بارت32
"ولما بدا لي أنها لا تحبني
وأن هواها ليس عنّي بمنجلي
تمنيت أن تهوى سواي لعلها
تذوق صبابات الهوى فترق
لي فما كان إلا عن قليل
وأشغفت بحب غزال أدعج
الظرف أكحل فعذبها حتى
أذاب فؤادها وذوقها طعم
الهوى والتذلل فقلت لها:
هذا بذاك، فأطرقت حياء
وقالت: كل ظالم مبتلي"
*****************
قراءه ممتعه.....
فاطمة_ رحت بغير عالم فصلت طيبه تحجي وياي مااسمع بس حسيت كرصه قويه باوعت
سهاد_احجي لاتفشلينا ردي!
فاطمة_باوعتلها بتوسل همست ماريد ماما ماريد
سهاد_جريتها من زندها وابتسمت بجذب كلبي محروك لاتشعوطيني فاطمة ردي على السيد
فاطمة_همست بغصه ماما اتدمر والله مستقبلي يضيع
سهاد_انتِ ضيعتي بيدج ردييييي
فاطمة_حجيت بغصه نعم وانت وكيلي نزلت دمعتي ومسحتها بسرعه
صارو النسوان يباركولي
وشويه ودخل ابويه وشاهين مبقو هواي نسوان بقيت مدنكة وازلغ بايدي
صلاح_تفضل ابني تفضل
فاطمة_رفعت راسي باوعتله بحقد ودي اكله بسنوني وهو مبتسم ويباوع بعيوني اعرف نضرته المستفزة
سحبني بهدوء باس راسي ويباوع بعيوني واني بالكوه لازمة دمعتي لبسني الذهب تقرب يلبسني الكلادة وهمس بأذني
شاهين_ صرتي الي ياراحتي
فاطمة_ الله ياخذك
شاهين_ابتسمت راح اعتبرها احبك غمزت
فاطمة_فلتت ايدي من ايده وهو راح ويه ابويه للصالة
كمت اهفي على وجهي ماريد ابجي
زينب_عزاا لو تشوفن برة جم سيارة وشكد ناس اكثر من كرايبنه بقاطين
طيبه _اي معاريف شاهين ذوله
زينب_كلجن تزوجتن بس اني اخخخخ يحضي خلي اروح اشوفلي واحد ينعجب بسحر عيوني
طيبه_حتى شاهين يفكسهن لعيونج كعدي
فاطمة_رحت لغرفتي ابدل ولحكتني خالتي سهى
سهى_ مبروك يمة
فاطمة_ خالة تضحكين عليه لو تواسيني
سهى_احسه يتغير والله بس اتحمليه هو ختارج انتِ
فاطمة_تنهدت بقهر ياريته مامختارني دمرني
سهى_اتحملي واصبري وشوفي شلون يتغير
فاطمة_حاجي امي خالة فدوه ماريد تبقى هيج زعلانه وياي
سهى_ادللي والله احاجيها كون قبل عرسج
فاطمة_هو شوكت عرسي
سهى_بعد اسبوع
فاطمة_شهكت هااااا؟؟
سهى_اي بعد اسبوع
فاطمة_شبسرعه الي مايعرف راح يعرف شبيكم
سهى_سوالف امج بعد وهو شاهين هم
فاطمة_طلعت من الغرفة معصبه لكيت امي وام شاهين والبنات
شنو السالفة ليش بعد اسبوع الزواج!
