قاع الشياطين

البارت الثامن والاربعون

................☆البارت الثامن والاربعون ☆.............

#قاع_الشياطين(البصر والبصيره)

#بقلم_أسماء_ديمير

لزمت عصاتها جرت نفس اي بس عندي شرط بسيط ..

شنوو كولي انفذه .

لا مو منج منه هوو اذا صدك يحبج ينفذه …

رمشت بعيوني مو فاهمه شتريد بالضبط ، بس الي متاكده ميرال مطير طير بضباب كلشي عدها مدروس ..

خليت اديه بحظنه صافنه عليها ، ابتسمت بطمأنينه ، حجت اختي الصغيره و حبيبتي و نظر عيوني راح تتزوج زين مو من حقي اطمن عليها لو لاا …

ابتسمت ، شتردين ميرال كولي ..

ماريد بس سعادتج ، واذا سعادتج وياه اني موافقه واوكف وياج طول العمر بس اريد شي بسيط منه هو يثبتلي هو يحبج وخلص ..

شلون يعني ..

رفعت اديها رجعت شعرها الكصير وره اذنها ، حجت هو مو مسيحي ..

اي ..

حجت بساطه مستسهله السالفه :- اي خلي ينطق شهاده عند الشيخ متاخذ منه بس خمس دقايق وخلص ، قابل صعبه ؟؟؟

رفعت حواجبي قصدج يصير مسلم ويغير دينه ..

اذا انتي تحسبيها هيج اني ماحسبها غير مهرج ، انتي جوهره و مهرج لازم يكون شي غير شي خيالي ، وتستحقين انو يغير دينه لاجلج ..

وجهي خرط ماعرف شكول الها ..

تقربت عليه ، تالااا انتي جوهره وجوهره لازم يضحي شخص حتى يحصلها ، خلي نفسج غاليه حتى يعرف قيمتج ، لاتنسين احنه بلا ام واب ، بلا اخو شباب ، فوكاها ماجه وخطبج مني مثل العادات وتقاليد ولا احترم ، كل هذا كوم ، و ضربه للدين وشرع كوم ثاني ..

زين باجر عكبه شلون راح  يحترمج و يحترم رأيج اذا هو داخل نفسه مقتنع انتي ماعندج اهل ولا عندج قرار و لاتفكرين ، لاا اثبتي اله انتي واعيه و غاليه ولازم يضحي حتى يحصلج و انو عندج اهل وراج يجهزوج مثل اي عروس و تطلعين مناا على اتم وجهه …

فكري زين ياهو افضل زواج تلطش واختج مو راضيه انتي رايحه لشخص تجهلي هو واهله ماتعرفيهم شنوو ..

او تزوجين زواج يرفع راس و ينكال هاي الي خلت رجلها يغير دينه بس حتى يحصلهاا ،  ياهو احسن وتفتخرين بي باجر ..

جريت نفس طوويل كل كلامها صح بس ماعرف اذا هو يقبل ..

همست جوز يرفض ..

معناها ماعنده استعداد يضحي لاجلج وهو رجال بس كلامه مابي فعل ..

-صعب الي تطلبي ميرال هسه يكلي ليش ماانتي تغيرين دينج ..

-هو طلبج للزواج مو انتي الرجال لازم يدفع المهر مو المره فكري تالا لاتخضعين اله ..

سكتت دنجت افكر حايره كلامها صح ، لازم يدفع شي او يقدملي شي غير الحب ، مو هذا رجل ميرال نطها شقه باسمها  من عدا الهدايه ذهب وسوالها عرس شكبره كبال الكل و جاب خوالي من شمال لخاطرها ..

رفعت راسي تمام ، اكوله ..

ماكو شي اسمه اكوله ، اشرطي عليه وخلص اذا موافق معناها اغسلي ايدج منه مراح يضحى بشي لاجلج لبقيه حياتج ..

هزيت راسي اشوف ميخالف .. ابتسامتها زادت ، حجت مثل ماكلتج حتى لو وافق اجلي الزواج اريد اجهزج زين ..

تلمست راسي بحنيه وطلعت مبتسمه ..

مجردما سدت الباب ميرال غمضت عيونها باريحيه ، خلت اديها على كلبها رحمتك ياارب ، لزمت الحايط وتوجهت تنزل و تردد جمله فكري ميرال فكري ، اذا فكرتي محد يكدرلج غير الي خلقج ..

فكري بس انتي تحصلين التردي ، و صلت للمطبخ و حاجيت وسن ..

ردت عليه هاا عيوني ..

- بشار وين ..

-ديغسل بالسياره بره تردي اصيحه ..

-لا اني اروحله بس بالكراج هو لو بره ..

لا بالكراج  ..

زين ، طلعت اله امشي مشت وراها العامله اساعدج ياهانم .

لا ارجعي التفتت عليها امشي اروح لوحدي ما ريد ..

لا توأعي في الارض بسبب المايه  ياست هانم ..

لااا روحي كلت جاهل اني قابل  .

طيب ..

كملت مشي واذني يمها خاف لحكتني ، عيون بيبر هاي بهل بيت اعرفها ، حشريه ، 

اجه بالي دانيال ، و الله لادفع ثمن غالي ، تحرض اختي عليه لو حاسه عليك من زمان جان طيحت حظك بس ربي اله حكمه من عمه بصيرتي عنك ..

بس وداعت اهلي مااخليت تستفردبيها ، بس صبرك عليه ، سمعت صوت الفاره مال ماي ، و جلف ..

صحت بشار ..

ماسمعني ، تقربت بهدوء خايفه لا اطمس بالماي واوكع ، مشيت بشااار تسمعني وينك ..

طمست رجلي بالماي عفست وجهي خرب ، 

بشااار وينك رفع صونده مال فاره و يرشكني بالماي .. 

عطت يمااا اااشه الماي بارد ،، صاح منوو ، 

هاي اني تعال نكعتني يمعود ..

ها هااا شو هنا ..

وكفت اسال عنك ، بللتني  ..

 تسال عنج العافيه شخبارج  يله ماي خير خير ..  ضحك ..

جتفت اديه لصدري زينه وانته ..

الحمدلله ، 

ابتسمت ، ساكته ..

حجه كولي ميرال .

مرتك شلونها ..

يوم ويص ويوم عيص ..

هههه حملها شلونه ..

يعني ، الحمدلله ..

ماعزلت ، 

لا وين يرادلي اثاث بعد كم شهر ان شاءلله وتنحل ..

اثاثك عليه  ، حركت العصا استكشف ..اريد شي اكعد عليه ..

حجه كرسي تردين  .. حجيت اي اي شي اكعد عليه ..

تعاي دخلي السياره ماكو كرسي والكاع مبلله ..

لزم ايدي فتح الباب و صعدني بكشن السايق ..

حجيت سمعت اثاثك عليه حظر مرتك ونفسك تنقلون للشقه ، حتى ترتاحون شوي ..

همس ليش ميرال ..

اعتبرني اختك ..

ونعم منج اعرفج طيبه و صاحبه كلب بس اني ماخذ من بيبر احب اشتغل بتعبي ..

ابتسمت بستهزاء ، بس لا تستحرم ولك ..

سكت ثواني ، نطق بتوتر شلون يعني ..

درت وجهي ترى اعرف شغلكم ممنوعات ، تعرف الله ماراح يباركلكم ابد تالي فلوس الحرام تروح للحرام تعرف ..

شتردين ميرال ..

اريد اساعدك ..

ساعدي نفسج  .

مساعدتي الك هيه هم مساعده لنفسي ..

ميرال بطلي هالاسلوب مجاي افهم عليج اثاري حقه بيبر من يكول عليج داهيه كولي تردي لا تلوفين عليه دوختيني .

ههههه .. مو كتلك اريد راحتك وراحه مرتك ، 

والمقابل ..

اريدك اخ بس شتكول ..

فلوس بيبر هذول يعرف راح تنطيني هالكد .

شكد يكلف اثاث شقتك ياول مو تأثث لعشيرتك براسي هيه شقه وخلص ..

تكلف اقل شي٤ الاف دولار ..

سكتت شوي  افكرو حجيت تستاهل انته ، حشتري خوتك بعد ، اريدك اخ .. والفلوس اعتبرهم يمك .. 

حاولت انزل من كرسي وساعدني انزل همس بيبر يدري ..

رديت فلوسي هذول ماامد ايدي على فلوس بيبر اني ،

ماعرف شاكلج بس الله يشهد من يوم شفتج شفت بيج قطعه بيضه و ملاك بهل بيت ..

مارديت بس طبطبت على صدره  .. اشكرك ..عفته و مشيت مجرد مانطيته ظهري ابتسمت ، كلبي احسه طار ، و هاي تالا و بشار كدرنه عليهم ..

سهل الجاي يارب مثل هالشغلتين ، بعدها بكم يوم اجت ايلاف لعدنا بعد زواج دام اكثر من ثمن اشهر ..

قبل بيها مجال هسه نهائي عبالك عدها انهيار عصبي ، كل صيحه تصيح بوسن لو عامله تخرسهن خطيه ..

جابها رجلها طارق بنفسه ، وحجه خلوها يمكم لان خلص راح اجنني احسها فقدت عقلها لا تاخذ العلاج مال الحمل ولا تهتم بنفسها و كانو ماكو روح بطنها تتعمد تريد تسقطه هو عمره باست اشهر ..

خلها وراح اجت ام زياد تشوفها بس رفضت تشوف امها ، بس كاضيتها بغرفتها لو يم ديما ..

ما اندكيت بيها ، السانها سليط مثل امها مسمومات تركتهن ، 

وسن حجت عيوني ست بس انودي حمد للمستشفى ونرجع و هاي غدير تسد عني ..

هزيت راسي روحي ..

كعدت بصاله و اجت غدير ، هيه وكفت تنظف بالمطبخ و عامله تجهز الغده ..

و تجيني صيحه فززتنه ثلاثتنه وووووووسن وووجع وينج ..

لزمت كلبي هبطتني ينعل يومج ..

صاحت مره ثانيه وسن نعااال مو وياج ..

غدير ترجف تحجي ست شكوللها هاا صيح لامي ..

كمت وكفت لحيلي طلعت بره المطبخ همست وسن طلعت للمستشفى شتردين ..

منو ويااج انتي صيحيلي خرررر*

كتلج مو هنا اني نطيتها اذن تروح شتردين ..

هم خوووش تتصرفين بكيفج طفشتي امي منااا وعواد ماكفاج نوب اديرين بيت على مزاجج ياعميه ..

لاصيحين مو زين على الي بطنج تردي كولي اخلي العامله تسوي الج ..

لااا فوكاها حظرتج ام الفضل عليه ليش تنطين اجازات بكيفج .

جرتها ديما تحجي لاصيحين بطنج يمعوده شبيح وسن ودت ابنها للمستشفى تغسل كليته من زمان ينطوها اجازه كم ساعه حتى من امج هناا .

اريد وووسن هسه تخلقوولي وووسن من الكاع ..

همست جنيتي انتي رسمي ..

عاطت حيل ، كلي خرررررر* بربوو* بس بقت عليج انتي 

فكيت عيوني ، حسيتها مو طبيعيه كلش والله تجيب وتصيح بلا مبرر ..

تقدمت عليه من صوتها زاد عرفتها تقربت عليه خفت لا تضرب رجعت ليوره باتجاه المطبخ ، عاطت انتي منوو لازمج البيت رجلج مووو رجلج الي كله سم ، الي طشرنه كلنه بسببج ..

ديما ، همست كاافي شعليها هيه خلي عقلك براسج ايلاف كافي  ..

نكتت حيل و صاحت تلهث شخلي عقلي براسي ليش هو اني عندي عقل ضل عقل بسببهم ، كعدت تبجي وتحجي مهضومه:- باعوني ولج باعوني ..

ياريت بسعر يسوى ، باعوني لعايله نكسه ورجال حقير ممهتم بيه شايفني مفرخه بس ، كلشي عنده مو مهم بس كون بطني بخير حتى اكل يبجبروني عليه لخاطر الطفل مو لخاطر صحتي ..

ضلت تشهك وتبجي ؛ بسبب منوو مو بسبب بيبرس النذل ..

كاعد مرتاح و طشرنه كلنه ، ولج هذا شيطان والله اخو ابليس ، طلع عواد منا هو ومرته و خلاهم حتى مايضلون بالعراق ..

نوب اجه سره امي وابوياا و هم طلعم مناا ، صفه الشغل بس بيده اله وحده هو الامر ناهي ومحد يكله وين الارباح وين تعبنه ..

