ظفر الجوى (مكتملة)

part 17

#ظفر_الجوى

للكاتبة _ زهراء امجد

#البارت_السابع_عشر

يوزري الانستكرام
Zz__127_

لتنسون تصويت للبارت + متابعه حسابي واتباد

يا آيًة في الحُسْن ليس كمِثلها
خُلُقًا وخَلْقًا في النِّساء حَسناء
البدُر أنتي ومَن سِواك كواكٌب
والغَيُث أنتي ومَن سِواك غُثاء ؟

طلع احمد من البيت شخط سيارته وحرك بسرعه رأسن طلعوا وراه آزر ومروان

نخرطت روحنا من الخوووف ...

_ امداني راح يتعاركون لو ادري مرافعه خط يمه ..

_ انتي عوبه وبعدين كلهم يدرون هو خطيبج شدعوه عليه اخوج

_ حقير يسمع من غيره ..

_ منين يسمع ..

_ مادري بس يكلي يكولون ويكولون ..

_ شيكولون بله ..

_ اجه كال ليش احمد يوصلج كتله يوصل اخوه وانا ورتيل ...

_ وهو شدخله بي خير هو يوصلج ..

_ هم امي كلتله بيك خير اخذها وصلها لو شوفلها خط وادفع مصاريفها ...

دخلنه جوه كلهم نامو بس احنه كاعدين منتظرين خبر منهم صارت ساعه 1 يله اجوي
كنالهم هاا

هم كالو هااا ...

رشا _ شسويتو !؟

احمد _ كلشي ما سوينه ..

_ وين جنتو ..

_ بيت عمي ابو مرتي ..

ثنيناتنه باوعنه على آزر ... احجو عاد

آزر _ روحن نامن ماكو شي ولد عم همه واخوان قابل شيسويله يله كدامي على غرفتجن نامن
وانتم نامو هناا انا نعسان وتعبان وراسي يوجعني

احمد _ طبعا يوجعك ..

مروان _ اخذ راحتك صدك جذب البيت بيتنه ..

دخلنه للغرفه اني ورشا _ اكلج رشا مقتنعه بالي حجوه ..

_ لا

_ ولا انا ..

_ نشوف الوجوه باجر ..

_ عندج صبر وصبرين ..

_ چا شسوي

_ راسلت مروان كتله شصار ..

_ سلامتج ..

_ مروان مو احنه شله ما نضم شي على احد ..

_ اخوي راد يكتل ابن عمه ، بس قبل لا يدخل وصلنا ولزمه آزر ..

_  اي شحجو !؟

_ محجو بس آزر ضربه على راسة بگلة ...

_ جذب ..

_ والله لان اخوي ما يصحه تخبل وراد يسوي
سلفة جبيرة فهداه بگلة ...

_ من هاي كال ازر راسي يوجعني ..

_ اي من وره احمد ههههه ..

_ وتالي ..

_ ماكو حجه عليه هواي بس مضمون حجي ...

آزر _ احمد افهم اذا تعاركت وياه يصير بينكم خلافات وتتعاركون وحتى يجوز مايقبل تاخذ رشا

احمد _ هو بكيفه شنو ..

آزر _ بعد يعاندون وياك ..

احمد _ ابن عمها انا وانهي عليها ..

آزر _ نچب شنو تنهي عليه انا اوكف ضدك اذا تصرف هيج تصرف ... امشي نروح لبيت اخوي

واجينا لبيت عمي وشفنه اخوها كاعد وكاتله الخوف بس من شاف احمد هادئ رجع طبيعي

احمد _ عمي ادري كولت هواي بس ان شاء الله وره عرس آزر ازوج رشا

ابو رشا _ هيه الك ماتصير لغيرك ما الكالها
رجال مثلك ..

احمد _ مشكور عمي بس يمكن اخوها عنده اعتراض ...

_ لا ماعندي بس انا اعترضت لان انت وياها بيت واحد ...

احمد _ والله ياابن عمي اذا ما تثق بابن عمك خلي ثقه باختك ومهما يصير بيناتنه رشا خطيبتي حاليا وانا مسؤول عنها ..

ابو رشا _ سامعين شي انتم ...

احمد _ لا

آزر _ اخوان بيناتهم ويعجبوهم يشاقون ويحجون

ابو رشا _ ازر شبيها كصتك حمره ...

آزر _ هيج مادري بيها احنه اجينه نسلم عليك
لان سمعنه باجر تروح للزياره وما تجي للجمعه

ابو رشا _ اي والله على اساس العصر اطلع بس هسه بعد نص ساعه اروح  ...

آزر _ مقبوله مقدما يله نستأذن ...

ابو رشا _ الله وياكم خوية ...

مروان _ ومن طلعنه آزر لزم اخوها لرشا وكله باجر عندي حجي وياك مو احجي اخ جبير لاخوانه لا حجي عم لابن اخوه واجينه الكم هذا كل الي صار

رتيل _ الحمد لله مصار شي بيناتهم ...

_ اي ويله اريد انام

_ الحمد لله يعني ما صار شي

_ لا ..

_ والله وصار جبير ويتحكم باخته ..

_ لا بابا زعطوط ويضحكون عليه بالحجي يله عيوني روحي نامي لو عاجبج نسهر ...

