صفعني الحياة كلما ايقنت باني استطيع
ايماني بنفسي هو ماجعلني اعيش هذه
قتلت روحها بعد عذابها
نمت طويلا في سبات
الى ان قتلت تلك الارواح
جعلتني امن ان بعد الالم
الم لا ينتهي
......
بقلمي
زينب
تصويت+تعليق بين الفقرات
............
سديم..
صوت بيبي الهرج الدنيا
طلع تميم بخوف فتح الباب ضل صافن ع الكدامه
نزلت من السرير اطفر على رجل وحده رجع باوعلي
وانتبه الرجلي فتح عيونه بصدمه
_شبيج
وكفت يمه واني اشوف ابوي واكع جوا الدرج
خشمه الي يصب بي وحلكه راسه وفاقد الوعي
رفعت عيوني واني اباوع العمو حازم واكف بنهاية الدرج
بلعت ريكي بخوف مدمعه عيوني
ركز عمو نظره علي
ضميت نفسي بظهر تميم لازمه قميصه حيل
اردد بيني وبين نفسي ابوي مامات
_تميم ابوي مامات اخذه منا عفيه طلعه مامات
اركز بكلام بيبي بعد سكتت تميم
_ولك هيج تقتل اخوك هيج تطكه وتشمره من فوك ولكم شلعتو كلبي وعلعلتو روحي زينكم صار شين شترجى منكم بعد
اجه عباس وجدو من برا تلكتهم بيبي ب المطبخ تصرخ شالو ابوي وهو ينزف من راسه لا تميم ولا عمو حازم سوو شي ثنينهم واكفين ويباوعون وجدو وعباس ماخافو من شي او ندهشو كانو الموضوع عادي
دخلت للغرفه ارجف دموعي جفت بعيني ونفسي ختنك بصدري
كعدت ب الكاع ماده رجلي المتاذه وايدي على وجهي اريد اتنفس
اشهك ب النفس احارب نفسي
دخل تميم وهو يباوع بصدمه وحيره مبينه بمشيته
تقرب علي سريع وهو يرفع ايدي من وجهي ينفخ بوجهي بهدوء وهو يكول
_اتنفسي اخذي نفس بهدوء باعي هيج
اخذ نفس وطرحه
ماكدرت اتنفس مثله لزمت ركبتي حيل اريد اتنفس
هزني من زندي يريد انتبهله واتنفس
بس احس شي لازم بلعومي ماكدر اتنفس
دموعي وكعت بخنكه لحظه حسيت الهوى الاتنفسه طبيعي شكد نعمه
لزم وجهي بثنين ايديه وهو يمسح عيوني بابهامه يحجي بتفهم
_اجيبلج بخاخ جدو
هزيت راسي باي ركض يجيب البخاخ
دخل ملهوف وبيبي ورا تلطم وتصيح راح تموت البت
رج البخاخ اكثر من مره فتح الغطه وهو يكول
_باعي اخذي نفس عميق وطلعي كل النفس
سويت مثل ماكال حطلي البخاخ وهو كول
_هسه اخذي نفس
اخذت نفس وضغط ع البخاخ
_طلعي النفس بهدوء
زفرت الهوى
_بعدني مختنكه
كلتها بتقطع وعاد خطوات البخاخ
حسيت الهوى مله صدري
غمضت عيوني اسحب نفس براحه مامصدكه
بشائر اللازمه ايدي تبجي ونرجس واكفه بعيد بخوف
مامنتبهه الاي شي يمي
باوعتلها واني اكلها
_لاتخافين مابيه شي جبانه
تميم_عندج حساسيه قصبات لو شنو
بشائر_هيه دائما تختنك من تضوج خصوصا
_ماشي خلوها وحدها تنام
طلعو البنات وبيبي وهيه رافعه ايدها ليفوك تندعيلي
دمعت عيوني واني اكل التميم مبتسمه
_شكرا
_لاتقهرين روحج عليمن تضوجين
_ابوي تميم
كلتها ونفجرت ب البجي
اشهك واحجي بين دموعي
_ابوي حيموت بسببي عمو حازم حيدخل للسجن مره ثانيه بسببي