سهاد_اي هايهيه قررنا اني وام شاهين ولا مناسب
فاطمة_اسبوع اسبوع ؟؟؟؟
سهاد_خزرتها اي اسبوع نخلص كلشي كعدي ام شاهين تسولف وياج
ام شاهين _تعاي كعدي يمي فطومتي تعاي
فاطمة_ كعدت وابتسمت بمجاملة شويه ودخلو شاهين كعد بصفي ،وابوي
سهاد_ها راحو كل الناس ضيفتهم
صلاح_اي عيني الكل راح
ام شاهين _وجان تصير المدعبله لابنيي
فاطمة_ هزيت ايدي بسكوت وهمست عساني لاصرت
شاهين_همست ليش المدعبلة
فاطمة_ وخر الا تكعد هنا مااطيقك
شاهين_بس اني اطيقج وزايد
فاطمة_اخذت نفس عميق اريد اهدئ
شاهين_عمي من رخصتك عادي باجر نطلع اني وفطومة نحجز قاعه والفندق وهالسوالف
صلاح_براحتك وليدي
فاطمة_اباوع لامي تريد تنفجر بقيت افرك بايديه لزمت ايدي شاهين يعصر بيها على كيفه خزرته وسحبت ايدي
راحو وبقت خالتي عدنا لزمت ايدها تعالي نحجي ويه امي حبابه
سهى_تعاي يروحي
فاطمة_ رحنا للمطبخ واني واكفه بضهر خالتي
سهى_عوفي الشغل الي بأيدج وكعدي
سهاد_اعرف الموضوع سخيف ماكو داعي اضيع وقت
سهى_سهاد كعدي جريتها وكعدتها
معقوله تسوين هيج ويه بنتج!؟ الواحد ميغلط وهيه صغيرة حتى ماعرفت شلون تتصرف
سهاد_لا لا أكو شي اسمة خوف هيه ماتخاف من اخذها سوه عملته ماخافت ماكالت امييييي هذا لداقني سهى كلبي محروك يجي يوم اطك واموت والله
فاطمة_شهكت والله ماجنت بوعي مادري مادري
سهاد_اششششش ماكو شيء اسمه مادري كولي اتصرف بكيفي خليج هاي نتيجة افعالج القذرة خلي بعلمج بس تتزوجيه باب هذا البيت متدخلين يضربج يكتلج يشنقج معليه
سهى_سهاد بله هذا هم حجي
سهاد_اي عين العقل كافي سدي الموضوع سهى
فاطمة_حطيت ايدي على حلكي وطبيت للغرفة متت بجي ابجي واحجي ويه رب العالمين
ليش ياربي شمسويه حتى اتعاقب هيج شمسويه حتى تدزلي شخص مثل شاهين والله تعبت امي روحي من الدنيا تباوعلي بهيج نضرة ليش ليش حضنت نفسي واني اشهك لحد ماغفيت بتعب
كعدت الصبح على مكالمات شاهين رفضته اكثر من مرة وهو يتصل
اخر شي جاوبت
شكووو
شاهين_راحتي نايمة
فاطمة_غضب الله عليك وعلى راحتك كون صاروخ يطب براس براحتك واخلص
شاهين_اسم الله بيه ولابيج
فاطمة_امين
شاهين_يلا خلي نطلع
فاطمة_باوعت للساعه ب10تره شنصخم
شاهين_عادي بكيفي يلا بدلي
فاطمة_سديته وفركت وجهي بقهر دخلت سبحت وصليت وبدلت لفيت شالي وطلعت
لكيت بس امي
ماما اني طالعة سكتت ماردت
دنكت راسي ومشيت رحت لبيتهم لكيت زينب تغفي على الميز وام شاهين
ام شاهين _هلا بفطيمة هلا يمة كعدي
فاطمة_ هلا خالة صباح الخير هزيت زينب الله بالخير
زينب_بنعاس اريد ابطل هنيالج مفصولة
فاطمة_عطت شنووووووو
