قاع الشياطين

البارت الخامس والاربعون

.............☆البارت الخامس والاربعون ☆.............

#قاع_الشياطين(البصر والبصيره)

#بقلم_أسماء_ديمير

كلت اموت اعدل الله كاتبه يصير ، كادي ماعرف شبيها ، صوت تالا واصلني تصرخ ميررال لاتعوفيني ولج تعااي هنا بالغرفه ووينج ميرال ردييي ..

كورت نفسي وكعدت خانسه عيوني بلشت تطفى وماحس بشي بعد ، لا حروره ولا وجع بصدري بس بلشت افقد الاحاسيس ...

شوي شوي بلشت ماسمع و اغيب عن الواقع ..

خليت راسي على رجليه اشاهد ، اجه بالي اني صليت العشه متاخر اليوم ..

صار يومين ماقاريه ولا سامعه قران ، دموعي نزلت بهدوء ، اني مابلشت اصلي غير قبل فتره ..

حياتي كلها ماسويت شي لاخرتي ، من اقابل ربي شنو عذري بالله ، شنو جان ناقصني ماعبدته زين ..

العباده راحه شنو الي منعني من هل الراحه ، بجيت حيل يارب سامحني سهيت و التهيب بالدنيا مافكرت بالاخره ، التهيت بالدنيا ونسيت التقي بيك بكل صلاه ..

نسيت اخلي روحي بين اديك واذكرك ، تذكرت ايه الي تكول ..

حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِن وَرَائِهِم بَرْزَخٌ إِلَى يَوْمِ يُبْعَثُونَ}.سورة المؤمنون الاية 100

بجيت ندم والله ماكنت خايفه من الموت بكد ما جنت خجلانه من نفسي شلون راح اقابل الي خلقني بادين فارغه ، 

ادين خاليه من الخير من ذكر من التسبيح من الاستغفار ، من قراه كلماته من الصوم من الصلاه ..

معقوله اكون من الاشخاص المسوده وجوهم يوم القيامه ، 

جسمي ثلج و النفس انكطع ، وكعت بالارض غشيانه ، طيف الاحباب لاح روحي اصوات الاحبه واكفه فوك راسي تحاجيني ..

ايد لزمتني من وجهي ابتسمت ، و كلمات تردد على مسامعي :- طيبه كلبي يانظر عيني …

رفعني من راسي يتلمسني :- اكعدي اجيت اجيتج اني ، لاسوين هيج اكعدي .. 

"رفَعتُ للهِ في الآفاقِ أُمنِيةً

‏حاشاهُ يحرِمُ قلبي ما تمنّاهُ

‏سأُحسِنُ الظنّ مهما طالَ بي أملي.

‏كم مُستحيلٍ بحُسنِ الظنّ نِلناهُ"

من بين النار ومن بين طفايات الخريق ، وبين الاصوات المحبه الخايفه على الجوه النار ..

من بين اصوات منافقه تعلو صوتها فقط حتى تبعد شبهه عنها ..

تالا لازمه شباك غرفه النوم تابعه للملحق وتصيح ميررال ردي ولج لاسووين هيج ، ميرال اجيج اني حجيج بس طلعي صوت ..

من بين لازم طفايه ويريد يدخل بس النار كانت اقوه ، ديما حاظنه تالا تبجي تكللها وخري وخري لاتنفجر القنينه ولج وخري اكو قنينه بالمطبخ ..

تالا ..

ركضت باتجه باب المطبخ ناويه ادخل خلص مالها صوت اكيد ماتت ، جلبو بيه مايقبلون .

عطت مااتندل اكيد لزمت بيها ناار اكيد وكعت هيه من تخاف تتعثرر ماتندل بعد ، ودوخ من راسها يوجعها ..

وكعت بالارض اعيط ولج لج ميرررال عيوني بعد مازعلج والله ، صوت ام زياد تكله لااا بيبر ولك الزمو لاتخلو يدخل ..

التفتت على رجلها لافه روحه بطانيه قديمه ماعرف زوليه و جفت جوه للملحق بنص النار ، وكفت ابجي ادك على وجهي يااايمه يااايمه  .

ديمه حاظنتنتي تبجي ، تدعي ياارب دخيلك ياارب كون نورهاا ياررب انته نورهم يااارب سترك ياارب استودعتك ميرال ..

طفايات البيت ماجاييه تكدر اطفي شي ؛ بشار وستار بالطفايات واكفين و ابو حمد ومرته و دانيال بالماي ، رفعت راسي صوت  سياره الاطفاء ..

