بقمه ضياعي جنت محتاج عنوانك
ومن صار ظلمه العمر حنيت لالوانك
غير اقتنعلك رحت
من احس روحي طحت
تلزمني قمصانك
انا اليعوف الهوى على حساب دخانك
....
بقلمي
زينب
......
سديم...
التفتو عليها وهم يردون السلام عدا اني ماحجيت
ابتسمت التميم وهيه تمدله جهازها
_ممكن تاخذلي صوره من بعد اذنك
التفت علي تميم واني اعصر بيدي علمود لا انفجر كدامهم
كال عباس وهو ياخذ التلفون
_بعد اخيج انا اخذلج صوره
وكفت وهيه تسوي حركات تتمايل بجسمها وعباس ياخذلها صور
عفتهم وكمت طكت روحي من تمسلتها
مشيت واني مكتفه ايدي التفتت اشوف المكان الجنه
كاعدين بي لكيتها كاعده وتحجي ويه تميم الي ماهتم ابتعادي عنهم الدمعه وكفت بطرف عيني واني اباوع للاطفال يلعبون اجاني طفل والضحكه مرسومه على وجهه وهو يكول
_خالة نلعب انا وياج ب السيارات
_وين امك حبيبي
اشر على امه الي تباوعله مبتسمه لزم ايدي وهو يلح نصعد سوا اشتريت تذكره وصعدنه اني ويا ب بتصادمات السيارات
منطلق يضحك واني احرك ب السيارة وننصدم بسياره ثانيه
نزلنه وهو بس يضحك
سوا حركه عفويه بيده بمعنى باي وهو يروح الامه
ضحكتي اختفت وهو يروح
جريت نفس براحه ورجعت يمهم لكيت البنيه الجانت كاعده يمنه ماموجوده كالت شمس وهيه تنطيني علج
_شبيج كمتي سديم ليش صايجه
_مابيه شي يمته نرجع
كال تميم وهو يلزم ايدي من جوا الطاولة
_ليش ضجتي
ابتسمت بتصنع بس عيوني مدمعات مدري ليش حزت بخاطري حيل وحسيتني شي زايد عليهم او حسيتني بمكان غلط
_ماضجت ليش اضوج
اختفت ضحكته وهو يكول
_سديم ترا اعرفج
مسح عيوني باصابعه وهو يكومني نمشي سوا
_ضجتي لان البنيه كعدت يمنه
_لا عادي مجرد بنيه
_اااا سديم
_شبيك
_ترا لاحظتج من كمتي ولعبتي ويه الطفل
عفت ايدي من ايده واني امشي واحجي
_اي مبين شكد مهتم الوجودي اذا ميطلع وجودي وعدمه عندك سوا
ابستم بطرف شفته وهو يكول
_تدرين سويت هيج عدما
_اي صدكتك
_ترا غصبا عليج تصدكيني
_تميم خنرجع نعست
_هههههه يابه والله حلوة انتي من تضوجين
_تميم شبيك
_توقعت راح تنفجرين بوجهي وتكللي روح ختفيدك التاخذلها صور مثل ماجوري كلت العباس لان فتنت شمس علي بس طلعتي اهدأ من هيج
باوعتله ساكته ماعندي كلمه مناسبه
_احبج وعلي مايهمني اي بشر
_اي مبين
_سدديم
_ها
_احبج سويت هيج اريد اشوف ردة فعلج لاحظتج شلون كاعده على اعصابج مايهون علي تدمع هل عيون
_عود خوش
_سديم زعلتي
_مو زعلت بس اريد احرك كلبك مثل ماحركت كلبي
_شسوين مثلا يهون عليج تحركين كلبي
باوعت بعيونه الكحليات وهو مضيكهن باستفهام
_ابغز عيونك هسه
_تروحلج فدوة عيوني
_لا هذا بس حجي
_سديم ضجتي
_تقبل اكعد اسولف واخذ وانطي ويه غيرك تقبل تروح من يمي بدون مانتبه الوجودك وبعدين اكلك ترا ادري بيك بس اريد اشوف ردة فعلك عادي اكلكياها اغار اني بس مو تعوفني هيج للحظه حسيتني شي زايد بحياتك
كعدت ع المصطبه وهو كعد يمي يحجي
_مامتعرض لهيج موقف وياج جنت ملاحظ كل ردودج حتى من تحجين وياي علمود اركز وياج بس صدكي سديم مايعنيلي شي غيرج
قطع كلامه مكامله عباس علمود نروح يمهم
رحنه ونصدمنه بوجود جوري يم عباس وهي تسولف وتضحك
كعدنه بعد ماسلمنا عليها
كلت واني احجي بهمس يم شمس
_شوكت اجت
_جايه هيه واختها بس هيه اجت يم عباي يجوز عباس ناطيها علم
_اي اكيد خوما صدفه
تميم_يلا عباس نرجع
عباس_اخذ البنات وارجع انا اجي وراكم
خابر تميم على ريم ورجعنه سوا
جان الصمت صديق الطريق
لحد ماوصلنه للبيت
نزلت واني النعاس طاغي علي
بس بدلت نمت
بشائر...
