"جزاء حبي لك"
البارت الثالث .....
غير مبري من ينسبهاا لاسمه...
للكاتبه:سجى المالكي
....
تصويت +متابعه للحساب 🌺
------
رنس بضجر-افف الماده صعبه شلون اقراها
لمى ساكته وتتصفح بموبايلها
رنس-لمى... يول داحجي وياج
نزت-هاا شكو
رنس-شنو شكو داحجي وياج واكول الماده صعبه
-عابتلج واني شعليه روحي اقري وفضي السالفه قابل اغيرلج المنهج هي يالله
-ياا وهيج تجاوبيني بدل ماتنطيني طاقه ايجابيه
-رنس والله تعبانه ومالي خلك
-اي هو صاير وقتج كله بالفون دخل اخلص امتحانات واشوف بيمن لاهيه
ضحكت-دروحي اقري وكافي سوالف تاخر الوقت
رنس شمرت الكتاب وفتحت شعرها وتمددت بفراشهاا
-تعبت مو مال اكمل بعد
-اها لعد نامي
-تردين تخلصين مني
-ياا شنو اخلص منج بس غير تكولين تعبت عاد نامي وكعدي الفجر صلي واقري
-شايفتني من سجاجين اكعد الفجر
لمى تمددت بفراشها وعيونها عل الموبايل
اردفت-تمام لعد لادوخيني اريد اباوع مسلسل
شويه ونامت رنس،
واتصلت لمى بـ اسر وبقوا يسولفون بامور عاديه وتعرفوا اكثر
بصوت ناعس-اسر نعست وتعبت باجر نكمل اللعبه
-اي والله تاخر الوقت واني هم تعبت
-تمام تصبح عل خير
-اجمعين
سد الخط ومدد بفراشه ابتسم وهو يذكر سوالف لمى
...
في الصباح.....
بالكليه،
واكفين بالحديقه ويحاول اسر يهدا جلال
جلال بعصبيه-ولككك بس عوفني خل اموته
اسر-تخبلت انت الامور مو هيج تنحل
-ماشفته شلون زحفلهاا عديم الشرف النكس
اسر-وانت شعليك ابن عمها ابن خالها
بصياح -احبهاا
رفع تك حاجب-نعم نعم جلال انت نفسك لو غيرك
تنفس بهدوء-صار فتره اراقبها من بعيد وعجبتني ولكيت نفسي حابها
-وخوما تريد تلعب بعرض الناس
خزره-بربك!! اني هسه تعاركت ويا ذاك الحقير علمودها وانت تكلي تلعب بعرض الناس شبيك اسر شارب شي
-يعني افهم من كلامك تريدهاا زوجه
-اي بس خل اضبط اموري واعترفلهاا بحبي وكبل اخطبهاا
-هي شسمهاا
-مادري
ضحك-تحبها ومتعرف اسمها
-ماحاجي وياهاا تعرف اخوك يستحي
-اي اي كلش اصلا انت رب المسحته
-اي خليني قدوه للشباب خل يستحون مثلي
ضحك-خاف العكس يصيرون
-لاتلهيني بالكلام وخل اروح اربي ذاك الحقير
حتى يتعلم ميباوع لاي بنيه مو بس حبيبتي
- شوكت صارت حبيبتك دكعد واسكت اذا وصل خبر للعميد ميصير خير
تنهد-اخاف تروح مني
-تفائل بالخير يجوز تحب غيرك....وضحك
بعصبيه-اسررر لاتحرك اعصابي
-هي محتركه اصلا بس اريد اذب عليهاا نفط
-يا الله شلون يريدني اموته هسه
ضحك-لا اهدأ وهسه خل ندخل للقاعه حيبدي الامتحان والحمدلله بسبب المشكله نسيت كلشي قريته
جلال شال سجلاته من الكرسي
اردف-عل اساس اني مذكر كله صوج ام شعر الطويل الاشكر
ضحك-خوش لقب هذا بس غير صاكه تخبل
خزره-ديربالك اسر تخلي عينك عليهاا
-لا خليهاا الك اني اريد محجبه وتلبس عبايه
-وشبيهاا حبيبتي ؟
-حلوه وصاكه بس لو تلبس حجاب وعبايه احلا
بهيام-لا هي حلوه بكل حالاتها
-يول عوف الحب راح يروح علينا الامتحان
راحوا للقاعه وبلش الامتحان ....
....
بالمدرسه،
نازك-هاا رنوس شلونج
رنس-موزينه
نازك-سلامتج شكو
رنس-ولج الامتحان ضيم والاسئله صعبه وكلشي محليت
نازك-نعوضهاا بعدين المهم ندخل بكلوريا
رنس-اذا هسى مادبرتهاا بالوزاري شلون اجيب طبيه ؟
نازك-يمعوده الله كريم ميه الف باب للوزاري
رنس-اووفف يلا امشي وصل الخط
طلعن البنات من المدرسه ووصلن للبيت
دخلت رنس ضايجه بسبب الامتحان
لمى-هاا رنس شلونج بشري الامتحان شلونه
زفرت بضيق وشمرت كتابها عل طاوله
رنس-كلشي ماحليت راحت قرايتي بالبحر
لمى-ياا ولج لتكوليهاا
كعدت -خايفه لاارسب نوب مادخل بكلوريا غير اموت
لمى-تفائلي واصلا الدخول ب 3 مواد وانتِ شدي حيلج باقي المواد حتلو طلعين بواحد عادي
رنس-ماحب ارسب
لمى-عادي حبي اهمشي الوزاري
تنهدت-الله كريم،،ماما وين لعد ؟
لمى-راحت لجارتنا سوت عمليه وراحت تأدي الواجب
-اهاا تمام، فدوه لوله جوعانه حبدل صبيلي غده بلا امر عليج
-تدللين گلبي روحي بدلي وتعالي
كامت رنس واخذت كتابها صعدت لغرفتهاا بدلت وصلت وتغدت ونامت حتى ترتاح
...
دخل اسر للبيت سلم عل اهله وراح لغرفته بدل وصلى وكعد يتصفح بفونه
دخلت اخته-اسر صبيتلك غدا متجي تاكل
اسر-ريم ماشتهي
ريم-تمام اني رايحه اقرا لمن تريد غدا كولي
اسر هز راسه ورجع نظره للموبايل وريم طلعت من لغرفه
راسلته لمى-مرحبا اسر
اسر-هلا لوله شلونج
-الحمدلله بخير وانت
-عل الله
-اممم عندك وقت نلعب؟
-حتلو معندي افرغلج
ابتسمت لمى ولعبوا لودو للعصر يلا خلصوا وراحت لمى واسر بدا يقرا لامتحانه..
يتبع"
صح البارت قصير بس سبق واتفقنا الروايه قصيره لكن حقيقيه
ماردت اكتبها بس نحرجت وكتبتها،
تصويت للبارت ومتابعه للحساب حبايب