(الحلقه الأولى ) ( سكوووت ) <3
................
(في الحلقات السابقه )
سلمى : الو ! ايوه يا عمو عماد خير فيه ايه
عماد : سلمى ! اسهم الشركه ف البورصه ف الحديد . الاسهم لسا نازله من نص ساعه .. احنا بيتنا بيتخرب .. الشركه بتقع .... انا مش عارف اكلم ابوك اقوله ايه .. ارجوكى انزلى عشان نعرف او نلحق نتصرف
سلمى : بتقول ايه ؟ طيب انا بكره الصبح هكون عندك
احمد : ايه يا حبيبتى فيه ايه ؟
سلمى : لازم ننزل اسكندريه حالا .... الشركه هتقفل وفلوسنا كلها فيها
احمد : طيب اهدى اهدى .... خلصى وظبطى انتى نفسك وانا هنزل الريسيبشن احجز على اول طياره انا وانتى الليله دى ... والبنات هييجو مع مصطفى بكره
سلمى : طيب . ربنا يستر
احمد : ربنا يستر
............................ ( الأولى ) <3
احمد : الو ! انت فين
مصطفى : ف الاوضه اهو . خير
احمد : طب بقولك ! انا حجزت انا وسلمى على اسكندريه دلوقتى .. رحلتنا يدوب فاضلها 45 دقيقه . وانتو حصلونا بكره ف الميعاد
مصطفى : ليه يابنى ؟
احمد : سلمى عندها شويه مشاكل ف الشغل هناك . ولازم تكون هناك الصبح
مصطفى : مش خير يعنى ولا ايه ؟
احمد : ربنا يسهل من عنده . المهم خلى بالك م البنات وماتقلقهمش .. انشالله كل حاجه تتصلح
مصطفى : ان شاء الله .. طب ايه اجى اوصلكو
احمد : لا خليك .. احنا هنسلك نفسنا كده
مصطفى : تمام يا حب
احمد : سلام
مصطفى : سلام
...............
أسماء : ايه يا مصطفى فيه ايه ؟ مقلب جديد ده ولا ايه
مصطفى : لا مش مقلب . احمد وسلمى نازلين دلوقتى اسكندريه
اسماء : دلوقتى ؟! ليه خير قلقتنى
مصطفى : مافيش . هو ماقاليش حاجه غير ان الشركه بتاعة سلمى فيها مشاكل هناك . ماقاليش حاجه
اسماء : ربنا يستر !
.............
احمد : يلا يا سوسو
سلمى : يلا يا بابا انا خلاص جاهزه
..............
( ف الطياره اثناء الرحله )
سلمى : احمد ! انا مش متطمنه . حاسه ان فيه كارثه مستنيانى . كلام عماد ووليد قالقنى اوى . انت عارف يعنى ايه المدير المالى يكلمك ويقولك البورصه وقعت ومش عارف اكلم ابوك . الكلمه دى وجعانى اوى . حاسه ان الأمانه اللى سابهالى بابا هتروح منى وهتضيع
احمد : تضيع منك ؟ ليه ؟ متجوزه ديك رومى
سلمى : انت ؟ دانت الحاجه الوحيده اللى مطمنانى ف الدنيا دى . وزى ما قولتلك . انى مش شايله اى هم ف الدنيا طول مانت معايا
احمد : فن إدارة الازمه يا سلمى بتحتاج لقائد مش لعامل عادى او محاسب او مهندس او دكتور .. الأزمه بتولد قاااائد . فاهمه الفرق ؟
سلمى : فهمنى !
احمد : يعنى احنا متجوزين بقالنا شهرين اهو . صح ؟
سلمى : اه
احمد : طيب متجوزين وانتى تقريبا ماروحتيش الشغل 10 أيام على بعض صح
سلمى : تقريبا اه
احمد : وممكن تقعدى أكتر من كده ماتروحيش الشغل ده طبعا ف حالة ان كل حاجه طبيعيه والشغل ماشى تمام ..العمال بتوعك سواء كانو عمال او مديرين عباره عن ترس كل واحد بيدور وعارف شغله ومش محتاج منك غير انك تجنى الارباح اخر الشهر .. صح ؟
سلمى : بالظبط
احمد : دورك كقائد للمنظومه دى مش بيظهر غير ف وجود عطل ف المنظومه او يجرالها حاجه او مشكله زى اللى احنا رايحين نشوفلها حل
أولا محتاج قرار وحكمه وجرأه ف اتخاذ القرار
سلمى : طيب انت هتكون معايا
احمد : تؤتؤ ف الاول مش هكون معاك .. هسيبك تديرى الأزمه دى لوحدك . عشان اشوفك هتهببى ايه من غيرى ههههههههههههههه وعاوزك تغلطى وتنيلى الدنيا اكتر واكتر . انا هاجى اصلح كل حاجه مايهمكيش
سلمى : احمد ! انت بتتكلم جد ؟
احمد : اه والله ! ليه بتقولى كده
سلمى : أولا جبت الثقه دى منين انك تقدر تصلح المشكله من قبل حتى ما تعرف هى عباره عن ايه وهتعرف تحلها ولا لا ؟
ثانيا بتقولى اغلطى وانا هاجى اصلح كل حاجه .. يعنى ايه الجملتين دول ؟
احمد : أول جمله بقولهالك وانا واثق مليون ف الميه انى قادر على اى محنه طالما انتى معايا وطالما الحاجه دى ممكن تضرك او تزعلك خصوصا انى اول ما اتجوزتك وانا واخد وعد على نفسى قدامك انى فلوسك مسؤوليتى وهحافظ عليها اكتر ما انتى هتحافظى .. مش حصل ؟ .. . وده طبعا هيخلينى احرق الدنيا كلها لاجل ما ارجعلك حقك
سلمى : حصل / طب والجمله التانيه
احمد : الجمله التانيه بقي دى اقصدها قلبا وقالبا .. اغلطى وانا هاجى اصلح وراك غلطك ومشاكلك ،
سلمى : ربنا ما يحرمنى منك ابدا يا أحلى واجمل حاجه ف حياتى دى كلها ... المهم تنزل معايا الشغل بكره وتشوف معايا هنعمل ايه
احمد : لا بلاش بكره . زى ما قولتلك انا عاوزك تواجههى انتى مشكلتك لوحدك . لو عجزتى او مش لاقيه حل . هتلاقينى جنبك من غير ما تطلبى ده .. اشطا ؟
سلمى : خلاص اشطا .. هات بوسه بقي
احمد : نتلم بقي شويه ولا ايه . احنا ف الطياره
سلمى : طيب ماتزعقش .. نسيت ياعم ونزل حاجبك ده
...........................
( ف البيت )
احمد : بتعملى ايه ؟
سلمى : هقعد شويه .. عاوزه اكلم عماد اشوف الجديد
احمد : ولا عماد ولا غيره . النهارده افصلى نفسك خالص . قومى يلا خديلك دش حلو كده ابن ناس وتعالى عاوزك ف كلمه
سلمى : هههههههههه يا حبيبى ! مش قادره
احمد : هههههههه لا دماغك ماتروحش لبعيد . انا عاوزك الليله دى تقعدى ف حضنى بس . مش عاوز اكتر من كده
سلمى : حاضر
احمد : ياخواتى يا ناس ... تصدقى بتبقى عسل وانتى بتسمعى الكلام
سلمى : طب هات بوسه طيب قبل ما ادخل اخد دش
احمد : امووووووووواح
...............
( بعد نص ساعه )
سلمى : وسع شويه بقي
احمد : اهو موسع .. تعالى الفيلم ده حلو
سلمى : بس مليان أكشن ياعم
احمد : هههههههههه بس حلو .. حطى راسك على صدرى يلا
سلمى : اهو
احمد : تعرفى انك احلى من احلى حاجه مرت ف حياتى عمرى كله
سلمى : بتحبنى ؟
احمد : فوق ما تتخيلى
علاقتى بيك بره الزمان والمكان كده
ماعنديش استعداد انى اشوف ذره تعب تبان على وشك
مايهمكيش من حاجه انا جنبك
سلمى :
احمد : ساكته ليه مكسوفه ؟
سلمى :
احمد : بت !
سلمى :
احمد : ههههههههههههههه انتى نمتى ؟ اول مره تروحى ف النوم بسرعه كده
ياروحى !
داخله على ايام صعبه انا عارف
بس انتى قدها وقدود
( بيشيلها وبينيمها ف سريرها وبيحضنها وبينام جنبها )
...........................
( تانى يوم ف الشركه )
منى : حمد الله ع السلامه يا استاذه سلمى .
سلمى : الله يسلمك يا منى . اندهيلى مستر عماد ومستر وليد من فضلك وخليهم ييجولى مكتبى كمان 10 دقايق
منى : تمام حاضر
.................
( بعد ربع ساعه )
وليد : مساء الخير
سلمى : مساء النور يا مستر وليد / مسار النور يا مستر عماد . اتفضلو
عماد : تمام
سلمى : احكولى بقي . فيه ايه ؟
........
وليد : الوضع بالظبط كالآتى
انتى عارفه ان شركتنا أساسها هى سمعتها وان منتجاتنا لا يعلى عليها ف السوق كله
ودرجه الثقه ما بين الشركه ومنتاجاتها وما بين العملاء كبيره جدا
شركتنا خاصه بمستحضرات التجميل
يعنى اى مفك هينضرب ف الثقه دى بينا وبين العملاء واللى كلهم تقريبا من الستات ف هيأثر علينا بشكل مخيف وبسرعه مهوله .. صح
سلمى : تمام صح
وليد : فيه فيديو اتصور امبارح الصبح واتعرض ع اليوتيوب لواحد طالع يشتم ف الشركه وجنبه مراته بيقول انها بعد ما حطت على وشها مستحضرات التجميل بتاعتنا وورا للناس البضاعه بتاعتنا زى كريم الاساس وزى الروج وزى المسكره قال ان وشها بدأ ينفخ ويطلع فيه نقط حمرا وكله بسبب المنتجات بتاعتنا ...
الفيديو ده لغايه الضهر ماكنش حد كتير شافه
لكن وبطريقه ترويج معينه واللى بطلها مجهول الفيديو انتشر زى النار ع اليوتيوب وع الفيسبوك كمان لدرجه ان مئات الآلاف شافت الفيديو وفيه طبعا تعليقات بدات تظهر م اللى انتى عارفاها زى بيموتوا الناس والفساد ملى البلد واتقوا الله وحرام عليكو ولازم الشركه دى تصفى شغلها ....
الكلام ده خسف بأسهم الشركه الأرض
غير ان فيه عقود تصدير لبره اتأجلت والمسؤولين طلبو انهم ليهم قعده تانيه بعد الحوار الاخير ده ما طلع
خبر زى ده انا خايف ابلغ ابوك بيه لايجراله حاجه
الراجل قضى عمره كله ف الشركه دى لغايه ما بقت رقم واحد ف مصر كلها بل وف المنطقه بتاعتنا كلها وبنصدر بره
سلمى : يا خبر إسود ... كل ده ؟
وليد : احنا عجزنا ... مش عارفين نعمل ايه ولا نتصرف ازاى
سلمى :
عماد : سلمى ! لازم نشوف حل وبسسسسرعه .. دى اسمها قطمة ضهر وممكن كلنا نتشرد غير فلوس باباك اللى هتبقى مطالبه بديون فوقها
سلمى : ( عينيها مدمعه ) طب اتفضلو انتو حضراتكوا .
عماد : أنا معاك يا سلمى . كلنا معاك
وليد : وانا مسخر نفسي ورجالتى كلهم ف الحسابات تحت أمرك لغايه ما نعدى المشكلة دى بعون الله
.................
سلمى : ( بتعيط ) الو
احمد : حبيبتى
سلمى : وحشتنى
احمد : مالك يا لومه ؟
سلمى : ( بتعيط )
احمد : انتى فين ؟
سلمى : ف الشركه
احمد : طيب ما تتحركيش انا جايلك
................
احمد : علوه ! خلى بالك بقي انا ماشى
على : على فين
احمد : هحكيلك لما اجى .... سلام . بقولك . ابعت عمرو بالعربيه يجيب مصطفى والبنات الساعه 4
على : ماشى يا حب سلام
.................
( مكتب سلمى )
احمد : بسبس . القمر بتاعى ماله قاعد مكلضم ليه كده
سلمى : ( مهمومه ومش قادره ترد )
احمد : ايه ده ان شاء الله .. مالك يابت ؟ لا صحصحى كده ماينفعش رئيس مجلس اداره محترم يزعل كده ... هاتى بوسه طيب
سلمى : ( بتضحك ضحكه بسيطه ) الوضع كارثي يا احمد وتقريبا مالوش حل
احمد : اولا مافيش حاجه ف البيزنس مالهاش حل وده اول درس لازم تتعلميه .. انتى نسيتى سنه تانيه واحنا ف محاضرة المحاسبه الدكتور قال ايه ؟
سلمى : قال ايه ؟
احمد : وانا ايش عرفنى .. هو انا كنت بحضر اصلا
سلمى : ههههههههههههه مجنووووووووووون
احمد : بصى ! طالما ضحكتى . يبقى فيه أمل ... تعالى يا حبيبتى فهمينى عندك مشاكل ايه ف الشركه
سلمى : بص يا روحى
.......................
( بعد شرح الوضع لاحمد )
سلمى : هو ده اللى حصل .. ومش عارفه اتصرف ولا اعمل ايه ؟
احمد : اوبااااا ! دى مشكله ثقه ودى من اخطر انواع المشاكل اللى ممكن تقابل اى بيزنس ف الدنيا .. بس ليها تصريفه ان شاء الله ... المهم ! انا عينت نفسي هنا نائب رئيس مجلس الاداره وأتمنى انى اتبسط معاكو .. ومش هكلفك راتب كبير يا ستى .انا هاخد راتبى بالبوس ... كل يوم ليا 5 بوسات .
سلمى : وانا موافقه ....
احمد : تعالى الاول نلف على اقسام الشركه
سلمى : تعالى
.......................
إلى اللقاء ف الحلقه القادمه