နေအခရာဟာ မိမိကိုပဲ ကြည့်နေတာပါဟု ပြောလာသော ကောင်လေးကြောင့်
ခတ္တမျှ ပြောစရာစကားမရှိအောင် ပျောက်ရှသွားရတော့သည် ။
ဒီကောင်လေးက ဘယ်တုန်းက ဒီလောက် ရဲတင်းသွားရတာလဲ။
ဇင်းမြစ်ကို သိပြီးသားဖြစ်ပေမဲ့ သူနဲ့စတွေ့ကတည်းက လက်ထပ်ပြီးတဲ့အထိ
မခုတ်တတ်တဲ့ကြောင်လေးလို ငြိမ်ကုပ်နေခဲ့တဲ့ ဒီနေ့တော့ တမူထူးဆန်းနေသလို သူခံစားရသည်။
သူ့အား အမြဲတမ်းနှုတ်ကျိုးနေအောင် ခေါ်ခဲ့သည့် " ကိုကိုကြီး " ဆိုသော နာမ်စားအစား ခုနက ခေါ်လိုက်တာ ဘာပါလိမ့် ။
ဉီးလေး ဆိုပဲ ။ တစ်ခုခုတော့ မှားယွင်းနေပေမဲ့ ။ ဘာလဲဆိုတာ သူစိတ်မ၀င်စားသလို အဖြေရှာဖို့ အချိန်လည်းမပေးနိုင်။
ဒီကောင်လေးဟာ သူ့အတွက် ကလေးမွေးပေးဖို့ကလွဲရင် ဘာမှ အသုံးမ၀င် ။ ဒီအတွက်သာ မဟုတ်ရင် သူလည်း ဒီကောင်လေးကို လူမသိ သူမသိခက်ထပ်ပြီး အိမ်ပေါ်ခေါ်တင်ထားမှာ မဟုတ်ဘူး ။
သူ့မှာက ဘာပြသနာဖြစ်နေလဲ မသိ။
သူက မိန်းမတွေကို မနှစ်မြို့ ။ မိန်းမတွေနှင့်
လိင်မှုရေးရာလုပ်ဖို့ကြိုးစားကြည့်တိုင်း
သူဟန်မဆောင်နိုင်အောင် ထိုးအန်တော့၏။
ဒါဟာ ရွံလို့၊ မသတီလို့ မဟုတ်ပါဘဲ သည်အတိုင်း ကြောက်စိတ်တစ်ခုလိုမျိုးဖြစ်နေတာလားလဲ သူအသေအချာ အဖြေရှာမရသေး။ သေချာသည်က သူ၏ ရွှေချောင်းတော်ဟာ မိန်းမတွေရဲ့ အချင်းအရာထဲ လုံးဝ ထည့်လို့ မရတာပဲ ။ သူ့မှာ Phobia ကြီးတစ်ခုလိုကို ဖြစ်နေခဲ့တာပင် ။
ဒါပေမဲ့ သူတို့ မျိုးဆက်ဟာ မင်းမျိုးတွေကနေ ဆင်းသက်လာတဲ့ အမျိုးအနွယ်တြွေဖစ်တာမလို့ မျိုးဆက် ပျက်လို့လည်းမဖြစ်။
သူ့ဖခင်ဟာ တစ်ဉီးတည်းသော သားဖြစ်သလို သူကလည်း တစ်ဉီးတည်းသောသားဖြစ်သည်မလို့ မျိုးဆက်ထိန်းသိမ်းဖို့က
သူ့တာဝန်သာ ။
ဘုရားသခင်ကပဲ မကြည့်သာလို့ ဖန်ဆင်းပေးသည်လား ။ မျိုးရိုးမပျက်တောက်အောင် ဘိုးဘေးတွေက စွမ်းဆောင်ပေးသည်လား ။ ဆောင်ကြာမြိုင်တစ်ခုမှာ သူ
