في نور عينيه

البارت الثامن

ضرغام 💔

انـه الشص بـ لهاتي
وشايغ من العض

ويكلي الشفية المنتچي المرتاح ،
تتعوض!

الإسم : الكاتبة هُيـــــام
القصة :في نور عينيه

°°°°°°°°°°°
'''''''''''''''''

ياسمين..
صح انه بت شيوخ وبت هاي العادات والتقاليد
بس كلش صعبت علية من شفت رانسي طلعت من بيتنا فصلية

صرت أبجي ع بجيها صارو دموعي ينزلن
بدون ما احس نفسي
شهدت عليها وهيه تبجي وتصرخ
وتكلهم اي اروح فصلية لحت تنقذ اخوها
وما تخلي دمو ينهدر
وبليل تبجي ع نفسها

شفت مواقفها وحنيتها ع اخوتها شفتها شون ضحت بحياتها
في سبيل اخوها يشمو للهوى

طلعت رانسي
وامها تخربطت
جدتي صارت تصيح وتششمها عطوور
تاتصحئ تعذبت ع بتها وهيه تكول لا تخلونها تروح
جيبو ولدي تاضمهم بروحي جيبولي ولدي تاحميهم
صارت تهذي بكلام تكسرو للكلب

كلنا بجينا لبجيهن
بعد ما طلعت وراها راحو االزلم
رجع جدي مكسور خاطرو عليها لان احتمت عندو وما كدر يحميها
واخوتها ما يردون يبقون
اختنكو يردون يرجعون

أما ضرغام بحثا اخر
شهدنا ع اعصابو الا ما ندر نشوفو بهيج مواقف
تخبل
ومن واحد يسئلو يكلهم
صارت دخيلة عدنا وما كدرنا نحميها
الكل اقتنع بكلامو الا انه لان شفت قلقه من تمرضت نسرة
وشفت شون يسئلني عليها
صار ينبهني اخذيلها عصير تاتشربو
ياسمينة اخذيلها دواها
ياسمينة شون صارت البنية
ياسمينة اكعدي يمها خاف تحتاجج
شكيت ب أمرو بس غلست
او اتغابيت عن هذا الموضوع.

رجعو اهل رانسي ما كدرو يبقون
والبيت استوحش عليهم كلش
جدتي بجت عليهم اما ولدنا كلش اعتزو ب إحسان وحسن وحسام

ما تحملو يبقون ليله وحده بعد ما راحت نسرة
مقهورين شون طلعت من هذا البيت فصلية
عز عليهم يباتون بي

وضرغام بعد ما طلعو أهلها
كأنما چان كاتم غضبو كدام عيونهم ومن طلعو انفجر
صار يحجي وكلبو محروك عض اصبعو بندم فضيع وهو يحجي

ضرغام : اخخخخخخخ لو انه الي عليها سلطططة اخخخخ
جدي ليش ما حجيت شلون نخليها ترَوح
وهيه استنجدت بيك شلووون...

جدي : البيدي سويته كلي شني العندك شلون تمنع روحتها فهمني...

ما جاوبو أعصابو نار واكف باب الديوانية بابنا من خشب عريضه كلش تصير من الطول للطول صار يمشي ويركع برجلو لو بقبضة ايدو
لزم راسو ب ألم عيونة صارو دم ما بقه لحظة بالبيت اخذ سويجو وطلع
جدي أشر لحمزة وهشام يرحون ورا

اسبوع بقة برا البيت ما شفتو
حمزة كلي تعاي يمي
نزلتلو

حمزة : شونج ياسمينة...
نزلن دموعي وكتلو

ياسمين : مو زينة مقهورة ع نسرة احسها كسرتو لكلبي...

حمزة : لا اله الا الله الكل مقهور عليها وع موقف أهلها...

ياسمين : تعذبت ب اخر فترة ليلها بعد متنامو ...

حمزة : الله كريم ان شاء الله يحنن كلوبهم عليها ويحنون علينا ذولاك الناس احنه هم...

دحكتلو وغلست
بعدين سكتنا دحكلي وكلي

حمزة : ياسمينة لا تبجين كدامي ...

ياسمين :ليش...

