بين جمر وجليد
بين عنفوان
اتعايش مع كل حواجز موضوعه لي
كان الدروبي وضعت لتتعبني
ستنزول همومنا
هذا ابسط ماكتبته بمذكراتي
لا ازال عالقه بين جدران ذلك البيت
الذي هدم كل احلامي امامي
لاتزال ذاكرتي بين تلك اللحظات
كان القدر كتبها لعذابي
....
اصعب فتره تمر على الانسان العنده فقيد
مو فتره الي نفقد بيها الشخص
بس
الفتره الي نستوعب الصار
الفتره الي ندوس على كلبنه علمود نتعايش ويه كلشي يصير
الفتره الي نحس حياتنا فارغه ومالنه وجود بيها
الفتره الي اصغر كلام او فعل يتعبنه
هنا الفتره الحقيقة للفقدان
بين افكار مشوشة احاول اسيطر على نفسي وافتهم انا شنو جاي اسوي افتهم كلشي يصير نفضت كل البيدي من جنط شمرت حجابي وطاحت دمعتي كعدت مستسلمه ويمي نرجس تبجي وهيه حاضنتني
_سديم الله يخليج لا تزوديها علينه
نمت على رجلها واني اريد افكر بشي صحيح ماكدر كلام نرجس مثل الهداني
_ماكو شي صح بحاتنه كلنه خطأ بخطأ وجودنه وعدمه مثل الشي
_ اشش يلا كافي لاتسوين بروحج هيج باوعيلي سديم لاتخلين الحقد يملي كلبج لاتخلين العشناه يسويج انسانه ثانيه خلينه نتفق كلشي يصير احنه سوا ماوحده تعوف الثانيه
اباوع على بشائر الي صافنه وكانو كل الصار بكفه وهيه وهمومها بكفه
كمت للجنطه وفتحتها طلعت الكتاب الي لكيته بغرفه امي حيل جبير كتاب فارغ بي بس كم صورة الها والنه احنه صغار موجود بنهاية الكتاب
كتابه بخط جبير
هذه نهايتي من الحياة بهؤلاء الفتيات
لزمت الكتاب وانا امرر ايدي على الكتاب ليش كل اوراقه بيض مافهمت شنو الكاتبته امي دموعي تنزل على الكلمات واردد بداخلي راح املي هل كتاب واخلي هذول البنات همه قصته
راح ادفن هل كتاب يمج يمه راح يندفن وياه ماضي تعبنه بي
ابتسمت واني اتخيل نفسي متخلصه من كل الوجع البيه
رفعت صدريتي مال المدرسه الي كلها دم وماقبل اغسلها
شمرتها بنص الغرفه واني اشر عليها وابجي
_شوفن نرجس بشائر باعن هذا دم امي هنا ملاحكني هنا
اخذتها بشائر وطلعت واني ابجي بحركه اليوم خامس واحنه مشايفين راحه اليوم خامس واحنه وحدتنه راح تنتهي من التفكير
كانو وسط قصه هيه محبوكه النه
ليش القدر يكتب النه كل هاي الصعوبات شيصير لو نعيش بهدوء
نزلت مخده من الكنتور ونمت بين افكاري ودموعي
نمت واني بداخلي اردد يمته اموت ليش اعيش على شنو اعيش
صرت ينكسر خاطري على نفسي
اكره نفسي لان اني لازم احتضن نفسي انا اطبطب على ظهري واكول هانت اني اعيش واواجهه كل هذا الالم وحدي
فكره ماكو شي يستاهل اعيش علمودة تربعت براسي ارجع بيني وبين نفسي اكول الله اذا يحب عبده يبتلي اني لازم اصبر
بشائر ...
