تصويت
+تفاعلكم
......
بقلمي
زينب
.......
بشائر...
وسط حزامات التفكير
عدم استيعابي لما يحصل
هل قلت معرفه ام عدم اهتمام
الحروك الي مشوهات ايديها
رجلها الماتكدر تمشي عليها بسهولة
معقوله سببهن اني
انجرافها لورا قلبها بدون تفكير
معقوله سببها عدم انتباهي الها
حاطه سماعات باذني وغاطسه بعالم اخر
عالم مابي هاي الاحزان عالم مليان ب التخيلات
الاغنيه الاحبها لوائل كفوري
ياهوى روح وقلو
حطيت ايدي جوا راسي
واني اجبر نفسي انام
فتحت نرجس الباب بهدوء وطلعت
وصلني اشعار رسالة غيث محتواها
_تعبان
تجاهلت الرسالة واني كلبي يحترك ب الوقت التعبت بي اني كلتك تعبانه بس مافهمتني
هسه مطلوب مني افهمك اعاملك بالمثل لو اعاملك ب الاحسن لو شكد ماحاول ابتعد الكاني بنقطه الصفر كلشي يصير بكفه وتفكيري بي بكفه ثانيه
وصلني اشعار ثانيه داز رابط اغنيه ياهوى روح وقلو
ابتسمت بحزن
واني اكتبله
_على فكره جاي اسمعها قبل لتدزها
_ادري بيج متسمعيها اله وانتي مهمومه
ماجاوبه وطلعت من المحادثه رجع دز رسالة طولت يلا جاوبته
_اليوم بديت ابني ب البيت
_اي بيت
_بيتنه اني وياج الي راح يجمعنه احنه واطفالنه
_حلوة النهاياة السعيده مو
_حلوة نهايتنه وانتي يمي
سديت التلفون ونمت على امل يوم جديد اصحى ناسيه كل تعب وكلشي
فزيت على اثر سديم وهيه تحرك بكتفي علمود اكعد
كعدت متربعه ولازمه راسي الدايخ على اثر كعدتي فجاة
_شبيج سديم هبطتيني
بلعت ريكها وهيه تكول
_ابوي هنا
طفرت من السرير كلمتها زرعت كل الخوف بيه
_يمته اجه مو مريض شلون اجه هنا
كالت وهيه تعض اصبعها
_اخخخخ قصر عمو حازم قصر وياه
_بعد عوزج بس تدعين
_لا بذمتج هسه شوفي شلون راح يخبص شي بشي ويروح
_هاي اذا مقرر ياخذنه وياه علمود يحرك كلب بيبي
_بشائر متروحين فاهمه لو يسحبج منا مترحين
_ماروح بس يكسرون خاطري مصطفى ومرتضى
_امهم شيماء لتخافين عليهم
_شوكت صرتي بهذا تفكيرج سديم احنه بنات اسراء تلومين كوثر من تكول بنات اسراء لو تلومين زوجة خالو علي اشو انتي مثل كلامهن
_شوفي لو يموتنه ابوي منروح فاهمه بشائر حتخبل عقلي مجاي يستوعب كل هذا
_هل مره شيماء تقضي علينه اذا نروح
_بشائر لتطلعين قفلي الباب وين نرجس وينها
كلت البشائر واني ارجف حتى وجهي ممغسلته من النوم بس لكيت ابوي كدامي واجيت كعدت بشائر
طلعت اشوف نرجس وين لكيتها نايمه بغرفه بيبي
نعصر كلبي على نومتها وهيه لامه رجليها الطالعات من الغطه
قربت الغطه عليها اباوع لوجهه زين
طلعت للهول والبيت هدوء بداية صبح
لكيت بيبي وميساء وتميم وعباس يتريكون ب المطبخ
صبحت عليهم والقلق مبين علي
ماجنت اعرف ماعندهم علم بوجود ابوي عبالي شافو لان اني شفته ب الكراج
غسلت وجهي وبيبي سوتلي مجال يمها اكعد
من القلق ماكدر اكل لعبانه نفسي
صبتلي كلاص جاي وقربه الي انطاني تميم صمونه وهو يكول
_اكلي انتي امس مماكله
ضليت صافنه بوجهه
لاحظ نظراتي المليانه كلام وخوف من خسرانه
_يمته كعدتو بيبي اني كعدت لكيتكم ناييمن
خديجه_من وكت نمتي انتي جا غير تجين مثل كل ليله يمي اشو نمتي هرفي الوكت
_مدري بيبي امس الصداع موتني
_ليش دومج مصدعه بنيتي مرايحه للطبيب
_لا مارايحه بيبي هو صداع
عباس_بس مو بهل كثره ترا اله اضرار جانبيه
هزيت راسي ساكته
عباس_يمه اريد اروح لبغداد
ميساء كانو فزت من مكانها وهيه تكله
_مو وكتها يمه
_عرس اخو غيث وعازمني
_والله اخافن عليك من الطريق انت سياقتك تخوف
_لا يمه شسالفه اذا تردين روحي وياي هو هم عزمكم
_مو حلوة توا ابن عمك متوفي واروح
