثاني بـ ألبيت .
- من يجي خلي يجيني هنا معتازه بـ شَغله مُهمه .
:- حاضر .
رجعت لـ ألمكتب أشتغل وراسي أحس راح ينفجر وماكو خَبر عن نَهشَل أبد ..
مَر أليوم وثاني يوم ونَهشَل مختفي ماخلينه مكان مادورناله أخر شي توصلنا أله أنُ مخطوف من مكان بيته ، منو خاطفه ؟؟ منو يگدر يخطفه أصلاً !!
غمضت عيوني من سمعت كلام أيهم مشيت لـ ألسياره وبـ وجهي لـ ألموصل ، تعال راقبني يا مُنير تعال وشوف ألله شنو يُخلقلك ..
وصلت مَدرستها وأشوف سياره ملاحگتني :- تعال خلِ نشوف يا مُنير .
نزلت باوعت عقدت حاجبي من شفت واحد واگف يمها ملامحها عَصبيه وصوتها يجي بَس ما ينفهم منه شي ، وگفت ورا ألحايط ألي هناك وأسمعها تگول :- اسمع يول بغبوغ انا مـا اتزوج مـا اتزوج وهسه تغوح من هوني ولاتشوفني خُلقتك كوي إذا لمحتك مرة ثانيه اسحلك سحل والكل يشهد على عغامتي ادبسز والله مطيحو لـ حضي ماعندي اشكال اطيح حضك وياي ولي لاتشوفني هالخلقه الزفره.
أردف ذاك المطي :- أنتِ ماعندكِ اخلاق لو عندكِ مـا هاكذ تحكين.
تكتفت ووگفت أسمعهم وأشوف شنو راح تگول ريڤال :- اسم الله عليك اخلاقك تشغشب أغشع يول واصله حدها يمي لعبانه نَفسي من الدنيا واغيد افش خلقي ابتعد مني احسن الك.
:- صوجي اني حبيتكِ.
- يبوو على حضكِ ريڤال يبوو
تقربت يَمهُم وأردفت بـ عَصبيه :- شجاي يصير هنانه ؟..
التفتت عليه ووضحت علامات ألدهشه من شافتني :- شُجاع ...!!
وگفت يمها وخازرها :- أنتَ منو ؟.. وليش تحچي وياها بـ هالأسلوب ؟..
:- أنتَ الي منو ؟
- عزرائيلك.
:- أبتعد منا لاتدخل بـ شي مايخصك.
التفتت عليها عيوني دَم وخازرها أردفت بـ عصبيه :- ع البيت گدامي وولا حرف.
ريڤال :- بَس امجد ما...
گلت كاز على سنوني :- ؏ البيت هياته قَريب وولا حَرف فاهمه. ؟
شفتها راحت وتتلفت التفتت على هذا المطي أباوعله وأريد أنفجر مــن العصبيه لزمته من ياخته :- أنتَ منو شتريد منها ؟؟
:- أني أحبها من زمان .
- الله اكبر ، الله أكبر ، شحبيت منها ؟؟ أمشي منَّا لا أدفنك وحق أسمه لـ عَلي .
:- وشبيك أنتَ ..؟ شنو مُشكِلتك ؟؟
ضربت صَدره بـ قوه وعطت بي :- مُشكِلتي أنتَ أنتَ ، أبعد منها لا تقرب لـ أشياء شُجاع الخاصه .
ضحك بـ إستِهزاء وأردف :- مادام خاصه ليش مطلعها بـ الشوارع ..؟ بَس والله حَقك تغار ، شو هيَ تخبل ومُميزه عن كُل بنات المَدرسه .
أباوعله صافن بي وكَلِماته ترن بـ أذني ، دفرته بـ قوه ونزلت بي ضَرب :- حلوه موو ؟؟ مُميزه مو ؟؟ لك هاي .. هاي محد ينظرلها فااااهممم ياحيواااان ..مفكر كُل الناس مثلك عايف أُختك بـ البيت وجاي تبصبص على خوات غيرك ؟؟ لك كما تُدين تُدان ، مفكر أسكُت وأنتضر يصيرلك نَفس ألشي ..؟ لاااا حَبيبي لاااا هنا تكون غَلطان لك هاي..
.. " خاصة ألشُجاع " تعرف شنو يعني ؟؟ يعني أفگُس ألعين ألي تنظرلها بـ نَظره إعجاب فـ كيف لو نظرتلها نَظره قَذره..!!