طلعت كوثر من البيت بيوم عقد تميم وهيه رافضه رفضا قطعا انو تقبل بسديم زوجه الابنها بس جان هدوئها عجيب
مو كوثر الي اول ماجينه للبيت وتصيح علينه رافضه وجودنه هسه كوثر انسانه ثانيه يجوز جنه نحزرها من كلامها هسه ماتنحزر
سديم الواكفه تعدل بملابسها وهيه تنزل الردان على معصم ايدها عافته وهيه تنتر بي التفتت الي وعيونها يلمعن بخيط دموع
_مالبسه والله شوفيلي غير شي لو حتى دشداشه بيبي ولا هذا
_لزمت الردان الي واصل لنص ايدها
_عادي حبيبتي هو مديله هيج كلش حلو طلع عليج هل قفطان
_مو حلو كلش مو حلو اني شلون مانتبهت اله من اشتريته باعيه شلون مبهذلني
جريت نفس بصبر على نكدها بيوم عقدها
_شنو تردين ب الضبط سديم
_ماريده راح البس دشداشه
قطع كلامنه تميم وهو يدخل للغرفه
باوع السديم وهو مبتسم
_واوووو
_مو لهل درجه
طلعت واني اتركهم الوحدهم بلكي يقنعها
سديم_ماحبيته تميم
_كلش حلو
كالها وهو يعدل ب حزام القفطان
ضميت ايدي ورا ظهري انتبه الحركتي باستفهام يباوع
_شبيها ايدج
سحب ايدي وهو يشوفها
_ترا ابد مامنتبه الها ولا كانو اشوفها لان تعودت عليج وميهمني اي شي اشوفه شي كلش طبيعي
_اريد يروح هل اثر مال الحرك تلعب نفسي منه
_فتره واخذج لمركز سديم هذا الشي مامخرب شكلج او مخرب كلبج وبياضج وصفائج كله امر عادي
_شكله مقزز
_ بسيط لشوكت تضلين تضمين ايدج مني
كالها وهو يبوس معصم ايدي ابتعدت عنه مكزبر جسمي
_تطلعين
_بس اعدل وجهي
_لاتحطين مكياج هيج احلى
_بس شي بسيط
_سديم يخربج المكياج هيج احلى بهواي
كالها وهو يمسح بابهامه على حواجبي ويبوس ابهامه
ضحكت على حركته واني اسوي نفسه
_ليش هيج تسوي تميم
_رسمت حواحبج اول شي يجي بالي من اتذكرج كملي وروحي يم بيبي
هزيت راسي وهو طلع ضليت مبتسمه على سوالفه دخلت بشائر شافتني تخصرت وهيه تضحك
_يمي جنج بومه بس اجه تميم كلبتي خيرج خيه
_يختي حلو هل تميم
_ندري بي حلو
_لا جد حيل حلو بشائر خل اسولفلج من اتذكره او يسولف وياي تصير فراشات بطني
ضحكت بعفويه بصوت عالي وهيه تكول
_هههههه ولج سديم ههههه ذكرتيني من جنه اطفال واشوف شي احبه يصير بطني شلون الفراشات بس كبرنه على هل شعور
_انتي كبرتي مو اني ها شلوني
_مو حلوة
_دولي غير اخبل
_اي ضحك عليج تميم وصدكتي روحج
_انجبي بشائر لاتخربين مزاجي
_شعدها ام المزاجيات
_بشائر تدرين حيل خايفه من لاشيء ومتردده حيل ماعرف ليش احسني وسط شي جبير ماكدر اخذ قرار وحدي انتي موافقه على زواجي بشائر اني مجاي اسوي شي غلط
_سديم تكدرين تبتعدين عن تميم
_لا ماكدر
_ليش
_ماعرف حسيت ب الحياة فعلا بوجوده جنت عايشه شلون اخلص اليوم عايشه وسط نزاعات يوميه هسه حياتي تغيرت جذريا حسيتني اهدأ من قبل تتذكرين قبل شلون جنت ماحب احد يحاجيني وماعندي احترام للمقابل بسبب تهجمي ع الناس
_واني ملاحظه هذا الشي اذا تشوفين نفسج ب المكان الصح فهذا الصح الج باعي رغم كلشي سوا غيث رجعت بس مارجعت ب الهين سويتله جره اذن انوب رجعت لان تعذبت حيل سديم صار كلشي ماله معنى ولحد هسه اتذكر ذيج الكسره واكول يجي يوم والله يجبرني
