منطقة الحُب

الحلقه الرابعه

بارت4
عِندَما احادثكِ قلبي يرفرف مُحلقاً مُهتاج فَرحاً،
وصدقيني اني اموت فدائاً لرؤيه ابتسامه خَجِله اقبلها،واقبل أنحاء وجهكِ،
احتضنك قويا وطويل الوقت اجعل من ارواحنا متلاحمه كأنها ،
وكأني اخاف منكِ أن تكوني وَهمٌ ساحراً فتان،

*******************************
قراءة ممتعه.....

علي:لك يأبه تعال شوف بنتك ال*** كاعده بنص البيت وتتخابر وحبجيات لج **** انطيتج عين هواي ضربتها  راشدي ودفرتها

نور_كمت اشهك واعيط وهو ضل يضرب بيه ويدفر ببطني سواني جنازه جواه وابويه واكف بيده تلفوني وامي_حيل عفيه بوليدي خليها تتربه ولاتجوز من هذا السرسري
جانت كلماتها سم بداخلي الضرب ماوجعني بس كلامها همه يدرون راح يجي يخطبني ليش هلضرب

سلام_جريتها من شعرها شوفي ولج تلفون ماكو بعد الا ان تخلصين سادس وهذا الك*** يطلع من راسج فاهمه انطيتج عين هواي

نور_عافوني وطلعو واني مثل الجثه بقيت متمدده اباوع للسكف هذا حال البنيه الي تحب مو بيدي نحب بعض من الطفوله كلت اكبر وتتغير مشاعري مشاعري كثرت تجاهة جهاد فطير كأنو طفل احتوينه بعض بعد ماكدر اعوفه
دخلت فاطمه وامها عليه محجت آي شي فاطمه لمت كتبي وامها كعدت تضمد خشمي وحلكي من الدم وراحت امها

فاطمه_ضميتها لحضني بهدوء بس اسمع شهكاتها
همست ،ابد لتكولين اني ضدج اني وياج بالصح والغلط بس هذا الشيء صح ابتعدي فترة ركزي على نفسج اروحلج فدوه نور كملي السادس وسوي ليعجبج وبنفس الوقت جهاد راح يكون نفسه ادرسي وانجحي وهو يتوضف وتتزوجون وتكسرين عين كل من كال يضحك عليج ماشي حبيبي

_هزيت راسي وتمددت على رجلها وحجيت بصوت مبحوح امي تكله اي اضربها عفيه بوليدي من عمري 12سنه كل مره يضربني علي ابد ماوكفت وياي ابد محسستني هيه ام امج تحن عليه وهيه لا كسرت ضهري امي

_ماكو ام متحب بتها ومتحن عليها بس امج ماخذه اطباع اهلها وبيت جدج عرب عدهم هلشيء عيب والمراة اذا تضربت تسكت عن حقها واذا حجت ياويلها وعدهن التشمت من مراة لمراة عييييب شنو تتشمت بيه ف امج هيج  ماتريد كلمة عليج  تطلع ويحجون ،مدا انتقص منها اني تربيت على شيءٍ وهيه تربت على شيء مو بيدها

_همج بيت جدي همج يعاملون المراة كحيوان تنام تكعد تنطف تربي سرب اطفال وفوك هذا يكولون مقصره لازم اتزوج  عليها

_عمي هسه نعمه احنه الكرايب مو مثلهم حتى امج صارت من عدنه طبعا مو كلياً بس نعمه نعمه
هنا واحد يحن على الثاني وكل جمعه واحد يسير على الثاني وماكو طائفيه ولا حقد ولاجهل

_همممم صحيح

_يلا نامي انتِ باجر اخذلج اجازه وجهج مورم ارتاحي وابدي ادرسي