قاع الشياطين

البارت السادس والاربعون

............☆البارت السادس والاربعون ☆.............

#قاع_الشياطين(البصر والبصيره)

#بقلم_أسماء_ديمير

كلشي مافاهمه اني شبيهم هذول ويانه ..

هزت راسها جن اختج خلت نفسها بحفره بس الله يعلم بيها ..

سكتت عفتها وتوجهت لغرفتي ، موبايلي يدك رفعته نانه كالت وين صرتي يمه ، رديت ماخلوني اطلع من البيت شسوي ..

منو ماخلاج ..

الحارس يمكن رجل ميرال موصي ..

شبي هذا ويانه ، متغير ولا كانو المهندس خوش زلمه ..
داحجي وياها ، وموبايلي يزن ، نزلت اشوف اتصال ثاني دانيال يتصل بك ..

اهملته وكملت كلامي ويه نانه ..

انجلب عبالك ، حتى ام زياد سمعت متعارك وياها وطاردها ..

ياااا ..

اي والله ..

داروح اني اشوفها و عود انطيج خبر ..

سديته منها ودك دانيال مارديت عليه ، عفته ، دك مره واثنين ودز رساله مافتحتهم ..

ووين ودكت نانه حجت شفتها شوي من بعيد ماخلاني اوصلها بس اختج مو زينه اعرفها تاشر بعيونها سوده عليه ..

شسوي يانانه ..

تطلع والله كريم ماتطلع قابل ، هسه خاليها لوحدها مايدخلون احد عليها يخافون لا الحروك تتجرثم ..

التهيت بدراسه والامتحانات ، وفعلا جان سايق ياخذني ويرجعني  ماكو طلعه منا منا ..

خنكني خنك بيبر ، طالعات اله كرون عبالك ، واني هم انشغل تفكيري ، حتى دانيال يدك مارد ، يمكن عوضت وجوده بنانه و ساري ..  رجعت اتحرش بي هو هاملني ولا كانو ..

اشتاقيت الهم حيل احس بالوحده والله ، دانيال افعاله و كلامه بلش ياذيني ..

فتره وطلعت ميرال ، جابو عامله مصريه للبيت ، وخصصوها لميرال ، نظفت ورتبه الغرفه ، دخلوها للفله ضعفاانه حيل ..

هيه من زمان وزنها ٥٥ هسه نازله نزله تخوف سوده عليه ، بحيت من حظنتها ايدي تلف على خصرها لف..

تعبانه ماتحجي ، سندت عليه ورجلها لازمها من وره يخاف لا توكع .. هي دفعت ايده وجلبت بيه همست وديني لفراشي ..

اخذتها  هو ورانه يمشي وجه مكلوب ، ديما حاظنتها تبجي تبوس بوجها ،  صعدتها و نومتها .. ديما تقربت غطتها عيوني عليه واكف فوك راسنه مخصر لو العامله هم واكفه ..

ممرتاحه احس بيها ، حجت اطلعو اريد انام ..

دارت ظهرها عنه وغمضت نامت ..

طلعت همه وراي ضل بس رجلها ، يمها يمسد على راسها يبوس بي ..

اشوفه حنين ويحبها حيل ، ماشفت شخص يخاف و يستعطف على شخص بكده هو على ميرال ، بس هيه ماعرف شنو بيها ..

خاصه من تضوج وتزعل اول ناس تنفرهم هو ، رغم  الي صار بيها من نكسه صحيه وكفته وياها لازم تلجئ اله و تحتمي بي وتشكره لان وكف وياها ..

بس شفت العكس ماعرف سبب وين هيه مدلله ودلال الزايد اله اضرار لو هو حجه حجايه قهرتها و خلتها تنفر منه .. 

عفتها وطلعت لغرفتي ، عمري ما نفرت احد دومي شامره نفسي اريد واحد يحبني هيج بس ماكو ، خلل وين والله اني حلوه ..