دميته تدمي گوموني منه مَيت وبَس نَفَسه يطلع مسحت أيدي وجسمي يرتجف رفعت أصبُعي وصحت بي :- ياويلك لو شفتك ناحيتها أمحيك من ألحياة فاااهمم ؟؟؟
طلعت وجسمي يرجف ، گلبي يحرگني ، أحس جسمي أحترك من شفت نظراته بيها ، هم باوع بـ عيونها ألخُضر ..؟ هم أنتبه لـ طول رموشها ، نَظراته ، شفايفها ..؟ گعدت بـ ألسياره رجعت راسي لـ ألكشن وغمضت عيوني .. مو أنه ما أحبها ؟ ليش كُل هذا ألتناقُض ليش ..!!
بقيت بـ ألسياره وألرجفه ماراحت مني بَس خَفت سحبت ألموبايل رفعته أتصلت بـ أيهم :- أيهم أريد تدزلي رَقمها بـ رِساله يمكن مسجل بـ أسم عُمر أو أمجد أخوها أو أسمها فـ أنتَ شوف ع هذوله الأسماء تَمام .
:- نُص ساعه وألرقم يَمك .
سَديته منه وصدُك نُص ساعه ودز ألرقم ، سجلته وأتصلت بيها گُبل رفضته ، أتصلت مرتين وثلاثه وماردت بقيت أتصل ويفصل وماترد .. أخر شي فتحته أجه صوتها :- خير شغايدين واحد مايعجبو يرد كَوي هيَ جَبر..!! لو شنو..؟؟ الف إتصال فصلت ليش تتصلون أشبيكم ..؟؟
- يكرم اسمه لـ عَلي لسان *** مو بنيه.
شو هاي فصلته مره ألُخ ، أنه أعلمچ شلون تفصلينه ألرَعنه ... كتبت رِساله ألها ودزيته ، هاي إذا ما تَهديد مايفيد وياها ، ثواني وأتصلت رَدت ، گلت بـ عَصبيه :- انه تسدينه بـ وجهي..!!
ريڤال :- أنتَ شتغيد مني ..؟ ليش ملاحقني ..؟
- احچي هذا الـ** شيريد منچ وليش واگف قريب عليچ..؟
ريڤال :- اغشع أنتَ ما وَلي أمري ولا تتدخل بـ حياتي فاهم لولا ..؟
- ريڤااااال احچي احسنلچ.
ريڤال :- صوتك هذا مايخوفني أوكِ عزيزي .. اخاف ماتعغف انا منو أسأل عنَّي امشيك وامشي عشغه منك على أُصبع .
- اي چا هسه ادز لأخوج كُل شي وهم اكله على هذا الـ** الي چان واگف يمچ .. شتگولين نتونس مو ..؟
ريڤال :- هسه المفروض اخاف منك يعني ..؟ اسمعني عيني فتح اذاناتك ، مامسويه غلط وغوح شوفو لـ عُمر وقوله على الولد ولاتنسى تقولو أُختك سحلت كغامتو بـ الأرض ، كَوي انا مـا اخاف والكلام اطقه بـ الوجه وهسه طقطق نعالاتك وسد الإتِصال ولا تتصل مره ثانيه لا تاكُل حضر مُطَعَم بـ اللوز .
ضحكت بـ أستفزاز :- ومشوار السياره تتذكرينه ..؟
ريڤال :- أشبينو ..؟
- موجود عندي بـ ألتَفصيل شتگولين ادزه لـ عُمر يشوفه ..؟
ريفال بـ خوف :- شتغيد مني ..؟؟
- شي بسيط مُمكن يكون كلمه بَس .
- اشنو هاي الكلِمه ..؟
سحبت نَفس باوعت لـ ألشارع :- توافقين مِن اخطبچ ، وإذا ما وافقتي كُل شي يندَز لـ عُمر بـ ألتَفصيل ألمُمِل .
بقت تغلط وتدعي عليه ماخلت بـ گَلبها كلمه وحده ما گالتها غمضت عيوني وحچيت وياها بـ نَفاذ صَبر أخر شي قفلته بـ وَجهي تنفست بـ عُمق :- أنه ألچ فصعون .
شغلت ألسياره باوعت دنيا عَصر يادوب ألحگ أوصل ، أستغفرت وطلعت هالمره أخر مَره أجي لـ ألموصل مابقالي شي هنا غيرها ، مَره وحده أجي أمشي عليها وتصير أليه وهاهيه ، ما مستعد أضحي بيها هيَ هَم ، رُغُم كلامها ورعانيتها بَس لازم أتزوجها لازم .