_اشش كافي يلا لاتسويها دراما ابوج مايموت لو يموت جان كال جدو هسه اخابره وشوفي وعمو حازم متاذي هواي منه كلبه مليان منه زين ومتحمل هسه انا اذا واحد ياخذج مني شسوي بي يجوز اقتله اكثر من عمو
رفع جهازه وهو يتصل على جدو فتح مايك وهو يكله
_ها جدي شصار على صلاح
_والله زين يعني مو كلش بس ايده بيها رضوض وراسه راح يسووله اشعه هذا شبي حازم تخبل فد مره
_ماشي تحتاجون اجي
_لا بوية ارتاح
_في امان الله
سد التلفون وهو مبتسم
_هسه صدكتي مابي شي
اشترله على راس واني اكله
_بس راسه جان ينزف تميم امي هم هيج
بجيت بحركه وابلع بريكي
_بس امي محد اخذها للمستشفى امي ضلت مرميه الكاع الى ان ماتت
ضمني لصدره وهو يمسد على راسي
_كافي لاتتذكرين شي باعيلي
رفع راسي بين ايديه ومركز عيونه بعيوني
_شوفي عيونج شلون تعبانه وجهج ذبلان شبيها رجلج
_مابيه حيل اسولف
رجع حضني ساكت
هدأت روحي وطفت حركتي وفرفحتي
_من اختفيت حسيت نفسي اريد اشوفك او اشوف شي يخصك صعدت الغرفتك وجانت غرفة شيماء مفتوحه قليل والجهال نايمين باع تميم شفتها تخابر الشخص كام ومنطلقه ب السوالف كعد ابنها واجه يمي ضليت اسولف ويا جان شكله مثل الدايخ وحيل ضايج
كتله ليش للظهر نايم يكول انام هواي
سولفتله على باقي التفاصيل هو ساكت ويهز براسه
مسح وجهي وهو مبتسم بالم
_لاتشيلين هم شيماء خليها علي شوفي الرقم الي خابر على بشائر والرسائل كدرت اعرف صاحب الرقم جان مسجل باسم اخو شيماء والورق التخص هذا الشي عندي بس صبريلها شويه وتنطرد
_بس المحادثه مو فبركه يعني لان جانت بتواريخ مختلفه
_التواريخ فبركه بس هذا مايهم اهم شي الرقم يخصهم
_شلون كدرت تعرف
ضحك وهو يكول
_صار فتره احوم عليهم شلون ماكدر
_هيه شيماء عندها اهل
_مسربتين مثلها
كالها وهو يرفعني من الكاع كعدت ع السرير
_بعد ماتتقربين الشيماء فاهمه لو صاير شي بيج لو ماذيتج اذيه موت
_سولفلي شصارلك
هرب نظراته مني وهو يبلع بريكه
_هسه مو وكته اريد ترتاحين انوب اسولفلج ماشي ماريد تنرعبين اذا تحتاجين شي كليلي لاتطلعين
هزيت راسي طلع وخلاني بحيره امري
دخلت بيبي وكعدت يمي تعصر برجليها
_شسويتي ب الولد دوهنتي
ضليت ساكته وصافنه
_شلون رجع
_هو انا شفته حتى اسأله شلون رجعت فجأة لكيته واكف فوك راسي عاف عرب الله واجه عليج
_يعني اصدك جدو ماكلج
_من ورا ابيج اشوف جدو شو حلكج فاهي انتي ماتعرفين تحجين
_بيبي والله مسطورة سطر راسي صاير هوسه
_حكج جا الصار هين
اجتي بشائر تحجي بسمه
_تعالي صاحبتج زهراء تريد تشوفج
طرت من الفرح مجرد سمعت اسمها
_صدك والله شعجب اجت للبصرة
_مادري من رخصتج بيبي اكومها
كالتها وهيه تسند ايدي عليها علمود امشي
_زين سديم بلا حاولي تمشين عليها باطراف اصابعج لان كعب رجلج المتاذي
