#ظفر_الجوى
للكاتبة _ زهراء امجد
#البارت_الخامس ....
لاتنسون تصويت ومتابعه حسابي الواتباد ♥️
فأنتِ قضيَّتي ، لُـغزي ، ارتباگي
و أجملُ ما تجمَّعَ منْ شِتاتي
إليكِ تَوَجَّهَت خُطواَتَ روحـي
فأنَّـى سِـرتُ تَجتاحينَ ذاتـي
رتيل _ تمام ...عفتها وصعدت فوك نزل الهم غراض من مخزن ....
واسمع نور تحاجي رونق ...
نور _ منين يحظي حاسدتني على البيت ولج اذا
همه 24 ساعه بيه حتى ماكدر اخذ راحتي داخل البيت ...
رونق _ لج طرديهم سويلج زعله قويه ويا آزر بس من زعلين كشخي يمه وتعطري حتى غصب عنه يراضيج ...
نور _ انا بالايام العاديه اكشخ وتعطر وهو كوه يتقرب مني يطبق شرع ويخاف من غضب الله
رونق _ ماطوله هيج استغلي الفرصه جذب مال يتقرب بس حقج وهاي شغله اذا ماهو رايد مايسوي
نور _ هسه يرحون العصر بس شلون البنات يبقن لليل ...
رونق _ خلي وجهج ثكيل وياهن وهنه يحسن
رتيل _ اسمع كلامهن وانا هنا صدك كلش نقهرت نزلت وقررت بعد ما اجي الهم ...
العصر رجعنه كلنه لبيوتنه بعد ما رتبنه بيت جدي وغسلناه احنه بنات من فوك جوه
الظهر وره الغده لان جهال وهوسه صار البيت ...
المغرب اتصل خالو على ماما ...
آزر _ الو ام رتيل ليش رتيل رجعت مابقت !؟
ام رتيل _ مادري هية رادت ترجع ...
آزر _ انا هسه دخلت للبيت خلي واحد من اخوانه يجيبوها النه عندي حجي وياهن ...
ام رتيل _ بس لا مسويات مكسوره هذني ...
آزر _ لا شيسون قابل بس انا اريدهن نفس قبل
يبقن لليل يمنه ...
ام رتيل _ زين هسه يجيبوها ... سدته منه وكلتلي خالج يريدج ...
رتيل _ يمه ماروح .
ام رتيل _ ليش صاير شي ولج هاا ...
رتيل _ لا مصاير شي بس ماريد اروح مو جنه يمهم الصبح كافي بعد ...
ام رتيل _ رتيل وحق العباس اذا ماحجيتي وكلتي ليش متردين ترحين اسحلج سحول البيت خالج
رتيل _ اي يمه كلتيها بيت خالي وانا ماريد اروح
لبيت خالي مو مثل قبل بيت جدي لا اختلف هسه
ام رتيل _ هاا شمسويه عمتج بله عبالنه فقيره
طلعت هم حيه .....
رتيل _كلشي ما مسويه بس انا مااريد اروح كوه يعني اروح الهم ماريد ... سكتت وعافتني وراحت
منا لليل اجه آزر النه وصاح عليه نزلت يمة ...
آزر _ مو دزيت عليج ليش ما اجيتي ...
_ خالو راسي يوجعني مكدرت اجي ...
آزر _ ها سهله اذا هيج عبالي بيج شي ...
_ لا سلامتك ..
آزر _ يله انا اروح اجيت اشوف بنيتي ...
_ انا ضحكت احلى خال بالدنيا والله ...
آزر _ النتائج مالتج مابقى شي عليهن ...
_ اريدك انت تبشرني ..
آزر _ ان شاء الله ...
عافنة وطلع ندارت امي علية _ شنو سالفتج ويا
بيت خالج !؟ جنتي تكتلين روحج عليهم هسه ليش
_ يمه صدكيني ماكو شي بس رشا كالت مااجي فأني شعندي وحدي بقيت ...
ام رتيل _ اذا هيج خوش نشوف منو يجذب ..
رتيل _ اي وره كم يوم كالو نتائج اليوم وانا لزمني مغص بطني رحت بيت جدي لكيت مروان هناك كتله بشر !؟
مروان _ بعد ...
_ شنو يلعبون بأعصابنه ...
مروان _ صبر من شنو خايفه ...
_ مادري بس تفكير موتني ...
مروان _ ولا تخافين ان شاء الله ناجحه وندخل للكليه سوه ...
