وليد : بقولك ايه يا ريس .. هو ده المكتب اللى هتصدر الكاميرا ناجيته بس هاتها بصياعه كده من غير ما يعرف . ماشى .. وركب المايك قريب من مكتبه شويه ..
فنى الكاميرا : حاضر يا فندم
.................................
(احمد نازل مع زمايله ف الاسانسير للكافيه وساره واقفه مستنيه الاسانسير وبيتفتح الاسانسير بيلاقي ساره ف وشه وبيبصلها)
........................ (الحلقه الرابعه ) <3
(احمد بيفضل باصصلها بذهول ... وساره بتتكسف وبتبص ف الارض ومستنى الاسانسير يقف عشان يكلمها )
(ف الدور الارضي )
احمد : يخرب عقلك انتى لسا عايشه ؟ ........
ساره : ههههههههههه .. ازيك يا احمد ؟ والله العظيم واحشنا ؟
احمد : الله يخربيتك انتى .. انا ماكنتش اتوقع انى هقابلك تانى . انتى عامله ايه ياساره واخبارك ايه . ؟ واتجوزتى ولا لسا ؟
ساره : مخطوبه لسا .. والجواز ف الصيف الجاى ان شاااء الله . لازم تيجى
احمد : اكيد هاجى ... انتى بتعملى ايه هنا ؟
ساره : هه ! ؟
احمد : بتعملى ايه هنا يابنتى بتشتغلى ولا جايه تزورى حد ولا حكايتك ايه ؟
ساره : لا ابدا كان ليا طلب كده عند واحده صاحبتى هنا . وكنت جايه اخده منها ..
احمد : صاحبتك اسمها ايه ؟
ساره : هه ! فيه ايه ياعم هو تحقيق ولا ايه ؟ الا صحيح انت خطبت ولا اتجوزت ولا ايه الدنيا ولا فيه قصه حب عايشها اليومين دول ؟ ها اعترف
احمد : لا لسا .. عايش ع الماضى هههههههههه اخبار سلمى ايه ؟
ساره : هه! سلمى ؟
احمد : هو ايه اللى هه هه هه ؟؟ انتى مالك كده يانيله انتى . فيه ايه ماتتعدلى
ساره : هههههههههههههه لا والله اصلى متفاجأه انك لسا فاكرها وبتفكر فيها ؟
احمد : فاكرها ؟ انتى بتتكلمى عن مين ؟ انا بقولك على سلمى
ساره : ايوه منا قصدى على سلمى
احمد : وهى سلمى ممكن تتنسي يا ساره ؟ المهم هى فين اراضيها ولا اتجوزت ولا عامله ايه ف حياتها
ساره : هى كويسه ساعات بكلمها كده كل فتره .. ماتجوزتش لسا . تصدق ان انا وهى كنا لسا ف سيرتك من فتره كده ... افتكرنا لما جبت تلجايه وحطيتها ف قفايا واحنا ف امتحان المحاسبه ... لغايه دلوقتى عاوزه اعرف جبتها ازاى وامتى ؟ ههههههههههه
احمد : ههههههههههههههههههه يخربيتك ... وانتى كنتى بتجرى ف اللجنه زى الرقاصات
وحشتنى الايام دى والله ياساره وانتى وحشانى ... وسلمى وحشانى بغباء ... ابقى سلميلى عليها كتير بأمانه
ساره : طب ما ااديلك رقمها واتكلم انت معاها
احمد : ايه ؟ لا مش هينفع ... ماينفعش بعد الغيبه دى اسمع صوتها ببس من غير ما اشوفها
ساره : سلمى هتفرح انك لسا فاكرها على فكره
احمد : قوليلى بقي . هى ماتجوزتش لسا ليه ؟
ساره : مش عارفه ! يمكن تكون مابتفكرش ف الجواز من اساسه او كان نفسها تتجوز حد معين .. طب وانت ماتجوزتش لغايه دلوقتى ليه ؟
احمد : تقدرى تقولى كده نصيب .. وممكن اكون كان نفسي ف حد معين بردو .... ساره انتى كويسه ؟ انا حاسس انك نفسك مكروش كده وبتتكلمى بالعافيه
ساره : هههههههههههههههه اه والله مش عارفه اخد نفسي اصل انا بتعب من الاسانسيرات بصراحه
احمد : طوووووويب ... هتواصل معاك تانى ازاى ؟
ساره : هات رقمك ياعم
احمد : طب وخطيبك
ساره : هههههههههههههههههه هات رقمك يا حمو انجز
احمد : اكتبى عندك
ساره : صحيح ماقولتليش انت شغال هنا من امتى ؟
احمد : والله ما هتصدقى
ساره : ليه ؟ قول قول من امتى ؟