حمزة : وتسألينيي ليششش اخ الله...

ياسمين : اريد ابطل...

حمزة :أكلها ثور تكلي حلبوو يولي انه وين وانتي وين...

ياسمين : لتحبني حمزة...

حمزة : ليش بوية...

ياسمين : تتعذب...

حمزة : هههههههه تخاف علية مريتي اويلي...

ياسمين : منو مرتك...

حمزة : وحدة هايشة...

ياسمين : عباله انه...

حمزة : لا بوية قابل انتي هايشة؟!...

ياسمين : لا ...

حمزة : خلص بعد شكو...

ياسمين : صاعدة انامن ...

حمزة : نوم العافية.

ابتسمتلو ورحت
الايام تمشي وصارت نسرة تتواصل وياية وتشكيلي عنهم شون عذوبها وشون يكتلوها جنت أكلها خل اخابر اخوتج وتكلي
رانسي : لا ياسمينة عليج الله اني كد ما بيه طاقة احاول ابعد حسام واخوتي عنهم حت محد يأذيهم حبابه لا تخليني حت الج ما اسولف...

ياسمين : عجل تردين تموتين جوة اديهم...

.
تغير الموضوع وتروح
لا أحد يدري بتليفونها ويأخذو منها

اخوتي يودوني لدوامي ومرات حمزة صدف يوديني
من اخوتي عدهم شغل لو جدي موديهم ع شغلة

بيوم جنت كاعده فوك سمعت حمزة يصيح

حمزة : لجججج ياسميييييين...

نزلت اركض لبست شالي
ياسمين :ها...

حمزة :لج الشهريات راسسبة بيهن كلهننننننن...

ياسمين : تحجي صدك بله عبالي شو شكو...

دحكلي مصدوم
حمزة : جدييييي عمي تعالو شوفة بتكم...

اجو أبويه وجدي صار حمزة يشكيلهم
واني صافنه عليهم منتظرة يرزلون واصعد فوك
نطق ابوي

العم خليل : هاي انه مأيس منها...

الشيخ عمران : صارلج سنتين بالسادس السنه الثالثه تحلمين تشوفين المدرسة...

ياسمين : ما تبطلوني من هساع عليكم الله...

حمزة نزع النعال وشمرة ركضت صعدت وسدت الباب

وهو يصيح ويغلط
بطرانين دبطلوني ليش تشلعون كلبي.

خابرت نسرة بقيت احجي وياها
حسيت ب ألمها ما تكدر تعبرو بكلام
جاي يعتلي هذا الاحساس عدها صارت تتعب كلش
تخابرني تبجي وبعدين تكول لا اني قوية اتحمل
احس بيها تعبت نفسيا مو جسدي
صرت اصبرها وهيه تسجيب الي

شيماء تخابرني متأذية عليها
تكلي طمنيني عنها مجاي تسولف النا شي
واني ارد عليها أكلها ما عدها شيي عايشه

الأجواء بيت أهلها متوترة كلش امها تعبت ع فراك بتها بعدين صرت اخابرها واطمنها عنها ورانسي هم تحجي وياها صرت....

تمشي الايام ومخلصيها طلايب
ومشاكل الشيوخ والعزايم ومشاكل الحية وفاء مرت سعد
وليلى مرت مظفر يوم زينه يو لا بكيفها
ونوال مرت ارشد حبابة كلش

بيوم من الايام كملنا
تعزيل البيت ونضفنا

هاي نسرين الهايشة
تنزل تاكل وعامة عليه كلما يشوفها حمزة
يكلها كولي لياسمين خل تنزل

وحت إذا ما شافها تروح تفتر فوك راسو تكلو اصيحلك ياسمين
حت إذا كلها لا تكلو لا عليك الله خل اصيحها

صعدتلي
نسرين : كومي حمزاوي يريدج...

تفلت عليها كبل
نسرين :الا اكلو كلما تسمع سيرتك تتفل بوجه...

ياسمين :عشتو رجفتيني....

رادت تطلع لزمتها من إيدها
ياسمين : حرارة التلفج لج شبيج ما تتحملين شقة تانشاقة يولي...

