منطقة الحُب

الحلقه الاولى

بارت1
"‏عَلَّمْتَنِي أَلَّا أَمِيلَ إِلَى الهَوَى
وَجَهِلْتَ أَنِّي فِي هَوَاكَ مُعَذَّبُ !
وَازْدَادَ حُبُّكَ إِذْ رَأَيْتُكَ جَاهِلَاً
آهٍ لِجِهْلٍ فِي عُيُونِكَ يَجْذِبُ .."
**************************

قراءة ممتعه.

رائد_خويه بس هلفترة اكضيلك شهر عاد وارجع التهديد مو يخصك بس يخص امك واخواتك وانتَ بكيفك بعد

شاهين_ نترت وتريدني اشرد مثل النسوان اهلي اني اشوفلهم حل

_شتشوف متكلي صارلك اسبوع تماطل اختك مو تكول حسيت واحد يراقبني لو لا ؟؟؟؟؟؟؟؟خطيه اهلك عايشين بتوتر همه شدخلهم

_فركت وجهي خلص اروح بغير منطقه محد يندلني بس بشرط اكمل العمليه ماعوفها الا الزمهم

_هزيت راسي هايهيه واني وياك خلي امك والبنات يروحون لكرايبهم لشيء وانته اختفي روح وين متريد

_ولج فطيمان كومي كافي نوم راح يأذن أذان المغرب صدك جذب لاعباده ولاشغل ولاصخام الدهر شكو مخلفتج انييييي

_فركت عيوني وهمست كل يوم هلقوانه
حكيت راسي والكفشه واصله للضالين  بقيت متمدده  بيها وافرفر بتلفوني

سهاد_ولج كومي ويامن داحجيييي

فاطمه_كمزت بسرعه كمت كمت عليمن هلصياح يايمه شمسويه غدة

سهاد_ياغده هذا صار الليل طبعًا حضرتج سهرانه للصبح والنهار كُله نايمه

فاطمه_شعندي سهيدان هيه عطلة خلي ارفع عن نفسي لاحكتني عليها يامامي

سهاد_ضحكت اخخخ هذا اللسان كله من ورة دلال المسعد ابوج

فاطمه_مشت وهيه تدردم همست عساس بس المسعد انتِ هم مشاركه
لفيت شعري كبايه رتبت غرفتي وطلعت اشرب مي من البراد

سهاد _شالو بيت ابو ساره وهسه كعدو بي ناس

فاطمه_شبسرعه اشترو حرامات بيت ابو ساره هادئين

_اي خطيه يلا الله يوفقهم المهم سويت اكل للجيران الجدد عود من يكمل تودي انتِ

_يمه فاتحين سبيل ياهو لينزل جديد تسويله وليمه مااروح رايحه لنور اني لبست سليبري وشردت بيت عمي بصفنه ضبط

سهاد_تنهدت بقهر چم مرة اكلها تحجبي انتي مربربه وابوها يعارضني يكول على راحتها من تقتنع تلبسه ومن غير تصرفاتها الي بدون تفكير بسبب دلالنه هيه فطيره وعلى نياتها بس جيب ليفهم....

فاطمه:طبيت لغرفة نور ضلمه وهدوء فتحت الضوع لكيتها متقرفصه وتبجي والعيون مورمه ومختنكه

_هاي شبيج

نور_بقيت ساكته بس من شفتها زادت شهكاتي

_شبي جهاد مضوجج هسه اطيح حضه