قاع الشياطين

البارت الثاني والستون

..............☆البارت الثاني والستون ☆..............

#قاع_الشياطين(البصر والبصيره)

#بقلم_أسماء_ديمير

رد عليه وتنهد مو بكدي تعاال ..

راح عليه يشخط برجليه كوه ، سكت ..

حجه بيبرس ، ليش ؟؟!

رد عواد شنوو ؟؟!

رد عليه لييش بعتني وبت عزوتي ..

سكت ثواني ورد يمتمت ، بعت شنو بيبر شبيك شارب انته ..

-تعرفني صاحي عواد لا تضيع سؤال ورد ، شنو هالشي الي يسوه لخلاك تبعيني   وبعت عدي لخاطره ..

حجه بخوف  دتخربط ترى .. عاط بيه بيبر فززه ، مررررتك شسوووي يم ثروت قبل الحادث بيوووم عووواد…

سكت شوي وحجه غزل شبيها ؟

-ولك تغشم نفسك يالنكس ، هااا كام وكفله على طوله تغشم نفسك مووو ، عبالك يعني اذا كعدت بالبيت ، كبال عيون الحراس ماتطلع بره البيت بيوم الحادث ماراح اشك بيك ، انته وره ابسالفه ، عبالك من ادز مرتك هي الي تنقل المعلومات لثروت ماراح اعرف  بعدين ..

لش بس كلي لييش ..

-لا لا انته مو بوعيك لا تشمر عليه مرتي شعليها . ديحجي ويرادد عاط بي بيبر جفله ، ولك نغ* ولك ساااق* كام نطا دفره وكعه على ظهره  على الارض ..

نام عليه يضرب بي ويعيط … لاتنكررررر لاتنكرررر ولك كلت اخوووي جذبت اضنوني جذبت شكووكي بس سمعتك باااذني بااذني ليييش ولك  ستار راح بسببك عدي خسر مرته وابنه بسببك مانطيت ظهري لاحد ماامن بيهم بس من تجي الضربه منك هااي تووجعك يااخوي توووجعك كسررتني عووواد كسررتي ..

ذاك مارد بس اسمعه كام يبجي ويصيح غصب عني والله غصب عني عثروني بالحجي عثررت بالحجي بيبرس انته اخووي ماانطي بيك والله ماانطي بيك عثرت بالحجي واني سكران وكلت على روحتكم…

سكت بيبر يلهث رد ماعثرت انته بعتني ، حقدك على عدي خلاك ماتشوفني ، طبكتني اني وعدي سووه بسبب حقدك وطمك ، خسرتني عووواد خسررتني ..

ولك ضيعتنه تدري لو لااا ..

رد يبجي :- لا يااخوي فدوه الك مو قصدي غلطه وصارت ماتكرر والله ..

-ولك ياغلطه عدي اذا عرف شراح يسوووي ، ولك عدي ديفتر بشوارع ماخله يريد بس خيط ديعرف منو السبب ، عبالك اذا عرف الك ايد اكدر اشفعلك اني خلص انته انتهيييت انتهييييت ..

-صاح بي وكف على طوله موووو سبببك انته صوووجك انته كويته علينه .

-دنجب اني كووويته لو هو اله الفضل ، ولك احنه بالقانون مجرمين واحدنه ينحكم مؤبد لو ماهو بالقانون مطمطم النه لو ماهو جان احنه جوووه بالسجون بعدنه ولك لو ماهو جان اني ميت من زماان حقدك خلاك ماتشوف زين غيرتك منه عمتك ..

-انته تفضله عليه واني اخوك كلشي وكلت عدي كلشي يحجي عدي عندك كلمة راس ، فرق بينه خرب علاقتي بيك ..

-هذا مو مبرر يالغبي ، ولك روحت مرته وابنه بنفس اليوم ، عدي ماراح يسكت احنه انتهينه خلللص خلص نهياتنه سووده وقربت .

-ماقربت مااقربت بيبر بعد اكو مجال نتخلص منه هو حاليا مثل المخبل يفتر بشوارع ونوادي ننطي لاي شخص مبلغ يدخل عليه ينفذ عليه ويطلع بعد عنده مجال وفرصه  ، 

صميت حلكي اني ، رد عليه من كل عقله عواد.

-بيبر اذا عرف عدي اني الي ايد بسالفه هاي حتى انته تنداس عبالك كتلتي لوحدي تشفي غليله هذا واحد حاقد وانجن موتتنه كلنه ماتبرد كلبه خلي نخلص منه كبل لا هو يفكر يخلص من عدنا ..

فتحت عيوني ، رجعت ركض للغرفه قفلت الباب عليه ، لزمت كلبي الهث ، ثواني حسيت شي نزل على خشمي ..

لزمت حلكي وخشمي شي لزج زفر ..

لعبت نفسي ضليت اهبد على سله زباله اريد اتقيئ ..

وصلت ليمها جريت الكلينس و دنجت اتقيى نزل الدم على بلاعيمي ، دنجت ازوع وابجي .. خليت راسي بحظني ابجي ..

كلبي يررجف حتى نفسي ضاك عليه ، كمت لحيلي اجر الموبايل اخابر تالاا احجيلها اي لازم احجي لاحد بيهم ..

