( بِسْمِ اللَّـهِ الرَّحْمَـٰنِ الرَّحِيمِ )
إلهة القمر هو معنى أسمُها
ألِهذا يتأملون بِناضريكِ دون ملل او كلل
أتأمل حتى تَسرُقكِ الشمسُ مني
فـ أنتظر على حرارة جمرٍ انقضاء اليومِ
لِـ يحل الليلُ وَ يعلو بريقَ وجهكِ
هـي أبنة القمر
تهويدة السماء
متمردة الأرض
الكاتـبه :- قـمر الطائي " گمريه"
لتنسون التصويت
____________
_التفـت صفـوان مـن سمع صـوته الصوت الي
نحـرم مـنه سنين الصـوت الي كان يتمنى بكل خطوه
ودقيقه يكون بجانبه نهض من شافه أردف بـِ لهفه .
صفـوان :- عـلي .
عـلي :- روح عـلي .
صـفوان :- لك حبيب گلبي أبو حسين . " أحتضنه بقـوه "
عـلي :- مشتاكلك خـويه .
صفـوان :- يبعد رويحتي ياخـويه يبعد نظر عيني
شلونك حبيبي بخير أنته ؟؟ " يتلمس وجهه بـ لهفه وأشتياق"
زمـرد :- يمه وليدي علاوي يمه حبيب روحي حدر يمي يمه .
عـلي " حضنها وعيـونه تـذرف دموع " :- يايمه
مشتاك لريحتج يمه مشتاكلج حبيبتي مشتاكلج يـ عطر الجنه.
زمرد :- عمت عيني بروحتك يمه عمت عيني بغيابك حبيبي .
عـلي :- أسم الله عـلى عينج يروحي شلونج ؟
زمـرد :- بشوفة عيونك الحلوه يايميه صرت بخير .
عـلي " باس رأسها " :- الغاليه عساج دوم .
"التفت لصفاء " شـلونك خـويه شنو مناوي تجي
تسلم عليه ؟
صفاء :- ليهد أهله لأجل حـرمه يا عـلي ما أحطن
أيدي بأيده .
" أستغـرب عـلي مـن كلام صفاء لأول مـره صفاء
ممكن يتكلم هيج كلام لأي شخص"
عـلي " نـهض" :- متأكـد أنته صفاء ؟
كـوثر :- چا خـياله .
عـلي :- الكلام مموجه الج موجه لأخوي لا تدخلين .
صفاء :- ماعندي كلام وياك .
ستار :- شعندك رديت هناا موش طلعت من السلف وتحرمت
عليك دخلته شني تكسر جلمة أبوك بين الدواوين وچايب المسيحيه
وياك وچاي .
عـلي :- من حگي أجي وأدخل شوكت ما أريد لا نهبت ولا چتلت
ولا سويت شي حتى أهد الديره لبالكم أنه ما أريده أنه أخذت العشكتها
والحمدلله الله أنعم علينه من نعمته ورزقني ببنيه منها وعايش حياتي
مرتاح .
صفاء :- چا اذا عايش حياتك مرتاح شعندك رديت .
صفوان :- صفاااء بسككك لا تتخطى حدودك بسك .
زمرد :- شني ما تحشمون أنتم أحد چا مو جدامكم أنه
تتذابحون چدامي .
عـلي :- السموحه منج يمه تعاي شراره .
شهرزاد :- السلام عليكم.
عـلي :- يمه هاي شهرزاد " أخذ الطفله من بين أيدها"
وهاي المؤنسه الغاليه سيلينا.
زمرد " أطلقت صوت الهلاهل من بين حنجرتها " :- يمه
بـ المبارك يايمه بـ المبارك يبعد نظر عين أمك يمه هلا بالغاليه
حدري أحبن هالخدود البيض التلالي شلونج يبعد زمرد .
شهرزاد :- الحمد للرب شيخه " باست أيدها "
زمرد :- يرضى عليج ربي يا أمي .
يمه البنات يمه شحلاها كصايبها وراها
يمه سبع وأكولن گليلات .
صفوان :- شني يمه أنطيني أشوفنها .
زمرد :-حدر أنده للبنات يحطن على رأسهن ويجن.
صفوان :- دخـلت للبيت جـوه .
وينجن يالحبايب وينجن .
چنان :- هـا هـا ليش تصيح شكو شصار ؟؟؟
صفـوان :- عـلي عـلي .
چنان :- يمه شبلاه عـلي .
صفوان :- عـلي بـره بالديوان كاعد .
سلمى :- يمه عـلي هنا " ركضت متلهفه لشوفته "
چنان :- وعمي ستار ويوسف وينهم ؟؟؟
صفوان :- أبويه ماعرف وينه وستار جوه تلاسن ويا .
چنان :- يارب سترك أمشي أمشي .
صفوان :- حدري هنا يچناني شو صاير حلو .
چنان :- يا مو وكتها صفوان أمشي .
" قاطع تقاربهم صـوتُ الحـاد مـنذ صغـُره "
مهاب :- بويه .
صفوان " أبتعد عن جنان " :- هـا بويه .
مهاب :- شني ياهو أجه ؟
صفوان :- بويه أجه عمك عـلي الحجيتلك عنه .
مهاب :- أبو سيلي؟
صفوان :- هههههههههههه أي أي .
مهاب :- اها خير أنشالله أمشينه يله .
چنان :- يا هذا شبلاه هيج يعاين علي ؟
صفوان :- هههههههههه أمشي فـد واحد راح يصير هذا.
سلمى :- دخـلت عليهم شفته كاعد ومتغير راجع شباب
وشهرزاد أميره وكاعده والطفله بحضن أمي ركضت اله .
_ يمه حبيبي علاوي يعمري ياخويه .
عـلي :- يرية أخيج أنتي شلونج أخبارج سمعت صايره
أم .
سلمى :- هههههههههه أي .