نسرين : امشي نزلي ...
ياسمين : كليلو نايمة والله باجر صحون العشا عليه بعد شتردين...

نسرين : يصعد يسحلج انه معليه...

غميتها ونزلت...

يربي والله خايفة منو هسه يرزلني لان راسبه ومصخمة
طلعت ع الساحة

حمزة : تعاي غبيرو...

ياسمين : ليش تغلط علية...

حمزة : اكعدي لا اكسرو لراسج اغلط عليها الفاهية...

دحكتلو صفح
حمزة : راح افكس عيونج...

ياسمين : صحتلي تا تكسرو لراسي وتفكس عيوني لو اروحن مو هسه...

حمزة : انجبي...

ياسمين : اكرهك...

حمزة : عاشكج...

ياسمين : اريد انامن...

حمزة : باجر نعقد...

طفرت من حجايتة
ياسمين : شنوووووووو...

حمزة :السمعتي...

وكف كبالي
حمزة : شكو ...
ياسمين :شنو تعقد علية ...

حمزة : ياسمينة كافي رحمة لوالديج حسي بية مو كلبي شيب بسببج يولي خافي الله بيه لا عاد تسوين هجي
سنين يولي سنين صارلي مو سنتين وأربعه...

ياسمين : بس انه اخافن منك...

حمزة : ليش هية الرعنة هم تخاف ...

ياسمين : منية رعنة ...

حمزة : الهايشة ...

ياسمين :عبالي انه ...

حمزة :لا يبويي انتي شبيج كلما اكول هايشة تكولين انه...

سكتت

كمل كلامة وهو يباوع لتفاصيل وجهي
حمزة : هسه باجر نعقد هاهيه؟؟! ...

هزيت راسي بلا
حمزة : بس نعقد لا زواج ولا صخام ...

ياسمين : اي اخاف...

حمزة : ولج بوية انه راح أكلج!؟؟ ...

ياسمين : لا ...

حمزة :عجل شكو ...

ياسمين : مادري ....

حمزة :بس اضمنج الي لا زواج ولاشي الئ أن تقتنعين قبلتي نتزوج ما قبلتي اطلكج...

ياسمين :كول والله ...

هز راسه
ياسمين : دحلف...

حمزة :ماحلف انه ...

ياسمين : و منتزوج هسه ...

حمزة : ابداااا فد ٥ سنين ونزوج...

ياسمين : وتبطلني من المدرسة ...

حمزة : ابطلج...

ياسمين: مو تكلي الزمي شهادتج بيدج وهاي السوالف وخلصي سادس ...

حمزة : مستحيلل أكلج ...

ياسمين : بس نتعارك اطلكني ...
حمزة : اي
ياسمين : ما مقتنعه بسوالفك...
حمزة : ليش...

ياسمين : احسك جذاب...

كبل كرصني حييل

ياسمين : ااييي بطلت ما نعقد...

حمزة : هاي شبيج دمج ثكيل جاي اشاقه وياج ...

حمزة : ها موافقة؟؟...

ياسمين : لا ...

عفتو وركضت

صعدت لنسرين سولفتلها
وكعت بالكاع من الضحك
ياسمين : لجج هيي شكو شبيج ...

نسرين : ههههههههه ما بية شي اتذكرت شي بالي ...

ياسمين : أكلج انه صدك اخاف منو بس يصيح عليه ويغلط ويخوزر ...

نسرين :بس هو حباب وياج !...

ياسمين : صح ...

دنكت راسي والعب بردن الدشداشة
بعدها أردفت

ياسمين : يمكن منا لخمس سنوات يمل مني...

نسرين : ياسمين انتي شرايدة مدامو يحبج أقبلي
واسكتي عليمن ما توافقين وانتي تعرفين مصيرج اكيد
لواحد من ولد عمي بعدد شكو...

ياسمين : مادري الله كريم ...

عفتهن ونمت

كعدت الصبح ومابيه حيل أروح لدوامي كعدت لكيت نسرين تحضر تتروح لدوامها

نسرين :شعندج كاعده ...

ياسمين : دحكتلها بتملل وتثاوبت غير اولي للدوام ...

نسرين :بس اليوم ظهري غير ...

