الصراحة اليوم مجنت مقررة انزل بارت بس تكدرون
تسمون هذا البارت مال استعجال😂 لأن قريت تعليقاتكم تريدون التكملة راح انزللكم هذا البارت تصبيرة لحد مااتفرغ انشاءلله واكمللكم لأن تعرفون
باجر مدارس وراح نبدي بطيحان الحظ 😂😅
والدك قراية بس انشاءلله اذا كدرت الخميس الجمعة
اكمللكم واذا ماعندي شي بالايام العادية هم اكمللكم 😘.......
شجون.. شيل فكرة الزواج أمير اصلاً كلشي انتهى
نسيتك أمير تعرف شنو
جرني أمير حظني واني ادفع بي متحملت اذكرت
كلشي صار كمت ابجي واردد اكرهك ماحبك اكرهك
أمير.. لاجذبين على نفسج ادري بيج بعدج تحبيني
دفعتة حيل وعدلت نفسي وطبيت للمحل ركضت
للحمام كعدت بالحمام ابجي واشهك يعني جنت داحاول انساه ليش رجع بطريقي مرة ثانية غسلت
وجهي ورجعت كملت شغل خلصت شغلي نزعت الصدرية ولبست الجنطة مالتي وطلعت شفت أمير
موكف سيارتة ومنتجي عليها مبدل هدومة ولابس
تشيرت اسود وبنطلون كابوي
شجون.. اللهم طولج ياروحي
مشيت جان يجرني من ايدي حيل
أمير.. شكلتي
شجون.. مكلت شي وهسة تكدر تعوفني أريد اروح
للسكن
أمير.. اليوم ماخليج تروحين
وكفت اتخصرت وحجيت
وليش عيني متخليني
أمير.. شجون سوالج شي ابو حرب
شجون.. وانتة هذا الهامك
أمير.. اكيد هذا اليهمني
شجون.. يي سوالي
دامشي جان يعتني حيل وصار عصبي وحجة
أمير.. شسوالج جاوبي
يحجي وياية ويهز بيدي حيل
شجون.. كشفلي حقيقتك
أمير.. شجون لو انتي بمكاني جان سويتي مثلي
شجون.. لا ماسوي هيج اكو شي اسمة تفاهم
أمير.. اني اعتذر شجون مجان قصدي اجرحج بس
تعرفيني اني ماثق بأحد ومجنت متوقع منج هيج
تضحية مجنت مستوعب
شجون.. تدري ليش لأن محد يحبك بكدي
أمير.. ولا اكو احد يحبج بكدي
كمت اشهك واحجي
شجون.. لك صارلي سبوع ادور عليك بالجامعة كلبي
يكلي دوري علية وعقلي يكلي بعد ميرجع راح لبغداد
نقلت الشغل مالتي حتة ماصادفك دانام بصعوبة
كرهت نفسي لأن حبيتك
حط ايده على حلكي
أمير.. اشش شجون شكد مرن علية بنات بس بعمري
محبيت وحدة بكد ماحبج ولا راح احب
شجون.. أمير حباب وخر أريد اروح
أمير.. تعالي خلي اوصلج
شجون.. ماريد اني اروح وحدي
جرني أمير من ايدي وفتح الباب ودفعني انصدمت
من ردة فعلة
شجون.. أمير لاتحرك أريد انزل
أمير.. شجون سامحيني والله ادري بنفسي ظلمتج
بس شسوي يعني المنظر الي شفتة بنيتة بغير صورة
شجون.. أمير عوف كلشي لأن ماريد احجي واذكر كلشي اني دحاول انسى صارلي سبوع وانتة هسة طلعتلي دذكرني أمير انتة تحبني لو لا
أمير.. لج شعندي غيرج لج هذا الأسبوع مر علية
احس كل يوم بية سنة ظليت اراقب المطعم من بعدين
بس مشفتج تجين هناك طبيت سئلت ابو المطعم وكلي
راحت تشتغل بغير محل وصفلي ياه وظليت اراقبج
بس ماعندي جرئة اجي واحاجيج
شجون.. أمير اذا تحبني إنساني وابتعد عني لأن ماريد
ابني بداخلي شي وهمي انتة من أقل شغلة شكيت بية
واني ماحب ابرر لاحد وانتة اصلا متحب تسمع احنة
منتوالم أمير خلي كل واحد يروح بطريقة والله يكتبلك
السعادة
باوع علية واحس عيونة تلمع ويحجي بصوت تعبان
أمير.. هذا اخر كلام عندج شجون
شجون.. يي
فتحت باب السيارة دانزل لزم ايدي
أمير.. كعدي خلي اوصلج يمكن هذا اخر لقاء بينة
كعدت وسديت الباب وانداريت على جامة جان أمير
يشغل اغنية مال محمد فؤاد حاولت الزم روحي ومابجي بس مكدرت اباوع عل شارع واحاول اكتم
شهكاتي
احس كلمات الأغنية علية أنوب دوموعي كامت تنزل
شلال وامسحن ماريدة يلاحظني وصلت للسكن فتحت
الباب بدون ماباوع علية اخاف يشوف وجهي لأن اني
وجهي من ابجي يبين عيوني تصير حمرة وجهي كلة
ينصبغ طبيت للسكن كعدت بالحديقة وابجي واطلع
شهكاتي بصوت عالي محد موجود بالحديقة بس اني
واذكر شكل أمير ردت اموت بذاك اليوم هلكد مبجيت
ظليت كاعدة يمكن بالساعتين بالحديقة ابجي وادعي
من ربي انساه وكعدت ألوم بنفسي اكول اني شجابني
عل حب لو باقية اكرها مثل قبل ليش حبيتي رفعت
راسي واكول ليش يربي خليت هذا الحب البكلبي اله
اذا هوه مو من نصيبي تنهدت ومسحت دموعي وكمت
صعدت للغرفة لكيت البنات ظليت اداوم وعيوني رايحة وية الرايح والجاي مادري شنو احساسي تجاه
احس بروحي ظلمتة بس ماريد اعترف بعدين اكول
يستاهل حرت والله مر اسبوع كامل ملمحت حتى
خيال أمير اتندمت كلش لأن حجيت وياه بهيج طريقة
ظليت اكل بنفسي واكول هسة أمير شلونة هسة أمير
وين شديسوي حتى بالمحل من اشتغل بالي ولا يم
الشغل اتظل عيني عل باب مال محل اكو يمكن يجي
هنا ماكو مشفتة لا بالجامعة ولا بالمحل فاتن اسبوعين
وبعدني ممتئقلمة بدون أمير احسه جان سند الية بس
شنو الفايده حتى مادري بي وين المهم بذاك اليوم
جنت كاعدة بالمحاضرة خلصت واكو طلاب طلعوا
واكو بقوا اني بقيت مطلعت مالي خلك الصراحة
كاعدة اعضغض بالقلم جان يجي واحد علية غريب
اول مرة اشوفة
... انتي شجون صحيح
شجون.. تفضل منو حضرتك
... دزني أمير عليج
كمت وكفت على حيلي
شجون.. صدك وينة ليش مأجه علية هوه
... مو هوه مو هنا
شجون.. لعد وين
... رجع لبغداد
باوعت واحس الدنيا ضاكت بعيني باوعت بيأس وحجيت
شجون.. ليش دازك لعد
... حتى انطيج هاي الأمانة صارلها سبوع عندي بس
ماعندي مجال اجي
باوعت على ايدة الكلادة مالتي عيني دمعت
شجون.. تمام شكراً وصلت الأمانة
اخذتها من ايدة وأخذت غراضي وكمت رحت للسكن
طبيت للغرفة ماكو احد كعدت ابجي واحس اكو نار
بكلبي معقولة نساني هيج بهاي السرعة واني صارلي
سبوعين اصارع كلبي ظليت كاعدة بالكاع مادري شسوي أحزن افرح انقهر احساسي تلخبط كمت احجي
ويه نفسي يعني انتي مو كلتيلة عوفني وهاي هية
عافج ليش انتي ضايجة ليش كاعدة تبجين مادري
شسوي كمت غسلت وجهي وبدلت ملابسي وتمددت
وجنت ادعي اكول انشاءلله انام واكعد والكاه هذا كلة
حلم ، المهم كمت أمارس حياتي ماكلكم نسيتة بس
هايهية لازم تقبلين بالامر الواقع فات شهر تقريباً
ومواصلني اي خبر عنة رجعت شددت على دراستي
صرت من الجامعة للشغل من الشغل للجامعة حياتي
صارت ملل نوعاً ما مادري احسه جان مالي حياتي
تفائل والأمل ومن راح حسيت حياتي انطفت جنت
اجذب شعوري بس وين ماروح الحقيقة لاحكتني
استلمت النتيجة الشهرية مالتي وطلعت امتياز الحمدلله مر شهرين وتقريباً بديت اتعود على غيابة
لأمير جنت بالمحل داشتغل باوعت عل ساعة ب٨
خلص شغلي نزعت الصدرية وأخذت الجنطة مالتي
داطلع انداريت جان اشوف أمير وهذيج جان اول
مرة اشوفة بعد غياب شهرين أو أكثر تقريباً لأن ماذكر
عدل شافني اباوع علية عيونة ذبلانه وجوه عيونة
صايرة اسود وضعفان عبالك مو أمير الجان كلة صحة
وضخامة وجمال من شفتة لاارادياً عيوني دمعت
مسحت عيني وطلعت من المطعم عرفت بيه راح يجي
وراية مشيت جان يجرني من ايدي ويحظني واجذب
عليكم اذا اكلكم عارضت حظنتة كمت اشهك واكولة
أمير نسيتني بعد متحبني
أمير.. ثانية وحدة مغبتي من بالي
شجون.. أمير مداكدر انساك أمير احبك
أمير.. شجون اني رجعت هنا حتى نزوج بعد ماتحمل
اعيش بدونج
باوعت علية حجيت
شجون.. أمير بس..
أمير.. لاتبسبسيلي شجون بعد ماتحمل لاتخليني أعقد
عليج غصب
شجون.. انتظر خل احجي
أمير.. يلا كولي شعندج
شجون.. الجامعة شلون
أمير.. انقلج بغداد وبعد شعندج
شجون.. أمير ليش هيج دسوي لاتستعجل
أمير.. شجون الخميس نعقد هنا سيد ونروح لبغداد
نعقد بالمحكمة هاا شكلتي
شجون.. كافي ترى دتوترني مو هسة ليش هلكد مستعجل
أمير.. لج شجون بعد ماتحمل بدونج وامي دتلح علية
تريد تزوجني بت اختها العانس
كتفت ايدية وكفت
شجون.. يي ليش متزوج بت خالتك
أمير.. لج والله مشايف بعيني غيرج
شجون.. تمام لعد باجر نحجي لازم هسة اروح
أمير.. امشي اوصلج
شجون.. ميحتاج
أمير.. هسة صار ميحتاج منو جان يتوسل بية أمير
هسة الحارس ميقبل يفوتني
شجون.. هاي اني
أمير.. اشاقة وياج امشي مريتي
الطريق كلة نسولف وكتلة ليش رجعتلي الكلادة يكلي
من اشوفها كبالي اذكرج واشبع قهر .....
وهنا وصلنة لنهاية البارت مو تنسون التصويت والمتابعة وبااي