فتحت الجهاز دكت عليها ماكوو .. ردي تالااا ردي ، ماكو رد خليت جهاز بالارض وكعدت ابجي ..

لميت رجليه لصدري مخترعه صوت بيبر بره بعده يحجي صميت اذاني ماريد اسمع ماريد اسمع ..ماراح اسمع اكثر كاافي عليه مماتحمل اني ..

مددت بالارض قريب سله زباله نفسي تلعب من ريحه زفر وبطني كلبت عليه كلش ..

لحد ماغفيت بالارض مادري بروحي ..

حسيت على ايد جرتني ورفعتني من الكاع ، ماتحركت ضليت على نومتي .. تغطيت بالغطا وسكن جسدي بس روحي لا ..

مر وقت وصحيت ، ماجنت نايمه بكد ماجنت غميانه ، فتحت عيوني بتعب ..

تعب رغم ماجنت توه مدده نايمه بفراشي ، درت وجهي ماكو اي صوت بالغرفه ، غمضت عيوني حسيت لمسه ايد ناعمه ..

فتحت عيوني بسرعه فزعانه ، صوت طفل ، اي والله صوت طفل ..

همست منو هنااا ..

ماكو بس صوت هذا صوت مو غريب صوت بحر ..

بحر ابن عدي ، همست بحرر ..

ضحك تردين كمشمش ..

بجيت بسرعه خايفه ، بحر هذا انته يعمرري وينك مديت ايدي اختفت ضحكته هو صوته اختفه ..

بحرر؟؟! كمت كعدت بحرر وينك هاي انته ، لزمت راسي داحلم ياااربي جنيت اني رسمي ، درت وجهي اهمس بحرر وينك ، خليت وجهي بين اديه وبجيت دخيلك ياللهي فقدت عقلي اني ..

كمت لحيلي طك ظهري تالمت ، كعدت مكسره تكسير وراسي يوون عليه ..

كعدت لحيلي وخرت من الفراش ، توجهت للباب اريد افتحه وتوقفت ترددت اطلع ..

البيت مينطاق بعد ، رجعت كعدت بمكاني ماتحركت ، صوت همس مرت عدي لو ابنه …

همس بكلمات مامفهومه و فحيح مخيف .. ضحكه رنانه ناعمه ..

جسمي كزبر ضليت اتلفت ، لاااا اكو خلل جنيت لو هذا شي حقيقي ، شنوو ارواحكم راح تلاحكني اني اني شعليييه روحو لاحقو الي تسبب بمووتكم اني شكوو ..

كمت لحيلي ابجي اني شكووو لا طاردوني ، ما لي دخل ماشلت خطيه احد بيكم اني حالي حالكم هم ضحيه هم وكعت بمكان مااكدر اطلع منه ..

هم راح اموت مثلكم بس ماعرف شووكت ، مساله وقت هي مو اكثر ..
وخررررو عني ، ضحك بحر تكررت صميت اذني وكعدت بالارض ابجي وعيط كااافي وخروني مالي ذنب بالي صار الكم ..

دخلت عامله حجت مالك في ااي ..

عطت بيها اطلعيييي بره اطلعوو كلكم وخرو عني ..

في اااي كره ااي …

لزمتتني عطت بيها ودفعتها وخررري عني ولكم وخروو عني شتردون بعد ، 

ام زياد صاحت شبيها هاي العياره ..

ماعرفش ياهانم كانو تكنكنت خالص ..

غزل ردت تضحك كثر دلال يطلع عين الوحده .. ضليت اردد اطلعوو اطلعو بره ..

طلعت ماطلعت مادري بس صميت اذني حيل   ، تجاهلت اصواتهم ، صوت بحر الوحيد ضل يضحك ويكلي كمشمش ..

جسمي اهتز ، وقت طويل مر ، لدرجه بطني وجعتني وحسيت بالجوع ..

صار شكد مماكله مثل الاوادم ، لو ماعامله تجيب الاكل للغرفه ماخلي بحلكي شي ، نفسي لعبانه حتى من روحي ، دايخه وصلت مرحله مافرق بين الواقع والخيال ..

ادين انمدت على زندي ورفعتني من الارض ، رفعت راسي من عطره عرفته ..

همست اله بحرر جان هنا بيبر اجاني ..

ليش كاعده بالكاع ..

همست اله شلون كدرت ؟؟! هااا شلون نفسيتك دتتحمل ومقاوم ..

جسمج ثلج ليش لابسه خفيف ميرال ..

لزمته من ملابسه حيل كلي شنوو سرك لان اني حتخبل ، بحر ديفتر عليه هو وامه ، ليش ميلاحقكم انتو مو انتو سبب بموته ..

-اشششش اسكتي لزمني يرجعني على الفراش ..

عطت بي دفعته وخرررر كاافي نووم ولكم كااافي جااهل اني كل ماردت تخلص مني تنومني ولك اصوواتهم بررراسي هو وامه ديفترون بالغرفه ليش اني ليش مووو انتوو ..

اني شعليه مالطخت اديه بالحرام ليش اني داتعذب مو انتوو ..

لزمني ينومني كوه دفعته اعيط ولك وخررر شلون كدرت انتو واخووك شلون نفسيتكم متحمله ولك ماتوو ماتو كلهم بسببكم ..