_ ان شاء الله يارب
مجمعين كلنه سووه وكلها تبحث بالموبايل على موقع النتائج شويه وسمعنا خالو كال
_ عفيه عليها ...
_ ها خالو بشر !؟
آزر _ بعد ...
نور _ جا عفيه عليها شنو !؟
آزر _ هيج جاي اصفح .... ورا شوية كال مروان ناجح معدلك 73 ...
مروان _ الحمد لله ياربي واخيرا خلصت من مدرسه
رتيل _ خالو واني فدوه ...
مروان _ ومرض كولي مبروك ...
_ بعدين
ام آزر _ ان شاء الله يمه الله ميضيع تعبج وناجحه
_ ان شاء الله متت
آزر _ مبروك ناجحه بس معدلج ب65 ...
_ انا كمزت كمزه بقيت هلهل روحي واركص
مروان يضحك ..
مروان _ مخبله رسمي ...
رتيل _ لك نجحت نجحت يمه واخيرا باركتلي نور ..
نور _ الف مبروك يروحي عبالك ان ناجحه ...
_ فدوه عمتي .... باركت مروان ...
مروان _ بعد وكت ...
_ غير اطمئن على نفسي ههههه
آزر _ عندي اتصال مهم ....
عافنا وطلع ....
سنر _ مشت الايام نفس الروتين فبيوم من الايام جنت يم رواسي وخابر تقي عليها كلها ولج وين
سنر نتائجه اليوم تطلع
اني طفرت كتلها وديني لاهلي عدهم نت انتو ماعدكم ....
وصلني اخوها بقيت افتر منا ومنا
زينه _ مدكليلي شبيج جنج طلكين بشهرج
سنر _ خايفه من العربي خاف اطلع راسبه
محمد يبحث وماكو يكول عليهم لود خلي
محمد _ راح اروح للمكتبه اطلعها هناك نت اقوة
بعده مطالع واتصلو عليه .....
محمد _ هاا اييي ياااا حرامات
سنر _ احس كلبي راد يوكع شكو محمد ؟!
_ ناجحه مبروك ومعدلج 82 والعربي عندج 60
_ حراما راحت طبيه ....
_يلا شسوي بس زين معدلي ردت بس اخلص الضروف المرتلي تعبت نفسيتي كلش .. بس الف الحمد لله والشكر ....
رتيل _ بعد ماطلع خالي احنه كعدنه نسولف ...
نور _ رتيل قدمي بكلية خالج عفيه
ضحكت انا طبعا طبعا ويا دكتورنا وهيبتنا اروح
نور _ عفيه بعد عمتج ههههه
مروان _ هاا مقرره اساسيه ..
رتيل _ اي قابل شنو يدخلني معدلي قانون هههه
دخل آزر مبتسم ...
آزر _ مروان اي كلية اهليه بالك قدم عليها وانا تكفل كلشي ....
مروان _ لا ماريد اهليات اشوف نصيبي وين يوديني بالحكومي ...
آزر _ حرامات لك علمي وتعبت ومعدلك زين يدخلك اهليات ..
مروان _ لا لا حكومي ...
آزر _ براحتك قناعتك
مروان غمزلي اي اصلا اختاريت هسه الكليه
رتيل _ كتلهم يله هسه نبدي تحضيرات حفله والهدايه كلشي استقبل منكم
آزر _ سهله باجر عازمكم بره بس انتم
رتيل _ وانتي عمه ...
نور _ انا وخالج واحد ...
_ لا عيني مو واحد ...
آزر _ جيبلج هديه لا تخافين ...
_ وانتي بيبي !؟
ام آزر _ انا جيبلج كيكه ادري بيج تحبينها ...
_ فديت جداتنه تعرف شحب احلى هديه والله
نداريت على مروان كتله وانت ...
مروان _ انا بحياتج اكبر هديه ...
_ دروح اريد شي اذكره ...
مروان _ سهله عوفيها عليه
_ خالو وصلني بيتنه خلي ابشر امي ...
آزر _ بقي هنا واخابرهم ...
_ لا لا اروح
نور _ اروح وياج صار هواي مرايحه اهلي ...
_ خوش ... مروان استاذن وطلع ...
آزر _ نور غير تاخذين رأيي بكيفج تقررين ترحين
نور _ قابل راح تعارض ...
آزر _ لا ما عارض بس مو انصدم هسه اعرف ...