عـلي :- وينه جيبي أكحل عيني بي أبن الغاليه .
سلمى :- نايم يمه هلا هلا برفيقة الدرب هلا ببير الأسرار
هلا بصحبة السنين هـلا بشرارة عـلي .
شهرزاد :- هههههههه هـلا بيج الغاليه حبيبة روحي .
سلمى :- مشتاقتلج موت موت .
شهرزاد " بهمس " :- لج أختنكت هههههههه يمه .
سلمى :- أشش خليني أحركهم حرك اوف شكد مشتاكه
لعطرج .
شهرزاد :- حبيبي مو بكدي مشتاكه لكلشي بيناتنه .
سلمى " أبتعدت عنها أحتضنت وجهه بأيدها " :-
المـهم رجعتو حتى لو كم يوم المهم شفت عيونج الأحبهن
وين الحلوه مالتنه .
هلا هلا بـ عماتو يمه بنت الغوالي .
زمرد :- ولج دهر كون لا تمردين البت .
سلمى :- أفيش أفيش عطر الماميه بيها يمه شبلاج
خليني أعضها شويه .
زمرد :- يا خايب ولك علي مردت بنيتك .
عـلي :- هههههههههههه يمه خليها .
مهاب :- السلام عليكم .
التفتو لمصدر الصوت .
عـلي " بأستغراب " :- وعليكم السلام ياهلا .
مهاب " تقـدم " :- شلونك عمي " باس أيده "
عـلي :- بخير حبيبي منو أنته بس لا مهاب ؟؟؟
مهاب :- أي عمي أنه مهيب .
عـلي " جـره لحضنه " :- ياهلا بأبن الغالي شني ولك
صاير زلمه حوك حي الله حبيبي .
مهاب :- من صغرنه أزلام عمي حياك برجعتك للعراق .
عـلي :- هههههههههههه ونعم ونعم .
مهاب :- شلونج مـرت عمي .
شهرزاد :- هلا حبيبي بخير وأنتَ ؟
مهاب :- نعمه الحمدلله .
دخـلت جنان بـ لهفه متجاهله أن أكو عيون راح تكون ضدها
بسبب لهفتها عليهم .
چنان :- هسه نور البيت وحك العباس هسه نور هلا بالغوالي .
زمرد :- شني مايخلص السلام اليوم ؟
علي :- ههههههه وج يمه شني واكف عكس الهم
هلا بيج أم مهاب بنورج هذا .
" أكتمل السلام بيناتهم هناك عيون تراقبهم بحقد
وعيون تراقب بحب وأشتياق وعيون بيها الندم
دخـل الشيخ يوسف حمحم بـدخوله رفع رأسه
ليرتكز بـِ مكانه أردف بـ صدمه وأستغراب "
_ عـلي ؟؟
عـلي :- أي بويه عـلي .
الشيخ يوسف :- شني شوكت أجيت شلون .
عـلي " تقدم ناحية والده " :- بويه عـلي الي حرمته
من شوفتكم لأجل ترضي ناس عـلي الي بعدته قارات
لإن رفض طلب العالم عـلي الي متلهف لشوفتكم يوم يوم
عـلي الي تغرب لإن أخذ محبوبته عـلي الي نحرررررم
من عطر أمه وشوفة أبو وگبره بين أهله لأجل ترضي ناسك
ياشيخ يوسف يابويه .
صفوان " بـ همس " :- كافي حبيبي لتسوي هيج .
عـلي :- هدني صفوان .
صفوان :- هشش كافي أمسح دموعك عيب بويه مرتك كاعده
وأول دخله الها هنا مو هيج حبيبي .
" نظـر لوالده بنظـرات مليئه بالعتاب كأن يعاتبه عـلى فقدانه
لأيام المضت الي كانت تخلو من وجود أهله بيناته الأيام والسنين
الي مرت وهو وحـده بـدون أهله كل العتاب كان بنظره واحد كفيله
توصل المشاعر والكلام لقلب والده "
يوسف :- شنهي ردك للديره موش أنه حرمتها عليك ؟
ستار :- يوسف كسر چلمتك والوادم هسه تاكل وجوهنه شني
جايبها ويا .
عـلي :- يانااااس ياعاااالم شننني فهمووووني شبلاكممم ويايي
مو هديتووووو حيلي شنييي غلللط أجي أشوفن اهللللي گلبي
طاك عليهممم سنينن انه بعيد عنهم من وره عمايلكم السوده
وأفعالكم چا حسبالكم ما عندي علم بسالفه جلال لا وحك الحك كلشي
أعرفن عنها وأعرف ياهو لدبرها .
ستار :- لا ترفع حسك يا علي موش زغير چدامك وبعدين ياهو
ضربك عـلى أيدك وچبرك تتزوجها لا أصل ولا فصل .
شهرزاد " تكلمت بهـدوء وهيه جالسه بـ مكانها ركزت عينها بعينه" :-
عيب الكلام هـذا عمي الحمد للرب معروفه ومن أصل وفصل ونسب
أهلي ينحلف بيهم مو مقطوعه من شجره حتى تتكلم عني هيج
ولا بدون كرامه حتى أسكت عن كلامك مهما تكون قريب مني
أو من زوجي ما أسمح لشخص ممكن أن يهين عائلتي بأي
شكل من الأشكال
كوثر :- والله وطلعلج لسان .
شهرزاد :- الكلام مموجه الج رجاءً مو بكل كلمه وأدخلتي .
كوثر :- شني شني شتفضلتيي؟؟؟؟؟؟
چا من اول شنيتها حرب علينه .
سلمى :- كوثر لتدخليننن .
صفوان :- كاااافي بسكممم شني ما سكتووون
عـلي چم يوم وراد لأمريكا ما أريد أحد يفك حلكه بچلمه .