ياسمين :اييييي والله ...

كبل رجعت الغطوة عليه ورجعت نمت
صعدتلي وفاء

وفاء : كومي ياسمين جدة تصيلحج ...

ياسمين : مو جدة هاي سوالفج ...

وفاء : انتي شنو فوك راسج ريشه ما تشتغلين ويانه نخدم بيج ونايمة للضهاري...

رفعت الغطوة

ياسمين : شتردين وفاء انتي ليش هالكد غثة مو كافي متملين بس تتعاركين ويانه...

وفاء : بلا لغوة كومي يلا...

عفتها تلغي المسمومة ورجعت نمت...

صاحتلي امي تصيح انه اعلمج وفاء اكيد حجت عليه كدامهن
نزلت...

ياسمين : يمة. تعبانه من الدراسة خلوني بس اليوم انام مدامو دوام ضهري
وفاء : اي تانشوف موته روحج ع الدراسه...

دحكتلها امي حجت
ام هاشم : روحي يمة كعدي عاونيهم وحت تحضرين روحج تاترحين...

وغمزتلي عود تريد تتجفة الشر

رحت سويت ريوك كملت ريوكي
غسلت الصحون كملت تنضيف المطبخ عليه

طب حمزة وهشام صاح سوولنا جاي
كامت ضحى سوت وانطته
رحت للدوام الظهر العصر اجاني حمزة
اخذ الجنطة مني

حمزة : بشري شونج بالدراسة....

ياسمين : شوكت ابطل بطلوني والله بس جاي اتعب ...

حمزة : خلصي السادس وأكعدي...

دحكتلو واسكتت...

مشت الآيام
واليوم عقد مالتي اني وحمزة
خابرت نسرة قبل لا نعقد وحجيت وياها
كلتلي اخذي اليحبج مو التحبينو
لأن يخاف الله بيج وما ياذيج
وبمرور الايام تحبينو والله ينزل بينكم موده ورحمة
مادام انتي متحبين الدراسه اكيد يجون يخطبوج
بس متدرين منو الزين بينهم
اما ابن عمج تعرفين زينة وشينه توكلي ع الله
ما رغبتتي بالعقد افسخو واذا حبيتي بعد خير ع خير....

اقتنعت بكلامه وصار العقد صارت مشكلة
بين علاء وحمزة وجدي ضل يصيح ع علاء
وكلو امشي اطلع برا وعمتي كامت تصيح
ع علاء لأن دومو يتعارك ويسوي مشكلة. أخذته وراحت لبيتهم
ما حاسة بفرحة شي عادي ولا عبالك شي مهم

لبست ثوب بس مال حفلة لا بي فتحة ولا صخام مستحية نفس الايام العادية بس الفرق اليوم يشوفني بلا حجاب
نسرين صارت تحجي عليه
وخلتلي مكياج واني ما احبو وهيه تطلش بوجهي
واني اخفف بي
حليت شعري كلش سرح رفعتو من المقدمة بطباكات
وجبت نصو ع صدري رتبنا
مكان العقد واجه الشيخ وكعدت ورا الباب والشيخ
يسئل واني اجاوبو

الشيخ : هل تقبلين الزواج من حمزة ميثاق عمران كزوج في السراء والضراء ان قبلتي قولي نعم انت وكيلي...

ياسمين : نعم انت وكيلي...

وهو هم جاوبو

صارت الهلاهل والجكليت
واني فرحانة لفرح اهلي مو لنفسي
طب حمزة باسني براسي واني ارجف بيدو
جدتي تصيح حبها ولك حبها لا تخاف من امها
امي ومرت عمي رعد يضحكن ويدبجن

كون يجي ذاك اليوم واعيد الموقف وامسحو من حياتي
شربني العصير وعوجت ايدي الو واني حلكي بكلاصو وعاوج ادينو الي شون ثنين بيهم كساح ومعوقين بديت العصير ع ملابسو
صار ضحك واني متفشلة من موقفي كلش صار يضحك ويمسح بملابسو لبسنا الحلقات

كال شني مرتي ما اكعد وياها...

طردته جدتي كمممم اليسمعك اول مرة تشوفها...

طلع وي جدي وابوي والبقية

وهو يضحك اول مرة اشوفو هيج فرحان ويضحك ب استمرار
فرحت لفرحتهم وخلص العقد وكمت نزعت صعدتلي وفاء

وفاء : نزلي سوي زبلاتج مو اخذتي حمزة راح تشيخين علينه...

ياسمين : انتي شبيج مكروصه من يوم الحجو ع العقد
لحد الان واذا خذت حمزة عليمن اشيخ...

وفاء :امشي لج نزلي...

ياسمين دفعتها من الغرفة وطلعتها بس نحجي نتعارك انكرصت صارلها اسبوع

وفاء تصير مرت اسعد ابن عمي رعد هي
من كرايبنا كلش يعني وعدها ٥ خوات وماعدهن اخوه وبس تتعارك تمشي وتبث سمها.

اجن يمي نسرين وضحئ وميار وغدير خوات حمزة يغنن ويركصن واني اضحك وياهن كلش فرحلي
وسجئ هيه ورغد باركلي ورجعن لعزلتهن

ميار : ها مرت اخونة...

ياسمين : هله حماتي ...

غدير : مبروك ياسمينة ...

ميار :يلا شوكت تبلشين تنضيفن بيت عيالج ويانه. ...

ههههههههه ضحكنا بصوت عالي

ياسمين : امشي لج انضف بيت عيالي والله اكول لرجلي عليج...

بقينا نسولف وبعدين نزلنا كملنا يومنا عادي كعدت بليل عود اريد أقرة لزمت الكتب واتصفن ع حلقتي
وافر بيها نمت بليل تعبانه كلش
من التعزيل والهوسة
مخليه تليفوني جوة مخدتي صار رجاج كبل كعدت
رقم حمزة هذا فصلته

حمزة : الهايشة مالتي تعاي نزليلي...

ياسمين : نايمة ...

حمزة :عجل منو يكتب...

ياسمين :انه...

حمزة :بعد شكو يعني كاعدة...

لبست شالي ونزلت طلعتلة
وصلت يمة سوالي مكان لطش بصفو

حمزة : هلا بلمنتظرها سنين•

دنكت راسي خجلانة
دار نفسة علية سحب الشال مني واني لازمة ايدو مستحية ماريد يوخرو وهو يكلي

حمزة : صرت حلالي بوية •

غمر ايدو بشعري لا إرادي
سويت حركة بجسمي هيج شون الرعشة لأن دخل ايده براسي
ضحك
ميلت راسي عنو وهو طلع جكارتو

حمزة :ياسمينة فرحتي بيج اليوم متنوصف من سنين انتظرج واليوم حلقتي بيدج حت إذا ما حابتني راضي بويه المهم انتي الي وعقدت عليج المحبة تجي من الله تدرين جان جدي يكلي هاي الك مو لغيرك صرتي تكبرين بروحي كبل ما تكبرين بعمرج
صرت اشوفج ورده وتكبر كبالي واخاف عليج من كلشي
خفت لا يخطبوج ولد عمي وتقبلين تعذبت والله وانه اكول أي تعوفني وتقبل بيهم طك كلبي وانتي مو راضيه تتخرجين من المدرسه واخطبج...

هو يحجي واني احس كلبي يدك بقوة دنكت خجلانة من كلامو اخذ ايدي باس مكان الحلقة كبل سحبتها

حمزة : لا تورينو لكلبي ...

ياسمين : بس انه ما متعودة ...

حمزة : نعسانة؟!...

هزيت راسي ب أي...

:حمزة : كومي نامي ادريج تعبانه بس اشتاقيت لشوفتج...

كمت كتلو تصبح على خير

مشيت واني لازممتو لكلبي احسو ينبض بقوة خوف ع خجل ع مشاعر مدري شنو اول مرة جسمي هيج يطخ جسمو واني كاعده بصفو و ولزم ايدي بقيت لازمة ايدي اتلمس بيها ساعه امسحها مدري شصارلي صعدت فوك كبل نمت ماريد افكر بشي

ثاني يوم كعدت تريكنا وعزلنا البيت
وصعدت حت ابدل اروح للمدرسة
لبست ملابسي ونزلت جنطتي وعباتي ونزلت
ابدل من وكت حت اكعد اتغدة وأروح كبل

وفاء : شكو لبستي عود يعني انتي لابسه
ملابس المدرسه ما نصخرج...