بشائر كالت كلامها مبتسمه بامل وطلعت من يمي رفعت عيوني لليفوك ماريد تطيح دموعي
مسحت دموعي واني احجي ويه نفسي شبيج سديم مو اليوم فرحج مو وكت دموع ودراما
طلعت الدفتر الاخذته من امي
كل اوراقه فارغه بس بي تاريخ وفاة امي
تاريخ الي طلع بي عمو من السجن
تاريخ وفاة حسين
جواهن حطيت تاريخ خطوبتي
من اكثر الاوقات الي حتاجيت بيهن امي او ابو زين يكل التميم صارت مرتك دير بالك عليها رغم الكلمات شكد بسيطه بس جنت محرومه منهن بس للاسف ماراح اعيش هل شعور
اجتي شمس وهيه تكول اجه السيد علمود نعقد
حيل متوتره ولازمه بيد بيبي
الي كعدتني على كرسي وحطيت ايدي على قران وبين اصابعي هيل
_بيبي المن تسوين هيج
هزت راسها ساكته شفتها شلون ضايجه وكانو مقهوره من شي
سكتت عنها بس فضولي دفعني الها
الشيخ الي يطلب من تميم يردد ورا واني اردد ورا
_اذا قبلتي فقولي نعم انت وكيلي
_نعم انت وكيلي
بيبي الي هلهت بصوت وهيه تطش على تميم الي كاعد يمهم الجكليت
طلع تميم من الغرفه مبتسم بعيون مدمعه مليانه فرح
لزم ايدي الي ع القران وهو يهمس
_سديم ليش هيج مستحيه
جنت حيل خجلانه بدون سبب وكانو اول مره اشوف تميم حتى جسمي يرجف
اجن البنات وهنه يباركون الي والتميم بس جمان الي مختفيه
رفع تميم عيونه المدمعات الصورة حسين ب الهول لزمت ايده بين ايدي مقويه الزمه واني اشتت تركيزه
_تميم تعال ناخذ صور
مسح عيونه وهو يفتح جهازه
_شموسه اخذيلنه صور
_ما انا اخذ وياكم صور
بشائر اخذت التلفون وهيه تاخذلنه صور ويه بيبي هم الي جانت فرحتها مكسورة وعمه ميساء الي هم مبينه ضايجه ماعرف شنو السبب
كلهم تميم وهو يبوس بيبي
_هسه اكدر اخذ مريتي من يمكم
_هسه اجسر العصه على ظهرك اثكل شويه اثكل مو كوه قبلت تسوي العقد بدون مو جدك يصير موجود
_بيبي هسه انا شمسوي
ميساء _روح يمه مريتك حلالك معليك بعمتي
_ااااا ي الحيه تلاسنيني
_عمه خليهم على راحتهم
كالتها وهيه تضحك
اجه عباس وهو يطك اصبع
_وجان صاحبها وخذاها كلووش مهنياه بنت عمي ولو جنت حاط عيني عليج
صاح تميم وهو يحجي بملامح جديه
_والقران هسه اموتك لاتصير سكط وحيوان
_تتذكر من جنت اسولفلك عليها اول ما اجت وانتي تكلي جا وجوريتك اكلك لا هاي احلى يمممه ماي بارد ينزل على كلبي وانا اغثك بوياي فد اتنوس من اغثك ادري بيك تمعنها من شوفتي جا مادري
سديم_عباس لاتضل تخربط
_هههههه وعروستنا جكليته حامض حلو باكيته
كام اله تميم يريد يلزمه وهو طلع برا يضحك ويهوس
كال تميم وهو قريب مني يحجي بهدوء
_تكدرين تساعديني ب الضماد اريد اغيره
_خلي عباس يساعدك
_لا انتي مريتي تساعدني
ابتسمت على كلمته
_اصعد لغرفتك انوب اصعد وراك
_لا وياي
_لا شتكول علينه بيبي
صعد فوك ضليت كاعده يمهن شويه وصعدت ورا لكيته منطي جهه ظهره للباب بدون تيشرت وهو مدنك ع الحابسه ويكتب بورقه
على ظهره من جهت الكتف الايسر رسم تاتو شعلة نار زغيره ويمها مكتوبه كلمه"خمسه ميل"
شفتها واني اتقرب علي اكثر
غسق...