نور _ يله حبيبي عادي ارجع ويا رتيل باجر ...
آزر _ براحتج ..
باوعت على خالو ضاج لان ما اخذت رأيه قبل لا تحجي كتلها يله عمه حضري نفسج ...
رحنا لبيتنه بشرت اهلي بالنجاح وباركولي كتلهم حضرو سفراتكم والونسه كالو صار ...
نور _ ولج ما شبعين طلعات ...
_ لا غير تونس بقت تضحك هي بقت شويه يمنه
نور بعدين كالت مترحين وياي اهلي نبشرهم كتلها يله مشينه بعد هي دياحه دياحه ...
رحنه انا وياها شفنه بس بيبي ورونق بالبيت كنالهن بيبي كلش فرحت لان انا اول بنيه عدهم تطلع من سادس مع العلم عمامي ولدهم كلهم مكملين بس بنات لا ...
بيبو رتيل _ شتردين اجيبلج على هاي البشاره الحلوه ...
_ والله بيبي هاي فرحتج كلش كافيه شويه ودخلت عمتي ام سجاد
ام سجاد _ ها ولج بشري ...
رتيل _ نجحت ...
ام سجاد _ اي بالعافيه شبعي هسه نوم لحد ماتجي قسمتج ...
رتيل _ هلاووو شنو اشبع نوم غير اقدم كليه
ام سجاد _ يااا يخلوج عمامج ...
رتيل _ شبيج عمه هو بكيف عمامي لو بكيف ابوي
ام سجاد _ برعه ما ينكدرلج ...
رتيل _ بضحك وغمزة منو عماتي ...
ام سجاد _ فلك صابج كون ..
نور _ سكتي ولج كافي لسانج ...
رتيل _ باع منو ينصح الي تغيرت كلش هواي هاي السنتين كرصتني هي كتلها يله اروح ...
رونق _ وين ابقي هناا يمنه لو نبزز ...
رتيل _باقيةةة عيني فتنه جووه انا وياهن ...
نور _ انا مليت آزر كلش صاير بارد ويايه ..
رونق _ غبيه مو كتلج حبلي وشوفي شلون اذا ميباوع على حلكج ...
رتيل _ لا عمه الحمل موزين عليج وكلش زين تدرين خالو ميقبل ...
رونق _ اي ليش ميقبل منها الجهال لج بعدلج كم سنه لو تخلفين لو لا جاي تكبرين ما صغرين سويلج طفل وفضيها احسن كل ما تجين تونين يمي بارد وياي ما يحبني ...
نور _ اي تعامله وياي بالغرفه يختلف عن تعامله
يمهم اتمنى ماصعد فوك بالغرفه هلكد ما من همة موجودين يحترمني وما يرفضلي طلب حتى حاسدينا لان احنه سووه ...
رونق _ شوفي انا اعلمج شلون تخلينه يفهه عليج صيري وياه عنوديه عانديه بكلشي
نور _ اي والله جاي اسوي مثل ما كتيلي
رتيل _ عمه من كل عقلج سمعين كلامها هاي تريد تخرب حياتج رجعي مثل قبل وخلي حب آزر بقلبج وبس طلعي هاي سوالف من راسج ....
رونق _ امشي طلعي منا سوالف كبار هاي لا تدخلين ولا توصلين لخالج شي اموتج والله حتى كليه ما خليهم يدخلوج ...
رتيل _اتوقع كلشي تسوين اذا اختج جاي تدخلين بحياتها ويا رجلها ...
عفتهن وطلعت شفت ابن عمي موجود ياربي هاي الغثات ليش موجودين بحياتي
كتله هلو ...
علي _ اهلا ست رتيل مبروك على نجاحج ...
رتيل _ شكرا ...
علي _ وين جنتي قبل لا تجين النه !؟
رتيل _ بيتنه ...
علي _ ليش تكذبين !؟
رتيل _ وليش اكذب مثلا خايفه منك جنت بيتنه
ام سجاد _ كوم اكسر راسها ...
رتيل _ ها عمه سالمين !؟
ام سجاد _ جنتي عند بيت جدج ..
رتيل _ اول شي جنت بيتنه وبعدين رحت بيت
جدي خالي العزيز الغالي على قلبي بشرني بنجاحي بعدين اجينا البيتنه وبعدين اجيت ابشر حبيبتي بيبيتي وهاي هي يعني قبل لا اجي هنا جنت بيتنه وصلت لو اعيد !؟؟؟
علي _ انتي ومنو جنتي بيت جدج !؟
رتيل _ وانت شكو شعليك !؟
علي _ انا ولد خالج ما حبهم
رتيل _ شعور متبادل ولا هم يحبوك ههههه ...