ياسمين : مو كملنا تنضيف بعد شكو ...

وفاء : كومي انتي وليلئ سون الفراشات
البارحة الزلم نامو عليهن بالديوانية ...

ياسمين : شو ولي عني انتي اطلعين شغل من جوة الكاع ...

دفعتها ورحت
ضلت تصيح

جدة نعيمة : شكو شبيجن ...

ياسمين :جدة وفاء طلعت روحي وحق مكة مو حجي هذا...

جدة نعيمة : ولجججج وفوية تعاي هينه تاحجيج...

وفاء :هساع جدة ابني جاي يبجي ارضعو واجي...

ياسمين :شفتي شردت وهساع جانت تعاركني...

جدة نعيمة : عبنها ما تكعد راحة غلسي عنها حبوبه...

عفتها تغدينا وطلعت وصلني هشام

________________
°°°°°°°°°°°°°°°°°°°

رانسي

جنت انضف بالمطبخ
وروحي طالعه من ام كرار وفريال وهناء
طب أمير ما اهتميتله بقيت مستمرة بتنظيف َ ولافه شالي
تقرب وكف وراي لزك بحيث طخ جسمي كبل انتفضت
باوعتلة بصدمة

أمير :من يمج كلاص اصب مي...

حجيت بنتر
رانسي : ليش متاخذ إنته وماكو مكان الا منا؟؟؟...

امير : صوتج لا اصيحلج كرار يكسر راسج ...

رانسي : اخذ كلاصك وروح ...

لزمني من زندي حيل
أمير : هم فصلية وهم بيها حظ تحجي جا ما يطلع صوتج من كرار يجي
لو تخافين يكضج ويكسرج ...

رانسي : اي الله كريم يلا روح اطلع

أمير : شكد مشتهيج هنيالة اليكضي ليلة وياج

نقذتني امه من حجت

ام كرار : تعاي الفصلية تعاي نظفي الحوش بسرعه ...

ركضت شردت عسما تخليني اهدم البيت وابني ولا أمير يتواجد ويايه
رانسي :البارحة نضفتة مابي شي ...

ام كرار :امشي الكح...... شون ترادد ...

مشيت وكلت بصوت خافت شيسوي بيج الله بعد
كعدت اغسل الطرمة مي بالصونده وامشي الماي بالمكنسة اليدوية
طلع أمير حجة حجايته وطلع

امير :شون جسم يخلي الحرارة توصل لراسي ...

تفلت ورا وكملت تنظيف
وإني الموقف يحرك بروحي تعبت من كلامة البذيء ويايه صار يتعدة حدوده وهذا كرار الطرن بيد فريال وامة
نظفت الصالة
واسمع ام كرار ورسل يحجن

رسل : فوك ال٤٠ مليون الاخذتوهم هيج تسوون والله ليلى ما أنامة بسبب ضلمكم ...

ماتوقعت ال٤٠ مليون فصل من عدنا عبالي تحجي ع غير سالفة
بقيت انظف كملت تنضيف طب كرار

فريال وينج...

فريال : ها...

كرار :صبيلي غده...

فريال :كول لهاي الخدامة....

كبل كفشتها من راسها طلعت حركت أمير بيها كطعت رأسها المكفش جنة سيم مواعين كاملي كرار كسرني هو يضرب بيه واني كطعت فريال شعرها صار بيدي

اجتي رسل كام تصيح جرتني وكلتلي
امشييي طبي بغرفتج
تفلت ع فريال وركضت وكفت ع الباب

فريال : الكح..... َ ام الزلم ميته ع رجل ما لكيتي الا رجلي...

رانسي : رديت عليها واني امسح بيدي
من كتلت كرار العار ديلا من زين رجلج هسه انتي...

بقيت بلا غدة وكاعده بالغرفة استغليت راسلت أديان وياسمين
ياسمين عقدت ع حمزة كلش فرحتلها لأن حمزة يموت عليها كتلها احسن ما ترحين للغريب ما تعرفيهم شنو ما شنو

طلعت العصر فتحت الباب وطلعت واني حالفة اليوصل يمي نهايته بيدي كدما مختنكة تخوزر بية فريال رحت صبيت وكعدت اكل بالمطبخ
حت اكلهم مدري شنو يسوون سمجة بالمرك ويتعاركون عليها اكلت تمن خالي وشربت مي صار الليل رحت للكبر مالتي
جنت ضامة تليفوني لكيت جايتني رسالة

....
إيهاب المالكي

انتة ابالي احسك وين ماروح
واذا وياي تمشي شلون تبعد
شما تلتفت عيني الكاك موجود
ويتراوالي وجهك وين ماصد
اغمض والكى ظلك يمشي بالعين
بحيث من ارد اجيك برمشي تلبد
وانوط عن خيالك واقترب ليك
وتتلاحك روحي تصيرلك سد
حيرة وماعرفت شلون وياك
تصفة ويمشن احساسين بالضد
علية يصول شوكك وانة الاكيك
وعليك خيول ضعفي الجامحة ترد
جرحي وياك ماراويتة للغير
موقصة شماتة وخوف من ند
حلو جرحك واحس تعلقت بيه
واحسب لاتشوفه عيون تحسد
لو كل جرح يشبه جرحك يصير
الا احلف يمين جروح ماشد
اسد بابك بكلبي بغفلة الروح
وتفز مرعوبة روحي تصيح شتسد
انة بحالة تناقض وانقسامات
وصراع وفوضوية وموجد وجد
بحيث انشطر شخصيتين وياك
اكرهك واليحبك يمي يكعد
احط موعد لنسيانك واجي اردود
احط للموعد البيه ننسى موعد
بعدك وافتهمناه طيفك شبيه
كبل ماسامع انة بطيف يبعد
خفت عن لايمر وجفني مطبوك
كمت حتة من انام عيون ماسد
كانك شارد ودمعات العيون
عليك ابين اليمرون تنشد
ناس هواي اليدخلون بالروح
ولكن محد يظل كلها تشرد
وراك تصير وحشة موت بالروح
بس المايخاف بروحي يكعد
حلو وجه الفرح بس شفتي تكول
تبت وبطلت قمصان ماقد
تسالني منو الوياي بجفاك
على دمعتي لو ع الموت تقصد
اطمأن ماشوف وجهي عيون مابيه
على دربك عيوني متانية ترد
حسبت اطول مسافة لزعلة وياك
خطوة وجنه بيها شوية نبعد
كل مانشمي بيها انفاسنة تضيك
ماتكمل الخطوة للهوى نرد
حجر صدك بماي الواهس يطيح
ثواني ويصفى خلكي وزعلي يركد
تعال الشوك هم بيه فزعة مرات
لهذا على اليموت دموعنة تهد
تعبنة الاصابع خلها ترتاح
كضينة الفركة كلها بيهن نعد
عله سنبل اسراري وباجر يجوز
بيها جفوف اليشمتون تحصد
انة بلياك اقوت ساعة الموت
بس يالحظة اموتن مامحدد

........

سمعتها بصوت إيهاب المالكي واني ابجي حسيته ذكرني بحالي بروحي القديمة بعيشتي اني وين جنت وهسه وين بجيت ب الم بنحيب الدنيا حسيتها سدت بابها بوجهي
عدتها مرة الثانية تعالت صوت شهكاتي

رجع كتبلي

_ شلونها طالبتي...

_ ع آلله عايشة...

_ معذبيج؟!...

_ لا مرتاحة...

_ نسرة...

_ ها دكتور ...

_ ظلمة بروحي نفس ضلمة ليلنا •

_ ليش...

_ عوفج من الليش أسبابها تكتل
المهم الياذيج لو بمقدار شعرة بس اتصال واحد تلكيني يمج اكلب عاليها ع سافلها لا تخافين يولي لا يردج لسانج وتتحملين الضيم انه موجود...

_ ربي يسلمك متقصر مرتاحة ماعدهم شي وياية...

بعد ما رد علية

عدت الشعر مرة وثنين بقيت افكر شنو معناه وليش دزليا ليش رجع ذكرني
تعبني فوك تفكيري دكتور ضرغام احس المثلة ميحب مدري ليش ملامحة جبروته ضاهرة ميدل ع حب وسولفتلي عنه ياسمين احسه اشبه بالحجر ماعنده كلب للحب

بس دزليا لأن يمكن جنت طالبته المميزة من اشطر بنات شعبتة
هواي صارت النا مواقف جان دائما يستدعيني نسوي أوراق الطلبة
ومن يصير شي او نريد نعيد امتحان البنات يودني واني اموت من المستحة كوه اطلب منه

يعرف هم موديني لأن زينه بامتحاناته
خلصت أشهر وياه حلوة رغم مواقفنه
مرات اتفشل ويا مرات اضحك مرات ابجي من امتحانته بس ما فديوم حسسني بموقف حب ما فديوم سمعني كلمة مو حلوة بحقنا كطالب واستاذها وجان كلش غيور وصاحب غيرة مبين علي ومن عرفته هو ابن شيوخ ما استغربت هم دائما هيج يصيرون حت الغريبة
بس جان دائما نضراته صعب تفسيرها الي

اتذكر موقف

جنت لابسه بلوزة مارونية وتنورة نيلي طوخ ومخليه حمرة طوختها الي أديان صدفة خلتلياها لأن اني دائما اطلع من بيتنا ما اخلي حمرة اسم حمرة اطبطب بيها ع شفايفي

رحتلة لمكتبتة قبل لا يجينه وديتله الأوراق مال الإمتحان
دكيت الباب سمحلي بالدخول دخلت
رفع راسة علية

رانسي : شلونك دكتور...

بلع ريكة صعدت تفاحة ادم الي عنده ونزلت بخفة
ضرغام : من الله زيين...

ضحكت بصوت خافت واني اكلب بالاوراق ارتبهم
رانسي : ومن عبادة؟...

مسح كصته بتوتر وجان الجو بارد وهو وجهه عركان
نزل ربطة العنق من يم ركبته فتحها

ضرغام:عوفيهم الأوراق وروحي لتتاخرين ع محاضرتج...

ابتسمتله وطلعت ما استغرب من ردودة ولا أضوج هو دائما هيج

ردت اطلع حجة بتردد وخفوت وصار وراي
ضرغام : أحمم هاج اخذينو...

باوعتلة مادلي كلنكس

استغربت اخذتها من ايده وأريد اطلع
كح مرتين وكلي

ضرغام : ءء يول اكفي...

رانسي :ها...

ضرغام : شوية قوية اليوم....

عرفتة يحجي ع حمرتي بس استغبيت حبيت موقفة
رانسي :شنو القوي...

تقدم خطوة كبالي رفع ابهامة وعكسة شون المثلث صار ومن عكسة بعضمة الي ارتفعت مشاه بخفه ع شفايفة واشر بنظرات عيونة ع شفايفي
دنكت راسي واومأت راسي بقبول وطلعت

~~~~~~

رجعت من صفنتي ونزلت الشعر بتليفوني وصرت استعملة الئ أن نمت والدمعة ع خدي ع حالي اريد ارجع لحياتي القديمة
ماكدر اسهر بسبب ام كرار

تكعدني من الصبح تضل تصيح وتهرج الدنيا بصياحها
وتخليني غصب عني اكوم
حت لسطح تصعدني اعزل بي
اكو عدهم مبردة فوك عطلانه
تكلي نزلي بيبانها وغسليهم جاينه الصيف
نريد نخليهن لهاي المبردة الجوة

كلشي يهون الا قهر أمير الحقير صار يتحرش سوالي رعب
صرت من أشوفه اركض اطب للغرفه
وأم كرار تخلي كرار يضربني

بيوم كرار أخذ امه وهناء وراحو للدكتور فريال راحت لأهلها هيه وجهالها بقت بس رسل واني باالبيت
رسل لبست عبايتها كلتلي رنوسة رايحة اجيب دشداشتي من الخياطة وخيطتلج هم
كتلها ماشي طلعت و.............

°°°°°°°°