سووانه حطب لناره و كعد هو تدفه علينه و شفط كلشي ، احنع ضحينه ، هو ماضحه بشي ..  مع هذا هو الرابح الوحيد بينه ..

حظنتتها ديما تكللها خلص اهدئي تعبانه انتي حتى وجهج صار اصفر ، 

وكفت اني مدمعه عليها لزمتني تالا من جتفي حجت وخري عنها كانو فقدت عقلها هاي ، لا تاذيج من حقدها ..

رفعت راسها ايلاف وجها كله دموع ، حجت تتوسل بميرال ، 

انتي عندج خاطر يم رجلج خلي يطلكني من طارق بس اجيب حلفتج باعز ماعندج خلص تعبت ماتحمل بعد ..

دنجت ميرال راسها مقهوره ، 

همست حتى طفل انطي الهم ماريده بس خلصووووني مااريدهم بعد عذبوني نفسيا ، خلوني ارجع يم اخوويه زياد ..

سكتت ميرال اديها رجفت ، همست ميرال وردت كلنه مثلج ايلاف ، كلنه محكمومين و قراراتنه مو بيدنااا ،

تقربت عليه ترجف ، همست هالمكاان للعنه موو ملعووون اي ملعووون لان بي شيااااطين مابي اي رحمه من الله..

لزمتني من جتفي فزيت رجعت ليوره ، حجت بحه تخوف ، كلنه ملعوونين ، كلنه تحت رحمته الي يرعب هو ماعنده رحمه اهم شي مصلحته ..

رفعت اديها ميرال لزمت ايد ايلاف ، اديها ثلج باردات حيل ..

ردت عليها اهدأي ايلاف نامي ارتاحي شوي ، التفكير وعدم النوم يمرضج الج ، فكري بنفسج ..

ردت مجاهله كلامي :- شلون تنامين بصفه وانتي مرتاحه ، شلون تامنين بي ، هو كان مسؤل عن موت عمه ..

سكتت وجهي بهت ..

ديما حجت تعااي وياي ايلاف كاافي تعب اثر عليج كلش ..

لزمتها بسرعه عمه منوو تعااي عمه منوو ..

ابتعدت ايلاف ومشت ويه ديماا تهذرري ، احنه ملعونين اصلا ..

صحت بيها :- ايلاف عمه منوو بيبر عايلته اغلبهم ميتين بس امه عايشه ..

التفتت ايلاف ، ماسالتي نفسج امه وين وليش يرغب لامي الي هيه خالته و مايرغب لامه الي خلفته ..

همست ليش ..

اسالي الشيطان المزوجته هو يكلج ليش ..

بلعت ريك لزمتني تالا حجت هاي مريضه ترى اغلب حجيها خريط ..

رفعت اديه امسح بكصتي توترت ، حجت شبيج شي ..

دخت حيل ..

اني من يمي هبطت الله يساعدج انتي مجنونه هاي وجها صاير يخوف كانو تتعاطه مخد*** وجها جلد وعظم ..

غمضت بعتب مقهوره حيل ، 

فعلا جانت حاله ايلاف تخوف ، تهذري لو تصيح ملعوونين احنه مدامنه بهل بيت ، لو تصيح على العاملات لو تبجي ، لو تسب امها وبيبرس ..

صار عدها نزف باليل ، و كعدت تعيط ، طلعت من الغرفه اني لفيت روب عليه مفزوعه عبالي تالا..

ركضت لغرفه تالا دافتحها و انردمت بتالا عطنه اثنينه مخترعات ..

حجت شبيج شكووو شهل صوت ..

رديت خايفه شمدريني عبالي انتي ..

لا صوت جاي من غرفه ايلاف ، صعدت ديما تركض وراها العامله ..

دخلو عليها اني و تالا وكفنه على صفحه هابطات ..

حجت ديماا مفزوعه :- دتنزف ياللله دتنزززف لحكوو بسرعه للمستشفى عفيه بس لا سقطت ..

نزلت العامله تصيح واحد من الحرس ، المشكله البيت مابي زلم كلهم سافرو ضلو بس الحرس و ستار ..

صعد ستار شالها وهيه مستمره تعيط من الالم مدري جنت من صدك ..

ماقبلو تروح ديما وياها بس وسن راحت ، ضلينه كاعدات بصاله ، ننتظرها ، ديما تبجي عليها ، تكول دمروها كله بسببهم وصلت لهل حاله الله لايوفقهم ..

جرتني تالا للغرفه تكلي شعلينه احنه طبهم مرض ماعرف شوكت اطلع من هل بيت واخلص مابي غير بس مخابيل و المشاكل ..

لزمت راسي ارجف ، حجت تنامين ..

همست لااا ..

نامي يمعوده كلشي ماعليها صحتها احسن منج .

ماحجيت ضليت ارجف عافتني وطلعت تحجي موعاجبها ، رفعت راسي قلقه شبيها هاي جانت مثل الورد ، صح ماعرفها وعلاقتي بيها مو هالكد بس خطيه ، شهل وضع الي وصلت اله ..

كمت لحيلي ورجعت طلعت من غرفتي اسمع صوت بجي ديما بغرفتها ..

توجهت لغرفه ايلاف وكفت خايفه ادخل همست ديما شكوو شبيها ايلاف ..

ردت بحه مال بجي اذا ماتت خطيتها بركبه رجلج تدرين ، كل الي ديصير هو سببه ، والله احقر بشر ممكن تشوفي او تتخيلي هو ورجلج ، دمر الكل و كعد على الحطام مرتاح ..

اخته لو امه لو اخوو لو عمه لو خالته الي ربته هي ورجلها الكل ، جازاهم باذيه ودور عليج ماعرف ليش تاخر دورج بس خلي بالج جايج دور ماطولين .

نزلت دموعي مجفوله  وخايفه ، وكفت لزمت الباب جسمي ثلج ، همست شكوو ديما احجي اني ممرتاحه ..

ردت بحقد ، كلنه ممرتاحين ، راحتنه من نخلص من رجلج ، نخلص بس اذا يجي الاقوى منه ان شاءلله تاليته جثه بوحده من المزابل مامعروف هويتها شنوو ..

دنجت ابجي خايفه ، ليش تفكرون هيج ، ليش تفكيرهم حقد وانتقام ، 

خطواتها تقربت عليه بهدوء ، رجعت ليوره خايفه حتى منها ، لميت اديه لصدري احظن نفسي ..

تقربت هي تحجي ، زوجها لواحد اكبر منها و حتى شكله مقرف ، ماكتفه بهيج بس جبرها تعيش وياه ماتجي حتى خطار هنا ، 

-همست جان تكدر تحاجي ابوها او امها ويدخلون ، هو صح فرضه عليها بس جان رايد مصلحتها ، خلت جف ايدها على ايدي غمضت ابجي بهدوء، 

-حتى لو ماوافقو عبالج راح ياخذ بكلامهم ، هو الي زوج عواد غصب عنه و جبر اهلي ينطوني لعواد هذا تصعب عليه ايلاف مثلا…

-هو مو هيج انتو فاهمينه غلط ، مازوجج غصب ابوج هو الي طلب ..

-نترت بيه جذاااااب ولج جذاااب هذا كلشي عنده بحساااب ، حتى زواجه منج  احسااب بنت غنيه ويتيمه و على كد الايد منو وراج انتي ولج حتى هو الي طلب تبعد عنج حليمه هي ولدهاا حتى مايضل الج احد تسندين عليه لوو اختج عبالج علاقه اختج بدانيال  هيج ..

مايدري عنه ، لو ماعنده علم لااا يعرف كلشي عده عيون بكل مكان ، من تجين تسالي يطلع هو البريئ الوحيد ، 

رجلج حافظ الدور زين مثل علينه كلنه هو الزين ، ملاحظه لوو لاا ملاحظه كلنه دنخسر هو الرابح الوحيد ليييش ..

ماسالتي نفسج رجلج ليش ماعليه شوائب ولا حتى مواقف ضده ، 

ابتعدت عنها ، اجيت اطمن عليج اني ، ليش تحجين هيج وياي توجعين كلبي اني كوه متحمله كوه دانام اليل ، داسكت الاصوات الي براسي بالتواسيل و الادويه  .

-حجت لعد اني شكووو هااا اني الي حرموني حتى من الشخص الي احبها والله يعلم جوز مات واندفن همه وره السالفه ، اني شكول وعندي طفل معاق وابو ممعترف بي .. 

اني شكول واني هنا سجينه بهل فله مامسموح اطلع حتى للدكتور ..

درت وجهي ابجي حظنتنتي هي هم تبجي منهاره ، حجت ااسفه اسسسسفه تعبانه اني ميرال تعباانه دافكر انتحر بس خايفه على ابني خاف يشمرو بشارع لو بدار للايتام …

حظنتها حيل خايفه ، ماعرف الصادق من الكذاب ، ماعرف امن بمنو لو اثق بمنو بيهم ، 

ابتعدت عنها ارجع لغرفتي ، حجت ديربالج دم جواج لا دوسين عليه ، جرتني و خرت رجعت اتلمس الحايط جسمي مهدود مابيه اكمل دربي نحلت حيل احس ضغطي هبط ..

كعدت بالارض و سندت جتفي على حايط شوي ، منو انته ؟؟!

ليش هيج يحجون عنك ؟!

لزمت صدري من جهه كلبي انته ليش مااتنطي بي ؟؟؟ 

ضربت صدري حيل ابجي لييش مصدكه و مكذبهم ليش بعدك ادك دكات زياده من تسمع صوته ؟؟ هذا مو كاافي مو كاافي الي يسوي هو من بشاعه ، ليش بعدك تحبه ؟؟

انطي مبررات ، اغمض على اخطاءه ، شنو الي بيك و هيج دهلت كلبي و استقريت بي مانحزت عنه …

اجاني صوت من وراي ، حجت ديما .. ميرال بيج شي ..

مارديت عليها كمت لحيلي كوه تعبانه سندت نفسي على الحايط مشيت لغرفتي ، دخلت توجهت للفراش مددت و لميت رجليه لصدري ، 

هي الدنيا وصخه لو احنه الي وصخنها ..

معقوله احنه البشر بهل تلوث و الحقاره ، وين الغلط بيه لو بيهم ، 

مديت ايدي على مخدته تلمستها ، جريتها ليمي ، مديت اصابعي عليها ، راسك الي تخلي هنا معقوله بس بس شرر مابي اي طيبه ورحمه ..

الله سبحانه وتعالى مايخلق الانسان هيج بهل شكل و بهل تفكير ، 

كلنه نفس الخلق و نفس التفكير ، بس بيئتنه الي عشنه بيها خلقت هيج كائنات ، المجتمع الي تدخل بافكارنه و مبادئنه اله ايد بمساؤنه ..

المواقف و الحوادث الي صابتنه تخلي الانسان يتحول ، 

جريت نفس ياااا ياميرال دبررين اله موو ، ماعندج استعداد تحجين عليه ولا اذمي ..

مو غلط تحبي بس الغلط انو دنطي اعذار ، لا البيئه ولا المجتمع اله دخل ولا حتى التربيه ، الي بي بذره شر ماينتظر الوكت يروي بالماي حتى يكبر و ينضج ..

بذره الشر تخلق و تكبر لو بين الصخور ، صراع مابين عقلي وكلبي ..

كلبي الي ينطي اعذار و كفت بعينه مواقف الحلوه ورعايته الي ، والعشره الزينه ..

و عقلي الي مو راضي بهل شي لان ينافي الحق و ينافي رضاه الله سبحانه وتعالى …

رجعو ايلاف ثاني يوم ماخلوها حتى اتضل بالمستشفى كم يوم .

رجعت ورجعت وياها ام زياد وابو زياد للبيت ، صياحها يوصل ليمي بالغرفه ..

احسها جنت او فقدت عقلها بس تصرخ ، حتى باليل ماعرفت شبيهاا جنت اضن من الالم ..

مشيت لديما اسالها ، حجت اسالي رجلج وسدت الباب بوجهي ..

قسم بالله ردت اساعد باي شي ردت اقدم المساعده بس مشكله كلها تنفر مني خايفين مدري كارهيني والعامله مصريه وراي وراي ..

اجه بيبير وطبكت سيارته بره اني كاعده و ايلاف تعيط ، جسمي قشعر ، دخل حجه السلام عليكم .

ماحجيت ..

تقرب عليه بصوت حذائه الي يطب بالارض من قسوته ، لزم شعري الطالع من شال ..

سلمت ماسمعتيني حبيبي ..

وين السلام بيبير دشوفه انته ؟؟!

سكت ثواني حجه شكو شصاير ..

عيونك الي بكل مكان ما وصلت الك شصاير مثلا ، شوكت تبطل ادمر حياه الناس هااا دفعت ايده عن راسي و كمت لحيلي نافره منه نترت ماكااافي ، دتسمع صوتها لوو لااا ..

صوتها يدك ابكلبي ، دمعت عيوني اريد ابجي ، شلون تسمع عياطها ماتتالم شنو من كلب شايل انته ، شلون عايش مرتاح عادي ، 

قاطعني برود قاتل ، تغديتي لو بعد ؟؟

رفعت حواجبي مصدومه ، ايلاف قبل فتره نزفت باليل وصلت للموت ، الطفل الي بطنها مهدد بالاجهاض ، 

تتغدين بره لو اخلي وسن تصعده النه …

ليش اسوي هيج فركت اصابعي خايب ضني بي ، حجيت بخيبه ليش ؟؟! اني هم اسوي بيه هيج و تاذيني و هم ماتهتم ، 

تقرب علي رفعت اديه حجيت وخرر عني ، 

لزم جف ايدي ونزله تقرب ، كلامه هادئ حتى مو عصبي ، بيبر من نوع مايعصب وحتى لو عصب يصير كتله من البرود ،، هدوءه يخوف .. مد اصابعه على اذني يتلمسها ، شبيج زعلانه ..

برطمت ابجي ، ليش تاذيهم مو اهلك هذول ، 

اذيتج شي اني ..

اذيت الكل ..

همست برود .. منو كال .. 

 هم تسمع انته لو تغلس ، دتشووف لو لااا  ..

ليش ضالين هنا يمي اذا اني مو خوش ادمي ، ليش بعدهم عايشين بخيري و بيتي و يشتغلون وياي ..

انته جابرهم ..

ضحك بهدوء ، وداعتج اليوم اجمعهم الي يريد يتوكل وداعتج وداعت اختي الله ومحمد وعلي وياه مااجبره بحياتي ماجبرت احد هم دخلو نفسهم بحياتي واني جنت طيب الكلب سمحت الهم يعيشون وياي و ياكلون من ماعوني …

سكتت ثواني ..

تعرف دانيال عنده علاقه بتالا و ماكتلي ..

اختج متمرده اذا ادخلت ممكن تتزوجه ورانه اني عندي ثقه بيج مراح تسمحين بهل شي ..

منو كلك اكدر عليها ..

ابتسم مد ايه على شفايفها تلمسهم بهدوء ، انتي اذكه من هيج بهواي محد اكتشف ذكائج و حيلتك غيري ، اليوم يجي يطلبها رسمي من عندج وانتي اكعدي تشرطي بكيفج و قرري ..

سكتت ، ماعرفت شكاله بعد …

همس عايل وياج ..

ايلاف ماتريد رجلها طلكها الله يخليك .. 

هي الي تقرر طلعي نفسج من الموضوع …

جرني من جتفي عليه وحظني حيل ، خله راسه على جتفي ، مابادلته الحظن جن اكو شي بارد بداخلي ..

همس احظنيني ، ضليت جامده ، ضغط على اديه الي لافهم عليه ، رفعت تك ايد حظنته ..

جسمه حار كالعاده صدره يجوي ، من عدا دكات كلبه القويه ، ابتعد عني شوي همس تعباان ..

اريد اخذج و نسافر لمكان محد يندله لا اتصال لا مشاكل لا شغل بس اني وانتي ..

التزمت الصمت بس جان باين على وجهي الزعل و عدم الرضا ..

اصلح الي دمرته ميرال ، اعيد لم شتات اعرف ترى شاطر اني ، اصلح علاقتنه وارجعها لسابق عهدها ، تذكرين من صعدت وياج على نفس الفرس .

دمعت اتذكر ذاك اليوم ، شكد جنت طيبه و صاحبه كلب فطير ..

لزم جف ايدي يفرك بي ولازمه حيل ، جانت عندج ثقه بيه ، حنى ابتسامتج جانت تزيد من اتقرب منج واحجي وياج ..

تغيرتي علي ادري ، السبب مني هم ادري ، راح ارجع اصلح كلشي ارجعي ميرال مثل قبل ..

ماسويت الك شي متعايشه وياك مو كتلي تعايشي مثلهن ، سويت الطلبته انته ..

لااا ماسويتي مثلهن انتي غير عنهم ميرال ، نظرتج غير ، احساسج غير ، تفكيرج حتى وجهج كلشي  بيج مختلف ، 

استمعت لكلماته ، ماجانت تدخل لمسامعي ، جانت تدخل لكلبي مباشرتا ، اله تاثير عليه جبير ..

يمكن من حبي اله وسمحت لكلماته تاثر ماعرف من صدك حروفه نطقه ولان كانت صادره من كلبه و حقيقه مشاعره ..

احنه النساء مو غبيات ، نعرف الكلام ان كان صادق او كاذب ..

نلامس المشاعر الي تظهر من الكلمات ، رفع جف ايدي و دخل اصابعه بي اصابعي ، همس قريب وجهي ..

كانو انتي نجمه لاحت بسماء القطب الشمالي ..

رمشت بهدوء ايدك حاره كانو انته قطعه من جهنم .. 

خله ايده على خصري و جرني عليه ، طخ صدري بجسمي ، 

ميخالف ياريت جليدج يطفي نيراني عاد ، صار سنين عالكه النار بيه .. 

انطيني مجال ..

شلون وانتي طاردتني من الغرفه …

ضحكت .. متصيرلك جاره ابد .. 

تتعشين بره ..

مو على اساس ناس تجي تخطب تالا ، 

خليهم ينتظرون …

ابتسمت بهدوء ، 

" أحببتُ روحَكِ حُبًّا ما لهُ شَبَهٌ 
وأعظمُ الحُبِّ حُبُّ الرُّوحِ لِلرُّوحِ "

حبيت روحه وياي وكلامه و تصرفاته ، اما و يه الناس اني ماشفت بعيني ولا سمعت باذني صوته هو يضطهدهم ..

يمكن العقاب الي اخذته جان جزاتي على سكوتي على الهمسات الي جانت تهمس الي و اني كنت اتغاضه وابرر كلشي ..

طلع الي فستان اسود براق ، و حذاء من اختياره ، كعدت على الكرسي ، كبال المرايه .. دنج ، رفع طرف الفستان ، رفع رجلي يلبسني الحذاء،مديت ايدي تلمست جتفه ..

سكنت هو ضل يلبسه الي ، صاحب اكتاف عراض و طول حلو ، عطره الي يتغير دائما ، ما يثبت على نوع واحد ، لو ملابسه اغلبها قميص و ستره ، الا نادرا يلبس تيشيرت و بنطرون جينس ..

ماذكر لبس تراك فد يوم ، حتى بيوم عرسنه ، جان يفتر بطرك الشورت ، ابتسمت بهدوء ، مغرمه بتفاصيله ، 

خليت كريم مرطب و واقي شمس رشه عطر بسيطه ، و كف وراي ..

تخلين مكياج ..

احتاج ؟؟!

لاا ، بس شي لخدودج لان وجهج تعبان من دوني ..

ابتسمت هزيت راسي كول تعبان بسببك ..

المهم .. اساعدج ، جر العلبه من ميز ، 

بيبر تعرف لو تلوص وجهي ..

ضحك بهدوء دنشوف لا تتحركين انطي مجال ..

تعرف يالون ويا علبه لو شنو ..

لا وحده بيها ثلاث الون مكتوب NYX ، لون بيج لون وردي باهت لون مشمش باهت ..

اخلط البيج ويه وردي و اضرب الفرشه على العلبه حتى يروح الون الزايد ..

اسمع صوت طب الفرشه على العلبه ، سم بسم الله لزم حنجي ورفع وجهي عليه ، كعد يمررها على خدودي بهدوء ، 

ابتسمت ، المنكير بيبر ..

خلصت و كمت وياه ، تلكتني تالا باب غرفتها حجت بتوتر ووين ..

رد بيبر شكو ..

دانيال يجي اليوم كال اني نطيت خبر لببير و كال هلا بيك ..

رد اي هلا بي .

بعد ساعه يجي ..

خوش ، جر ايدي و عفناها وراي ، مااخذ السايق هو ساق بنفسه ..

فتح الباب و ساعدني اصعد ، مشت بينه السياره ؛ حجيت وين …

للجنه شوي ..

ماكو جنه على الارض ..

لزم ايدي وجرها لحظنه نشوف .. 

#يتبع ...

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق

توقعااااتكم ...

ميرال شنو رادت من بشار 🤔