عاطت ديما طلع بيبرس شبيها شبيهااا .. .فززتني انداريت  نار اكلت البطانيه لافيها عليهم ..

الله يشهد مامكن تتخيل موقف ولا شنو حسيت ، شايف الموت بعد عنك ثواني كانو شبر ، حروره النار تلفح الوجه ، و ريحه الحرك تقفل النفس من عدا دخان الي يعمي العين ، وفزههم و افكارك انو شخص عزيز عليك يمكن مات و تركك ..

نار مستعره بالبطانيه لافه عليهم ، وكع بالارض وخر البطانيه عنه و شمرو فوكهم ماي يبردون الحراره  ..

بس تشوف الدخان طالع منهم ، هو هدومه محتركه عنه ونص قميصه معطب لو هيه يمااا اختي اختي يمااا ..

ركضت عليها ماتنشااف لج ميررال يااعيوني لج خيه شبيج اكعدي ركضت اهز بيها اعيط ميررال ..
.
دفعني عنها وخله راسه على صدرها يهزها و يشوفها تننفس صاح ميراال ياروحي ..

صاح السيااره انعل ابووكم السيااره ، شالها وركض بيها ..

ركضت وراهم ابجي واتعثر وكعت على وجهي مالحكت بيهم اخذوها وطلعو شخط بالسياره ، ركضت وراهم بالشارع اعيط .. اووكفوو انتظرووني ..

ولكم اختي وين رايحين ، ابو حمد وراي يركض صاح تعااي عمي تعااي دنلحكم بالسياره تعاي ، رجعت اركض عليه ..

شغل السياره و صعدت يمه اكل بيدي ، امدداني امدداني اني سبب والله اجت تريد تسهر وياي مارضيت ، اجت لعندي و طردتها ..

ضربت وجهي حيل ، اااخ شيفيد الندم ، راحت من اديه ، خابر بشار يساله وين ..

كله تعال مستشفى ال،***** الخاص ..

بس وصلنه كراج نزلت قبل ابو حمد اركض بتراك البيت وبلا نعال ..  ياارب والله بعد مازعلها تووبه بس ماتموت اضل من صدك وحدي ياارب اخذني اني ماكو اخد حيزعل عليه اصلا كلها تضوج مني ..

يارب هيه شافت من حياتها حتى تموت ، يارب ميرال تصلي وتحجبت هم ، لتتاخذها هيه خوش بنيه مو مثلي والله انته تعرفها ..

دخلت صاله الطوارى تخوف ، صوت ركض والارتباك يجفلك ..

مو بس احنه هواي ناس مرضه وعدها حاله طارئه ..

رجلها كاعد بالارض مصخم ساند نفسه لازم راسه و ملابسه مفحمه عليه ، وجه من جهه احمر دم عبالك محترك .. بشار كله صخام واكف  على صفحه مخصر ..

هزيت راسي بشار ميرال وين ..

همس بتعب .. جوه .

ماماتت مو ..

جوه كتلج اخذوها ماعرف ..

كعدت مهدود حيلي ، اديه ترجف ، وووين احنه هااا شلون صار هيج ، شجابج على نار ياميرال ، يارب ميرال تكول انته عادل ..

انته ترضها نار تاكل ميرال ، وين العدل من هالانسانه نظيفه تاكلها نار وتلهب بجسمها ، حسيت راح يغمى عليه جايه بجامه البيت ربع ردن ونعال طفر من رجلي من زكعت ، ايد انخت على رجلي ..

انداريت دانيال حجه جووه ديفحصوها ، 

همست اغلب عركاتي وياها انته سببها تدري لو لاا ..

سكت وجه تغير ..

هزيت راسي ، اجتني قبل ساعه كالت تعاي وياي نسهر بالحديقه وماقبل تعذرت اريد انام واني جذاابه جنت اريد اخابرك تالي من اتصلت عليك مااجاوبت .. فضلتك على اختي و تالي ماجاوبتني .

حجه جنت بالشغل ويه بيبر ..

نترت جذاااب ، فضلتك انته على اختي ، دنجا ابجي اكل بروحي ، ياايمه سوده عليه شجاني ماطلعت وياج للحديقه ..

-الرب يحفظج كان ممكن انتي مكانها او وياها ..

رفعت راسي يااريت والله يااريت اي والله ، كمت من مكاني انته ضليت تحش براسي عليها لحد ماتركت كعده وياها انته السبب ..

-همس تالااا اذا ماتت اختج كلشي يسجل باسمج كلشي يصير الج تدرين لو لا ..