خديجه_اي وليدي بس انت روح ولا تطول
بشائر وكفت يم السنك وهيه تفرك ايديها ب الماي صبحت عليهم وكعدت ع الكرسي صافنه
عباس_تعالي بشورة كعدي مكاني خلصت
تميم_لاتطلع اروح وياك سيارتي عد عمو حازم
_هذا عمك وين اخذ بنته وراح صدك جذب من البارحه لحد هسه مختفي حتى من اتصل علي مايجواب
_مادري خلي براحته من يجي يسولف النه الصار
هدوء تميم عجيب حتى ميشاركهم ب الحديث كالت بيبي وهيه تباوعلي
_تميم من يجي جدك حاجي بموضوعك تعال من وكت اليوم
دنكت راسي واني احس هل يوم ميعدي على خير
كال عباس وهو ينزل الجاي
_اي تميم فضها عنست على كلبي
تميم_جا كل الروحك ب الاول شدخلك بيه
_بلا انت صمت صمت وفطرت على سديم
_ليش عيني شبيها سديم تاج راسك ولك
عباس_شو بالله باوعيلي سديم
رفعت راسي اباوعله بلامح جامده ماكدر حتى ابتسم مجامله
عباس_لا صدك عين البارده عليج حلوة
_هسه اركع القوري براسك
عباس_والله اشاقه شبيك شوفها شلون ضايجه كلت اغير جو
باوعتلي بيبي ورجعت باوعت البشائر
_شبيج بشاير شبيجن من الصبح صوتجن اليوم مختفي
كالت بشائر وهيه تفجر القنبله
_ابوي هنا شعجب محد بيكم يدري
تميم الحط الجاي بحركه قوية بالصينيه
_من الصبح كاعد ماشفته اجه
على لحظه عبالي كل الشفته تخيل معقولة
_بس تميم اني شفته قبل شويه
_من يمته سديم
_مادري قبل نص ساعه هيج شفته ب الكراج
_ليش ماجيتي كلتي الي يعني اله ياخذكم ويروح يلا يصير عندي علم
_مادري بيك كاعد
عاف الصينيه وصعد فوك صعد ورا عباس
صااح بصوت عالي سمعناه من المطبخ
_صلاااااح كاعد بيتي بدووون علمييييي عبااااللك نسيت سوايتك
اكلت شفايفي من القلق وافرك بايدي
لزمت ايدي عمه ميساء وهيه تطمني
_حبيبتي على كيفج ويه نفسج وجهج نخطف لونه
كمت من مكاني الدمعه بعيني واكفه
اختفه صوت تميم بلحظتها نزل ابوي مجبر ايده ويمشي اعرج الظاهر رجله بيها شي
ورا شيماء واطفالها وصوت كعبها يخترق صمتنه
باوعلنه وهو يوجه كلامه البيبي
_الله ب الخير يمه
_الي يشوفك يشوف خير
ابوي شكد ماذيهم بحيث موصل بيبي هل مرحله من الكره تجاهه
_يلا بنات انتو ترحون وياي
بلعت ريكي واخفي رجفتي تميم الي لزمه من ياخته وهو يعت بي
_الدرب الجابك يرجعك
كعدو جدو وعمامي على اثر الصياح الصار
انصدمو بوجود ابوي وهو مريض بينهم
سلطان_اختصرت الطريق واجيت خذت عايلتك هسه مالك شي يمنه بوية لا انت وليدي ولا انا اعرفنك من شبابك طلعت من الطريق ورجعتلنه سامحناك وحطيناك بيناتنه مو انوب من ورا ظهرنه تشتغل على موتنه
صلاح_اروح ماني ضال يمكم بس بناتي وياي ماطول اعتبرتوني غريب واني بناتي مايربيهن الغريب
لزمت بدشداشه بيبي حيل اجت عيني المدمعه بعيون تميم
_سديم خطيبتي على اي اساس تاخذها وياك
نرسمت الدهشه على عيون الكل
_مووو سديم تايهتلك بكيفك تخطبها من يمته خطبتها غبت يومين ورجعت صارت خطيبتك هو مو صوجك صوجي اني حاطه بينكم لك نكس حاط عينك على بنتي
كالها وهو يلزمني من شعري ورا بيبي
_هسه ترحين تلمين غراضج وياي يلااا كلجن
بيبي الي لازمه ايده تريده يبعد مني تميم دفعه حيل مني وهو يسحبني من ايدي ورا
_مرتي ماتروح وياك فااااهم
_والله اشتكي عليك
_روووح لحكومتك الخايسه اشتكي اذا بيك خير اله اجيب حسين يعترف عليك واخليك تخيس ب السجن انت وهذاك حسين بكم فلس احركم حرك
سلطان_رووح صلاح مالك بنات يمنه بناتك اعتبرهن ماتن مثل ما موتت امهن
_ماشي بسيطه عبالكم اعيفكم
لازمه قميص تميم حيل خاتله بظهره خايفه على بشائر ياخذها وخايفه على نرجس الواكفه باب الغرفه وتباوع بتعجب على الي يصير من الصبح