بس شنو سرها هيه ، اختي اي بس هم تصير مقارنه بيني وبين نفسي ..

سمعت صوت باب غرفتها انفتح وانسد ، عرفت طلع ، جهازي يضوي باسم دانيال ، خفت من فكره زواج ديكررها و يضغط عليه بيها .. 

تمشيت لشباك اشوف ، لكيت بيبرس واكف  كبال الحارس يحجي وياه ، ستار واكف على صفحه ، 

شوي وركب سيارته واخذ ستار وطلعو ، رجعت لمكاني اراسل ساري بحجه ميرال ..

انفتحت الباب جفت فززتني رفعت راسي لان ميرال واكفه كوه لازه يده الباب و محنيه  ، بسرعه كمت عليها الزمها ، 

لزمتها ليش اجيتي جان دزيتي عليه..

همست سدي الباب بسرعه ..

سديتها و اخذتها على فراشي ، كعدتها ليش مانمتي مو تعبانه شوفي وجهج .. قاطعتني نانه ليش مااجتنتي ..

وكفت كبالها رجلج ماخلاها توصل اصلا حتى اني ماخلاني موصي الحارس ماطلع من فله ،، ممنوع كون طلعتي بس للمدرسه .

رمشت بهدوء اديها ضغطت على فراش حيل ، شايطه .. حجت دكي لنانه وكوليلها ميرال تكول خلي تجي اطلعنه مناا ، 

ليش شكوو متعاركه انتي ورجلج ..

غمضت مابيها تحجي ، كولي الها اطلعنه منا ، 

شلون رجلج مايقبل ولج ..

سكتت تجر نفس ..

روحي ارتاحي ميرال وين مددي هنا على فراشي وجهج كركم صاير ، عبالك قطره دم ما بيج ..

بجت بسرعه ، شهكت شبببيج .

ماتحجي بس تبجي ، شنو بيج كولي اذا على حروق والله تروح سالت الدكتوره بنفسي بس الي برجليج يرادلهم عمليه وسهله هاي ناخذج لاحسن دكتور والله كلشي يتصلح اهم شي انتي عايشه ..

رجعت ليوره على كيف تمدد بفراشي ، ساعدتها  صدرها يصعد وينزل بصعوبه ، حجت مفاتيح بيت اهلي موجودات بجنطه بكنتوري جنطه بيها اوراقنه و مفاتيح بيتنه ولابتوب مالتي القديم ..

طلعي الجنطه كلها وانطيها لنانه و كوليلها ميرال تكول خلي تجهز بيتنه القديم حتى ننتقل بي ..

سكتت ثواني وحجيت .. ورجلج ؟؟!

تالاا اذا ضلينه هناا .. سكتت .. حجت تجر النفس كوه نطلع لازم نطلع والله نموت ، صوت دكه الباب سكتها ..

رفعت راسها مددت تنام ..غمضت ..

مشيت افتح الباب لان العامله ، حجت هيه ست ميرال هيناا…

انداريت على ميرال مغمضه وساكته ..

همست اي اجت نامت يمي ، ماتحب تنام لوحدها تخاف ..

مهو الاستاز بيبرس ألي اروح اجيك عليها ..

مابيها شي نايمه  خلي ترتاح ..

طيب ..

طلعت وكل شوي تلتفت تشوفها نايمه لو لاا ، رجعت لعندها امسح على راسها وجها حار ، جن مصخنه، اثار حروق بوجها بعدها لو شعرها ممرتب لزمت مشطت وكعدت اسرح بي ، اطرافه محترقه ،  مشيت جبت مكص اكصهم ، وكفت خفت لا اتلفهم الها بزايد ..

شكلهم ابد مو حلو ، انقهرت والله على شعرها  الحلو ، عفتهن كلت اخلي ديما ترتبهن الها ..

رجع رجلها و كال وينها ..

حجت فوك بغرفتي ..