_ لا انام باجر من الصبح بيبي تكعدنه ..

_ حيل بيجن ...

_ يلا تصبح على خير

_ انتي الخير كله ..

_ اوك تصبح على وجهي ..

_ متكبره ..

_ تنام لو لا بعد مارد كلت بقلبي انا الك هيج تطنش رساله سديته وجاي انام شالت البطانيه رشا ..

_ ها شنو كلج مروان ..

_ عزا العزاج كون ما نايمه ..

_ لا منتظرتج تكملين كلامج ..

_ والله خيره طلعتي ..

_ احجي وفضيها

_ سولفتها كل الي حجاه مروان ..

_ هااا تدرين هو عينه على بنت عمو اسعد ..

_ هاا هنا الحجي ..

_ ليش ..

_ تذكرين ريم جانت تحب منو قبل لا تزوج ..

_ منو .

_ ماتدرين ..

_ لا احجي .

_ لا مااحجي بس كولي احمد اخويه يحب بنت
عمو اسعد وهو راح يعرف كلشي ويله انام ..

ثاني يوم كعدتنه بيبي من الصبح يله كومن ويله نايمات للظهر احنه ماكعدنه منا صارت ساعه 10 كمنه ...

الي بالبيت كلهم ميعرفون بالي صار البارحه
شفناهم كلهم موجودين كعدنه نتريك جاي ..

ام آزر _ هنيال الي راح ياخذجن نايمات للظهر ..

عبير _ اي والله هنيالهم ...

ضحكنه احنه سلمنه على عبير ... ليش البارحه ما اجيتي ..

_ خطار جان عدنه ...

_ اي من راحو ب12 بالليل ..

_ عبالي رحتن ..

_ اليوم غير تبقين ..

_ ماادري وضعي مو تمام مالي خلك

دخلت ام سجاد شايله جمانه _ هاجن موتتني بس تتحرك فحطتني بنت ال وسكتت ..

رشا _ عمه هاي الملاك وتحجين عليها ..

ام سجاد _ اخذيها مني وانتن عينجن عود عليها
اخذناها ودخلنه جووه ..

عبير _ هم خوش حجة عدنه جمانه ما نتحرك
سدينه باب وكعدنه  تتوقعون خوالي ما حجو على خطوبة خالو آزر لنسوانهم ...

رشا _ ماعتقد لان جان عمه ام سجاد لعبت هوسه

رتيل _ ليش عود ..

_ جا ماتدرين عمه ام كريم وعمه ام سجاد يردن رونق لخالو ...

رتيل _ ياا وبيبي تدري ..

عبير _ لا بس خاله تجي يم ماما ودكلها احسن اله تربي بنته لان بنت اختها وتخاف عليها ومره راحت لامج بس خاله كلتلها هيه ذيج وشلعت قلبه مو نوب اخذ اختها وهاي وكحه مو نفس نور فقيره

رتيل _ شو انا ماادري بكل هاي سوالف وين جنت
عبير ضربتني على راسي ..

_ ملتهيه بمروان انتي من يجوكم خطار متدرين شي ...

_ لا حتى ماما ما كلتلي اجتي خاله ام كريم

رشا _ عمه تخاف دكول الج خاف هم تردين رونق لعمو آزر

_ اوي شمالني اتورط مره ثانيه ما يستاهل آزر

_  اي ..

اجه وقت الغده احمد ما مبين ورشا بقت تحوس بس لا علمود اخوي مايجي

_ منو احمد يهتم لاخوج ..

_ يخاف من العركات ..

_ اصلا كلش حلو الاكشن ..

_ بله ما تنجبين ..

راحت تدزله رساله ..

هلو حبيبي شنو ما تجي على غده

احمد _ لا مااجي اصلا جاي تغده يجوز العصر اجي ويجوز منا لليل ..

_ خوش

_ ها احد فتح حلكة وياج ..

_ لا بس ردت اشوفك تجي لو تتاخر حتى اعزلك ..

_ لا الف عافيه

رتيل _ هاا شكالج !؟

_  كاعد يتغده وانا بالي يمه امده حظي

_ اي والله امداج ..

بدينه نفرش للغده وآزر مخلي جمانه بحضنه يخاف عليها ..

حسام _ بعد وبعد يخوي باجر عكبه تتشرط عليك

آزر _ عسل عندي

ابو حسام _ شنو حسام جا انت مو جهالك تنام وتنومهم على صدرك ..

حسام _ اي يبوي عزاز

ابو حسام _ جا لا تلوم آزر ..

رتيل _ كملو اكل وكمل اليوم بخير وسلام احمد ما اجه للبيت خلصها بالدوام وكلهم الباقين وره العشه راحو حتى ام حسين راحت من خلص العشه جمانه راحت ويا امي للبيت حتى مناك تاخذها لبيت جدي يشوفونها ولو هم ابد ما سألوا عنها لو عرفو شكد صار عمرها كم شهر ...

كمنا انا وعبير ورشا رتبنه البيت ونظفناه ..

رشا _ يمه باجر لا تكعدينه من وكت البيت ونظيف

ام آزر _ جا يمه نصوم باجر ما نتريك ما نتغده شعدجن جايات تنامن يمي ...