ستار  بعده باول شبابه لو مرت عدي وابنه مالهم ذنب باي شي ،  

جتفني كوه وخلاني بالفراش يثبتني ، رفعت اديه اضربه ملخته بس ماكدرت بس ضل صوتي طالع اعيط ..

دخلت عامله حجه انطيني من ذيج علبه حبايه .. ركضت هيه واني خلصت ايد وحده و ضربته على وجهه عطت وخرر عني ترديني ادمن مووو تريد تخليني موبوعي تدخلصون مني مثل ماسويتو باايلاف ولكم قتله قتله وربي قتله ماتخاافون الله ..

بعدني اعيط و عس حبايه بلاعيمي و صب الماي بحلكي خنكني ..

عطت حيل مخترعه ، غصب عني بلعتها هي والماي دفعني وخر كعدت لحيلي ابجي ، انته سبب بكلشي تعرف لوو لاا انته المذنب الوحيد ..

عقاب الله سبحانه وتعالى عظيم ، والله هسه تشووف ، حوبه الناس ماراح تتعداكم ابد راح تدفعون الثمن اليوم لو بااجر ..

طفل مافهم من دنيا شي تسببتو بقتله ، ستار الي اكلتو وياه وشربتو مات بسببكم ..

لزمني من جتفي دفعته حيل عطت وخررر ، كعدت لحيلي تعبت من العياط تعبت ، جسمي يرجف حتى دخت ..

رفعت اديه بتعب ارجع شعري ليوره ..

همست شلون جاي تكدر علمني ، شلون تحملت ..

-ايام وانهي كلشي ميرال ..

رفعت راسي عليه شتنهي ، هاااا هم تقتل ، منو هالمره عدي ، 

سكت ..

بلعت ريك ، ليش ؟؟!

ليش ورطتني وياك ؟؟!

مو منك اني ولا مثلك ليش هي سويت بيه ؟؟

-بياضي انتي ، براتي الي ضاعت وضيعوها لكيتها فجاءه بيج ماغلطت ، ردت اتغير بس ماخلوني ، جبروني على الاذيه وبعدين صاحو هو المذنب هو الشيطان الوحيد …

هزيت راسي مديت ايدي اله ، تعااال تعاال ، لزم جف ايدي بس ماكعد ضل واكف ..

همست عندك فرصه بيبر ، عدك بعد وكت .. سلم عواد للشرطه خلي ياخذ جزاته سلمه للشرطه وخلينه نترك العراق عوف شغلك كاافي عووفه اني انطيك الي عندي والله ، ماخليتك اني رغم ماراضيه على الي اسوي ماعفتك ، طاوعني بيبر بس هالمره تعال نروح لمكان محد.يندله اترك فلوسك وشغلك والفلل وكلشي ..

الي عندي كله اخلي بيدك والله ، نطلع منا نظاف نعيش بالحلال بظمير مرتاح الله راح يغفر الك ..

رد برود بهل بساطه عبالج ..

-بيبر انته تكدر تطلع بس انته راافض اطلع بيبر راح نموت كلنه ترى راح نموت بطريقه بشعه والله ..

-عواد ؟؟ قاطعته اني .. ياخذ جززاته اخوك قاتل بيبر خلي ينسجن احسن مانموت احنه هذا عقابه يستحق الصارله ..

-عبالج اذا انسجن نقذت حياته لااا ، راح يدخل السجن وعنده طريقين يمشي بيهم .. واحد منهم يدخل و ينكتل بالسجن لان عدي ماراح يعوفه ، اذا صار سبع وخلص نفسه راح يضطر يلجأ لثروت هنا اخوي ابن امي وابوي يصير عدوي .

-اخوك عدوك من زمان اخوك اجه يموتنه ، جريته وكمت لحيلي حظنته بهدوء حبيبي ، اجه يكتلنه اخووك ..

بيبر بداعت حبنه خلي نعوف كلشي شنو جابرنه نضل هنا بين الحياه والموت ، اخوك بكل الاحوال راح يدفع ثمن غلطة ، القصاص وراه وراه ..

خلي يسلم نفسه ، وتعال نسافر نعوف العراق ونسافر نعيش بهدوء بمكان نظيف شكلت ..

دفعني عني لزمته حيل بيبررر لاسوي هيج عندك فرصه ..

-ماكو فرص خلصت الفرص من زمان ..

-اخلق فرصه بيبر داحجيك دقيقه تعال .. دفعني حجه الكلام شكد سهل .. اخوي هذا ..

-عطت اخوووك قاااتل …

ماحجه عافني ..

-صحت بي مو احاجيك ..

طلع ركضت وراه سد الباب بوجهي وقفلها دكيت عليها بيبررر دحااجيك تعااال بيبرر عندك بعد ووقت لاضيييعه …دكيت على الباب دكيت عيطت مافتحه ولا رد ..

لحد مادخت وراسي صار هالكبر كانو بلشت ادوخ والدوه اخذ مفعوله رجعت تمددت اهدي روحي ..

يومين على هالحاله ، يادوب اكل واشرب وارجع انام نوم ماعرف منين اجاني شكيت دخلولي دوه باللكل وشرب ..

كانو متعمدين يخرسوني و يخلوني مثل جثه .. خفت لاتكون مخدرات وراح يصفه بيه الامر للانتحار ..