ကျေးညိုကို တွေ့ခဲ့ရသည်။ ကျေးညိုဆိုသည်က ကြေးကြီးပေးရသည် ပုံပြောသူ။ ပုံပြောသူဟု ဆိုသည်ငြား တွေးတောကြည့်လျှင် ဆောင်ကြာမြိုင်တွေရဲ့ လုပ်ရိုးလုပ်စဉ်တွေကို သိနိုင်သည်မဟုတ်ပါလား ။
အသွင်အပြင်ကိုကြည့်လျှင်ပင် ကြွေရုပ်လေးတစ်ရုပ်လို မထိရပ်မကိုင်ရက်စရာနှင့် အလှအပလေးက ကြေးကြီးပေး၍ ငှားရမ်းရသည့် ပုံပြောသူလေးပင်။ အလှအပကို ငေးဖို့ပင် ကျေးညိုဆိုသည့် အလှလေးလား လာရောက်၍ တကူးတက ကြည့်သူများကလည်း နေ့စဉ်မပြတ်ရှိသေး၏ ။
ကျေးညို၏ အလှအပတွင် သက်ဆင်းရသူတွေထဲ အခရာရဲ့ လုပ်ဖော်ကိုင်ဖက်တွေကလည်း အပါအ၀င် ။ အလှအပလေးနှင့် တစ်ညအိပ်ရဖို့ ကြိုက်ကြေးမပယ်မည့် သူများချည်း ။ သို့သော်ငြား ဆောင်ကြာမြိုင်ပိုင်ရှင်၏ ပြောစကားကြောင့် ထိုလူများပင် မက အခရာပါ ပါးစပ်အဟောင်းသားဖြစ်ရ၏ ။
ကျေးညိုဆိုသည့် ကောင်လေးသည်က
မွေးကတည်းက သားအိမ်ပါလာခဲ့သည်မို့ လိင်ဆက်ဆံရင် ဗိုက်ကြီးနိုင်သည်တဲ့ ။ သူတို့လည်း ပိုက်ဆံကိုကြိုက်ပေမဲ့ ကလေးတွေ
ရလာရင် ရှုပ်ရှုပ်ရှက်ရှက်တြွေဖစ်ရပြီး သူတို့ဆောင်ကြားမြိုင်ရဲ့ လာဘ်ခေါ်ရုပ်လေး အလှပျက်သွားမည်စိုး၍ ထိုအရာများလက်မခံသေးပါတဲ့လေ ။
ပုံပြောဖို့ ငှားမယ်ဆိုရင်တော့ ရပါသည်တဲ့။ လိင်ဆက်ဆက်ဆံတာကလွဲရင် ကျန်တာအကုန်လုပ်ရတယ်ဆိုပဲ ။ ဘယ်လောက်တောင် အံ့ဩစရာကောင်းတဲ့ဖြစ်ရက်လဲဆိုတာ အခရာ့မှာ တစ်ညလုံး အဲ့ကောင်လေးအကြောင်း ခေါင်းထဲက မထုတ်နိုင်ခဲ့။
ထိုကောင်လေး၏ အလှအပကြောင့်တော့မဟုတ် ။ ယောက်ျားတစ်ယောက်က ကလေးမွေးနိုင်သည်တဲ့လား ။ ဘိလပ်မှာ ပညာသွားသင်ခဲ့တာတောင် အဲ့သည်လိုကိစ္စမျိုး မကြားဖူးခဲ့ ။ အခုက ယောက်ျားတစ်ယောက်က သူ့ရဲ့မျိုးဆက်ကို ထိန်းသိမ်းဖို့ ကလေးမွေးပေးမည်ဆိုလျှင် သူက လိုလိုလားလားပင် လက်ခံလိုက်မည်သာ ။ အောက်တန်းလွှာက အမျိုးသားတစ်ယောက်ရဲ့သွေးနဲ့ စပ်ယှက်ရမှာ ချင့်ချိန်စရာဖြစ်နေပေမဲ့ မျိုးဆက်မပျက်ဖို့ကသာ အရေးကြီးသည်ပဲလေ ။