بضحكة عبير _ يمه انا اكعد مالج علاقه بيهن هذني

_ عفيه بعبير الج هديه من خالو آزر
حجيتها ويا دخلته للبيت ..

آزر _ تستاهل عبوره حبيبة خالها ..
كامت هي وباسته ... شنو تردينه يجي باجر

رشا _ عمو هي تستحي دكول بس عبير صار شهرين مكسور موبايلها ومحد يقبل يصلحه الها وضاله هيج خطيه حتى احنه مانكدر نراسلها ونحجي وياها ...

آزر _ تردينه اصلحه الج لو اجيبلج جديد

رتيل _ بعد انت دافع داقع جيب جديد وفضها

ضحكت _ خالو اريدك سالم ماتقصر

ام آزر _ الله يحفظك ان شاء الله ويرزقك ودومك تذكر بنات اخوك واختك ..

آزر _ يمه هذني عزيزاتي قريبات عليه كلش شنو الي يردنه يجرالهن من عين باجر

رشا _ عمو راح تبجينه كافي ..

عبير _ شخبار العروسة ..

آزر _ زينه ان شاء الله تتعرفين عليها وتصير قريبه عليج ..

عبير _ ان شاء الله مبينه حبابه وخوش بنيه ماطولك اختاريتها وحبيتها انت

آزر _ ههههه حبيبتي .. يله تصبحون على خير

ام آزر _  جا احمد ماينزل من دوامه اليوم ..

آزر _ لا ما ينزل ..

رشا _ اكولك عمو هو مو كال مهمته راح تخلص شو ما خلصت والله خايفه عليه ..

آزر _ اي بس طلع اكو راس جبير الي يمولهم
مسافر وميعرفون شنو اسمه لو يا دوله طالع منتظرينا يرجع يله ..

ام آزر _ خوما خطر عليه !؟

آزر _ لا حجيه بس لا تنسينه بدعائج ..

ام آزر _ يمة هو اكثر واحد ادعيله ..

صعد خالو بعد ما قفل البيت واحنه دخلنه يم بيبي بالغرفه ونمنه ...

ومشت الايام عاديه ورشا ماتقبل دكول احمد اخوها عينه من بنت العم دكول خاف الي بالي يطلع صح ...

ومتقبل دكول شنو الي بالها ...

بدء الكورس ثانيه اول يوم ما رحت ثاني يوم يله داومت

وبلشنا محاضرات واعتقد الكورس ثاني ميشاقه ابد ويانه كله دراسه واستراحات قليله لو عدنه ساعه لو ماكو ..

جايين اساتذه جدد لكل قسم بقسم الرياضيات
جان الاستاذ بعد شاب وحلو ومرتب
دزو على مروان مقرر القسم ...

دخل مروان _ السلام عليكم

ردو الاساتذه وعليكم السلام

مقرر القسم _ انت مو عمك يصير دكتور آزر

مروان _ اي عمي ليش صاير شي ..

مقرر القسم _ لا ابني اهدء ماكو شي  اي الاستاذ مره سمعناه كال اعرف سنر واخت صديقه لان طلبنه تصوير منها ...
ندار على مروان تكدر تروح ويا الاستاذ يتعرف على دكتور آزر وعوفهم وحدهم وتعال ..

مروان _ ان شاء الله استاذ تدلل ..

راح مروان واستاذ جديد وياه _ سمعت انت عندك زميلات وياك بالقسم علاقتك قويه بيهن

مروان _ كل زميلاتي خوات اليه والي يحتاجنه يلكن اخوهن موجود تفضل استاذ منا غرفة دكتور آزر دخل وجان آزر موجود
دكتور آزر عندك ضيف من قسم الرياضيات استاذ وسكتت ماعرفت اسمه

مد ايد الاستاذ _ انا استاذ سلام

آزر  _ رحبن بيه .. تفضل شنو تحب نضيفك ..

سلام _ لا شكرا بس عندي كلام وياك ..

آزر _ بشنو اخدمك ..

باوع عليه الاستاذ

آزر _ تكدر تروح مروان

مروان _ لا عمي ماروح ...

سلام _  نعم

مروان _ العفو استاذ بس جني سمعت حديثكم يخص زميلتي سنر وانا ماريد اطلع ..

سلام _  اوك بس انا ماريد احد يعرف بهذا شي ...

شفت آزر توتر راد بس يفهم شكو
لا تخاف مروان ابن اخوي وميطلع حجايه بلا علمي

سلام _ شوف انا جنت ادور على عروسه اليه والصراحه مقرر قسمنه رشحلي طالبتين من القسم .. ومن شفتهن عجبتني سنر وكلولي انت تصير صديق اخوها فأجيت استشيرك واخذ رأيك بالموضوع انو اكدر اتقدم الها لو لا ...

مروان _ اباوع على آزر باقي ساكت ما مستوعب الي سمعه العفو استاذ بس زميلتي تحبلها شخص وناوين يزوجون عن قريب ..

سلام _ بس سمعة بنية نضيفه ..

مروان _ اي الي تحبه بره جامعه ..

سلام _ شنو رأيك دكتورنا

آزر رفع حاجبه وخنز عيونه كوة سيطر على اعصابة رد على الاستاذ بحدية .. نظراته متبشر بخير اذا ضل استاذ سلام يمة بالغرفة ...