-انداريت عليه ، فتحت عيوني ،  رد لا تردين بس فكرري ، البيت يسوه نص مليار اقل شي ، من عدا المحلات الصياغه .

تدرين اختج تاخذ الارباح و تتحولهم للبنك كبل ، سمعت بيبر اني يحجي ويه واحد يتفق على هالشي ، عندج خبر .. اكيد لااا …

ثروت ابوج كلها جوه ايدها و هيه مستخصره عليج طلعه و الفلس ، الرب يحبج تالاا فضلج عليها و هذا دليل شفتي شلون الرب عاقبها لان ماكله حقج .

بجيت هزيت راسي هيه مو هيج والله ...

حظني لا هيج تالاا انتي الطيبه زياده ، تدرين انسحبت فلوس قبل فتره من البنك من حساب ابوج ، مبلغ جبير الج علم ..

رفعت راسي مبلغ شنو ..

شفتي مالج علم تتصرف بكيفها هاي ، منا لمن تبلغين تلكيها هيه مفرغه حساب ابوج كله ومحولته الها و لمن تبلغين تردين حقج كلشي ماتلكين اختج مو فقيره مثل مامتخيله ..

غمضت عيوني بتعب دفعته عني وكعدت على صفحه ، كعد بصفي يريد يكمل …

قاطعته عيوني ليكدام مانداريت عليه ، انته مو تحبني ..

رد اي اكيد ..

معناها ورثي وحقي ماله لازم ، مو تريد نزوج ، نزوج وانته تصرف عليه موو التفتن عليه هز راسه اكيد ..

خلص اني ماريد شي من الورث ، يكفي عندي شخص يحبني ..

بس هذا حقج ..

هزيت راسي اني حقي بالحب ماحصلته عاد ضلت على الفلووس اني اصلا انولدت بلاحقوق بهل الدنياا ..

طلع دكتور من ردهه الطوارئ فز بيبر كام لحيله حجه بخووف هااا ..

رد حاليا داخله غيبوبه الدخان مالي الرئه ، عدها حروق دنحاول نسيطر عليها الله كريم ..

لزم دكتور اديه مصخمه ويرجف  :- انقلها تحتاج انلقها اخذها لاربيل اكدر انقلها ..

-رد مانصحك صراحه اتضل هنا افضل ،وضعها مو مستقر ، 

عافنه وراح، بشار اجه وياه ممرض حجه بيبر حروقك لا تتلوث …

اشر بعدين ..

يمعود لاا تتلوث خلي يلحك عليها هسه دقايق و يفضها .. اشر للمرض يله ..

كعدو على السديه خاليها على صفحه و شالو بقايا قميص مالته ضل بالفالينه هم ملجعه …

هو هم لايحته النار ، ايده اليمنه من جتفه لحد جف ايده ، صفحه من وجهه شوي ، رجله . الممرض شال الشاش ابيض و بلش يشيل جلد المحترك ..

منظر مايسر احد درت وجهي متألمه من يمي ، ياايمه شحالج لعد انتي ياميررال ، شسوت بيج النار ..

صبح الصبح وماكو رد يشفي الكلب ، كلها تردد جمله الرئه تعبانه بسبب الدخان ، و الحروق جاي تتعالج ..

خفت اي حيل والله احس دم ماضل بجسمي خفت لا تشوهت مستحيل تكدر تعيش بعد ، هي ضريره وناس تعير بيها برغم مالها يد بالموضوع فكيف لو تشوهت ..

شراح يخلصها من سم الناس والسانهم ، راح تموت على بطيى ، مددت على كراسي بصاله الانتظار ..

حسيت بشي اتخلاه فوكي ..

فتحت عيوني دانيال خله جاكيته يغطيني ..

ابتسم اخذج للبيت ترتاحين .

ماحجيت درت وجهي عنه .. وغمضت ارتاح شوي راسي يوجعني ..

فتحت عيوني على اصوات اقدام و كلام الممرضات فتحت عيوني ، الشمس طالعه ..

كمت بسرعه ، فازه انداريت دانيال يم رجليه كاعد حجه هاا شبيج ..

شكوو ..

شنوو ..

ميرال شبيها ..

مابيها شي بيبرس يمها بالغرفه .

كعدت ..

قبل نص ساعه بس ممنوع احد يدخل كوه دخل هو ..

كمت بسرعه توجهت لردهه الي بيها غرفتها دخلت فتحت الباب لكيت رجلها صاعد على سديه بصفها وخالها بحظنه ونايم يمها ..

تقرب اشوفها و جها مصخم و بي حمار كانو حروق ..

بجيت دخيلك يااارب دخيلك تقرب اشوف شبيها ، اديها ملفوفه بشاش ، خليت اديه على حلكي خفت اعيط واخرعها بجيت صامه حلكي يماا اخيتي يماا ..

شعرها يمن شعر الحلو نصه رايح دخيلك يااللهي دخيلك ياارب ، 

ابتعدت ماكدرت اوصلها بعد ، 

طلعت دايخه استندت على حايط ، وكعت قريب الباب ابجي ، وكف كبالي بشار حجه اااش اسكتي لاتكعد توه غفت اسكتي ..

كومي جرني يكومني ، وكفت ابجي اشهك ، تتعالج موو اطيب موو ، ميرال حساسه اذا احد كالها على الحروق تموت والله كلبها يوكف متتحمل  .

جرني حيل ااسكتي كاافي .. وكفني على صفحه يسال ، وين جانت شوداها على ااملحق هيه هااا ..

وكفت مو فاهمه امسح بوجهي شنوو ..

اختج ساعه ب١٢ باليل شوداها للملحق بهل اليل منو كالها روحي ..

شدراني كالت طالعه للحديقه  تجين كلت لاا وطلعت وره كم ساعه سمعت صياح وعياط بره بالحديقه من طلعت شفت الملحق مشتغل نار و صوت ميرال تعيط ..

عبالي بالحديقه هي بس دورت عليها مالكيتها من ركضت للملحق ،  من تقربت  صوتها جانت جوه ، حاجيتها من شباك الغرفه وردت تاكدت هيه جوه . بجيت جانت خاايفه خطيه جانت تصيح باسم نانه و اسم رجلها ..

وكف مخصر وجهه احمر ، ماشفتي احد قريب الملحق كبل لا توصلين ..

مادري مانتبهت جنت مندهشه ..

فرك وجه يستغفر ربه حجه دانيال جان موجود بوقت الحادث …

حجيت بستغراب .. مادري ..

شلون متدرين مو حظرتج عندج علاقه بي تردين تقنعيني ماتدرين بي موجود .

وربي مانتبهت على احد جان بالي بس ميرال ..

باوعلي بشمئزاز دفعني و حجه لاتوصلين ليمها عوفيها رجلها هو يحير بيها ابتعدي عنها انتي .. 

دمعتي وكعت شبيهم وياي هذول ..

كعدت على صفحه كارصه للظهر احس خلص راح افقد ، كلاص ماي ماشاربه حتى حلكي يبس وبردانه حيل المكيفات مشتغله ، خليت راسي على الحايط اسند جسمي ..

صوت السلام عليكم ..

انداريت ستار و عدي ، رديت هلاا ..

حجه عدي وجه باتجاه الردهه :- بيبرس وين ..

اشرت براسي بتعب  .. جووه بالغرفه ..

هز راسه :- مرته شلونها ..

دنجت ابجي محتركه و رأئتها تعبانه ..

اندار على دانيال وجه مكلوب جر نفس هز راسه  ، دار وجه عليه همس شكد.درجه الحروقها ..

مادري ماسالت .. ابتعد عني و توجه على دانيال  يحجي وياه ، دانيال وكف مرتبك يبالع بريكه..

ذاك عدي  ينتر  وياشر بيده ، دفعه لدانيال حيل ورده ليوره بعصبيه رفع اصابعه ماعرف شيكله .. ستار دخل بالنص يفزع وعيونه عليه مدري شكاللهم التفتو عليه اثنينهم و سكتو عافهم عدي  توجه لغرفه الاطباء ..

ستار وكف مخصر معصب من دانيال ماعرف شبيهم ويحجون .. 

ماخليت بالي ، جنت تعبانه مرهقه ، لل١٢  ظهر طفيت خلص ماكدرت اوكف اصلا ، طلع بيبر من غرفه و جه مكلوب وعيونه حمر دم ..

وجه مابي ملامح اشر لستار تعال ..

اجه يركض وجه اصفر ، حجه هاا ..

اشر بيبر شنو القصه من الاخر ولاتكول مادري ، اصكطك والله ..

بلع ريك وتقرب يهمس يم اذن بيبرس .. ذاك انكلب وجهه ازرك ، جر السويج من ايد ستار و ركض بره المستشفى ..

لحكه بشار ، من باب المستشفى اشوفه جر دانيال من ياخه قميصه وجره لبره .. و بشار جلب بيده يكله بالمستشفى احنه ..

ماعرف شمسوي متخبلين كلهم منه ، طبه مرض عفتهم ودخلت الها ..

