بارت 5
لقد كنتُ أرى العالم كُله في
عينيكَ لكنكَ أثَرت عمَاي
لم يكُن بمَقدوري منعكَ
أو بالأحرى لم
يَكُن لي الحق في إيقافكَ
ثمَة غَصة في القَلب
ونُدبة في الروح وضَياعٍ كبير
لم أعد أعلم على أي وجَع
سَأتكئ وكم جَرح
في داخلي سَيظل صامداً
في وجَه النَزيف.
*************************
قراءة ممتعه.....
طيبة _رحت قدمتله الفنجان وايدي ترجف وهو بس يباوع بعيوني جان تتحرك الكهوه ونصها توكع عليه تألمت حيل غمضت عيوني بس الفنجان لسه بيدي كام بسرعه شمرة من ايدي ولزم ايدي
سحبتها بسرعه واني انفخ على ايدي اسوي نفسي هادئه بس كُلش تاذيت جانت تفور
ايهاب_ بس خليني اشوفها مالمسج شو باعيلي
طيبة_عع.عادي متأذيت عادي
_كُعدي هسه اجي
_باوعتله بخوف وتوتر
_نترت كُعدي بابا
رحت جبت مرهم للحروق وثلج
كعدت يمها بس مو كُلش قريب
_اني صيدلاني صح بعدني طالب بس مرحلة ثالثة كُلشي اعرف خلي تبرد ايدج واحطلج دهن
طيبة_اني احط عادي انطيني
_انطيتها الثلج
_همست واني مدنكه شلونها الصيدلة حلوة مو
_ضحكت غير بالدفرات واهليه اني سرنجة هايهيه عليه اقصد مااهتم لدراسه هواي اداوم يومين بالاسبوع
_ضليت ساكته واحرك بالثلج على ايدي بهدوء تحسرت حلمي صيدلة بس محد يدري وماريد افتح وياه مواضيع ممتعوده احجي ويه ولد
_وخرت الثلج عن ايدها هاج حطي هذا الدهن على كيفج
_حطيته
_عيونج حلوة طيبة
_كمت بسرعه بتوتر حتى ردت اوكع الحمدلله اجت فاطمة ركضتلها
يلا فاطمة بسرعه تاخرنا
فاطمة _فتحت عيوني شبيها ايدج
طيبة _جريتها يلا حبابه بالبيت احجيلج
رجعنا للبيت واني احس جان يركض وراي جلب شهل احساس الغبي لان الهث وكلبي يدك بسرعه طبعا ماعرف احساس الحب ختصرته "يركض وراي جلب
فاطمة_طيوبة شبيج احد سمعج حجاية ايهاب ضوجج احجي
_هزيت راسي لا لا والله
_كعدت بصفها شبيها ايدج لعد
_وكعت الكهوه عليه وايهاب جابلي دهن حطيته
_هزيت راسي تاذيج ؟
_لا الدهن بردها
_خوش
_هذا شاهين يتصل تربعت خلحجي وياه
_كمت اخذي راحتج اروح اسبح وابدل
_هزيت راسي
هلو حبيبي
شاهين_هلا طيوبة
_كُلش تونست لوتشوفهم شلون طبيبين وحبابين عبالك كاعده ويه كرايبي
_همممم وبعد
_تعشينه شربنا جاي ورجعنا وبس
_وبعد
_توترت وهااااا ايدي نچوت بالكهوه
_غير تنتبهين
_يلا صارت عادي حطولي دهن خف الآلم
_شوفي طيبة باجر ابلش بالمهمه بس اريدج لباب البيت متطلعين اروحلج فدوه
_ماشي ماطلع حكضيها نوم لتخاف شاهين دير بالك على نفسك حباب
_جاهل يمج
_حشاك بس هو الحذر واجب
_خوش روحي نامي
_تصبح على خير
سدة واجت فاطمة فرشت كتبها
ها باجر عندج دوام