_ ماعرف والله بس مثل مكلك مروان لان هو قريب عليها ..

سلام _ ها شكرا الك وفرصة سعيدة نجمعت بحضرتك ..

آزر _ اهلا وسهلا

وسلم عليه وطلع اجيت ابقى يم آزر ..

سلام _  يله مروان عندك محاضرات

آزر سحبني من ايدي وراح سلام

_ هذا الاستاذ يدرسها لسنر !؟ ...

مروان _ لا اول مره نشوفه ..

آزر _ خوش روح هسه ... يصير خير سنررر ..

سنر _ بدينه الكورس الثاني وبعد ماعدنه عربي وين يله اشوفه لأزر لان محاضرات عندي بوقت فراغي هو عنده محاضره بيوم جنت هسه راجعه من دوام وخابرني كلش عصبي ،

آزر _ ترى صار هواي من قارين فاتحه اسبوع الجاي خطوبتنا ،

_ شبيك آزر تحجي صدك !؟

آزر _ اي صدك مليت ،

_ ومن شنو مليت !؟ ترى مصار اله كم شهر مو
سنين ،

رد ازر بكل عصبية سنر شوفي تعتبريني معقد لو عصبي لو اناني بكيفج الالقاب مسموحه الج بس مال واحد يجون يسئلون على خطيبته يمه يردون رأيه يعني شتردين اسوي !!!؟

_ عادي كلهم مخطوبه مو قبل فترة سوينه هيج
ويا واحد ،

_ شنو عيدي شكلتي !!!!!!؟

_ ترى قبل لا تخطبني هذا الحجي ،

_ كملي ست شسويتي !؟

_ شبيك احسك جاي تعصب اكثر !؟

_ كملي شسويتي منو جان يمج ،

_ واحد اجه راد يحجي ويايه ومروان جان موجود عرف شنو الموضوع وكله ترى مخطوبة واعتذر
الولد وراح ،

آزر _ اني مو كلت كل شي سولفيلي ،

_ بس هذا شي صار قبل لا تخطبني بقى يتافف
آزر روح ارتاح هسه واني هم هسه راجعه من
الدوام تعبانه ،

آزر _ اي مليتي مني ومن ححجي موو روحي مو صوجج صوجي اني الكلب لان خابرتج ،

_ ياا اني مكلت هيج هاي شبيك !؟

آزر _ روحي وبعد لا تخابرين وسده

_ سده وبعد ماتصلت علية ولا هوا اتصل وبقينه اسبوع واحد ميحجي ويا الثاني كاعدين بالكافتريا اني ومروان ورتيل ،

مروان _ عوفيه ماطول ما حجه وياج بعده معصب ونصيحه لا ترحين تراضينه انتي ترى يبقى هو على ادنى شي ويعصب عليج ،

_ ماشي ،

مرت الايام وتعب الدوام والبيت واني كاعدة افكر ليش مخابرني اني شسويتلة حتى يزعل بيوم داومت وجان نهاية اسبوع رتيل يمي

_ رتيل امشينه نروح اني وياج اله ترى صار 10
ايام مسامعه صوته ،

رتيل _ عندي محاضره هسه

_ وانت مروان !؟

مروان _ شنو ماراح تحضرين محاضره !؟

_ لا واني اشرحها لك بس تعال ويايه ،

مروان _ ترى آزر مهما عصب لو شوفينه بركان
ميمد ايده ويضرب مهما كان سبب وها هم لا
يضرب ولا يجاوز على احد بالكلام بمكان عام فروحي واطمئني وخليج سباعيه مو اله واحد
وياج ،

_ اوك اطلبلي اجازه من الاستاذ رحت واني اقره آيات قرآنية شفت الباب مفتوح ويمة طلاب ولد
انتبه علية وكال ، تفضلي

_وبسرعه كلهم كملو هذا كتلكم عليه ونص ساعه وتعالو طلعو

آزر _ نعم تفضلي محتاجه شي ،

_ والله يا دكتور خطيبي كالو يمك (يدري بيه من اكول دكتور يعني ماعاجبني هذا شي ) ومشتاقتله واجيت اشوفه ،

آزر _ مو وكتها هسه روحي اليوم مخصص للرابعه وخطيه بس اليوم يجون للكليه ،

_ لعد اني مو صار 10 ايام محاجي ويايه مو
خطيه ولا دكولي غلطانه مغلطت بشي بعدني
اريد احجي واجني بنات يحجن وياه وحدة
نفسها ذيج ما ارتاحيتلها كلش تتقرب منه وكل
شويه طافره واكفه يمه مشوها صورة العباية
ورافعة عبايتها ومطلعه البنطلون وشويه من بدي ومكياجها عبالك حفلة مو كليه