عامله دخلت الاكل الي وعافته ، رجعت وره ساعه لكته على حطته ..

حجت مكلتيش لي ياست ..

اخذي واطلعي بره ..

ده الاستاز بيبرس وصاني ان.. قاطعتها اطلعي بره كلت ..

متسمعيش الكلام لي ..

بصفي صينيه مديت ايده ودفعها حيل عليها ،  وعطت بيها اطلعي للللج تحاسبيني انتي هممم ولج شنو انتووو اطلعي بررره ..
كعدت تلم المواعين ودردم .. شكد جسره شكد شفت عاملات بس مثلها ابد ، وسن شكد جانت قبل متحبني بس ابد ماتراددني تخاف ..

هاي عينها كويه ، لمتها وطلعت ، نفسي تلعب مستمره قله اكل وكثره تفكير ..

ايااام اياام مرت حتى حسيت روحي انسيت ، محد فقدني عدا العامله تجي تشوفني وتطلع ، اسمع صوته بره يجنب شوفتي مواجهتي ، نوبات احس عليه بالغرفه واكول هذا وهم ..

نوبات اكول لا هو موجود بس خافي نفسه عن سمعي واحساسي ، لان اشم عطره بالغرفه بس ماله صوت ..

عذبني حيل نفسيا اذاني ، 

تالاااا …

سمعت صوت ماركس بجه ، ساعه ب١ باليل ، لبست روب و توجهت انزل ، انفتحت باب الحديقه ودخل دانيال يشحط برجله توجه لغرفه امه ..

وكف من شافني واكفه على درج اريد اروح عليه وجع مكلوب احمر وعيونه هم جن عبالك ديبجي ..

من يوم الي مات ستار و دانيال تغير للاسوء عصبي ميتحاجه وبعدي عنه زاد الموضوع سوء ..

همست ديبجي اروح اشوفه ..

هز راسه لاااا ابتعدي عنه خلي الطفل متعافي لا نمرضه هم مابيه حيل اني ..

دمعت اتوسل بي :- ابني هذا كلبي علي ..

دار وجه عليه ، من تشوفي نايم مستشفى ونركض بي بالاطباء بذاك الوكت راح تعضين اصابعج ندم ، شوفي من بعيد بس لاتلزمي ..

اني ام ..

ابتسم شوكت صرتي ام ولج انتي ولاده مثل نسوان ماولدتي ، هز ايده ودخل لغرفه امه .. ثواني وطفل سكت ..

كعدت على الدرج بجيت ، خليت وجهي بين اديه مقهوره حيل احس مالي لازمه بهل بيت ، لاطفل ولا رجال شنو موقعي وفايدتي اني وين الحياه الي ردتها وين الاهتمام وين البيت والاسره الي طمحت الها ..

طولت بكعدتي على امل يطلع شايله ويخلي بحظني ويستخطيني بس ماصار ..

طول ماطلع ، والطفل سكت تعبت وكمت رجعت لغرفتي خايبه ، فتره هم باعدي عني ، يمكن امومه ، يمكن حب تملك ، يمكن انانيه .

بس طفل ردته حيل اريده مالتي اني تعبت بي شنو يعني ياخذو مني للابد شنو اضل طول عمري اتحسر على خلفتي وابني ..

يعني وصل بيهم مواصيل اخت دانيال صغيره تشيله وتفتر بي وتسكته واني لااا ..

ضامي مني اذا عمتي طلعت للسوك ودانيال مموجود تجي اختها لو بنت اختها يمه بين ماترجع ..

بيوم مشت هي للسوك ودانيال بالحمام ، و بنت خالته لدانيال بالمطبخ استغليت محد موجود يمه توجهت لغرفه عمتي بس اشووفه ..

جنت مقرره مالزمه والله بس حبيت اشوف شكله عن قرب ..

اسمع صوته يناغي تفربت من سريره ، ابيض و بي تور ابيض ، تقربت عليه شفتت مدد على ظهره ورافع اديه فوك ..

يلعب ويناغي ، من مديت وجهي باتجاه وكف ثواني صفن عليه ..

بلعت ريك خفت لايصرخ خايف مني ، ابتسمت بخوف ..

تفاجأت من رجعلي الابتسامه ، ضحكت اني فرحانه .. رفع جفوف اديه باتجاهي لونهم وردي اصابعه ناعمه تلمع ..

بجيت مقهوره همست هلاوو اني ماما ترى ..

هو مستمر يضحك .. مديت ايده على وجهه يمااا كلبي يماا يروحي فدوه رحتك يمااا ..

حلوو حيل حلووو ، عبالك لعابه والله عيون خضر يجننون عين الله تحرسك يمااا دنجت اشمه اشبع ريتي من عطره ..

خليت راسي على صدره اشمه ، فدوه رحت الك من جدمك لراسك يابعد صحتي وعافيتي …

فزيت على صوت بنت خالته لدانيال شسوون هناا هااا ..

وخرت و رفعت راسي هااا ..

تقربت بسرعه عليه دفعتني ودنجت على الطفل تشوفه ، وكفت مستنكره دفعتها الي نترت بيها وخرري بس جيت اشوفه ..

رفعت راسها عليه تحجي خما لزمتي وانتي كلج مرض وخرري وخرري .. مدت ايدها تدفعني نكتت ايدها حيل عني ابني شنو تمنعيني عنه ..

صاحت بوجهي ووخري لج دانيااال وينك تعال وينك ابتغدت اني بسرعه خايفه ..

الطفل من صوتها بجه دنجت شالته تحجي شنو انتي بلا عقل مو كلولج لتتقربين عليه تريدين تمرضي للطفل ..

وجع شبيج هجتي شنو انتي قابل تحبي اكثر مني لو تخافين على ابني اكثر .. دخل دانيال بطرك شورك والمنشفه حجه شكوو شبيجن عيونه راحت لماركس ..

حاجته هي شفتها يمه مدنجه عليه مدري شسوتله حتى طفل صرخ مايرضه يسكت ..

تقرب عليه هو بسرعه باوعلي شسويتيله ..
همست بخوف والله بس شفته حتى مالزمته ..

نتر بيه حيل طفل مخترع شسويتيله ..

بجيت والله انا سويت له شي بس شفته صرخ هو خايف من صوتها .. ردت جذابه والله جانت مدنجه عليه حتى فزت من اني دخلت شوفه خاف خنكته اخذها هو يتفحصه وعاط بيه نعااال شويتيله ليش ديبجي هيج ..

بجيت حيل انعل ابوكم ابني هذااا شنو تحرموني مني لوتخافون عليه مني قابل اني غريبه تقربت داخذه منهم جيبووو ابني هذاا منو انتو تحرموني منه ..

تقربت اجره نطاني دفعه وكعني على ظهري رجعت كمت اخذه منه .. تقربت هي تدفعني عنه وتحجي مجنوونه والله خبله وخرري ام الامراض ..

نطيتها دفعه عني و لزمت دانيال داجر الطفل عطت بي ابنيييي بياا حق تحرموني منااا فوك ماخالي هنا نوب حتى شوف تمنعوني والقران مااقبل ولااسكت جيبووو انطونيااا ..

دفعني نطاها طفل وطفل يصرخ خبلنه مايسكت مخترع .. 

جرني يطلعني من الغرفه وهي اخذت الطفل حاظنته تكله مريضه هاي والله شلون متحملها .. دفعته عني اريد اخذه للجاهل طك من البجي عطت ولك بس اسكته حيمووت من البجي ..

عاط بيه :- ولج اطلعي برررره اطلعيييي شنو انتي حيوان ماتفتهمين ، تكامشت وياه ، ماقبلت اطلع ضربني على وجهي براشدي ..

اني هم من حلات روحي كامشته و ملخته من دون قصد ، لزم اديه لواها ليوره عطت حيل دنجت عضيت جف ايده ، نطاني دفعه قويه لدرجه وكعت بالارض وووين بعد متر .. 

 جلبت بعتبه الباب مارضه اطلع ابجي ..

عاط بيه حيل ، كلج مرض تتقربين عليه لييش جرني جلبت بالباب حيل هو يعت واني مجلبه اصيح عوووفني والله اخذه ماتحرموني منه اني تعبت بي  مو انتوو ..

جرني حيل وواني منا لازمه الباب فلتت ايدي وانقلع اظفري من الجذر عطت حيل متوجعه .

كعدت بالارض لازمه جف ايدي فلت دم اظفري خليت جف ايدي بحظتي متالمه ابجي ..

طفل يصرخ ، ام دانيال دخلت مخترغه حجت شبيكم ..

شافتني بالأرض اني ودمي شهكت عزااا شبيها شكوو ..

دخلت للغرفه ركض على صوت الطفل حجت شكوو شبيكم .. ردت بنت اختها لكيناها يمه فوك راسه لماركس والطفل يصرخ مدري شنو سوت اله ..

اخذته منها تسكته تفتر بي ..

دانيال واكف فوكي حجت ابتعدددي اطلعي منااا لاتخليني استخدم القوه وياج اكثر من هيج ..
 

كمت لحيلي ابجي منهار ، اباوع للطفل كلبي احترك متت قهر ، تقرب عليه مخصر حجه وخرري يله فوك اصعدي ..

هزيت راسي ابني ماعوفه والله وصلت بيكم حتى شوفته تمنعوني منها ..

همست برود فوووك يله ..

وكفت مارضه اصعد ..

دفعني من جتفي فووك تالا اسحلج والله فوك ..

تستكوي عليه دانيال مووو هاي تاليها تالي تضحيتي فوك مابعت الناس كلها لخاطرك ..

اصعدي ولا تكلبيها عليه ..

سد الباب بوجهي وخلوني بره وهم جوه بالغرفه يم الطفل ، وكفت محنيه الظهر ميته بجي ، لازمه ايدي تكت دم ، اجاني صوت لاتبجين يكبر وينطو الج ..

التفتت لان اخت دانيال صغيره ، عيونها حمر جانت تبجي ..

حجت لانج مريضه يخافون عليه لازعلين منهم ..

برطمت ابجي مهضومه ، مشيت للمغسله اغسل الدم ..

وكفت اغسل باديه اظفري مشلوع من جذر و الثاني مكسور ، واطراف اصابعي مشردحه ..

مدنجه اغسل بجف ايدي وابجي ، دم وغسلته ايدي واطيب …

بس جرح كلبي شيضمده ، وجع كلبي شيطيبه ، وين وديت تفسي اني هو هذا الزواج ..

وين عيشه الاميرات و حياه الحلوه ، وين عاىله دافيه الحنينه جنت اريدهاا ..

جن ضعت بمكان الغلط ، جنت تيهت درب الصح ..

رفعت راسي ابجي وجهي احمر اثر ضربته الي لو شعري المخربط ..

نكت اديه ومسحت شعري ارتبه ، صوت امه طالع تكله اخذه للطفل واروح يم خالتك بين مايجمد الطفل ..

هو يرد لااا ..

حجت بنت خالته هاي اضل يوميه تحوم عليه ترى اذا تمرض ابنك وين تنطي وجهك خلي يمنه بين مايكبر شوي .. امه ردت اي بين مايجمد شوي هم هي تنساه وتلتهي بغير شي اذا ضل كبال عيونها تضل تحوم عليه لان فد يوم احنه ماحاسين بيها وشايلته تفتر بي ..

اخذه اروح يم خالتك هم المشاكل تخف هناا وهم امن على الطفل ، شعدك العشره انته هو بس هالبزر تامن عليه ياايمه لايصير بي شي شكو عليها هي اكل ونوم بس هالمسكين شنو ذنبه اذا تمرض منها ..

سكت هو مايرد ..

اني توجهت للمكطبخه شهك كوه كاتمه دمعتي ماريد ادخل عليهم اعيط واصرخ والم الدنيا عليهم ..

اديه ترجف من الهبطه والشوطه منهم ، تكومو عليه كلهم ، استضعفوني حيل ، طلعت الادويه والضمادات وكفت اريد الف اصابعي ..

اديه ترجف مابيه الف لزكه لو اعقم اصابعي صحت اخت دانيال تساعدني ..

اجت ماكالت لااا وكفت تعقمهم الي واني الشهكه بصدري ..

حجت لمقهوره عليه .. لاازعلين حبابه ..

دنجت دموعي نزلت بهدوء ، حجت والله دانيال يحبج بس يخاف على ماركس ..

هزيت راسي اي ..

ردت ومووت ستار  قهره حيل اول مره اشوف دانيال هيج حتى الشرب تاركه صار فتره من قهره عليه ..

مارديت ..

حجت هاهيه لو بعد الفه اكثر ..

هزيت راسي لاا ، ابتعدت عنها و رحت كعدت مقابل الباب خفت لاصدك ياخذو و يرحون بعيد عني ..

انفتحت الباب طلع هو وجه مكلوب شافني كاعده باب الغرفه عيوني حمر باوعتله بعتب دار وجه عني ..

جر باكيت جكاير من الميز وتوجهه للحديقه .. طلع بره يدخل امه جوه دتحظر الجنطه هي وبنت اختها ..

كمت لحيلي بهدوء لحكته ، رجعت شعري وره اذني اضبط اعصابي ، عرفت تهجمي وعصبيتي مراح تجيب نتيجه وياه ..

مثل اليكول الكثره تغلب الشجاعه ، هم هم اكثر مني وهم اقوى اني شنو بيدي غير البجي وصوت العالي غير هالشي كلشي مابيدي ..

واكف هو منطيني ظهره ، ملابس حتى فالينه عاري طرك الشورت .. جريت نفس تقدمت عليه ، وكفت بصفه ..

همست لاتخليهم ياخذو دانيال ..

مارد عليه ضل يباوع ليكدام ..

فركت اديه متوتره همست مالي شغل بي بعد لاتحرمني حتى من صوته ..

مارد بس اندار عليه يدخن و ينفخ بالدخان ضايج .. باوعت اله مدمعه تعبانه دانيال اختي ماعرف شلونها شنو وضعها ومنا توه والده وصدري يوجعني هرموناتي متخربطه .. ونوب طفل بس اسمع صوته يبجي كلها ضدي ودنيا عاكسه عليه وصلت بيك انته الحاله حتى تمنعي من شوفته للطفل صعبه ترى ..

رفع اصابعه الي بينهم الجكاره واشر ، انتي مريضه مجااي تستوعبين مرضج بعد مرضج معدي بوسه بلمسه ينتقل اله وانتي تردي ليش مجاي تفهمين كم مره شرحت وفهمت وانتي ولا كانوو ، شسويلج بغد هااا حتى تفهمين ..

-نترت بي منين اجاااني موو منك منين ان.. قاطعني من خرب باهلج وباليوم شفتج بي ادري اني ابن كلب ونقلته الج بعد شسوووي هاااا صار وانقل شنسووي هسه لازم نعدي الكل موو ..

واضل اني هيج كانو بيه جررب مالزم احد ..

لحد ماطيبين ويتسيطر عليه اااي لحد ما يتوقف عندج فايروس ويله ، جايز من ابني اني ..

وانييي ؟؟!

ماعليج شي بس الزمي نفسج وكبري عقلج ..

تريد تحرمني من صوت ابني انته ..

وكف مخصر اندار عليه رفع اصابعي طفل تبتعدين عنه تالااا ابنج هذا مو احبه اني اكثر منج حق انتي تخافين عليه اكثر مني ، حق انتي اطالبني ابعده عنج مو تتقربين عليه وتلزمي ..

خلص بعد ماتقرب والله بس لاتاخذوو هلو هنا على الأقل اسمع صوته ..

سكت يباوع بوجهي ..

الله يخليك دانيال ، لاسوي هيج شلون انته تامن اصلا تخلي عد خالتك وبنتها مو هذا بيته امن اله هناا ..

سكت جر نفس ضايج ، امه طلعت هي وجنطه وبنت خالته شايله طفل .

عيوني مدمعه التفتت عليه اباوعله اتوسل ، غمض عيونه دنج حجه ردي يمااا ..

حجت امه شنوو .. 

رد ردوو لداخل يمه الطفل يبقى هناا ..

ردت بس يايمه ..

نتر ردييي يمعوووده وحدتجن يرادلها خلك هالكبررر ، الطفل يضل هنااا وانتي نفس ماتفقنه ممنوع توصلي تالاااا ممنوع اذا سمعت لو شفت غير هالحجي تعرفيني ورب اتصرف تصرف مايعجبج ..

ابتسمت اوك ماشي هاهيه ..

عفتهم وصعدت بسرعه ، عفتهم وراي يحجون امه عصبيه وتكله شتفقنه هااا فد يوم نغفل عنها ولان شايلته هو يرد مالكم شغل اتفقت وياها ..

صعدت وسديت الباب جريت نفس ولد الكلب يردون يحرموني من ابني مووو ، مو كافي تخليت عن كلشي لخاطرك هاي جزاتي يادانيال ..

دراستي .. اختي .. ديني .. اهلي .. ناس .. نانه .  ساري ..

كلشي تخليت عن كلشي في سبيل اعيش حياه زينه ..

وتالي الحياه وينها ..

هاي الحياه الي انوعدت بيها من طاح حظها اي والله من عيشه ، طفل واحد ما خلوني الزمه لو اشوفه زين بيد الغريبه واني امه ممنوع عليه وليش لان مريضه ..

فوك مامرضي اجه منه ليش لعد هو ميخاف عليه من نفسه هو مو هم حامل للفايروس لو هو ماكو الي يحاسبه بس اني حايط انصيص الهم ..

توجهت للكنتور فتحته طلعت جنطه صغيره شلت كم لبسه و اوراقي المهم طلعتهم خليتهم بيها ..

حظرت ملابس بسيطه و شلت الفلوس الجوه ايدي خليتهم بيها حظرتها وخليتها جوه ملابس البيت ودثرتها للجنطه زين ..

لو اني لو انتوو ، توجه لموبايلي ادك غلى ميرال ..

كالعاده ماترد لو اخر شي طلع مغلق ، ماعرف ليش هيج ..

اتوقع زوجها يلعب بجهاز بكيفه الحقير وحاظرني ، منطيها جهاز هيج لان مامن انو كلشي بيده ويعرف يحظر ويسوي على مزاجه هي الفطيره على نياتها  ..

ضليت بغرفتي ، باليل صعد هو للغرفه ، دك الباب مافتحتها ..

حجه كاعده تالااا ..

سكتت ..

مو ويااج …

كمت لحيلي افتح الباب .. فتحتها وكفت بوجه …
وجه اصفر باهت مو مثل عاده ابيض لو لون بشرته وردي ..

خله راسه على عتبه الباب تعبان ، مد ايده الي يتوسل بعيونه ..

لثواني لان كلبي عليه بهتت ملامحي ، مدبت ايدي جريته عليه ..

تقرب حظني حيل تعبان حيل ، همست شبيك ..

كلبي محترك تالا لازعلين مني شابع قهر ..

دخلته للغرفه ، لعدني حاظني ، رديت اذا على ستار كافي هاهيه انتهت ايامه بعد ..

رد لااا مو يومه .. ستار انكتل ، كتاله غدر جبناء ماجو وجه بوجه كتلو غدر استضعفوو ..

ابتعد عني وكعد على الجربايه محني ظهره ، ضليت واكفه اتفرج عليه متاثر حيل حتى لونه متغير بشرته باهته وشعره مخربط حتى جرته للكلمه تطلع بتعب ..

همست بشار  شلونه لعد .

رفع نظره عليه عيونه حمر رد بشار متخبل ، بشار ممصدك بعده دبفتر ميدري بروحه يكول داحس شي بيه ماات ، مو اني متغير شي بيه نقص ..

دمعت عيوني ، هو هذا دربكم دانيال ليش تنكرون شغلكم هذا تاليتها شلكم بيهج ….سكتني ورد الموت بكل مكان ..

لان رخينه شوي هاي جانت النتيجه ، رفع نظره عليه وتغيرت ملامحه من الهدوء والزعل للعصبيه والحقد .. بيبر رخه وصار متردظ من يوم تزوج اختج ..

اختج مو هينه اثرت عليه بشكل سيئ حجاها عواد ماصدكناه حجتها ام زياد وكالت هالعميه غيرته ، وكنالها لااا هاي مطفيه كلشي ماتفتهم ..

بس شفناها لبيبر شلون مايكسر كلمتها ولا ينطي بيها و عنده كلشي ولاخاطرها لحد مابلش يتهاون بالشغل ويتردد بكلشي ..

