الجا اليك كلما اهلكني القدر
لاجدك قدري المتعب
سديم...
بين الحقيقه والجذب اعيش
سارحه بين افكاري
شنو مصيري هنا
معقوله تنكتبلي حياة جديده ويه تميم
معقولة الله يعوضني عن كلشي
فززني من صوت افكاري
ايد نرجس وهيه تندسني
_شبيج اكلي
باوعت للاكل واني اكل بهدوء لان بالي مو يم الاكل
باوعت التميم الي يضحك وتجاعيد يم عيونه من ضحكته
الشخص الكدامي تميم الي يحبني
ليش يضم علي كلشي ليش يكلي ماجذب وهو يحجيلي كلشي ناقص
رفع جدو مبايله وجان يحجي بصوت ناصي
كاعده باخر السفره وصافنه على لمتهم
كامت بشائر من مكانها بحركه سريعه تركض باتجاه الحمام وايدها على حلكها
كالت بيبي وهيه توصي نرجس
_يمه كومي الاخيتج شوفيها شو ماعاجبتني بس تصفن من مساع وهسه تتقيا
كامت نرجس بملل واني اباوع للبات انتظرها تجي بقلق
لا اراديا اجت عيني على غيث
الي عايف الاكل بيده ويباوع للباب
يرفع عيونه وينزلهن علمود لحد ينتبه
رجعت بشائر كوة تمسي رايحه روحها
باوعتلها بخوف عليها
متجهه للغرفه وقفتها بكلامي
_بشائر تعالي ساعديني
اجت يمي بدون ماتحجي شي ولا تجاوب بيبي الي تسألها شبيج هدوء البيت وصفنتهم عليها ب العاده بشائر مو الي تطنش احد ومتجاوب
حازم _بشائر بابا موجوعه من شي
هزت راسها بلا وهيه تكومني من مكاني
مشتني للغرفه واباوع لوجها المطعون المغثوث
_بشورة شبيج مو يسألوج توا شنو ساكته
_مابيه اجاوب
_ليش تقياتي شنو توجعج معدتج حاسه بشي
_مادري دايخه واريد انام
_جاي تخوفيني عليج
_ماكو شي
تغطت ونامت رغم مو وقت نوم بداية ليل
جريت نفس ساكته عنها
يمها جهازها وصلت اشعارات
رفعته وهيه تقراهن
_غيث يريد يشوفني
_وين
_مادري
_لا بشائر ليشوفج احد
_خيولي راسي يوجعني مابيه حيل
مديت رجلي واني افتح الضماد
تحسست مكان الوجع
نعصر كلبي من اتذكر عمو شلون جواني
نفتح الباب بدون محد يدكه
وكف تميم يباوعلي بلع ريكه وهو يكول
_بيبي تكول تعالي بغرفتها تريد تشوف رجلج
هزيت راسي ساكته
طلع من الغرفه كوة كدرت اكوم
غمصت عيوني بوجع وفتحت
مشيت واني لازمه الحايط ماريد رجلي تطخ بالكاع وتشوغ روحي
رحت لغرفه بيبي لكيت بيبي ماموجوده وهو يدور بغرفتها التفت علي وهو يكول
_وين يحطون هذن اليسون بيهن رجلج
_مادري
عفته وطلعت بدون ماحجي شي
شكد جنت ضايجه منه
صوته وراي وهو يسألني اذا بيه شي او متوجعه
تجاهلت كلشي ورجعت للغرفه سديت الباب وغطيت نفسي ونمت حسيت عضامي كلها تطكطك لان منايمه من امس
عفت رجلي بدون مالفها بشي
دك تلفون بشائر
جاوبت وهيه تكله
_نايمه سديم
اكثر من مره رددت اسمي وغلست
_والله نايمه . ماشي
رفعت الغطه من عندي وهيه تكلي
_تميم يريد يحاجيج
سكتت وهيه حطت المبايل يمي وراحت