_ بقيت كاعده شويه والتفتت عليه بنيه ،

البنية _ ترى احنه نتأخر هنا روحي وبعدين تعالي للدكتور

_ اني هنا بدي اكتل آزر مو لبنيه هو بسرعه رد كال

_ لا ماعدنه شي ابقي ،

_ لا استاذ اسفه اخذت من وقتك العفو عيني ما قصدي اخذ الدكتور منكم ،

البنية _ لا حبيبتي عادي بس تعرفين بحث ورابعه ولازم يتابعنه اول بأول ،

_ عادي ست اخذت جنطه ودااطلع ،

آزر _ لا سنر انتظري البنات انتم اطلعو هسه ،

_ لا استاذ خطيه هذا وقتهم وطلعت حتى مخليته يرد ، رحت للحديقة شويه بقيت كاعده راحت العصبية مني اجه مروان والبنات ،

مروان _ احمد عنده محاضره نص ساعه ونطلع ،

رتيل _ بشري تراضيتو ،

_ لا وبعد ما احجي وياه لو يموت ،

رتيل _ اسم الله عابتلج ،

مروان _ ربحنا نوب هي زعلت

_ مروان اريد اشتري تجي ويايه لو اروح وحدي ،

مروان _ لا فدوه ستري علينه لا يتعارك ويانه هم
اني وياج نروح ،

_ رحت شتريت مي ،

مروان _ بس !؟

_ اي بس ،

مروان _ لو كايله اني جان جبتلج ،

_ لا شنو تشتغل عندي ،

مروان _ غير عمتي ،

_ضحكت ، صراحه ردت اسولفك على عمك
بعيد عن البنات سولفتله كلشي ورجعنه للحديقه وشفت آزر هناك كعدت ما حجيت ويا ،

مروان _ السالفه مبينه داچه ،

آزر _ شنو ،

مروان _ هيج ويا رتيل ورشا احجي ،

_ شويه واجه احمد ،

_ احمد _ يله نطلع شاف بطل بيدي شمريلي مي رحمة على اخوج الشهيد

_انطيته بطل وكمنه ،

آزر _ روحو انتو سنر ترجع ويايه ،

_ لا ويا احمد ارجع ،

_ حجة بنتر سنرر

احمد _ دخيلكم احنه بالجامعه بلة
مشاكل روحي وياه ،

راحو كلهم صعدو بالسيارة واني رحت ورا آزر
صعدت وياه وهو ساكت واني هم ساكته حتى مسجل ما شغل وصلني قبل لا انزل كال ،

آزر _ باجر سبعه ونص اجيج ومن تنزلين سدي
الباب على كيفك لان انتي متعاركه ويايه مو ويا السياره ،

_ عفته ونزلت دخلت للبيت هدوء كلت همزين
لان اي واحد يحجي ويايه ابجي بدلت وغسلت وصليت واجيت انام مكدرت بس مغمضه عيوني جذب بقيت افكر معقوله حبيت الشخص الخطا
مو نفس تفكير اصلا ماكو شي يستوجب الزعل
على شنو ما يحجي ويايه ،

خلص شهر واحنه واحد ما يحجي ويا الثاني
واذا راد يحجي ويايه فأكيد بعركه لو هذا
شال لا تلبسينه لو هاي البسه بعد لا تلبسيه
حتى على الكعب كلي لا تلبسين
كتله لا لهنا وكافي اذا مالبس كعب شطلع هو غير كعب للقصيره ولا مره راد يراضيني لو شي ،

بيوم جان شهر رابع جاي يوصلني للبيت ،

آزر _ باجر خلي تقي ياخذج ،

_ ليش !؟

آزر _ باجر نروح دورة السنه مال زوجتي ،

_ هاا زين ،

آزر _ ما محتاجه شي !؟

_ لا سلامتك نزلت واحس روحي كلش مختنكه
فوك كل هذا حتى ماراضاني وهل مره حجه
ويايه بهدوء ،

رتيل _ رحنه دورة سنه مال عمتي آزر اجر سياره وراحو كلهم لان بلاش وهم محد زارها من الاربعين مالتها بس آزر جان كل ميروح يزورها

فهناك بالمقبره آزر زارها وراح هو وحسام واحمد لان هم اصلا جاين بسياره آزر ثلاثتهم وياهم جان مروان بس بقى ويانه ...

رونق يم قبر نور _ لا توصين نور بنتج احطها بعيوني ادللها ادري بيج بالج يمها واجيتيني
بالحلم وسوي روحها تبجي

رشا _ شوفن العياره

عبير _ عبالها بيبي تاخذها لآزر متدري بيه عايش قصة حب ..

رشا _ اي بعصبيته راح يكرهه البنيه بيه وتتندم لان حبته ..

اجتي خالتي ام حسام _ بسچن سوالف ما تستحن

ابو رتيل _شنو نروح ننتظرهم

ام رتيل  _خلينه نروح نزور الامام لان شمس صارت عاليه ..

_ جا وآزر  

ام عبير احترك قلبها لان كلشي يردون آزر بالمقدمة حتى يدفع _ شعليكم بيه هو جاي بسيارته ويرجع بسيارته ...

ابو رتيل _  جا امشونه عليمن باقين هنا

مشينه انا والبنات وقبلنه مروان يمشي
اجه واحد من ولد عمي ...

_ امشن وراي ..

رشا _ شنو حلاوه هيه مانعرف نمشي هو طريق واحد كلنه نمشي بيه بعد وراك وره غيرك مو مهم

علاوي  _ رتيل تعالي منا ..

