"A guy and a girl can be just friends, but at one point or another, they will fall for each other. Maybe temporarily, maybe at the wrong time, maybe too late, or maybe forever"
✄ ✄ ✄ ✄ ✄ ✄ ✄ ✄ ✄ ✄
Sabado ng umaga, nagising ako sa kwarto ng Ate ko. Mula nang umuwi 'yung magulang namin, dito na ako natutulog. Tumingin ako sa kanan at nakitang tulog pa siya kaya naman dahan dahan akong bumangon at lumabas ng kwarto niya.
Tatlong araw nalang naman si papa dito sa pilipinas habang si Mama naman ay matatapos na ang leave sa lunes kaya naman kailangan na niya bumalik ng Maynila. Konting tiis nalang akin na ulit ang kwarto nila.
Nag f-facebook ako sa may terrace nang matandaan ko 'yung mga nangyari kagabi kaya naman agad akong dumiretso sa account ni Abigail.
Obviously, sa pamumula ni Jared nang makita siya, halatang may gusto siya dito. Ano bang meron sakanya? Maski si Asher ay nagustuhan siya. Pati sina Kris ata dati nagka gusto dito kay Gail. Muntik pa silang mag away ni Henry.
Tinignan ko ang mga status niya, halos lahat english. Kinginang babae 'to ma no-nosebleed ata ako dito kakabasa e. Nasa pinas ka hoy! Magtagalogーuy tangina relate. Ma-like nga.
Ay pucha Adrianna three weeks ago pa 'yun!! Unlike! Unlike!
Nag patuloy ako sa pag s-stalk habang nakabusangot. Simpleng picture, 200+ likes e ako na picture ko nung JS prom last year 57 lang? Inamag na. Tangina, madami lang siguro 'tong friends.
"Hoy Adrian, ang aga aga nag c-cellphone ka nanaman. Mag timpla ka na ng milo mo doon," ani Mama nang makita niya ako. Tumalikod na siya at naglakad pabalik sa loob ng bahay pero nagsasalita parin, "Sinabi na nga bang 'di ka dapat binilhan ng iPhone e."
Pumasok na ako ng bahay at inilapag 'yung cellphone ko saglit sa may lamesa bago kumuha ng tasa at magtimpla ng milo.
"Anong almusal Ma?" tanong ko.
"Ayan oh," aniya. "May pandesal jan tsaka cheez whiz. Pagka tapos mo maligo ka na at aalis tayo."
"San punta?"
"Harbor point," sagot niya. "Ayaw mo ba? Bili tayo ng bago mong damit."
Uy baka makahanap ako ng damit na mas maganda sa mga sinusuot ni Gail.
"Sige po," sagot ko bago kumuha ng pandesal at ibalik 'yung atensyon ko sa cellphone ko.
Tinignan ko ulit ang mga picture ni Gail. Ang profile pic niya ngayon stolen. Sus, if I know kunwaring stolen lang 'to. Naka tingala siya at tumatawa pero kahit ganun ang ganda niya parin. Nakakainis! Tapos 'yung ngipin niya pa ang puti ta's pantay pantay. Kapag ako siguro kinuhanan ng ganyan para siguro akong napo-possess. Sabi ni Asher dati minsan para daw akong demonyo kapag tumatawa e. Gago.
"Sino 'yan?" tanong ni Mama nang dumungaw siya sa phone ko. "Ang ganda naman."
"Wala," sagot ko.
"Ganyan ka dapat oh," aniya. "Hindi ka kasi nag aayos e."
Napasimangot ako at lumaki ang butas ng ilong ko kaya naman ini-exit ko na 'yung facebook at kumain na lamang ng almusal.
Pagka tapos ko ay pinababa ko na muna 'yung kinain ko bago dumiretso sa banyo.
May malaking salamin dito sa C.R ni Ate kaya naman kitang kita ko lahat ng flaws ko. Awa ng Diyos, makinis ang mukha ko ngayon at walang tigidig. Pero may kaunting pimple marks ako sa pisngi.
Si Abigail ang kinis kinis ng mukha.