رافد_تعبتنه صلاح شيبك الحقد مله راسك وانت بعدهي سوالفك عوج
ابوي خزر بشائر وهو يتوعد النه ويتجاهل كلام رافد
بين كلامهم اخذني تميم من ايدي صعدني بغرفته وهو يقفل الباب رجفت كلني واني اكله بهدوء
_هسه ياخذ خواتي
_انتي تضلين هنا لو شيصير ماترحين
_وبشائر خايفه ياخذها
_ماياخذها جدو معارض هل فكره تماما
_شفت جدو شلون تفاجا من كلت علي خطيبتك
تقرب وهو يعدل بشعري الخربه ابوي
_مادخلج باحد قابل انا مجذب بشي كافي ترجفين ليصير بيج شي
_بعد شنو يصير اكثر من هيج
_هسه يروح لتخافين ماياخذ خواتج عندي عليه هواي لزمات
_اروح وياهن اذا اخذهن مستحيل اعوفهن
_واني
باوعت بعيونه ودموعي تطيح
_لاتخيرني بخيار اصعب من القبله
صوته اليرجف بخوفه وهو يكول
_اذا ترحين مني بعد ماشوفج
_تشوفني نرجع ماضل يمهم بس ماعوف خواتي انزل شوفه خاف اخذهن تميم انزل
ابتعد عني وهو ياخذ القفل من الباب
_ماتنزلين ولا انزل
_واذا اخذهن تخبلت انت افتح الباب
_انا خواتج وابوج سديم اعتبريني كلشي
_ عفيه تميم ماريد يحترك كلبي عليهن
_وانا ما احترك عليج
لزمت ايده بين ايدي اليرجفن
_ماروح بس اشوفهن كدام عيني خليني يمهن
_جذابه ترحين مني اعرفج سديم
هزيت راسي بلا بين دموعي
كال وهو يلزم وجهي بثنين ايديه
_انتي ب الذات يريد ياخذج ويزوجج وهسه عرف بيه اريدج يريد يحرك كلبي عليج سديم لاتحققين غايته
_مايكدر يسويلي شي
_تتذكرين لمن حبستج هنا تتذكرين لمن عيطت عليج لان رحتي للسوك تتذكرين شكد اكلج ب المكان البي صلاح ماريدج يي تتذكرين الرجال الشفتي ب التكسي لمن رحتي للسوك هو نفسه ناوي ياخذج اله وهو نفسه يحوم عليج علمود يبعيج اله رحتي وياه وعلى لحظه جا اخذج
بتعدت منه مختل توازني وذاني توش ماريد استوعب كلامه ولا اريد اصدك شي
_كافي تميم شنو هل حجي
_ابوج مو صاحي فهمي ماتشوفين ضعفه الحقد تارسه ترس كلشي مستعد يسوي
_ماشي ماروح وياهم بس انزل اشوفهم
_مامصدكتني مو سديم
كعدت على السرير امسح بدموعي من الدوخه ماشوف شي كدامي
_انزل انت شوفهم اني دايخه
نزل واني احسب للدقايق شوكت يختفي صوته سديت ذاناتي بايدي واغمض بعيوني ماريد اسمع هل صوت تعبت وتعبت نفسيتي
فتحت عيوني وعباس واكف باب الغرفه وهو مبتسم
_بحح طار بعد
ضحكت على ضحكته من بين دموعي
_صدك عباس راح ابوي البنات ماراحن مو
_نزلي وشوفي غير تميم يموته اذا ياخذهن
وكفت يمه واني احسني ملكت الدنيا
_شلون راح يعني راح لبغداد هو وشيماء
_اندعيلي افرح بجوريتي مثل هل فرحه واني اشوفها اعظم انتصاراتي مثل مجاي تحسين ب الفرح هسه
تخطيته واني اردد
_حتفرح بجوريتك حتفرح
نزلت ركض للمطبخ لكيتهم كلهم بي
ماعدا بشائر ونرجس ضليت ادورهن بيناتهم ادور عيونهن بوجوهم الي من شافوني سكتو
التفتت على عباس الواكف ب الباب
_ وينهن عباس
_ب الغرفه
ركضت الهن واني كلبي يدك سريع من الخوف
حضنت بشائر الجانت تخابر وصوتها قلق الزم وجهه ممصدكه بيها
_ماخذكم ابوي بشائر ماخذكم
سدت تلفونهه وهيه متجاهله تباوع لوجهي
_مو بكيفه لو حتى يريد ياخذنه مستحيل نقبل نروح اتعذب هنا ولا اتعذب وياه
كعدت واني مرتاحه بعد رعب جبير نزرع بكلبي
_ما انسى وكفت تميم وياته
كالتها نرجس وهي تطلع ملابس من الكنتور
_حيل دايخه سديم
_حتى اني احسني راح اطيح من الدوخه
كالت نرجس وهيه تطلع من الغرفه
نرجس_لان مامتريكين ومنا اكلتو خوش هبطه من الصبح
تريكو ورانه خطوبه
عرفت قصدها شنو مبين بشائر ونرجس شكد وجهن ثكيل علي لان مايدرن
فاجاني دخول كوثر المفاجا وهيه تمشر صندوق تميم كبالي
غسق...