_ ها شكو سالمين امشي ويا بنات خالي روح انت امشي ويا الولد

مروان ابد ما دار راسه ولا حجة كلت همزين طنشهم احسن اله وصلنه للسياره وصعدنه توجهنه للامام اتصل مروان على احمد ..

مروان _ ها احمد شنو ليش تأخرتو

احمد _ والله ابن عمك نريد نشلعه من قبر صاحبه ما يقبل يكوم يكول عوفوني وروحو ومنتظرينه يكمل نعاويه ...

مروان _ الله ينطيه الصبر ..

رتيل _ وصلنا للامام زرنه وكملنه وجانت بيبي
(ام ابويه ) مسويه ثواب وجايبينه كعدنه ناكل
اول ما كملنه اجوي الولد ..

رونق _ اصبلكم اكل

احمد _ لا مشكوره

رتيل _ رحنه للفندق كل واحد اجر العائلته العصر كل واحد طلع وحده احنه بقينه لان تعبانين ونعسانين ما طلعنه ...

ثاني يوم الصبح ويا صلاة صعدنه بالسباره متوجهين كربلاء بس سياره آزر ماكو ...

اتصل عليه ابو حسام _ ها آزر وينكم بس لا طلعتوا قبلنه ..

آزر _ لا يابه احنه رايحين للمقبره ..

ابو حسام _ ليش رجعتوا ..

آزر _ حسام متحلم واله يسولف هناك الحلم ..

ابو حسام _ بمنو مرتضى ..

آزر _ اي يابه اي ..

ابو حسام _ خوش احنه قبلكم طالعين  ...

آزر _ توكلو بالله ..

دزبت رسالة لـ مروان انا بسرعه على رصيد كتله شكو ..

مروان _ فتحي نت لان سالفه طول بالكتابه ..

كلت علاوي عندك نت !؟

علي _ اي ..

_ بثلي ...

مروان _ راسلت كال احنه يم قبر مرتضى اخو سنر حسام متحلم بيه يوصيه على اخته يكله اختي اجتي يمك مثل مجنت اخاف عليها عينك انت عليها وهاي حسام وآزر ثنينهم يبجون من سولف حسام الحلم ...

_ خطيه الله يصبر حسام هيج وكوه نسه رجعت سنر وذكرته بيه ..

مروان _ اي بس شهيد يعلم بكلشي وهسه حسام صار ساعه يوصي بآزر لا تزعلها ولا تحجي عليها ترى انا اوكف ضدك ..

_ طلعتوا بعدكم ..

مروان _ اي .

_ اوك توصلون بسلامه انا رايحة ..

مروان _ روحي

سنر _ثاني يوم اربعاء داومت الاربعاء والخميس شلون مجان لان بنات ماكو وازر هم همة رجعو
من الزيارة والنجف ...

السبت اجانه آزر بالليل جايب حلويات من النجف اني من جان يجي ابد ما اطلع لان اشوفه بالكلية ويخابرني فمااطلع بس هل مره مشتاقتله وهو
زعلان مني ،

من اجه يطلع باوعت عليه من شباك الصاله لابس دشداشه تجنن عليه هسه شيصير لو يبطل اعصاب وعلى كلشي يتعارك البنات رتيل ورشا كالن احنه ما نداوم لان بعدنه تعبانين كتله تمام اني تقي ياخذني كلت عليمن اكول آزر توصلني لولا وهو اصلا ما اتصل وسئل عليه ،

ثاني يوم منتظره تقي يكمل تبديل وسمعت هورن سياره آزر ،

محمد _ هذا آزر يمكن ،

_ اي مو البنات ما يداومن بس ماكلي اني اجيج ،

محمد _ روحي ويا لان عيب وتقي وين يله يخلص

_ تمام طلعت شفته لابس قاط نيلي وقميص
سمائي فاتح ومناظر كلت بقلبي اي حتى يشوفنه زين بنات ،
صعدت كلت صباح الخير ،

آزر _ صباح الورد

_ شفت مودة متغير زياره مقبوله ان شاء الله

آزر _ شكرا

_ سكتت بعد ما حجيت شي حاول يلمح ويحجي شي بس اني مغلسه كلت بسيط هسه اجه دوري بالزعل وصلنه للكليه كل واحد راح للقسم وخلصنه عادي من اجينه نطلع اتصل عليه ،

آزر _ ها حبيبي اذا خلصتي خلي نطلع ،

_ اي خلصت بس اريد اشتري ،

آزر _ يله نزلي منتظرج اني ،

_ نزلت شفت بيده علاكتين ،

آزر _ جنت اجيب حلويات بس لـ بنتي وهسه راح اجيب لـ بناتي الثنين ثنيناتهن يزعلن مني ،

_ اخذت منه العلاكه ومشيت ،

آزر _ هسه انتي عود على شنو زعلانه مااذكر اني !؟

_ صعدت بالسياره كتله ما زعلانه

آزر _ اي زين اول ما حركنه شغل اغنية عود
لحبيبك عود رياض احمد ،

_ هاا نوب طلعت اني عايفتك كل هل مده !؟

آزر _ ليش ما راضيتيني ضليت ساكتة
اليوم خابرت ابوج وكتله نتغده بره ،

_ بس اني ما اشتهي اكل !

آزر _ عادي اني تنفتح شهيتي من تكعدين يمي

_ رحنه المطعم طلب هو غده اله تمن ومرگة
وطلبلي صاج دجاج ولحم شدعوه هلكد ما آكل
هواي ،

آزر _ خاف ما تحبين واحد منهن وكلت بس
اسئلج دكولين ماريد عاد اكلي هسه ،

_ اكلنه ولا واحد حجه هو طبيعته ما يحجي
بالاكل خلصنه كمنا غسلنة ،

آزر _ يله نروح صعدت بالسيارة هسه اني فصلتج بغده ومن رحت للزياره جبتلج شي اول مره اشتري هديه بناتيه وردت اني اختار بلا مساعدة احد

_ فتحت العلبه بيها ساعه وسوار يجنن وشال وردي وبيه وردات كلش حلوات بس انت ما تحب الوردي

آزر _ لا مو ما احبه بس انتي من تلبسيه تاخذين عقلي وقلبي واني شتريتلج هذا بس لا تلبسينه بالدوام ،

_ لعد بالبيت !؟

آزر _ عادي ،

_ شكرا كلش حلوات وصلنا للبيت ونزلت
وره كم يوم بدت حفلات التخرج الرابعه
جانت حفلة داخل الجامعه بقاعة جبيره دزو دعوة للقسم كله ،

_ مروان خلي نحضر ،

مروان _ تلكينها هوسه وكل الاقسام تجي العام صارت ازدحام كلش ،

_ الله عليك العام اني جنت مسافره وماشفت حفلات التخرج ،

مروان _ يله خلي نروح من وكت حتى نشوفلنه مكان نكعد

رتيل اتصلت _ شنو اليوم محد يتريك !؟

مروان _ ترحين ويانه لحفلة التخرج

رتيل _ اي انتضروني جايتكم

_ كيفت هي ورحنه سووه والله لكينه مكان
وكعدنه بيه وبدت الحفله شعراء ومشاركات
الطلاب كلش حلووه اتصل عليه آزر ،
رتيل هذا آزر !؟

رتيل _ غير يدري هو !؟

_ لا اجبت بدون علمه

رتيل _ ثول غير تحجين ،

_ ليش ميقبل بالحفلات !؟

رتيل _ لا مو ما يقبل بس لازم يعرف ،

_ لعد اني راح اطلع اخابره طلعت وفتحت خط ،

آزر _ انتي وين !؟

_ جنت مدعوه بحفلة تخرج قسمنه ،

آزر _ اني شكلت مو كلشي دكولين !؟

_ ترى داخل الجامعه ما طالعه مكان بره اني
احجي وياه وامشي للقسم مالته هسه اني يم
العربي ادخل لو تطردني ،

آزر _ لا دخلين اني طالع ، شويه وطلع هذا تصرف ما مقبول ،

_ ميخالف بس لا تسويلك زعله لو تتعصب ،

آزر _ نتريك هنا لو بره !؟

_ لا طبعا هناا

آزر _ امني ولو مره خلي ثقتج بيه دومج خايفه
مني عبالك راح اغتصبج بابا ترى اني خطيبج

_ لا منو كال خايفه بس ماريد اطلع بره الجامعة
رحنا نتريك واجو عليه مجموعة طلاب يحجون
وياه راح مسافه عني حتى ما يبقون فوك راسي شويه واجتي سهى كعدت يمي ،

سهى _ وين يعرفج آزر ،

_ صديق اخويه محمد ،

سهى _ اهلج يدرون بيج تحجين وياه ،

_ اي ليش ،

سهى _ لا هيج كامت من يمي ،

وراحت شفتها كاعده يم مجموعة بنات وولد
نفسهم القديمين بس هذا الي صار الموقف وياه
ماكو وياهم ،

شويه واجه آزر _ عطلتج !؟

_ لا عادي ندك موبايلي شفته سهى هاي سهى تتصل عليه ،

آزر _ شتريد انتي ليش ما تتركين صداقتج وياها

_ والله ما احجي وياه بعد بس انت من رحت
هسه اجتني وكالت شيصير منج دكتور واهلج يعرفون بيه رجعت اتصلت ،

آزر _ اي جاوبيها هسه وبعدين نكمل كلامنه

_ رفعت خط كالت بس فتحي نت دزيتلج شي وسدته  اني عندي نت انطاني شبكه من عنده واجتني رسائل على الواتساب من رقم مكتوب
مو اني الي اتهدد هاي صور اذا ما وصلتها لاهلج

آزر _ انتظري كلشي لا تكتبين اخذ موبايل من
ايدي وصلن صور اني وآزر هسه من جنه
كاعدين عصب آزر اول مره بعدين ابتسم
والله طالعين حلوين هناا

_ شنو هاي آزر يابرودة اعصابك ،

سهى _ حبيبتي صح صورج بجهازها وهذا الي
حرك قلبي بس كاعدين مكان عام واذا يريد
يدزهن اهلج فانتي خطيبتي بس هنا محد
يدري خلي يدزهن حتى محمد يسحبهن النه
ويغمز ،