Lumaki nanaman ang butas ng ilong ko at naisipang maghilamos na muna. Dumampot ako ng tabo at ginamit 'yung hot water galing sa shower. Ginamit ko 'to pang hilamos para bumukas 'yung pores ko bago gamitin 'yung Dove. Hindi naman ako pala hilamos, nakikita ko lang na ginagawa 'to ni Ate pero kung gusto ko ng makinis na mukha, kailangan ko 'tong gawin. Okay, ano next? Mainit ulit. Tapos kapag wala ng sabon sa mukha, 'yung malamig na tubig na sa faucet para mag sara ang pores. Okay, done. Tingin sa salamin.
Puta meron parin!
Hmp! Maka ligo na nga. If I know nagpa facial lang 'yun. Naku! Kung mayaman lang talaga ako.
Medyo matagal akong naligo ngayon. 'Yung tipong kinalampag na ng kapatid ko 'yung pinto ng banyo dahil naiihi na daw siya.
"May isa pa namang banyo?!" sigaw ko.
"Naliligo si Mama doon! Bilisan mo Adrianna!"
"Teka lang mag a-anlaw lang ako!"
Charot, hindi pa nga ako nakakapag sabon. Maghintay ka jan ate! Muhahaha!
Tangina para nga akong demonyo tumawa.
Pagka tapos ko ay dumiretso na ako sa kwarto ni Ate. Laking pasasalamat ko at bukas pa ang aircon dito. Ni-lock ko 'yung pinto at pinahiran 'yung buong katawan ko ng lotion. Pati mukha ko nilagyan ko na din. Pwede naman 'yun diba? Body lotion 'to e. Part ng body ang head.
Galing ko talaga.
Ano kaya isu-suot ko? Tokong nalang tsaka blouse. Uso pa naman 'yun diba? Tapos kahit basa pa 'yung buhok ko, itinali ko na 'to. Tutal maikli na, mabilis lang siya matutuyo.
Nang matapos na ako, umupo ako sa kama ni Ate at dinampot 'yung iPad ko para maka pag wattpad.
Hindi nagtagal ay pumasok si Ate ng naka twalya lang. "Ayan na suot mo?" Naka simangot na tanong niya sakin. "Harbor point pupuntahan natin hindi palengke."
Nagkibit balikat ako, "Simple lang gusto ko."
"Simple ba 'yan?" tinaasan niya ako ng kilay. "Mukha kang tanga." Sinamaan ko siya ng tingin pero tinalikuran niya lang ako at binuksan 'yung cabinet niya. "Huling weekend na nila Mama dito, baka mag restaurant tayo kaya mag ayos ka. Ang tagal tagal mo sa banyo ta's 'yan lang isusuot mo."
"Ano pala?"
May hinila siyang dress sa mga damit na naka hanger. Ito 'yung suot suot ko last christmas at hindi na sinuot ulit.
"Eto? Inamag na dito sa cabinet ko. Hindi mo sinusuot."
Kumuba ako, "Pang may okasyon lang 'yan e."
"Tanga, hindi" sagot niya bago 'to ihagis sakin. "Sundress 'yan. Pwede mo i-terno 'yung chuck taylors mo jan."
Ngumuso ako. Kunwari ayaw pero gusto din naman. Medyo binagalan ko pa ang pag palit para hindi niya mahalatang gusto ko 'tong idea na 'to.
"Umupo ka doon," itinuro niya 'yung upuan sa may vanity mirror niya. "Patuyuin natin buhok mo para 'di sumabog at mag mukhang dry."
30 minutes later pati kilay, pilik-mata, at labi naayos na ni Ate Sky. Tinawag niya si Mama at Papa para tignan daw ako. Agad akong nahiya sa mga compliment nila. Aniya'y nag iba daw ang itsura ko at mas bagay sakin 'yung mag ayos. Naku! Kapag nawala lang talaga 'tong mga connect the dots ko... wala ng Abigail. Adrianna nalang.
Mga bandang alas onse, may narinig ako sa may gate. "Adrian? Tao po. Adriaー" tumahol si Whitey. "Aaaah!!"
Asher.
Kunot noong naglakad ako papalabas ng bahay at papunta sa may gate. Nakalimutan ko pa ang ayos ko kaya naman nagtaka pa ako sa ekspresyon sa mukha ni Asher.
"Wow, babae ka na."
Kahit nasa kabilang side siya ng gate, inambahan ko siya at agad naman siyang umilag. Tanga din e.