အခရာဟာ ကျေးညိုကို အဘိုးများများပေးပြီး အပိုင်ဝယ်ခဲ့သည် ။ အိမ်ကို ခေါ်လာတဲ့ နေ့မှာ ကောင်လေးဟာ အနွယ်တော့်ကို ကျေးဇူးတင်စကားတွေ တဖွဖွဆိုနေခဲ့၏။ ပြီးတော့ အခရာ့ကိုလည်း ကျေးဇူးရှင်တစ်ယောက်လို သခင်တစ်ယောက်လို ကျိုးနွံလာခဲ့သည်။ ဘယ်သူမှ မသိအောင် အကျဉ်းချုပ်လုပ်လိုက်တဲ့ လက်ထပ်ပွဲလေးကိုလည်း ကောင်လေးက မငြိုငြင်ခဲ့ ။ ငြိုငြင်ခွင့်မရှိသည်ကို သတိပေးစရာမလိုဘဲ အလိုက်သိနေသောကြောင့်လည်း အခရာ သဘောတွေ့မိ၏။
သူ့အနေနဲ့ ကျေးညိုကို လက်ထပ်ဖို့ရာအထိ မလိုသော်ငြား နေအခရာဟာ တော်ဝင်မျိုးနွယ်ကနေ ဆင်းသက်လာပြီး အကျင့်စာရိတ္တကောင်းမွန်တဲ့ ယောက်ျားတစ်ယောက်။
ကိုယ့်သွေးသားကို မွေးဖွားပေးမဲ့ သူကို လက်ထပ်ပေါင်းသင်းရမယ်မဟုတ်လား။
ဖခင်တစ်ယောက်မဖြစ်ခင် အခရာဟာ ခင်ပွန်းတစ်ယောက် ဖြစ်ဖို့လိုတယ်။
ဒါက ဖြစ်သင့်တာမလို့ သူလုပ်ခဲ့တာပဲ ။
ဒါပေမဲ့ လက်ထပ်ပေါင်းသင်းနေသော်ငြား သူကလည်း အိမ်မှာ သိပ်မရှိလှ။ ရုံးတော်မှာသာ အရှိများသည် ။ အိမ်ပြန်လာလျှင်လည်း ကျေးညိုနဲ့ သူက ရင်းနှီးသေးတာတောင် မဟုတ်။ စကားတောင် တစ်လုံးစ နှစ်လုံးစ ပြောဖြစ်ကြတာမျိုး ။ ကျေးညိုကလည်း အရင်တုန်းကတည်းက စကားနည်းသည်လားမသိပေ။
' ဟုတ် ' 'ဟုတ်ကဲ့ ' ' ဟုတ်ကဲ့ ကိုကိုကြီး ' ဆိုတာတွေကလွဲပြီး ကျန်တာ ပြောခဲလှသည်။ အရာရာမှာ လေးလံထိုင်းမှိုင်းပြီး ခံစားချက်မဲ့တဲ့ မျက်နှာနဲ့ကျေးညိုက ဒီနေ့မှာတော့ တမူထူးခြားနေသည်သာ ။
နေအခရာက ကားထဲမှ ထိုင်ကာ ကျေးညိုအား စေ့စေ့ပေါက်ပေါက်ကြည့်နေသော ရစ်ချက်အား အလိုမကျသလို မျက်မှောင်ကျုံ့ကာ ကြည့်လိုက်လေတော့ ရစ်ချက်က သဘောပေါက်စွာ ကျေးညိုထံမှ အကြည့်တွေ လွှဲသွားတော့၏ ။
" နောက်မှ တွေ့မယ်
ထွက်ခွာပြီ "
မြန်မာစကားကို မပီတပီပြောလျက် ကားစက်နှိုးလိုက်သော ရစ်ချက်အား နေအခရာက ဘာစကားမှရမပြန်ဘဲ အိမ်တော်ထဲသို့သာ ခြေလှမ်းကျဲကြီးတွေနှင့် ၀င်သွား၏။
တကယ်ပဲ ကျေးညိုဆိုတဲ့ ကောင်လေးဟာ သိပ်လှတာ သူလည်း သိပါသည်။ သို့ပေမဲ့ မြင်သမျှ၊တွေ့သမျှ ပုရိသတွေက ထိုကောင်လေးအား စိတ်ဝင်တစားရှိကြပြီး ထိုကောင်လေးဆီမှာ ကျရှုံးသွားကြတာတွေဟာ သူ့ကို စိတ်ရှုပ်စေ၏ ။
နောက်ပြီး ဒီကောင်လေးဟာလည်း ဆောင်ကြာမြိုင်ကနေ လာခဲ့တဲ့သူဖြစ်၍ ထင်သည်။ စကားပြောချိုပြီး ပုရိသတွေကို ဘယ်လိုဘယ်ပုံ မြူစွယ်ရမလဲ ကောင်းကောင်းသိ၏။
သို့သော် သူ့အပေါ်မှာတော့ တစ်ခါမှ ထိုသို့ ဆက်ဆံမလာ ။
အိမ်တော်ထဲရှိ အခြားယောက်ျားတွေနဲ့ရော သူ့မိတ်ဆွေတွေနဲ့ပါ ပရောပရီဆက်ဆံပြီး
သူ့ကိုကျမှ ကြောက်သလို ရှိန်သလို ဆက်ဆံပြနေခြင်း ။
အိမ်တော်ကို ကျေးညိုရောက်လာတာဟာ ၂လ၀န်းကျင်လောက် ရှိပြီဖြစ်ပေမဲ့ အခရာနဲ့ ကျေးညိုဟာ တစ်ခန်းထဲတောင် အတူနေကြသေးတာ မဟုတ် ။
ဘယ်လိုပဲ မျိုးဆက်မပြတ်ရေးအတွက်
ဒီကောင်လေးနဲ့ အိပ်ရမယ်လို့ ကိုယ့်ကိုယ်ကိုယ် စည်းရုံးခဲ့ပေမဲ့ တစ်ကယ်တန်းကျ
သူ့အနေနဲ့ ယောက်ျားတစ်ယောက်ကို သွေးသားစပ်ယှက်ပေးရမှာကို သူကိုယ်တိုင်တောင် လက်မခံနိုင်။
အထူးသဖြင့် ဆောင်ကြာမြိုင်က ယောက်ျားတစ်ယောက်နဲ့ !
ဆောင်ကြာမြိုင်ခေါင်းဆောင်ပြောတာကတော့ ကျေးညိုဟာ လိင်မှုရေးရာကို ဘာမျှ မသိသေးတဲ့ ကောင်လေးတစ်ယောက်ပါတဲ့။ သားအိမ်ပါတဲ့အတွက် လိင်ဆက်ဆံလို့ မဖြစ်တာမလို့ သူမတို့က အဲ့ကိစ္စတွေ
ကျေးညိုအပေါ် အဖြစ်မခံခဲ့ဘူးတဲ့။
ဒါပေမဲ့ သူတို့ပြောတဲ့ လိင်ကိစ္စဆိုရာမှာ
မလွန်မကျူးရုံပဲလေ။ အခြားကိစ္စတွေ သဘောရှိသလို ထိတွေ့လို့ရပါတယ်လို့
ထိုမိန်းမရဲ့ ပါးစပ်က ထွက်ခဲ့ဖူးသည်ပဲ ။
မသန့်ရှင်းတဲ့ ခန္ဓာကိုယ်ကို ထိတွေ့ရမှာ
နေအခရာ စိတ်မလုံ ။ အထူးသဖြင့် လူမှန်းသိတတ်စကတည်းက မ ဆိုရင် ယင်မတောင်
အသန်မခံတတ်တဲ့ နေအခရာလို လူကြီးလူကောင်းတစ်ယောက် အဲ့သည်လို အောက်တန်းလွှာက ကောင်လေးတစ်ယောက်နဲ့ သွေးသားစပ်ယှက်ဖို့ရာ စိတ်မရှိသေး ။
အတွေးနယ်ချဲ့နေရင်း အိမ်တော် အပေါ်ထပ်သို့ တက်ရန် လှေကားထိပ်ရောက်ခါမှ ခြေလှမ်းတို့အား တုန့်ခနဲရပ်လိုက်ကာ အသံခပ်မာမာနှင့် အိမ်ရှေ့မှ ကောင်လေးအား အော်ပြောလိုက်မိ၏။
" ဟိုကောင်လေး !