اتصل على احمد وكله السالفه ومدري شنو
كله احمد بقينه كاعدين ،

آزر _ راح اجيب جاي تردين ،

_ يبووه هم تحب الجاي ،

آزر _ العشق هذا

عاف الموبايل مالته يمي خلفية تلفونه صورته
هو وبنته كلش حلووه لابس بيه قميص الي يبرز لون عيونه من اجه كتله هاي صورة اريدها عود دزلياها ،

آزر _  راح تحبينها !؟

_ منو !؟

آزر _ بنتي ،

_ مثل ما احبك احبها ويجوز هي اكثر

ابتسم وكال _ واذا صارو عندج جهال ،

_ تصير هيه اختهم الجبيره وفرحتك الاولى
فتح موبايله ،

آزر _ هاج شوفي صورنه ،

بقيت اباوع بالصور وشفت صورة آزر يم قبر مرتضى مدنك يبجي ومبين ما يدري بالصورة سئلته منو ماخذلك
هاي الصوره ،

آزر _  حسام ابن اخويه هاي قديمه قبل لا تدور السنة الاولى ،

_ ليش اخذها الك ،

آزر _ هيج اله كلشي تعرفين ،

_ لا عادي ( دائما من اسئله على مرتضى يغير الموضوع )

آزر _ هسه روحي لسهى كليله اريد احجي وياج وطلعي بره احجي كليله شنو تردينه وليش هيج سويتي من هل خرط ،

_  اوك

آزر _ بطلي كلمة اوك وانتي تصيرين زينه بالعربي

_ ضحكت ورحت الها سهى بس شويه احجي
وياج طلعنه بره نادي ، اكلج شنو معنه الي سويتيه وشنو تردون من عندي ،

سهى _ تبيعين شرف علينه وانتي ماشيه ويا
دكتور كولي ماريد الطلاب تدورين وين العدهم فلوس حتى يصرفون عليج ،

_ بعدني اريد اجاوبها واجه آزر

آزر _ يله حبيبي تأخرنه

_تفاجئت بالي حجاها وفرحت كتلها بااي
آزر انت كدام رتيل ومروان ما دكلي حبيبتي
ليش حجيت كدامها هيج ،

آزر _ حتى تعرف ميهمج تهديد ،

_ امم تفكير شيطاني ،

آزر _ لا تفكير بعقلانية مو مثلج طفله هسه
وين ترحين ،

_ عندي محاضره ،

آزر _ يله لعد روحي ،

_ رحت ومن خلصنه محاضرات رجعت ويا مروان واحمد لأن آزر عنده محاضره ويتأخر سولفت
لرتيل  على الي صار ،

رتيل _ هاي ما تتعض تبقى سا...

_ والله مجانت هيج بس اصدقاء السوء خربوها

رتيل _ شوف هاي  انتي تبقين ثوله ما تصيرلج جاره

احمد _ ولج مرت خالج هاي احترميها ،

_ شكد يعجبكم تنصبون عليه ،

احمد _ بعدج مشايفه شي التجمعات التصير
عدنه يبقى واحد ينصب على الثاني فأنتي من
هسه تعلمي علينه ترى احنه عشيره هواي ،

_ الله يحفظكم

ومشت الايام ماكو اي حدث يذكر بس غيره آزر وعصبيته نفسها ما تغيرت وصار اعصاب اكثر
يريد نعقد سيد ونسوي الحفلة واني اكله بس  تخلص هاي السنه وجان بيها فترة امتحانات شهريه كاعدة بالغرفة مالته وهو يكلي ،

آزر _ ترى الخطوبة يوم واحد مو شهر 

_هسه احنه مو مخطوبين وكاعد نشاوف
ونتخابر بعد شكو ،

آزر _ اي بس لزمة ايد حلال عليه هسه كاعده
كبالي ماكدر ابوسج  ،

_ آزر شهل حجي ،

آزر _ يله يله روحي لا نتعارك  مادري ليش
ماتردين تعقدين ،

_ من هاي سوالفك غير ،

آزر _ مشتهيه تتعاركين اليوم !؟

_  لا على شنو اتعارك ،

آزر _ لعد روحي القسمج احسن ،

_ عفتة وطلعت وخلصانها كوه لازمين نفسنه
ما نتعارك لان عركاتنه تطول يله نتراضه وهو
يريد يخطب هههه لازم نفسه عن عركات ،

مرت الايام وصادف اول يوم امتحان نهائي
شهر 6 طالعة من الامتحان والدنيا حاره تموت رحت اشتريت مي وكعدت على الكراسي البره
يم القسم يصيرن موبايلات نخليها مغلقة من نمتحن ، شوية واجتي سهى يمي ،

سهى _ شلون جاوبتي !؟

_ بعدني ما راده عليها كالت ،

_ على شنو أسئل وانتي درجاتج كلها فول ،

_ اي اخلص السنه دراسه بتعبي احسن من ما اخلصها لعب اكو مقابيلي كراسي كاعدين بيها
ولد ما منتبها عليهم اصلا ولا ادري بيهم
موجودين ،

بعدني احجي وياها ،

ما اشوف اله آزر فوك راسي صاير كتله
من الاعصاب ،

حجة بصوت ناصي _ بس مبينه العصبية بصوته

خمس دقايق والكاج يمي فوك ،

_

يتتتتبع ..

تحياتي الكاتبة زهراء امجد