أنتقام سيلينا " الأصليه "

الأرِْب الثالث والثلاثون

( بِسْمِ اللَّـهِ الرَّحْمَـٰنِ الرَّحِيمِ )

الك شتريد لو مثل گلبي لگيتً..

الكاتبه :- قمر الطائي " گمريه " .

_________________

_ مرحبا .

سيلينا :-رفعت رأسي شايفتها بس ماعرفها منو هيه تقدمت عليه وعمتي سلمى كامت .

سلمى :- هاي بنيتي نمارق معرفتيها ملحكتي تتعرفين عليها .

سيلينا :- كمت عليها " هلا حبيبتي هلا بيج فدوه لله شنو هالجمال هذا " .

نمارق :- مو بجمالج والله .

شيماء :- هلا بنمرود .

نمارق :- شمه بزازين كعدي راحه .

شيماء :- تعاي تچايتي حدري جوه جنحي حتى نحش أقصد نسولف .

نمارق :- خلي أشوف جبل شيريد وأجيج " رحت حتى اشوف جبل داك عليه مدري شني يريد عيني بالموبايل وأمشي نضربت بواحد عبالك مضروبه بصخره صرخت بصوت خافت وبوجع " أخخ " رفعت عيني علي سالم أبن خالي صفاء خنزرت علي " متشوف شجاك طيرت كصتي " .

سالم :- هو انه لو أنتي عينج بالموبايل متعاينين كدامج وينها كصتج هاي هيه جنها ساحة عدن " .

نمارق :- توسعت عيني وفكيت حلكي بصدمه " انه كصتي ساحة عدن سالللم انه كصتي ساحة عدن ؟ .