منطقة الحُب

الحلقه الواحد والعشرون

بارت21

أنَني أفقد الكثيِر مني مُنذ
أن فقدتكَ
‏لم يَعد صالحاً مِني غير
أنني أحبكَ
‏هَذه الكلمَة التي تَلتهم كُل
أجَزائي، ‏تَتوسع على حساب
قدرتي على البَقاء
‏لم يَعد واضح من مَلامحي
‏إلا انعكاس صورتكَ في
سَواد عيني ‏يا سمَواتي
وشمسي ‏لن أنساكَ دام هَذا
النبض عزفَك.
***************
قراءه ممتعه

امير_ شقة صديقي فارغة نرتاح بيها شوية ووو انتِ مرتي صرتي يعني ماكو داعي نحط حدود بيناتنا شتكولين ؟؟

نور_فتحت عيوني وتعدلت انته فاهم شدتحجي امير؟

امير_مابيها شيء مرتي واذا خايفة منسوي شي سطحي

نور_ عطت بهستريا شكد قذر انته مستوعب مستوعب الي دتحجي بعدنا مخطوبين حتى عقد محكمة ممسوين!!!!

امير_ وكفت السيارة احترمي نفسج يلشريفة العفيفه قابل شطالب منج بالاول والاخير انتِ الي

نور_ بحلمك فاهم بحلمك ومن باجر نفسخ الخطوبة وركعت وجهك الجايف ماشوفه
نزلت بسرعه دموعي تنزل عشرة عشرة وامشي بسرعه على الرصيف وهو وراي بالسياره يصيح حتى اصعد

القذر الوصخ النكس ياربي شسويت حتى هيج ابتلي بواحد قذر

امير_صعدي لااكسر راسج

نور_شفتي دوريه بالشارع حجيت واني اشهك
سيدي هذا لاحكني ويحجي كلام موزين
ركضت بسرعه اخذت تكسي وجسمي كله يرجف وهو مادري اخذو او لا
وصلت لمنطقتنا واني ابجي وحاطة راسي على الجامة جهاد طلع من بيتهم درت وجهي بسرعه وزدت بجي على حظي الي مو راضي ينعدل
وكفت التكسي عد بيت عمو صلاح وطبيت بسرعه
تلكتني فاطمة شمرت نفسي بحضنها اشهك بكل صوتي ووكعت بالكاع كعدت وياي حاضنتي حيل بدون ماتحجي الحلو بفاطمة هيه سندي بكلشي