علي _ هاا ...
رتيل _ شوف يا ابن عمي العزيز بحياتي لا تدخل مالك علاقه بيه زين انا اخواني مره دخلو وابوي سكتهم مو نوب انت ماشي عيني خلينه حبايب ومحترمتك ....
بست راس بيبي وهو بعد ساكت يباوع عليه
كتله بطل هاي صفنتك وتعال وصلني للبيت لو
تريد اروح وحدي !؟
ضحك هو طلعنه بالطريق نمشي كتله شوف انا احبكم وماعندي شي وياكم بس الي يدخل بيه
اسكته والصراحه خوالي ولدهم وبناتهم احبهم
اكثر منكم فلا تقارن ولا تدخل ... ما خليته يفتح
حلكه بعد بكلمة ...
علي _ دخلي يله
رتيل _ چاو يحلو ضحكت وسديت الباب ...
ثاني يوم عزمنه خالو على الغده انا ومروان ورشا واحمد وعبير رفل بعد طلعت من عدنه لان تزوجت اخوي العقده هههه ...
اتصل على نور كلها امر عليج انتي ورتيل راح نطلع هسه ....
نور _ انا ما اروح وياكم مالي خلك ...
طبعا هاي توجيهات رونق كلها براحتج اجه اخذني وطلعنه سوه ... خالو مرتاح ويا نور !؟
آزر _ لا ...
رتيل _ هم تفكر تزوج عليها !؟
آزر _ لا ماكدر اخاف عليها ...
رتيل _ تحبها !؟
آزر _ انا حبيت مره وبعد حب البنيه بقلبي محد
تاخذ مكانها بس عمتج احترمها وحبها بس غير
حب ..
رتيل _ اذا اجتك فرصه تزوج البنيه التحبها تزوجها
آزر _ اي طبعا بس بلا علم عمتج لان ادنى انفعال يصير الها تروح بيها ...
رتيل _ ماشي بس عمه حبابه وتحبك وهاي الي يصير من وره عمه رونق هي دكول الها هيج سوي
آزر _ ادري مره جفصتها يمي ...
رتيل _ زين من تدري عمه مالها ذنب ...
آزر _ عمتج عدها عقل ومو صغيره شكو تسمع
كلامها ....
رتيل _ اتعجب عليك من هيج تسوي وياك تبقى ساكت ...
آزر _ انا هم متعجب على روحي بس يجي يوم وعمتج رونق تخرب بيت اختها والسبب تصرفات
نور الي تسمع كلامها بكلشي تحجيه ...
رتيل _ خالو حاجيها انت !؟
آزر _ مليت وانا احجي واكلها عوفي رونق تخرب علينه بس مايفيد مغسول عقلها مليت وانا انصح وماتاخذ النصيحه ....
رتيل _ عاد انت بسرعه تقنع المقابل باسلوبك ...
آزر _ نور ما تقتنع نور مو مثلج ومثل الي بعمرج يقتنعن من اكبر منهم يقدملهن النصيحه
نور بعمري ومتسمع حجايه ولو ماادري بيها تحبني جان كلت هاي مغصوبه عليه وتريد بس اطلكها
رتيل _ يله قسمتك شسوي ...
آزر _ الحمد لله ...
وصلنه لكيناهم موجودين قبلنه كعدنه وياهم ...
احمد _ شو تاخرتو ..
آزر _ بين ما جهزت نفسها ...
رتيل _ اها مو جنت مكمله ومنتظرتك بالباب بس مسافة طريق ...
آزر _ يله شنو تطلبون غده ..
رتيل _ هلو شنو بكيفهم غير هاي عزومه علمود نجاحي اني اطلب الكم .. البنات ما قبلن كالن احنه نطلب ... كتله اطلب ألكم آزر باوع عليه صفح ...
آزر _ اسمع طلبج يله اكلج اي او لا
رتيل _ همةة شعدهم !؟
احمد _ رتيل بله ما تسكتين خلينه احنه نطلب
وانتي عليج تاكلين ...