احمد : النهارده اول يوم شغل
ساره : ياسبحااااااااان الله . بقا ده اول يوم شغل ليك وانا اجى كده بالصدفه عشان اشوفك ... لا فيه حاجه بقي مش مفهومه
احمد : ماهو ده اللى مجننى ... على فكره اسم صاحبه الشركه هنا اسمها سلمى تقريبا .. شوفتى الصدف ههههههههههه
ساره : هه ! 😳
احمد : يادى النيله عليا وع اللى خلفونى
ساره : لا اصلى شورقت كده فيش ميه اشرب هنا
احمد : فيه كولدير اهو اشربى
ساره : تسلم ايدك ..... طب وانت عرفت منين ان اسمها سلمى
احمد : عرفت منين ايه ؟ هو انا ببيع لبن ؟ دى صاحبه الشركه اللى شغال فيها يعنى اقل حاجه اعرفها هى اسم صاحبها ... وبعدين دى شكلها وليه حيزبونه ماعندهاش قلب الموظفين اللى هنا بيترعبوا منها ... على ايه معرفش
ساره : ههههههههههههههههه ههههههههههههههههه ههههههههههههههههههه
احمد : الله يخربيتك ... انتى لسا بتضحكى الضحكه المايصه دى يابت ؟ هتفضح منك لله
ساره : هههههههههههههههههه هموووت مش قادره
احمد : تموتى ليه . هو انا بقولك ايه يعنى ؟ اه والله . واى حد اسأله يقولى بلاش نتكلم عن اصحاب الشركه ياعم .. زى ما يكون بشتغل فين انا معرفش ... دول حتى بيركبوا كاميرات ف اوضه الحسابات .. قولتلهم على حظى هههههههههههههه . عشان كده كنا نازلين الكافتيريا نشرب شاى
ساره : كاميرات ؟ كاميرات ليه خير حصل ايه ؟
احمد : معرفش بقي اهو نصيبنا
ساره : يلا ربنا يوقفلك ف طريقك ولاد الحلال يا حموكشه
احمد : ههههههههههههههههه الله . انتى لسا فاكره حموكشه ؟؟ ما بلاش اسيحلك بالاسم اللى مطلعه عليك ..
ساره : لا بقولك ايه .... انا مخطوبه . لو خطيبى عرف بالاسم ده هيفشكل الخطوبه ابوس ايدك هههههههههههههه
احمد : خدى ايدى اهى بوسى
ساره : ههههههههههههههههههههه اه يا تحفه .. اقسم بالله انت فكرتنى بأحلى ايام عيشناها يا حمو لازم الايام دى ترجع يابنى انت فاهم ولا لا .... لو بتفكر ف الارتباط انا ممكن افشكل عادى ههههههههههههه
احمد : هههههههههههههههه انتى بالذات لا يجوز ...
ساره : ليه ان شاء الله .. ناقصه ايد ولا ناقصه رجل ... دانت حتى كنت دايما بتعاكسنى ومابتقوليش غير يا مزه ويا موزتى
احمد : ههههههههههههههه ومازلتى مزه الله اكبر . بس بردو ماينفعش ... انتى صاحبه الغاليه وماينفعش اتخطاها عيب
ساره : ف دى معاك حق .. ماينفعش اتخطى سلمى معاك هههههههههههههه وبعدين مين قدك ياعم ماهى سلمى بردو طبق رز بلبن ماشاء الله عليها وربنا يحرسها م العين .. وانت بردو زى مانت اهو .... اخبار عينك الزايغه ايه ياض ؟
احمد : انتى بتتكلمى عن مين ؟ عنى انا ؟
ساره : يا حنين ؟ هههههههههههه ياخرابى يانا على الواد وبرائته
اخلص اعترف اخبار المزز معاك ايه ؟
احمد : انا مش عارف انتى بتتكلمى عن مين ؟ انا يابنتى عمرى عمرى ف حياتى دى كلها ما كلمت واحده نسوان
ساره : هههههههههههههههههههه واحده نسوان اه ... ... لو اتجمعنا تانى انا وانت وسلمى هنفقعلك عينك دى عشان تبطل اللى بتعمله
احمد : ههههههههههههه ماشى يا مزه وانا موافق ....
ساره : انا مش عاوزه اسيبك وامشى بصراحه بس مضطره اطلع تانى لصاحبتى عشان اخد منها مفاتيحى شكلى نسيتهم
احمد : ماشى يا سرسور ... هستنى اتصالك ف اى وقت
ساره : بلاش سرسور دى انت فاهم ولا لا ؟
احمد : ههههههههههههههه حاضر
.......................