نايمه ،  تقربت اتلمس وجها كون بيه ولا بيج ، بجيت ياارب شفائك العلاج منك .. مو من البشر .. كعدت على صفحه ماكدر الزم نفسي جمره تلجع بيه والله ، انمردت من داخل مرد ، 

راسي يريد ينفجر كثر مابجيت ، شعرها محترك جان يوصل لجوه ظهرها ، هذا يراله كص عزاا ويتعدل و حروق شلون هاي معقوله اطيب ..

اصابعها الحلوه ملفوفه بشاش ، تقربت حظنتها حيل ابوسها ، فاحت منها ريحته دخان ، ونت بالم ابتعدت كبل همست اذيتج لجمتج موو ..

فتحت عيونها ، 

ميرال هاي اني تالااا ..

رمشت بهدوء تون متالمه ..

تردين طبيب هااا تتوجعين ، اسفه مااقصد .. ركضت اصيح الدكتور ، دروت ماكوو دخلت لغرفه بيها مريض نوب فززته هو وعايلته حجت اسفه ااسفه ..

سديت الباب وركضت جوه بالردهات نوب تيهت .  ماندل اصيح دكتوور وينكم  ، تلكاني فراش ماعرف شنو لابس بدله لون ازرك ..

حجيت اشر بخوف عفيه  اريد دكتور اختي مريضه جوه كعدت تون ..

رد الرست حاليا عدهم وكت الغده شوفي بالاستعلامات ..

وين الاستعلامات ..

منا على ايدج اليمنه ..

طلعت ركض شفت ممرضه جلبت بيها عفيه اختي تون تعاي شووفيها ..

ياغرفه ..

ماعرف بس هي اسمها ميرال محتركه ..

كلهم حالتهم حروق هنا امي بيا غرفه ..

نترت شعررفني امشي شوفيها دتون من الالم جريتها من ايدها كووه اعت بيها وهي ترد على كييف شبيج ..

ركضت بيها لغرفه ميرال فتحت الباب وجفتت لان عدي واكف فوك راسها ماد ايده عليها ، اندار علينه متفاجى من دخلنه ابتعد عنها ورجع اديه بجيوبه ...

ونتر بالممرضه بنت صوتها طالع لبره الغرفه وينكم عنها هااا ..

ردت اعتذر بس مو موعد كعدتها هذا اصلا ..

- كابلوها واكعدو ما مدخليها خاص احنه حتى حظرتكم تغيبيون عنها ، حق مراقبه ٢٤ ساعه .. 

دفعها من جتفها حيل و طلع بره ، كعدت يمها و هيه تفحص بيها ، همست ميرال بيج شي شنو تحسين …
ماحجت بس مفتحه عيونها ماتحجي ..

سالت للممرضه بصوت ناصي اشرت الها ، الحروق تتعالج هاي موو ماتضل ..

ردت لا سطحيه الحروق ما لامست النسيج داخلي ، بس رجلها اي للاسف وهاي الا عمليه و يله ..

وجها ..

لا هذا طفيف ..

جريت نفس و الرئه ..

تعبانه من دخان ماشوفها على الجهاز تنفس ، 

شلون يعني ..

بالعلاج انشالله تتحسن حاله اختج ارحم من هواي حالات احمدو ربكم كتبلها عمر ..

سكتت كعدت قريب من ميرال خانسه ، طلعت وضليت اني ، همست ميرال شلونج ..

اندارت باتجاهي ، بعدت القناع الاوكسجين بهدوء كوه همست بتعب ..  نانه ..

تقربت شنوو شبيها نانه ترديها ..

هزت راسها  .. جيبي نانه..  

هاهيه باجر اروح الها بس كومي انتي اروح بنفسي ابوس رجلها والله واجيبها بس كومي انتي بجيت وبعد مازعلج هم والله توبه ..

دمعت عيوني ، همست كوه … هسه هسه ..

-ترديها هسه ..

رمشت اي رجعت القناع على خشمها تجر النفس كوه صدرها يصفر .. خليت ااقناع عدل بستها من كصتها يجي رجلج واروح اني على نانه تمام ..

سكتت خانسه بس مفتحه عيونها صدرها يصعد وينزل ، وين رجع رجلها مغير ملابسه و اديه ملفوفه بشاش وجه بلش مورم اثر الحرق ..

وكف عدي يحجي وياه دفعه مانطاه مجال ودخل عليه  نتر بيه حجه شسوين انتي هناا ..

كمت لحيلي فزيت ، نتر وين جنتي البارحه انتي هاا ..

مارديت خفت من نبرته ، صاح اطلعي برره بشار ودي هااي يله ..