ضحكنه وفد تونسنه يوم من العمر ههههه طلبنا اشكال نترس الميز بكل انواع الاكل رجعنه البيت
سنر _ اخذت النتيجه واستمارة التقديم وبديت
اجهز للتقديم وكل شويه اسوي مسوده شنو اختار
يا كليه ....
جنت كاعده يم اهلي يساعدوني بالاختيار
ابو سنر _ لا تخلين الكليات محافظات بس هناا اخاف عليج وشفتي عمار كل شكد يله يجينا ويسولفلج على تعب الاقسام الداخلية
_ قنعني بكلامه وكلت الله شكاتبلي خير إليه خلاص حلبس روب الاسود مكان الابيض
تقي من يمه كمز
تقي _ هلو تجين يمي والله ماخليج ،
حسن _ شنو بويه كليتك وما تخليها مو بكيفك اني اقدملها ،
_ اخذ الاستمار وقدملي وخليت قانون اول مره وبعدين الكليات البقيه واخر شي خليت محافظات والتهيت ويا امي ووضعها بعد موت مرتضى كلش مدهور ودائما تكعد وحدها وتبجي واني بعد ما كبر ابن محمد شويه ونسني دائماً عندي ابدله واوكله حتى ينام يمي وزينه مكيفه دكول اي خليه الج
حتى تاخذ راحتها ويا محمد اني بطبيعتي احب الاطفال وافقد يمهم ههههه
وره فترة طلعت القبولات وطلعلي كلية تربية اساسيه نصدمت لان معدلي عالي مو مال اساسيه بس جان اكو خطأ بالاستماره ....
رتيل _ وبدت الايام الاجهز بيها ملابس للكليه ومنتظره
بس تقديم وراها بفتره جان تطلع القبولات وطلعلي اساسيه ويا خالو ومروان همين ....
بس اشوف خالو فرحان اكثر من ما فرح بنجاحي فرح بالقبول ...
بعدين عرفت من احمد انو البنيه الي يحبها طلع قبولها نفس الكليه ...
بهاي الفتره احمد اجته مهمه داخل الكليه مهمه سريه وكون محد يعرفه ويتعايش ويا طلاب ويختار القسم الي يريده بالإتفاق مع العميد والقسم وصدك دخل للكليه قبل لا احنه نداوم واختار اكثر قسم هو شاطر بيه ويبدع بيه ....
هنا بدت رونق كلش تلح على نور ان تحبل وسوي طفل حتى آزر ما يفكر بغيرها لو يعوفها فد يوم
مره سمعتها امي من تحاجيها ...
ام رتيل _ نور انتي مو صغيره واحد يعلمج
تعرفين كلش زين الحمل خطر على حياتج كلنه نتمنى يصير عدكم طفل ونشوف جهال آزر بس
اذا حبلتي وصار شي عليج لا سامح الله شتحصلين تموتين و تيتمين طفل ...
ومنو يصير بحاله عماته لو خالاته شوفت عينج ..
سكتت نور بعدين كالت _ واذا اخوج زوج عليه شسوي انا
ام رتيل _ جا من تموتين ما يزوج هم يزوج فكري بروحج لا تفكرين بـ آزر اذا تحبينه صدك لا سوين
شي هو ما قابل بيه ومحذرج منه ....
نور _ مادري والله ...
اتصل آزر عليها كلها انا باب اهلج طلعيلي ...
نور _ انا بيت اخوي ...
شويه ودخل هو سلم وكعد ...
آزر _ ليش تطلعين بلا ما تحجين !؟
نور _ انا وررنق اجينه
آزر _ مو موصيج من تردين تطلعين تتصلين عليه
ياله !؟
نور _ اجيت اتصل والله بس نسيت ومن وصلت اجيت اتصل عليك وزنق كلتلي وين رايحين هو
بيت اخته قايل يعارض ...
آزر _ كافي دخلين اختج بحياتج بكل حجايه رونق ورونق الحجايه انا اكولها تسمعينها وبس ...
بقوا شويه وطلعوا من عدنه ومابقة شي للدوام ...
سنر _ بدة دوام المراحل البقية اما المرحلة الاولى لازم نروح نشوف القسم الي نريد نختارة لان معدلي عالي واكدر اختار قسمي رحت اني ومحمد حتى اختار القسم ونكمل اجراءات المعامله وهنا رادو كفيل على اساس اخويه يكفلني بس مجايب كل الاوراق خابر صديقة آزر علمود يكفلني لان بنفس الكليه كعدنا ننتضر بالكافتريا حتى يجي ....
اجه وعيوني صدت اله من بعيد لابس قاط كامل نيلي والقميص اوف وايت جسمه كلش حلووو طالع بقيت صافنه عليه وصل سلم على اخويه وباوع عليه مخنزر عيونه عبالك بس يريد يتعارك اوي هذا شبيه من شافني وشفته
مخنزر عيونه وعاكد حواجبه
آزر _شنو شسويتو شنو قدمت ،
محمد _ رادت رياضيات تقدم ،
آزر _ خلي تجي للعربي عاد يمنا ،
محمد _ كول غيرها هي منا تكره شي اسمه عربي انوب تريد ادخله هل قسم حتى تبطل ،
آزر _ يله ابن حيدر وبنت اختي هم هسه قدمتلهم وسويتلهم كفاله ،
محمد _ يله امشينا ،
_ دخلنه وجانت هوسه كملها هو وطلع ،
آزر _ خلي تسوي مقابله هسه
محمد _ ها سنر ترحين تسوين !؟
_ لا عفيه بعدني مجاهزه اخاف والله كله يخليها
غير مره
آزر _ شنو القصه تمشي كلامها من شنو تخاف
خلي تجي هو بس يشوفون طريقه كلامها
امشي يله !!!!
_ يحجي كله بنتر كلت بصوت شويه مسموع
شكد شايف نفسك بس انت دكتور وخابصنه
شفته ابتسم شويه أبتسامته زادته جمال مو
طبيعي .....
دخل هو وبعدين واحد صاحني دخلت ...
_ تفضلي شنو اسمج وين ساكنين ،
_وبعدين سئلني بالرياضيات واخر سؤال ختمه
شنو يصير منج دكتور آزر
_ صديق اخويه
_ اخوج محمد !؟
_ تفاجئت كتله اي
_ ممكن تصيحيه من طلعين ،
_ تمام وطلعت لكيت محمد كاعد اكولك هذا يريدك من عرف انت اخوية كالي صيحيه دخل محمد واني اشوف الطلاب الي يطلعون من مقابله يكولون يسئلون اسئله صعبه مدري منين
العرفته من داخل الهم آزر كاللهم هاي اخت محمد صديقنه و ترى خايفه شويه لا تسئلها شي صعب
دخل اخوية سلم عليها وطلع هوا وآزر
آزر _ تعالو مكتبي هم ادليها خاف تحتاج شي وهم تشربون چاي ....
رحنه للمكتبه بيها ميزين وميزه ثالث مال الدكاتره
الي وياه جابو الجاي مشربته لان ما احبه شويه وطلعنا رجعنا للبيت والطريق كله محمد يحشش عليه .....
رتيل _ رحت اليوم للكلية اني وخالي ورشا واكف خالي يمنا ومنتظرة اشوف ياقسم طلعلي .. اجته مكالمة عافني وراح ضليت اني ورشا كاعدات ننتظر خالي لان رشا بلشت دوام بس المرحلة الاولى مو هسة شوية واجةةة خالو ....
آزر _ رتيل اريد منج شغلةةة ...
رتيل _ كول خالو ...
آزر _ هسة جنت اقدم لسنر اخت صديقي واريدج تتعرفين وتتقربين من سنر من تداوم...
رتيل _ ليش عود شنو خالو تريد تزوج على عمتي !؟
آزر _ لا بس اريدج صيرين صديقتها لان هي حبابه وفطيره واخاف عليها ...
رتيل _ هنيالها عمي ست سنر على هذا الحب
كله والاهتمام ...
آزر _ رتيل راح اندمج والله على هذا الحجي شبيج
رتيل _ مااريد اصير صديقتها
آزر _ تصيرين وغصب عنج واذا ماحبيتيها وصارت الج مقربه شنو تردينه يصيرلج ...
رتيل _ زين عادي اكول لعمه نور لو سر واضمه هذا الشي عنها ....
آزر _ بكيفج لا دكولين او كولي ليش ضمين ..
رتيل _ يعني خاف تزعل لان صادقت حبيبته زوجها
آزر _ شوفي رتيل صح احب سنر واذا هسه طلبت روحي انطيها وما اتردد واذا تصير عندي فرصه ازوجها ماانتضر موافقه احد لا عمتج ولا عمج
بس عمري مراح اظلم نور لو اقصر وياها بشي
صح الفترة الفاتت كلش تغيرت ماعرف شبيها
بس ادري بيها تحبني وانا هم احبها واحترمها بوجودها او غيابها ما سوي شي يقلل من قيمتها كدام اي احد حتى لو كدام الانسانه الحبيتها بس حبي لسنر يختلف مو حب عادي ورايدها بالحلال لآخر يوم بعمري مو مال علاقه وعابره ....
رتيل _ والله يا خالو ماعرف شنو اكول بس الله
يريح قلبك هههههه لاتخاف راح اتعرف عليها
واشوف عيني الي خطفت قلب خالو وخلته حاير هيج علمودها ....
آزر _ يله تعالي نطلع اشوف يا قسم طلعلج ...
رتيل _ بعد ما نشرو الاسماء
آزر _ ادري بس وصلت النه الاسماء واسمج ماكو بالعربي ....
رتيل _ هاا جا حتى بالانكليزي ماكو لان كتبته اخر شي دور اسمي تاريخ وجغرافيه
ضربني على راسي خفيف . .
آزر _ يله كومي ...
شاف اسمي بالجغرافية ... تعالي ادليج وين القسم كتله دقيقه ماشفت مروان وين طلع اسمه
آزر _ شفته ..
رتيل _ وين !؟
آزر _ معليج ...
رتيل _ هاا معليه ليش بله غير اعرف
آزر _ بصفتج شنو تعرفين !؟
رتيل _ ابن خالي غير واريد اشوف وين يداوم
آزري _ سهله اخليه يمج يداوم ..
رتيل _ والله تسوي فضل ...
آزر _ رتيل !؟
رتيل _ عيوني خالي ترى اشاقه وياك شبيك وين ميداوم خليه عسى ما يروح للمريخ شعليه بيه
آزر _ اي مو انا اعلمج الثگل ...
رتيل _ لا تعلم تربيتك ...
آزر _ هو انا خايف عليج ...
رتيل _ منين من مروان تخاف !؟
آزر _ لا طبعا مروان هم تربيتي لو ما اعرفه يحبج
ما اخليه يحجي وياج اصلا ...
رتيل _ بس منو كلك يحبني ..
آزر _ انا ادري مثل ما تحبينه انتي
رتيل _ يااا انا احبه عيييع ابد ولا احبه
آزر _ خوش امشي يله ...
مشه كدام ومشيت سريع وصلت يمه كتله اوكف شمدريك يحبني !؟
آزر _ تصرفاتكم فاضحتكم ..
رتيل _ اممممم زين مكتلي شطلعله يا قسم !؟
آزر _ مالج علاقه وهذا قسمج ...
رتيل _ اوك شكرا ..
آزر _ يله امشينا ...
رتيل _ دليني قسم رشا وين !؟
آزر _ رشا وصلت مرحلة ثانية وماسامع صوتها بالكلية بس انتي الله يستر منج ...
رتيل _ بضحكةةة لا لا ان شاء الله اكون كد ثقتج ههههههههه اطمئن خالي العزيز .... وخلص اليوم باحلى مايكون ....
رجعنه للبيت ورجعنه رشا ويانه والتمينه خوش
لمة كلنه اجه مروان ...
مروان _ هاا آزر شفت قبولي ..
آزر _ اي ...
مروان _ اي شنو !؟
رتيل _ انا جنت اباوع الهم منتظره يكول واشوف شنو نقبل
آزر _ بعدين اسولفلك
رتيل _ شنو خالو حزوره احجيها !؟
آزر _ انتي منو يمج عرفتي قبولج هاي هيه
ندار على مروان ... انت شتريد يا قسم
مروان _ اي شي ...
آزر _ هاي هيه لا تلح ما شفت قسمك عود باجر اشوفه ...
مروان _ مادري ليش ما مصدك
رشا _ انا باجر اتصل عليك واكلك شنو طلعلك بس اريد بشارتي ....
مروان _ عليمن هيج هيج انا راح اداوم من
اداوم عود اشوف قسمي ...
آزر _ كله بعد عليش تلح
رتيل _ خلصنا الكعدة ورجعت انا ورشا لبيتنا
لان رشا عدها دوام ثاني يوم اتصل عليه مروان يدردم وعصبي .....
هاي خير شبيك مروان !؟؟؟
مروان _ شفتي خالج شسوه !؟؟؟؟؟
رتيل _ ياستار شكوووو شسوه !؟
يتتتتبع ...
تحياتي الكاتبة زهراء امجد