سلمى :- طلع عمي ستار ومراضي على شي كوثر
دخلت جوه هيه وصفاء وضلينه بس أحنا كاعدين
نظرات بين الشيخ وبين علي نظرات مليانه كلام
صفوان حجه ويه الشيخ ميدخل بـ علي كم يوم ويرجع
لأمريكا الشيخ مكان يكره عـلي لكن لأجله لأجل مصلحته
وسلامته جان يسوي هيج حتى ميبقى هنا سمعت العالم بجية
عـلي وأجتمعت العائله ثاني يوم بالبيت بس بعضنه أيدنه
عـلى گلوبنه خوفاً عـلى شهرزاد والطفله سيلينا.
_______ اليوم الثاني .
چنان :- بسرعه طشت السالفه .
سلمى :- ليش يمه منو يكدر يلزم لسانه .
چنان :- أسكتي هسه تجي العشيره كلها .
سلمى :- هف وناديا راح تجي استغفرلله اليوم
نتحضر للنرفزه .
چنان :- فهمتي شهرزاد ؟؟؟
سلمى :- أي فهمتها البارحه محضرتي شلون سكتته
لعمي ستار .
چنان :- حـل حتى يكض لسانه مره ثانيه جبل وين؟؟
سلمى :- بس ينام تعب البارحه ليل كله بيد علي كاعد .
چنان :- هههههههه فدوه لله فديته عين الله علي اذا هوه
ينكرط .
سلمى :- هههه أيي وهاي سيلينا شفتي مهاب ضل يمها
بس عود هوه ميبين لأحد وعاگد النونه ونافخ نفسه .
چنان :- هههههههههههههه أسكتي ليل كله نضحك علي .
كوثر :- عساها خير للضحكه ضحكنه وياجن .
چنان :- چنه نسولف على مهاب وسيلينا.
كوثر :- شبيهم؟
چنان :- شني شبيهم ؟
كوثر :- أي شبيهم يعني صغار بس لا ناويه تاخذيها لمهاب
بس تكبر ؟
چنان :- چا ليش ؟
كوثر :- يااا تاخذين بنت شهرزاد لأبنج ؟؟؟
تعلمين أبنج مثل عمه يصير ؟
سلمى :- چا مو بنت عمه هيه ؟
قـطع حديثهم دخـول ناديا .
ناديا :- السلام عليكم شكو شبيكم صوتكم بره ؟
_ وعليكم السلام .
كوثر :- هلا أم منتظر .
ناديا :- هلا بيج شلونجن اخ يمه تكسرت .
سلمى :- شني شوكت تجيبين ؟
ناديا :- الأحد عمليه أسوي أحسن .
چنان :- عند يادكتوره ؟
ناديا :- سهام شني وين علي ومرته سمعت أجت ويا ؟
كوثر :- أي خيه جابها وأجه ولا چـن صاير شي .
سلمى :- ناديا لتسوين شي تره مناقصين أحنا وخطيه علي
أجه من بعد سنين وهيج نستقبله ؟
ناديا :- اوووي وشبلاج أنتي هيج حاركه دمج بعدني مدخلت
تره .
سلمى :- أعرف سوالفج .
ناديا :- سلمى كفي عني .
سلمى :- والله صفوان كال هيج .
چنان :- دخلت ناديا سلمت وجان سلامها مبالغ بي ويه علي
بس ويه شهرزاد من بعيد بحيث أحنا دخلنه بهدومنه من الخجل من
البنيه الشيخه زمرد ضلت تعض بشفتها وتتوعد الها .
ناديا :- أي علي شلونك أخبارك .
علي :- بخير الحمدلله خويه شني بعدج حامل ؟
ناديا :- اي والله ياخويه توم موتني هاي طبيت بالعاشر .
عـلي :- خير انشالله چا رضا وين ؟
ناديا :- هسه شويه ويجي .
عـلي :- تمام بويه شراره .
ناديا :- شراره شني ؟
سلمى :- شهرزاد يسميها شراره فديتها .
ناديا :- شني خويه ملكيت الا هالدلع .
علي " كعد بـ صف شهرزاد ولف أيده حول خصرها " :-
چا مو بس شراره هيه بويه بركان وعلي .
زمرد :- يمه شوكت يصير غداچن .
سلمى :- مبقى شي شيخه نسولف والجو متوتر بسبب
ناديا كل ثانيه وذبت كلمه لشهرزاد بس شهرزاد مغلسه عنها
مهاب نزل كعد يم علي يباوع بتك عين لسيلي وچنان تضحك عليهم
دخـلت القافله دخل ستار وزوجته وورا الفيلق .
ستار :- السلام عليكم
يوسف :- وعليكم هلا خويه تفضل .
" تبادلو السلام "
زوجة ستار :- الحمدلله على سلامتك علي .
عـلي :- الله يسلمج مرت عمي .
سليمه :- ا الحمدلله على سلامتك علي نورت الديره .
عـلي " دنك راسه " :- أهلا خيتي .
سليمه :- شلونج شهرزاد .
شهرزاد :- أهلاً حبيبتي .
سليمه :- أنه سليمه بنت عمه لعلي .
شهرزاد :- حبيبتي تشرفت بيج .
زمرد :- يله يبنات أنصبن الأكل للزلم وللنسوان .
يوسف :- يله يولد أمشونه للمضيف .
سلمى :- طلعو الزلم للمضيف ومهيب وياهم أكيد
بدت السوالف تتنقل بيناتهن ماصدكن أكو سالفه ولزمنها
كامت شهرزاد ترضع سيلينا جوه دخلت بالغرفه نصبن
الأكل للزلم كوثر حامل بشهرها الثامن وناديا كذلك وميشيلن
شي على راسهن ريشه هنه بدون حمل ميتحركن خطوه
والله بنات ستار مدري منين نزل عليهن النادره كامن ويانه
كملن وخلينه للنسوان كذلك .
زمرد :- يمه صيحي شراره .
سلمى :- أي يمه " دخلت عليها لكيتها
مكمله الها رضاعه وكاعده تبدل الها " يله حبيبي
نصبنه الأكل .
شهرزاد " بأبتسامه " :- تمـام عمـري .
سلمى :- سار اليوم عادي ماكو حـدث صفوان
شرط على علي ميطلع باب البيت خوفاً علي أجازتهم
جانت أسبوع ويرجعون اليوم الخامس قبل سفرتهم بيومين .
عـلي :- أم جبل وينج ؟
چنان :- هسه تجي خويه .
عـلي :- بويه كليلها أبو جبل اجه .
چنان :- تمام .
دخلت جوه شهرزاد بالغرفه ترضع سيلينا وكت عصريه
جانت بيت ستار وغزوان عدنه سلمى جانت تسوي
شوربه لشهرزاد رحت عليها للمطبخ .
_ سلمى حبيبتي أجه رجلج يريدج بره .
_ تمام بس عينج على شوربه .
_ روحي معليج .
راحت سلمى طلعت سليمه من اجوي لحد هسه
مطلع منها شي وحتى كلامها ويه شهرزاد كلش حلو
وكأنو متقربات من بعض المهم دخلت سليمه شافتني اصب
شوربه .
سليمه :- المن شوربه ؟
چنان :- لشهرزاد خطيه متاكل شي وعدها رضاعه .
سليمه :- هسه جنت رايحه الها انطيني أني أخذه الها .
چنان " بعـد الحاح منها " :- تمام تفضلي بس أوكفي أحط
الها خاشوكه .
سليمه :- تمام .
چنان :- نعمى على عيني ذاك اليوم لو أدري بيدي أوديها
بيدي أوكلها والله أخذت الصينيه من أيدي وراحت بس جانت
مثل المرتبكه راحت صعدت فوك أنه على مهاب ربع ساعه ونزلت
شفت شهرزاد بالمطبخ واكفه وتلهث الصينيه بالسنك والماعون
بالزبل " تكرمون" ذابته
_شهرزاد ؟
شهرزاد " بأرتباك " :- هاا .
_ شهرزاد شبيج حبيبتي ليش وجهج اصفر شبيج ؟؟
شهرزاد :- مصاير مصاير شي بس شويه تعبانه .
چنان :- متأكده؟
شهرزاد :- أي متاگده علي وين ؟
چنان :- ماعرف طلع ويه صفوان قبل شويه .
شهرزاد :- تمام .
چنان :- مرحتي لبغداد ؟
شهرزاد :- مموجودين أهلي باللبنان .
چنان :- أها يله حبيبتي أدخلي أرتاحي .
شهرزاد :- تمام .
چنان :- دخلت بس گلبي ممطمن طلعت زوجه ستار
وسليمه .
سليمه :- يله أحنا نروح .
چنان :- هسه أجيتو .
زوجة ستار :- والله أجينه نشوفكم ونرد عدنه شغل ياخاله.
چنان :- هلا بيكم بكل وقت .
زوجه ستار :- سلميلي على ولد عود .
چنان :- أنشالله .
________ يـوم السفر .
صفوان :- عيدها خويه .
عـلي :- أعيدها ؟؟؟
شوف لوجوه كلها مگلوبه بس أنته وسلمى وأمي
وچنان رحبتو بينه خويه شعيد .
صفوان :- تهون خويه وربك تهون بالك لنفسك
حبيبي وسيلينا تره من هسه محجوزه لأبني ها
خليها بالك مرت الشيخ .
عـلي :- هههههههههههه أنشالله أنشالله .
صفوان :- مودعين بالله .
عـلي :- حبيبي سلملي عليهم يله رد للبيت .
صفوان :- يوصل مع السلامه .
عـلي :- باي .
____
صفوان :- سـافر عـلي وسافرت ضحكتي ويا سافرت
سوالفنه ويا رجع الحزن خيم على البيت أمي رجعت
لغرفتها متطلع الا قليل منها مـرت السنين صار عندي
ولـد ثاني أسمه مراد وصفاء صارو عنده مروان وسالم
وبنات ثنين نور وصفيه وناديا ولدت نرجس وعلياء
وحامل ببنيه عـلي تواصلنه قليل ويا عمامي حشو براس
أبوي الا سوو لبراسهم أبوي بعد علي عن البيت وممنوع
أحد يجيب سيرته بس متراجعت ضليت أكرر بسالفته
الأ ان أكتفى عني ميكدر يجادلني بسالفته بعد الحياة
ماشيه والحمدلله صح الوضع تعبان والأجواء متوتره
بالبلد أنتخابات وسوالف زعزعه بالبلد وأنتشار المندسين
البيت كلمن عايش بحاله محد اله دخل بالثاني بس كوثر
كثرت مشاكلها ويه چنان وسلمى من تجي علينه هم تشن عليها
حـرب مهاب اليوم عمـره 14 سنه .
صفوان :- بويه على كيفك ويه نفسك .
مهاب :- تسعه . ثمانيه . سبعه . سته . خمسه . أربعه .
تلاثه . ثنين . واحد " نهض من التمرين وهوه متعرق "
ها يبُا وين ؟
صفوان :- راح لبغداد .
مهاب :- شعندك ؟
صفوان :- رايح لأبشالوم ويوئيل عندي شغل وياهم .
مهاب :- أها تمام .
صفوان :- يله كمل أنته .
________________
أبشالوم :- الحياة ماشيه عدنه بهدوء
تـزوجت وصار عندي بنات ثنين وولد
ويوئيل كذلك ولد ثنين عنده وبنيه
الحمد للرب كلشي تمام بحياتنه أفراميا
بگندا ساكنه كل فتره تجي علينه شهرزاد
مـره رحنه زرناها ورجعنه من بعدها مطلعنه الأوضاع
توترت كلش ماتليدا سكنت بصفنه بعـد أن توفت والدة أبيل و
ولدت طفله بنيه ثانيه .