ငါ့အိပ်ခန်းထဲကို ခပ်ခွာခွာကနေ လိုက်ခဲ့ "
အိမ်ရှေ့ရှိ အစေခံများဟာ ၄တို့ သခင်ကြီးက သခင်လေးအား အခေါ်ရှိလိုက်ခြင်း
ကြောင့် တအံ့တဩဖြင့် တစ်ယောက်နဲ့
တစ်ယောက် မျက်စပစ်မိလိုက်ကြရင်း
နားမလည်နိုင်အောင်ဖြစ်သွားကြရသည် ။
အိမ်တော်ကို သခင်လေး စတင်ရောက်လာတဲ့ နေ့ကတည်းက အခု ၂လတာ ကြာမြင့်တဲ့အထိ သခင်ကြီးက အိပ်ခန်းထဲ လုံးဝ ပေးမ၀င်သလို အရေးတယူ စကားပြောဆိုခြင်းလည်း မရှိ ။
သခင်လေးကသာ ထမင်းစားချိန်နှင့် သခင်ပြီးအိမ်ပြန်လာချိန်တို့၌ စကားအလျင်အမြန် ပြောမှသာ စကားပြောခွင့်ရခြင်း ။
သခင်ကြီးက ဘာကြောင့် သခင်လေးကျေးညိုအား လက်ထပ်ထားမှန်း သူတို့ မသိ။
သူတို့မှာ မေးခွန်းထုတ်ခွင့်လည်း မရှိပါ။ လက်ထပ်သည်ဆိုတာကလည်း အိမ်၌
အကျဉ်းချုပ် လက်မှတ်ရေးထိုးခဲ့ကြခြင်း။
ကောလဟာလ များတွင်တော့ သခင်ကြီးဟာ မိန်းမတွေအပေါ် မှာ မသာယာဘဲ လိင်မှုရေးရာတွင် ယောက်ျားတွေအပေါ် သာယာတဲ့သူတဲ့ ။ ဒါပေမဲ့ ဒီကောလဟာလဟာ မှားယွင်းနေမှန်း သူတို့ သိခဲ့ရ၏ ။ သခင်ကြီးဟာ သခင်လေးကျေးညိုနဲ့ လိင်မှုကိစ္စရှိဖို့
နေနေသာသာ သခင်လေးကျေးညိုအား အိပ်ခန်းထဲဝင် အ၀င်မခံ ။
သခင်လေးကျေးညိုကသာ သခင်ကြီးအပေါ် တစ်ဖက်သတ် မေတ္တာရှိနေကြောင်း သူတို့
သိခဲ့ရသည် ။ သခင်လေးဟာ သူ့ရဲ့ခံစားချက်တွေကို အမြဲ ရင်ဖွင့်တတ်ပြီး သူတို့နှင့်လည်း လိုက်လျောညီထွေ နေတတ်သေး၏။
သခင်လေးကျေးညိုဟာ ဘယ်အိမ်တော်က သခင်လေးလည်း သူတို့ မသိပေမဲ့ တကယ်ကို နူးညံ့သိမ့်မွေ့တဲ့ လူသားလေးပင် ။
ရုပ်လေးလှသလို စိတ်ထားလေးကလည်း ဖြူစင်ပြီး တုံးတုံးအအလေးမလို့
သူတို့အစေခံတွေက အချစ်ပိုရ၏ ။
ထို့အပြင် အမြဲလိုလို တစ်ဖက်သားအပေါ်သည်းခံနားလည်ပေးတတ်သူပေမို့ သခင်ကြီး၏ ဘိလပ်တွင်တွေ့ဆုံခဲ့သော သူငယ်ချင်းမ ဖြစ်သူ၏ အနိုင်ကျင့်ခြင်း