زينب_اخخخ اذني خرب اي نفصلتي نسيت اكلج
فاطمة_شنو القضيه كل يومين مفصوله محاميه جيس حب
زينب _عههههههههههههههههههههه يابويه
فاطمة_ووجع محد فگرني غيرج وينه هذا موكال هسه نطلع
زينب_روحيله بغرفته غمزت
فاطمة_لا عيني دخيلج اخوج ميتحكم بمشاعره
شاهين_ صباح الخير
زينب_صباح النور عريسنه شوف وجهة مورد كل يوم اسود عبالك بني اميه
فاطمة_ماكو فرق للان بني اميه
شاهين_ مو اجي اركع نعل
ام شاهين _يغارن منك يمة شحلاتك الطول السمار الهيبه فدوه لله
فاطمة_تقربت من امه خالة بحضج وبختج من عرفتي بنفسج حامل بهذا هم فرحتي
ام شاهين _يايمة شلون ماافرح هذا فرحتي الاولى
فاطمة_ باوعتله يباوعلي صفح وزينب تضحك
شاهين_يلا كومي حبيبي
فاطمة_كشرت وجهي يلا بيياي خالة
ام شاهين _بالسلامة يمة
زينب_ديرو بالكم لايصير مكافش بالشارع ضمو عرايكم بالبيت فشله
فاطمة_ ان شاءلله ،
صعدت بالسيارة واني ماطايقه نفسي كل مااشوفه اكره الدنيا ومابيها
شاهين _اي وين تريدين تروحين
فاطمة_ ماريد
شاهين_انطي من روحج فاطمة
فاطمة_مادري وين نروح
شاهين_نروح نتريك اول شي
فاطمة_هزيت راسي
رحنا لمطعم حلو هادئ بشكل كعدت بقيت صافنه على المنضر لكدامي
شاهين_لزمت ايديها بستهن فطيمتي
فاطمة_باوعتله هممم
شاهين_احبج
فاطمة_ماحبك سحبت ايدي ،صدك شو رجلك عادي تمشي عليها مو محروكة
شاهين_حطيتلها ملح وصارت زينه
فاطمة_فتحت عيوني جذب ملح!
شاهين_اي
فاطمة_ماتاذيت ؟
شاهين_تاذي بس ماااحس
فاطمة_وليش ماتحس
شاهين_هيج مااحس الواحد من يمر بضروف هواي ويجي ضرف صغير كدامه يحسه ولاشي
فاطمة_ يمة لو اني اضل اسبوع ابجي لزمت رجلي بألم
شاهين_ ابتسمت رقيقه فطيمتي
فاطمة_بقيت بيها رقيقه انته
وصل الاكل واكلنا اني اكل بسرعه وهو بهدوء
شاهين_على كيفج
فاطمة_متعوده اكل سريع
شاهين_ موزين شربي مي
فاطمة_سبحان الله شكد مااطيقك
شاهين _سبحان الله ادري
فاطمة_قاطعتنا طفله صغيره ومدعبلة تجنن اني شفتها بس شاهين منطيها ضهره لمست شاهين وكالت
_بابا
شاهين_انداريت وباوعت بستغراب
_بابا
فاطمة_يربي شو هاي حلوة
شاهين_شلتها وابتسمت وين ابوج
فاطمة_صغيره اعتقد ماتحجي
شاهين_عمرها ثلث سنوات تحجي
فاطمة_شمدريك لا سنتين صغيره
شاهين_بوية ثلاثه مبينه شو باوعيلي
_بابا
شاهين_لطشتي بويه
فاطمة_اباوعله يضحك وياها ويسولف والبنيه واضح تحجي بس كلشي مينفهم منها وتضحك اجت امها تركض
_ولج شهزن وين رحتي ماما
_بابا
_اخذتها اعتذر جدا لان تشبه ابوها عبالها ابوها
شاهين_عادي ماصار شي
فاطمة_عمرها سنتين مو
_لا ثلاثه
فاطمة_ابتسمت الله يحفضها
_ويحفضكم
فاطمة_شمدريكككك
شاهين_توقع