_اي ولازم حصرة الجلب موجوده توني اتذكر عندي متحان من جنت اسبح سترجعت ذكرياتي
_ضحكت وكعدت يمها يلا اساعدج رجعت شعري ليورة بغرور معدلي 99بالسادس
_والله كفو يلا هاج شرحيلي
_ابتسمت وكمت اشرحلها وامتحنها خلصنا لحد ال2الفجر ثنينا طفينا ونمنا كعدتني فاطمة الصبح مبدلة دتروح للمدرسة
فاطمة_اسفه كعدتج بس حروح للمدرسه اخذي راحتج بابا بالدوام وماما بالمطبخ تريكو سوا لتتقيدين خوش
طيبة_خوش روحي بالسلامة
_ابتسمت وطلعت رحت لنور لكيت زوجه عمو محمد بالمطبخ
صباح الخير خالة
_هلا بفطيم صباح النور
_وين نور
_اليوم مصخنه خطيه كالت مااروح وماعدها متحان كالت اكعد اقره بالبيت
_خوش لعد خليها من ارجع من المدرسة اطمن عليها ادري بنور متحجي كدامي شكد مشتاقه لجهاد ومسويه روحها قوية وناسيته بس تكتم تنهدت بيبايييي خالة
_بالسلامة بنتي
فاطمة_رحت اتمشى للمدرسه واراجع الامتحان ومدنكه بالتلخيص مال طيبة فادني هواي سهلته عليه فتت بفرع مختصر للمدرسة دوم افوت بيه هادئ
وكفت سيارة مهتميت بقيت مدنكه اقره وامشي صارت السياره تمشي بصفي ضبط رفعت راسي جان ينزلون ثنين ولزمو ايديه ثنيهم صرخت مخروعه حطو ايديهم على حلكي وصعدوني واني ادفر بيهم واعض بأيدهم وهمه ولايحسون ماانكر الموقف مرعب مرعببببب بس لازم امثل القوه شنو تريدوني ابجي وخر ايده عن حلكي دفرته حيل وعطت منو انتتتتتتت
_والله مهرة قوية خدرها خدرها
سمعت هيج كمت ارافس بيهم وهمه حطو كلنكس ع خشمي دخت كُلش وغوشت عيوني ومحسيت بأي شيءٍ بعد
شاهين_الو رائد حاصرو المكان بهدوء تام فاهمين اليوم التنفيذ اي غلط ماريد يخرب شغل شهرين فاهم
رائد_صار جايين
شاهين _سديته وبدلت لبست بدلتي والدرع واخذت سلاحي والسويج وطلعت الوكر مالتهم بغير محافضه بس مو بعيده عن المحافضه الي اني بيها توجهت للوكر وصلت وكفت سيارتي بمكان بعيد فتحت اللابتوب اراقبهم خاف حسو بشيء بس همه على وضعهم الحيوانات واحد نايم واحد يشتغل واحد يكو***
_هاا رائد كلشي جاهز
_اي خوية كلشي تمام المكان محاصر حتى داشوفك هذاك وينك
_يلا بدة العد التنازلي تحضروا
بدة العد التنازلي واني مركز رن تلفوني رديت واني نضري على اللابتوب
_لك شاهين عبالك هسه انتَ محاصرنه تؤ تؤ تؤ
شاهين_فتحت عيوني وفتحت تسجيل الصوت
منو انتَ
_بس تداهم المقر اختك ودعها هاي كدامي تحب افتحلك كامرة ههههههههه
_فركت وجهي بأنهيار ونزلت من السيارة عطت بصوت هز المكان
انسحبوا بسرعه انسحبوا
_اختي وين انسحبو احجي بسرعه لاا***
_اهده اهده شويه وتعرف هيه وين سديته
وباوعتلها ابتسمت واتقربت لزمتها من حنجها
_سيدي والله قطعه متخلينا نتونس
_تتونسون لاتخافون بس كدام اخوها هههههه
رائد_نزلت اركض من السياره شاهين شكو صدك تحجي
شاهين_لككك رائد خطفو طيبة رائد اسحبهم بسرعه
_خلص خلص اهدة ميكدر يسوي شي بس يخوفك رفعت اللاسلكي انسحبو بهدوء يلا الكل ينسحب
_صعدت السياره ورائد بسيارته والباقين وراي متاكده مو بالوكر عدهم مكان ثاني اتصلت عشر مرات وبعدها رد
_شكد تلح
_لك ك*** لاتلعب بالنار وين اختي احجي
_هاي يمي وكدامي اويلي شلون مهرة ولتكتلك عصبية خدرناها يلا سكتت
_انتووووووو وييييين لو بيك خير واجهني مو تواجه النسوان م***
_يلا انقهرت عليك انطيك العنوان بس كائن من يكن ميجي وياك بعد بكيفك المحروسه يمي واني غرائزي متستحمل ههههه
سديته ودزيت الموقع
سيدي كعدت
دخلت للغرفة شفتها ترافس وتغلط ماسكتت
فاطمة_كعدت جسمي كُله يوجعني ألم عبالك واحدٍ جان يضرب بيه حيل وكوة اكدر احجي وذولة الوصخين كاعدين كدامي ثلاثه شكلهم مقرف كروشتهم كدامهم وبس يفشرون ويباوعون عليه ونزلت صياح وغلط عليهم صوتي انبح وهمه يضحكون
_اهدي ياعيني اخوج جاي بس خلي نشلع كلبه المهم خلي نسولف
فاطمة_يااخ ماعندي اخوان انتو منو شتريدون مني
_هههههه عود لوتيه مثل اخوها
_لكككك ماعندي اخواننننن الوحيده لاهلي شتريد منيييييي
_غمزت اريدج يلمهرة
_تفلت بوجه خايسسس
_ضربتها راشدي وسحبتها من شعرها
كتلوها خوش كتله خلي تعرف اني منو
فاطمة_هجمو عليه اول مره احد يضربني هيج ماخلو جزء بجسمي صاحي بحيث الدفاع عن نفسي الوحيد الصراخ حتى الصراخ ماكدرت بقيت جثه هامده بالكاع الدم يجري من عندي عيوني غوشت ايديه ثنينهم ماكدر احركهم لان داسو عليهن واحس امعائي تكطعت من الدفرات ببطني بس دموعي تنزل بعدها عدلو كعدتي جابو شي مثل الابرة وكامو يحفرون بأيدي بيها واني اريد اصرخ ماكدر
_سيدي خلي نتونس بداعتك الغوالي
_اطلعو
تقربت منها وخرت شعرها عن وجها شنو رايج ختامها مسك
فاطمة_كمت اسحل بروحي بالكوه بس اريد ابتعد لايسويلي شيء ودموعي تنزل وهو يتقرب
شاهين_وصلت للمكان واتصلت على رائد شوف راح ادخل وحدي اوكفو بمكان بعيد ماريد احد يلمحكم عشر دقايق بسسس تداهمون المكان
رائد_حاضر
شاهين_دخلت تلكوني ثنين ضربتهم برجليهم طلقه وكملت طريق جانت عمارة مهجورة وصخه مثلهم وطلعو من غرفة خمسه حاصروني ضربتهم بوكسات جانو خاويين من الادمان بضربة يغمى عليهم بس اكو صاحيين ضربتهم جم طلقه برجلهم وركضت من سمعت صوت صراخ بنيه تخبلت سويت الدرج بايتين وطبيت اركض شفته نايم وجواه ترفس مشفت وجها كل ضني هاي طيبة ضربته طلقه براسه بسرعه وكع عنها فتحت عيوني بصدمة هاي فاطمة!!!!!
فاطمة_قاومته بكل ماعندي بس هو ضخممم وقوي اني حتى ايديه ماكدر ارفعهن فجاة صوت طلقه والدم طفر على وجهي اختنكت كُلش وغوشن عيوني شفت شاهين وبعد ماحسيت بأي شيء فقدت
شاهين _شلتها بين ايديه مصدوووم شصاير بيها
رائد_وكفت اباوع بصدمه هاي مو طيبه؟
شاهين_حجيت واني امشي بأستعجال عبالهم اختي الك*** تعال وياي للمستشفى وخلي الباقين يشوفون شغلهم
رائد_يلا يلا اني اسوق
شاهين_نومتها بحضني اباوعلها وجها متشوه من الضرب وجسمها ازرك بهاي اللحضه تمنيت نفسي بمكانها بسببي صار هيج بيها وهيه ماعليها طول الطريق اتفقد نفسها ووصلنا شلتها واخذها الدكتور
رائد_هاي شصاير بيها شاهين خاف اعتدى عليها البنيه شدخلها انته بيمن ورطتها
شاهين_هزيت راسي لا لا لحكت قبل ميسوي شيء مادري مادري عبالهم اختي جوز مراقبيني من جانت اطب وتطلع اخخخخخ لزمت راسي وجريت نفس اتصل على تبارك وكالت لاهلها يجون للمستشفى واجو امها وابوها
امها گلبت المستشفى بالصياح
صلاح_ابني شلون عرفت هيه بالمستشفى شبيها بنتي احجي
شاهين_ أولآ اني عميل سري بمكافحة الارهاب اجيت هنا بمهمه اكضيها وارجع بنتك صارت تجي تجيب اكل ومرات تتعارك نبهتها على طريقة شغلي وابتعدت الغلط مني خفت على اختي من اجت بدون علمي وخليتها يمكم وطلعو العصابة الي اني محاصرهم خطفو بتكم عبالهم اختي ضاربيها واخر لحضه جبتها للمستشفى اعتذر جدا اني غلطان واي اجراء تريدون تسووه اني قابل ومن حقكم
سهاد_حسبي الله ونعم الوكيل عليك ورطت بنتي لالها ولاعليها ليش ليش يمه فطوووومه وينج ليش مايخلوني اشوفها ليش سحبته من ملابسه واصرخ وابجي
صلاح_لزمتها اهدي ام فاطمه الرجال اعتذر وكل الي صار بالغلط انشاءلله مابيها شيء بس اهدي
تبارك _بقينا كاعدين لليل وهيه نايمة يكول الدكتور من الصدمه الي تعرضتلها طبيعي تبقى نايمة وكرايبها يروحون ويجون رحت وكفت يم شاهين ولزمت ايده
_اسفه
شاهين _باوعتلها وهمست اشش معليج انتِ عدت سلامات
تبارك_بست كتفه
شاهين_رجعي ويه رائد يلا
_ماريد اريد اطمن على فاطمة يلا اروح سوده عليه فطوم
شاهين _جريت نفس ودعيت من كل وكلبي تصحى وهيه بخير امها صعد ضغطها واخذها ابوهم ينومها بأحد الغرف ورائد راح يطمن على وضع الشغل وتبارك كعدت تقرالها قرآن كرايبها راحو يرتاحون
دخلت لغرفتها بهدوء
وكعدت كدامها اباوع لوجها المورم وايديها المدعبلات مچبسيهن وجسمها كله مضبر فركت وجهي دخل ابوها كمت
صلاح_وليدي تكدر تروح لاتعطل شغلك احنه هنا وعمامها وهذا قدر ربك لاتلوم بروحك
شاهين_لا عمي ابقى هنا لحدما تصحى اطمئن عليها ماكدر اعوفها
اخذ راحتك اني برة طلعت لكيت طيبه غافيه
اتصلت على رائد
رائد_خوية هذا مات
_يطبه هرش تريدني ابوسه واكله عفيه وهو يريد يغتصب البنيه
_الريس متخبل يريد يحقق وياه يكول شلون يكتله گلب المركز واني اهدي بي الا شويه يهفني راشدي
_شسويله يعني لو هو بمكاني نفس لسويته يسوي
_لاترجع سوي نفسك مشغول بالبنيه حتى لايعاقبك هذا جلب يركض ورا مصلحته
_طبه مرض خايف منه بكلمتين اخلي يتشكرني وهو الممنون غير كل شغلة يمي المهم خلي تصحى فطيم والله كلبي تكطع عليها
_هااااااا
_ووجعا ولي
سديته وبقيت كاعد للفجر المستشفى فرغت هدوء ابوها راح يم امها بردهتهم دخلت الها لكيتها كاعده وعيونها بالسكف والدموع تنزل
فاطمة_كعدت وجسمي مبنج بس من بديت اصحصح ألم بكل عضم بيه بديت استرجع الي صار ودموعي تنزل
شاهين_فاطمة وكفت كدامها تسمعيني؟
_هزيت براسي بخفه حجيت بصوت مبحوح وبلعومي مجرح.......
لاتنسون التصويت
رايكم يهمني؟؟؟
الكاتبة :جيم