وولدت تلك الطفله التي صعقت بها الحياة التي تركت ندوب في حياتها
تلك المتشبعه في الغموض تلك التي ستكون حفيده يسوع المليئه بالندوب
والأنكسارات تلك التي تمثل القـوه والصلابه الأسْتَفْحال الصَرَامَة الذي عند رؤيتها يتغلغل الى داخلك شعور السَكِيْنَة الـَطُمَأْنينة ولـدت أبنة شهـر الحزين ولـدت العظميه والمُبهره " أمبروسين " لتكون خالده في حزنها
خالده في شجاعتها التي تتغلب فيه عـلى حزنها .
ولدت أمبروسين بس نحرمت من عطر والدها من شوفته
نحرمت من حنانه وحبُه كانت أمنيته يملئ البيت بالبنات
والأولاد من ماتليدا لشدة هيامه بيها وحبُه بس القدر رأيه
كان أن يأخذه تارك خلفه أطفال وبنت لم تلـد .
"Back to the past"
1997/11/12
ماتليدا :- أبيل لتروح والله خطره داكولك الولد كايلين
لأبشالوم الطريق خطر بليل ليش متسمعني .
أبشالوم :- أبيل خويه اطلع الصبح وأحنا وياك ياخويه .
أبيل :- ماتليدا بنيتي حبيبتي أنتي بويه لو ربج كاتب يومي
بهذا اليوم لو تغلقين عليه هم يصير شي وأموت ياحبيبتي
لتخافين چا اول مره أروح يله بالج للبطنج أرياس بويه
دير بالك على أمك وأخوتك أمانه بركبتك ذوله حبيبي .
أرياس :- بويه لتروح خليها باجر ؟
أبيل :- بابا شغل ضروري .
أرياس :- دير بالك على نفسك .
أبيل :- أنشالله .
أرياس :- طلع أبويه طلع وجانت أخـر شوفه أشوفه بيها
اليوم من أتعس أيام حياتي اليوم الي كان أول أيام بدايات
السواد بحياتي اليوم الي أتمنى ينعاد حتى أمنعه من طلعه
نسلب النوم من عيني نسلبت راحتي وطفولتي نسلب كلشي
حلو بحياتي صرت الأب صرت السند صرت الأخ الجبير والحامي
الهم الساعه 3:30 ليلاً دخل خالو يوئيل يركض .
يوئيل :- أبشالوم أبشالوووووم .
أرياس " طلع ركض " :- شكو خالو شصاير .
يوئيل :- ها أرياس شعندك كاعد روح بابا نام حبيبي لتطلع .
أبشالوم :- شكو شبيك تصيح .
يوئيل " نظر لأرياس " :- تعال هناك .
أبشالوم :- شبيك قلقتني ؟؟
أرياس :- أخذ خالو أبشالوم بعيد شويه المكان هدوء
لفت مسمعي أسم أبيل فزعت بقوه .
_ شبي أبوي .
يوئيل :- أش مابي شي أسكت ليكعدون .
أرياس " بحده " :- أبوي شبي .
يحجي وهو صاك على أسنانه .
يوئيل :- حبيبي أرياس أهدأ بابا أهدأ هذا قـدر
وصار والله كاتبله هذا يومه راح يم ربه شهيد
شهيد راح .
أرياس :- هههههههههههه شتحجي أنته خالو
قبل شويه جان هنا ماكو هيج كلام متوهمين .
أبشالوم :- أريياس أصحى بابا أنته الجبير
والدك راح شهيد أستوعب .
أرياس " نفضت أيدي عنهم " :- مامااااااات
أبووووووووييي عااااايششش عاااايشششش
مابييي شييي هسه يرجع هوه كال يوم وأرجع
مابي شي مابي شي .
ماتليدا :- شكو شكو ليش هاي الصياح .
فيرونيا :- شبيكم صوتكم طالع ألسيديس يمه
ليش تصرخ .
أرياس " عدم أستيعاب" :- لالا لالا مامات مامات .
ماتليدا :- م منو .
أرياس :- مامات أبوي مامات هسه جان هنا مامات ميعوفنه
والله ميعوفنه .
ماتليدا " نظرت لأخوها " :- شديحجي ؟
أبشالوم :- ماتليدا انتي حامل باعي حبيبتي هدي نفسج
أول شي أبويه والرب حيلي راح تره مناقصني بنيتي
أبيل شهيد راح شهيد يم ربه .
" صفنت لدقيقه بعد أن أطلقت صرخاتها التي رچت الأرض
بها تلك الصرخات التي خرجت من عمق قلبها صرختها
التي نادت بها أسم فقيدها وحبيب فؤادها والد أطفالها ووالدها
زوجها صديقها كل شيئ كان لها هو .
ماتليدا :- أبيللللللللللللل .
أبشالوم " حضنها" :- أش أش أش أهدي أهدي
يوئيل :- أرياس قوي نفسك أرياس أمك عينها أرياسسس
اصحى باوعلي لازم نروح ومنكدر نعوفها هيج أرياس بابا
اصحى حبيبي أرياس وياي أنته ؟
أرياس " بعدم أستيعاب " :- مامات " يتكلم بهدوء وصافن
بالأرض الدموع نشفت في عينيه ممستوعب فكرة موت والده
أيده تهتز وجسمه يرجف يهز برأسه بنفي" لا مامات
ماتيلدا " بـ صراخ وبجي " :- ميموت والرب ميموت
هوه كال قبل ليطلع كالي راجعلج عيون روحي والرب هيج كال
ميموت كذب غيره مو هوه مو هوه شوف هسه يجي حتى
راح يشتري غراض جديده لبنتنه الجديده والرب ميموت ميعوفني
مستحيل ميموت ماما ميموت ولج يمممه أبيلللل كوم يرووحي
تعالي الي تعال بنتك تنتظرك تعال حبيبي .
أبشالوم :- رخى جسمها رفعت راسها شفت عينها مغمضتها
عرفت أغمى عليها رفعتها بسرعه ودخلتها جوه ألسيديس بره
ميقبل يدخل كاعد فاليريو صافن علينه حاضن ارسانيوس
ميعرف شنو يسوي شنو الصاير بس حاضنه وصافن علينه
خليت ماتليدا على القنفه رفعت رجليها وشممتها عطر
شويه شويه فتحت عينها بست كصتها وحطيت كصتي
عل كصتها .
_ لا تكسريني بيج ماتليدا .
ماتليدا " بـ هدوء " :- أبيل وين ؟
أبشالوم"أنطلقت دموعي تنزل بـ غزاره" :- اااااااه يا رب
لتسوين هيج بويه لتسوين لتحركين گلبي أبيل شهيد
يم ربه شهيد .
فيرونيا :- ولك يمه على كيفك روح شوف الولد بره أني يمها.
أبشالوم :- كمت طلعت ودموعي متقبل توكف شفت ألسيديس
كاعد وصافن يوئيل يمه يحاول يقنعه وهوه ميحجي حجيت بگلبي
" لعـد لو تدري سبب موته جان شسويت " كوم يوئيل روح
ويه أبوي مر علي مناك لبيت عمي وروح جيبو .
يوئيل :- وألسيديس ؟
أبشالوم :- أني يمه .
راح يوئيل تقربت من ألسيديس كعدت كدامه لزمت أيده
أهدي من رجفتهم البروده البيهن فضيعه عيونه مابيهن قطرة
دمع شفته ترجف نفسه قوي مسحت على وجه بيدي " أشش
حبيبي أهدأ أسمعني بالكتاب المقدس القرءان للأسلام مو يكول
بسم الله الرحمن الرحيم " ولا تحسبن الذين قتلوا في سبيل الله أمواتًا بل أحياء عند ربهم يرزقون " صدق الله العظيم
أبوك شهيد والشهيد يم ربه حي وحقه ميروح
هـدر ولا دمه
حبيبي أرياس وليدي أنته كوم لحيلك كلنه على هذا الدرب
مو وكت تضعف أبويه أمك بحاجتك هسه كوم وليدي
أنته قووووي أرياس هذا يومه لتعذبه هيج وصاك عل أمك
وأخوتك تكسر وصيته
" من كتله هيج بسرعه أنتفض ودخل ركض جوه رحت ورا
دخلت شفته كاعد يم راس أمه ولام راسها بحضنه وهيه تبجي
وهوه يمسح على رأسها ويحجي بأذنها "
أرياس :- كافي شهيد لتبجين علي هلهلي بدال متبجين
شهيد يمه شهيد نياله الشهاده حبيبتي لتكسريني بيج
يمه ماحمل كسرات يمه صغير على الكسرات أني
يمه عينيني .
أبشالوم :- عينها موكفت دمع ساعات مـرت صار
الصبح سمعت سيارات يم الباب عرفت جابو كام أرياس
دخل أخوته للغرفه بسرعه بس كلشي يسوي برود خايف منه
حيل ماتليدا بسرعه كامت طلعت بره ويه طلعتها دخل يوئيل
والولد شايلين النعش مالته هيه شافته هيج وهيه وكعت عل
تابوت وكعه .
ماتليدا :- هنتتت عليكك تروح وتعوووفني هنت عليك هيج
كوووم لتحرك روحي كوم حباب كوم أني هنا ومتحاجيني
جنت دقيقه متعوفني هسه عايفني للأبد شلون أعيش بعدك
شلوون دوووم تكووول أتمنى يومي گبلج لان ماحمل فراكج
وتحققت أمنيتك أبيلللللل كووووم يرووووووحي يعيووون عمررري
كوووم أبويه كووووم ولدك ينتظروووك عمتتت عينننن الموووت
الأخذك عمت عيني عليك يروووحي يبو طول الحلووووو .
أبشالوم :- الكل بجى على كلامها ولدها طلعو دموعهم على خدهم
بهدوء يبجون بنته الكبيره دولوريس ويه أفراميا بالخارج متدري
بوفاته بس ولده هنا تقدم أرياس عـلى تابوته بهـدوء كعـد يمه
فتحه ورفع رأس أبو باسه بكصته .
أرياس :- مبروك الشهاده يالغالي مبروك يا أول كسره بحياتي
مبروك الك الشهاده بويه مودع بالله وأهل البيت .
ماتليدا :- أبيل لتعوفني والرب ماحمل فراكك .
أبشالوم حاجي يكعد ليعوفني حباب انته يوئيل
مو صديقك هوه ودائماً تتشاقون وتضحكون عليه
كوم كوله يكعد يبطل شقه حباب .
أبشالوم :- تجي عليه وتروح ليوئيل تبوس بأيدنه
ودموعها تنزل جمر على گلبي حضنتها داوخرها سمعت
صرخه هزت المنطقه هز صرخه طلعت من گلب محروك
صرخه مكتومه سنين عبالك باوعت أرياس .
أرياس :- ولك بوووووووويه كوووووم .
أبشالوم " ركضت اله " :- لا أرياس لا لا .
طلع أبو بقوه من التابوت وكأنو رجال جبير سحبه وحضنه
يبجي ويهتز .
أرياس :- عفتني للدنيا عفتني لظلم الحياة عفت بركبتي
عائله يابويه كوم حبيبي ننتظرك بويه عطرك ما أريد أفگده
حبيبي بويه كوم " باس كل جزء بوجهه نظر لأخوانه " تعالو
تعال علي بوسه .
عـلي " نـزل عـلى رگبته وباس رأسه "
أرياس :- كوله مودع بالله مبروك الشهاده عليك .
عـلي " بهـدوء ممزوج بشهكات تجرح قلبه بهدوء " :-
مودع بالله بابا حبيبي مبروك الشهاده عليك .
أرياس :- أشتر أنتَ هم .
الأشتر " باس راسه وخده " :- مودع بالله بابا حبيبي
مبروك الشهاده عليك حبيبي .
أبشالوم :- باسو رأسه وهوه بحضن أرياس بس الأشتر
كال كلمه هزتنه هز .
الأشتر :- بابا أدعيلي أجي وراك .
أرياس " بـ غصه " :- ربييي عينوني ولكم عينوني نكسر
ظهري .
باتريس :- شيلو يله .
أرياس :- لفيته ورجعته لمكانه بست رأسه غطيته وكمت رفعته
بكل قوتي وياهم صرخت بصوتي " لا اله الا الله "
_ لا اله الا الله .
أرياس " بـ شهكه أخترقت قلبه " :- والشهيد حبيب الله .
_ والشهيد حبيب الله .
أرياس :- لا اله الا الله .
_ لا اله الا الله .
ماتليدا :- رحت وراحت روحي وياك مودع بأسم الرب
تحرم عيني تشوف غيرك ويحرم گلبي يدخله غيرك
الرب وياك حبيبي .
________________
أبشالوم :- اليوم سنه الـ 2000 صافن عـلى الباب
وأفكـر بالصار قـبل نفضت الأفكار من راسي بـدخول
أرياس ملثم جان.
أرياس " نـزع اللثام " :- شلونك خالو .
أبشالوم :- هلا حبيبي وين جنت ؟
أرياس :- جنت أركض شويه جسمي متكسر هالفتره
ينرادله شويه تقويه .
أبشالوم :- تمام أبويه كوم أدخٌل جـوه أسبح وكمل وتعال .
أرياس " وعيونه موجه على الباب " :- قبل لا أدخل عندي
كلمه وياك .
أبشالوم :- أي؟
أرياس :- أبويه نأخذ غـدر ؟
أبشالوم " بأرتباك " :- هـا همه كلهم الي أستشهدو ويا
طگت عليهم المفخخه وأتوفو"
أرياس :- لا خالو غلطان غلطان حيل أبويه راح غدر
وجتاله أعرفه أعرفه .
أبشالوم :- الرب عليك أرياس بويه بعدك صغير
لتسوي شي يدمر مستقبلك .
أرياس " أبتسمت اله " :- لتخاف خالو لتخاف مو يكولون
يوماً لكم ويوماً عليكم يجي يومهم فديوم .
أبشالوم :- ضليت بحيره شسوي عـرف أرياس هاهيه ميسكت
عن حق أبو طلعت سيمون أخذتها بحضني ضليت أسولف وياها
الأ أن صار الغروب دخلت جوه ماتليدا من توفى والحزن خيم
عليها ماعادت ذيج ماتليدا المرحه أنطفئت ضحكتها ويه رحيل
أبيل كلشي راح ويا جان يستحق حبها أنسان محترم بقمة الروعه
والأخلاق جان يحبها حب عظيم ميكدر يبعد دقيقه عنها
أجت عينها بعيني أبتسمت الها غمضت عينها ونزلت دمعه منها
رحت عليها حضنتها هدأتها شويه نامت بحضني أرياس
طلع من الحمام صعد لغرفته بدل ونزل لابس كله أسود ولثام
بركبته ولا كأن بعده بعمر صغير ليشوفه يكول أكبر من عمره نهضت بحيلي .
_ وين ؟
أرياس :- ههههههههههه خالو شبيك رايح للأسواق وأخذ أصخب
وياي
أبشالوم :- متأكد ؟
أرياس :- اي ومناك أمر لجدو باتريس وجده فيرونيا ليضل
بالك خاله أفراميا مناويه تجي مشتاك لأستاورو وأختي تره .
أبشالوم :- عن قريب يله روح ولتتأخر .
أرياس :- طلعت لبست اللثام خليته على وجهي وطلعت
الجو بارد ضليت أمشي رحت لمكاني السري دخلت
أكمل شغلي المكان عباره عن غرفه ببيت جدو القديم
متروكه بس الي كلشي أسوي بيها علگت باقي الصور
الردتهن بالحايط أبتعدت من شفت بقى القليل وأوصل
لمبتاغي أبتسمت " والله وأجه وكتك " طلعت من سمعت طگطكه
بره شفتها الجده فيرونيا .
فيرونيا :- ألسيديس شوكت أجيت أصخب أجه مكال عنك؟
أرياس :- جنت بالغرفه مدخلت شلونج ؟
فيرونيا :- بخير حبيبي بخير .
أرياس :- عساج دوم .
فيرونيا :- يمه شني ولا چن عمرك 11 سنه هههههه
يشوفك يكول شاب عين الرب تحفظك حبيبي .
أرياس :- صاك مثل جدو " غمزت الها "
فيرونيا :- يااا ههههههههه
أرياس :- أشتاكيت لجـده أم أبوي الله يرحمها .
فيرونيا :- الرب يرحمها كوم حبيبي أدخل أسويلك أكل .
أرياس :- لا جده رايح للبيت تسلميلي يله سلميلي على
باتريس الغالي أصخب يمكم يضل مالنه خلك صريخ بليل
وأزعاج أسم على مسمى .
فيرونيا :- هههههههه يوصل وليدي .
أرياس :- طلعت من عدها ويه وفاة والدي كبرت
كبر عقلي وكبر جسمي وكلشي بيهز گبر قبل أوانه
صار كل همي مصارعة هاي الدنيا شلون راح أكدر
أحكم قبضتي عليها ومتأذيني أو تأذي اي شخص
قريب مني ماتحمل فكرة اي شخص أفقده مره ثانيه
لان ممكن أفقد بوكتها جنت كلش متعلق بوالدي
كلش متعلق بي بكل خطوه أني ويا علمني على هواي
أشياء كبيره عليه بس فادتني علمني شلون أقوي نفسي
علمني أسرار تفيدني وجانت أمنيته أن أكون عسكري
_______________
مـرور 4 سنوات .