طلعت بسرعه من يمه خايفه شبي وياي عزاا ..

رجعني بشار للبيت دخلت كبل ركض ، شفت الحديقه متروسه غراض محروكه وابو حمد مصخم يشيل بالغراض يطلعهم بره و اكو سياره حمل بيها شغلات محتركه ، 

الملحق داعي فحم ، رجف كلبي دخلت للفله كبل ، شافتني وسن حجت هاا اختج شلونها ..

مارديت عفتها و اتجهت كبل لغرفتي اصعد ..

صاحت وراي ديما .. تالاااا وينج شلونها ميرال ..

زينه ..

دخلت لغرفتي هيه وراي دفعت الباب ودخلت حجت شبيها حالتها شلونها ..

نترت ززينه ..

بجت خما بيها حرك قوي ..

رفعت راسي عليها عيونها حمر وجها اصفر ، وكفت عدل وجهي بهت شبيج تبجين انتي ..

شلون مابجي ام كلب الجبير هاي ، ام روح الطيبه راحت بالرجلين خطيه شذنبها كتلها مالج شغل عوفيهم وعيشي بسلام ماسمعت..

سالتها بستغراب ، شلون يعني ، شلون راحت بالرجلين .

سكتت تبالع بريكها ..

سالتها :- كادي وين ..

اشرت مااتت طلعوها فحم ، كزبر جسمي درت ظهري عليها حجيت اطلعي داغير ملابسي ..

حجت بيبر شكال ماحجه شي ..

نترت اطلعيي بره ..

حجت وجع حقيره طلعت وركعت الباب ، وكفت انزع و جسمي مبند ، غيرتهم و رحت غسلت لفيت شعري و نزلت ركض لابو حمد ..

كتله اريد اروح لام ساري وديني ..

مشغول وانا عمج مو شوفين ..

زين اطلبلي تكسي ..

ترحين وحدج عمي لا شنو القصه ..

اطلبلي تكسي لو اروح مشي والله ..

حجه هسه اشوفلج واحد من الولد ..

تالي الحارس اخذني ، دليته وصلني وكف بعيد عن البيت ، توه انزل لمحت ساري بالشارع وكفت مانزلت ..

شايل علاكه سوده و ملابسه مصخمه ومبهذل ، دمعت عيوني ، خليت ايدي على حلكي ، شسويت اني ، شعملت يااربي ..

شلون سوت بيهم هيج لو هو بعد روحي شحاله ابو كشخه حلوه هيج مبهذل ..

فززني حارس تنزلين ..

ماحاجيته جريت نفس ، شفته دخل للبيت ابو عبد خفت هو يفتح الباب ويطردني ..

فتحت الباب ونزلت ، كتله نص ساعه واجي مو تروح ..

توجهت للباب اديه ترجف ، حتى كصتي عركت ، عدلت شعري رجعته ليوره ، رفعت ايدي ادك الباب ..

تراجعت شكول الهم ارجعو ماجاي ندبر عيشتنه بلياكم ..

لو اني اسفه واتعرف بغلطي و احجيلها الي سويته من صخام بالوجه واعترف بجذبتي  ..

لو اكول ميرال تريدكم شلون تعوفونه واهلي مامنينه يمكم  . 

عضيت شفتي حيل دكيت الباب بسرعه بدون تردد ، دكيته مره ثانيه فتحت الباب مرته لابو عبد ..

بالاول ضلت صافنه بوجهي تكول تفضلي يماا بعدين ركزت حجت شايفتج اني وين ..

همست … اني تالاا  اخت ميرال جنه ساكنين وياكم قبل فتره طويله ، ويه نانه اجينه ..

فكت عيونها يااا عيوني يااهلا انتو الي جانت تشتغل حليمه عدهم موو ..

هزيت راسي اي هيه موجوده ..

ردت لا والله بالشغل بس ساري هناا ..

بلعت ريك ، اريدها اني وين تشتغل محتاجتها ..

والله ماندل وين تشتغل دتعال دخلي تعاي يمه جرتني دخلت ..

وجهي خارط من اافشله ، حجيت اكعدي هنا دضيفج .

رديت لاا والله لازم اشوف نانه ضروري ..

خير يما اختج بيها شي بيجن شي ..

دنجت راسي متوتره اجاني صوت فززني رفعت راسي حجه شبيها ميرال واكف مخصر يباوعلي بكره ..

فركت اديه متوتره نانه وين ..

اختج ووين ليش جايه انتي ميرال لعد وين شبيها ..

دمعت عيوني انهضمت حيل ،همست .. مريضه ..