ليلي كله ماكدرت اغمض عيني
كاعدين ب السياره اني وابوي الي شكد حاول وياي علمود نرجع بس جنت رافضه
خيوط الشمس بدت تنور ظلمه الليل صوت اذان الفجر
ابوي حرك السيارة بدون ميحاجيني شي
هو مل بس اني روحي ماملت من الانتظار
اتخيل امي من تختنك ويصير عندها صعوبه ب التنفس لان عندها انسداد شرايين شلون اتوسل بصفاء ياخذها للمستشفى واذا هو ماموجود اركض بيها اني للمستشفى
هسه تختنك منو الها وهيه مارادتني يمها
قطع سلسلة افكاري صوت ابوي وهو يوكف يم محل
_راح انزل اجيبلج ريوك مو تنزلين
نزل وبيده لفات ثنين الي واله وعصير
انطانياها واني صافنه عليها ماكدر اكل شي من كد القهر
_بابا مانعستي خنرجع للبصرة
_وامي
_مانعوفها ترتاحين واجيبج الها
الغصه ملت بلعومي واني احجي
_امي حرمتك مني وهسه انت جاي تساعدني علمود ابقه يمها ليش مامنعتني منها مثل ماسوت
غمض عيونه وهو يرجع راسه على كرسي السيارة
_ماكدر اكسرج كافي رجفتج وخوفج ودموعج اعرف شعورج شنو عشته وماريد تعيشينه مرتين
_بس انت ماخسرت امك مثل مجاي يصير وياي
_خسرت امج اعرف شنو هل شعور خسرتكم كلكم واني ادخل للسجن
_بابا لاتهتم الشخص ماعبرك بحياته لو حتى مات لاتهتم ابد مايستاهل حتى تخلي بتفكيرك
كال وهو يبتسم
_يلا بنيتي خلصي لفتج علمود نرجع
_خليني هنا فتره ونرجع
_يعني لشوكت
_لحد ما امي تقبل تشوفني وتصير زينه وقتها ارجع بدون خوف
_زين وين نضل والله صعبه
_نشوف بيت قريب اكو بيت بمنطقتنه يردون ياجرونه خلي ناجره فتره
_ماصدكت ارجع اعيش بين اهلي وناسي هسه ابتعد عنهم صعبه علي لحد هسه ممصدك لكيتج بس يسهلج كل صعب
حرك السياره واني عيوني ع الطريق الفارغ نسمت هوى الصبح تداعب بشرتي سؤال ابوي الي وهو يكول
_ليش مامتحجبه
رفعت اكتافي بمعنى مادري لان مامره فكرة ب الحجاب ولا احد من امي وابوي حسن كلولي ع الحجاب جنت متعوده هيج
_بابا مايصير خواتج كلهن محجبات وبنات عمج انا ماريد اجبرج ع الحجاب اريد كلشي برضاتج تسوي وتشوفيني جاي وياج للطريق الترديه لان من قبل اكول ناوي اعوضج عن سنين الفاتن كلهن
استوقفني كلام ابوي وهو يكول خواتج
_بس اني ماعندي خوات انت متزوج بابا
سكت فتره وهو يكول
_اقصد بنات عمج مثل خواتج حبيبتي
_الله كريم
شفت ابوي سلك مثل طريق منطقتنه نرسم امل صغير بداخلي وسط عذاب روحي
_راح ارجعج لبيت امج شوفيها انوب نكعد وين متردين بس فتره ياغسق
_اي بابا ماضل بس تصير زينه ارجع
شكد صعب علي الكلام انو اعوفها وارجع بس ماكدر اتعبه اكثر وياي
رجعنه للبيت وصدمني علاليك الزبل الشامرينهن باب البيت
واني قبل ساعه عفته كلشي ماكو
يتبع...