امير الفضاء (مكتمله ) "جارى تعديل السرد "

الجزء الثانى_الفصل العاشر🍂

الجزء الثانى _الفصل العاشر🍂

كان يسير ببطئ فى ممرات الفيلا حتى لايراه احد،اتجه ببطئ حتى سار واقف امام غرفته ابتسم بخبث شديد ثم همس قائلا/مفكر انك هتبعدنى عن مراتى ياغورجان!! محذرتش انا دا انا جان اليكس ياحبيبى ومراتى هتنام فى حضنى ..!!

فتح باب الغرفه ليجد الانوار مطفئه فخمن انها قد ذهبت للنوم ،اقترب من زوجته ليجدها نائمه وهى تضع الغطاء على وجهها وجسدها فلا تظر لاى احد ،لم يهتم وقام بتشغيل الاضواء اقترب منها وقام بالنوم جوارها وهو يرمقها بعشق اقترب اكثر وقام بضمها لصدره ليهمس قائلا/حبيبتى انا جيت ،مستحيل حد يقدر يبعدنى عنك ابدا ،ولا حتى غورجان تعرفى انا غفلتهم كلهم وجيت بس علشان انام جنبك ،صمت قليلا ثم تحدث قائلا/انتى ساكته ليه؟؟!

اعتدل فى جلسته وقام بإبعاد ذلك الغطاء عن وجهها  ،لتتسع عيناه بصدمه وهو يعود للخلف بذعر قائلا/ انت انت ..!!!

اعتدل ذلك الشخص فى جلسته ثم ابتسم بشر وهو يتحدث قائلا/ ايوه انا جان افندى !! بقا بتستغفلنى وتيجى تتسحب زى الحراميه بليل  علشان تنام جنب غرام وتكسر كلمتى ..!!

جان بتوتر/ اصل انت انت..

ابتسم غورجان ببرود ثم تحدث قائلا/ اصل انت هتتعاقب ياجان وبدل ماكان اسبوع بقا اتنين  ،راح فين ذكائك ياابن اليكس كنت فاكر ان غورجان هيسبك كدا تغفله ،تبقى اتغبيت شكل قعادك مع اسر وعز قلل من ذكائك ..

صاح جان بتذمر/غورجان بالله عليك يااخى متبعدنيش عن مراتى بحبها ..

غورجان ببرود/ حبها من بعيد لبعيد محدش مانعك ،انت متعاقب ياجان ولو فكرت تعارض قرارى او تحاول تستغفلنى تانى هيبقوا تلات اسابيع .. وانت بقا ادرى بحالك..

القى عليه تلك الكلمات وكاد يخرج لولا صراخ جان قائلا/ طب مراتى فين؟؟!

تحدث ببرود قبل ان يخرج قائلا/ مراتك هتبات مع يسرا علشان تهتم بيها بليل لو احتاجت حاجه ،يعنى لحد ماتخلص المده غرام هتنام مع يسرا ،وانا هنام مع هوجان وانت مع اسر ..!!

جان بتذمر/ طب انام مع سليم اسر لا .. بيتحرك كتير..

غورجان ببرود/ سليم لا انت هتنام مع اسر سامع.. ياله اختفى من وشى الساعه دى ..!!

خرج  غورجان وقام بالتوجهه لغرفه هوجان بينما هو ظل واقفا مكانه وهو يندب ذلك العقل الذى جعله يساعد ذلك الغبى سليم فهو السبب فى تلك الورطه..

فى صباح اليوم التالى "يوم الاثنين" استيقظ الجميع منهم الحزين والمغتاظ والسعيد ولكن ترى ماذا سيحدث معهم اليوم ..!

نزل الجميع للاسفل فى الصباح لتناول الفطور..
كما انضم اليهم كلا من(حسن ومسك) فهم لم يغادروا مساءا..

تحدث غورجان ببرود شديد وهو يتناول قطعه الجبن قائلا/ صباح الخير معادا "جان وسليم وهوجان" .. المهم النهارضه انا خارج مع يسرا علشان تكشف ولحد ما نخلص الكل هيبقوا هنا ومش عاوز حد يخرج نهائى من البيت للامان مش اكتر،ثم وجه نظروا لحسن قائلا/وانت يااستاذ حسن هتبقى هنا انت واختك لحد ماالاوضاع تهدى انت عارف ان ميار الالفى لسه هربانه وهيبقى خطر عليكوا لو حد خرج..!!

تحدث سليم ببرود قائلا/ انا مش هينفع اقعد هنا انا ورايه ماموريه ولازم اشرف عليها ..

رد عليه غورجان ببرود وهو لاينظر لعينه قائلا/ تمام مفيش مشكله ياسليم روح شغلك مع انك لسه خارج من المستشفى ماعلينا بس هترجع الساعه خمسه المغرب علشان هتيجى معانا علشان تطلب ايد سالى الدمنهورى بنفسك..!!

اختنق سليم كثيرا بسبب قطعه الطعام التى وقفت فى حلقه ،ظل يسعل كثيرا ووجه اصبح احمر بشده فاقترب منه "اسر" سريعا وهو يناوله كوبا من المياه..!!ليشربه دفعه واحده ثم تحدث قائلا/لا اعفينى مش هقدر اجى واشوف وشها لا ..

غورجان ببرود/مفيش لا انت هتيجى سامع..!!
ودا اخر كلام عندى ..!!

صمت سليم بسخط فاكمل غورجان حديثه قائلا/ هوجان انت وعز وجان وحسن هتقعدوا هنا مع البنات .. تحسبا لاى حاجه ،ياويله ال هيتذاكه وهيخرج هيبقى يومه اسود..!! أسر!!

نظر اليه اسر بإستغراب ثم تحدث قائلا/نعم؟!

غورجان ببرود/ انت هتروح الشركه وتشوف لو فى حاجه جديده والعقود بتاعت شركه مارسو جت ولا لاه ولو جت شوف الشرط الجزائى لو زاد عن 100،000 جنيه متمضيش..!!

تحدث اسر بمعارضه/بس السعر كويس !!

غورجان ببرود/اسمع بس منى ،دول شركه هتفلس قريب وهيا بتتحايل علينا علشان تجبرنا على دفع شرط جزائى.. المهم مش موضوعنا حاليا.. اعمل بس ال قولتلك عليه ..!!

تحدث اسر قائلا/حاضر..!!

استمر الجميع فى تناول الطعام ،فتحدث غورجان بهمس بالكاد وصل لمسامع معشوقته/جوهرتى كلى كويس ،وياله علشان نلحق الدكتور..!!

تحدثت يسرا بخجل قائله/انا اساسا كلت ياله بينا علشان منتاخرش ولسه هنروح عند البنت ال بيحبها هوجان..!!

ابتسم غورجان بعشق ثم تحدث قائلا/ماشى  ،لو كلتى ياله بينا..

يسرا بضحك/ايوه كلت ياله..

كاد يقف ولكن نظر بجانبه ليجد ذلك الابله يحاول التحدث مع "غرام" .. فصرخ غورجان بصرامه قائلا/ جااان !!

ابتسم جان بإستفزاز ثم تحدث قائلا/نعم؟!

ابتسم غورجان بشماته ثم تحدث قائلا/احترم نفسك مينفعش تهزر معاها ،علشان انت متعاقب على فكره دا اولا ثانيا غرام هتيجى معايا انا ويسرا دلوقتى ..

كاد يصرخ بوجهه ولكنه وقف ممسكا بيد معشوقته وهو يسحبها خلفه بكل رقه ،ثم وجه نظره لغرام فاؤمات له براسها ورحلت معهم تحت صدمه جان ..!!
_ماشى ياغورجان مسيرى هردلك دا ..!!

همس عز قائلا بمزاح/مالهم السناجل بس ،عايشين احلى عيشه بلاحب بلاوجع قلب ..! صح ياحسن ..

رد عليه حسن قائلا/فعلا ،الحب متعب جدا  .. ومش اى حد يتحب .. ولا اى حد يتوثق فيه لان فى اغلب الوقت الشخص ال بتامنه على سرك هو ال بيدمرك..!!!

تحدث اسر قائلا وهو ياخذ هاتفه ليخرج/بقيت تقول شعر فى الحب ياحسن ابقى حفظنى شويه علشان يما احب ابقى الاقى حاجه اقولهالها ..

القى عليهم تلك الكلمات ثم خرج متوجها لشركته ..!!

بينما ظل سليم جالسا يفكر فى شيئا ما حتى يتخلص من تلك اللعنه التى تدعى سالى..!!

ليقطع تفكيره صوت عز قائلا/ مالك ياسليم ؟!

رد عليه سليم ببرود قائلا /لا مفيش  ،انا خارج ..!!

قبل ان يخرج تحدث هوجان  قائلا/اى ياسليم مش تقولنا كلمه حلوه عن الحب يااخى دا انت خطوبتك قربت حتى من نصيبه حياتك..!!

استدار اليه ثم صاح قائلا  /عاوز كلمه عن الحب حاضر الحب هو الوجع ،حياه بتدمر ،عيون بتدمع طول اليوم ،هو دا الحب !!
اوعى تفكر ان الحب هو حياه ورديه بتعيشها كل يوم بكلمه حلوه ،لا الحب مش كدا ابدا..!!

الحب وجع وخصوصا لو كان من طرف واحد ..!!هو دا الحب ياهوجان..!!

وقف هوجان بإستغراب من انفعاله ذاك ثم اقترب منه قائلا/ مالك ياسليم بتتكلم كدا عن الحب بالطريقه دى؟! انت حبيت قبل كدا؟؟!

صاح سليم قائلا/لا محبتش ،ومش هحب ابدا،الحب مشروع فاشل وعمره ما هينجح ابدا..!!

رد عليه هوجان بعناد قائلا/غلطان الحياه من غير حب عمرها ماتبقى حياه  ..!! وبكره تقول ان كلامى صح ياما تقع فى الحب ياسليم باشا..!!

رد عليه سليم ببرود قائلا/مستحيل سليم الخديوى مستحيل يقع فى الحب ابدا!!

القى عليه تلك الكلمات ثم خرج من الفيلا متجها لعمله..!!

بينما ظل هوجان ينظر لاثره بريبه ثم تحدث قائلا/سليم عنده عقده بس مش عارف ليه؟؟! بس ال متاكد منه ان سالى هتقدر تخطف قلبه زى ماديما خطفت قلبى..!!

تحدث جان مؤيدا لحديثه/فعلا ،سليم هيقع فى حب المجنونه دى ..!! ومش هيقدر يخرج من لعنه العشق..!! ال كلنا وقعنا فيها معادا الاخ عز وحسن واسر ..!!

صاح حسن بغيظ/على فكره انا هقع بس بمزاجى ..

ضحك جان قائلا/هنشوف قال بمزاجك قال ،انا كنت بقول كدا والله..!!

تحدث عز قائلا/ اما البنات اختفوا ليه؟!

تحدث هوجان قائلا/شكلك كنت نايم ،يسرا وغرام مع غورجان وهيرجوا كمان ساعه ومسك طلعت تنام ..!! صباح الفل ..!!!!
ــــــــــــــــــــــــــــــــــــــــــــــــــــــــــــــــــــــــــــــــــــ
تحدثت يسرا بفرحه  وهيا تنظر لصوره طفلها على ذلك الجهاز قائله/انا عاوزه اعرف ولد ولا بنت!!
ابتسمت الدكتوره ثم تحدثت قائله/لسه هنعرف كمان شهر ولا حاجه ..متستعجليش ال ربنا كاتبه حلو ..
تحدثت يسرا قائله/ونعم بالله..
تحدثت الدكتوره قائله/تقدرى تروحى انتى تمام والبيبى كويس ..
اقتربت غرام من يسرا حتى تساعدها فى النزول من على السرير ثم وجهت نظرها للدكتوره قائله/شكرا ليكى ..
تحدثت الدكتوره بحب قائله/العفو..
خرجا الاثنين من العياده برفقه غورجان ثم توجهوا للفيلا .. ليدخلوا المنزل ولكن عندما وقعت اعينهم على ماحدث حتى اتسعت اعينهم بصدمه وفزع ..
يتبع..
متنسوش الفولو والنجمه ياقمرات ..🥀
بقلم/رحمه ايمن عيد..
انا بعتذر لو بتاخر فى نزول البارت بس بجد انا حاليا عندى ضغوطات كتير ومقدرش احدد معاد لانى اخاف يحصل ظرف واخالف المعاد لذلك انا بنزل البارت عادتا بعد يومين او يوم بالكتير بس بتبقى على حسب الظروف..!!
اتمنى منكم تعليق يحمسنى اكتب البارت حتى لو بآموشن ♥