..بعد وقت طويل وتعب وصلت بَغداد وماكو أي خَبر عن نَهشَل وكلت أيهم يشوف شُغله ويدور على نَهشَل اساساً أنه مشغول لي راسي وأكيد ألي ماخذ نَهشَل ما راح يقتله ، يحاول يوصل لـ شي وهالشي راح يوگعه بيدينه .
مَرت فَتره قصيره طلعو بيها أڤين ولُبَيد لأربيل سياحه وعَواد يلطُم يريد يروح بَس شُغُله لي راسه وماعنده وگت ، وهذا نَهشَل لـ هَسه ما مبين ولا أكو خَبر عنَّه وأيهم يگول ما أگدر أوصله نِهائياً..
.. خليت راسي أبين أيديه بشنو أفكر بـ شنو ..؟؟ كُل شي خارج ألسَيطره ، ماكو شي أگدر أحلّه .. ليش هيچ عجزت ليش .. ؟؟ من جِهه جَلال ومن جِهه مُنير ، منين أتلگاها أنه ؟؟ رَبي صَبرني بَس وقويني أحل كُل لُغز وكُل سر ، أريد بَس أستجمع نَفسي حتى أواجه ألقادِم ، ألي راح يصير أصعب من ألي شفته ، ساعدني يارب ، ساعدني وأرحَمني .
..
نَهشَل .. أشم ريحة عفونَّه وصوت بوري حَديد ينضرب بـ ألگاع راسي أحسو راح ينفجر ..
فَتحت عيوني وراسي ثگيل گدامي مغوش رفعت راسي مُقَيدّ ألحَركه ، دحگت أكو ضوه خَفيف ألتفتت على صوت ألي يجي نَفس ألكَعب البنيه ألي شفتو قبل لا أغيب عن ألوَعي ، رفعت راسي وجهها ما مبين منزله راسها كُله ، بَس طويله ولابسه أسود كُله وشَعرها أسود وبي خُصل أصفر نازل :- أنتِ منو ..؟ وشنو هذا ألمكان ..؟
رفعت راسها ووگفت من ضَرب ألبوري بـ ألگاع دحگتلها بلعت ريگ صافن بيها ، سَمره بَس سمارها يجنن ، عيونها سود ليل ، وجهها مال إرهابيه ، فتحت أيديها كـ أنُ ترحب بـ أحد شفايفها بيهم شبه أبتِسامه :- أهلاً أُستاذ أوس ، صَح ألنوم .
- من الأخير أبدي بـ ألي رايدتو شنو ..؟؟
فلتت ألبوري من أيدها وگع بـ الگاع وصوتو المُزعج دوخني ، خَلت ايديها وره ظَهرها ومشت من يَمي صار ظَهرها عليه ألتفتت شويه وگالت:- ليش ما تعرف شنو نريد منك ؟؟
ضحكت قوي ، غَصيت بـ ألضحك دحگت بيه مستغربه دنگت يمي ضرب عُطرها بـ خَشمي ، خَلت أيدها رفعت راسي خَزرتها أردفت وعيونها بعيوني :- ضَحكنا معاك أُستاذ أوس .
- هسه أنتِ شرايده بـ ألضَبط ..؟
.. تفتحلي هاي الحاسِبه .
ضحكت أكثر ودمعت عيوني :- من كُل عَقلچ أني أخلي شي مُهم بـ الحاسِبه ؟؟ ههههه وحتى لو ما بيها شي كُل دقيقه يتغير الباسوورد مالتها وماينفتح ألا على ألباسوورد ألي أحوله من تَلِفوني ، يعني لا أنتِ ولا أكبر مُبَرمج مايگدر يفتحها .
أبتعدت مني مشت شويه وأنتچت ع ألحايط ألي گبالي دحگتلي :- يعني أنتَ ماراح تفتح ألحاسِبه ؟؟
- هههه عدگُلچ مابيدي شي ، وبعدين صَديقي هَم يگدر يدخُل لـ ألنِظام ويحذف أي شي خاص بـ ألشُغُل ، حتى لو فَكرتي تفتحيها فـ هسه كُل شي مَحذوف .
قوست شفايفها وأردفت بـ هدوء :- حَرامات گلت أخُذ منك شي بَس لازم أجيب شَخص يخُصك يخليك تحچيلي كُل شي .... يَتبَــــع
..
• لاتنسون النجمه ؏ البارت 🔥
•الأنستا fatimalrashd