راح هو صعد عليها ، ديما واكفه على صفحه تاكل باظافرها متوتره وخايفه ، بس صعد الها ركضت عليه حجت شكالج.

شنوو .

شيريد بيبرس ..

سال على ميرال ..

ميرال ..   

يخونُكَ ذو القربى مراراً وربما

 وفى لكَ عندَ الجهلِ مَن لا تُقارِبُه

سامعه عن غربه الوطن ، بس اول مره اعرف اكو غربه بنص الاهل ، غريبه وحيده ..

صفيت وحيده بافكاري وارأي ، محد يحس ولا يفهم ، الممرضه كل شوي تفتر يم راسي ..

احس بي قريب مني و اتجنب الكلام وياه ، همس ميرال ينبض روحي ..

يجزع مني مرات و يطلع ضايج ، جريت نفس اريح صدري ، صوت خطوات ثقيله و فتحت الباب بهدوء ، ماتحركت ..

بس من وصل يمي عرفته من عطره ..

همس باسف :- حروقج قويه ميرال ..

فتحت عيوني بهدوء بوجهه  ..

-مو كتلج اطلعي منا ليش مااخذتي بالحجي ..

ماحجيت ماعندي جواب ، رد اساعدج وانطيج جوازج وانطيج عنوان عمج الي ساكن بالاردن ..

درت وجهي باتجاهه ، المطلوب عدي ..

-تعوفي و تطلعين خارج العراق نهائي ماترجعين بعد ..

-لييش ؟! ليش ناوي على اذيته هو يعتبرك اخو ؟؟

تردين تضلين بنص الموت ميرال ، ضحك مستهزء بس لاعبالج الي صارلج حادث ججج غلطانه الملحق انحرق بفعل فاعل ، جان قاصد موتج ، ماسالتي نفسج  زوجات فرات ليش،ماطولن وياه ، اصلا اني متفاجئ شلون طولتي وياه هالكد انتي ..

دمعت عيوني ماكدر احجي ..

اطلعي ميرال واني اساعدج ، انطيني خبر واجهز الج سياره  و فلوس وجوازاتج انتي واختج ، اذا طولتي بعد اكثر مو بس تخسرين روحج لا اختج هم ..

تعرفين اختج على باب الهلاك ؟، لحكي على روحج واذا ماحابه نفسج فكري باختج ..

عافني وطلع ، غمضت عيوني و زادت دكات كلبي ،  دخت حيل ، استسلمت للسكينه مابيه حتى افكر ..

شكد لحيت على جوازاتنه جان يرد ماكوو مالكيناهن طلع نذل ماخذهن وعنده ظامهن ، بس شلون اطلع اني ..

اصلا مامن بي بكد شعره ، هو الي يخون صديقه و يحاول يهجم بيته شنو الي يضمن الي مايغدر بيه ..

لو ام زياد ، اي ام زياد ، 

عدي كال بفعل فاعل معناها صدك هيه اني سمعت كادي تصيح باسمها بيوم الي صار الحادث ، هيه دفعتني و سدت باب الحديد ؟؟!

معقوله زين لييش ؟!

شنو عدهم كتله البشر هيج شربه ماي ..

ماكدرت احجي لو اتصرف غير بس استعين بنانه ماعندي ثقه حتى بتالا ، نانه تاخرت ماكدرت تفيدني بشي ، بيبرس تقرب عليه ..

يساعدني حتى يخلي مخده جوه ظهري ، لزمت ذراعه ، حسيت بشاش ..

همست محترك ..

رد :- اي شوي ..

رمشت بهدوء شنو صار بالملحق ..

تماس كهربائي حبيبي ..

كادي ..

ماتت ..

رمشت بعيوني ، ماجان حادث بيبر الصار ولا تكول لاا ، تعرف انته الصار موو حادث ..

جاي تحجين على شنو ..

الملحق انحرك بيبر الي حركه من اهل البيت كادي صاحت باسم ام زياد بوقت الحادث واني ندفعت حيل للملحق وانسدت الباب وراي و نحصرت هناك ..

تقرب حظني ام زياد جانت نايمه ميرال ، الكل شاهد انو هيه طلعت اخر وحده بيهم بيوم الي صار ..

اني اندفعت بيبر واحد دفعني والله ..

منو تعرفي حسيتي بي منوو ..

سكتت ، 

ماحجه ما طلع صوت ..

هزيت راسي لاا بس،كادي صاحت باسم ام زياد.

وكادي ماتت ، حتى لو صاحت باسمها هذا مو دليل ميرال ، مو دليل حتى اروح ادينها هالكلام ثكيل معناها حاولت تكتلج وهالشي بالنسبه الي مو شي قليل افنيها هيه و عايلتها حتى لو خالتي ، بس انتي متوهمه اتركي هالافكار وارتاحي  ..

مددت كوه ، همست اريد اطلع ..

وين ..

ماريد اسكن بالفله بعد ..

وين تردين ..

للشمال يم خوالي ..

لاا ماكو هيج حجي ميرال بطلي هالافكار ..

مامن بعد بيبر حتى لو مارضيت اني حاخذ اختي واطلع منا ..

تقرب من عندي مدد يمي على سديه وحظني  ، مكاننج وياي مكانج بيتي ، وجودج يكون وين مااكون اني غير هالحجي ماكوو ..

اني قررت وخلص ..

مالج قرار بعد قراري ميرال من الاخر .. 

حجيت بيبر ..  قاطعني اااشششش  كاافي .. نامي باجر اطلعج للبيت .. سكتت ، غمضت ..

 ماعندي حل غير اطلع بره الفله واحافظ على حياتي وياي اختي ..

رجعت للفله ، بالي بعرض عدي بس بيبر شلون .

ماكدر اسوي بي هيج  ، و اترك كلشي واعوفه هيج بدون ماقنعه لو انطي خير بس مارح يخليني اطلع اعرفه ، خفت لاصدك انحبس مثل ديماا ..

رجعت للفله بيومها وثاني يوم كدرت توصلني وتجي نانه ، تقربت تحظني تبوس بيه  ، بس تبجي مافهمت منها شي ..

اني هم مابيه احجي تعبان صدري ، كوه انتفس ، كعدت تحجيلي عن شغلها ، وهمست رجلج قبل كم اسبوع جان يمي وعرض عليه شغل وشلونه ..

شو هسه انكلب علينه حتى سلام يرده كوه ..

رمشت بعيوني ، مرتاحه بشغلج ..

اي الحمدلله صرت شريكه بالمحل وخير من الله ..

ماترجعين عندي نانه ..

لا يمه العمر ديكضي ومابيه حيل الله يشهد ..

سكتت مدمعه ، طلب اخير ام ساري ،،

حجت شو ام ساري جن زعلتي عليه ..

جنت اصيحلج نانه لان جنتي مربيتي هسه انتي مره جانت تشتغل عدنا و توكلت شافت حياتها بعيد عنه ، بس الج كل الاحترام وتقدير ، ماننسه فضلج عليه ابد ، 

سكتت بعدين حجت كولي يما امري ..

مايامر عليج ظالم  ، بس طلب اخير هاج جنطه بيها مستمسكاتنه و مفاتيح البيت وشغلات مهمه ، اريد تفتحين بيتنه وتنظفي يمكن هاي الفتره نسكن اني وتالا بي ..

فزت تالا شنووو منو يسكن بي ..

 رديت مو وكتها تالا بعدين … همست لها بتعب ، بالجرار مال ميز مرايه اكو علبه خشب افتحيها ..

راحت فتحتها حجت بيها بس مفاتيح ..

اي افتحي كنتوري الباب الثانيه ، تلكين بالخانه الاخيره ، باب صغيره افتحيها بالمفاتيح ..

فتحتها ، همست طلعي الي بيها و خليهم بجنطه جوه ، حجت شبيهم ..

شغلاتنه مهمه كلهم ..

حجت ضميتهم ، انطيهن لنانه  ، انداريت علي نانه مثل ماوصيتج ام ساري ، ماعندي ثقه باحد غيرج .

ورجلج يماا ..

مالي سلطه  عليه ، ماريد ابقه هنا .

حجت تالا شلون نضل هناك لوحدنا شنو ماتذكرين الصار بينه قبل كم سنه ..

الي يريدنا يندلنه تالا الي يحبنه يلحكنه لهناك ،  ماشفنه غير بس الاذيه هنا ..

نترت رجلج ميرضى ..

- مو مهم اني هم ماراضيه على هواي شغلات عنده ، 

راحت نانه ودعتها ، تالا رفضت رجعه لبيتنه وسكن بي ليش،ماعرف ، عدي واقتراحه شمرتهم بالزباله ماعندي ثفه بي هل الرجال لو ذره ..

احسه خبيث وشايل سم ، شفت خبثه اني شلون خرب العلاقه بين بيبر وعواد ، ماردت انطي لزمه عليه واخلي يكول ساعدتها لو يمني لو يخرب صورتي كبال بيبرر ...

رجع بيبر وكتله على الناويه عليه ، ما جنت اضل راح يكون رده بهل عنف ، ركع جامه فلشها فززني ..

عاط بيه فكري بعلاجج وبالحروق الي عندج بطلي تفكرين بتمرد ميررال تعبتي ترى ..

حروقي صارت بسببكم وبسبب خالتك .

خالتي ما جانت تقصد ..

-سكتت هو سكت ، رفعت حواجبي شنو شكلت ؟؟!!.

ميرال من الاخر طلعه منااا مالج ، افتهمتي وخالتي طلعت من البيت نقلتها للبيت الثاني ، وسالفه بيت ابوج تلغيها من الاخر ، 

تعرف معناها خالتك جانت متعمده تحرك الملحق ..

نتر بيه اسكتي ، 

وكفت لحيلي ، لاااا انتو قتله مووو ، شغلك مو قانوني وسكتت ، رمي و سلاح على فله وكلت ميخالف ، بس توصل تحاول تقلتني وعلني ، لاا نووب تعرف انته .. 

عاط ولج كااافي شنوو انتي من بشر ..

انته شنو من بشر ؟؟! هااا انته شنوو كلشي عندك عاادي ولك جيت امووت تعرف شنو اموت ..

والله شفت الموت شوف جسمي شوف وجهي بجيت تشووفي لو لااا تشوهت اني بسبب منووو ولك انتوو شنوو بالضبط من الاخر بيبر مااضل والله ماكو قوه بالدنيا تكدر تحبسني هناا اني مو ديماا ..

ماحجه عافني وطلع ..

عطت وراه بيبر سمعت اني مو ديماا وتحبسني ماتحبسووني  .. 

كعدت بالارض ارجف ، دخلت عليه العامله حجت هو انتي بخير ياست هانم  . نترت بيها اطلعي بررره انتي هم جاسوسه المن ، يالله مدااامن بااحد ووين عايشه اني اطلعي بره ..

هو انا عملت اي ياست هانم .

عطت حيل ارجف  ، ولج بررره بررره…

طلعت اني ضليت على كعدت لزمت راسي باديه اصيح من الالم ، دخلت تالا حجت شبيج ..

عوفوني لخاطر الله جوزو مني ..

طلعت ماحجت ، حبست نفسي بالغرفه ، اجه بيبر باليل ، قفلت الباب ماكدر يفتح الباب دك الباب مافتحتها اله ، خليت وراها كرسي وكعدت خفت لا عنده مفاتيح و يفتحها عليه ..

ثاني يوم كعدت على صوت سيارات طلعت من الكراج و صوتهم بره يحجون بصوت عالي ..

كلبي اذاني عرفت راح يسافر هم ، خليتهم يطلعون و يله فتحت الباب ، توجهت لديما ، بس خطيت كم خطوه بره غرفتي حسيت بادين حظنتني من وره فزيت .

جرني عليه و حجه شنو تطرديني من غرفتي ..

وخرر ..

ليش ماتخلين كلبج على كلبي ..

كلبي نفسه ممرتاح وياك ، التفتت عليه دمعت جيت اموت اني تعرف لو لاا ، من احجي بالموت مو لان خايفه لااا الاعمار بيد الله ماخاف من لقاء اهلي ، خايفه على اختي من بعدي خايفه لان اكو شخص تعمد ياذيني .. 

همس ماتكرر وعد مني ..

سكتت ثواني حجيت شنو ماتتكرر يعني انته تعرف اكو واحد صدك دفعني وحاول يقتلني ..

لا ماكو بالبيت هيج شخص ، بس مع هذا مصدكج اني ..

تضحك علي بيبر انته.. صم حلكي يسكتني ، وداعت اعز شي على كلبي ماخلي،شعره تنضر بيج ، انتي روحي ميرال ..

صرتي جزء مني ، الي صار حادث او يمكن كان اكو متعمد بس ماراح اخلي يتكرر ..

رفعت حواجبي كادي ماتت ..

يومها مو تكولين كلمن يومه ..

بهل بساطه بيبر عندك ..

اي وانتي هم خليها بهل بساطه ، دنيا تمشي هيج ..

ماكدرت انطق بعد ، حرف ماكدراحجي ، جرني من ايدي يريد ياخذني للغرفه .. همس راح اسافركم يوم راح اشتاقلج ..

جريت ايدي من عنده بهدوء و رديت جسمي يوجعني لسه من حروق ماكدر ..

ما طخ بيهم ، درت وجهي مدمعه ، 

على راحتج باسني من كصتي ، تردين شي دكي عليه ..

عافني و نزل اسمع يكول للعامله عينج عليها ممنوع تغيب عنج ..

رمشت بهدوء ، غسلت ايدي منه كلش ، ماكدر اسويله اي،شي ، احسه غركان بافكار ومبادئ غلط وطامس للقاع مستحيل ايدي تكدر توصله و تنتشله ..

توجهت لديما  ماكو احد يفهمتي بكدها ..

دكيت الباب عليها ، ماكو صوت ، حجت العامله ست ديما بره بالجنينه ، ياهانم ..

فززتني واكفه وراي خرب بليسج ..

رديت انتي شنو مثل ضلي روحي شوفيلج شغله ..

مهو الباشا ألي اضل وراكي متغبيش عن عنيا ..

لا روحي ساعدي و سن ، من اريدج اني اصيح ..

ابتعدت وطلعت دخلت للمطبخ سلمت على وسن توجهت للحديقه ، حجت شلون صرتي ست ميرال ..

انداريت عليها بخير ..

حجت تكدرين تمشين لو اساعدج ..

لا رحم الله والديج ابنج شلونه ..

يم الله ..

ترددت احجي بعدين حجيت وسن ..

هاا ست ..

شكد تكلفه عمليه ابنكم ..

اهواي والله ماحاسبين الها لان نعرف ماعدنا ، ضالين على غسل و الحمدلله ..

هزيت راسي ، الله يعين كلبكم  ، اسمع صوت ديما تناغي لابنها .. 
مشيت باتجاها ، صوتها طلع هااا ولج ليش طلعتي من غرفتج ..
كامت بسرعه تلكتني ، جرتني تحجي جان دزيتي عليه عامله واني اجيج ..

ماحجيت ، كعدت على كرسي ، حجت شلونها حروقج ..

رديت رجليه ياذني بعدهم بس وجهي حسيته جف شوي ..

شعرج يرادله ترتيب تدرين ..

اي حسيت بي البارحه خشن محترك ، جريت نفس كصي لجتفي اذا تالف كلش ..

احاول ماكص هواي ، لزمته تشوفه ردت الحمدلله عدت على خير ، همست ديما ..

عيونها ..

بلعت ريك ، تقربت اهمس الها ، تكدرين اطلعيني مناا مثل ماطلعتي ايلاف ..

شلون يعني تشردين ..

لاا ، بس بيبر اعرفه ماراح يخليني اطلع منا ، اخلي امام امر الواقع واترك الفله وارجع لبيت اهلي ويه ساري ونانه ..

مايقبل رجلج بهل حجي ..

اعرف لذلك اريد اطلع منا قبل لا يجي هو من السفر ..

ميرال رجلج اذا عرف بالي تفكرين بي يسود عيشتنه ماتعرفينه انتي ..

لا اعرفه ..

لا والله ماتعرفين ولاعندج فكره ترى رجلج بس وياج انسان اما ويه البقيه شيطان ، لاتخلين هالشيطان يطلع حتى وياج اكعدي واسكتي وعيشي هيج ..

ماكدر ماجاي اتحمل ممرتاحه ابد والله داحس كلشي غلط واني ساكته لان تايهه مداعرف طريق صح وين ، احبه وبنفس الوقت داشوف عيشه هنا متراد ..

سكتت ..

تساعديني لو لاا ..

ميرال تعرفين شكد احبج وتعرفين اني طلعت من الموت كم مره ، مامستعده اجازف هالمره ، محد شاكفلي بهل بيت من الموت غير رجلج ماكدر اجازف و اساعدج و اخسر حمايته كلها تتمنى موتي اني هنا …

دنجت راسي تحجين بالموت هواي ديما ..

الموت هنا اقرب من حبل الوريد ميرال ، لو ما شفتي شنو صار بيج ذاك اليوم بسبب حشريتج وتدخلج كلشي اله ثمن هنا حياتنه ثمن ..

الي صار متعمد ادري ..

عبالج تدخلين بشغل بيبر و يسكت الج لو من واكفه وتتحدين ام زياد ، كم مره حذرتج مجاي تفهمين ابد انتي .

قشر جسمي كله .. ام زياد وره السالفه موو ..

مادري ..

درت وجهي ، برغم متاكده اني من سمعته بيوم الحادث بس نفسيتي ماتتحمل اضن بيها سوء اكول خاف متوهمه لو اني ظالمتها ، بس كلبي يكلي هي والله ...

همست الها  :-  لذلك طلعها منا هو و طردتها ..

رجلج مايعرف جوز ماله علم بس ابصم الج بالعشره عرف وره السالفه خالته و سكت ..

دموعي نزلت ، كمت لحيلي ارجف ماساعديني موو..

افرضي ساعدتج و كعدتي بيت ابوج وبعدها ، بالج عود رجلج مايكدر يدخل بنص بيتكم و يسحلج ويرجعج هناا ..

كمت لحيلي ارجع للغرفه ارجف جسمي هبط ، تلكتني العامله حجت عاوزه حاكه ياهانم عطت بوجها خرعتها ولي مناااا انتي هم خالج جاسوسه عليه وللي ..

ابتعد عني خايفه ترجف صعدت لغرفتي ارجف ، راسي انسطر ، نوب لازمتني صخونه ..

اسمع جهازي يدك ..

ماشلته ، مددت انام اتهرب من الي براسي ..

جهاز للظهر يدك ، رفعته فتحته ، اجاني صوت عدي شلونها حروقج ..

مارديت ..

بعدج عنده موو ..

شتريد ..

اساعدج ..

ليش ..

لانواخاف عليج اكثر ما هو يخاف عليج .

ليش ..

سكت ، غمضت عيوني ابجي بهدوء ، ماعندي ثقه بيك ، 

لعد عندج ثقه برجلج الي يعرف منو بسبب حركج وساكت ..

يحبني هو ..

سكت ، جر نفس ساكت ، تدرين احنه متوجهين للجنوب هسه ، 

بيبر وياكم ..

اي بالسياره الوراي ، راح نطول اربع ايام ،  ادبر الج سياره تاخذج من الفله لحد اربيل ومناك تستلمين جوازج وفلوس و تطلعين للاردن كبل ..

تالا وياي جوازها تجهزه .

ضحك مستهزء.. هااي اذا اجت وياج  ..

شلون يعني شقصدك .

لا تثقين باختك جوز تفتن عليج ، 

تريد توكع بيني وبين اختي هم مثل ما وكعت بين بيبر وعواد ..

اااخ يالعنوديه ااخ ، اختج عدها علاقه بدانيال توقعتج نبه اكثر و تلكفين السالفه وتحسين بالخطر و تاخذيها و تطفرين من وكت .. 

غمضت عيوني كعدت على حيلي ، كلبي يريد ينفجر لزمت صفحه صدري افرك بيها ، ما نطقت ..

-رديلي خبر هاليومين حتى استعجلج بسالفه قبل لا نرجع ..

شنو المقابل ..

سكت ، همست شنو تريد شكد تكلف سالفه مساعدتك ..

تشوفين بحاجه فلوسج اني ، غلطه قديمه بس داصلحها مو اكثر ..

شلون يعني شنو السبب هيج لوجه الله ..

الجميلات لا يجذبن الا اسوء الرجال ، وانتي جذبتي اثنين بدل الواحد .. 

سد جهاز وراح ، ضليت شلون التايه عن اهله بنص العدو ، خليت راسي بين اديه ابجي ، حس تدمرت كليا ، ماضل بيه شي صاحي حتى راسي ماجاي يكدر يفكر صح ..

حبي ليبير عماني والله عماني ، خلاني عميه كلب وعين و عقل ، و قبل الكف السالفه لكف ..

هسه حايره بس بي ، نسيت حتى اختي الي راح اضيع مني ..

غفيت بفراشي من التفكير ، كعدت المغرب توجهت لغرفتها ، جان عدها امتحان وهذا اخر واحد ..

همست دكيتي على نانه حجيتي وياها على البيت لو بعد ماراحت نظفته ..

ردت ماروح اني ..

ليش ..

ماريد وبس انتي شكو رايحه مو عندج بيت شكبره لوحدج و عندج خدم شتردين بعد ..

تقربت عليها  من حركه كلبي .  لزمت ايدها حيل ..

عصرتها تالا ؟

ردت ايدي ااااي اذتني  شبيج ..

دمعت تالا شعندج ويه المسيحي هاا ..

نترت بفزه :- منو فتن عليه ساري النذل موو ..

دموعي نزلت حتى ساري يعرف ؟؟! ليش ماعرفت اني لهل درجه صرت غبيه .

مو غبيه بس رجلج اخذج منه و خلاج عميه كلش ..

درت وجهي ابجي كررت الجمله اسالها  شعندج ويه المسيحي تالااا شجابج عليه ولج بعدج صغ

قاطعتني ردت يحبني ..

سكتت انداريت عليها بيبر هم يحبني دشوفين دموعي لو لااا الحب مو كافي حتى ترتاحين ..

عندي كافي يكفي يوميه يسال عني و يخابرني و مهتم بدروسي و بكلشي ..

تالا بعدج صغيره ياعمري اني اسفه هملتج اعرف غلطت بس شفتي انتي وضعي ..

ما الومج حقج تعيشين وتلتهين بحياتج واني هم حقي ازوج واعيش ..

فكيت عيوني زواجيج ولج وينج وين زواج تالا جنيتي مسيحي وانته مسلمه حررام هالحجي ..

نزوج مدني ..

فكيت حلكي مصدوومه مدني ؟؟؟! شعرفج بزواج مدني تالا ..

همست صار فتره وياه اني ….

#يتبع ...

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق