قاع الشياطين

البارت الخامس والخمسون

............☆البارت الخامس والخمسون ☆............

#قاع_الشياطين(البصر والبصيره)

#بقلم_أسماء_ديمير

يمااا لج ديماااا .. 

 دخلت ديما ثواني سكتت بعدها ، هم صرخت صرخه ، واجت تركض باتجاهي تعيط ايلاف لااا ايلاف لييش ياعيني للليش  .

صحت شكوو ولج شبيها ..

عاطت انتحرت انتحرررت .. لزمت رجليها ارجف بجيت ياا عزااا ولج ايلاف .. ايلاااف ..  ديما مستمره تعيط ..

صعدو على صوت العيااط دخلت غزل و صرخت عزااا العززاني  .. امها طلع صوتها تصرخ باسمها وتعيط ..

لزمت رجليها اهز بيها اكعدي اكعدددددي ايلاف .. حسيت شخص جرني من وره وحظني و يحجي اااش لا تخاافين لاتخاافين .. جسمي يرجف ضليت ابجي وامتمت ..

بيبر بيبر شش   شوو  شوووف شبيها ..

صاح طارق طارق نزل وياي .

وخر مني و امها تعيط هي و ديما مستمرات ..

خليت اديه على حلكي اكتم البجي ..

جرتني غزل من الحمام صار ضيك علينه .. صعد بيبر و طارق نزلوها منين مادري بس جانت معلكه ..

من خلوها بالارض زاد صراخهن .. حجه بيبر توفت  مابيها نبض .. حتى خشمها طاك دم …وكعت بالارض ابجي لااا لاااااااا شووفها ماصار نص ساعه من عفناها شوووفها ولكم شوفوها ..

شالها ابوها يبجي  يردد عاضه الساانها عاضه السانها ، ولج فردوس بنتنه راحت .. طارق رجلها يصح والله اهجم البيت عليكم ولد الكلببببب موتو مرررتي جانت يمي مابيها شييي ..

امها عاط و جلبت بي تضرب انته خليتها تصير مدمنه خليتها تدمن على مخدر* كرهتها بيك .

دفعها على رجلها وصاح ولكم انتو عايله نكسه عايله  شغلكم كله مخدر* مو زين رضيت اناسبكم وين بيكم زين انتو ياهو بيكم يشرررف و هسه ختمتوها كتلتوو ابني ..

رد بيبر اطلع بره لك ااطلع ، لا تبيع مثاليات علينه لك ، جره نوب تكامش هو وياه و تضاربو بنص الغرفه ..

ام ايلاف تعيط على بتها مفجوعه ..

و ديما نايمه على ايلاف تصرخ .. و بيبر و طارق تمالخو  بنص الغرفه دخل ابو زياد يفكهم ..

غزل تعيط الحكووو يمعودين الحكووونه ، ياابشار يبووووو ، صاح طارق بوجه  ااااه .. و صوت تكسير .. صميت اذاني وكعدت بزاويه الغرفه اعييط كااافي كااافي ..

كمت لحيلي مهزومه منهم ومن صوت اعيط كااافي كاافي ..

ركضت بالممر شارده ، انردمت بواحد وكعت ليوره حيل على ظهري صرخت بخوف ..

حجه صوت اني اني بشار شبيج شكووو

اشرت ايلاف ايلاف ماات بشار انتحرت ..

عافني وركض عليهم ، كمت بسرعه اركض واوكع من الرهبه ،  دخلت لغرفتي و سديت الباب ابجي خايفه ، كعدت وره الباب اعيط ماعرف شكو شنو صار وراي …

ختلت بغرفتي وتركت صراخهم و عياطهم وراي ..

صوت ام مفجوعه و تعيط يااايمه يااايلاف يااحبيبه ردي يماا ، و ديما الي تعيط بهستريا و خرطت كلشي و ضلت تعدد عليهم وتغلط انتو سببب انتو موتوهاا عساكم بمرض ماتشفون منه  .

خليتوها تدمن انتوو انتي ورجلهاا منين نزلت عليج الحنيه انتو ضيعوها دمرتوووها ..

امها ردت صوج فراات صووجك جبرتني ازوجهاااا انته ضغطت علينه ضيعت بنتي الله يضيع ياافرات .

هو يرد انجبي اسكتي لج اني شنوو جبرتج شووكت ماجبرت احد اني على شي انتو تاكلون من ماعوني و تذموني ، واحدكم ماله امان وغدارين مناافقين جان بيدج تعوفين البيت وتاخذين بنتج وتردين منين ماجبتكم بس عجبج الفلوس والرفاهيه والقصوور اذا خلص لكلشي ثمن دفعي ثمممن الي تاخذي وخلص ..

صميت اذني بجفوف اديه ودنجت راسي كااافي كااافي ولكم كاافي ..

شالوها و طلعو بيهاا بره وام زياد بعدها تصرخ مره ترد على طارق ومره على بيبر حملته مسؤليه مووتها ..

ولك ببيرررر اني لفيتك بيتي انته واخوووك من طلعتو من السجن لفيتكم من الشارع بيوم مالفتكم امكم ..

تزوجت وعافتكم بشوارع واني انقهرت و لميكم هااي جزززاتي خسرتني ولدي وواحد هج وسكن الاطراف بسببك وهاي بنتي خضسرتها لاابدد ..

مااسكت الك بيبر والله .. لادمركم مثل مادمرت جهاالي ..

ورجلها يجر بيها و يصيح كاافي ياامره لحكي بتج يمكن بيها نفس  ..

طلعو الكل وفرغ الطابق الثاني اسمع بس صوت شهكه .. كمت لحيلي مرعوبه حتى انحسرت اريد اروح للحمام ..

كمت دخلت للحمام بسرعه لازمه روحي ، غسلت وكمت طلعت ..

فتحت الباب ارجف واديه مثلجه من الخوف ، غمضت عيوني اسمع اصوات شنوو ..

اشوف غوواش غووواش قوي ، ضباب ، همست منوو هناا منوو ، صوت شهكه التفتت على مصدرها كانو شخص كاعد بالارض ..

همست منوو ..

ردت اني غزل .وبجت مقهوره ..

بجيت غزل شصار ؟؟!..

ضلت تبجي همست ، ماتت ايلاف ..

كعدت بالارض يمها حظنتها  ابجي ، ماماتت جوز بعدها عايشه موو شفتي وجها اكيد ماماتت بهل سهوله عفنها بس نص ساعه مو معقوله الموت سهل هيج .

-ماتت ميرال ماتت خشمها طاك دم معلكه نفسها بالحمام بجنكال ، خليت راسي على جتفها وبجيت كاافي اسكتي كاافي …

اغلبهم  راحو وياها ، ضليت بس اني وغزل و ابنها وامير شايلته وسن تسكت بي ..

مددت بالتخم بصاله اني ارجف ميته برد .. حسيت على غطاا ..  حجت غزل ضغطج نزل موو تغطي هاج .. اخذته منها وتشكرتها ..

كعدت بصفي ترضع ابنها و تمسح بخشمها ، شهكه بصدري ، همست الهاا غزل ..

هااا ..

-شلون شكلها جان ..

-منو ..

-ايلاف ..

-سكتت شوي  وحجت حلوه خطيه جانت حلوه بيضه .. وعيونها عسليات .. 

بلعت الغصه كوه همست :- وجها جان حلو اليوم لو كئيب ..

-لا خسرت جمالها من حبلت ، بياضها انكلب لصفار ، وعيونها غارن جوه بوجها من الضعف ..

-خليت اديه على حلكي ابجي ، :-جانت تكول كالت راح اكتل روحي اذا رجعوني اله محد صدكها بس سوتهاا سوتها صدك ..

-ماكو اسوء من ان تعيشين ويه رجال متحبي ميرال اسوء شي بالدنيا من تزوجين شخص متحبي فوكاها يهملج الموت اهون على العيشه وياه..

بجيت :- هي وكالت داموت على البطيئ ماحسينه بيها ..

-محد يحس بالظلم غير اهله ..

ضليت اسكت شوي وارجع ابجي لافه روحي بطانيه وارجف ..

البيت هوسه الحرس تتراكض وسن خايفه وابو جمد كل شوي يجي يسال هااا شكوو مادكوو ، وووين ويله رجعو ساعه ب١٢ باليل ..

ويه اخبار ماتسر العدو نفسه .. غادرت ايلاف بعمر ال٢٥ سنه و حامل الها ثمن اشهر ، وياها طفلها هم جان ولد واسم الله كان مريض بمرض خلقي اثر الممنوعات ..

طارق راسه انفتح وخيطو اله ست اخياطات ، هذا سمعته بعدها من بشار ، عواد و البقيه اخذو سلاحهم ولحكو لبيبر للمستشفى خافو لا يغدر بي طارق وابو بنص المستشفى هو لوحده ..

جابو تابوتها ثاني يوم ، يمكن من يموت شخص منستوعب بسرعه ، ناخذ وقت ،  بس موتت ايلاف استوعبتها اني ..

لان جانت عايشه وميته بنفس الوقت ، روحها ميته ومغادره جسمها من زمان ..

امها تصرخ بنص الحديقه مفجوعه لحد مابح صوتها ، ديما تعيط ونايمه على تابوتها متأثره حيل برحيلها ..

اني واكفه على صفحه ماكدر اتحرك من الخوف ..

تركتهم ودخلت للصاله مرعوبه من اصوات العياط ..

نوب بلش رمي ماتعرف الك لو عليك ..

ضليت كاعده بصاله بزاويه خاتله ، اتشاهد وابجي مخترعه تيهت حتى الدرج وين داروح لغرفتي ، هي روح وحده ششوف بعد اسوء من هيج .. 

صوت رمي عالي واصوات رجاليه قويه ، و نسوان تصيح ، حسيت على لزمه على جتفي عطت بخوف .. يماااا وخروو عني ..

اااش اااش هذا اني عدي اهدئي دفعته و طفرت من مكاني ابجي ووخر عني ..

-اهدائي ميرال اهدائي ، دنيا كلها تاذيج الا اني والله ..

خليت اديه على وجهي ابجي منهاره ، اهدائي كاافي روحي لخوالج ميرال لو لعمج ليش ضاله هناا ..

هزيت راسي :- بركت هناا بعد ماكدر اطلع ، 

-اختج طلعت روحها بزواجها من دانيال واني سعيت الها بهل زواج لان احسن الها من العيشه هنا ، بس انتي لازم تطلعين كاافي ماتسمعين كلامي خايف عليج ..

-مااثق بيك عدي مااثق بيك …

-لاتثقين بيه بس عندج ثقه بفرات موو ، تعرفي هو شنو ..

مد ايده لزمني دفعته جلب بيه حيل و حصرني بزاويه يهمس يم اذني ..

- ولج كتل عمه خلاص بس لان تزوج امه ..

-جذاااب عمه اعتده على اخته حوراء وكتله عوواد مو بيبر ..

-منو كلج ..

بجيت .. سكتت ثواني وحجيت اعررف اني هم اسمع وسمعت من ايلاف ايلاف ماجذب ..

-ايلاف سمعت القصه من امهاا ، اسالي ام زياد هسه عن ماضي فرات وشوفي عمره ٢٠ سنه وكتل ، وبعد ماطلع من سجن اشتغل بالتهريب و طرد امه بنص الشارع بس لان تزوجت واستقرت وخلفت ..

رجلج هو سبب بكلشي ، ضيع اغلب الي يمشون وياه ، رجلج هو مهندس لكلشي هو خطط لكلشي ، دشوفين شلون جاي يدمرون واحد واحد هو مابي شي ..

من زياد لاختج الي طفرت منا  ، لحركج انتي وكتل كادي ، ايلاف لعواد وجايج السره بعد ، 

-صديقك ليش ماشي وياه انته  .. دفعته عني اوخره ..

- هو صديقي بس لكيت الي صار اعز منه ميررال ، بيبر اذا يحبج يبعدج عنه … الحب مو الا نتقرب من الي نحبه ونعيش وياه تحت سقف واحد ونسمعه كلام حلو ونكضي وياه لحظات قصيره تسر الكلب ..

.. لااا الحب الحقيقي نبعد عن الي نحبه اذا شفنه قربنه اذيه وموت اله ..

الحب انو نبعد و نحافظ على الشخص الي نحبه خاصه اذا جنه عايشين بالجحيم ..

.حبه وين مو يعرف نفسه وعايلته شنوو وين حبه من خلاج تعيشين هيج حياه ..ابتعدي اني جاي اقدملج فرصه انو تبتعدين وترتاحين .  

ضليت ساكته هو لازم ايدي ضغط عليهاا انهززمي اذا سبااعيه انهزمي مادام اختج بعدها باربيل ، وجوزات بعدج مباشرتا ادزها الج وياها فلوس سمعتي ..

وخرت عنه .. 