فاطمة_هسه يطلع عندك درزن جهال مااستغرب منك خبل
شاهين_تؤ انتضرج تسويلي انتِ الدرزن اريدهم يترسون البيت
فاطمة_احلام العصر كوم كوم
تمشينا هواييي بدون سيارة والجو حلو بدايه شتا والهوا
يلا نرجع
شاهين _تؤ لليل يلا نرجع
فاطمة_شعندك اليوم
شاهين_هيج حرام اطلع وين خطيبتي
فاطمة_حضني من كتفي واحنه نمشي جان الكورنيش فارغ تقريبًا ،احنه محسوبين على المخطوبين يعني
شاهين_ليش لعد تعاي اشتريلج ملابس
فاطمة_ماريد خاف ذوقك مو حلو
شاهين_سحبتها خلي نشوف
فاطمة_دخلنا للمول وضل يفتر من محل لمحل مايعجبه الملابس وعنده فد خلك طويل من يمي مليت اخر شي ثبت على محل رهم اكثر من قطع وحتى قياسي يعرفه
شاهين _روحي قيسيهن
فاطمة_تثاوبت صارلنه ساعتين وأخيرا اخذتهم ودخلت اقيس اول لبسه جانت تنورة كبس سوده وبوت اسود وتيشرت يكون للنص ذهبي وربطه بيها اسود وذهبي طلعت جني المصريات بالأيام القديمة بس حلو التنسيقه
طلعتله
شاهين_هزيت راسي عجبتج ؟
فاطمة_حلوة
شاهين_قيسي الباقيات
فاطمة_رحت قست اللبسة الثانيه جان بنطرون بيجي قماش وقميص مربعات ابيض وبني وتيشرت جواه ابيض وحذاء رياضي ابيض
طلعتله
شاهين_تقربت عدلت القميص وبست خدها حلوة اكيد
فاطمة_نحرجت من نضرات البنات الي بالمول اروح البس اخر لبسه
دخلت بسرعه جانت رسميه قميص ابيض بيه حركات من الصدر وبنطرون قماش اسود وسترته وكعب احمر
طلعتله شاهين اول مرة البس رسمي
شاهين_عادي تعودي حلوة طالعة ماعجبج ؟
فاطمة_هزيت راسي لا حلوه ردت اطب ابدل سحبني
شاهين_لبسي ذني وابقي بيهن
فاطمة_ليش
شاهين_يلا
فاطمة_دخلت جان جينز اسود وسترة جلد سودة وتيشرت اسود كلشي اسود وبوت طلعت لكيته لابس نفس لبسي
هاي شنو عصابه
شاهين_ لزمت ايدها عجبني نلبس نفس الشيء
فاطمة_ دفع وطلعنا صار العصر
وين نروح بعد
شاهين_نختار القاعة والفندق ونتعشا ونرجع
فاطمة_ بقيت ساكته رحنا اول شي للقاعة هو اكثر من قاعه سولف عنها واني ساكته واهز براسي
رحنه للاولى
شاهين_تؤ تخنك
فاطمة_شبيها حلوه
شاهين_لزمت ايدها تخنك حبيبي
فاطمة _محد غيرك يخنك
رحنا للثانيه
شاهين_جبيرة زايد وديكورها قديم
فاطمة_ المشكله يحجي ويعلق كدام اصحاب القاعات من يمي اتفشل همستله ،شبيها مرتبه!!!!
شاهين_تؤ امشي
فاطمة_ رحنه للثالثه بدون ميباوع راح لغيرها
واني على اعصابي اني اعرف ذوق المراه صعب
همستله عمي خلي نتزوج بالشارع راضيه بس فضني
شاهين_ ها هيج تكولين غمزت
فاطمة_ كسرت وجهي ولاينحجي وياك
رحنه للخامسة وأخيرا صفن صفن
هاااااا؟؟؟والنبي تعبت بعد الفندق هم
شاهين_حلوة تمام المشكله قاعات بغداد احلى ...