جاوبت ع المكالمه الي كان بعدها رسالة تهديد انو يجي
_غسسسسق
_نعم
_نعم الله ضلوعج انشالله عيديها وشوووفي انيييي مووو اياااا كاااان تسدين التلفووون بوجهي غسسسسق لاتعبيني اكثر واني اكوول انتي عاااقله بس تصرفاتج تجاوووزت الحدود
_هاي لان طلبت منك قبل لا اطلع
_شوفي هل موضوع تعبني سدي رجاءا روحي نامي ولاتتحركين لحد ماتصيرين زينه هاي عود فلاونزه وهيج سويتي لو صاحيه شسوين لاتبينين الامي بيج شي رحمه الاهلج بسرعه تخاف امي بس شافتج تبجين اجتني تركض
سكتت بالعه غصتي ماكدر احجي شي
صرت احسني تايهه وعزيز الي يدليني ع الصحيح صرت احسني غلط بغلط تصرفاتي ما اوزنها ماكدر اتحكم بشي دائما مندفعه من خوفي ع الحوليه اسوي هيج
_اتفقنا غسق هاي اخر مره اسمع شي موزين يخصج
_احجيييي
_ماشي
سد الخط وانطينه الامه
الي تسألني عن حالتي واجاوبها كوة
لفيت راسي ب البطانيه ونمت
كعدت الصبح وحالتي اسوء من القبلها بس اكح وراسي حيل ثكيل ورشح خالة تنطيني بعلاج الي مافادني بشي
اجت نور اخت تميم وهيه تكل الامها
_يمه اخذي غسق للمجمع قريب
هزيت راسي بلا واني كاعده ولافه علي البطانيه
_خالة بس جيبلي هيتر حبل بردانه
شغلت يمي هيتر وهيه تسويلي كمادات
وخرت منها واني احجي بصعوبه
_حيل بارد الماي
ثبتت راسي على رجلها وهيه تسويلي كمادات
غفيت ماعرف يمته رجعت كعدت بين الصاحيه والنايمه
حسيت بحروره طاغيه يم رجلي
طفرت من مكاني واني اشوف البطانيه محتركه من يم رجلي مايعه من حرارة الهيتر
دخلت ام عزيز وهيه لابسه عبايتها
تفاجاة من شافت البطانيه طفت الهيتر وهيه تكول
_ولج يمه ماشميتي ريحه الحرك همزين لا صار بيج شي
_مادري خالة ما اشتم شي من الرشح
طلعت ادويه من العلاكه وجابلتي كلاص ماي
شربتهن واني اكلها
_خالة عذبتكم وياي كلش
_مثل بناتي انتي هاي عود وصيت نور ماتعوفج وحدج لان الهيتر مشتغل بعدج بردانه يمه
هزيت راسي باي
مر اليوم واني مافاهمه منه شي غير انام وكعد كعدت عركانه حيل وام عزيز تكلي
_هاي الصخونه راحت منج سبحي علمود تصحصحين
سبحت ونوعا ما ارتاحيت مجرد ما اجه بالي امي ووضعها هسه وابوي جريت نفس بقلة صبر
واني انتظر لو خبر بسيط من عزيز عليهم
اجه عزيز الي كال ماجي للبيت بدون ماشوفه اسمع صوته ويه امه وخواته
عبالك جاي واحد من اهلي حسيتني تطمنت بوجوده واريد اسأله عن ابوي
صبتله امه عشه وهو يحجي ويه اخواته
طلعت يمهم ورا مارتبت هوسه شعري وملابسي
لكيته ياكل شافني ودنك راسه
كالت امه وهيه تاكل ويه عزيز
_حبيبتي تعالي اكلي ويانه انتي كلشي ما اكلتي
_لا خالة ب العافيه
كام عزيز غيل ورجع كعد القنفه
راحن اخواته ورا ماكلهم نامو الوقت تاخر وجان بداية ليل وهنه يخافن يرفضن اله طلب
_عزيز شلون ابوي
باوع على امه ساكت
_جاوبها يمه مو تسألك على ابوها مبينه شلون متلهفه على خبر منه
_زين هسه كم يوم ويطلع من المستشفى واحتمال باجر
عقدت حواجبي باستفهام انوب تذكرت هو كايل الامه ابوي مسوي حادث
كامت خالة وهيه تشيل صينيه الاكل
_عزيز ماكو اي خبر على ابوي
هز راسه بلا ساكت
_زين ماشفته اليوم
_لا
_عزيز كون صريح ب الجواب ليش احسك تتهرب
_اولا يا غسق بنت حازم ملابسج مو لايقه بوسط بيتنا هاي نقطه غيريهن وتعالي احجي وياي
باوعت على ملابسي عاديات دشداشه الي نطتنياها امه
يتبع