الى ان وصلت بي بيوم الهجوم حاير بيها وناسي ستار ، الا شلون كدرو عليهم وهو هم جان مسلح ، شلون اسلاحه بيده وستاار انكتل وياه بالسياره لعد هوو وين .

مرته طلعت من حادث مابيها شي و ستار زلمه طول بعرض انكتل شلوون هاااا وين بيبر عنه ، هز راسه اختج السبب تدرين لو لااا ..

اختج نهايتها ابشع من ستار وهسه اشوفين ..

دموعي نزلت بخووف ، همست يتيمه و ضريره خاف الله لا تظلم بختها ..

ابتسمت من بين حزنه ، اختج و بيبر نفس الصنف صدكي وجوهم بريئه بس داخلهم لااا عقلهم يخوف ، الناس حواليهم تخسر هم الوحيدين يطلعون منها ..

هزيت راسي اله لاااا ترى تضررت هواي هي والله بعدين هي ماتكدر لرجلها والله ، ماتكدر عليه شبيدها قابل ..

دنج راسه ساكت مبتسم مستهزء بيه وبكلامي ، ضل يمي بالغرفه ماطلع مشيت انام .. اجه نام بصفي هاي على المزاجيات تصير بكيفه ، خاصه اخر فتره واني هم بطلت اتمنع لان تعبت ..

لزم جف ايدي الي متعور واصابعي مشدوده.. باسها بهدوء همس اعتذر ،  رمشت بهدوء ممهتمه ..

باس اصبعي الاول والثاني ورد تالا حبيبج اسف ..

سكتت .. خليت راسي على صدره خانسه .. 

همس تذكرين اول بوسه بستها الج جانت بسياره بنص شارع ..

لاحت ذكره براسي ..

مد ايده على شعري تلمسه جنتي خايفه ومستحيه …

همست جنت بريئه وطفله ..

وهسه ؟؟!

بعدني الطفله بس البراءه ماعتقد ..

جر نفس احس اني ماحب البرائه ضحك بهدوء مارديت عليه اني بعد ..

ثاني يوم هو المغرب جر اسويج وطلع حجه مارجع اليوم ، جوز اتاخر كم يوم .. تسوك للبيت وحجه لامه ماكو داعي تطلعون من البيت اسوكت اني واي شي تردو دكو عليه ادزلكم احد يجيبه ..

طلع هو واني انتظرت شوكت تجيني الفرصه بس احسن من هالفرصه ماكو خاصه هو مموجود يعني طلعه اهون تصير عليه واسهل ..

ماجذب واكول ماخايفه لا والله ميته خووف ، مرعوبه بس لازم اطلع منا ماحب اضل تحت رحمه احد ، اني مو ميرال وانحبس والله لو يصف عشر زلم بره هم اطلع ..

لا هو ولاعشره مثله يلون ذراعي ، بس وين اولي وين اروح اني وياي طفل اذا بجه مايسكت بعد ويهرج الدنيا علينه بس ام دانيال تكدرله  .

يله ارض الله واسعه ، شنو الدنيا خلصت قابل …

محد بالبيت بس اني وام دانيال واخته صغيره ..

انتظرت ينامن ، ضليت بالصاله اكل كرزات واباوع للتفزيون بحجه ضايجه من الغرفه لل١١ وام دانيال كاعده مال الوجع بسبب ماركس كل شوي يتنعوص هو وهي تكعد عليه ابد نومها مو ثكيل ..

اني نعست وطفيت وهي لااا .  كمت لحيلي فتحت باب المطبخ اجر النفس اختنكت من الخوف ، كلبي يدك بسرعه ، حتى شعر راسي احسه يرجف وياي ..

لل١١ ونص باليل البيت هدء كلش ..

رجعت للغرفه اسمع ماكو صوت هدوء تااام .. صعدت لغرفتي نزلت غراضي و جنطه بيها غراض دانيال شغلات بسيطه ..و الصايه البسها فوك ملابسي ..

طلعت الغراض بصف باب البيت كلت مو مال بنص البيت واشيلهم يسون صوت ، رجعت للبيت على كيف ، مافكرت بشي غير بس اخذ ابني واطفر ابد مابالي وين اولي لو ويامن اروح بهل اليل ..

لل١٢ كلت خلص وكتها بعد مابيها مجال ، فتحت الباب عليهم بهدوء نايمات ومشتغل ضوه خفيف يم راس ماركس ..

لبست صايتي و توجهت عليه بهدوء اتلفت ابالع بريكي .. بيبته نايمه يمه ..

و اخت دانيال يم الحايط نايمه ..
مديت اديه بحذر عضيت على شفتي من الخوف مرعوبه خفت لايحس ويعيط ويكعدهم عليه ..

مديت جف ايدي جوها وشلته هو والمندر مالته بهدوء رفعته لصدري هو برطم ضايج غمضت عيوني ارجف لااا يربي لا يررربي ..

شلته وطلعت بهدوء ،  توه وصلت باب المطبخ و سمعت صوت اخت دانيال حجت شسوويت تالا ..

التفتت عليها وجهي اصفر بلعت ريك هاااا …

وين ماخذه ماركس ؟؟! نزلت نظرها و باوعت لملابسي …

#يتبع …

كثرولنه تصووويت ..وتفاعل حتى نبطل سالفه الاستراحه ..

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق