بين طيات الايام
اواجه عثرات تبعثرني
تنقل بي عواصف الى مسمى انتقام
اواجه كل شعور لوحدي
قابضه على صدري
ها انا
كالمعتاد عليها
المعتمد عليها
كرنين جرس
في حياة من ادخلها
استراحه مابعد الرنين
في حياة من اخرجها
ها انا
ذات الحظ العاثر
حاول ان يجد نفسه
بين حقد وانتقام
بات كل مشاعري مدفونه في انقاض الحقد
......
فتحت باب الغرفه بهدوء علمود لا يفزون
ابتسمت وانا اشوفهم نايمين
البراءة مرسومه على وجهم
اخذت من الميز يم الجرباية كتاب
داخلي مملية بالراحه
مشيت على كيف وسديت الباب وراي
شغلت التدفئة
حطيت كوب جاي وكعدت
نزعت الجواريب الثخان الجنت لابستهن
برودة الكاع لسعت رجلي
باوعت للكتاب ورجعلي كل وجع مريت بي
بكل شته جان عضامي يصلن عليه من البرد
بس هل شته جان غير
فتحت الكتاب الي كل ماباوعله يذكرني بكلشي مريت بي
صفنت على نفسي لحظات
انا شكد قوية تجاوزت كلشي
انا شكد قوية لحد هاي اللحظة انا ابتسم
يبقى كلشي صار ماضي مدفون بكلبي
وغصه
وجع
وقهر
الم ماينسي
دكات كلبي السريعه عبالك بسباق
احسني احتريت وبديت اختنك فركت ركبتي
صار هواي معايشه هيج شعور
بكل ورقه اكلبها اكلب تعب من تعبي
اليوم انا سديم
الي صار الي اسمي
مكانتي واحترامي
سديم الداست على كلبها وكملت حياتها
اشرب جاي وعيني على الكتاب ورجفه بداخلي
تذكرت كل ماضي مريت بي الى هاي اللحظة
..
طفيت المنبه وكمت من مكاني
رفعت البطانيه عن وجه اختي بشائر
دغيتها بكتفها
_بشائر كومي هسه يجي السايق وانتي تتاخرين
فتحت عيونها بضجر
ركزت بوجها
سواد جوا عيونها
شفايفها اليابسه وجها التعبان
اخذت نفس وهيه انتبهتلي وكامت
_شصار هم مانطمرتي علمود الاخ ماكافي يا بشائر لشوكت تضلين حابسه نفسج بهيج قفص
ياختي التفتي النفسج التفتي المستقبلج بعدهي حياتج كدامج
دارت وجها وراحت تغسل ماكأنو احجي وياها
حركت دمي بهاي حركتها
اردد بيني وبين نفسي
شنو الجديد ياسديم من يوم يومها بشائر تكتم كلشي بداخلها يعني شي طبيعي وتعودي عليه
غسلت وبدلت اريد اروح للمدرسه قبل ماشوف احد
امي واكفه تسوي ريوك وابوي النايم ب الاستقبال ومنبطح على بطنه
هوسة البيت وملابس مطشره من الكنتور
ريحه القذرة الي توصلنه من جيرانه لان يربون حيوان
جريت نفس بتعب ودنكت البس حذائي
صوت امي وهيه تطلب مني
_تريكي ترا مالي خلك يوميه اخذج طبيب مافارغتلج
_محد طلب طبيب لا تخافين هل مره ماطيح
بلعت ريكي وانا احجي
طلعت من البيت مدمعه عيني لحد ماوصل السايق وطلعت وياه
طول الطريق وانا حابسه الدمعه بعيني عن لا افضح نفسي كدام البنات
طول الدروس انا بس صافنه
مافتهم شي وصافنه ب الصار والي راح يصير
صارت ساعه ب ١١
كعدت برا ب الفرصه
برودة الجو تلامس بشرتي
صافنه ع السمة وصفاء لونها
الغيوم الي تغطي الشمس
تنفست هوا براحه
المكان الوحيد الي اتنفس بي هوا نظيف هوا المدرسه
صوت الطالبات والصياح
بالي مو يم شي بالي يم اهلي ومستقبلي
حسيت ايد نحطت على ايدي
_وين صافنه سديم
حطيت راسي على جتفها وغمضت
_يكولون ست استبرق ماجاية يعني هذا درس شاغر
_هاي اذا ما اجت ست سندس
_اهوو ترا والله تعبنه خنتنفس شوية درس درس ب البيت ماكو غير دراسة على اساس هسه راح نطلع الدكتوراه
_شبيج مايسة ترا كلشي بيد الله وانتي جاي تعبين
_هيج اتعب روحي انا تدرين ابوي ماعنده امكانيه حتى يدخلنه كليه
_شبيج سديم من يمته صايره تفكرين هيج ماعنده امكانيه شهل حجي منو الجان يكول انا اوكف ويه نفسي انا اسند نفسي لحد ماتكبرين وتعتمدين على نفسج هسه صايره دورين امكانيه
نملت عيوني ب الدموع بداخلي كلام هواي محد يفتهمه بداخلي غصه جبيره وان حجيت محد راح يفتهم شحس
انتهبت عليه حطت ايدها على وجهي وهيه تحجي بهدوء اباوع لعيونها اكره هاي نظرات العطف من احد
_شبيج يروحي منو وياج وين سديم القوية وانا شكد اسولف الخواتي عليج وخابصه روحي بيج عندي هيج صديقه تالي تطلعين هيج جبانه
_تعبت زهراء والله تعبت انا بشر دم ولحم احس مثلكم لشوكت ابقى صامده ومايهزني شي
لشوكت اشوف حياتي تدمر كدامي صار سنه ندرس احس هل سنه مناوية تخلص الضغط جاي يموتني على البطيء منا البيت ومنا خواتي منا دراستي منا صحتي وابوي وامي بيش افكر مادري مرات احس عقلي يوجعني من التفكير
مسحت دموعي وهيه تحجي مدمعه
اااخ يا زهراء ماعرفت بشر مثلج هيج شخص يحني ويريد الي لخير
_اااشش يلا كافي هذا واقعنه شنسوي مثلا كل وحده بينه حياتها مكتوبه على كصتها كل وحده بينه عدها ابتلاء انتي كلبج ابيض والله يحبج ب النهاية راح ترتاحين وكولي زهراء كالت
مسحت دموعي ورفعت عيوني للسمة علمود لاتطيح دمعه اداري دموعي بعيوني اجت يمنه تبارك وباقي البنات اخذتنه السوالف والضحك وزهراء عينها عليه ادري بيها خايفه عليه بس تحاول تطمني بنظراتها
نسيت كلشي واحنه نسولف ونضحك ماحسينه ب الوقت ابد جابن حلويات وكعدن يحشن ب المدرسات وصوت ضحكنه واصل لنهاية المدرسه
مرات الصديق نعمه ومرات يصير نغمه العندي نعمه
ماتوقعت بيوم كلشي ينكلب ضدي حتى صديقاتي محافظه على علاقتي وياهن مثل الخوات بس مايعرفن عني شي غير سديم المرحه الشطورة مثل ميكولن ماعدا زهراء
بين سوالفنه اختفت ابتسامتنه من حجت تبارك شلون امها تعاني من المرض وابوها مسافر اخوانها يم عمامها وبس هيه وامها ب البيت التفت عليه وكالت
_هنيالج سديم حياتج صافيه مثل عيونج وضحكتج مرحه
نرسمت ملامح الحزن على وجهي بلعت ريكي وباوعت الزهراء هزت راسها بمعنى غلسي
_تبارك كلنه نعاني شكل يجوز انتي تشوفين حياتج مدمره بس ماكدر اهون عليج وانا حالي حالج متعوبه مثلج بس واحد من يشوف مصيبة غيره تهون عليه مصيبته
ختمت كلامي وياهن وكمت من دك الجرس علمود نطلع للبيت
اخذت جنطتي من الصف استوقفني صوت طالبه وياي وهيه تسئلني ابد ما استثقلت سؤالها لان هوا هذا طبعها مرحه وتحب تعرف عن كل البنات وتسئل اذا وحده بينه ضايجه
_شبيج سديم اشو عيونج وبشرتج تعبانه
_من الدراسة حبيبتي لان تدرين واجبات وامتحانات ومانحلك وهاي اخر سنه ماريد اضيعها من ايدي
اكتفيت بهذا الجواب
وصلت للبيت
شفت رجال يدك ب الباب رغم السايق نزلني بداية الفرع ترددت اروح للبيت دك الباب اكثر من مره
ليش محد يفتحه اله امي موجوده وابوي موجود
تجهت للبيت وهوا مامل مستمر
وكفت كدامه واني اسئله
_عمو رايد شي
حجه بعصبيه وتذمر_اي شنو محد بالبيت شسالفه
_رحت دكيت الباب حيل عسى ولعل احدي يطلع
_انتي شصيريلهم
ترددت اكله بتهم خاف ابوي مسوي مصيبه من مصايبه
_اني بنتهم عمو
_ماشي اذا هيج كلي الابوج حده الباجر اذا مادبر فلوس الايجار يحلم يكعد هنا صار ٣ اشهر محد دافع
هزيت راسي بالموافقه وراح
اخذت نفس وكسرت الباب ب الدك يلا فتحو
صحت بوجه نرجس بعصبيه
_انتي وين جنتي منطمره ماتكولين هاي الزماله صار ساعه دك ب الباب
_وانا وين ادري بيج انتي دكين بالباب شفت من الفتحه مال الباب هذا الرجال ابو الايجار وامي كالت لاتفتحيه
وخرتها من كدامي دخلت وانا اصيح ومحروك دمي
_انتو لشوكت راح تضلون تتهربون من ابو الايجار مو حتى حرام كاعدين بيته و ٣ اشهر انتو مادافعين ولا فلس
شمرت جنطتي بحركه كعدت ب المطبخ وايدي على راسي واتنفس سريع اردفت امي
_انتي منو وجايه تحاسبين هوا اني ملحكه على مصرفجن وابوجن جنه ثور ليل نهار نايم
عقدت حواجبي باستغراب على المصطلح الردته الابوي هاي احنه ناس طبيعين واحدنه يريد ياكل لحم الثاني واحدنه مستثقل الثاني
دخلت للمطبخ وهيه تحجي
_عود من تجي اختج الغبيره قنعيها تزوج كافي مليت وانا افكر بيجن
كمت من يمها وشلت جنطتي اباوع الايدي ترجف
لزمتها بايدي الثانيه سديت الباب ورجيت راسي عليه
اخذت نفس بصعوبه من كد مانقهر اضل ماتنفس
اباوع للغرفه الكنتور مفتوح والملابس طايحه منه الكتب مشمره بالكاع الفراش الجنه نايمين عليه بعده موجود من الصبح
احس راسي مصدع ماشوف شي شكد جنت جوعانه بس من اجيت خوش شبعت قهر
البيت ملجا بس الي مو ملجأ الي دمار نفسي وموت بطيء وعذاب لا ينتهي
شكد حاولت اتنفس براحه بس ماكدرت حطيت راسي على المخده وعيوني مفتوحه اباوع بالفراغ داخلي فارغ
مرت ساعه وانا كاعده على ها حالة ماسمع صوت احد ب البيت
ندفع الباب قوي ودخلت باشائر
شمرت الملازم وفتحت حجابها حكت مكان ركبتها عيونها المدمعه تركزت عليه
حجيت وانا على وضعيتي
_انتي عايشه بحلم مايتحقق لو نموت نفسنه
شمرت الحجاب من ايدها وطاحت دمعتها على خدها
_ولج سديم فهميني احبه والله مامسوية غلط بس احبه ورادني ب الحلال شسوي شبيدي فهميني راح اموت راح انجلط بهذا عمري والقران جاي اموت اشوفه كدامي واماكدر حتى احاجي كلمته وهوا يكول انتي خاينه مو هينه والله مو هينه
اردفت بصوت هادىء واختي متعذبه كدامي ومابيدي شي عليها
_انسي احنه مالنه حق نحب لو ننحب انتي جنتي ضحيه وانا ونرجس والطفل البطن امج كلنه راح نتعذب مثلج كلنه راح نصير ضحيه اعمالهم الوسخه
بس انتي جاي تهلكين بطاقتج زياده عن اللزوم جاي تعبين نفسج كتلج الف مره شغلي وضع الطز تعيشين مرتاحه
احاجيها وبداخلي اكول الكلام شكد سهل بس ماكو اقسى منه لان فعله مستحيل
كمت ولزمتها من ايدها
_بشائر انتي اعقل وحده بينه بس لا تنطوين على نفسج لا تعتكفين والله تدمرين روحج الصار اخذي منه عبره وتعلمي صح ماغلطتي بس تعلمي الشخص المايستاهلج طز بيه هوا من اول عثره عافج ماكمل وياج شتردين منو يتحمل اهل مثل اهلي منو يتحمل يخطب وحده سمعت اهلها ب الطين
هزت راسها وكامت من يمي
حاولت استجمع كل قوتي واكوم
غسلت وبدلت لملمت الغرفه
بطني مغصتني من الجوع
رحت للمطبخ ماطابخين شي
سويتلي لفه وكعدت اكل
متعودة اجي من المدرسه والكه الثلاجه والطباخ فارغات يعني شنو صار شي طبيعي هل شي
دخلت امي
بطولها الفارع وجمالها وشعرها الطويل
احنه امام جمال امي لا شيء مهتمه بنفسها لاخر درجه المكياخ الي مالي وجها
_من اليوم ورايح تشتغلين انا ماكعد اصرف عليجن وتشوفين هذا لازم الباب يريد الايجار
اخذت نفس بصبر مليت من هذا الموضوع من كد مانفتح كل يوميه تعيد مثل الكلام بس هلمره يختلف
_اخلص مدرسه ودللي
_لاتبقين عود تاخذيني بكلامج المعسول تشتغلين يعني تشتغلين
شمرت كلاص الجاي من ايدي واعصابي تعبانه وكل ذره بيه ترجف دمرت نفسيتي من الاسمعه يوميه
ضليت اشلع بشعري واصرخ بهستيريه
_شتردين مني شتردين عوفيني ارتاح عوفيني مثل باقي البنات اعيش وسط اب وام ولكم يحسدوني عليكم يحسدوني على ضحكتي ب المدرسه مايدرون ب الخيسة العايشه بيها شنو شسويت بحياتي ياربي شسويت هاي جزات طيبة كلبي هاي نهايتي وانا العمري ١٨ مايوم عشت مرتاحه من وراج فميني المن خلفتيني المن بعدج تخلفين على يافكر تخلفين شنو العشناه احنه غير الحرمان مثل البزونه يوميه من بيت لبيت يوميه واحد طاردنه ماعدنه ايجار ماعندي لبس مثل الاوادم ماعندي صحه مثلج ماعندي حيل مثلج يسندني كوة اخلص يومي بتعبي بوجع كلبي بانفاسي المتقطعه شتردين بعد اكثر من هيج شتردين
جنت فاقده واصرخ عليها كثرة الضغط يولد الانفجار وهذا السوته امي بينه
لزمتني بشائر وحضنتني حيل وانا ارجف بحضنها ودموتي ماتوكف حجيت بصوت مكسور
_بشائر يمته اموت
حطت ايدها على حلكي وهيه تخرز بامي الي ضلت بس صافنه وماتعرف شسوي مبين ملامح الارتباك عليها
كومتني وهيه ساندتني وماحجت شي
اخذتي للغرفه الي الحيوان مايعيش بيها
احنا ٣ خوات شلون عايشين بيها مادري
من اصفن اكول شنو اكثر شي يوجع اكثر من الفقر
شنو يوجع اكثر من كوني مره ماكدر ابني نفسي من الصفر بهيج مجتمع
نمت وانا راسي منمل ماحس بشي اريد افكر ماكدر كلشي داخلي فارغ
غمضت عيوني
احس بحركه جفوني
اجت صور هواي اشخاص براسي منهن
خواتي واحنا صغار
صور هواي
شريط حياتي مر كدامي بهاي اللحظه
ابوي الي وجوده مثل عدمه
امي الي سمعتها ب الكاع لان تشتغل ب البيوت وتريدني اشتغل وياها
اختي الي دمرت حياتها بحب
انا الي ماعرف وين مصيري
بين النايمه والكاعده اسمع صوت همس يمي
عيوني الثكال ماكدرت افتحهن
بس صرت اسمع بوضوح
_هاي امج اليوم ناوية على سديم تموتها يلا ترتاح
_سكتي نرجس جاي اتكطع عليها
_سكتي سكتي اله احط سجينه بنص كلبي وارتاح منكم
فزيت من مكاني احس كلام نرجس خوفني
_نرجس صدك تحجين انتي
ماجاوبتني عافتني وطلعت
بداخلي اردد انتي راح تجاوزين ياسديم
انتي مستقبلا راح تصيرين احسن
انتي مستقبلا راح تصيرين شي مختلف
بس ارجع للواقع مالتي
اشوفني انسانه تحارب علمود يخلص يومها
دائما اردد انا شنو موقعي بهيج عائلة
شنو الاكدر اسوي واعيش براحه بال