ابتعدت مانطقت سطرني هو ..

دايخه وراسي يفر ، لزمت تخم اشهك مخنوكه ، حجه درجه بعد عن جهتج اليمنه متر ونص ، 

مشيت باتجاه الدرج لزمت المحجر الدنيا تفتر بيه ..

صعدت ميته جسمي تبند .. 

بس وصلت للغرفه عثرت .. كعدت بالارض على ركبي دايخه ، نوب محد اكو ، زحفت للفراش كوه اصوات بره عاليه و عياط ..

و صوت سيارات تشخط ، كل شوي كابه العيطه بين الزلم ، رفعت الفراش و سندت نفسي و تمددت غطيت حتى  راسي ..

وين الكاج هسه نانه لو تالا صفيت لوحدي نوب ، غمضت عيوني كوه اريد اهدي جسمي الي يرجف وراسي الي تبند عليه ماعرف ليش ، 

نمت بمكاني ماحسيت الا بعد فتره طويله كلش .. على لمستات على وجهي ..

عفست وجهي مضايقه ، صوت تالا ..

فتحت عيوني صوت تكرر و تالا حجت ميرال ؟؟!
رمشت بعيوني ، تالاا هاي انتي ..

اي اني يعيوني شبيج ..

كمت لحيلي بجيت تالاا ؟!  حظنتنتي كاافي لاسوين هيج وجهج مصخن شبيج ..

انتحرت ايلاف ماتت كتلت روحها ..

ادري يومها انتي مو تصلين وتصومين تؤمنين بالله هذا يومها الله يرحمها ..

خليت راسي بحظنها ابجي ، انتحرت الله يغفرالها كتلت نفسها وهذا حرام بس جبروها هم جبروها ..

لاتفكرين هواي عوفيها راحت يم الي خلقها حيري بنفسج ليش هيج مصخنه وجهج نار رجلج وين عنج العامله جابها وين ..

مادري لاساليني مادري .. تالا خلي نرجع لبيت اهلناا خلي نعوفهم ماريد اعيش هنا بعد ..

رجلج يقبل ..

حتى لو مايقبل طلعيني منا انتي اخذيني وياج الله يخليج ، احس نهايتي قربت الموت يفتر بهل بيت ..

ماراح يقبل ميرال تعرفي ، حتى لو اني حاولت دانيال يخاف من رجلج ماراح يجرء ، حاجي و كليله اروح ارتاح يم تالا ، ونروح نكعد بيت اهلي فد فتره نرتاح اني هم ارياح راحه نفسيتي تعبانه ..

دتعالجين موو ..

ماله علاج ميرال راجعت هواي ، بس داخذ علاج يوقف انتشاره و يحد منه بس ماله علاج دتالم حيل حكه و الم وحركه كلهم ..

سكتت كمت لحيلي الها ، رجلج عداج اعرف الله لايوفقهم كلكم نكسين ماحصلنه من هالبيت بس الاذيه ..

دانيال مدللني و يحبني ..

نقلج المرض بسبب علاقاتهم و نكاستهم كولي جذب ..

سكتت ماحجت ، همست الها جانت عندج علاقه بي اتصال جسدي موو ..

ماردت ..

جريت نفس امسح بدموعي هاي نتيجه الحرام تالا شفتي ، الله اليعلم كم شخص مريض بهل مرض ، ابتعدي عنه تالا لافد يوم ينقلج الايدز ..

اسم الله لاااا بطل والله هو من عرفني بعد ماعده اي علاقه هذا قبل ماضي منو ماعنده ماضي هسه هو تزوجني وخلص ، يحبني حيل والله حتى شغل بالبيت مايخليني اشتغل و حتى الاكل هو يسوي بيده الي ..

شعرفج شنو يخلي بالاكل جوز مخدرا* .

حجت ليش تحجين هيج ميرال شهل تفكير هو مو هيج ..

تقربت منها اهمس بخوف رجل ايلاف جان يخليها تبلع وهي مو دريانه ، والله اشك هم كتلوها ، ايلاف جوز ماماتت منتحره ماتت مقتوله ..

لزمت كصتي حجت السخونه خلتج تحجين كلام مامعقول ، لاتحجين هيج كبال رجلج لاتخسري هو هسه حالته مو تمام .. سمعت دانيال يكول طارق مفتوح راسه وابو متخبل من رجلج لان ضاربه نوب موتت ايلاف و ابنها خلتهم يزعلون حيل ..

دخلو لنص العزا ورمو على رجلج جانو ناوين يكتلو خلاص،  بس ماكدرو يحصلو الحمايه جانو موجودين ..

فكيت عيوني كمت لحيلي .. رموو عليه بيبر ليش شبي ..

مابي شي موجود ذاك ماعليه اي خدش ، جرتني كعدتني مره لخ ..

كملت كلامها .. وياه اخو والحمايه هم بس،سالفه كبرت وثارت بيها سلاح ورمي ، لا انته هم تجملين عليه الحمل واسكتي وهاي الاوهام بطليها ..

كعدت ضايجه عيوني تفتر حجت اني ساعه واروح رجلج دز عليه كال ميرال بالغرفه لوحدها شوفيها باعي اني لازم اروح هسه لان عنده دوه لازم اشربه ..

لاتخلي يتقرب منج تالالحد ماتلكين علاج لروحج ..

خيه انعديت وخلص ومنا وجاي استخدم عود حمايه لايضل بالج بس دانيال يريد طفل ودافكر .

غمضت بتعب طفليش تالا انتي حمل اطفال ولج ..

اصغر مني وديحبلن ضلت عليه ..

ليش هو انتي عاقده محكمه اعقدي ويله .. كلشي يصير ..

عود الله كريم باستني و طلعت ..

ضليت بالغرفه كل فتره الفاتحه ، بس اسمع صوت البجي جوه و بيبر مالفه بالغرفه لمده يومين كامله ..

صحت العامله طلع الي صايه سوده و شال حتى انزل اشوف ديما ، طلعت الي و نزلت بهدوء ، اديه ترجف بسبب قله الاكل ، صوت هوسه ناس جوه ..

صوت بجي امير ، صحت عامله حجيت ديما وين ..

بغرفتها ..

و ابنها ليش،يبجي ..

ست وسن حملاه على اديها ياهانم امو نايمه ..

مشيت لغرفتها دكيت الباب و فتحتها … دبما كاعده وينج ..

حجت هاا صوتها مطبك ..

ابنج يبجي ليش عايفته بيد وسن صوت بره مزعج ..

عساني بالموت اني وياه ان شاء.لله .. وكفت ساكته مدمعه عيوني ، هي صوت شهكتها طالعه ..

تقربت يمها حجيت ارتاحت جنه ناوين نساعدها بس ربج ساعدها وخلصها خلصت انتهت خبزتها وخلص عمرها ..

لااا لو ماتت موت الله اي بس هي ماتت مقتوله هم قتلونا ..

ديما احنه بنفسنه اكتشفنه انتحارها بعيونج شفتيها بالحمام .. بجت هي وعلت صوت بجيها ..

سكتت شوي وكملت لو هم كالو انتحرت بيها مجال انشك بس احنه اكتشفنه انتحارها بنفسنه وهم جانو بصاله محد صعد غيري وغيرج ، هي اختارت هذا الدرب الله يرحمها و يغفر الله ..

هم دفعوها حتى تنتحر لو ما الحبوب شربتها مستحيل تفكر جاي الدور عليه وعليج الله يعلم شنو يشربونه احنه هم .. اذا متت اني واله انتي ترى محد يسال علينه والله حتى ماتلكه الي يبجي علينه ..

هي اختارت الموت دتخلص و خلصت ابنها وياها ايلاف شجاعه مو مثلنه ميرال .. رغم شجاعتها اذوها وكدرو يكسروها ..

تقربت منها وحظنت ايدها ديما اني قررت اطلع منا تجين وياي ..

اديها تقلصت و حجت شلوون ..

كعدت يمها ارجف خايفه ، نطلع منا مانظل واذا جبرونه نشتكي عند شرطه المجتمعيه شكلتي ..

فززتني من ضحكت .. من كل عقلج هيج بهل سهوله شبيج ميرال ليش انتي متعرفيهم ماشايفتهم شيسون الي يلعب بذيله وراهم هاا …

ماضل هنا بعد ديما مستحيل خلص كاافي اذا يحبني بيبر يعوف كلشي ويجي وياي ..

فرضا كدرنه نطلع منا هاا وهاي من سابع المستحيلات وين نروح منو يحمينه ياهو اصلا مستعد يخاطر ويساعدنه  ..

