أنتقام سيلينا " الأصليه "

الأرِْب الحادي والثلاثون

( بِسْمِ اللَّـهِ الرَّحْمَـٰنِ الرَّحِيمِ )

ثم قالت بعد رحيلها عنه:-
واني لم أنوي إفلات يديه ولكني تأذيت .

الكاتبه :- قمر الطائي " كمريه " .

__________________

أرياس :- همست " م مريم ؟ مريم العذراء " نزلتها من أيد أرغد لميتها بحضني مسحت على وجها وخرت الدم والتراب حتى أركز بملامح وجها ندهشت من شفتها نسخه من ميران نسخه منها " جيبوووولي شي أغطيهااا بسرررعه " .

أرغد :- أستغربت من أرياس شبي هيج نخبص من شافها " شبيك أرياس منين تعرفها منو هاي ؟ " .

أرياس :- بعدين تفهم يله وينكممم " جابولي شي أغطيها لفيتها وشلتها كام أرغد وراي التفت علي " أرغد كمل مهمتك والحكني .

أرغد :- بس ....

أرياس :- أرغد لتعاند ولدي وياي معليك " دنطلع صار أنفجار قوي كلنه نبطحنه بالكاع " الغاااام ديرووو بالكمممم " ناديت بالجهاز " عدم التحرك الأرض ملغمه " لفيتها كلش وحضنتها خفت عليها جسمي كله يرجف أرغد بالكاع شفته ميتحرك صحت " أرغد خووويه ولك خووويه كوم لتفجعني بيك كوووم أرغدي " .

أرغد :- أسمع صوت وشوشه ضعيفه كلش ميزت الصوت رفعت رأسي غواش بعيني قوي شفت شي كدامي يتحرك وضحت صوره شويه شويه أرياس رفعتله أيدي " زين زين مابيه شي " كمت عرفت الكاع بيها الغام كلها كامت كمنه نمشي شويه شويه الى أن طلعنه المكان أرياس بس طلعنه المكان ركض بيها وهو شايلها أني عيني وراهم أجه نداء ورحت ويه الولد .