رفع حواجبه فز شبيها هاا نزل من درجه عليه بسرعه شبيهاا هاا ..

رجعت ليوره احتركت ، 

صاح لااا شلوون ووين  انعل صفحتج انتي وين عنها ركض على الباب لحكته تعال و ديني لنانه ..

فتح الباب و كف اندار عليه ، شلون حتركت وين هيه هسه ..

بالمستشفى ..

انعل ابوكم لابوو شسويتو بيها انتي حقيره كله منج .. دفعني و مشه طلع للشارع ركضت وراه ..

اتجه للشارع الرائيسي ، واني وراه امشي ، يمشي سريع و يغلط ..

اندار عليه خازرني ، سكتت ماحاجيته .. 

دنجت امشي بسرعه وراه ، حجه شلونه الساقط مالتج ..
مارديت .. 

مو ويااج امنيه ..

رفعت نظري عليه وجهي بهت ، يباوعلي بعتب وكره ، بلعت ريك ..

حجيت وين نانه ..

تشتغل بمحل هنا ..

وصلنه قريب السوك ، حجه شلون احتركت ..

بالملحق احترك وهيه بنصه ، ضرب على كصته وووين انتي ووين عنها ..

شدراني جنت نايمه ، 

مشه حيل يهف عصبي ، دخل للمحل بسرعه يلهث ، من بعيد لمحت نانه واكفه ولابسه صدريه خاصه بالمحل ، لونها وردي وكفت خجلانه خايفه اتقدم .

وكفت هو اتجه عليها حجه وياها ،، هي جن هبطت وكع من ايدها خلاط ضربت على خدها مخترعه ..

ساري اشر عليه التفتت بسرعه ركضت باتجاهي .

شبيها اختج ولج ..

بالمستشفى .

شبيهاا شحركها يمااا شصار بيها ..

تريدج هيه كالت جيبيلي نانه ..

راحت ركض تذب ملابسها ، هو وكف يمي مخصر ، درت وجهي كوه لازمه دمعه ، هو شافني ماسال شبيج سال كبل عليها ، نانه شافتني حتى ماسالت عن احوالي لو حظنتني راحت مفزوعه تغير دتروح عليها ..

شنو فرق بينه ، مو تربينه اثنينه وياهم مو اشرفو على تربيتنه ليش هي غير عني ليش محد يحبني ، رفعت راسي على حجايته كل صار بيها انتي سببه تدرين ..

رفعت نظري عليه اريد ابجي ..

هز راسه بعدج هالكبر بيج كل هالسم من تكبرين بعد شراح يطلع منج ..

ليش تكرهني ليش متحبوني ..

بيج رس خبث ماشايفي ، يوم عن يوم تصدمينه ماجنتي هيج ابد ،

درت وجهي عنه مسحت طرف عيوني ، اجت نانه مستعجله تعدل بحجابها ، مشه كبالنه اني وراه ..

اخذنه تكسي للمستشفى طول الطريق ماحجو وياي ولا سالو عني ، لحد مانهضمت درت وجهي ابجي بسكوت ..

نزلنه وطلعو كبالي للمستشفى ، ضليت وراهم اسحل بنفسي كثر ماتعبت و جسمي نحل ماكدرت امشي ..

سالو الاستعلامات اني كعدت على صفحه دخت ، نوب مماكله ، رمشت بعيوني ، شافهم بيبر و حاجاهم خير ام ساري شو هنا ..

نشوف ميرال دزت علينه ..

رفع حواجبه شوكت هالحجي نايمه هيه ماتصحه منا لباجر ..

حجت نانه بخوف بس اشوفها ، هيه دزت عليه فدوه لعيونك اطمن بس ..

ممنوع دخله الها كتلج مو زين على حالتها ، 

زين من بعيد ، حجه ساري نشوفها من بعيد ماراح ندخل الها والله ..

ماحجه دار وجه ، اشر لبشار كله من وره جام يشوفوها ممنوع يوصلوها ..

ماخلاهم يدخلون عليها ، استغربت ، تصرفه ، مشو هم الها هو وراهم اشر لبشار عيونك عليهم ..

عقدت حواجبي شبي هذا انجلب علينه ، تقربت عليه كتله ميرال رادتهم من شوف نانه اكيد تطمن وترت….. قاطعني بنتره  ارجعي للبيت انتي ولاتتصرفين بكيفج  مره ثانيه يله .. 

رجعت ليوره خايفه ، اجت نانه تبجي و راها ساري وجه اصفر يباوع علينه بكره اني و رجلها ..