_ماكدر اضغط عليها ابد
اخذتني للديوانيه لكيت زهراء وامها كامت حضنتني وهيه تبجي حضنتها بقوة واني اشمها شكد مشتاقتلها
بعدت عني بوستني ورجعت حضنتني
بوست امها وكعدت يمهم
_مشتاقتلج حيل احس روحي ردت
_بالي يمج صار كم يوم اراسلج من بشائر ماتجاوبين
_مالحك من الهوسه الهنا
اخذتنه السوالف عرفت جايه لان امها هنا تعالج وكرايبهم هنا
احاجيها واني مبتسمه ومرتاحه
ماكدرت اسولف الها اي شي عن وضعي لان امها يمنه
طلعت تريد تروح واني وراهن امشي على رجل وحده ولازمه الحايط
بطلعتهن طلع تميم بيده صندوق صغير
انتبه عليهن وسلم
اردفت ورا ماتميم صعد لسيارته
_خاله ترحين تكسي لو احد يجي عليج
_لا بنيتي اروح تكسي منا اريد اطلع للمستشفى
_ماعندج غير العافيه انشالله
بوستهن وطلعن نزل تميم من سيارته وهو يكول
_اخذهن وياي بطريقي
_بعد احسن
_ترحين هم انتي
_ماكدر امشي
_لبسي حجابج وتعالي
_اي اطلع وراهن راحن وقفهن
طلع تميم واني صحت على بشائر تجيبلي حجاب وجبه
طول تميم وهو يحجي وياهن علمود يقبلن يوصلهن بعد اصرار قبلن صعدت يمه وهنه ورا التفت على زهراء مديتلها ايدي
_راح اشتاقلج
عصرت ايدي بين ايديها
_مالي خلك شي بدونج حتى المدرسه كوة كملتها
درت وجهي امسح بعيوني الي يحركني بدون دموع
انتبهلي تميم وهو يبتسم ابتسامه اطمئنان
وصلهن تميم للمستشفى بعد مافتحت باب السياره وماكدرت انزل حضنتي زهراء واني ب السياره
بس دارت عني بجيت
غطيت وجهي بيدي
امسح بعيوني اريد دموعي توكف
_هسه عليمن البجي كليلي هاي صديقتج شفتيها اجيبلج تلفون ويوميه خابريها ماشي ومن نزوج كل فتره اخذج الها
_اااا تميم اريد فعل تاخذني الها مو بس حجي
_وداعتج اخذج بس مسحي دموعج
_كعدت وياها اقل الساعه وحسيت الراحه ملت كلبي
_واني من تشوفيني هم هيج تحسين
_مادري صدك خابر على جدو شوف ابوي شوضعه
_اي غلسي ست سديم
_مجبور تسولفلي عن كلشي صار وياك
_تؤؤ
_تميم مو بكيفك بس اني اشاركك بكلشي
_انتي مختلفه عن وضعي
كتفت ايدي واني اكله
_ماشي اريد اشوف بعد منو يشاركك بشي ضل ساكت اعرف من بيبي
جر نفس وهو يكول
_كاعد في امان الله اريد ارجع للبيت فجاه صوت طلق جان
_يعني ماهددوك قبل ماتذيت مو
_طلقه اجت شطح ماستقرت بجسمي
_صخام صخمك تميم وتكلي زين بلا وينها تميم بلا صار بيك شي انت ماتخاف على نفسك شوفنياها
رفع قميصه وبطنه كلها مضدمه
بلعت ريكي انكر كلامه
_جذاب شوف شلون كل بطنك مضمده شلون شطح
_ليش اجذب لاتعيدين هاي الكلمه سديم
_اي لان جذاب
_شحجييييي انااااا
_اي هسه انت اعقلها
_مو كل بطني بس اجت بخاصرتي ماتاذيت
_شلون تمشي وتتحرك بهل لياقه وتسوق عادي ولا كان اكو شي واني رجلي واحسني مشلله
_عووووذه منج
_ترا ماحسد
_يجنن الحسد منج هيج عيونج الحلوة مركزه علي
_اهوو مو جاي نحجي عادي
_اي
_شنو اي كمل شلون تاذيت منو اذاك منو عالجك تميم لتدوخني
رن تلفونه تنفست بقلة حيله
جاوبه وهو يطول ب الكلام
سد التلفون ورجع باوعلي
_شبيج عفستي لاعبالج شردت من سؤالج
_مبين
_ههههههههه
_شبيك تضحك
_ترا السالفه ماتسوا
_اي
_باعي حسين ابن عمتي الي خطط وجماعته الي نفذو
_اي
_اي بعد شنو
_كلشي ماكو لاتخلي عمو حازم محتار دور على بنته
_اووف ياسديم تعبت واني ادور هد حيلي حازم
تنفست وعيني ع الطريق
حزت بخاطري حيل لان تميم ماكلي شنو صار وياه
هو يشوف الموضوع بسيط او تافهه
باوعتله واني اتوعد اله اذا كتله بعد شي لو ضحكت بوجهه بعد
نزلت من السياره بعد ماصلنه بدون ماحجي وياه بشي غير كتله
_انت المن طلعت اذا راجع للبيت مو تكول عندي شغل
_امي هنا ماخبروني كلولي
لكيت شمس وريم يغسلن ب الطرمه
دخل تميم يمشي سريع وشمس عيونها حمر وجهه محتقن
ماكدرت اسألها شبيج من كد ماتعبانه
دخلت ولكيت كوثر حاضنه تميم وتبجي بحركه مبين توا راجعه من اهلها
مانطاني كلبي اعوف شمس وحدها
كل هاي الفره واني بس اطفر ولازمه الحايط
رجعلتها واني اكلها
_شبيج شموسه
كالت بصوت مليان غصه
_مابيه شي
_روحي ريم اني اساعدها
راحت ريم مكيفه لان كلت اني اساعدها
ردت احاجيها وحدنه
شمرت الماسحه والصونده وراحت للحديقه الي ورا البيت
ماكدرت اتبعها غير اصيح عليها ترجع
بطلعان روحي كدرت اثبت رجلي ب الكاع وامشي على اصابعي
وصلت يمها كاعده بالكاع لازمه عصه صغيره ولامه رجليها لصدرها ترسم بالتراب دوار وترجع تخبصهن وترسم من جديد دموعها يوكعن ع الكاع لان مدنكه
حطيت ايدي التعبانه على رجليها
_شبيج شموسه
رفعت راسها وشمرت حجابها بحركه كلب وهيه تفرك بركبتها
مسحت دموعها ب باطن ايدها وهيه تحجي بجد
_وليش بس انتي تسأليني شبيج مو اختي يمي واكفه ماكلتلي شبيج مو اخوي عبر من يمي ماكلي شبيج مو كلهم يباوعون لعيوني محد يكلي شبيج
_يروحي على كيفج عليمن هيج مقهورة
_شنو على كيفي سديم تعبانه انا بعدني مامتقبله فكره موت اخوي اوكف على حيلي علمود اهلي علمود امي وابوي وتميم تالي تجي امي تسب بيه وتغلط لان ماكلت الها تميم مخطوف تحط كل اللوم بيه وكانو انا امهم الجبيره الي لازم تحطهم على راسها وتمشي ليش سديم لان بنيه انا لو ولد جا اهتمت بيه
فرفحت روحي والتراب المله ايديها تحجي وترسم ب التراب بحركات عشوائيه
اخذت العصه من ايديها وكعدت يمها ماده رجلي
_هيه امج طبعها قاسي بس مو يعني تكرهكم
_هههه لا تموت علينه
_جد احجي امي سوت الاكثر مايوم كلت تكرهنه
_اريد اعرف شي واحد
كالتها وشبعتني قهر عليها مبين عليها شكد مكسورة
_من اموت هم تحزن علي هم تتندم اريد اشوفها تتندم لو لا تكول قصرت
اخذت الشال بحركه سريعه لبسته ونكتت ايديها من التراب بعد ماسمعت صوت عباس وراها
_هذا البيت هيج صغير ومامكفيكم بحيث كاعدين هنا
_لا مكفينه هيج كعدنه ميصير
وكف مقابيل شمس وهو يكول
_اليوم الشمس تبجي تيزاب خير اخوج البعير ورجع بعد تنوحين علي خيبه هيه الدنيا شضال بيها باجر عكبه ونموت بعد عليمن ضيجه الخلك هاي
ضحكت على طريقه كلامه عنده قابليه يطلع الشخص من مزاجه
شمس_هههه اي ابجي عليك عبالي متت
تربع ب الكاع وايديه متشابكات بعض وهو يحجي
_بداعتي اذا اموت اوكفي وكفت اخت ويه جوريتي لان ماعندها اخت صيرولها خوات ولاتخلونها تتزوج كلولها عود موتي وتزوجي عباس بالقبر
سديم_شهل حجي الماصخ ناقصين احنننه
ضرب على رجله بقوة وهو يكول
_خرررب على طاري الناقصين ماباركتولي طلعت اخوج ورجلج من هذول ال....
_رجلي
_رجلها
_جا سديم تضحكين علي هيه مبينه هاي هيه تميم رايدج تخلص كم شهر ونزفج ونخلص من جهرتج
شمس_شنو هل تطورات وانا مادري
_والله انت كفو ياعباس بس نص كفو على طلعت تميم
_خير بوية ماكل عشاج لو بايك رجلج حتى نص كفو
_سولفنه شلون صار
_بوووية شسولف تميم محذرني المهم شوية مقتطفات والدج العزيز ويه حسين هم الي مخططين الكلشي
_ابووووي متاكد ليش تميم ماكلي هيج
_يخاف على مشاعرج جا شبيها جوري ماتخاف على مشاعري
نزلت عيوني بحيره وكفت الغصه بلعومي
بلحظه ماتندمت لان عمو حازم سوا هيح بابوي بالي اكول الي يجي من ايده الله يزيده وهذا الاجه من ايد ابوي
_منو كلك ابوي شلون عرفتو
_غير لزمت هذا المخنث حسين وكتهن كلهن
_ترا ماجدي منك كلام كل جمله ع النص وتعوفها
_مو بيدي يلا كومو نتعشى بطني تصوصي ياويلتي لقد كان يوم مليء ب المغامرات
_اي ضل هيج مايلوكلك العصبيه فاااهم
_شبيها شميسه شنهي راحت اخيتج وضجتي جا هذا الكمر ها صاحبج يشبهج
ابتسمت شمس بثكل بس مبينه ابتسامه مصطنعه
_مابيه شي
راح عباس قبلنه لزمتني من ايدي ودخلتني للبيت تلكتنه كوثر باب المطبخ تصيح
_جا انتي عايفه الصونده تفيض ورايحه تدكين فك ماتعرفين تطفين الماطور
عباس_عمه هو ماي خيفيض فد نمونه
سكتت عمه خازره شمس مردت كلبي بنظراتها الامها
هنا رجعت كوثر بعد كسرت ابنها رجعت وكفت علة حيلها
بشائر...
مديت سفرة الاكل واني مسدوده نفسي
بين بيبي وجدو كاعده العب بالخاشوكه ب الاكل بملل
دخل تميم ورا عباس
_جا جدي امشي تعشه ويانه هسه نصب النه لان غيث وحده بالديوانيه
_خلي يجي هنا بوية ماكو غريب البنيات خواته
صاحله عباس دخل غيث ورا ماسلم دنك راسه ع الاكل ياكل
بيبي حطت يمي نص خبزه وهيه تاشري عليها بمعنى اكل
عفت خاشوكه الزلاطه وماكدرت اكل شي
لعبانه نفسي وعيوني ملزكات احس بتعب وغثيان
صحصحتني مكالمه جدو وصدمتي بكلامه
....
يتبع