(سلمى بتنزل من الاسانسير بتلاقى احمد وساره بيتكلموا واحمد ضهره للأسانسير ومش شايفها وساره شايفاها )
احمد : ماشى يا ساره استنى اجيبلك الاسانسير
ساره : يانهار اسود اسانسير ايه خليك هنا انا افتكرت ان مفاتيحى معايا خليك زى مانت
احمد : هههههههههههه فيه ايه يا مهبوشه يابنت المهبوشه
سلمى : بتقفل الاسانسير بسرعه وبتطلع تانى
ساره : الحمد لله
احمد : الحمد لله على ايه ؟ ايه الشركه اللى كلها ناس عبيطه دى فيه ايه مالكوا
ساره : ههههههههههههههههه ليه يا اخويا هو فيه حد هنا عبيط بردو غيرى قصدى فيه حد عبيط هنا ههههههههههههههههه الله يسامحك خلتنى اصدق انى عبيطه
احمد : اه والله دول كلهم عبط ... اى حد بكلمه هنا يفضل يتهته ف الكلام ويقولى لا كنت بهزر ومعرفش ايه
ساره : طيب ربنا يستر يارب
احمد : يستر على ايه .. امشى ياساره من وشى انتى كمان . طالعه ولا ماشيه ؟
ساره : لا هطلع فوق لصاحبتى ع السريع كده وهمشي .... هبقى اتصل عليك
احمد : مووووووووووشى . خلى بالك من نفسك .. مع السلامه
ساره : وانت كمان يا حموكشه ... مع السلامه اتفضل انت انا هطلب الاسانسير
.....................................
( ف مكتب سلمى )
( ساره بتدخل المكتب بتجرى عليها سلمى وبتشدها من شعرها )
سلمى : وحياه امك هتنطقى كل حركه وكل كلمه قولتوها وكل فسفوسه
ساره : ههههههههههههههههههه امال انا جايه ليه اهمدى بقي
سلمى : اهمد ايه انا كنت هموت لما شوفته ولما شوفتكوا واقفين مع بعض اخلصى احكى لاطلع روحك يابنت الجزمه ههههههههههههههه
ساره : مافيش ماقالش حاجه
سلمى : وحياه امك ؟ اقسم بالله هقفل علينا الباب انا وانتى ومحدش هيلحقك منى . اخلصى .. وتقولى كل كلمه اتقالت
ساره : انا سيبتك ومستنيه الاسانسير وبيفتح لقيته نازل مع زمايله المحاسبين
فضل متنح لما شافنى وكان ف عينه كلام كتير يا سلمى
وكان والله العظيم بيدور عليك ف وشى
انا ساعتها حسيت انى مش قادره اخد نفسي
كان واحشنى انا كمان والله العظيم ... بس حاولت انى اخبى عينى ووشى من عليه ومابصلوش عشان زمايله ماياخدوش بالهم
ولما نزلنا جالى وفضلنا نتكلم
اول سؤال يسألهولى بعد ما قالى عامله ايه واخبارك ايه سلمى عامله ايه ؟
سلمى : بتعيط ومنهاره
ساره : يا حبيبتى هو انا بحكيلك كده عشان تعيطى .. طب مش مكمله بقي
سلمى : كملى ياساره كملى ( بعياط )
ساره : كانت كل كلمه يقولهالى بيسأل عليك فيها
قالى انتى اتجوزتى ولا اتخطبتى قولتله مخطوبه بس ممكن افشكل لو انت هتتقدم يعنى تخيلى قالى ايه ؟
سلمى : ايه ؟
ساره : قالى ماينفعش اتخطى سلمى وقالى هى اتجوزت ؟
سلمى : قولتيله ايه ؟
ساره : قولتله اه اتجوزت ومعاها ولد
سلمى : وحيااااااااااااااااااااه امك ؟
ساره هههههههههههههههه بهزر معاك يا قلبى
قولتله لا مابتفكرش ف الاربتاط وكان نفسها تتجوز واحد زمان بس الظروف بعدتهم وسالته انت ليه ماتجوزتش . عارفه قالى ايه ؟
سلمى : ايه ؟
ساره : قالى نفس الكلام .. قالى يمكن اكون كنت مستنى واحده اتجوزها وماكنتش شايف نفسي انفع زوج الا ليها
سلمى : يا حبيبى ..... وحشنى اوى ياساره
ساره : اه صحيح بيقول عليك وليه حيزبونه مفتريه
سلمى : هههههههههههههههه بطلى هبل بقي
ساره : هههههههههههههههههه طب والله بجد
سلمى : ازاى يعنى وهو شافنى فين ؟