هف من يمنه بعصبيه وراه نانه تبجي باوعت على بيبرس ، حجت يماا امانه الله ورسوله هاي ليش هيج حالها …

رد حادث حادث حجيه خلي الولد يوصلوكم توكلوو ..

ردت شوكت تطلع من مستشفى ، ابقى هنا اني ..

رد لاا توكلي ، صاح بشار تعال و ديهم للبيتهم و اخذ تالا هم ..

انداريت عليه شبي هذا مثل جلب ، مو يدري بيها متعلقه بنانه مو جاي اكله هيه تريدها ، نوب منعنه نوصلها ..

رجعونه للبيت كوه ، البيت كئيب ممل مابي حتى صوت ..

وسن خانسه ماتركب يادةب تنظف ، و ديما بغرفتها ماتطلع .. عرفت بعدين ..  ام زياد متعاركه ويه بيبر طاردها و طالعه من الفله ، رايحه للبيت الثاني ، ديما تكول تمالخ وياها بنص الحديقه ماعرف على شنو ..

اول مره اشوفه يصيح ويعيط بوجها لحد ماعصبت وضلت تغلط سحبها رجلها ويريد يدخلها للفله ..

صح بيهم بيبر موو هنااا مالج ضله هناا ، كبل تاخذها وتسكنون البيت الثاني ممنوع توصلون ليمي ...

كادي سولها تقرير توفت بحريق ، و سبب الحريق تماس كهربائي ..

ياتماس هذا شو والله شميت ريحه نفط ماعرف بانزين بحيث الحياطين و الحديد جانت توج نار ، 

ماخلانه نوصل للمستشفى بعد كل ماكللهم مايقبلون ، بلشت امتحاناتي يادوب اقره بالي يمها شحالها هسه يربي جاي تتالم تبجي ماعرف ..

نانه خابرت سالت رديت عليها مادري مايقبل رجلها اوصل ، 

حجت شلون يعني صار كم يوم بالمستشفى شلون مايقبل عليش هو بكيفه ..

حجيت اروح وياج نشوفها ، اتلكاج على شارع نروح اني كلبي ماردني خاف بيها شي ..

اتفقت وياها وطلعت من البيت  وصلت للباب الخارجيه ، توه اطلع تلكاني حارس حجه وين .. 

رديت شعليك .

شنو شعليه ماكو طلعه هذا حجي المهندس مايقبل .

شو دوخر لخاطر الله امشي بكيفكم اني داحجي وجرني من ياختي حيل رجعني ليوره وصاح ارجعي لللج يله ، 

فزيت وكفت جامده يمااا شبيك ولك .

امشي منا يله رجعي جووه طلعه ماكوو منا لا دوخيني ..

فكيت عيوني .. صاحت وراي ديما خليها تطلع شبيك .

انداريت عليها واكفه بره شايله ابنها ، رد مو بكيفي اوامر المهندس هاي ..

ردت بعصبيه عليه صاحت :- تريد تشوف اختها شنو القصه تحبسوها مثلي يعني ..

ماحجه نطانه ظهره  و سد الباب و كف منطينه ظهره يغلس ..

رجعت عليها بسرعه بعصبيه نترت شبي هذااا شنو يردون يحبسوني يعني ، صار فتره اختي ماعرف شبيها . .

هزت راسها ماعرفتي،شنو القصه محد حجه شي كبالج بالمستشفى .. 

كلشي مافاهمه اني شبيهم هذول ويانه ..

هزت راسها جن اختج خلت نفسها بحفره بس الله يعلم بيها شكد نصحت وحجيت مافاد  .. 

#يتبع ...

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق

توقعاتكم ...

هاي الفديوات الي بالبيج ابداعات ام عبدالله ، وحتى التغشيشات هم ام عبدالله تدخلي خاص وطالب بيهم صراحه ماعرف ارد الها طلب ..

شفتي شلون 🙂 اني الجن ..

كل الهلا يعمري ، شكد احب اشوف عدنا متابعين عرب ،

😉 ولجن هاااا هاااا ...

شكلي من قريت تعليقات بعض البنات الي يكولن نحب سايكوو ، تعالن يمي شوو بالله .

دخل يلزكج براشدي يفر وجهج وحبي عود ..
خلي يعنفج ومايحترمج و يمكن توصل بي للقتل وحبي عووود ..

من يرزلج لو يهينج كبال الناس واهلج وبشاارع وحبي عووود ..

كلجن حبيباتي واخوواتي و صديقاتي كلامي نابع من حبي الله يشهد .. اتمنى مزعلون .