جريت نفس واني اكله
_نعم تميم
_نعم الله ضلوعج هاي لان ردت اضمد رجلي هيج سويتي
_لا عبالي بيبي تسويها ماكو حاجه تسويها مابيه شي
_بسيطه ياسديم مو صوجج
سديت المبايل قبل ليكمل
مر وقت واجت نرجس
_سديم متكسره من التعب اريد انام ع السرير وانتي نامي بالكاع
_رايحه يم بيبي اصلا
_وهسه اني شكلتج
عفتها وطلعت يمي بيبي
لكيتها حاطه لطميه بجهازها وتسمعها
_عادي انام يمج
_تعالي بنيتي المن واكفه ب الباب
الغصه وكفت بلعومي
مادري شريد بهذا الوقت اريد انام واريدي اكعد
حطيت راسي على رجلها وحطيت ايدها فوك راسي
_سويلي ضفاير ناعمات بشعري اريد اغفه
ايديها يتخللن شعري وهيه تكول بصوت اشبه ب النعي
من صوتها وكلماتها الحنينه قشعر كل جسمي
_دللول يديمه يمه دللول
يمه عدوج عليل وساكن الجول
يمه انا من اكول يمه يموت كلبي
يمه يحكلي اصير دلي
ترا اطلك الدنيا و اولي
يمه..على ظليمتي من دون حلي
هب الهوى واندكت الباب
حسبالي يايمه خشت احباب
اثاري الهوى والباب جذاب
بين حنيه صوتها نعاسي وتعبي نمت واني طارده كل الافكار من راسي ومركزه بكلماتها
بمرور وقت حسيت ندسه برجلي
بلعت ريكي بخوف واني اشوف الغرفه ظلمه بس ضوا صغير مشتغل صرخت فازه من مكاني
حسيت ايده وهيه تسد حلكي وانفاسه تضرب بوجهي
_اشش شبيج هاي انا
وخر ايده من حلكي
_شعل الضوا
طفه ضوا تلفونه وشعل الضوا
اباوع النفسي نايمه بمكاني ومكان بيبي فارغ
لهل درجه تعبانه حتى ماحسيت من بيبي نومتني هنا
_وين بيبي شنو تسوي هنا
_بيبي جاي تصلي برا واني اريد اضمد رجلج ليش مخليتها مفتوحه لا تتلوث
انتبهت الرجلي ونزلت الشداشه لان طالعات رفعت شعري من وجهي ورجعت شديته ب القراصه صاير هوسه من ظفاير بيبي
_عوفها تميم نعسانه
_ميخالف نامي واني اضمدها
يباوعلي بنظرات ماكدر افسرها نظرات عطف
معقولة صاير شي شكد اتصل واني ماجاوب وعفته وغلست توقعت راح يعاملني بغير اسلوب
_لا اني اسويها
هز راسه موافق وانطاني الشاش
عقمت رجلي وهو شدها
_يلا رجعي نامي
_اريد اصلي يم بيبي
_نامي هسه
_اريد اصلي شبيك
رجع راسي للمخده وايده طابكه ايدي ثنينهن على بطني
_ماكو طلعه مفهوم
_وخر عني شبيك عورت ايدي
تمدد يمي عايف ايدي
_يلا نامي
_كوم منا
_كتلللج ناااامي
_لاتصييح منطمره
لفيت الغطه على نفسي حتى راسي ونمت
دغني براسي اكثر من مره ماجاوبت
حضني من فوك البطانيه ختنكت حيل
بس مارفعت مني الغطه
ضليت ماكدر اتنفس رفعت الغطه اخذ هوى قوي
_ترا خنكتني وخر
_ماشي نامي وانا هنا
_وخر وانام
_ماشي نامي
بعد عني التفت لجهه الثانيه صار بظهري غطيت نفسي بدون ماغطي وجهي لا يخنكني مره الخ ماكدرت اغفه
دك تلفونه وبسرعه طفاه اكثر من مره صاح باسمي وغلست
شويه وسمعته يحجي بهمس بس صوته واضح الي
_شلون صارت هسه ،، ماكدر اجي خليها الصبح،، جدو جيبه وتعال خلي بس عمه ميساء وابوي يمها ،، اذا صار اي شي تعالي كلي
سد تلفونه اكلتني الافكار منو هيه انتظر بيبي تفتح الباب وتدخل رغم بيبي كله بغرفتها تصلي بس صدكت بكلامه
باوعلته وفز من صوتي
_وين بيبي
_مادري تاخرت ب الصلاة انتي مو جنتي نايمه ليش احاجيج ماتجاوبين
الغصه وكفت بلعومي واني اكله
_كافي تجذب علي بكلشي
تقدم يمي لزم وجهي بثنين ايديه
_بيبي هسه تجي
وخرت ايديه مني واني اكعد على حيلي
_اني مو طفله ويقنعوها امها هسه تجي
_جنتي نايمه وماكدرت اكعدج واخوفج
_شبيها بيبي
_ضربتها جلطه
فتحت عيوني بصدمه قشعر كل جسمي اباوع الايدي حبوب ناعمه بسرعه تختفي بيبي هسه جانت هنا شلون ماحسيت بشي
ماحاجيته غير صفنت واني اخذ نفس قوي
حسيت ختل كل توازني وصوت وشه باذني
رجعت لفراشي غطيت نفسي ودموعي وحدها تنزل بصمت
رفع الغطه عني وهو يمسح دموعي
_ماكدرت اروح يمها علمودج
_ليش تجذب علي جاي اتاذه
رفعت راسي حطيته على رجله وضميت وجعي بطنه واني ابجي
_راح اخسر بيبي صارتلي ام حقيقيه
_زينه بيبي بس دموعج خلصن
اشهك ب البجي واني اسأله
_يمته صار هيج
_قبل ساعتين لكيناها مغمي عليها
كمت واني امسح بدموعي
_اخذني الها
_والله ماكدر
عفته وتوضيت واني امسح بدموعي وتنزل غيرها صليت واندعيلها واني اشهك ب البجي
ضليت كاعده ع المصلايه لابسه محرم صلاتها
رفعت راسي التميم الصافن علي
_ماسألتيني على ابوج
_ماعندي اب
_شنو هل حجي
ضحكت باستهزاء واني اكله
_حاول يقتلك مثل ماقتل امي هو وابن عمتك حتى من عمو حازم وكعه من الدرج وضربه سكتت ومانطيت اي ردة فعل ولا ساعدته ولا واحد بيكم لان عمو حازم لان سوا هيج باختصار ضامين كلشي بينكم
دنك راسه وهو يتحسر
_ماكلت الا الخواتس ولا البيبي وامي لان اعرف مايسكتن ولا انتي راح تسكتين بكل مره تتقربين الهم ياذوج عبالج ارجع مره ثانيه احطج بنص الخطر
_بس انت جذبت علي
_كتلج السالفه ناقصه ماضفت اي شي جذب
_ولحد هسه مصر تكملها ناقصه
_احسن الج بس تاكدي سديم ماجذب عليج بشي اله واني اريد اخليج بعيده عنهم
_شنو المصبركم على كعدت ابوي هنا ليش ماتطردونه بعد هاي سوالفه
_ياخذكم منا
_خياخذنه شنو الجديد نعيش حياتنه مثل قبل يدخل ياكل وينام شوكت مايعجبه يضرب ويرزل
_هيج سهل عليج تعوفيني وتعوفين بيبي الي جاي تندعيلها عبالج ابوج يرجع مثل قبل هسه هنا شيماء الي مستعده حتى تبيعكم علمود الفلوس
_ولا سهل علي اخليكم تتحملون اذيته
_اذا مامتت على ايد ابوج فاموت بغيابج صدكي
_مصار هواي من عرفتني
_تحركيني بحجيج احس ضامه شي عني وكانو مستعده
تركيني
_اني مو اسراء
_راح اشوفج شي
طلع من الغرفه واني نزعت محرم الصلاة ولفيت السجاده
دخل بيده صندوق صغير مثل الصندوق الشفته امس
حط الصندوق ب الكاع وسند ظهره ع الحايط رفع رجله طابكه ورجل مادها شغل جكارته وهو صافن ع الصندوق
ساكت مانطق شي وجهه احمر
_تميم الغرفه نملت دخان
طفه جكارته ب الصندوق وهو يفتحه كال بصوت مبحوح
_تعالي تقربي شوفي
كعدت يمه واني اباوع للصندوق
طلع صور هواي فرشهن ع الكاع اخذت صورة بيدي قديمه
رجف كلبي واني اشوف امي ب الصورة ويمها عمو حازم
باوعتله بعيون مدمعه عفت الصورة ودرت وجهي
_شيلهن من يمي متعمد تحرك كلبي
لزم ايدي وبيده الثانيه دار وجهي عليه
_لان اريدج وحابج هيج تعامليني ليش اتعمد احرك كلبج واني اريد اشوفج كلشي علمود لاتكولين ضميت علي الصور سنين اني ضامهن لان حازم حيل مستعز بيهن تدرين ليش جاي اشوفجياهن هسه لان بعد فتره وتصيرين زوجتي ماريد احطهن بيتي وتجين تكليلي هاي امي شتسوي ويه عمو حازم هاي البنيه منو انا بنفسي طلبت من حازم يسولفلج جان كلش متردد بس ماريد تعيشين بوهم وانتي تدورين اجوبه لاسئلتج هاي كلشي كدامج واني تميم تعرفين كلشي عني بس بخصوص الخطف اسولفلج ب الوقت الصح كلشي تضوجين منه تعاليلي سولفيلي حتى من تضوجين مني اريد اتفهم اخطائي وين علمود ماعيدهن وياج لاتخليني احترك بناري واني اتصل متجاوبين تشوفيني وتدورين وجهج انتي حسن ضني الماريده يخيب
صافنه بعيونه وهو يحجي بهدوء
هز راسه بابتسامه حزينه
_اتفقنه سديم
حطيت راسي على جتفه ولازمه جف ايده بثنين ايدي
_تقهرني من تغلس على اي شي اسألك عبالك اني لا شيء عندك
_ماتقدرين حجم التعب الانا بي لو مره صيري مكاني وصيري مسؤله عن اهلج وحزنهم من تصيرين مكاني راح تعرفين انا مو صخر رغم كلشي انسى كل تعبي بشوفتج
_تقصد اني جاي اضغط عليك
_مو تضغطين بس من اكلج خلي كلشي بوقته لاتعانديني
سكتت بعد ماسمعت كلامه مد ايديه الثانيه رفع صورة من الصور الي مشرده عيوني عنهن
_هاي غسق
فز كلبي من سمعت اسمها مديت ايدي الترجف على الصورة
_هاي من جان عمرها ١٥ سنه قبل لا ينسجن عمو
بنيه ذات وجهه عريض وملامح جذابه رغم الصورة ممبينه عدل وصغر سنها بس واضحه ملامحها الحاده وسمارها الطاغي عليها
_جنت تشوفها
_اي غسق نسخه منج حتى ب الملامح تشبهج والتصرفات بحيث من شفتج لاول مره حسيتني اعرفج من زمان
سكتت مختنكه ماعرف ليش من كلامه لو من الجاي اشوفه
عفت ايده وعفت الصورة
نزلت راسي ماريد اشوف اي صورة
رفع صورة ثانيه جانت امي ضاحكه بعفويه وغسق بحضنها حيل صغيره وعمو يمها لازم الريمونت ومبتسم ب الصورة
اخذت الصورة من ايده واني اشمرها وابجي صيحت بحركه كلب
_كتلك جاي انقهر جاي اتاذه ليش تشوفني ليش تقهرني ليش تخليني اكره ابوي اكثر اكره امي وهيه ميته تريد تموت كلبي انت
لزم ايدي وهو يسد حلكي هزيت راسي بلا ومسحت دموعي وخرت ايده واني اجر نفس
_اعرف اعصابج تعبانه والامور كلها جاي تتراكم عليج افهم كلش زين الجاي تمرين بي
_ماتفهم انت كلشي ماتفهم لو تفهم مجاي تقهر بيه
_تقبلي الموضوع من هسه احسن احسج جاي تغلسين على وجعك كانو مامتقبله الفكره علمود تخمدين نار كلبج مؤقتا
حطيت ايدي على وجهي ابجي كلشي جاي يكوله صحيح مابيدي شي غير اشرد من كلشي
حضني وهو يطبط على ظهري
_تردين الصور عندج لو اضمهن
_مادري تعبانه كلشي جاي يصير فوك طاقتي لو ارجع لحياتي قبل اشوفها اهون من الالم الجاي اعيشه هسه جاي اكبر ب اليوم سنه من الاشوفه
_كلشي يتصلح بمرور الوقت تتقبلين الفكره وابوج مراح تشوفينه راح تستقرين بحياتج وياي راح تدرسين وتتخرجين راح تعيشين وسط ناس يحبوج راح تشوفين اختج الثالثه راح تشوفين تؤام تصرفاتج
_ياريت الفعل سهل مثل كلامك
_كله راح يصير باجر تشوفين
ابتسمت واني امسج بوجههي
_عندك قابليه اقناع حلوة
_ترا غصبا عليج تقتنعين ماغير انا تميم
_على فكره هواي مغرور
_صماخج شكده وين مغرور
_ومن احجي عليك تكلي اهاا تغلطين
_من باجر اسجلج ب المعهد كعدت البيت تعبج هواي
_فدوة لليفهم
_اوي عيني طفل كدامج انا
_ماشي هسه روح اريد انام ومن تخابر لبيبي كلي
_انطاني بوسه ب الهوى ورا مالم الصور وطلع
قريت قران اريد تهدأ نفسيتي
للصبح واني ماكدرت انام
افكر بشائر واحساسي ب الذنب لان ماسولفلها
ارجع اكول تندفن هاي السالفه احسن من ماتهيج مواجع غيري
بشائر...
رجعت بيبي وكل البيت فرحانين بيها يجون كرايبهم يحمدلوها السلامه
الصبح سديم هيه ونرجس ب المعهد كالت عمه ميساء وهيه تقترح علينه
_تجهزون للجامعه بنات
شمس_مالي خلك
جمانه_ولا انا
حاولت اكسر الملل الصاير شكد ماكدر
_من تدخلون جامعه حتبدون حياة جديده لاتخلون واهسكم يسيطر عليكم ابدو من هسه تعبو على نفسكم احسن
شمس_بس مالي خلك
ميساء_جا بشائر شصار ساعه تحجي وانتن تصيحن مالنه خلك
_اي عمه معليج نروح نجهز بس تطلع قبولاتهن وشحدها التكول مابيه حيل
دخلت نرجس وهيه تضحك مكيفه
وراها سديم تمشي يم تميم وتحجي
لهفه نرجس تظهر الفرق بينها وبين حزن سديم
وجها تعبان رغم حاطه مكياج بس مبين تعبانه
حتى من مشيتها
التفتت عنها واني ضميري ياكل بيه لان ماحجيلها احسني جاي اجذب عليها ضليت احوس اله احجيلها الصار
قطع صوت افكاري شهكت عمه ميساء وهيه متفاجاه تباوع للبنيه الواكفه ب الباب
....
يتبع