من كلشي صار يجوز اني جنت اهدء وحده
بداخلي مامتقبله الموضوع بس هواي شغلات من اتذكرها ينعصر كلبي
امي ماحتوتنه وهيج صار بينه
لو محتضنتنه من صغرنه لو ناطيتنه حب اكثر واهتمام شنو راح يصير بينه بفقدانها
صفنت على سديم الي نامت ودموعها جفت على وجهه
اني بشائر
اخت هل انسانه الي شكد ماكول صارتلي سند اعجز عن هيج وصف
اشوف صغر سنها بس بنظري اكبر مني
تتحمل اكثر من عدنه من جنه صغار اكثر وحده نضربت من ابوي هيه اكثر وحده نهانت من امي هيه
بس رغم قوتها عندها اطيب كلب
بسرعه تحب وبسرعه تكره
اخذتني صفنتي على وجها لذكريات بعيده من جنه نلعب بصغرنه ويلقبوها ام لسان
لان ماتسكت عن احد واتاخذ حقها
عكسي اني
بسبب الصدمات العشتها خلتني انسانه ثانيه
منطوية على نفسي
كعدتها من نومها الطويل والشهكه لازمتها
طلعت وانا ماهامتني سناء حسيتها بوخه بس تحجي ماتسوي فعل عكس سديم الي جانت حيل منفعله منها
لكيت خالي ب المطبخ يتعشى قابلته بابتسامه مصطنعه
_شلونك خالو
_هلا يابه وينكم من يمته اجيت سناء تكول تعشن ونامن
نصدمت من كلامه لهل درجه واصله سناء
احنه ماشفناها وهسه تكول تعشن استحيت اطلع مرته جذابه كدامه اردفت
_اي خالو تعشينه شوية ونام
اجه صوت سديم من وراي
_خالو اقدر كل تعبك اني وكل محبتك بس مرتك اليوم سمعتنا كلام مو حلو بحقنه وكل شوية وكالت امج وامج من اجينه لسه احنه ممكالين شي بس بشائر تخجل تكلك اعرف بيها
نصدمت مره ثانيه من سديم انطتها الخالي ب الوجه مافكرة بعواقب شي
خالو دفع الصينيه بهدوء وهز راسه
_تعالن باعي بنيتي اعرف سناء لسانها متبري منها وبكلبها حقد وغل بسبب مشاكل قديمه بسبب المرحومه امج بس شنسوي نسينه اله هيه ضلت ضامه بكلبها كل هاي السنين تحملن كم يوم كم شهر تتغير ماتضل على هذا الحال اكو موضوع ماعرف شلون افتحه وياكم اجه رجال يكول انا عمهن
طلب مني يشوفكم هوا واخوانه وابوه بمعنى جدكم بس اني رفضت ماكدر اسلمكم بيد ناس مانعرفهم والله يعلم ابوجن وين يجوز يمهم واحنه ماندري
سديم _بس همه شعرفهم بينه وبيك وكل هاي السنين احنه مشايفينهم
علي_والله ماعرف ياخالو حتى اني احتاريت همه بغير محافظه
نرجس_خالو احنه حتى مانعرف عدنه عمام ابوي ابد مامسولف عنهم
علي_باعن اني ماريد اضم عليكم بس اتوقع ابوجن يمهم يعني يعني مستحيل هيج نامو وكعدو وتذكروكم
سديم_خالو ابوي ليش ماكعد يمهم يعني ليش همه بمحافظه واحنه بمحافظه
علي_يعني انتن ماتعرفن شي
ابوجن جان تاجر هوا وجدكم بذاك الوقت جانو ناس الها صيتها ومعروفين ابوجن ضل يمشي بغير طريق من صار عنده فلوس ضل يحب العربده والنسوان والشرب لحد ماطرده جدكم اجه خطب امجن ورا ماستقر هنا بغداد وابوي بكل دم بارد وافق وانطاها اله
بشائر_شلون عرف امي يعني وين شافها