احنه نساعد نفسنه احنه نخطط ونهززم بروحنه ..

وين نولي وياي طفل وانتي ماشوفين ..

بيت اهلي ..

بيت اهلج الي يندله بيبر موو الي كلهم يندلو و الي كلها تعرف اذا طلعتي منا تتوجهين لعند اثنين ياما بيت اهلج او ام ساري ، عبالج يعني عدهم مانع لو يخافون يتقربون علينه .. لا والله بعز النهار كبال الكل يسحلونه مثل الجلاب سحل للسيارات مايكلفون نفسهم يسكطونه بنص السياره ..

فكري عدل ميرال بس اني اعرف ليش مستهانه بيهم لان ماشيفه العين الحمره من رجلج تجفي شره ميرال شفتي حالي شفتي حال ايلاف لو لاا لاتلعبين بنار دانصحج اخذي بالنصيحه لا توكفين بوجه لرجلج والله يكرهج حياتج ..

شلون يعني انضل هيج مااضل اني والله ..

معناها حكمتي على نفسج خسرتي حمايه رجلج و ثقته والاهم حكمتي على نفسج بالموت .. 

سكتت ودرت وجهي ابالع بريكي ، حرت بين نارين ..

منا كلام ديما وبشار دوم ينصحوني انصاع واسكت وارضخ لبيبر واعيش مغلسه على كلشي .. وبين عدي وتحريضه الي ..

ماعندي اي استعداد اثق بعدي وبنفس الوقت اعرف نفسي مادبر طلعه منا لوحدي بدون مساعده ..

منو يخاطر ويساعدني اذا ديما نفسها تخاف مموافقه ..

اسمع صوت ام زياد تعيط مثل اليومين سبقت وتصرخ و تذب الوم بيبر ، و عواد يسكت بيها ..

عفت ديما وطلعت اشوف ، واكفه تبجي تكله صوج من اخووك ، صووج منه كلنه سلمنه ركبتنه بيده وهاي نهايتنه ماكو شي باسمنه كله باسمه وبيده خيرنه عمرنه وجهاله وماحصلنه شي .

اجاها صوت فززها همج الحصص ماهمج بنتج موو كتلج اني اعرفج .. جهالج كوم و الفلوس كوم ثاني ليش ضاله هناا مو ماعاجبج تصرفتتي ماراضيه عليه اطلعي ليش ضاله انتي ورجلج ..

-مااطلع منا اذا ماخسرك الي خسرته والله مااطلع منااا اني سويتك انته واخووك اني الي حويتكم .

-ماحويتينه بلاش،بيتج ، لميتينه لان جنه نصرف عليكم و نوكلكم ونشربكم بتعبنه وحتى من صار براسنه خير وعليناا جريناكم ويانه سد دينكم وهسه خلص اما اباقي جان برضاتكم ماجبرتكم اني عليه ..

وحتى انته  ياعواد حالكم من حالي حصتك بكد حصتي بس انته كضيتها تشمر بيهن بالملاهي وعلى غزل وامثالها وكعدت على الحديده عدا الشقه ماتملك شي انته ، ماخذت منكم اني انطيتكم ، حتى سياراتكم مالتي وباسمي وبتعبي هذا جزاتي خليت اديه بحلوكم باول نكسه كلكم حملتوني المسؤليه و كعدتو دورون مني ثارات ..

وين ثاراتكم من دخلت السجن ثلاث مرات وين ثاراتكم من وصلت للموت مرتين وين ثاراتكم من ابو ثروت وابو طارق من تحالو عليه هسه ، وبلشو يدزون ناس تحاول تكتلني ..

عبالكم اذا صار شي الي انتو تخلصون  ، مصيركم انتو والرماد نفس الشي .. ترجعون لبيوت الطين و حسره لكمه ، اذا انسجنت او انكتلت عبالكم انتو تطلعون منها ..

لا ياابه لااا اول ناس تضرر انتو ،. تصيرون جوه رجلين انا سويتكم واني داحميكم هسه ..

بتعبي وبعمري و بشغلي ، اني حاميكم لاتخلوني اغضب عليكم الا والله اشمركم بشارع وكلمن يحير بروحه دشوف شلون دبرون نفسكم بدوني وانتو مفلسين .

صاح عواد ليش مفلسين شغلنه وووين تعبنه هاي السنين وياك ووين ..

ضحك بيبر مستهزء اسال روحك حصتك كل مره انطيها الك وين توديها هاا ، اكو شي شاركتني بي انته لااا ، انطيك حصتك منا تصرفها مناا ، حصتي الي داشتغل بيها فلوسي هي راس مالي اما فلوسكم بجيوبكم ماماخذ منها شي  .

-صاحت بي ام زياد شقصدك قصدك المطاعم و الملاهي و شركه عقارات بس الك ..

-هاا ام زياااد هاااا خاله بيدي شي انتي واني نااسي ، اخر مره دفعت الج صار شهرين وينهن ، هااا ، اكبر دليل هذا حصصي جاي استثمرها اما انتو تستهلكوها اني شعلي .

-صحت بي ايااا الحقير ايااا نذل تخلينه نصرف فلوسنه وفلوسك اتضمهاا حتى نخسر كلشي وانته لااا عاطت تبجي وتعيط ..

-و صاح بيهم هذا الي عندي الي يضل هنا بحترامه خير على خير الي موعاجبه بيتج الي بالشعب ينتظرج .. مابعته خليته احتياط الج ..

عاط بي عواد ولبو زياد متخبلين …

عافهم و صعد للغرفه .. سندت نفسي اني على دكنه بصف غرفه ديما ..

فززني صوت .. حجت غزل شكد نكس رجلج وطماع .. 

انداريت على مصدر الصوت ، حجت سمعتي موو حتى اخوو باكه ولج ام زياد خسرت ولدها لخاطره وهاج شوفي،شسوه بيهم .. سواهم رماد وداس عليهم بالاخير ..

بلعت ريك اريد ابجي ..

حتى اخوو حاربه ، خلاه يفلس حتى يضلون بحاجته و جوه اديه ،يكفخ بيهم ..  وحتى انتي هيج فلوسج املاك اهلج كلها عنده تدرين لو لاا عواد كال ..

ديما قاطعتها وانتي ورجلج مو انظف منه كلكم هيج ، عواد رجع لهنا بس حتى ياخذ فلوس يرجع يسافر لبنان  .. لو انتي المزوجه عواد على فلوسه كلكم همكم الفلوس تحجون عن بيبر لا انتو احسن منه ولا انظف منه ..

الطيور على اشكالها تقع نفس الخيسه كلكم ..

جريت روحي وعفتهن مابيه احجي ، كلها تحجي عليه كلها تذمه بس محد بيهم يجرء يطلع من جوه ايده يعرفون نفسهم راح يصفون بشارع ؛ مايدبرون نفسه بدونه ..

جوز هو ذكي و خلاهم هيج محد يكدر يعيش بلاه ، ودوم محتاجين اله ماعرف هم طماعين شكد مايطيهم يردون بعد واديهم مو الهم ماعرفو يلمولهم بيت لو شقه يعيشون بيها بعيد عنه ..

لو شغل يكدرون يستندون عليه و مايحتاجوو، لو هو ذكي و فر الكل فرر لو هم اغبياء وناس جوعيه ولد فكر ماشافو وعلى تالي وكت شافو ..

بالاخر ترسخت بيه قناعه هذول البشر ماعندي ثقه بكد ذره ، كلامهم كله جذب ونفاق ، لذلك جنت ماخذ بحجيهم جنت اشوفهم شلون منافقين وهمهم مصلحتهم وبس ..

صعد للغرفه فتحتها هو ساكت بس صوت نفسه مسموع ..

جريت الشال بهدوء من راسي ، وذبيته على صفحه تعبانه ..

كعدت على الطبله قريب الكنتور ..

همست :- بيبر ؟؟!

نتر بيه :- مالي خلك لحرف واحد ، ابد ماعندي استعداد اسمع شي اريد هدوء ..

خليت اديه بحظني ، سكتت ثواني صار يومين ماسامعه صوتك ، من ردت احجي سكتتني ..

تعبان ..

اعرف اني اريد راحتك ..

كلامج راح يتعبني بالزايد ، اعرف ، راح تلوميني مو ، هم راح اذبين سبب مووت ايلاف بيه و كل الي ديصير عليه ..

سكتت  ..

كوليها حتى اعرفكم على حقيقتكم كلكم ..

ليش تنكر ذنبك بيبر الاعتراف بالذنب فضيله ..

سمعت صوت طكه جداحه  وجره نفسه للجكاير ، مايشرب جكاير بالغرفه هو ابد مستحيل ..

تنكر سبب موت ايلاف مخدرا* هاا سبب موتها كرها لطارق وفضلت موت على انو ترجعله ، منو زوجها مو انته منو جاي يدخل مخدرا** مو انته ..

ماجبرت احد هم اختارو ..

اني ماختاريت اريد اختار ..

سكت ماحجه ، سمعتني ؟؟! .. رد عليه اعرف الي دتفكرين بي ، بس طلعه منا ماالج ميرال راح اجبرج .. اي تعيشين وياي ، 

درت وجهي عنه مدمعه ..

لاتخليني اغضب حتى عليج ميرال ، خلي تمر هالازمه وبعدين نتفاهم ..

ماحجيت وياه مارديت عليه اعرف الكلام وياه مابي نتيجه وراح اخسر بالنقاش ، ماكدر اقنعه ..

تنجبت النقاش الحاد خفت من العواقب ، طلع وره ماسبح ماغير ملابسه ، فضت ايام الفاتحه وصفه البيت ، 

البيت انقسم بشكل علني ، ام زياد ورجلها وعواد وغزل ، وديما حبست نفسها بالغرفه هي وابنها وتردد كلمات ممفهومه .. ايامنه معدوده كلنه ..

و بيبر الي خله العامله تمشي وراي ماتفاركني ولا لحظه ، اوكف يم و سن توكف يمي بحجه خاف تحتاجين شي ..

كعدت بالمطبخ وكفت بصفي نترت بيها وهرري عني عااد خنكتيني ..

اسف ياهانم ..

لاتلحكيني كاافي طلعت بره بالحديقه ،  رفعت راسي للسما اختنكت خالص حموت والله ، سمعت صوت ابو حمد ..

التفتت باتجاه كبل ، عقدت حواجبي ابو حمد ليش مافكرت بابو حمد اني ..

وسن صاحت تردين شي اصبلج غده ميرال ..

درت وجهي عليها عاقده حواجبي افكر ، حجت بيج شي ست ..

وسن ..

هاا .

شلونه ابنج حمد ..

بخير وعافيه الحمدلله الفضل لله ثم الج ماعرف شلون اجازيج ..

حكيت كصتي بتوتر ، عندي طلب منج انتي وابو حمد وسن ..

كولي انطيج عيوني والله رد ذره من دينج وخيرج علينه ..

جريت نفس خايفه لا والله ميته خووف ورعب .. صاحت العامله فززتني التلفون ياهانم برن ..

انعل صفحتج خرعتيني .. حجيت منوو ..

رد سعاده البي …

مشيت ارد عليه اشوفه ..  حتى تحركاتي بالغرفه يعرفها كم اشك خال كامرات ..

حتى وقت ريوكي يعرفه ، شنو البس شنو اكل عيشني برعب ..

خله بشار و ستار بالبيت طول اليوم ، بعدها بفتره سمعت اكو ناس دتسعه للصلح بين طارق و بيبر ..

وهو ديجهز يروح .. تقرب مني يحجي ، راح اسافر يومين احاول اتفتهم ويه ابو طارق بالكت تفض سالفه على خير ..

لاتفكرين هواي ميرال اني بيبر تعرفي ..  مو فرات الي يعرفو هم ، اني الي تكونت بديج ، فرات هم سوو هي وهاي نتيجه افعالهم .. زرعو شي و حصدو ..

انتي زرعتي بيبر ودتحصدين خيره .. لاتصفين وياهم علي ..

ممسويه شي اني ..

همس ججج تقرب شفايفه من اذني باسها بهدوء اعرفج من تسكتين ، لاسكتين احجي شنو بكلبج ..

ماعندي شي بيبر روح الله وياك ..

العامله وصيتها متفاركج ..  وبشار و ستار بالبيت مايتركو لحد مارجع ..مراقب كلشي لاتخافين ..

ترجع بسلامه ..

باسني من خدي و طلع ، لزمت خدي الي تبز من لحيته العاليه ، غمضت عيوني سمعت صوت سيارات طلعت ، 

توجهت للكنتور كبل فتحته لميت الي كم غرض ، و حظرت صايتي على صفحه ..

نزلت كبل لوسن حجيت وياها اسالها .. كالت ساعه بال٤ الفجر تجهزي حتى نطلع  .. 

#يتبع ....

استراحتي بااااااجر 😁😁😁

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق