خلف اسوار الالم
يخفي احزاني
لاظهر قوة تمتد من اعماقي
هذه لست انا
انا محطمه من الداخل
ماتبقى مني غير احزاء هشه
......
سديم....
عيون بشائر مارففعتهن عني
كمت للمطبخ اخذت الاستكاين من ايد ميساء ردت اصب جاي
اريد اتهرب من نظرات اللوم والاسئلة البال بشائر
رفعت صينيه الجاي وديتها الهم كامت شيماء اخذتها من ايدي بعد ماشافت ايدي الترجف والجاي يوكع
مرسومه على وجهه ابتسامه خبيثه
كعدو كلهم يسولفون ويشربون جاي
كل ماباوع التميم الكاه خازرني
وكل ماباوع البشائر اشوفها صافنه عليه
ماعرف السويته صح او خطأ
ماعرف شنو جاي اسوي ب الضبط
لازمه استكان الجاي وايدي ترجف بدون سبب
عفتها وكمت لغرفه بيبي نمت
احس خمول بكل جسمي
بس اريد انام بس اريد اشرد من الواقع
دخلت علي بشائر وعيونها تحجي قبل السانها
قبل لا تسأل اي سؤال كلتلها
_ترا شفت غيث البارحه
نزلت راسها وهيه تكول
_حتى اني ااااخ ياسديم مقهورة اريده وماريده عايشه بتناقض عجيب همزين ماشافني عاد مايدري احنه عايشين هنا بس حيل نصدمت لحد هسه ماكادرة اتجاوز
جريت نفس واني افجر العبوة
_بس شافني
تقدمت يمي تحجي بخوف ممزوج بعصبيه
_شافج سديم شافج صخام بوجهج
لطمت على صدرها وهيه تبجي
حسيتها نهارت مثل البارحه
_ولج شبيج اوكفي انتي مو كطعتي علاقتج بي بعد عليمن هل دك واللطم
_خايفه حيل
_من شنو خايفه انتي البارحه تبجين لان شفتي
هزت راسها باي وهيه تايد بكلامها
_اي قبل العشه شفته يصب ويه الولد اكل ب الطرمه
_والصبح شبيج تبجين امس
_يجوز من اكلج تحسينه موضوع تافهه
_من يمته اني مستهانه بمشاعرج
_ضل يلح وياي ومانطيته مجال كال راح اخطب كتله اخطب ..
جاي نحجي ودخلت علينه بيبي مسحت عيوني المدمعات وبشائر مسحت وجهها وطلعت بيبي حطت مخدتها تريد تنام طلعت قبل لا تسألني شبيه
كعدت ب الهول بعدهم على كعدتهم
همست بشائر الكاعده يمي بصوت ناصي
_هواي حجي عندي وياج سديم صايره ماعرفج محتاره بشنو ابدي وكل ماسألج تتهربين
_باعي هيه مو وقته بس والله ماسوي شي غلط
_ماتسوين غلط مو لعد واليوم نزلتج ويه شيماء وخزراتها الج والبارحه محبوسة بغرفه تميم ومبايلي الضيعتي مدري وين والمهد...
جانت تحجي بصوت ناصي وقفت كلامها وهيه تسمع الجدو يحاجي تميم وعباس
سلطان_صديقكم غيث راح لهله لو بعده ب البصرة
عباس_لا راح جدي
عصرت ايدي بشائر جريت نفس وعيني عليها وعين على تميم الخازرنه
كل ماشوفه بهذا المنظر ادور وجهي واسوي نفسي مامهتمه
اردف وعينه عليه
_جدو عاجبني اعزم غيث هنا بايام الفاتحه ماشفناه زين ملتهين وهو جان حسين الله يرحمه حيل يحبه يعني خسارته بحسين جبيره
شمس وجمان ثنينهن كامن بدون مايسون اي فعل
سلطان_اي وليدي بس مو هسه تعبانين خل نرتاح كم يوم
ضلو يحجون على الاربعينه والثوابات والشغل واوضاع البلد وهواي سوالف ممله
كومتني بشائر وياها للمطبخ محد بي لان بالغرفه ريم ونرجس
_تعاي سديم موتيني والله هاي شيماء شعندها تباوعلج وتخزر وشبي تميم شبيكم يا الهي
_باعي البارحه تميم راد اسويله جاي ومن طلعت لكيت غيث ب المطبخ المهم رجعت سألت تميم على غيث لان قبل كم يوم عزم صديقه وكال من غير محافظه فكلت اكيد هوا ومن سألته شك اكو شي
لطمت على خدودها على كيف وهيه صاكه على سنونها وتحجي
_خزيتيني سديم خزيتيني شناوية توصلينه وشبيها هاي الحيه شيماء
_باعي اني مو ضيعت تلفونج فمن كعدت من النوم اجتي شيماء
شيماء_اي استاذه ديمه تلفونج وين
سديم_ماعندي تلفون
_ياحلو تستذكين علي
_اهووو وخري شيماء روحي طالعه ماناقصتج
_باعي ياجميله تلفونج عندي او تلفون اختج المصون المهم عندي والله اشمرجن ورا الشمس بسببه اسوي بي بلاوي تخصكم
_شوفي شوشه لاتتحديني لان انتي الراح تلكين روحج ورا الشمس وبعدين سالفه الطفل الجذب والذهب والجكاير مايعبرن عليه
_وهم ابوج اذا انطي هذا التلفون واسوي بي محادثه ويه شاب هم مايعبر على ابوج شوفي صيري حبابه لا والعباس اندمج
_تبرا منج العباس ان شالله شتردين تسوين سوي ماتخوفين جلبي
طلعت تلفونج وراوتني محادثه ومكالمات بشائر ماينلبس عليهن ثوب من يمي استحيت وعدتها احرك غرفتها اذا سوت شي بس طلعت الكلبه حاطه كامره بغرفتها حتى ابوي مايعرف بيها هو ابوي مطفي من الرأيسي
ضاله محتاره يابشائر هاي كلشي تسوي وبس استفزها تفحضنه
جاي نحجي وسمعنه صوت عمو رافت عالي وهو يصيحلنه
طلعت اشوفهم والخوف هدني
شفت تلفون بشائر بيد تميم لو حيلي نهد
عيني بعين تميم اتوسل بي
راد جدو ياخذ التلفون وماقبل عمو رافت ياشر على التلفون ويحجي بصياح وحركه
_شنوووو هاااااااايييي بشااااااائرررررررر كليلييييي فهمينييييييييييي شنوووو هااايي عموووو لاتكسرينيننننه بهذا التصررررف
نبلع لسان بشائر ودموعها وحدها تنزل
باوعت لشيماء واكفه على صفحه وتبتسم بشماته
لزمت ايديها اليرجفن
_عمو والله هاي مو بشائر اصلا من البارحه تلفونها ضايع ويدري تميم مو تميم
احاجي واهز براسي اتوسل بي يوافقني
بس ضل ساكت
_عمو باع جدو لاتصدكون والله هذا جذب البارحه تميم سأل
شيماء على التلفون وكالت مادري بي وين باوعو والله هيه هيج تسوي
_والصوووووورررر وهاااااييي الرساااااائلللل والتاااااريخخخ مالهم
غمضت عيوني بوجع من صرخ عمو بوجهي
نزلت دموعي بقهر واباوع الشيماء لو الزمها اموتها
شلون حجت ليش ليش هسه
حجه جدو وهو يباوع التميم
_منوو هذااا تميم
_غيثث
فتحت عيوني مصدومه
شلون عرف غيث امس الكلبه راوتني المحادثه ماكو شي يخص غيث شلون عرفت بغيث شلون
بلعت ريكي بخوف مديت ايدي التميم اخذ التلفون وضمه بجيبه
_تميم والله ماكو شي لاتصدك شيماء عفيه احجي مو انت امس سألتها وكالت مو عندي
برود ملامحه تكتلني عكس جدو وعمو الي مبين عليهم شكد معصبين
البيت كله التم على اثر الصياح
صحت على تميم بحركت كلب
_تميممم احجيييي انتتتتت مو تعرففففف كلشييي
هز راسه بلا
_شعرف يابنت عمي
_باع عمو والله ماكو شي هاي الرسائل كلها جذب غيث زميل بشائر ب الجامعه جانو يدرسون سوا راد يخطبها بس من شاف وضع اهلي وابوي كنسل الخطوبه والله مو مثل البالكم
ابتسم تميم بطرف شفته
عجيب برود هل رجال مستفز
باوع البشائر واردف الجدو
_اي يابه صحيح مسولفين على هذا الموضوع وحتى تلفون بشائر جان ضايع قبل يوم وغيث هم كلتلي عليه من قبل يعني ماكو شي جديد اكيد الي مسوي هيج اله غايه
تنهدت براحه وعمو التفت الشيماء وهو يكول
_وين لكيتي
_طلعت اشر ملابس فوك السطح وسمعت صوت اشعارات فمن شفت التلفون كلت اكيد بشائر نسته فوك لان دائما اشوفها ب السطح فتحت التلفون لكيت هل رسائل بي
ادرفت واني مليانه حقد عليها
_منو الصبح هددني يفضح اختي
_وليش اختج شمسويه وافضحها شدخلني بيكم اني اله مسويه شي علمود تنفضح
تميم_جدو هل موضوع هنا تدفنو واله اطلع الي سوا بيها هيج وساعتها اخلي يعرف الله حق شوفي شيماء الموضوع هنا تسدينه واذا عرف عمو صلاح الي حساب ثاني وياكم
خديجه_انا ويه تميم عبن البت ماتسوي هيج سوالف تعبانه من يوم الاجت لليوم جدام عويناتي بعد ليش تتبلين عليها وتكولين دومها فوك والله اكضج واكسر عظامج
سلطان_متاكد الي يراسل غيث متاكد ياتميم
_والله جدو ماعرف محتار مثلك بس انت على كيفك لايصعد ضغطك
_شلون راح يوكف عقلي شلون غيث وبشائر مستحيل لك تميم تغشم نفسكككك وتواريخخخخ الرسائلل
_ماتثق بيه يابه كتلك كم يوم والسواها اخلي يجي بلسانه يحجي اعرف افبرك هيج محادثات مو صبعه علي
_يعننني فبرك محادثاااات بس ليشششش غيثثث
اسئلة من حقهم يسألونها عيوني تحركني ب البجي وبشائر الي كلمه مانطقت حالها حال الواكفين بس يباوعون نهد حيلي واني اسمع صوت ابوي
صلاح_شصاير ليش هيج ملتمين شهل صوت
بجت شيماء بتمسكن وهيه تكول
_تعال شوف ياصلاح لكيت تلفون بشائر وشفت مسجاتها هيه وحبيبها ومن شوفتها الهم علمود يوكفوها عد حدها عمتي وتميم ذبو بلا بناتك براسي ويكولون اني مفبركه المحادثات
تميم_واناااااا يمتةةةةةةةة ذكرتتتتتت اسمممممج ب الموضوووووعععع وحقققق الله شيماااااء اذا عدتي هل حجي اكسرررر راسججججج
ابوي زنك تميم من ياخته وهو يعت بي ويهدد
ابتعدت بخوف وعيني على بشائر الي ترجف مثل السعفه
_وخررر ايددددك لحدددد هسه محترمكككك وساااااكت على كلشييي
_لككككك كلببب تهدد مرتي كداميييي
_ههههه مرتك موو وخر عمي مالي خلك حتى روحي
بيبي تصيح مفرفحه وعمو وجدو يبعدون بابوي من تميم
الي مامد ايده على ابوي جان بس يصيح
بلحظه ابوي عاف تميم وراح للمطبخ بيده سجين ولازمها بقوة
كعدت ب الكاع حيلي مهدود واني اصرخ بعلو صوتي اخذ بشائر من ايديها والسجين حاطها بخصرها
الكل يحاول يهدي ويبعدها منه صعدها الدرج وبشائر بس عيونها تبجي
لزمت ايدين تميم حيل واتوسل بي
_تميم بداعت اخوج راح يذبح بشائر ولكككك تميمم سوي شييييي اموووت بدونها والله اموت
عفت تميم واتوسل بجدو وعمو
راح صوتي من الصريخ عفتهم
وصعدت باول بايه ب الدرج وابوي مد السجينه كدامي يهدنني بيها
ماهمني شي الي همني هيه بشائر اموت على مودها عادي بس ماتحمل يصير بيها شي اموت بلياها
لزمت ايد ابوي اتوسل بي
_الله عليك عوفها والله ماسوت غلط يابه عوفها لاتقتلها مثل امي لاتحرمني منها مثل ماحرمتني من امي
_امشييي ولللي اميييي وامممييي شدخلننننييي باااامجججج
سحل بشائر التصرخ بين ايده للغرفه لزمه تميم يتلاوه وياه يريد يسحب السجينه منه بس الظاهر بشائر مكتوبلها تعيش كل هل لوعه
ابوي دفع تميم بكل قوته وقفل الباب
تميم الي يدفر ب الباب برجله وجهه محتقن من العصبيه ادك ب الباب بكل قوتي واصيح بصوتي المبحوح
_اذااااا انتتتتت زلممممممه اطلع بوووووجهي مو حابسسسس بنتكككك وتستقووووي على مرررره للككككك اطلععععع وحق اللله ساااااعه ماتضللللل هنا لا انتتتتت لا مرتكككك الكو....
راحت روحي واني اسمع صوت بشائر تشيط من الضرب الي تاخذه من ابوي احس روحي تصعد للسما وترجع افتر واصرخ واضرب على نفسي
صوت بشائر اليعله ويه كل ضربه تاخدها
تهد حيلي بصريخها
تنمرد روحي بهل لحظه تمنيت الموت ولا اسمع صوت عذابها
فرفحت روحي واني اطفر بمكاني واصرخ يفتح الباب بس فتح الباب نزل بي تميم ضرب وعمو يمنعه منه
عفت كلشي ودخلت على بشائر الي اختفه صوتها
شفت انسانه ثانيه هاي مو اختي
شعرها متناثر يم جسمها الي لامه رجليها على صدرها وتبجي بدون صوت بس شهكتها تشك كلبها
سندت روحي للحايط دموعي وحدها تشرحلها كلشي
دموعي وحدها تشرحلها الاسف الانه بي
بشائر والدم ينزل من حلكها عيونها السادتهن وراصه اسنانها تنطق بكلمات مامفهومه
بسببي بسبب غبائي بسبب حقدي بشائر بهل حاله
شمس الي اخذتها بحضنها وجمان الي تمسح على شعرها ويبجن على حالتها وخرتهن من عندها واني احضنها بكل قوتي وابجي
اريد اختفي بهاي اللحظه ماريد اسمع صوت الهوسة اليمي ماريد اسمع صوت ابوي المقرف
حضنتها اريد ادخلها بين ضلوعي اريد اكلها هذا حلم ومابيج شي
لكن صوت شهكتها جان سبيل يخلي احقد عليهم اضعااف البكلبي
حجيت بصوت متجرح من الصريخ
_بشائر اسفه والله اسفه لاتعوفيني تموت بلياج
اردفت بصعوبه وراصه على اسنانها
_اخذيني منا اريد اروح يم امي
_لالا بشائر لاتعوفيني عفيه باعي والله نطلع منا واعوف ابوي بس لا تعوفيني بشائر انتي امي ماريد اتيتم مرتين
كومتها من حضني شمس وهيه تاخذها لغرفتنه
ضليت كاعده مكاني ابجي مهدود حيلي
ضاعت بشائر
شلت شعرها المتناثر ب الكاع والمكص يمه
حطيته على كلبي واني اشهك ب البجي
ماوكف بعيني شي ماشوف كدامي شي
غير دموع بشائر وحركت كلبي وعيون ابوي والحقد البيهن من اتوسل بي يعوفه عفت كل الهوسه وكل حلولهم الجاي يتناقشون بيها طلعت من الغرفه والمكص بيدي ادور على شيماء نزلت اركض للهول شفتها كدامي وبتسمت بوجع
......
تصويت