အဖြာဖြာကိုလည်း လူမသိ သူမသိကြိတ်၍ သည်းခံရရှာသေး၏ ။
" ဟို .. ခုနက ကျွန်တော့်ကို ခေါ်တာထင်တယ်
သွားလိုက်ဉီးမယ် "
ညိုမြလွင်ဟာ ဘေးအနားတွင် ရပ်နေကြသော အစေခံများအား အချိုသာဆုံး အပြုံးလေး ပြုံးပြလျက် ခေါင်းလေးငုံ့ကာ ထိုနေရာမှ ထွက်လာရန် ပြင်လိုက်သည်။
" သခင်လေး .. အထဲရောက်လည်း မလန့်ပါနဲ့နော် ၊ သခင်ကြီးက သခင်လေးအပေါ်
ဘယ်ပုံ ဘယ်နည်းနဲ့ ဆက်ဆံပါစေ ၊
ဆုံဆုံတို့ စပါးနှံတို့က သခင်လေးရဲ့အပါးမှာ အမြဲရှိနေကြမှာပါ "
" အားတင်းထားနော် သခင်လေး
သခင်ကြီးက သခင်လေးရဲ့မေတ္တာတရားတွေကို တစ်နေ့ မြင်တွေ့လာမှာပါ ၊
အဲ့အကျ သခင်ကြီး နောင်တ ရလိမ့်မယ် !"
လက်သီးလက်မောင်းတန်းကာ အားမလို အားမရ ကြုံးဝါးနေကြသော အစေခံနှစ်ယောက်အား နေရခက်စွာ ထပ်မံပြုံးပြလိုက်ရင်း ထိုနေရာမှ အမြန်ထွက်လာခဲ့လိုက်တော့၏။
ဒီဘက်ခေတ်က လူတွေက ထူးဆန်းလိုက်တာ ။ မဟုတ်သေး ... လူတွေက ထူးဆန်းတာမဟုတ်ဘဲ အခြေအနေတွေက ထူးဆန်းနေတာဆိုရင် ဘယ်လိုလုပ်မလဲ ။
သူ့အနေနဲ့ အဖြေရှာရလိမ့်မည် ။
ညိုမြလွင်ဟာ အိမ်ထဲကို ၀င်ခဲ့လိုက်ရင်းမှ တစ်ခုခုကို သတိရသွားကာ ခေါင်းထဲ၌ ဗလာ
ဖြစ်သွားရတော့သည် ။
' လခွမ်း ! ငါမှ အဲ့အဖိုးကြီးအခန်းက ဘယ်အခန်းလဲ မသိတာ .. သေရော !! '
သူ့အနေနဲ့ အစေခံတွေဆီပြန်ပြီး အဲဒီလူရဲ့အခန်းဟာ ဘယ်အခန်းလဲလို့ မေးလိုက်ရင် အတော်ကို သံသယ ၀င်စရာ ကောင်းနေတော့မည် ။ ပြီးတော့ အစေခံတွေကလည်း အိမ်အရှေ့မှာ အမြဲရပ်နေရတဲ့သူတွေမှာ မဟုတ်တာ ။ သူက ယောင်ချာချာနဲ့ အိမ်ထဲ
ပတ်ကြည့်နေမိတာ အတော် ကြာပြီပဲ ။
အခုအချိန်ဆို အစေခံတွေက အိမ်ရှေ့မှာ ဘယ်ရှိပါတော့မလဲ !!
' ကြံစမ်း ! ညိုမြလွင် .. မင်းက သောက်ရမ်းချောတဲ့ကောင်ပဲ မင်းဉီးနှောက်လေးကလည်း သောက်ရမ်းကောင်းတယ်မလား ၊ ဘာတစ်ခုမှ မူမမှန်မဖြစ်အောင် ကြံစမ်း '
ညိုမြလွင်ဟာ မျက်မှောင်လေး ကျုံ့ကာ ကျုံ့ကာနဲ့ တွေးတောရင်း ကူလီကူမာ အကြံတွေ ထုတ်နေမိတော့၏ ။
ခဏအကြာမှာတော့ သူ့ခေါင်းထဲ ပေါက်ကရအကြံကို တွေးလိုက်မိပြီး ရပ်နေရာမှ
ရပ်ချင်း ခွေကနဲ အသာအယာ ပစ်လှဲလိုက်ကာ ,
" ဉီးရေ ... လာပါဉီး ခြေထောက်ကနာလိုက်တာ ၊ ဉီးရေ လာခေါ်ပါဉီး မထနိုင်တော့ဘူး အီးဟီး.. "
အသံစွာစွာ ၊ စွာစွာနှင့် တစ်အိမ်လုံးကြားအောင် အသံကုန်ဟစ်ကာ အော်ငိုလိုက်တော့၏။
" တော်လိုက်တဲ့ငါ !
ငါမှ သူ့အိပ်ခန်းမသိတာ
ငါရှိတဲ့နေရာလာအောင် လုပ်ရမှာပေါ့ !"
ရွှေညဏ်တော် စူးရောက်တဲ့ သူ့ကိုယ်သူ ကျေနပ်စွာ ချီးကျူးနေလိုက်ရင်း ထပ်၍ပင် အသံပြဲကြီးနှင့် အော်နေလိုက်တော့သည်။
" ဟင့် .. ခြေထောက်က မထောက်နိုင်တော့ဘူး ၊ ချော်လဲသွားတာ .. လာခေါ်ပါဉီးလို့
ဉီးရေ အီး .. "
သူအော်ငိုနေတာ ၂မိနစ်ကျော်လောက်တောင် ရှိလျော့မည် ။ အခုအချိန်ထိ ထိုလူကြီးရဲ့ အရိပ်အယောင်က ပေါ်မလာသေး ။
အစေခံတွေဟာလည်း ဒီအချိန်က ထမင်းစားနားချိန်မလို့လားမသိ။ အိမ်တော်ကြီးထဲမှ တစ်ယောက်မှ မရှိ ။ သူတစ်ယောက်ထဲ ဟန်ဆောင်အော်ငိုနေမိတာကို ဘယ်သူကမှ အဖက်မလုပ်ကြတော့ ညိုမြလွင် ဒေါကန်လာမိသည် ။
ကြမ်းပြင်၌ ထိုင်ကာ အော်ငိုနေကခြင်းက ကြာလာသည်အထိ အကြောင်းမထူးလေတော့ စိတ်တိုတိုနှင့် ထမည်အပြု မြင်နေရသော လှေကားထိပ်ရှိ အခန်း၏ တံခါးမှာ
ပွင့်လာတော့သည် ။
' အဲ .. ဟိုလူကြီး ထွက်လာပြီဟ !!!
ပိုင်လိုက်တဲ့ ငါ !"
သိမ့်ကနဲ ကြည်နူးပြီး ကျေနပ်ကာ ပီတိတြွေဖာလာတဲ့ စိတ်ကို သူကိုယ်တိုင်တောင် နား
မလည် ။ သို့သော်ငြား ထိုလူကြီးကတော့သူ့ထံ ဆင်း၍ မလာ ။ အပေါ်ထပ် လျှောက်လမ်းမှ ရပ်လျက် သူ့အား ငုံ့ကြည့်လာ၏ ။
သူကလည်း နဂိုရှိသော ခန္ဓာကိုယ်ပိုင်ရှင်၏ မျက်နှာလှလှလေးအား အသုံးချကာ သနားစဖွယ် မျက်နှာပေးလေးအား လုပ်ကာ မထွက်တဲ့ မျက်ရည်ကို အတင်းညှစ်ဖုတ်ရင်း ,
" ဉီးရေ .. ဒီမှာ ထမရတော့ဘူး
ဉီးဆီ လာချင်ဇောနဲ့ ပြေးလာတာ အီး..
ဒီမှာ ချော်လဲသွားရောလေ မထနိုင်တော့ဘူး အီးဟီး ... ဉီး လာခေါ်နော် "
' ငါ-ိုးမအဖိုးကြီး ဒီလောက်အော်နေတာ
အခုမှ ထွက်လာတယ် ၊ ဒီလောက် မထနိုင်ဘူးပြောနေတာကို လာမခေါ်ဘဲ ရပ်ကြည့်နေသေးတယ်ပေါ့ .. ဒီအဖိုးကြီးကတော့ နာချင်နေပြီထင်တယ်!!! '
ညိုမြလွင်ဟာ သူ့ရဲ့ လက်နှစ်ဖက်ကို ရှေ့သို့ ဆန့်ထုတ်ရင်း လာခေါ်ရန် ငိုယိုပြလိုက်သော်လည်း ထိုလူကြီးကတော့ တုန့်တုန့်မျှ
မလှုပ် ။ မျက်နှာထားကြီး ခပ်တည်တည်နှင့် သူ့အား ကြည့်မြဲ ကြည့်နေရင်း ,
" မထနိုင်ရင် ထိုင်နေ၊
ခဏကြာတဲ့အခါ အစေခံတွေ လာတွဲပေး
လိမ့်မယ် ၊ငါ့အိပ်ခန်းထဲလည်း လာမနေနဲ့တော့ "
ဝမ်းချုပ်နေတဲ့ မျက်နှာနဲ့ ထိုစကားစုလေးကိုပဲ စက်သေနတ်ပစ်သလို ခပ်ပြန်မြန်ပြောပြီး အခန်ထဲ အေးအေးလူလူပင် ပြန်ဝင်သွားသော လူကြီးအား ညိုမြလွင် ပါးစပ်အဟောင်းသားလေးနှင့် ကြည့်ကာ
ဩချမိတော့သည် ။
ဆွေမျိုးတွေ မကောင်းဘူးဆိုတာ သိပ်မှန်တာပဲ ။
အလကား ! လူကြီးလူကောင်းမျက်နှာပေးနဲ့ အကြင်တရားမရှိတဲ့ လူကြီး ။
အဲ့တာကြောင့် အခုအချိန်ထိ မိန်းမရဘဲ လူပျိုကြီးဖြစ်နေတာ !!!
ဒီအပေါက်ဆိုးတဲ့ စက်ရုပ်ကြီးကိုသာ လင်တော်ရမဲ့ မိန်းမကတော့ ဒီခေတ်မှာပါမဟုတ်ဘူး ခေတ်အဆက်ဆက် ကံအဆိုးဆုံးဖြစ်မှာပဲ ။
" အဟွန်း .. နေပေါ့
လာမထူလည်း နေ ၊ ကိုယ့်ဘာသာ ထနိုင်တယ် ၊ အလကား အဖိုးကြီး ! ခင်ဗျား တဖြည်းဖြည်း အိုလာလို့ မှောက်လျက်လဲတဲ့အခါကျရင်လည်း ကျွန်တော် ထူပေးမယ် မမျှော်လင့်နဲ့ !! "
ညိုမြလွင်ဟာ ထိုနေရာမှ ကပြာကယာ
ထလျက် မိမိ စတင်နိုးထလာခဲ့သော
မနက်က အခန်းလေးဆီသို့သာ ခပ်သွက်သွက် လျှောက်လာခဲ့မိတော့သည် ။
နေအခရာဟာ ပလီပလာကောင်လေး
ထိုနေရာက ထ၍ ထွက်သွားသည်အထိ တံခါးဝနားရပ်ကာ စောင့်ကြည့်နေခဲ့ပြီးမှ
စေ့ရုံသာ စေ့ထားသော အခန်းတံခါးကို
ဒုန်းကနဲ ယတိပြတ် ပိတ်လိုက်၏ ။
" ကူလီကူမာ ဟာလေး
ငါ့ကို တမင် လီဆယ်နေတာပဲ ! "
Mon.Oct17.2022