عند البنات اللي وقفو شوي بالكوفي يتقهوون
رنا قربت من رغد
رنا: هيه رغد ذاك م كأنه خالد؟
رغد ناظرت: وين
رنا: شوفيه هناك عند المحل
رغد شهقت: اي والله خالد بس من ذي اللي معه؟
رنا: مدري تلقينها من اللي يكلمهم
رغد: معقوله وصلت له انه يطلع بعد
رنا: عادي ماراح يضره شيء المشكله بالبنت
رغد: واضح انها سعوديه شوفي ملامحها
رنا: تلقينها طامعه بفلوسه
رغد: الله يشفيه ويشفيها معه
رزان: وش تقولون
رنا: لا بس شفنا واحد حلو
ريهام: اهجدو انتي وياها خلو منا هالحركات
ربا: ي ناس اوقات احس ان ريهام اكبر منا بمليون سنه
م كأنها بس بثلاث سنين
ريهام: فديتني عاقله مب زيكم انتي وهي
رغد: يعني تفضل صدقت نفسها
جاء لهم واحد يتغزل ويبي يعطيهم رقمه
جت ربا بتهاوش بس مسكتها ريهام وقالت: طنشي امشو يالله
ومشو بس كان مع خويه يلحقهم ومب راضي يروح
وبدت ريهام تخاف اكثر
وبآخر شيء قالت ريهام: بنات كل ثنتين يروحون ونلتقي بهالمكان مره ثانيه اوكي؟
البنات طيب
ومشت رنا وربا ورزان ورغد وريهام وشهد
ولما كانو يمشون صرخت رنا بقهر لما شافت احد يمسك يدها
حاولت تدفه عنها وتصرخ للي موجودين وربا تضرب فيه بس م كان راضي يخليها
شوي الا ويطيح بالارض وينزل دم مع خشمه وقف بسرعه معصب من اللي ضربه
وناظر وكان نايف اللي سحبه معاه ورماه عند الامن
ورجع ماشي للبنات ومعه شنطة رنا اللي كانت بيد ذاك
رنا انخرشت يوم شافته وتوترت
نايف: حنين ولا غلطان!
هزت راسها وقالت: ايه
عطاها الشنطه ومشى
ربا: من ذا وليه قلتي اي انتي حنين؟
رنا: سالفه طويله بقولك بعدين امشي خلينا نرجع
نايف اللي كان جاي يقابل خالد وكان جالس بالكوفي وشاف المنظر قدامه
رجع يجلس وهو متأكد انهم خوات خالد وانهم مكذبين بأساميهم
وان الله بدا ينتقم للبنات خواته بدو يتورطون ومن من ؟ من خويه
بالمستشفى عند عزيز وسعود اللي م سمح لهم الدكتور رائد يطلعون
عزيز: طيب ليه ياخي
رائد: باقي نبغى نتطمن فيه احتمال بمرض تنصاب فيه
سعود: مرض وش؟
رائد: ماراح اتكلم عنه لأني مب متأكد
وراح بسرعه
سعود: يستهبل ذا؟
عزيز: انا شاك بالوضع بس اهم شيء عندي غرام وصحتها وش بيصير اذا جلست كم يوم بعد
سعود: م بيصير شيء
عزيز: اجل يالله انقلع خلني اروح لها
سعود: وين انقلع بجي معك
عزيز: ياخي ماعندك بيت؟
سعود هبد عزيز: عندي بس مااحبهم وبعدين امي مع امك
عزيز: يالله تعال
وطلعو من المستشفى ولما كانو يمشون دقت شهد ع سعود يجي ياخذها
سعود: تجي معي ولا بتروح؟
عزيز: لابجي معك ونطلع نتمشى بعد م ناخذ اختك
سعود: يالله
وصلو للمقهى وانصدمو البنات بعزيز
ربا: يمه جاء الحلو
ريهام: اثقلي
عزيز: السلام عليكم
البنات: وعليكم السلام
عزيز: شخباركم
البنات: بخير وانت
ناظر عزيز بشهد وقال لها سعود بالسياره وراحت له
عزيز: من معكم؟
رزان: السواق
عزيز: وعمي؟
رغد: نايم
عزيز: يالله تبغون شيء؟
البنات: سلامتك
وراح عنهم
رنا: اهخخخ بنات ودي انه جلس معنا
ربا: ايي والله تغذيه بصريه
ريهام: تخيلو يسمعكم
رزان: كان انتحرت وانا مالي دخل
رغد: لا احد يسبق الاحداث شوفوه راجع
البنات ناظروه بصدمه
وضحكت رغد ع تعابيرهم
عزيز: يالله يالله بسرعه عمي قايل ارجعكم
البنات: ليييييهههه
عزيز: اسألوه يالله ماعندي وقت
رغد: معنا السواق ترا
عزيز: زين ذكرتيني ها امشو يالله
وقامو وركبو السياره وعزيز قال لسعود يسبقه
وبطريقهم قالت رزان تبي الحمام
ووقف عزيز بالمحطه وراح للبقاله
ولما رجع لقى الكفر مبنشر وهالمحطه مافيها معبي الكفر
دق ع واحد يجي للمحطه وعباه لهم والبنات انقهرو كان ودهم يصير اكشن
رجعهم ع الفندق وطلع لعمه اللي ناداه
عند سعود اللي وصل للمستشفى ودخل وشاف غرفة غرام مفتوحه
دخل بسرعه وشاف وحده واقفه عندها
مشى بسرعه وناظر بس كانت لابسه كمام طيحت الصحن اللي بيدها
وركضت وراح وراها ولما شاف الامن تركها لهم يمسكونها ورجع لغرام بسرعه
دخل وهزها شوي وصرخ بس مافيه فايده نادا للدكتور ودخلو لها وطلعوه
يتبع..