فاطمة_تخصرت كدام الرجال نسيته شنو قصدج محافضتي موحلوة ؟
شاهين_خزرتها يمعوده قابل كلت موحلوة
فاطمة_ استوعبت وتعدلت حجزنا ورحنا للفندق
حباب واحد بس واحددددددد مانفتر
شاهين_ اي واحد اعرفة هذا الفندق حلو راح يعجبج
فاطمة_زين اخذت رأي يعجبج "
شاهين _ليش
فاطمة_ مو بالقاعه سحلتني من وحدة لوحدة بدون ماتاخذ رأي
شاهين_غير ترتاحين بيها قابل اني راح ادك واركص بيها
فاطمة_ماركص لاتخاف
شاهين _وذاك اليوم بالمطبخ منو تهز بط**
فاطمة_ عضيت شفايفي بأحراج منو محد درت وجهي الجامة
وصلنا للفندق واستقبلونا واضح يعرفون شاهين جان يجنن وفخم طلب منهم يشوف السويت بنفسه دخلنا اني وشاهين ومدير الاستقبال
جانت اول متدخل غرفة جبيرة وبداخلها حمام وركن بيه ميز صغير وباب البلكونة جبير زجاج فتحه وصار بوجهنه مسبح مغلق زجاجي جان ديكورها فخم فخم
شاهين_لزمتها من خصرها همممم شنو رأيج
فاطمة_هزيت راسي حلوة
شاهين_ ثلاث ايام كافي
فاطمة_فتحت عيوني صعدت نفسي اريد اهمسله عيب من الرجال هو ستغل الفرصه وتقرب كلش توترت حتى نسيت شردت اكول
شاهين_ابتسمت اي احجي
فاطمة_ نزلت نفسي هيج ماكو شي
رجعنا بالسيارة
شاهين_وين تريدين تروحين بعد
فاطمة_خلي نرجع تعبت
رجعنا وبنص الطريق شاهين!!!
شاهين_عيوني
فاطمة_جوعانه
شاهين_ستوج تذكرتي يبعد كلبي
فاطمة_بقيت ساكته
شاهين_ وين تريدين تروحين
فاطمة_مااروح اريد فلافل بالسيارة
شاهين_ابتسمت وهزيت راسي خوش
فاطمة_نزل جاب الي بس باوعتله
ماتاكل
شاهين_تؤ اكلي بالعافيه
فاطمة_ عود اكرهك لاتصير لطيف اكلت
شاهين _هزيت راسي
فاطمة_شو اليوم هادئ مو مجلوب
شاهين_ تجيب المصايب لروحها شلون تريد اكفخها جم عجل ادميها
فاطمة _اي هذا شاهين المخبل مايلوكلك اللطف
شاهين_ادللي
فاطمة_اريد كلنكس
شاهين_هاج باوعت لايدها
وين حلقتج
فاطمة_رفعت ايدي الي بيها اللفه هاي
شاهين_تره لازم تصير هنا باليسرى
فاطمة_ وين حلقتك لعد
طلع كلادة من صدره بيها حلقتين
تقربت هاي الثانيه المن
شاهين_ ذكر قديم
فاطمة_ردت الزمها رجع حطها جوه ملابسه
كلبت وجهي وبقيت اباوع من الجامة
شاهين_ شبيج
فاطمة_بقيت ساكته
شاهين_ هسه البسها عمي
فاطمة _مايهمني
شاهين _ليش ضايجه يروحي
فاطمة_ ماضايجه عليمن اضوج
شاهين _لزمت ايدها بستها اهم شيء ماتضوج ام الفلافل
فاطمة_ اهوووو وخرت ايدي وشميتها بيها ريحة فلافل وهو طكها بضحكة اخذت عطر من جنطتي وتعطرت واني اخزرة
عليمنننننن تضحكككك
شاهين _احبج حتى لو بيج ريحة فلافل
فاطمة_ وصلنا وردت انزل سحبني من خصري طفى اضويه السيارة صارت ضلمة
همست بخوف شاهين؟
شاهين_اششش بس ارتوي
فاطمة_شاهيييننن بعدت نفسي وسحبني باسني بهدوء عكس كل مرة