علي_ماشافها جان صاحبنه اني وخالكم احمد الله يرحمه وخطبها من احمد هذا كله واني ماعرف اخر من عرف رغم كلشي بس ماجنه نعرفه هوا موخوش ادمي جان يكول اني عفت اهلي لاسباب خاصه واحنه بكل غباء مصدكين
نرجس_خالو كافي سد الموضوع لان يسد النفس
علي_اني ماسئلتكم اذا تردون ترحون اذا تبقون هنا لان اعرف هنا احسن الكم هناك مجتمع يختلف عن الانتن عايشات بي هسه احتمال اذا رحتو ميخلوكم درسون وتطلعون
بشائر_خالو هنا احسن ونتحمل شنو يصير
علي_يلا تعالو سولكم عشه واعتبرو البيت بيتكم انتو هم بوية الله يسلمكم صيرو شوية لطيفين ويه سناء هسه تغرد عليه واني منا تعبان
هزينه راسنه باي وطلع
سديم تهز بيدها وتحجي
_الله ينطينه مثل حظج باسناء وين اكو واحد يخاف على زعل مرته
بشائر_عوفو هاي السالفه اني احس احد ضربني على راسي من السمعته بس تخيلو ابوي يم بيت جدي وهوا مدليهم علينه تخيلو ياخذونه هناك وننحبس
التفت سديم وكلها حقد على ابوي
_من حسن حظنه اذا شفنه ابوج اله اشوفه المر بس خل يجون الي يسموون عمامج وربي اروح وياهم
نرجس_بلا انتي سدي حلكج صايره تخوطين بصف الاستكانه تردين ترحين روحي لو اموت ماروح وياج انوب مو بغداد بغير محافظه ناس حتى ماشايفين اشكالهم
تخصرت سديم وهيه تكول
_وعلى اساس هسه خالو علي من كعدتي يمه شايفه شكله لو سامعه بي مو كعدنه يمه وسناء العار تنكد علينه وعمامج لو مو خوش ناس جا ماطردو ابوج بسبب سوالفه بس خوش ناس ورادو يحافظون على سمعوهم ونفسهم اكص ايدي واشمرها للجلاب اذا مو ابوج يمهم
بشائر _اهوو اني رايحه انطمر حتى اكل ماريد نسدت نفسي سديم صايره تخبص وحدها
سديم_اي روحن واني رايحه لخالو اكله موافقه اروح
بشائر _سديم بالقران احطج هنا واكتلج ترا مالنه خلك حجي ماصخ
سديم_لاتخافين حبيب الكلب يجي يخطبج من يدري عندج خوش اهل وعمام
صيحت بيها واني اريد اسكتها لان تحجي حجي ماتعرف معناه
بشائر_انتي تردين ترحين للتهلكه بيدج ولج شهل حقد شبيج كليلي اني اختج وهيج تحاجيني شسوينه احنه حالنه مو احسن من حالج ماشلنه بكلبنه على اب لو على ام
سديم_سكتت عنهم واني برايي هذا انسب قرار اسوي همه ميفهون شنو المطلوب سناء مراح تخلينه نرتاح وراح تغير خالو علينه متاكده يجوز اول ايام هوا زين ويانه بس بعدين يتغير اعرف شكد المره تكدر تاثر على الرجال وتغير كلشي بي
رغم اخذتهن ب الحجي والصايح بس هنه رافضات فكره اب وعم مثل الشارد من الواقع المر باحلام مره اكثر
رحت دكيت باب الغرفه على خالو وهنه بس صافنات
طلع وهوا يثاوب يجوز بعده مانايم
علي_ها بوية تردين شي
سديم_خالو احنه موافقين نروح يم عمامنه هذا انسب حل النه نعيش يمهم احسن رغم انت ماقصرت بشي والله بس الى متى نبقى هنا
علي_هذا مو حجي سديم مساع احجي وياكم والامور تمام
سديم_خالو انت هم فكر يعني سنه سنتين نبقى هنا
هز راسه بموافقه
علي_ماشي الله كريم احجي وياهم واشوفهم
حسيت خالو يريد نبقى يمه وبنفس الوقت مايريد نبقه يمه يعني شلون مايحب المشاكل وشلون احنه المفروضين عليه ماتوقعت بهل سرعه يوافق توقعت راح يرفض وراح ابقى الح اكثر
مانكر بداخلي خوف من كلشي
تمنيت اعيش شعور الي يكول الايام حيل متشابهه وممله بروتينها
احنه ليش كل يوم نفكر بمستقبل جديد كل يوم نعيشه اتعس من القبله
رجعت للغرفه
نرجس نايمه وبشائر تاكل
مديت ايدي اريد اكل وياها سحبت ايدي من الصحن
بشائر_هسه ارتاحيتي من سويتيها
سديم_اي احسن شي لا عبالج هسه خالو الي يحبنه الحنون علينه ترا باجر مرته تغيره اصلا بس كتله وافق اعرف بداخلج موافقه ترحين بس ماتكولين
بشائر_اي مو اني خبله مثلج هسه حتى من دراستج تنحرمين
سديم_ماكو احد بكد امي حاربني على دراستي وكله وكملت شكد اسمع حجي شكد ايام تمر وماتخليني اروح بس وصلت وراح اخلص
هزت ايدها وهيه تشيل الصينيه
بشائر_انتي ضلي عايشه بحلم وردي ضلي دوري على حياة زينه قبلي بالمكتوب احسن
صحت وراها
_محد كدكم عايش باحلام خصوصا انتي بشائر
بشائر
ماكدر اسيطر على سديم ولا على لسانها واعرف كلشي براسها تسوي
هلمره كاعدين وسط ناس مانعرفهم رجال جبير ب العمر الشيب مالي راسه وسبحته بيده رجال الخ حيل يشبه ابوي عيونه الكحليه وشيب من الجوانب قريب على الاذن هدوئهم وصوتهم الهادئ يجبرك انو تركز بحجيهم
رجال الخ طول الكعده ماحجه كلمه بس يباوع بنظرات غريبه يطلع اكبر من ابوي طول كلامهم على السلام والتعارف سئلني جدو وهوا يباوعلي
_بنيتي بشائر اذا هذا قراركم وموافقين ترحون احطكم بعيوني الله شاهد
حيل خايفه من الجاي تردد بداخلي ارفض احسن شي بس يرجع كلام سديم يوقفني من كالت خالو اكيد راح يتغير وبسرعه وافق نروح يمهم
جريت حسره بين افكاري المتناقضه باوعت السديم وانا اكول
_اي جدو بس شلون عرفت خالو وابوي وين
_فتره نسئل عليكم وهسه عرفت الصار وابوج قصته طويله بوية نوصل للبيت واسولفلكم
خالو التفت علينه وهوا يغمض عينه وفتحها
علي_حجي الله شاهد اعزهم اكثر من اختي نفسها دير بالك عليهن ماصار هواي من عرفتهن حالي من حالك بس احسهن مثل بناتي
_مشكور ماقصرت والله اكيد بناتي هنه بعيني
علي_يلا بنيتي كومو حضرو روحكم
كمت والدمعه بعيني ماعرف شعور غريب يوميه بيت نعيش معقولة نستقر رادلها معجزه هاي
سديم_لميت كل ملابسنه الي مالحكنا حتى نرتبهم ونستقر هنا كم يوم
اسئل بداخلي راح اطلع من بغداد
بمجرد اجت هاي الفكره براسي بجيت
لازم انسى بغداد انسى امي انسى غيث انسى كلشي عشته
اخذت نفس طويل ومسحت دموعي
طلعت يمهم
هملره رايحه فعلا لواقع يختلف عن العشناه
صعدت ب السيارة ونرجس صعدت بالسيارة الثانيه ويه عمامي واني وسديم ويه جدو
سديم..
حطيت راسي على جتف بشائر
الي دموعها ماوكفو غمضت عيوني الهوى الي يدخل من الجامه يداعب بشرتي حسيت براجه ملت كلبي بهل لحظة ردت اتوقف عن كلشي عن التفكير عن صراعات داخلي عن اسئلة تجي بالي اريد اعيش هاي ابسط شي تمنيته
تصويت