"Biro lang," aniya. "Aalis pala kayo?"
"Oo," sagot ko. "Pupunta kaming harbor point."
"Kaya naman pala naka ayos," ngisi ngising aniya at agad 'tong napawi nang tumahol nanaman si Whitey at dinakma 'yung gate. "Ano nanaman? Pampam 'tong asong 'to. Iluto kita e. Gusto mo? Hmmーaah!"
"Whitey, down" utos ko. "Down girl."
"Girl?!" gulat na sabi ni Asher bago sumilip sa baba. "Wala palang etits 'yan?!"
"Wala," sagot ko na para bang nababaliw na siya. "Babae 'yan, tanga."
"Eh sino pa nang-rape doon sa aso ng kapit-bahay niyo?" Binabaan niya boses niya. "Ang pangit nung mga tuta. Buong akala ko sakanya galing."
"Ang cute cute kaya ng mga tuta nila Audrey!" sabi ko. Si Audrey, 'yung bata sa kapit bahay.
"Hindi kaya."
"Ewan ko sa'yo," inirapan ko siya. "Ano ba ginagawa mo dito? Bilisan mo bago ako mangitim sa araw."
Tumawa si Asher, "May ii-itim ka pa ba?"
"Ano bang gusto mo?" tanong ko sakanya. "Tangina ang sakit mo mag salita ah."
"Joke lang babe," natatawang aniya. "Wala naman, dumaan lang ako. Punta ako kina James e."
"Ah, okay."
"Gusto lang kita makita."
"Naks naman."
"Kiss sana kita kaso nakawala 'yung gremlin e," tumawa siya at nahihiyang tumawa din ako. Mas lalo lamang lumawak ang ngisi ni Asher. Gusto niya 'yung ganung tawa? Parang tanga na pabebe? Edi okay. "Sige na pala, ingat kayo ah."
"Opo!"
"Pramis?"
Tumango ako, "Peksman."
• • • • • • • • • •
Sunday ng gabi, magka skype kami ni Asher.
"Parang tanga din nu?" aniya. "Ang lapit lapit lang natin sa isa't isa, pa-skype skype pa."
"Uso e," sagot ko habang sinusuklay 'yung buhok ko at binabasa 'yung libro ko sa Mapeh. May quiz kami bukas kaya kailangan sauluhin ko mga nakasulat dito sa page 132 hanggang 135.
"Ano ba 'yang binabasa mo?"
"Sa Mapeh nga."
"Pa ganyan ganyan ka pang nalalaman."
"Bakit ba?" tinaasan ko siya ng kilay. "Gusto ko pumasa e."
"Buti pa kami walang ganyan bukas."
Hindi ko na siya sinagot at nagpatuloy lang sa pag re-review. May sarili din naman siyang ginagawa kaya ayos lang.
"Gusto ko kamo buhok mo," biglang sabi niya kaya naman napatigil ako at napatingin sakanya.
"Maikli o mahaba?"
"Pareho," sagot niya ng hindi nakatingin bago amuyin 'yung pambura na hawak hawak niya.
"Bakit naman?"
Binaba niya 'yung pambura at nagkibit balikat bago ako tignan. "Nag hang 'yung cam mo," ta's nagsimula siyang tumawa. As in ang lakas ng halakhak niya. "Naka pikit ka ta's nakanganga! Hahaha! Mukha kang tanga!"
"Tangina mo, 'di nga?"
"Oo nga! Ayan oh! Hahahaha!"
"Ulol!"
Tawa parin siya ng tawa. Kundi ko lang gusto 'yung tawa niya e kanina ko pa siya binabaan.
"Ano ba Asher!" inis na sabi ko nung hindi parin siya tumitigil.
"Eh kasi tignan mo! Hahaha! Teka, screencap ko."
"Wag kasi!"
Dinampot ko 'yung iPad at bago ko pa man 'to mai-end call, naputol na.
Adrianna.Gomez: Anyare?
AJMartinez_: Napindot ko -___-
Sayang
Adrianna.Gomez: Ay tanga, hahaha!
AJMartinez_: Ang saya niya oh
Adrianna.Gomez: Bobo mo kase
AJMartinez: Oo na
Kundi ka lang maganda
Inupakan na kita e