ساره : هههههههههههههههههه لا يا قلبى هو عارف ان صاحبه الشركه اسمها سلمى وبيقولى باين عليها وليه مفتريه الكل بيترعب منها هنا هههههههههههههههه
سلمى : هههههههههههههههههههه همووووووووووووت
طب انا هستحمل العيشه اللى انا عايشاها دى كتير ازاى ؟ انا مش عارفه اشتغل والله ولا اعمل اى حاجه
ساره : يا حبيبتى خلاص بقي ماحنا هنبدا واحده واحده واهو خلاص كلها ربع ساعه والكاميرات هتركب وهيشغلوهالك ف مكتبك .. وهيكون تحت ايدك على طول اهو
سلمى : ماتسيبينيش يا ساره اغرق ... تعالى هنا كل يوم . ما تيجى اشغلك معايا هنا
ساره : وانا موافقه .. هتشغلينى ايه ؟
سلمى : بس من غير زعل انتى عارفه انك حبيبتى وعاوزاكى جنبى على طول
ساره : ما تقولى يابت هتشغلينى ايه ؟
سلمى : همشى علا ابعتها اى قسم سكرتاريه وتيجى انتى مكانها
ساره : طيب يا حبيبتى وانتى زعلانه ليه ماهو انا ماينفعش اشتغل اى شغلانه غير دى . واهو هكون جنبك . بس تعمليلى مرتب زى الناس ههههههههههههههه
سلمى : انتى صاحبه الشركه يا قلبي .. بس خطيبك هيعترض ولا ايه ؟
ساره : لا ماتقلقيش .. ده هيرحب جدا وخصوصا لو هكون جنبك
سلمى : ماشى يا حبيبتى .. انا هكلم عماد دلوقتى يخلصلك ورقك وتيجى بكره تستلمى الشغل من علا وهى هتفهمك كل حاجه وهتفهمك شغلنا وهتكونى معاها اسبوع بحاله تفهمى منها كل حاجه
ساره : خلاص اشطا ... ما تجيبى بوسه بقي
طب دلوقتى انا كده هضطر انى اكلم احمد واقوله ان صاحبتى كلمت صاحبه الشركه وجابتلى الوظيفه دى .. ولا ايه ؟
سلمى : ايوه كلميه .. ماهو اكيد هيعرف .. وافتحى الاسبيكر والنبى عاوزه اسمع صوته
ساره : ماشى .. استنى
..........................
ساره : الو ! ايوه يا مز
احمد : ايه يابنتى خير . هو انتى لحقتى ههههههههههههه
ساره : لا انا جايبالك خبر مش هتصدقه
احمد : خيــــــــــــــر فرحينى كلمتى سلمى ولا ايه ؟
سلمى : (بتعيط )
ساره : (بتكتم التليفون ) وطى صوتك يا نيله انتى هتفضحينا
احمد : الو ! ايه يابنتى مين اللى بيعيط عندك
ساره : ههههههههههههه لا مافيش دى دموع الفرح .. اصل بقيت زميلتك هنا
احمد : زميلتى ازاى !
ساره : صاحبتى اللى كنت عندها كلمت صاحبه الشركه عليا ف شغل واهو الحمد لله السكرتيره اللى عندها كانت ماشيه اصلا ووافقت
احمد : انتى بتتكلمى بجد ياساره ؟
ساره : اه والله بجد ومن بكره هاجى استلم الشغل
احمد : عقبال الى بالى بالك كده يارب هههههههههههههههههه مبروك يا مزه ياللى من ريحه الحبايب انتى
ساره : ههههههههههههههههههه الله يبارك فيك يا جلبى .. هشوفك تانى يا حموكشه
احمد : ماشى
........................
ساره : ايه رايك بقي ؟
سلمى : ههههههههههههههه بنت جنيه ...
ساره : يا نيله انا بقولك ايه رأيك انتى ف كلامه .. لسا فاكرك وبيفكر فيكى اهو زى ما قولتلك
سلمى : اه يا حبيبى ... والله العظيم بحبه
ساره : يا عينى ؟ ما تنشفى يابت ..
اه صحيح . عندى فكره انما ايييييييه سم . هتخليكى تشوفيه وتقعدى معاه ومن غير أى خوف انه يعرف انك صاحبه الشركه
سلمى : خير
.....................
((يتبع ))
روايه بنت الاكابر
By SaN191999
(الحلقه الاولى والتانيه ) أبطال المسلسل : أحمد بطل القصه سلمى بطله القصه سالى وندى .. اخوات احمد مصطفى وعلى... More