فصلها وصار يطبع بوسات خفيفه وهمس بهمس رجولي
شاهين _احبج
فاطمة_ سحبت نفسي ونزلت اخذت الاغراض ودخلت للبيت بسرعه ووجهي بركان
دخلت جانت الساعه ب9:00
سهاد _بعد وكت لو بايته
فاطمة_اسفة تاخرت حجزنا قاعه والفندق واشتريت ملابس
صلاح_تونستي بابا
فاطمة_هزيت راسي وعيني على امي عبالي مثل كل مرة تفتح العلاليك وتشوفهم وتضل تحشش على ستايلي
"ماما ماتشوفين ششتريت ؟
سهاد_تؤ
صلاح_تعاي بابا اني اشوف امج فاصله فيوزها
فاطمة_كعدت يمه اشوفه الملابس وهي دايرة وجها انقهرت كلش شلتهم علكتهم بالكنتور وبدلت وتمددت بتعب
مرت الايام واجه يوم العرس ومن تحضير الملابس والجنطة وسوالف كومة تكسرت وجنت جوعانه كعدت بالمطبخ قبل لاروح للصالون الكل ملتهي يحضر واني تعبااااانه
اجت امي حطتلي اكل ومشت تعرفني من اجوع لزمتها من ايدها وحضنتها حيل وبجيت
"مو كافي حبابه ماما
سهاد_دفعتها الناس جوة لاتفتحين الموضوع كل دقيقه اكلي وروحي للصالون بسرعه
فاطمة_ كعدت اكل وابجي الدموع ختلطت ويه اكلي دخلن زينب وطيبه
طيبه_فطوووم حبيبي شبيج
فاطمة _ هزيت راسي ماكو شيء بس تعبانه
زينب_حقج بيتكم مافرغ من الصبح المهم ماعندي شيء نروح للصالون
فاطمة_هزيت راسي جنت انتضرجن أصلًا
رحنا للصالون واني مالي واهس بأي شيء كلت للمرأة تسوي كلشي بكيفها
طيبه_فطوووووم انطي من روحج شويه تفائلي حبي
زينب_لا حبي ادري شلون تتفائل بلا زحمة خيه علكي رعد الناصري
سديت الشال
طيبة-اهووووو اذا من هسه شتبقين للقاعه
زينب_ولايهمج حتى بالقاعه اركص
فاطمة_صارت تركص ومندمجه وتغني واحنه نضحك عليها حتى العاملات صارو يركصون وياها
طيبه_صخماممممم كعدي فضحتينا
زينب_اويييي هسه وذا يلا تعاي خيه لطخيني مكياج تعبت
فاطمة _خلصنا تقريبا 3ساعات ايدها خفيفه وشغلها يجنن
طيبه_اجه اجه شاهين تعالي البسج البرقع
فاطمة_لبسته وطلعت كلشي مااشوف لان جبير بس حسيت ايده لزمتني وصعدت وصعدن زينب وطيبه رفعته مختنكة باوعتله لابس كلشي اسود
شاهين_بست ايدها طالعة اميره راحتي
فاطمة_بقيت ساكته واباوع بعيونه ولازمة البجيه بالكوه
وصلنا ونزلنا قبل لندخل القاعه يعني بالباب الداخلي وكفت طيبه نزعتني البرقع وعدلت بدلتي لزمت ايدي حطتها بأيد شاهين
طيبه_يلا تفضلو عرسان
فاطمة_دخلنا وشتغلت اغاني ماجد المهندس واني صايره بركان من الخجل كعدنا شويه اجه الكل يباركلنه
المصورة_يلا عرسان رقصة السلو بدت
فاطمة _باوعتله وهمست ماعرفففف
شاهين_سحبتها عادي سوي مثل مااسوي
فاطمة_حطيت ايدي على كتفه وهمست شنو راكص سلو من قبل
شاهين_اهوووو سلوجي بزمناتي
فاطمة_ابتسمت بأستهزاء خوش سلوجي
شاهين_ اريد بوسة
فاطمة_اياااااكك
شاهين_غمزت عود ليش
فاطمة_لا فشله شوف الكل عيونهم علينه وكرايبك خاصة يريدن ياكلني
شاهين_يغارن منج لان حلوة هسه متنطيني بوسة
فاطمة _ لا ! شوكت تخلص هاي السلو تعبت الكعب عالي
شاهين_اكول طالعة طويله اكول هاي مو المدعبله
فاطمة _التنمر يمشي بدمك
خلصت الرقصه عبالي راح يروح سحبني من خصري وطبع بوسة بكل جراءة كدام الكل
لزمت ايده بأنحراج وغمضت عيني بقوة
شاهين _كافي خلصت عليمن مغمضة تريدين بعد
فاطمة _ تعدلت وهمست الله ياخذك روح يلا روحححح
شاهين _ابتسمت وطلعت
فاطمة _كالفين اليوم مااكعد التمن البنات يمي يركصون حولي بنات عمي وطيبه وزينب سحبت نور تركصها غصب واخر شي ركضت ونست روحها
"اريد اكعدددد عوفوني
زينب_انجبي وصمخخخخ مو عرسج ركصي كدامي يلا
طيبه_اهوو زينب عوفيها متوتره تعالي فطوم كعدتها وعدلت بدلتها
فاطمة_اجت يمي خالتي تسولف وياي وتبعد التوتر
سهى_خليج هادئه ماكو شي يروحي عليمن متوتره شوفي الكل لاحض
فاطمة_خلي يلاحضون طز خالة امي وين
سهى_داتسلم على المعازيم هسه تجيج
فاطمة_وين تجيني متاكدة ماباوعت بوجهي أصلًا
سهى_ هسه اصيحها
فاطمة_راحت جابتها واجو سويه وامي تبتسم بمجاملة اعرفها
سهاد_ها مرتاحه محتاجه شي
فاطمة_محتاجتج
سهاد_كعدتج مرتاحه بيها
فاطمة_يمة باوعيلي باوعي بعيوني
سهى_سهادددد باوعي للبنيه حرام عليج
فاطمة_دنكت وعافتنه وراحت باوعت لخالتي بنكسار وبالكوه لازمة دموعي
اجت ام شاهين ووياها نسوان اتذكرهم زوجات عمامه
_الف مبروك داده خوش لفيتي واخذتي هههه
_مبروك عيني گرة عينج
_مبروك..
فاطمة_هنه يباركلي وكل وحدة تذبلها حجاية وخطية ام شاهين تفشلت وانحرجت من كلامهم لزمت ايدها
عادي خالة شاهين كال يغارن منج حلوة ابتسمت
ام شاهين _اروح فدوه صدك حليوة ابني يختار صح هم جمال وهم آدب
فاطمة_تحجي وعينها عليهن خلتهن يمشن ويبسبسن
فاطمة_مرت ساعتين واني تعبت حلكي نشف واطرافي ترجف مادري ليش وعيني تغوش صرت اشرب مي واحس حلكي ناشففف
طيبه_كومي فطومه اعدلج البرقع ابوج راح يدخل هو وعمامج يسلموج للمحروس ديري بالج علي اخوي رقيق
فاطمة_ سودة عليه رقيق لبست البرقع للنص حتى مااختنك ودخل ابويه عيونه تلمع ومبتسم
ابتسمتله وبوسته باس راسي وكال
صلاح_الف مبروك يااعز مااملك يافرحتي الاولى والاخيرة
فاطمة_ نزلت دموعي وحجيت بغصه الله يبارك بيك
صلاح_ضحكت عليمن البجي ياروحي مسحت دموعها
فاطمة_وكفو عمامي يباركولي ودخل شاهين لزمت ايد ابوي وتقدمت
صلاح_ الف مبروك وليدي تره انطيتك اغلى ماعندي وانته عندك الحساب بدون ماكلك تحطها بعيونك
شاهين_ الله يبارك بيك عمي ، باوعت بعيونها شلون احطها بعيوني وهيه عيوني ؟
صلاح_ههههههه حطها بكلبك لعد
شاهين_من زمان بكلبي عمي لاتحاول هاي منكوعة بكلبي
صلاح_ الله يسعدكم يارب يلا توكلو بالسلامة ان شاءلله
فاطمة_بقيت اباوع بالوجوه على امي شفتها واكفه بزاويه وحدها عفت الكل وركضتلها حضنتها حيل
"عليج الله لاتدفعيني بس خلي اشبع منج احجي واشهك واشم بعطرها صعبه هيه اقرب شخص الي وهسه عبالك غريبة عني
سهاد _ الله يسعدج
فاطمة_باوعتلها بتوسل واني ابجي كافي حبابه بست ايدها كافي
سهاد_زوجج ينتضرج يلا بالسلامة
فاطمة _ دنكت راسي ماكو فائدة اعرف امي من تاخذ موقف
لزمت ايد شاهين وجسمي كله يرجف نزلت البرقع وصعدت السيارة جانت هوسة هوسة كلش اغاني واني بغير عالم فاصله واطرافي ترجف
حجيت بصوت مبحوح
اريد مي
شاهين_ هاج،رفعي هذا السيارة مضلله
فاطمة_رفعت البرقع وشربت مي
شاهين جسمي يرجف مادري ليش وغواش بعيوني
شاهين _ وكفت السيارة باوعتلها شبيج يروحي خاف سكرج صعد
فاطمة_مادري صارله مدة ميصعد طبيعي فركت صدري واخذت نفس
شاهين _ جايبه دواج
فاطمة _ اي بس بالجنطة ليورة
نزل بسرعه جابه وصعد
شاهين _هاج شربي هسه من نوصل للفندق اخابر الدكتور
فاطمة _ شربت الدوة لا ماكو داعي
كمل الطريق وطول الطريق لازم ايدي واني بغير عالم افكر بأمي ونضراتها
وصلنا ونزلنا استقبلونا الفندق اغاني وذني السوالف الهوسه بس شاهين تجاهلهم لازم ايدي وبسرعه صعدنا بالمصعد
شاهين _ لزمت وجها اكو داعي اخابر الدكتور شلون صرتي
فاطمة _لا زينة الدوة هايهيه
دخلت اسبح وبقيت كومة صافنه وابجي بهدوء على امي كسرت خاطري
شاهين _دكيت الباب بهدوء راحتي بيج شي ؟
فاطمة _حجيت بصوت مبحوح طالعة
فاطمة _بدلت ولفيت شعري بمنشفه وطلعت
شاهين _جنتي تبجين
فاطمة _ هزيت راسي
شاهين _احجي
فاطمة _ دنكت راسي ونزلن دموعي اني يرادله زله واحد يكلي شبيج وارجع انفجر بجي حجيت واني اشهك
امي متباوع بوجهي كسرت خاطري للان ماخذه موقف وبس تريد تخلص مني حقها اعرف حقها بكلشي بس شسوي....
ماكملت كلامي حضني
شاهين _حضنتها وبست راسها اششش خلص تسامحج والله بس انطيها وقت
فاطمة _دفعته أصلًا كله من وراك شنو دمرني غيرك
شاهين _شسويت
فاطمة _ويسئل هممم عطت بحركة كلب محد دمرني غيرك سويتني لعبه بأيدك واستغليتني ابشع استغلال انته اغتصبتني شنو سهله عندك يعني؟؟؟؟ اكرهك مو تشوفني احجي وياك طبيعي انته اكثر شخص بالدنيا شايلة عليه حقد وكره لاخر يوم بعمري مااسامحك ابد
شاهين _ نزلت نفسي لمستوها وباوعت بعيونها وحجيت بهدوء
"مااغتصبتج....
كاتبه:جيم
لاتنسون التصويت بناااااتتتتت !
رايكم بالتعليقات ✨✨✨🫶🏻
حساب الانستا ندردش بيه
غيرت الصورة لاتضيعوني