القلم نتركه لسيلينا .
سيلينا :- مثل أي عائله مرتاحه وسعيده بحياتها
جانت عائلتي مثل أي شخص مـرح جنت أني
طفله مدللـه كلشي أطلبه يجيني طفله محبه للحياة مرحه
حياتي ورديه جانت مجنت بيوم أتخيل ممكن تنقلب حياتي
رأساً على عقب بيوم وليله بسبب حقـد بعض الأشخاص
مجنت أعرف أخر سنه أفرح بيها راح تكون هاي
مجنت أعرف من بعد هاي السنه راح تبدي معاناتي
راح تنولد سيلينا جديده سيلينا الي راح تعذبها الحياة
كأن لعنه أحلت عليها .
عـلي :- الحلوه الأموره وينها أوبا شلونه الكيك .
سيلينا " بأبتسامه " :- زينه .
مصطفى :- ميلي .
سيلينا :- باباااااا
عـلي :- هههههه مصطفى ولك عوفها .
شهرزاد :- هااا منو ويه مصطفى علي عوفه .
علي :- چا يضوج بسيلي .
شهرزاد :- شبيك وياها ؟
مصطفى :- كتلها ميلي .
شهرزاد :- هههههههههه بعدك تقلد عليها .
مصطفى :- أي ميلي ميلي ميلي .
سيلينا :- I don't love you
مصطفى :- له له ليش تعالي تعالي جذب بعد مازعلج .
سيلينا :- ليش تكولي ميلي .
مصطفى :- مو أنتي تعلمتيها من بابا علي من يكول ميلي
يعني وخري وانتي تركضين وتصيحين ميلي ميلي " يقلد بحلكه"
سيلينا :- هههههههههههه ميلي .
مصطفى :- فدوه للضحكه .
يمه وينج ؟
شهرزاد :- ها عيني .
مصطفى :- دكتورج العصر ناخذج اله .
شهرزاد :- ها بخير مابيه شي حبيبي أخذت علاجي
والدكتوره مال الحمل رحت الها الصبح أخذني علي .
مصطفى :- ماقصد الحمل أقصد المرض الثاني الي بسببه
عضامج متهشمه وفقدانج للوعي كل يوم وواكعه .
عـلي :- ميفيد فريت الدول بيها وماكو حل لمرضها .
سيلينا :- يعني ماما مو زينه ؟؟
شهرزاد :- لا حبيبي مابيه شي بس تعبانه لان حامل .
سيلينا :- شوكت تجي ؟
شهرزاد :- أمممم بعد شويه .
سيلينا :- ok
مصطفى :- هسه قافله متروحين للدكتور ؟؟؟
شهرزاد :- لا
عـلي :- تمام چا أنه أروحن للشغل يله بويه أودعناكم
بالج على نفسج شرارتي .
شهرزاد :- أنت هم .
مصطفى :- طلع عـلي التفت عليها " ليش تعاندين
القارورات خلصن تره ويتأخر العلاج يله يجي كتلج
أخذج لأبو أعشاب ننطي الوصفه نفسها "
شهرزاد :- مصطفى ماكدر أخذ هسه
أني حامل موزين على الطفله .
مصطفى :- بس حياتج بخطر .
شهرزاد :- مو مهم المهم تنولد الطفله بخير وسلامه .
مصطفى :- لتخليني أبلغ علي بكلشي .
شهرزاد :- مصطفى اذا سويتها يكون أخر يوم أحجي وياك .
مصطفى :- چا شلوووون تضلين هيج كلساع وواكعه بالكاع ؟
شهرزاد :- بيد الله كلشي .
مصطفى :- ونعمه بالله أسلمتي لأجل حبج لعلي وحببج للأسلام
وأسلمتي وطلعتي ويا لإجله وواجهتي الدنيا لأجله هسه
لأجله أخذي العلاج .
شهرزاد :- مصطفى أفهم ألعلاج أذا أخذته معناها حكمت على الطفله
بالموت .
مصطفى :- وأنتتتي شلوووون .
شهرزاد :- صوتك هسه تسمع سيلينا .
مصطفى :- ماعرف شنو براسج ماعرف .
عفتها وطلعت ضايج بسبب عنادها
شفت سيلينا تلعب ويه الگلب رحت يمها ضلت تلعب ويا
صار المغرب دخلنه جوه ومشت الأيام هيج شهرزاد كل يوم
واكعه وعلي يصر على أن ياخذها لدكتور وهيه ترفض
رفض قاطع الكلام مجاب فايده وياها
بيوم من الأيام كاعدين بره أني والحراس
سمعت صرخه جمد الدم بجسمي أجت فكره براسي
بس ردت أبعدها مقبلت تبتعد عن رأسي أريد أوكف وأدخل
جوه ماكدر مثل الشخص قيدني بهذا المكان عيوني تجمعت الدموع
بيها رفعت عيني للسما وكلت " ربي لا تفجعني وتكسرني بـ.....
يتبع ....
لهنا وينتهي البارت ..
الكاتـبه : قمـر الطائي "گمريه"
لتنسون التصويت
أنستا pxf34
رأيكم بالبارت ؟؟
توقعاتكم بالبارت القادم ؟؟
منو الصرخ ومنو الي ممكن ينكسر
بسببه مصطفى؟
بسم الله
الحمدلله
الله اكبر
أستغفرلله
سبحان الله وبحمده
سبحان الله العظيم
أشهد أن لا اله الا الله
وأشهد أن محمد رسول الله
أحبكم 🤎