ليث :
من العصبية رحت كصيت التذكرة .. وادري بيني وبين نفسي ما اخليها تروح لو تموت
ردت اعاقبها تعبتني بهذا سلوبها
ومر اليوم والبعدة بعد ماكدرت كوة لازم نفسي عنها ما اتحمل نضرتها المكسورة
بس ردت يصيرالها درس حته تبطل تكلي ماريدك ..
لحد اليوم العصر اجتي وكلتلي احضني
وعاندت روحي كوة ورفضتها
صارلها اربع ايام تكول اهلي بيهم شي
حجيت وية وسام زعلان من ابوه
صارلة سبوع ميخابرهم
وهم بسببنا يريدنا نرجع وابوها رافض
ضليت حاير مادري شسوي
طلعنا فترينا شوية ورجعنا خذنا الطفلة ويانا ..
رجعنا المغرب
تعبت بس سويتلها ممة نامت بسرعة رحت نومتها بالغرفة الثانية
اباوع بيان ماكو
بعدهي ع نومتها
غافلت وسام ردت اروحلها اشرلي كلي تعال عوفها مو هسه
طكة ونص ومصخنة ولا تتخبل علينا وتكلي رجعني هسه
طبعاً سولفتلة من طلعنا
كتلة جتي حجت وياي بس ما قبلت
كلي زين سوي عوفها
ضليت حاير ساعة اللوم روحي واكول تحبني بس غارت وساعة اكول احسن خلي درس الها حته تتحكم بأعصابها مرت الخ ومتكوم تچوت
..
سويت نركيلة
كلت لوسام اخذها للصالة هسه اجي وراك
الحيوان شايل تلفونة ومدري شبيدة بعد
اجة شالها بعدة بالممر وكعدت من أيدة وتفلشت الشيشة
دين ما اضل براسي هنا ب المانيا كوة نلكاهن ومرات نوصيهن وشهر يلا يوصلن
وهو يضحك ولا يمة منا اعصابي تلفانة وهو نرفزني بضحتكة رحت عليه سكطتة سكط
لحد ما تعبت يلا عفتة
وبعدة يسخف ويصنف ويضحك
ضليت كاعد بالكاع ومدد رجلية ومخنوك للستار
اخر شي شسوي غصباًعني
كمت اجيب مكناسة الم الكزاز
هو ولا يمة تمدد ويباوع بتلفونة
بعدني باب المطبخ تلاكت ويايه طالعة من الغرفة فاتت من يمي
حجيت وياها من ورة خشمي دير بالج كزاز بالصالة لا دوسين عليه
ماباوعت عليه ولا سمعتني تمشي على كيف وصافنة ضفيرتها مكفشة من النوم شعرها نازل منا ومنا بيدها تلفونها وصافنه حته مترمش
لحكتها امشي وراها كلت يجوز حلمانة مثل ذاك اليوم
مشت داست ع الكزاز وطلعت كبل ركضت عليها وكفتها عتيتها من أيدها حيل
عطت بيها
مووووكتلج كزاااااز
ضلت واكفة وصافنة بوجهي
ما تحملت نضرتها حضنتها حيل
بس دفعتني بتعب وراحت لوسام
كعدت يمة وحجت بصوت يرجف
- وسام كتلوها ..
وسام ضل صافن بوجهي
رحت قرفصت يم رجليها واعدل بشعرها
- شبيج بنو حبيبي حلم حلم ماكو شي
باوعتلي بكسرة كالت ليث كتلوها والله
- مني الكتلوها شبيج يروحي شوو تعالي مصخنة شبيج
حضنتها
جرت روحها مني
نطتني تلفونها
فتحتة صارت الصورة كبالي
جان المنضر مرعب
ماكدرت اريد احجي ماكو ولا كلمة
المرسل جان النقيب فهد اسلام
جر التلفون من ايدي وسام
ارتبك حيل ايدة ترجف مسح الصورة بسرعة ويحجي سريع وبأرتباك
جذب جذب حبيبتي ماكو هيج شي هاي فهد الكلب مسويها هاي الصورة حتة يغثج
حاجتة وعيونها حمر مغوركة تعبانة كوة تفتح حلكها يابس
تفرك بأديها وحدة ب الخ كلتلة
- وسام كتلوها
كلها مو هية شبيج
عاطت بيه بصرخة
لك هاي ناضال هاي ماما هذا شعرها اعرفة
وسام ضل ساكت ويرجف كامت تبجي بصريخ كتلوها
مااااااتتتتت
ماتت
الزم بيدها واحضنها ولج اهدي جذب ماكو هيج شي هسه نخابر ونتأكد
متسمع احد بس تصرخ وترفس برجليها
حضنتها وافرك بيدها
ماكو هيج شي جذب ماماتت هذا فهد الكلب وسوالفة
وسام يصيح عليها كافي سكتي طبها مرض وموتتة الجلاب وهيه تتخبل بالزايد
وكامت تغلط عليه وعلى ابوها وعلى فهد
مدري شلون غافلني هذا الساقط وهية بحضني وصفكها راشدي قوي صوتة شك كلبي
وخرتها مني وكمت عليه هو يضرب بخبال واني اضرب فقدت
لحد ماعفتة ورجعت حضنتها
ضلت مسنحة نايمة على صدري ولازمة خدها وتشهك
كافي حبيبي شبيج
عطت بيه حيوان الله ياخذك شسسسسويت متكلي
خفت عليها هواي
كامتت متتجاوب وياي
حته بجي متبجي بس الشهكة وتطلع من نص كلبها بتعب وقهر
كمت جبت مي وصبيت على أديها
- بنو عمري ركزي وياي شبيج حبيبي معليج بالصورة هاي مو هيه ماكو شي لا سوين هيج
باوعتلي بتعب ماتت ليث ماتت كلة من وراي لو مامزوجة
لو كاعدة وساكتة
جان منهزمت
جان مكتلوها
تحجي هيج وهذا تخبل عليها يريد يجرها من حضني ويضربها واني لاف أدية عليها ثنين
- ولك كافي وسام بالخوة كافي تعبانه ماواعية ع التكولة اكعد
ماكو يفشر عليها ويسب يكلها لو رايحة انتي ويه صاحبها جان منهزمت موو ؟!
- تدفع بية وتبجي بصريخ وتحجي ويا
- ليش كتلها فهمني هاي طلاك وطلك فصل وفصلهم واخذ فلوس شعليه بيه
- لج ومنو كلج ابوي الكتلها الرجال ع فراش الموت من وراها الف مرض صار بيه
- لعد فهددددد شجابه بالصورة هااا شجابه اذا مو هوا ؟!
كام يحجي بعصبية ويبجي
- ااااي واذا ماكتلوها وطبها مرض هاي بنات عبد الحسن ثنينهن ماتن بس وحدة ماتت بشرف علمود اللكمة علمود تعيش ابنها والثانية ماتت بعار صخمت وجهنا
اشوفج تبجين عليها قسم بالله اموتج وراها هاي هيه جهنم وبأس المصير
- لك ماتتت تعرف شنو ماتت
- اي موتة الجلاب احسن غسلو عارهم شتردينهم يسون هاي مصير كل وحدة تغلط وهيج دمر رجلها و ولدها
وروح امي اموتج ورها اذا اشوفج تبجين عليها
ضليت ساعة اتوسل واحلف بيه يطلع وساعة اكوم اغلط واسب بيه
شلع كلبي يلا اخذ ملابسة مال دوام ولة
تمددت ع التخم بتعب ونامت وتشهك وهية نايمة
ع حطتي بقيت مكابلها وكاعد عيني متاخذ نوم كلساع امد ايدي واشوف حرارتها
صارت ترتفع شوية شوية
كمت سويتلها كمادات بمي البارد وماكو متنزل
اخر شي خابرت وسام ساعة ثنتين كتلة تعال يمعود حراتها متنزل لا يصير بيها شي
كال جايك جايك
عشر دقايق واجة شالها واخذها للمستشفى اليداوم بيه
بقيت يم الطفلة مطر ثلج مو مال اطلعها
ثنين ونص خابرني كال ماكو شي لا يضل بالك نزلو حرارتها وشكلولها مغذي
مكدرت عيني تاخذ نوم بعد بقيت حاضن البنية وصافن
ماعرف بشنو افكر والندم ياكل بكلبي
اجتني وكلتلي احضني تعبانه جانت ورفضتها
ااااخ من الثول المتكوم براسي ضلت تاكل بروحي هاي حجايتها
ثاني يوم الضهر اجوي سوة
الكانولة بعدهي بأيدها
فاتت كبل للغرفة بعد مطلعت منها
رحت وراها دكيت الباب مفتحتة
رجعت كعدت بالصالة وكلبي نار اريد اشوفها احجي وياها
التهيت وية الطفلة وسام نام
رحت سويتلها غدة وهم دكيت الباب مفتحة
وسام نايم بالصالة تعبان خفر وهم احسة مو على بعضة اول مرة اشوفة مكسور هيج بس يكابر الصار مو هين وصورة الجثة متروح من بالي مشوهين وجها تشوه حتة سنونها مشلعيهن يمكن
كلساع اتخيل شعرها الكلة تراب نفس شعر بيان ..
رحت تمددت بالغرفة مالتي محمد بعد ما اجة ولا خابر ولا مرتة رجعت ..
ساعة هيج عيني البيهت هدوء سنطة الضهرية
سمعت طكطة بالحمام
انتضرتها تطلع
طلعت
تمشي بهدوء واكف بصفها ومنتبهت لوجودي
مجلبة بالحايط تعبانة
سابحة ولافة المنشفة على راسها
دخلت للغرفة
دسد الباب جلبت بيه
دخلت وسديتة على كيف وقفلتة
شافتني ودارت وجها مني
كتلها شلون صرتي
محجت وياية بقت تنشف بشعرها بهدوء
- بياان
جاوبتني بنترة
- شتريد
- شبيج حبيبي تعبانة شيوجعج
- اي تعبانه وكلبي يوجعني حيل شسويلي عندك حل !!
- احضنج ؟
- هه امشي طلع ليث
اختنكت حيل وكوة لازم اعصابي ادري بيها حجايه وحدة بعد وتنهار
- بنو حبيبي اني شسويتلج ؟
- جيتك تعبانه وماحضنتني
- جنت مقهور منج
- اي وابقة مقهور اني بعد ماريدك
- لج دمرتيني كافي تكولين ماريدك كافي يروحي والعباس تفلشين كلبي
- ميهمني
- صرت ماهمج
- اي اصلا باجر رايحة
- ومنو يخليج ترحين
- مو بكيفك
اريد ارجع الابوية ما اتحمل اعيش وياك وبعد
- وبنتج ؟!!
- اخذها الك ماريدها
- هسه انتي تعبانه ارتاحي ونحجي يلا حبيبي بطلي هذا الخبال
- لاا تعبانه ولا شي اني ازوجتك حته اخلص من نضال وهاي نضال ماتت اريد ارجع الابوية
- اوك نرجع سوة
- انتتتتت متفهم داكولك ماريدك نجبرت عليك ما اتحملك ولا اتحمل بنتك ولا مرتك الثانية ولا صديقك الضربني كارهتكم كلكم رجعوني الابوي
- اهدي حبيبي ترجعين والله بس بلا هالجفص والله خلص كلبي نرجع سوة ونأجر
- ماااريدك والله ارجع الابوية وحدي خوش
كامت تصيح بصوت عالي والله ترجعوني والله
عاط وسام عليها واجاها يركض
ختلت وراي ومجلبة بتشيرتي
هو يهد عليها يريد يضربها نوب تشنج ضهري من الحركة الهواي ومن ضربات هذا الاثول البارحة
كوة واحد شاغت روحي
ضليت اتوسل بيه وسام كافي اخوي ضهري موتني ولك ماكدر اوكف بس خلي نحجي عوفها تعبانه يمعود مصدومة خلي شتحجي تحجي اني قابل معليك
ماكو يتهدد يروح منا ويجي منا ويريد يجرها من وراي ويحلف الا يرجعها باجر
لحد مافقدت اعصابي خليت أيدة على صدرة ودفعتة حيل وكعتة
- لككككككككك ساقط هاي التمد ايدك عليها مرتي لك ايدك اكسرها الك والله
- انت ماعندك كرامة دتكولك ماريدك
- ااااي ماعندي مالك شغل اطلع
عاط عليها لج بالقران افصم ضهرج
وهية تبجي وتناشغ بصوت عالي رجعني لبابا
بس هالحجايتين بلسانها
دفعتة كوة وطلعتة وسديت الباب
ضليت واكف ومرتاج ع الحايط ضهري موتني فدنوب
وهيه كاعدة بالكاع وتحاول تسكت متبجي بس الشهكة بعدهي بيها وتمشط بشعرها حيل كطعتة أيدها ترجف قوي
ومتباوعلي
آلم ضهري زاد وماكدر اكعد بالكاع اصلاً حتة ما اكدر أدنگ
بس ضغطت على روحي كوة
تمشيت على كيف
رحت كعدت وراها
- نطيني المشط بيان
- مانطي ماريد
- حبيبي كطعتي نطيني مو هيج اني امشطلج
- روح ليث
مديت ايدي واخذت المشط غصباً عنها
ضلت ساكته تقربت عليها شعرها صار كلة بحضني كمت امشط بيه على كيف بقت هادئة متتحرك ..
ضليت امشط بيه لحد ما خلصتة طويل ويتعب هاي شلون تمشطة وحدها ماعرف
كملت خليت المشط بالكاع قربتها علية وحضنتها بقيت اشم بشعرها وركبتها من ورة
كلشي بيه متغير مو هية نفسها صارت حجارة بس صافنة ماكو اي ردة فعل
حتة مدفعتني ووخرتني منها كاعدة على حطتها متتحرك
ابتعدت عنها
چلبت بالميز كوة وكفت مديتلها أيدي سحبتها وكفتها بصفي
- بيان
- هااه
- احبج
- ماريدك
- ليش
- باجر اروح
- ترحين وانتي زعلانة مني
- اي
- وبدون متكوليلي شسويتلج
- اااي
- ليش هيج .. هذا اليحبج هيج دوسين على كلبة هذا الشخص الواكف كدامج هذا نتيجة افعالج كل تصرف اسوي انتي التكولي ليث نطلك كتلج اوك ليث منطلك كتلج اوك
ليث طلكها الها ليث لا تشتغل عوفها فهميني شنو الشي الطلبتي مني وسويت عكسة شنو السويتة وزعلج مني وهيج كارهتني
- ماحضنتني
ضحكت بداخلي ع البرائة والفطارية العندها جنت احجيها بعتب
وهيه ضايجة وحازة بكلبها لأن ما حضنتها حسيت وحده عمرها خمس سنين واكفة كدامي ..
حجيتها بصوت ناصي
- احضنج هسة ؟!!
- لا
- لج بيان طك كلبي صار سبوع مفاركتني
- ورح اعوفك اكثر
- اااموت
- ميهمني
جريتها بحضني حيل وحضنتها بقت تدفع وتضرب بية
ماعفتها
لحد ماهدت ورفعت أديها على كيف وخلتهن على ركبتي حضنتي قوي وتبجي بشهكة
خليت راسي بركبتها ماكدرت بعد دموعي نزلت
- لج بيااان اريدج
احبج والله
لج عايش على الله وعليج انتي سعادتي وفرحتي ليش هيج ليش تنهزمين مني اذا اني ما اشيل تعبج واكف وياج منو الرح يسندج
- ماريدك اريد ارجع الابوية
- وياقوتة شنو ذنبها
- ماريدها بالبداية جنت مقررة اربيها وحدي واتحمل كلشي علمودها بس ماكدر الشغلات المريت بيها جان عبالي هاي محطات من حياتي فترة وتعدي بس الضاهر مراح تعدي ورح ابقة تعبانة وكلبي مكسور ماعندي طاقة بعد
من جانت بطني ردت اموتها حته متعيش العشتة ولا شوف امها تتعذب كدامها
- بيان فترة تعدي والله اني سندج واني قوتج نربيها سوة طفلة صغيرة ومحتاجتج حرام عليج الدسوي
- مو حرام انت ابوها وبقيها يمك وربيها لا ترجعها للعراق ازوج وحدة تساعدك ارجع لذيج الذابحة نفسها عليك سوي اي شي اني مالي شغل
ماكدرت بعد اعصابي تلفت لزمتها من وجها حيل وحجيت بعصبية
ولج ادبسزز شهل الصلافة العندج شلون تكدرين تحجين هيج
دفعتني بتعب وتباوع علية تبجي
بيان سمعيني زين
بالعباس ابو فاضل اذا رحتي وعفتي هالطفلة ما اخليج تشوفيها لو تتكطعين وصل وصل صورة ما اخليج تلمحيلها
- اااي ماريدها وماريدك
عطت بيها
- لج ليش هيج بلا اني تعودت طبني مرض موجديدة منو الاتعلق بيها وانطيها كلبي دوس علية وعلى عشيرتي وتذلني
بس هاااي طفلة شذنبها ليش تحرميها منج وانتي عايشة لج مو هذا وسام رجال وشكبرة وكلما يصفن لو يكعد وحدة يكعد يبجي وينوح على امة
ليش تردين تعوفيها ولخاطر منو هيج متهدمة ورح تموتين نفسج
نضال !!!
لج مو باعتج لصاحبها مو دزت صورج
حجيت هيج وهية تخبلت ماضل شي يمها ماشمرتة علية ماضل شي ماكسرتة
بقيت واكف بمكاني وهيه تضرب وتدفع
لحد ما تعبت ضلت تضربني بفهاوة وتباوعلي بكسرة وقهر
نضرتها عيونها السانها عصبيتها شي ميشبه شي
جريتها بحضني
وحضنتها قوي
- امشي اطلع
- ااااااش كافي ادبسزز
- اروح والله واعوفك بسيطة
- روحي ولي شسويلج بعد تعبت
- اااي اروح
- حضنيني
- وخر
- حضنيني الاخر مرة و ولي
لو مرة وحدة نطي حق كلبي الاغبر الحبج وتعلق بيج
حضنتني بلهفة وتبجي بقهر
رحت تمددت ع الجرباية وجريتها علية حضنتها قوي
- بيان
- هااه
- هاي اخر مرة تنامين بحضني بعد اني الماريدج تعبتيني
- ولا تريدني شسسسويلك
- بعد مشوفيني
بجت حيل
- اااي ماريد اشوفك
- اوك نامي يلا
ضمت راسها بحضني ونامت بتعب
نص ساعة هيج وسمعت الطفلة تبجي
ردت اسحب روحي واكوملها جلبت بتشيرتي وتبجي وتحجي وهية نايمة مافهتم شدكول بس بقيت حاضنه
والطفلة ما سكتت
لحد ما كاملها وسام سوالها ممة يمكن
...
بقيت حاضنها بقهر ساعة السولف وياها ساعة اعاتبها ساعة ابجي على حضي المصخم
بقيت ابوس بيها وبوجها وبركبتها وبأديها
نايمة حرام اذا تتحرك
ضليت شابكها حيل لحد ماغفيت على ريحة شعرها ..
مافزيت الا من أذن الصبح
سحبت روحي على كيف وطلعت
توضيت وصليت وهلمرة ماعرف بشنو ادعي بس ردت الله يبرد كلبها وترتاح حته لو بعيدة عنة
بقيت ع كعدتي ع المصلايه وصافن
وشوية وسمعت حركة بالصالة وسام يحجي وياها بعصبيه بس بصوت ناصي
ماكو عشر دقايق
اجة دك الباب علية
كلي سيد افتح الباب
ضليت كعدتي ما تحركت
كلي رايحين .. عود انتضرني اخابرك
سكتت مجاوبتة
سمعت صوت باب الشقة نطبك
كمت بيه مابية شربت مسكنات من الآلم موتني
واني ممصدك الديصير
معقولة سوتها وراحت عافت بنتها !
من الصدمة الطفلة يمي جانت بالغرفة والغرفة مقفولة رحت ادور واشيل بالبطانية اكول خاف اخذتها
لكيتها نايمة وفاتحة أديها
نفس النومة نفس الحلك والخشم تقربت شلتها وابوس واحضن بيها حيل
فزت كامت تبجي
خذتلها غسلتها واحجي وياها
هسه ترجع
جذابة متعوفج
هيه بطنها مفتوحة وشبعت كوم ضرب وماعافتج
تعوفج هسه قابل
الطفلة تباوع عليه وتناغي عبالك تفتهم شدا ااحجي
وسام معلمها بس احد يشيلها لو يلزم أديها تضل تناغي وتضحك وتحرك برجليها تريد تلعب
غيرتلها وسويتلها ممة رضعت
ضلت تلعب وتحرك برجليها تريد تنكلب
رجعتها لمكانها
وهم مرت الخ تريد تنكلب
خرب ابوج شهل الوكاحة
تباوع علية وتضحك
واني مكابلها وابجي مخنوووك حيل ليش هيج دصير
اني مو حالف ما ابجي على مرة بعد ..
لا بس هلمرة صدك
شغلتها التلفزيون على هاي القناة التحبها مال اغاني اطفال
ضليت افتر بالبيت مادري شدور ومادري شمضيع
رحت للغرفة امشي على كيف
فتحتها بعدهي بيها ريحتها بعدهي على حطتها مال البارحة بس لامة الغراض المكسورة ومنضفة الكاع
ثوبها الجانت لابستة البارحة عايفتة ع الكرسي
تلفونها ع الرف مال جرباية وكلاتها ع الطول بركبتها هم يم التلفون
هاي صدك تحجي !!!
لابتوب عايفتة ع الشحن
كنتورها بعدة على تسفيطتة مماخذة ولا شي ملابسها اعرفهن كلهن ع حطتهن
الجنطة مال سفر بمكانها
ضليت ادور مثل المخبل واحجي وية روحي
كولشي بمكانه مكياجها غراضها مماخذة ولا شي
عفت كولشي على حطتة
بس قفلت تلفونها ورجعتة لمكانة ..
وطلعت من الغرفة طلعت المفتاح وياي وقفلتها الغرفة من برة
الباب شلع كلبي يلا نقفل
ضميت المفتاح
ورحت يم هاي الفصمة لكيتها نايمة
طفيت التلفزيون وتمددت يمها بفراش وسام
وسالفة تاخذني وسالفة تجيبني
ليش عفتي غراضج كلهن بس يلا بنتج عفتيها ضلت عليهن
شجاج هيج تغيرتي شجاج متكوليلي لج مو جنتي تحلفيني ما اعوفج شو انتي العفتيني ليش رحتي ليش هالحزن هذا كلة وعلمود منو
لج لوجانت تحبج وتخاف عليج شجان سويتي ..
ضليت احجي ويه روحي واعاتبها وهيه مو يمي ماكو بحضني غير المخدة دافن وجهي بيها اتخيلها هية
بقيت هيج لحد ما نمت
————————-
عائدة من خطوات خاطئة احمل تعب الطريق كله معي ..
بيان :
وصلنا مطار بغداد المغرب
وسام ميحجي وياي بس جان مو بالي امشي وصافنة وهو حاضني من جتفي كلساع ويزمخ بية تعالي منا روحي منا
بس صافنة بالي مو يمة
ما ويانة لا جنط ولاشي
طلعنا بسرعة
وكف تكسي صعد هو بالصدر
وصعدت اني ليورة
نطا عنوان بيتنا الابو التكسي
كتلة لا عمو اخذني للزعفرانية
صك على سنانة وسام
وخنرز علية صااح بياااااااااان
ضليت ابجي واحجي وية ابو التكسي وانطي العنوان
الرجال خاف عبالة وسام خاطفني
نجبر وسام يسكت
شغل وطلع وصلنا بقيت اوصفلة وسام ساكت لحد ما وصلني لبيت جدي بيت خوالي
نزلت وحدي كارهتة حتة ما كتلة باي
ولا هو نزل وصلني بقة بالسيارة
نزلت وحدي
حركو همة وطلعو
دكيت الباب ومترردة
فتحتلي خالي الزغير تحسين ضل صافن بوجهي واني ساكته وخايفة منهم حيل
صار هواي مكاطعينهم من سالفة الفصل الصارت للعلم جانو همه وابوية روح بالروح
فتحلي أديه وتقدم ب اتجاهي
شبكته بجة ومسح دموعة بسرعة
- شونج خالو حبيبتي شجاج وين بنتج وين رجلج ياهو الوصلج
- بس ابجي بخلسة واباوع عليه
- تعاي خالو تعاي منو وصلج
- كوة حجيتها كتلة وسام .. اجيت اشوف بيبي
كلي اي هاي كاعدة زينه مابيه شي دومها تسولف بيج والله وتسألنا عليج
اخذني للغرفتها
رحت شبكتها حييييييييييل ذبيت روحي بحضنها وابجي
لبست ناضرتها وتباوعلي بتعب
ولج منو أنتي يمة
ولك تحسين يمة هاي هبة لو عيوني تجذب
بجة بقهر كلها لا يمة هاي بانة بنت اسلام
حتة ميكول بنت نضال بجيت حيل
سميني بانة
ولج بانة انتي
هزيتلها راسي اي شبكتني حيل وتبجي بحسرة ولج شجاجبج حبيبتي وليش كطعتي بية
صدك صارت عندج بنية وينها ؟
تحجي وياي واني ختنكت متت ماكدرت اجاوبهم ولا كلمة
ضلت شابكتني وتبوس بيه وتمسح على ضهري
مشوف نضرها مو هلكد كلساع تمسح عيونها وترجع تلبس النضارة وتشبكني
شوية وطب خالي الجبير سليم ويصيح وهو بالطرمة شعندها بنت اسلام جاية شيريد ابوج شنو العدنا بعد ما اخذه هاي كعدنا ع الحديدة ضليت لامة روحي وره حضن بيبي وارجف بخوفة
كام خالي تحسين وكف كباله ويأشرله يعضلة شفة يكلة اسكت مدري شبيها تعبانه
سكت وضل يباوع علية بقلق
نوب حجة بهدوء بهدوء
همة اصلهم انبار لهجتهم لهجتهم تختلف عن لهجتنا صارلهم سنين بغداد وماتغيرو بقو نفس ما همة
- كلي ول ابوية تعالي هين تعاي احبج
كمتلة ومترددة
تقدم علية وهو شبكني وباسني براسي ويباوع بوجهي ويرجع يشبكني ويحجي بينه وبين روحة ياااهبة ياخوية
ولج خالي شكد تشبهينا
ضليت ساكتة ومدنكة
كعدو كلهم
بيت بيبي قديم وصغير بنائة بسيط وحته مابيه غراض هواي بس زولية وعليها مدة صغيرة وجرباية بيبي الكاعدة عليها
كعدو كلهم داير ميدور بيبي وصافنين علية منتضريني احجي
كلي خالي تحسين شعجب ابوج جابج
كتلة ابوي ميدري هاي جيتي من المطار جنت ب المانيا
كلي خالي الجبير بنترة عبالة مسوية شي
وبنتج ورجلج
كتلة بقة هناك بنتي ماصرت الها التأشيرة جيت بس اني وسام سبوع ونرجع
حضنتني بيبي كالت هلا بيج يبعد كلبي
ابتسمتلها بتعب
جانت لابسة اسود
حجة خالي بقهر كال الدايح ما نزل وكال اسلم على خالي حبوبتي واشوفهم شلونهم
ضليت ساكتة
همة هم كلهم بقو ساكتين ابد ما حجو بشي يخص نضال
خالي الزغير عمرة ٣٥ سنة وبعدة ليهسة ممزوج
وبس خالي الجبير وعازل بيت كابلهم
شوية وجتي مرة خالي وبناتها وجنتها
هم سلمت علية وشبكتني حيل مبينة مقهورة علية تباوعلي وعيونها مدمعة دنكت حاولت اسوي الموضوع طبيعي بس مو بيدي حته مابية حيل انطق حرف
هنه حبابات بس اني جنت ما اختلط ولا معاشرتهم
حته البنات هاي التجيبلي دشادشة وهاي الخذتني للحمام
سبحت وبدلت رجعت كعدت يم بيبي
شوية ومرت خالي اجت وجايبة صينة من بيتهم بيها اشكال واللوان وخالي تحسين هم طلب من برة
نترست السفرة وكلهم التمو
مماكلة من يومين ماحاطة لكمة بحلكي
ضليت كاعدة يم بيبي وهيه خطيه أيدها ترجف ومتشوف وتفلس باللحم وتخلي كدامي وتحلفني اكل
وخوالي منطلقين ويسولفون نفس طبع وسام نسخة
بالي وتركيزي مو يمهم يم روحي العفتها هناك دتبجي نايمة هسه
مادري شنو البراسي وشنو الاريدة اجيت مناك لهنا حته بس اشوف دفنوها شمروها اشوف وين كتلوها
ومنو الكتها حته لو محد اخذني اني اروح ادور عليها
بس ما اكدر اتجرء واجيب طاريها همة رغم الحزن المغيم على كلوبهم بس محد يفتح الموضوع ولا احد يجيب كلمة ابددددد حته يكولون بنت اسلام مو نضال وهو ابوية لعب بيهم لعب بهذلهم باعو نص حلالهم من وراه
ماكدرت احط لكمة بحلكي تضل الخاشوكة بيدي اودي التمن منا واجيبة منا وبيدي كلاص المي اشرب بيه
كملو كاامن البنات يلمن السفرة ردت اكوم وياهن ماقبلت مرت خالي كالت لاكعدي
ضليت كاعدة يم بيبي
شوية وكتلها خالة اريد اغسل وخانكتني العبرة
كالت اي تعاي وياي
كمت رحت للحمام ما تحملت بجيت حيل
ضلت تبجي على بجيتي وحاطة الحجاب على وجها
- خالة فدوة وين امي
- بجت حيل كالت يكلبي شلج بهل السالفة والله خوالج صايرين نار دير بالج تحجين يمهم
- والله ما احجي بس كليلي وينها
- دفنوها حبيبتي دفونها اليوم الها الثالث صليلها الوحشة ادعيلها الله يغفرلها هم خطية هية نضحك عليها
- وين لكوها
- اخوج فهد لاكيها والله مادري وين وهو جابها لخالج سليم
احجي واشهك وهيه سد بحلكي وشابكتني وتمسح على راسي خاف يسمعونا
- زين شفتيها انتي
- ولا ومحمد ما شفتها نهبطنا كلنا خالج جر سلاحة وطلع يركض بساع بساع صعدو بالسيارة وحركو
- زين وين شمروها
- ماشمروها حبيبتي كلبي اهدي والله دفنوها بس مو وياهم بمكبرتهم
- بروح النبي اخذني الها
- ولج ماندل بعيد وين اخذج
- حلفتج
- ولج خالج يهجم الدنيا على راسنا
- نروح بس اني وياج والله فدوة اروحلج
ضلت تباوع علية بحيرة
ثاني يوم قنعت خالي على اساس تاخذني لاختها تعرف شيخ يقرة علية لان تعبانة ويسويلي رقية اقتنع خالي وكال روحن
طلعنا الضهرية اخذنا تكسي ضلت توصفلة وتسأل ابو التكسي كلها ندليت ندليت
خذنا منا ويجبنا منا طببنا بفروع وزواغير
منطقة مهجورة ماكو بس الزبل وبيوت ما مبينة بيها كلهم ع النص ومتروكة
سألنا ع مكبرة
كال اي ندليت
وصلنا وضلينا صافنين هواي كبور والمكان يخوف مهجور هيمة بس الترابة شوية وطلع ولد شاب سألتة مرت خالي ع مرة دفنوها قبل تلث ايام
ضل يياوع علينا بشك عبالة دنسوي سحورة
جنت لابسة دشداشة سودة من بنت خالي وفوكها جبة هيج مفتوحة وشال شامرته بدون مالفة كصيبتي من ورة كلها طالعة
ماقبل يدلينا ضليت ابجي بقهر واتوسل بيه
أمي هاي والله أمي بس اريد اشوفها
نقهر علية كلي تعاي وراي
رحنا مشينا وكفنا يم كبر بعدة تراب ومحوطينا بطابوكات زغار وعليه شاهد خشب
اشرلي بيدة هاي هنا
رجلية ماشالني بعد شمرت روحي ع التراب وكعدت ع ركبي
ماكوصورة كبالي غير من جنت اضربها وادفعها واكلها وين ما اشوف كبرج اتفل عليه
ضليت نايمة ومتمددة وية كبرها
ماما ..
نضال كعدي ..
ليش هيج لعبتي بروحج ولعبتي بية
ولج خاف انتي هسه متي موتة وحدة ولج تدرين شكم موته متت من يوم العفتيني ورحتي وياه
مو كتلج ميحبج مو كتلج يضحك عليج ليييييييش ماصدكتيني
دسمعيني موووو؟!!!!!!!
ادري بيج سمعيني بس هلمرة متكدرين تطبكين الباب وجهي
ليش هيج لعبتي بروحج
ليش دمرتي نفسج ودمرتيني وياج
ماكبرت اني نضال ماكبرت بعدني الطفلة المتتحمل مسؤلية
اني هم عفت بنتي
وهم عفت رجلي مريض والدمعة بعينة
نفس ما انتي سويتي
اجيتج مناك لهنا عبالي من الكاج ابجي واصرخ وتبرد النار البداخلي
بعدهي الحركة البكلبي مدتطفة كليلي شسووووي
كمت اشيل بالتراب واذب على راسي واحفر بأديه بخبال
كومي طلعلي كومي احجي وياي فهميني شسوي وارتاح
كوووومي كعدي كووومي
تخبلت حيل ضلت مرت خالي جر بية وتبجي ولج خالة حرام كعدي هذا قدر ربج
ضليت كاعدة بالتراب ومرت خالي متربعة وتهدي بيه وتلزم بأيدي اهدي يروحي ااااهدي مايصلح
كمت ابجي بصريخ حته صوتي طبك اصيح حيل اريدها تسمعني وهية جوة التراب
- خالة من وراها عفت بنتي
خالة من وراها اني ضايعة وماعرف شريد
لحد ذاك اليوم اني عندي امل اشوفها واحجي وياها واكلها ليش هيج دمرتيني
ماتتتت
ماتتتت بعد
اااامي ماتتتت
رجعت تمددت بصفها
كمت ابجي بهدوء واحجي وياها
جنت اتمنى تحضنيني وتنوميني يمج تشورين علية اسمع نصيحة حجاية حلوة منج
اتمنى اكلج احبج
بس شيفيد بعد شييييفيد فهميني انتي رح تبقين نايمة هنا وبيان تكوم تخلص البقة من عمرها الحياة تكفخ بية تجيبني منا وتوديني منا
خليني نايمة يمج
خليني
ضليت حاضنة الكبر ومتمددة يمها بالتراب
ساعة اعاتبها واللوم بيها وساعة ابجي عليها واكلها منو سوة بيج هيج منو شوه وجهج
وين جنتي نايمة هنا هناك منو الكتلج فهددد مو
ليش هيج
ليش بهل الطريقة هاااي
شعرج غسلو من التراب لو هيج دفنوج
كومي حاجيني
رجعت كمت احفر بالكبر
كومي اني اغسلة خلص مسامحتج بس كومي اعتذري من ابوي ورجعيلة خلي نرجع سوة
صارت عندج حفيدة تخبل تضحك وتلعب
كومي شوفيها
رجعت نمت يمها
مرت خالي تكوم بية وتحلفني اهدءء وتحجي وياي واني بالي مو يمها
اجة الولد الشفنا قبل شوية لزمني من أدية وكومني
مرت خالي تنفض بالتراب من ملابسي وشعري
اجرنا تكسي وصعدنا
اخذتني على بيت اختها لازمتني وتمشي بية على كيف
تلكتنا اختها ومهبوطة
نطتني ملابس من عدهم
اخذتني وتحلف بية خالة فدوة اروحلج سبحي لا خالج يشوفنا ويكلي الدنيا على راسنا هسه يعرف اخذتج الها
كومي حبيبة كومي
كمت بية ماليه غسلت شعري من التراب ونشفتة
نطتني ملابس من عدهم
بدلت وطلعت ضليت كاعدة ع التخم ومبهوتة روحي وصوتي مطبك من العياط
جتي بنية بعمري سلمت علينا وتباوع علية بقهر
امها ضلت كاعدة يمنا
شوية واجتي البنية جابت ضيافة كعك وكبچينو
نوب كامت جابتلي لفة وعصير وتحلف بية الا اكلهن
اكلتهن كوة علية نطتني حباية مال وجع راس شربتها
صحصت شوية بقن يحجن وياي ويصبرني
سألتني المرية خالة ليش عفتي رجلج وهو اجة مناك لهناك علمودج وليش عفتي بنتج
كتلها تعاركنا اصلا من قبل متموت نضال وحجزلي تذكرة وردت ارجع
كالت ليش تعاركتو والمرة والرجال كلشي يصير بينهم مايصير من اقل حجاية وترجعين
كتلها ماتحملت العيشة ويا مزوج وماعندة فلوس يطلكها
غير هيج هو حباب وياية حيل
كالت خالة اذا حباب وياج ومايريدها شعليج بيها
البنية كالت لا يستاهل تعوفة
اسمها ايمان
كلتلها ايمان سكتي حقيرة مالج شغل
باوعت علية وحجت بصوت ناصي خيولي لاضوجين عليه هذا واحد جذاب لو يريد يخلق فلوس من جوة الكاع ويطلكها
ابتسمت بوجها بتعب ودنكت
بقينا كاعدين شوية
نوب كلتلي نطيني رقمج
كتلها ماعندي تلفون عفتة هناك
كتبتلي رقمها بورقة وخلتة بجنطتي حبابة حيل
شوية وكمنا رجعنا وصلنا ابنهم
طبيت ضليت يم بيبي
دنيا مغرب
كاعدة على جربايتها وتردد باية الكرسي
ضليت حاطة ايد على واشهك بسكته وصافنة عليها هاي الاية ليث يقراها على ياقوتة من تكوم تبجي ومتسكت لحد متهدء
تمنية يمي ويقرها علية وانام على ايدة
وعبالك حست بية ندارت علية وحضنتي وضلت تقرة ادعية على راسي
تمددت يمها على جربايتها وغفيت
جتي مرة خالي جايبة ماعون بيه عشة كلت لبيبي من تكعد خلي تاكل
ضليت على نومتي
ما تحركت بيبي هم ساعة هيج واجتي تمددت بصفي ونامت
ضليت اغفة اغفة وافر على صوت ياقوتة اكوم بعيوني النعاس اريد اسويلها ممة
افز اضل صافنة لحد ما اصحصح زين يلا استوعب الي صار
رجعت كوة نمت
كعدت بالخمسة على صوت بيبي كامت للصلاة
كومتي كالت كومي حبوبة كومي صلي
كمت توضيت وصليت
ضلينا كاعدين اني وياها
وسولفلي سوالفها حلوة متخلص وكلهن يهدن ويسكنن الكلب
بقيت كاعدة وياها كمت سويتلها ريوك ونطيتها علاج
رحت دكيت الباب ع خالو تحسين كتلة خالو اخذني وصلني اشوف اهلي
كلي ادللي شوية واجيج
ضليت كاعدة يم بيبي
قبل ما اطلع
يلا حجت كالت يمة انتي بنتي حته لو امج ما برتني واعز من الولد ولد الولد
بجيت حيل شبكتها
طلعنا وصلني خالو يم الباب وراح ما قبل ينزل كلي شوكت ما تردينا دكيلي تلفون واني يمج
هزيتلة راسي ورحت
دكيت الباب الساعة بثمانية الصبح
اسمع صوت الصوندة والماطور
اكيد هاي امل متكعد بس تنضف ماكو غيرها
رجعت دكيت الباب حيل
فتحتليا تمشي على كيف اول شافتني
شهكت
ولج بطة شجابج
شبكتها حيل حجايه وحدة ماكدر احجب بس شابكتها واناشغ وابجي
وهيه تخبلت عليه
وكامت دك على صدرها
ولج شحالج رجلج وين بتج وين شصاير احجي
ضليت احلفلها والله زينين مابيهم شي اجيت وحدي
ماصدك
بعدني بالباب ميت دين حلفتلها بيه زينين مابيهم شي
عفتها وراي وطبيت للبيت للغرفة ابوية ادور بلهفة عليه وبنفس الوكت خايفة يضربني
وهيه وراي صيح مو هنا مو هنا
- وينه لعد
- اجة عليه صاحبة وراح
- يمة احجي الصدك وينه ياصاحب هذا اليجي من الصبح
بجت وحجت بكسرة
كالت بالمستشفى
- شبيه
- كلبة تعبان فد نوب
بعدنا دنحجي ودخل احمد وامير
ضلو مصدومين ويباعون علية
رحتلهم بثكل تعبانه شبكوني ثنينهم
امير كلم يبجي
واحمد يدور على ياقوتة وفرحان ويضحك
كلتله امل مجابته
زمخ علية بتج وين ليش ماجايبتها
سولفتلهم مختصر كتلهم تعاركنا ورجعت البارحة
وين جنتي كالو
كتلهم يم خوالي
احمد بعدة يحجي وياي ويخابر ع وسام
كام يعيط عليه ويكلة شبيها اختك وليش شمرتها ورحت
اسمعة يصيح ويكلة مو موتت روحها تريد تندل كبر نضال هاي جبتها حته بتها عافتها
سد التلفون احمد ويباوع علية بصدمة
- بطة نضال ماتت !!!!
هزيتلة راسي وبجيت بخنكة
امل لطمت ع صدرها
صاح بياها امير وطبهاااا مرض شكو نهبطتي
غمضت عيوني والله بعد مابيه حيل اسمع كافي ماتت كافي تغلطون عليها
جرني احمد من ايدي كلة احجي ولج نجر بالحجاية منج جر سولفيلنا شصار
وياهو الكتلها
كتلة فهد
سحبني وشبكني على كيف
يمسح على راسي لا ضوجين هيه هذا مصيرها شمتوقعة قابل
سكتت
كلو الامي يلا يمة سويلنا ريوك بسرعة تأخرنا على اكرم
كتله اروح وياكم
كلي لا ارتاحي تعبانه عود العصر امر عليج
كتله لا هسه كمت اتوسل بيه اريد اشوف ابوية
كال ديلا بدلي وتعاي وغسلي وجهج واكليلج شي
صعدت كوة مجلبة بالمحجر
باد حيلي شفت غرفتها
حاولت اروح لغرفتي بسرعة بدون ما اباوع
دخلت غرفتي
اختنكت متتت كوة طلعتلي ملابس وبدلت
نزلت جوة
كامو اخذو الغراض صعدنا بالسيارة وحركنا
وصلنا
اول ماشفت اكرم واكف بالباب مانصدم من شافني اكيد وسام كايله
همة تيم ليث وسام واكرم واحد ميضم شي ع الخ
بس شبكني حيل وباسني براسي
واخذني الابوية
نايم سودة علية
ضعفان حيل وشعرة ولحيته كلهن ابيض وجه اسود
وحاطيلة ذني الاجهزة على صدرة
بهل الحال واني خايفة منه يعصب عليه لو يتعارك وياي
كعدت بالكاع وصرت بمستوى الجرباية بستة بأيدة على كيف
حس بيه فتح على كيف حجة بصوت تعبان
بيان بوية
اريد احجيلي حجاية وحدة ماكدر
كمت وحضنتة على كيف بسته بكصتة ورجعت بسته بأيدة
ضليت كاعدة يمة ع الكرسي
شلونج بابا
هزيتلة راسي الحمدالله
ضليت يمة للضهر نوب اكرم رجعني
صعدت يمة بالصدر
حجة بصوت ناصي هيج الغيرة تخليج تشمرين بتج ورة ضهرج
كتله بصوت مخنوك شدتحجي
ضحك بتعب
كال هسه انتي تقنعيني جاية مناك لهناك علمود نضال من شوكت صرتي تحبيها
سكتت محجت شي
محد رح يفهم البداخلي أمي هاي
لو شسوي ماكدر اكرها .. بس اذا اكلهم هيج يدفنوني وراها
سكتتت
وصلنا للبيت صعدت فوك لغرفتي ونمت بتعب
ماكعدت الا المغرب
نزلت ضليت كاعدة بالمطبخ
امل تصلي بغرفتها
ضليت كاعدة بالمطبخ وصافنة
حضني فارغ طك كلبي صار يومين ماشايفتها ولا سامعة صوتها مأمنه يم ابوها يخاف عليها اكثر مني هو وسام
بس مو بيدي احس كلبي يتكطع فاگدتها صوتها بأذني
شوية واجتي امل تمشي على كيف كل ساع تشبكني خطية
كعدت تسولف وياي
وبالي مو يمها
تلث ايام هيج وطلع ابوية بس مو الاولي تعبان حيل ومكسور اكيد عرف بالسالفة اكيد كايلة فهد
اجونه عالم اشكال واللوان يزوره وعمامي كلهم التمو
اجاني اكرم كلي بطة جاي بسرعة
حطيت الجاي
وامل كاعدة يمي من هالصفحة وهو واكف
واني ادور وافتح بالكاونترات كلتلي امل يمة عليمن دورين
كتلها الممية مدري وين حطيتها
اباوع على اكرم اختنك غوركت عيونة وطلع من المطبخ بسرعة
كاملتي امل شبكتني
استغربت شبيج يمة
كالت صبي جاي يعيني الولد منتضرين
ضليت صافنة عليها
جايش واني ادور ع الممية اريد اسوي للطفلة صوتها بأذني
سكتت ورحت صبيت أيدي ترجف چبيتة نصة بالصينة
وسام :
رجعت ثاني يوم جنت حاجز
شكد مامقهور على بطة مقهور ضعف على السيد خطية ادري بيه من يحب يحب من كل كلبة
وهاي الحيوانة صح تحبة بس تصرفاتها مال جهال متفكر ابد لا يفيد وياها ضرب لا صياح البراسها سوي حته لو غلط
اسمعة الليل كلة يتوسل بيها ابقي لا ترحين
وماكو قافلة
ضجت من سوالفها حيل ردت اكطعها بس هو ميخليني
احسها محسوبة علية
ليث اخوي وصديقي بس تبقة بطة مني وبية وكل تصرف غلط تسوي ينحسب علية اني اخوها
ادري روحتها كلها مالها خص بنضال ابد
وصلت ثلني يوم بليل تعبان هلكان
فتحت الباب ودخلت على كيف
لكيتة شابك البنية ونايمين يكسر الخاطر والبيت هوسة والمغسلة متروسة اماعين من شوفة هيج
اقرة عليه السلام بعد داخل بمود كئابة وعصبية الله اليستر منه
نايمين بفراشي هو والبنية
مابية حيل هلكان من الطريق والسفر
بس ذبيت ملابسي وتمددت يمهم بالكاع ماعرف انام ع التخم
بسرعة غفيت
كعدت ثاني يوم بالعشرة لكيته حاط البنية كبالة وحاطلها مخاد منا ومنا مكعدها ويوكلها
وصافن
شكلة يضحك بس بالشورت الداخلي ولاف المنشفة ع راسة مسويها شماغ
ويوكل بالطفلة
كمت اضحك ماكدرت
باوع علية وخزرني ودار وجه
- هااا رجعنا للتصلخ
- شو نجب مالي خلك
- شكلك ذكرني بيام الكمب هههههههه
-ههههههههه خايب مالي خلك اضحك
- شبيك ليش هيج البيت هوسة
- صير نضيف وكوم نضف انتة
- مابيه حيل تعبان
بعدني احجي وخابر اكرم ضلينا نسولف ومدري شنو نوب كال ابوي تعبان متجي تشوفة
كتله مو هسه خليها ع نهاية الشهر
احجي واباوع على ليث داير وجهة
ضل يسولفلي على مرض ابوي
وكال بعدنا ما مطلعينا
سألتة على بطة مال زينة بس صوتها مطبك مدري شبيها
كتلة جيبلها تلفون وخلي تخابرني
كلي ميخالف سديته منه
ضل السيد يباوع علية يريد يحجي
- شكو جايبلها تلفون
- شعليك انت اختي واتواصل وياها
- وسام وحق العباس ابو فاضل اذا دزيت صورة لو فتحت كام وشوفته البنية لو سمعتها صوتها والعباس اخذ بتي واروح ما تلكاني بعد واني حلفت
- هيييييي شعلية اني بمشاكلكم تحلوها بيناتكم
- اي هاي مدام بينتنا متصور وتنطيها اي جواب عنها
شفتة مقهور ويحجي بحركة
ضجت عليه هواي كتله هايهيه صار واحسن بطة تستاهل خلي يكون درس الها وهو ادري بيه كلبة رچيچ يوم يومين ويرجعها
كمت عزلت البيت
ضل هو يغسل للطفلة ويلعبها لحد ما نامت
وهم لف راسة ونام
ومر اليوم والبعدة والبعدة
خابرني اكرم كال ابوي طلعنا من المستشفى شوية تحسن
حطيتة سبيكر
وكعدت اسوي زلاطة
وليث يغسل اماعين
كلي دريت بطة
كتلة شبيها
كال رايحة للكبر نضال ومدورتة ولاكيتة وصوتها مطبك من العياط
سديت السبيكر وكمت رحت للغرفة ادري بليث بالة يمي كلت خلي انرفزة شوية صار هواي ممامتعاركين
بس ضل ساكت ما حجة شي
اجة كعد يمي وصب غدة وتغدينا وساكت فاتح تلفونه يتيوب وحاط دكتور اطفال يتابعة
ومر سبوع والوضع نفسة ما تغير شي ليث كام خطوة وحدة ما يخطيها برة اللبيت
مرة خابرني كلي انت خفر اليوم
كتلة لا شوية واجي كلي مخنوك حيل جيبلي وياك
كمت اضحك بصوت عالي
شجيبلك سيد
كال جيبلي سم وكام يصيح ويحجي
رحت جبتلة لكيتة منوم البنية واكف يسوي نركيلة
حطيتهن الة ع الميز
وحضرتلة الغراض واباوع عليه واضحك
كعد وكام يشرب تلعب نفسة منه بس يجبر روحة علية
- لك شموازيك ابن الكلب
ماهتملي ساكت ويباوع بتلفونة
بعدنا كاعدين وندك الجرس
ضمينا الغراض بسرعة جوة الميز
رحت فتحت طب محمد اول ما فتحت الباب نطاني بوكس بنص وجهي
وكعت بالكاع
اجة صار فوكي ويضرب ويغلط ضليت احلفلة والله ماسوينالها شي هيج راحت من وحدها
اجة ليث يسحبة من فوكاي هم ضرب ليث قوي بطنة
ضل مدنك ليث ولازم بطنة
صاح عليه هي شبيك
كتلة اني وجه النعال مصدكنا كنالك ما سوينالها شي
- اذا ما سويتلها ليش رحت بليلة سودة وعافت بتها
كمت اضحك بصوت عالي
- ههههههههههه لك حيوان عبالي دتحجي على مرتك
- خرا بمرتي بطة ليش رجعت رجع ضرب ليث حيل ويتعارك ويا شسويتلها احجي وليش اخذت بتها منها
ليث بدة يطفة يباوع عليه يغمض ويرجع يفتح
كمت اضحك حيل كتله عوفة هذا فاصل عندة النت تعال اسولفلك
كعدنا تلاثتنا بالمطبخ ليث طلع البطل من جوة الميز وكعد يشرب وحدة
كمت اسولفلة ومايصدك هيه الماقبلت تاخذ الطفلة يكول انتو اخذوتها منها
ماردت اكلة بس هو جبرني طكت حصولتي اخر شي
كتلة كتلو نضال يلا ارتاح
وبطة تخبلت علينا وكالت الا ترجعوني خذتها ورجعتها
ضل مصفصف وصافن بوجهي
كتلة بالخوة محمد روح يم الطفلة نطمر الله جابك
صار ساعة تدني نفسي اريد اشرب
ضل كاعد بتعب وحاط اديه ع راسة
كمت كعدت يم ليث خذت النركيله من ايدة
كتلة محمد مرتك وين
كال نهينا كلشي طلكتها صار سبوع
فرحت حيل كمت اضحك بصوت عالي
ضربت ليث
كتلة انشاء الله يوم اللك ضلعي لو تحب ارجعها الك
حجة ولسانة ثكيل كلي لا كالت ماريدك بعد
- ولك شوكت كالت ماريدك مو كلنا واكفين جنه وزلغت روحها علية
- لا هيه بتها ما رادتها تريدني الي
- ههههههههههههههه شوف هذا المطفي وين يسولف
كام محمد اخذ الطفلة واخذ غراضها وراح بغرفة ليث
وكل شوية يجي شلون اسوي الممة شكد احط مي شكد احط حليب
مل منه ليث كام وهو سوة
ورجع يمشي يروح منا ويجي منا
ضلينا كاعدين للتلاثة لحد ماطفينا وكمنا نمنا
كعدت ثاني بالعشرة راسي يوجعني حيل
باوعت ليث نايم چفي
دزلي رسالة اكرم كلي هذا رقم بطة جبتلها تلفون
دكيت عليها بسرعة متجاوب
دزيتلها رسالة فتحي خط اني وسام فتحت الرسالة ومجاوبت
نمرد كلبي زعلاانة مني لان ضربتها
اول مرة امد ايدي عليها بس شسوي حركت كلبي
دكيت دكيت مجاوب عفتها
بس بعدني مقهور عليها
كمت على كيف ورحت جبت هاي ام راس العب وياها
بيان :
بديت اتقبل الواقع واقتنع ياقوتة مو يمي وبعد ماشوفها حته ماكمت اسوي شي حته اتناسها لان ادري ماكو شي بالكون يسد مكانها
قبلت اعيش وية جرحي وكسرة كلبي سمعت وسام مسولف الأمل كايللها ليث محلفة ومهددة اذا يشوفنياها ياخذها ويروح
ويوصيها اذا اني كاعدة يمها لا تفتح كامرة ولا تسأليني ع البنية
سكتت محجيت شي
جابلي تلفون اكرم جديد ايفون اخر اصدار
يريد يس يفرحني يدري مكسورة بس ماهتميت بس حطيت بيه سيم كارت وضفت ايمان البنية النطتني رقمها وضفت ارقامهم
سويت حسابات وبرامج تواصل وعفتة مالي خلك لكشي
وسام يدك علية ما اجاوبة كارهتة حيل
صارت روحي ب ابوية اسويلة اكل اكعدة اطلعة امشي بالحديقة انطي علاجة اول مرة اشوفة مكسور هيج وتعبان
هذا القوي الجان صوتة يخرسنا كلنا محد يرفع عينه عليه هسه تعبان وميوكف هواي كل دشادشية طول ويسحلن عليه كد ما ضعفان ومدنك
يسولف وياي ويحجي ويسألني على بنتي
اول مرة كتله سالفه الجذبة والتأشيرة وما خلوها
ماصدكني بس سكت ما تناقش
مرة كاعدين اني ويا بالستة الصبح حجينا شوية وبعدني استحي منه ما اخذ راحتي بالحجي
لكيته صافن بوجهي ويمسح بدموعة
تهسرت من شفتة يبجي
نزلت بالكاع واخذت أديه ابوسهن بيهن لا بابا دموعك غسلني ليش تبجي
اديه يرجفن وكلهن تجاعيد هو داك حرف N بأيدة بس الجلد متكرمش ضليت صافنة على ايدة وابجي كاعدة جوة رجلة
بجة حيل ويمسح على راسي
- عليمن تباوعين يبيان عليمن ندفن وياها هلحرف وندفنت كل ذرة مشاعر جانت عندي الها
بجيت حيل كتلة بابا سامحها بداعة عزيز كلبك ابريها الذمة الميت الا الرحمة
حجة بصوت تعباان
كال ابدد بينا وكفة طويلة هناك يم ربج لا اسامحها ولا تسامحني
- لا بابا عليك الله
- بوية بعدج ما تعرفين كلب الرجال من ينكسر وخاصة الدمعتة عزيزة
جان كل حجاية يحجيها تذكرني بليث خاف جان الي امل يسامحني ونرجع
بابا هدم كلشي
مسحت دموعي وابتسمت بوجه
- بابا ماعاش اليكسرك ذاك مدفون بهيمة حته كبر ما سولة
بابا اني يمك والله لا اعوفك ولا ادنك راسك وبعد انشاء الله تنكسر ركبتي اذا كسرتلك كلمة
- مسح على راسي وضحك لا بابا لا حبيبتي رجعي لرجلج ولبيتج وبنتج اني يمي اخوانج
- مارجع والله ابقة يمك منا لحد ما اموت
- ههههههه عمرج طويل انشاء الله
ضل يسولفلي ع البزر والخلفة والابن شكد ينحب كلي ادري بيج هسه كلبج نار وهيه عند ابوها
اني هم هيج احترك كلبي منج من فاركتيني ورحتي نوب صفنت وية روحي وعذرتج ماكو اعز من الولد
ضليت ساكته ومدنكة وهو يمسح على راسي بحنية
حجة بصوت تعبان بوية خابري رجلج ورجعي
ضليت ساكته واباوع عليه ماريد اكلة ع سالفة زواج ليث
حجيت بخنكة كتله يابه اني وليث ما تفاهمنا وهو يحب البنية هواي ومتعلق بيها ويعرف يوكلها وليلبسها وينومها
اني ماريدها اريد ابقة يمك
راد يلطف الجو خطية
حجة بشقة كال اني اليضل يمي مايضل كاعد بالبيت
- ههههه بابا وين يروح لعد
- يرجع يداوم
ضليت صافنة بوجه
كلي هاااا مو تنكسر ركبتي اذا اكسر كلمتك
- لا لا والله مو هيج لعيونك والله ارجع اداوم واتخرج
- يا ابوي والله وتفرحين هالكلب التعبان امنيتة واحد يصير دكتور
- هههههه وسام دكتور بابا
- خلي ينجب دكتوريش هلمسربت
كمت اضحك واباوع عليه اشوف الفرحة بعيونة وملامح وجه تغيرت من كتلة اداوم
- وروح ابوي لفتلحلج اكبر صديلية بغداد واسميها صيدلية بيان الاسلام
- هههههههه انشاء الله يابة
- من باجر اكرم يقدملج ما ضل شي ويبدي الدوام
هزيتلة راسي اااي
كمت وصلتة للفراشة
ورحت نمت ورة امل رجع عقلي يشتغل مكلوبي
وهذا كلة بكفة وبنتي بكفة كل ساعة تمر اتخيلها واتخيل حركتها نومتها ضحكتها
ما انام نومة اذا ما افز على صوتها
بس ساكتة ما احجي واكلهم اريدها كلها هسه تعيط بية ويكلولي ليش عفتيها خاصة اللولد
راح ثاني يوم اكرم قدملي
واجة نطاني فلوس كلي روحي اشتري بيهن ملابس
خذتهن منه وسكتتت
يعني فوك الا اني بيه تعاي رجعي داومي يعني !
تواصلت وية هاي البنية ايمان حبابه حيل بس من نوع السولف هواي واني مالي خلك حجينا ع الدوام كالت اني هم وياج بس قسم تربية
كتلها خوش نشاف بالداوم انشاء الله
ضل اكرم يلح امشي اخذج للسوك اشتري مدري ايش واني اكلة اي مو هسه مو هسه
كارهه شي اسمة دوام بس شسوي للهل العادة العندي انطي وعود هواي وادري بروحي ما انفذ ومو كد كلامي
ليث جان اكبر ضحية لهل العادة
ضل يخلص يومي بالشغل العاملة مرجعيها من زمان قبل فترة جانت راجعة لبلدها
كمت اشتغل وياها بالبيت وهيه تنطيني توجيهات اشتغلي هنا نضفي هاي سوي هاي وشتكلي اكلها اااي اريد بس اللهي روحي حتة ما ااذكرها طك كلبي رح يصير سبوعين وشوفة ما شايفتها ولا اعرف عنها شي نايمة مريضة تبجي
ابوية رجع تعب ضل بس نايم حته ميتحرك ويتخبل خطية كام من المستشفى يكلهم عوفوني اموت بيتي ويحجي كلام مال واحد مودع
يخلينا نتخبل كلنا
اني اكثر وحدة تعبت نفسيتي بهل السالفة منا قهر بنتي ومنا مرض ابوية وكسرتة هادة حيلي
مريض كوة يشرب المي وهو كلساع يذكرني بطة يوم هلكد دوامج مو تنسين اهزلة راسي اكلة اي بابا حته مابيه حيل احجي
تعبان حيل كام حته نسبحة وهو نايم ع الجراية بالبداية جنت اخجل منه نوب تعودت اني اسبحة واللبسة واوكلة
سبحان الله ماعرف يمكن مرض ابوية وتعبة شغلني وخلاني انسة بنتي شوية افز بليل بس بمكان ما اسوي ممة اضل مكابلتة وكاعدة افرك بأديه مايكدر ينام من وجع كلبة
ضلو الولد يلحون عليه خلي نروح للمستشفى مدري شنو ماقبل
بيومها العصرية اجوي يمنا عمامي وكعد يسولف وياهم شوية افتره وكام يسولف ويضحك
تعبانه حيل من الشغل والسهر من شفتة هيج شوية تحسن
رحت تمددت بالمطبخ ع الزولية حته بدون مخدة
لميت روحي وقرفصت رجليه وضليت اباوع ع التلفون لحد ما غفيت
فزيت مخروعة على صوت عياط وعرك
كلت ابوي مات ماكو غيرها رحت اركض للصالة لكيت ابوية فاتح كام وية وسام وليث يعيط ويغلط وابوية يغلط عليه وعمامي يلزمون ب ابوية يردون ياخذون التلفون
لحكت ع نهايه العركة مادري شصاير
بس ليث يكلة والله تموت وما اطلكها وهاي بنتي عندي وبنتك عندك
وابوية يكلة تطلك وتجيبلها بتها غصباً عليك
وليث يغلط وابوية هم
ركضت الابوية
كمت احجي ويا وارجف
بابا شدسوي عوفة عوفة سد التلفون
وذاك مناك وسام يضرب بيه ويريد ياخذ التلفون منه
اخر شي ابويه تعب وضل يجر النفس كوة ولازم كلبة وبعدة يحجي
تخبلت كمت ابجي بصوت عالي
ولك بابا فدوة اروحلك عوفة يروحلك فدوة هو بنتة ماريدها والله عوفة سد الخط
حجيتها بدون قصد بس للن احترك كلبي على ابوية وفعلاً ثواني و وكع شالو الولد واخذو بسرعة ويركضون
لبست وركضت بسرعة صعدت وية احمد وارجف
احمد شبيهم ليش تعاركو
جاوبني يسوق سريع وهو مرتبك يريد يلحكهم
- علمود الدوام بطة
- وليث شعليه
- شنو شعليه طايحة الحظ غير رجلج ومايقبل دوامين هو حقة والراي رايئه بس واحد اثول ماعندة اسلوب
ضليت ساكتة وحتة بطني توجعني من الهبطة
وصلنا كالو صارت ويه جلطة ثانية وهم عملية لازم بسرعة
انخبصنا كلنا كمنا نروح منا ونجي منا
دخلو للعمليات
ضلينا كلنا كاعدين على صفحة وندعي
والحمدالله عدت على خير طلعو ب ١٢ بليل من العمليات
ضليت وياهم لثاني يوم رجعت ب الخمسة
تلكتني امل خطية مفرفح كلبها سولفلها امير ماكدر احجي دخلت كبل للفراش حتة مابيه حيل ابجي
سبوع هيج وطلعو من المستشفى كلنا نخاف عليه حجاية وحدة محد يحجي و وسام ميخابرهم اذا مو هو باالمستشفى يخاف على ابوية
ضليت على حطتي شغل بالبيت وممرضة لابوية وابجي على بنتي هذا روتين وكلهم حسو بية لحد ما اكرم خابر ليث وهم تعارك ويا كلة خلي شوف بتها شجاك نجلبت
ماقبل وسد الخط بوجهة وكل هلتصرفات الولد ميسوها كدامي ولا اني ابجي كدامهم واكلهم اريدهم بس همة يشوفوني نهار كلة عيوني مورمة من البجي ومدوهنة اليحجي وياي اضل صافنة بوجه ما اركز ويا
واسمها ع الساني
صادف جمعة وسبت والاحد يبدي الدوام ضل تلح علية امل امشي اشتري ملابس شلون اداومين ومدري شنو امشي اشتريلج شكم حاجة ملونة
رحت اني وامير للكرادة خذتلي شكم قطعة بسرعة ورجعت وهم كلهن اسود
لبست اسود من يوم الرجعت
شكد تحجي امل وترزل وما يصلح على ابوج واحنا اصلا بعادتنا اذا لبسنا اسود ع الميت ٤٠ يوم ونذبة
وما صار ٤٠ يوم على وفاة نضال بس امل زرفت كلبي نزعي ونزعي واغلس
صار ثوبي الاسود بلون كلبة وبلون حضي ..
بدة الدوام وداومت لكيت هاي البنية ايمان هناك وكفنا شوية وحجينا هية بعمري بس مرحلة رابعة واني ثالثة لان تركت
ضلينا واكفين ونحجي شوية نوب كلمن راحت لقسمها
رجعت الساعة بتلاثة الضهر هم الخط وصلني
رحت على ابوية لكيتة كاعد واكرم يوكل بيه شوية متحسن
حجة بصوت تعبان
- هاا بابا شلونة الدوام
هزيتلة راسي كتلة الحمدالله كلشي تمام
فرح ويباوع علية مبتسم
دنكت وطلعت رحت صبيت الغدة
تمن وفوكة مركة بدون حمي هيج شون مجان مالي خلك
ضليت اباوع بالستوريات الينشرهم وسام
مشتاقتلة رح يصير شهر محاجين كوة لازمة روحي عنه وهو باليوم يدك الف مكالمة وما اجاوبة لان ادري اذا اخابرة رح اسئلة عليها واكلة اريد اشوفها وابوها ميقبل ومابية حيل قهر بعد واخاف على ابوية
الطاقة العندي يادوب تمشيني يومي وهم للمغرب بعد واعتكف اصعد للغرفتي واقفلها
ضليت اباوع باليوميات الناشرهن
هم طلعات ويسخف ويضحك وية اصدقائه
واحد من الفديوهات ناشرة البارحة هو ومحمد وليث
ليث كاعد ليورة يم ياقوتة وهيج مدنك عليها ويغني ويالغنية وهيه تضحكلة وتناغي وترفس برجليها تلعب
الاغنية حزينة وهيه تضحك وسام يكلة لمحمد باوع هاي ماعدها احساس مثل ابوها
مشغلين اغنية صلاح حسن
ارجع
لك زاد الوجع
ارجع
مو كلبي نشلع
نوب بيه الاغنية حته نفس الكلمة اليكولها دايماً بوية بوية
هية هاي اليكول احبها هواي واحب اسمعها
ومبين حته الفديو مقصود بس ليش وسام الناشرة مو هوا
جان منشور سناب والسناب اذا صور الشاشة تبين واني صورت وحفضتة عندي
عشر دقايق هيج واجتي رسالة من وسام
- شكو صورتي
كتبتلة معليك
- ليش انشاء الله حن كلبج على بنتج
عرفتة هوا والله بسرعة حسني كلبي
كتلة اي مشتاقتلها
- اي ابقي تحسري عليها
- شهل الحقارة العندك
اقصد عند صاحبك
اي بعدج مشايفة شي
- انت وسام
- اي
ضليت ساكتة وفاتحة المحادثة وابجي دموعي تنزل ع التلفون وهوا فاتح المحادثة
خمس دقايق هيج رجع كتبلي داومتي
كتلة اي
- ارتاحيتي انشاء الله ؟
ضليت ساكتة
- اسلام رح ينزلونة الكبرهسة وهو مرتاح مو ؟
حضرتة بسرعة ما اريد اجفص ويا بالكلام وخاف ياخذ البنية وبعد ميخليني اشوفها ولا اسمع عنها خبر
نقهرت حيل حته الاكل عفتة وصعدت
ضليت ابجي لحد ما غفيت
كعدت المغرب وهم نفس روتيني مال قبل اكعد المغرب لو اشتغل لو اقرة وارجع انام ب ١٢
ومرة سبوع لخ واليوم يصادف شهر ضبط اني مشايفة الطفلة حته بالصور عندي بس الفديو مالها بس رجليها طالعة ملبسها كالون وحذاء وتلعب تحرك بيهن ما انام واغفة اذا ما ابقة اعيد بيه
استمر دوامي وهلشي مفرح ابوية هواي اشوفة يضحك ويسولف واول ما ارجع يسألني شسويتي وين رحتي
البنية ايمان بقة تواصلي وياها مستمر يومية دزلي بس هم حجايتين واعوفها مافتح رسايلها
اكلها ابويه صاحني
هو جذب اضل مكابله سنابات وسام بلكي ينزللها صورة شي
سويت حساب وهمي وضفتة هوا الحقير ميقبل يوافق حسابته كلهن خاصة وبس الفيس ومينشر شي بيه
ثاني يوم راجعة من الدوام لكيت باكيت صغير ع الكاونتر
العاملة كالت هاي هديه الج
كمت اضحك فرحت
صدك تحجين
كالت اي بابا اكرم كال نطيها لبطة
كتلها شكرا
خذتها وصعدت فوك بسرعة
شمرت جنطتي وكعدت افتح بيها متغلفة تغليف اضافري تكسرن ومنفتحت نزلت جبت سجين من جوة يلا كدرت افتح الكارتون
ومتلهفة
باوعت لكيتها لعابتي ياقوتة ...
شلتها على كيف وكلشي بية يرجف حته النفس ضاك
خليتها بحضني واباوع عليها
لكيت ورقة زغيرة ملزوكة بالكارتون من جوة فتحت الكارتون كلة وطلعتها
لكيت مكتوب
مشي حالج بهاي .. هاي كافي عليج
شككت الورقة بعصبية تهسرت كمت اكسر وارفس بالحايط وابجي بصوت عالي اجة امير يركض ويدك بالباب
فتحي ولج شبيج
سكتت وهديت خذت اللعابة ورحت تمددت ع الجرباية وابجي حضنتها لثاني يوم يلا كعدت حته للدوام مارحت ولانزلت جوة اجة اكرم دك الباب وكام يرزلني حيل
يلا كمت بيه مابيه فتحتلة الباب
كلي شبيج شجاج متكليلي رح تموتيني انتي
حجيت ويا بتعب كتله الكارتونة منين جبتها
كلي وسام دز ساعات موصي عليهن وهاي الكارتونه لكيت بيها اسمج جبتلج ياها ليش شبيها ؟!
سكتت
ضل يحجي وياي ويتوسل نزلي وامي ضال بالها عليج ومتكدر تصعد ومدري شنو
نزلت سبحت وضليت كاعدة بالمطبخ
امل سوتلي ريوك حلفتلها والله ما اشتهي دتلعب نفسي
جرت الكرسي وكعدت كبالي يااا ولج صلاوات حامل
- خاب يمة حامليش فكني عني
- لا والله حامل مبين من الصفار البوجهج ولج هاي بداية نساوة
- يمة الدورة موعدها هلايام تجي فكي عني يا حامل
- هسه شوفين حامل وداعتج
- اوك حامل بس فكي عني
اكلت الريوك غصباً ورحت كمت كعدت يم ابوية لكيت بيدة كتاب يقرة بيه
لليل كمت سويت عشة وية العاملة وساعدتها نوب صعدت
ونمت مالي خلك كولشي ثاني يوم هم نفس الروتين والبعدة والبعدة
طك كلبي متت
اخر شي دزيتلة فولو من حسابي بيه اسمي بيان اسلام
وافق
لكيتة ناشر ستوري دخلت عليه مسحة بسرعة !!
تفرفحت تمنيتة يمي والله الا اكطع شعرة بيدي ديحاربني حرب نفسي
رحت خابرت وسام وابجي
ضل يكلي اهدي اهدي والله اني مو بالبيت بالدوام خفر اليوم ارجع واصورلج ياها
يلا كدرت اسكن وانام
كعدت الصبح لكيت وسام حاضرني من كل البرامج
واعرف وسام مستحيل يسوها مليون بالمية هوا
كلي اني واحد حقير واتعبج بس ما صدكتة
شسوي كمت غصباً بدلت ورحت للدوام احاول اجمع كل تركيزي بالدارسة ماكدر وموادنة صعبة اكثر وحدة تتفشل من الدكتور اني
كلما يشوفني صافنة يكلي روحي لبيتكم وصفني يرزلني كدام الطلاب
رجعت للبيت الضهر دزيت رسالة لوسام من تلفون امل غير رمز تلفونك وشيل الحضر من رقمي لا بالقران احرك روحي واخلص منك ومن صاحبك
كلي حيوانة ما حاضرج
كتلة حاضرني
دزلي بصمة يضحك حيل كلي هاا بالغلط حضرتج وادري بيه جذاب
كتلة وين الصورة
كلي التهيت بليل اليوم اصورلج
تعبت
حته مجاوبته بعد
ومر الليل وهم لا وصلتني لا صورة ولاشي
ومر ثاني يوم وهم نفس الروتين
الحمدالله ابوية تحسن هواي كام يمشي وحدة ويتحرك
ضلت سوتلي ارجع من الدوام واكابل حسابات السيد وكاعدة بلكي ينشرلها صورة شي
ماكو بس طلعات هو وجماعتة ووسام
وياخذها ويا بالتصوير الكرسي مالها موجود بالسيارة بس حته لو تطلع منها شوية يحط ايموجي عليها
امل ضلت مجلبتلي حامل وحامل امشي نروح للدكتورة
اكلها يمة والله مو حامل ماكو متفك عني
مرة ب ثنتين بليل اجتي رسالة من تلفون وسام
كتبلي هلو
ضليت فاتحتة وصافنة ادري بيها هوا لان وسام ميراسل هواي لو يتصل لو يدز صوت ميكتب كتابة
ضليت فاتحة الواتس بس مجاوبتة
كتبلي ليش مجاوبين شدسوين
كتبتلة اخون صاحبك
ضل فاتحها وشوية وجاوب كلي بالعافية
سكتت
رجع كتبلي ليش مترحين للدكتورة
كتلة ليش اروح
كلي بلا ليش ترحين ادبسزز خوش
تأكدت هوا ضليت مكابلة التلفون وكلبي يدك ع السريع
كتلة تمام باجر اروح
كتبلي عفية
سكتت
رجع كلي تردين تشوفين بنتج
كتلة ااي
كلي دزيلي صوت
- صوتيش
- مادري احجي بيه اي شي
- خلي نحجي مكالمة
- لا مالي خلك
- احلف صورلياها
- والله اصورها
دزيتله بصمة تعبانة كوة احجي توسلت بيه احجي ويا وابجي بس صورة وحدة حباب
- كتبلي اي حلفت ادزلج بس بعدني ممكمل طلباتي
- شتريد بعد
باسورد برامجج كلهن دزيهن
دزيتلة ياهن سناب وفيس وانستا
كتبلي الواتس هم رح تجيج رسالة رديلي الكود
رديتة الة بسرعة
فتح كل البرامج يمة
- يلا صورلي
فتحها ومارد
- حلفت جذب مو
هم فتحها ومارد
ضليت ابجي لحد ما تعبت ونمت
كعدت ثاني يوم للدوام
ابو الخط متصل علية وكاتبلي وينج
الرسايل مفتوحات
كتبتلة اي جاية
ورحت نزلتلة جوة بسرعة كتلة مريضة حيل اليوم ما اكدر اداوم واعتذرت منه
رحت للحمام لكيت جايتني الدورة
رحت الامل اعصابي تلفونه حجيت وياها بصياح هاي جتني الدورة يلا روحي خابريهم كلهم
ضلت تباوع علية وتضحك
عفتها وصعدت فوك رجعت نمت واحس جسمي متكسر تكسر
وسام كلما يدك علية ما اجاوب
هاي البنية دزلي رسايل بيان وينج اليوم ليش ممداومة
نفتح الرسايل بسرعة
شوية واجاني اتصال من رقمة ليث الموسوي
ارتبكت حيل ضليت اباوع ع الاتصال لحد ما انكطع
رجع اتصل مرت الخ وهم ما جاوبت
كامت الرسايل تجيني مثل المطر
ذاك الغلط والكفران والمسبة اشكال واللوان
احجي وين جنتي وين رحتي اليوم
افتح وما ارد
ويرجع يتصل
اخر شي دزلي بصمة صوت يغلط ويفشر يكلي مثلها انتي قابل وحد بس هلمرة اني ادفنج بيدي سافلة وين رحتي اليوم ليش ممداومة
سكتت مكتلة شي
رجع اتصل مرت الخ
فتح خط
وبعدة يغلط ويسب ب ابوية
ويصيح لج احجي لا اجي اسحلج من كصيبتج انضف بيج بغداد كلها احجي
ضليت لازمة التلفون وأيدي ترجف تندمت لان فتحت خط لا اكدر اجاوبة ولا اكدر اسدة بوجه
تعب
رجع حجة بصوت ناصي وفحطان يلهث
بنو حبيبي
كتلة هااه
كلي احجي وين رحتي اليوم
كتله مرحت
- بس كتبيتي لابو الخط اي نازلة
- اي ورحت كتله وما ادوام
- جذابة
- والله روح خابر أمل
ضليت ساكته وهو ساكت
حجة بصوت مخنوك بعدج تردين صورة
ضليت ساكته
- ليش اسلام مسد وحشتها داومين وطبين وطلعين بكيفة وشورة ولا چن عندك كواد عايفتة هنا
بعدة يحجي وياي وكعدت سمعت صوت بجيتها
فرفحت كمت ابجي بصوت عالي واتوسل بيه ليث لا سدة لا سدة اصبر
بس سدة بوجهي بسرعة وحضرني
مسويت شي بس خليت التلفون جوة راسي نمت بهدوء النومة التمنيت بيها ما اكعد ابددد
بس للاسف كعدت بليل مادري بيش ساعة لكيته شايل الحضر مني ودازلي متابعة من حسابه
ونوب فاتح حساباتي وموافق من وحدة
وهم لكيته ناشر طلعة هوا وسام
بس مينشر صورة
سكتت محجيت شي بس شفت الستوريات ورجعت نمت ثاني يوم داومت كوة علية جسمي متكسر تكسر
شفت ايمان وسولفتلها سالفة الحسابات وكتلها لادزلي شي نحجي بس اتصال كامت تضحك
رجعت للبيت هم نمت وكعدت المغرب
ابوية كام يكدر يتحرك ويمشي شوية كلي امشي وياي اريد اروح على صاحبي ابو غزوان امشي وياي
مالي خلك اطلع بس ماردت اكسر خاطرة لبست صاية فوك ملابسي وشال اسود هيج خفيف خليته ع ركبتي ورحنا
زيارة عائليه يعني جتي زوجتة كعدت وجنتهم سولفنا شوية ومدري ايش نص ساعة وكمنا طلعنا
تمشينا شوية بشارع الربيعي اشترالي حلويات خطية
ورجعنا
لكيت امل تخابر بوسام وكاعدة تسولف ويا
طبيت مالي خلك احجي بس اشرتلها بيدي هلو
كالت تعاي تعاي وسام هاي جتي
ضل يسئل وين جنتو ومدري ايش وهيه تجاوبة وتكله راحو لبيت صديقك ابوك وادري الحجي رح يوصل اله ويكلب الدنيا بس شسوي سكتت
صعدت بسرعة شبكت ياقوتة ونمت حته ما باوعت بالتلفون لان ادري رح يلعب ب اعصابي
ومشت الايام ومر شهرين واني ماشايفة بنتي تعبت حيل حالتي النفسية صارت صفر بالقاع اشوف الولد مقهورين علية بس يخافون على ابوية مايردون صير مشاكل وادري الصوج صوجي اني العفتها استاهل اليصير بية
ليث كام يشتغل وياي بالعناد وصدك يهودي على كولة وسام
ينشرها تلعب بالبانيو تضحك وتناغي بس حاط ايموجي على وجها كلشي ممبين منها اضل اسكرن واخذ لقطات للشاشه طول الفديو حته بس المح وجها
يومية ينشر طلعات واغاني و ونسة
مرة كعدت من النوم مخنوكة حيل واهم شامره التلفون ماريد الزمة البية مكفيني بس شسوي مو بيدي غصب عني
رحت فتحت ستورياتة ع السناب
لكيته ناشرصورة مدري وين ملهى ليلي مدري نادي وهواي واكفين ولد وبنات وسام وياهم وهو مطالع كلة هم بس جسمة وكدامة بنية شكرة لابسه كصيرتوصل لحد صدرة لزكة بيه حيل بجسمة وهو بيدة كاس مدري شنو
اخذت سكرين للصورة
دخل بالمحادثة بالمحادثة بسرعة
ومنتضرني اكتبلة شي
بس شكتبلة وشنو الينكتب اصلاً
طلعت من المحادثة
اتصل علية بسرعة ماجاوبتة
ضليت صافنة ع المراية
شعري يوصل لحد ركبتي طويل حيل جبت المكص وكصيتة بهدوء لحد أذني
كصيبتي كلها حشيتها حش من الاساس
شديتها بقراصة وحطيتها ع الجرباية وصورتها ودزيتها الة
قفلت التلفون بهدوء وشمرته ورة الكنتور حته ما اكدر اطلعة بعد رجعت تمددت وحاضنة كصيبتي ولعابتي
اقنع بروحي عادي واذا كصيتة يرجع يطول
ماكو شي يحرك كلبة اكثر من شعري
عادي يطول
عادي
ماكو بنفس الساعة وحته امل الي عمرها ما صاعدة الدرج صعدتلي وحضنتني وابوية اجة وراها كعد يمي
كلي ليش بوية ليش سويتي هيج شعرج هذا الاحبة ليش هيج
سكتت واحجي بداخلي ذول كل عقلهم هو شعر
ضليت مغمضة ماريد افتح شوية وصعد اكرم يركض ع الدرج
طب شبكني حيل ويحجي بصوت مخنوك
بطة والقران باجر من الصبح احجز واروح اجيبلج بنتج
بجيت كتله ماريدها ونبي
عادي اني كصيتة لان يتعبني وماكدر امشط وماكدر اغسلة
سكت محجة شي
نزلو كلهم بقت بس امل يمي ساعة تقنعني ساعة تواسيني وتكلي الولد متخبل خابرني يبجي وروح امي
تخبلت اني عليها وكتلها بعد لا تجيبيلي طارية لا هو ولا وسام ولا اريد البنية بعد كلشيييييي مااااريد
كمت اصيح حيل تهسترت
ضلت تهدي بية وتقرة على راسي
سبوع كامل اني على نومتي ماكدر اتحرك
لحد ما اجة احمد يشاقة ويضحك شالني شيل ونزلني الدرج يصيح يمة جبتلج كونية طحين
كلهم قفلو غرفتها كمت اضحك
كعدت تريكت وياهم
نوب كمت سبحت ومر اليوم عادي
كمت انام يم امل بالغرفة وبعدهي تلح زرفت كلبي ذبي الاسود وعليمن لابسه اسود واكلها ع حضي
رحت للصالون عدلت شعري كصيتة هاي الكصة الفرنسية من كدام شويه طويل لحد الكذلة والباقي من من ورة كصير حيل
رجعت للبيت وكالعادة شغل تنضيف قراية دوام
احس كلبي تعب حته من بنتي بعد ماريد كلشي
يادوب مخلصة يومي حته مالي خلك اسولف لو احجي ويه احد
حته ويه ابويه خطيه شكد يتوسل امشي نطلع اني وياج امشي اشتريلج اكلة ماريد
دوامي بقالة سبوع ونعطل وراها عندنا فاينل
وسام بعد ما عرفت اخبارة وحته همة ميخابرو كدامي
بعدهي الدنيا باردة عدنا وابوية ما يقبل الا الصوبة النفطية ميقبل يشغل كهربائية بغرفتة
رحتت اترس الصوبة نفط وتلعب نفسي من ريحتة تجلب ب اضافري لبست چفوف بلاسكتك وترست الصوبة وشعلتها واعدل بالفتيلة مالتها
الچف بعدة بيها نفط لهب نار وكب بسرعة اريد اطفي ما اعرف كمت اصرخ حيل ماع الجف على أيدة
من الوجع رحت فتحت المي على ايدي واصرخ
اجاني امير واكرم يركضون
وسحبها من المي كام يصيح علية ولج حيوانه ميصير
جابلي شال امير بسرعة ولف أيدي بيه
شغل السيارة بسرعة وبعدني فاقدة من الوجع ابجي بصوت عالي
اخذني للمستشفى
غسلوها بمادة عدهم
فقدت كمت اصرخ بلعو صوتي والدكتور كام ينفضها بالملقط ويشيل بقاية الچف
المنضر جان يخوف
اللحم الابيض بالايد طالع كلة
لفوها وعقموها نطوني مضادات ومسكن بقيت ساعة هيج ورجعت للبيت بس بعدة وجع الحرك تشيغ الروح منه
رحت تمددت بغرفة أمل
وحته نفسي تلعب
ضلت امي كلساع جيبيلي شي وتحطة يم راسي وابوية يفتر يمي يباوع علية بتعب
منضرهم يكسر الخاطر
حطيت البطانية على وجهي وكمت ابجي بسكوت
شوية وطب اكرم بيده التلفون
وفاتح
كام وية وسام كاعد وحاط الطفلة بحضنة اجاني اكرم يضحك كلي هاج ياقوتة تريد تحجي وياج ويجر الغطة مني
كمت ابجي حيل اكلة ماريدها سدة وخرها
وميبطل مني يجر بالبطانية ويضحك
كمت ابجي حيل واصيح بابا تعال على اكرم
اجة ابوية يمشي بتعب ويرزل ب اكرم كلة كتلك عوفها
اخذ التلفون من ايد اكرم وكام يحجي وية وسام
ونسى كلشي اول مرة يشوفها كام يبجي ويضحك ويحجها جدوو حبيبي وهيه تناغي وتضحك تلعب
اني اسمع وكلبي يتكطع متتت
رجع ابوية يحجي وياي بطة بابا هاي بنتج شوفيها حاجيها مو ليل كلة تونين عليها هاج شوفيها
ماكو قفلت
كلت هم اشوفها ويسدون التلفون واضل اتحسر عليها وهم يشلع كلبي على صورة الها لو صوت مااريدها
ضليت ساكته وابجي بسكوت ومغطية راسي
ابوي صاح حيل بوسام وروح ابوي اذا ما جيت هلاسبوع اجيك هناك وافصم ضهرك
كلة لا يابة والله اني حاجز الثنين التجي اني يمكم
ختم المكالمة ويا ابوية وسد التلفون
ضليت على نومتي كوة غفيت للعصر كعدت الطم من أيدي الوجع ما ينحمل
نطاني اكرم مسكنات وراح جابلي فاليوم من الصيدلية
شربت حبايتين يلا كدرت انام
ثاني يوم ماداومت
بعدة الوجع بأيدي بس خف مو مثل اول
مرت الايام وبدت أمل تحضر الكليچة والفطاير واللحم بعجين وكبة تسوي وتجمد بالمجمدة
علمود جية وسام
داومت اني يومين وعطلنا
مالي خلك
احسب للثنين يوم يوم اكول بلكي جايبها ويا
واجة الثنين بيومها ما نمت للصبح رحت للمطار اني واحمد وامير نجيبة
كاعدة وادية ترجف بلكي الله جايبها ويا
بس نزل وحدة
لابس جنطة على ضهرة ويعلج ويتمضحك يباوع على هاي وعلى هاي
احباط مو طبيعي ضليت حته رجلية ميشيلني ضليت على كعدتي واباوع عليه وابجي
راحلة احمد شبكة وضربة بوكس بيدة رجعلة وسام الضربة ويضحكون هو ما ادري ليش يعبرون عن حبهم واشياقهم بالبوكسات
اجة شافني سوة روحة متفاجئ
لااا هاي بطة جاية تستقبلني
شوف شنسسسسسيت
ضليت اباوع عليه وساكته
كلة احمد شنسيت
كلة نسيت اجيبلها بتها
طبعاً حضرتها هية وجنطتها وغراضها ونسيتها بالباب
لطمت على وجهي وبجيت
ولللللللللك نسيتها بالباب هسة ماتت من البرد يبست
كمت ابجي بخبال وادك على وجهي
ضلو لازمين ادية ويضحكون كلي جذب جذب والقران عفتها نايمة بس ابوها النذل ما قبل اخذها
توسلت بيه ردت كتلة اختي خطيه ماكو مقبل شسويلة
سكتت ضليت اباوع عليه وعلى جذبة
تقدم شبكني حيل ويباوع بيدي شلون صرتي كتلة الحمدالله
تعارك هو واحمد منو اليكعد بالصدر
سوالفة ذني يسويهن ويالكل
كلهم شغلولي اغنية احتلفو بية اخوكم ودكتور وجاي مناك لهناك
شغلة امير معزوفة
نطلقو يغنون ويضحكون ويسولفون
اني بس صافنة عليه اريددد املخة تملخ بس مابية حيل جسمي بايد
وصلنا منقطتتنا طفو الاغاني ونزلو ابوي جان واكف بالباب اول مانزلة راح شبكة حيل ويضحك
ابوي كتلة كلة للولد لزموليا اني حالف الا افصم ضهرة
هو بس يضحك ويشاقة
نزلت اني وراهم مالي خلك امشي وصافنة
جانت نضرة ابوية هم مثلي هم متوقع جايب البنية ويا يباوع بالسيارة ويباوع علية بأنكسار
دنكت محجيت شي فتت للمطبخ
طلعتلة امل وهم فرحانة وتضحك تشبك وتبوس بيه
طب للمطبخ شاف العاملة وسلم عليها وكلها اعرفج بنفسي اني الدكتور المغترب مال هذا البيت
البنية كلشي متفتهم منه بس تهز راسها وتكلة اااي
امل تحضر بالصينه وتضحك
واني كاعدة وصافنة عليه ماريد اضحك مالي خلك
كلها يمة جوعان
كلتله يخسى الجوع حبيبي كومي بطة حضري الخبز
ماكمت ضليت كاعدة وباوع عليه بحقد
نزع تشيرتة وشمرة علية كلي هاج هذا تشيرت رجلج بيه ريحتة
صدك ضليت اباوع بالتشيرت هذا مال ليث
ياكل بالخضرة جنه طلي ويحجي
شمي مصدكيني بيه ريحتة شبيج واني هناك فكرت كلت اختي حبيبتي اكيد مشتاقة لرجلها صارلها شهرين مشايفتة .... حجة حجايه وصخة وية حجايته طب ابوية
كمت اشرله اعضلة شفة ولك اسكت ابوي وراك ماكو داس فد مرة
نوب يكلي شكو تغمزيلي خلي اسولفلج
فشلت حيل من ابويه واكف وراه ويسبح بسبحتة ويضحك
وهذا يكلي اااي بطة خلي اكملج توسلت بيه ردت كتلة مرتك خطية محرومة تعال وياي يمعود ماكو ما يرضى عاد لبستلج تشيرتة واجيت خوما اجيبة وياي احطة بالجنطة شوفة عينج شطولة لا ينزاح ولا يتحرك ليكول كنتور ابوستة
اشرتلة بيأس واضحك فشلانة من بابا
كتلة باوع وراك
ندار لكة ابوية وراه كمز حيل وكام يضحك ضربة ابوية بالسبحة ومابطل
خرب يومة شكد يشاقة ويضرب ويتحرش بالرايح والجاي حته وية ابوية يضربه بوكس ويتلاوة ويا
شوية ودخل اكرم
وهم صارو خبصة كلبو جدر الدولمة وكعدنا كلنا بالمطبخ
شبع ابوية بسرعة كمت وراه
وصبيتلة جاي
الولد هم كامو واحد ورة الثاني
صبيتلهم جاي
وراحو كعدو بغرفة امل
مابية حيل اساعد العاملة بس أيد وحدة وكلبي مينطيني هواي اماعين صارن تل
كمت اغسل وياها بيد وحدة ومتقبل توخرني شكد حلو العربي التكولة
ماازين بتا روحي هناك
عود مو زين بطة روحي هناك
شفت احمد وسام نايمن ع الجرباية ويسولفون وامير واكرم وامل متمدين بالكاع
رحت نمت يمهم على الجرباية
ضل وسام يخبص بشعري ويضحك يكول اموت على هاي الكصة اني
خرب يومج شسويتي بيه بيومها
سكتت
كام يضحك حيل هو بصوت عالي سديت حلكة
احمد يباوع بتلفونه مندمج
كتلة رح اسئلك وتجاوبني الصدك بروح خالة هبة هلمرة اذا تحبها
يضحك حيل يعرف عليمن اريد اسئلة
كلي سئلي
- منين هاي الواكفة يم ليث بالصورة حلفتك تحجي الصدك
- صديقتي وروح امي والقران
- وشعندها واكفة ويا ليث
- لطشتلة لان حلو هنه ذني ميدورن حب وعلاقات ليلة وحدة ويفلتن
- وليث راح وياها
- لا والله رجعنا بس شربنا شوية ورجعنا
- حلفتك
- وروح امي وهو كلي وسام صيحها خلي اصور وياها صورة
ضليت ساكته واباوع
- خايبه يامرة اني مجذب عليج
- كل مرة
- كليخرا ولا مرة وروح امي بس من كتيلي ع الصور جان هو تلفوني عندة وهو يراسلج نهار كله
- وهاي القندرا شصار ورة ما صورتو الصورة
- راحت شبيج
- شلون راحت
- هو كللها اريد اصور صورة وياج واني مزوج بس اريد زوجتي تغار كامت تضحك وافقت
نحجي ونبسبس بينا
وية كل حجاية يحجيها يحلف بتراب امة
- زين ليث شرب بيومها ؟
- اي وطلعتي من خشمة هههههههههههه
- دحجي
- والله كام يكمز ماضل شي ماكسرة ماضلت كفرة ماكفرها سبوع هو بس نايم حته البنية عافها اني ومحمد حرنا بيه
- ليث يكفر !
- خاب شوف هاي الثولة اكلها شرب يشرب
- انت علمتة غير
- ايباه هو يومية حته لو ما اشرب اني هو يشرب وحدة
- زين والبنية
- زينة كامت تكعد وتزحف على بطنها يطلعها يشممها هوى ويوكلها
- سننت بعدهي
- لا بس مرات مالها خلك وصخن وابوها اخذها للدكتور كالو علمود سنونها
- اي وبعد
- ليث رجع يشتغل بس الصبح ويجي ب ١٢ ومحمد طلك وهم كعد يمنا وهم ملتهي وية البنية الصبيحة كلها عندة ومن يجي ليث من الشغل هو يستلمها
- وانت
- اني اراقبلهم
- ههههههههههههه اي وبعد شصار مصار
- اول البارحة شلنا بشقة اكبر بس طابق رابع بيها تلث غرفة ع اساس ع عددنا اني ومحمد وليث بس بعدهي هوسة لا مرتبينها ولاشي واحد يذبها ع الثاني
- اها
- اي والله عاد كلت ماكو غير اختي حبيبتي اجي اخذها ترتبلنا البيت وارجعها
سكتت ضليت صافنة بوجه
- هههههههههه ترة صدك احجي حجزتلج باجر نرجع سوة اني وياج خلصي عطلتج الشهر هناك وية بنتج وعود ارجعج تكملين دوامج هنا
- وياقوت
- تبقة يم ابوها مايقبل ينطيها تردين تشوفيها امشي وياي باجر بدون مشلعين كلبي .. ما تردين كليلي حته أجل سفرتي لان اريد اروح لهيت صاحبي عزمني
- وليث
- ياكل خرا شنو بكيف ليث جاية لبيتة انتي شنو بيتنا كلنا بيه كلنا دندفع ايجار
- خاف يتعارك ومالي خلك هو متحلف
- لا شمتحلف اوكلة نعل .. بس من هسه ورح احجي اني كدام ابويه مو ترحين هناك وتكليلي ما ارجع الا بنتي وياي ومن هلسوالف ترة كلبي خلصان
- هزيتلة راسي لا والله ما اكول بس اخذني اشوفها
- هو رايحين باجر طيارتنا ب الاربعة لازم نطلع منا بتلاثة ونص
هزيتلة راسي كتله اوك
صعدت فوك ابجي واضحك من الفرحة
ستحيت من ابوية بعد مانزلت لحد ما هو صاحني وكلي حجة وياي وسام روحي بوية شوفي بتج وتعاي
كتلة اي
بيومها ضلو الولد سهرانين لتلاثة يسولفون وية وسام
واني هم بقيت وياهم كلي عود نام بالطيارة سبع ساعات شيخلصهن
حضرت جنطة زغيرة واخذت كتبي وياي خاف اقرة لان اذا رجعت مباشرة الدوام وامتحانات
ضلينا كاعدين لحد ماصارت تلاثة ونص كام وسام بدل
سلمت على ابويه وبست ايدة وهو نايم
وامل خطية تقسم بالكليچة هاي الك وهاي ليث وهاي لمحمد مو تتعاركون
ونطته علاكة صغيرة هاي اكلوها بالطريق تمتوعة
كلها ادري يمة شسالفة رايحن على جمال غير طيارة
خذتها من ايدة وخليتها بجنطتي وادفع بيه يلا بس امشي
سلمنا عليهم وصلنا احمد للمطار
ضلينا كاعدين بالمطار وناكل بالكليچة اني وسام لحد ماصارت الساعة اربعة رحنا صعدنا بالطيارة
——————————————
ليث :
لعلُ الله يجلبُ بعدَ هذا البُعد قُرباً دائماً ..
كلي وسام رح اروح اجيبها بس اذا تفتح حلكك وتضوجها لو تغثها بحجابة وروح امي ادفنك وانت عدل
سكتت ضليت اباوع علية
كتلة مالي شغل والله عادي روح جيبها بس البنية ما تاخذها
كلي لا تخلص عطلتها هنا وتروح خطية تعبانه حيل
كتلة هاي حلفتلك مالي شغل بيها
حته البنيه خليها عدها منا لحد متروح
ب ١٢ الضهر لبسنا اني ومحمد بدلت للطفلة ومشطتلها سويتلها ثنين كرون وهيه عدها بس شعراتين
خذنا غراضها ورحنا للمطار ننتضرهم
ما مرتاح كلبي يدك سريع التوتر ينقري عند الف مشتاقلها حيل
بس كلما اذكر سالفة شعرها والدوام ترجع تتخربط احاولي وانغث حيل
خايف ما اسيطر على روحي واجفص وياها ونتعارك
قررت بس اوصلهم اروح وابقة ابات بالشغل لحد ما ترجع
ضليت واكف متلهف واباوع بالوجه ادور عليها
ومحمد واكف بصفي والبنية بالكاع بالكرسي مالها نايمة
ماكو هيج فجأة مدري منين طلعت ماسمعت بس ركضة والوكعة مالتها بالكاع يم الكرسي مال طفلة
ضليت مصوكك واكف ماعرف شسوي
حطتها بحضنها وحاضنتها حيل على صدرها وكلشي ممبين منها بس شعرها نازل على وجها وأيدها الملفلوفة وتبجي وتشهك بصوت ناصي
تقدم محمد عليها راد يكومها
ماقبلت ضلت مدنكة وعلى كعدتها متربعة بنص المطار والبنية بحضنها ومدنكة عليها وتبجي
كرهت روحي حيل شسويت بيها ااني !!
شفت وسام شايل الجنطة ويدور عليها صوفرتلة كتلة هنا هنا تعال
اجة يمشي على كيف وياكل كليچة
- حبيبي السيد تعال بادلني النعاق
كتلة بصوت ناصي دولي لا انعل والديك هو بس البارحة رحت
- دضل ضل عبالك ذولاك الناس يعانقونك والله لتعيش وحدك وتموت وحدك مثل الكلاب
درت وجهي منه ماريد اضحك
رحت وكفت يمهم
كومها محمد ويحجي وياها بصوت ناصي وحضنها ورجع يحجي وياها هية بس تهز راسها وشايله البنية على صدرها
اجة وسام كلها طايحة الحظ وين رحتي صار ساعة ادور عليج
يلا هاي وصلنا
هذا حبيب الكلب شوفي
رفعت راسها عليه وخرت كذتلها على كيف وتباوعلي بكسرة وحزن
نضرتها دمرتني كرهت روحي حييييييييييل
ماكدرت بعد تقدمت بتجاها بسرعة وسحبتها على صدري هية وبتها وبستها براسها على كيف
ابتعدت عنها بسرعة
ضلت مدنكة ماحجت شي
وسام ما سكت وما سد حلكة محمد اخذ الجنط وطلع كدامنا للسيارة مشينا سوة
صعدت ليورة والطفلة بحضنها ما عافتها
صعدت اني اسوق ومحمد كعد يمي وسام ليورة
الطريق ساعة ونص اني ساكت وهية ساكتة بس محمد وسام يسولفون ويشاقون بالي مو يمهم ابد نشلع كلبي اريد اشوف عيونها
وجها خدودها ماكو بس مدنكة وحاطة راسها بركبة الطفلة وشعرها نازل على وجها
وصلنا شالت الطفلة ودخلت للغرفة ابد ما طلعت منها بعد
رحت جبتلهم عشة عزللها وسام بماعون راح فتح الباب لكة الغرفة مقفولة
رجع علينا وحط الماعون ع الميز
ومر اليوم وصار الليل وهم ما طلعت ابد
ولا اني التجرئت وكدرت ادخل للغرفة بعد
النار البكلبي بس الله يعلم بيها
وهم مر ثاني يوم رحت للشغل ورجعت وهية ماكو هم ماطلعت من الغرفة
وتلث ايام ع هل الحطة ااررريد اشوفها متت وياي بنفس البيت وما اكدر المحها ولا اسمع صوتها
وخلص الاسبوع واحنا ع هل الوضع ما شفتها ابد من يوم الجبتهم من المطار
حته اكل ما تاكل وجبة وحدة والا محمد لو وسام يرزلوها بس حاطة البنيه بحضنها وكاعدة بالغرفة
طك كلبي كتلة وسام جيبيلي ياقوتة صار سبوع ما شايفها
راح جابلياها
ستحيت من الولد خذتها ورحت للغرفة وحضنتها حيل وابوس بيها نفس ريحتها
ملبستها كلادة ذهب بيها حرفي وسوار ذهب
وهم مثلها الطفلة انومها بحركة وحدها بس اللعب بشعراتها الاثنين تنام بسرعة
نامت حضنتها وغفيت وياها على ريحتها
ساعة ثنتين نفتحت الباب
ودخلت تمشي على كيف بعيوني النعاس بس شفت خيالها صحصت بسرعة ضليت كوة مسيطر على اعصابي ماجريتها وحضنتها مشتاقلها وكلشي بيه يريدها
بس شسوي ماريد خاف ترفضني واني حالف لوسام ما اسوي مشاكل وياها
شالتها واخذتها من أيدي على كيف تحاول متكعدني
خذتها وطلعت وسدت الباب
ثاني يوم مرحت للشغل متدري بيه هية عبالها رحت
معزومين بعرس صاحبنا تلاثتنا
كلت بلكي تروح واشوفها
طلعت لكيتهم كاعدين تلاثتهم يتريكون
رحت للحمام سبحت وطلعت كتلهم صباح الخير
بس وسام ومحمد جاوبو بقت ساكتة ومنزلة راسها دنكت عليها اخذ الطفلة من حضنها قربت راسي حيل يم ركبتها وشميتها وخرت بسرعة
ماكو لحضات ولكفني وسام فضحني فضيحة كلساع وكلها بطة تعرفين عقوبة المتحرش هنا شكد ينسجن
ابد متتجاوب وياه ساكتة ومدنكة هدوئها ينرفز احسها مكسورة حيل واكره اشوفها هيج صايرة خوافة من اقل صوت تفز صفنتها عيونها كلشي بيها حزين ومكسور
ضعفانه حيل
أيدها الملفلوفة بشاش وبلاستر
شعرها كصير من ورة بس من كدام شوية طويل وشايلتة بقراصة صغيرة
من اجت لليوم هية لابسة اسود ب اسود
خلصو ريوك كام محمد شال الصينية
كتلة حمودي حطلي فحمات من يمك
صاح وسام من صباحيات الله نركيلة ع الريك
ما حاجيتة
كامت هيه للغرفة
ضلت عيني وراها لحد ما دخلت
كال وسام شنو ترحون اليوم لو لا
كتلة اي نروح مادري شوف الجماعة يرحون
كال لا عوفها بالبيت خلي تشبع من بتها خطية
كتله لا ياقوته اخذها وياي
كلي هااا شحجينا احنا قبل سبوع ما اروح مو كتلك بلا مزعطة ترة اكوم احركك
كتله هيييي هييييي علمودها هية خطية شكو محبوسة بالبيت خلي تطلع
كلي ما اعتقد تقبل
كتله روح حاجيها وكلها رح ياخذ البنية وهسه تنجبر وتروح
راح حجة وياها ضليت اسمع بس صوت وسام يكلها لا ابوها ما يقبل يريد ياخذها ويا امشي ويانا انتي هم
طلع ويصك على اسنانه ها حيوان مو كتلك متروح هسه لازم ناخذ الطفلة ويانا
ضليت بس اضحك واباوع عليه
اخذ البنية مني وراح نطها الها بدلتلها
جتي خلتها يمنا بالاستقبال ورجعت للغرفة اباوع عليها عيونها مغوركة
شاطت روحي
حته ما نطتني مجال اباوع عليها دنكت ورجعت بسرعة
بدلنا تلاثتنا لابست قاط زيتوني كاجول وجواه تشيرت ابيض وحذاء رياضي ابيض
طلعنا تلاثتنا ومحمد يصيح يلا تأخرن
صعدت وصعدت البنية يمي مشينا مسافة قبل منطلع منطقتنا
كتلة وسام نزلني ماريد اروح
ضرب ع الستيرن حيل
هااااااا ليث بدينا شكتلك قبل شوية
- ادبسزز بس انطيها البنية واطلع ما احجي وياها
- ليث اكعد وانجب
- نقهرت يمعود ماشفتها الدمعة ضلت بعينها
- ااااي وين جنت كواد هسه يلا مو جانت تتوسل بيك حته صورلها صورة
نغثيت حيل اخذت الطفلة ونزلت هو ضل يصيح علية تعااال ارجع ويسب
غلست نزلت عرباتنها وخليتها بيها ومشيت
مشي تقريباً نص ساعة هيج يلا وصلت
كلبي يدك ع السريع صارلها عشر ايام هنا ما نفتح حديث بينا ابد ولا حاجي وياها كلمة
دخلت متلهف للبيت
البيت هدوء وفارغ دورت عليها ماكو
اخر شي دخلت للمطبخ لكيتها كاعدة وصافنة وكتبها ع الميز
اني شفت الكتب واني دين ما ضل براسي اذكرت اسلام ومسبتة وغلطة وهيه صلافتها راحت وداومت حته ما نطتني خبر ولا اخذت رأيي
رفست الباب برجلي
طفرت من مكانها كامت تباوعلي برهبة وخوفة
تقدمت بتجاها رجعت ليورة حيل واديها ترجف تفرك وحدة ب الخ
نطيتها البنية كتلها بنترة هاج بقت تبجي ورجعتها
خذتها من ايدي بسرعة ورجعت ليورة
- شنوو دتقرين هيج حلم اسلام عزيز على كلبج مو على اساس جايه تشوفين بنتج
لزمت كتابها شكيته وشمرته بالمغسلة
بس ساكته وتباوع عليه بخوف
- عطت بيها حيل متحجينننننن خرسيتي نبلع لسانج لو هناك لسانك متر تتسبعين ب ابوج
حجت بجية ليث لا تعيط الطفلة خافت
فركت وجهي واشرتلها خذيها هناك والعباس اذا قفلتي الباب اكسرة
هزتلي راسها وراحت خذتها
للغرفة
بقيت واكف بلباب
فتحته على كيف ومترددة متدري واكف ورة الباب
بس طلعت جريتها ورحت للصالة
- ليش جيتي ؟!!!
جاوبتني وصوتها يرجف كوة الكلمة
- اجيت اشوف بنتي
- مو عفتيها
- غلطت
- واني شكتلك بيومها مو كتلج اذا رحتي بعد ما اخليج تشوفيها
- وسام جابني
- باعي لج الفصمة يجي وسام وتكليله رجعني ما اريد ابقة لا والعباس ابو فاضل اخذ بنتي واروح لغير دولة واخليج ما تعرفين ولا خبر عنها باجر يحجزلج وتولين ترجعين وممنوع تكليلهم اريد بنتي ومننوع تبجين عليها ولا طلبين صورة وسام لو يتوسل بيج ويكلج تعاي متجين
ومنا لحد مترحين ممنوع تتقربين ع الطفلة وممنوع تشيليها ولا تلزميها
عطت بيها حيل
فاهمة لو لا
هزتلي راسها بتعب ااي
عيونها كامن يتكلبن ليفوك وجها صار اصفر كركم جلبت بسترتي بيدها
ضليت صافن عليها مثل الاثول مادري شسوي
حضنتها حيل سنحت وذبت نفسها علية
خوفتني نخبصت ماعرفت شصرف شلتها خليتها ع التخم وخليت مخدة جوة رجليها
ركضت للمطبخ بسرعة خلطتلها مي وملح شوية وشربتها
ضليت اللعب بشعرها والدمعة بطرف عيني
هيه تباوع عليه بخوفة كوة حجتها خابر وسام
كتلها نامي ميجي هسه يتأخر
غمضت ودموعها نزلن
بجيت وياها بخنكة نزعت السترة شمرتها
رجعت كعدت يمها بالكاع
خليت أيدي على شعرها وخرت راسها على كيف وكل جسمها يرجف
- بيان
جاوبتني بصوت تعبان
- هلا
- احضنج
هزت راسها لا وبعدهي مغمضة
- ماشتاقيتلي
- اي
- شكد
ضلت مغمضة وكوة جر النفس
بس دموعها تنزل
- خلي احضنج
مشتاقلج
ولج رح اموت وحق العباس
بجت حيل كالت خابر وسام
عفتها وطلعت بسرعة مدري وين اروح وين اجي شفت واحد الماني صديقي اعرفة كاعد بالحديقة ويشرب
رحت كعدت يمة وكمت اشرب ويا
ساعتين هيج وكام بقيت بقيت وحدي ضلمت الدنيا والعالم بدت تروح
تمددت ع المصطبة ونمت مثل كلب الشوارع ع كولة وسام
ما فزيت الا بالعشرة الصبح الشمس صارت بعيوني
كمت واني بعدني طافي اروح منا واجي منا
دخلت للبيت بهدوء لكيتها بعدهي على نومتها ع التخم ..
بس دايرة وجها من الصفحة الثانية ومقرفصة رافعة ايدها المحروكة ليفوك ع التخم ونايمة
ومحمد ووسام نايمين بالكاع وحاطين الطفلة بنصهم
وملابسهم مشمرة هنا وهنا
والحلييب الباوردر مطشر عل الزولية ونايمين بتعب حته هاي الفصمة الزغيرة نايمة ع وجها
خذتلي ملابس على يكيف ورحت سبحت ورجعت للغرفة مو يمهم ومتمدد مادري شسوي
ضليت سالفة تاخذني وسالفة تجيبني لحد ما غفيت فزيت مدري بيش ساعة على ركعة الباب قوي وسام ضاربها مرت الخ ومحمد متعارك ويا
اسمعة يصيح عليها ويغلط
طلعتلة اركض شبيك شكو شكو
اباوع عليها كاعدة ع التخم وحاطة اديها على اذانتها وتبجي مثل الاطفال حته بنتها احسن منها تضحك وتعلب ع الصوت عبالها نلعبها
- ولك وسام شبيك شكو
كلي تعال اسمعها هاي الدايحة بنت الدايحة صارلها شهرين تنوح على بتها لك فلست من وراها ياماخذها يا جايبها راتبي خلص ع الطيارت فلس احمر ماعندي بعد
وهيه ع المزاج وسام اخذني وسام رجعني
رجع يعيط عليها لج شهل الصلافة ماصارلج عشر ايام
واجتني هسه تكلي رجعني..
صحت بيه حيل هيييييي من وراي اني البارحة جفصت وياها جان محروك كلبي منها وكتلها كلي لوسام يرجعج وهددتها بتها اذا ما ترجع
كلي شلون شلون
راسة جبير الحيوان نطاني كلة بنص وجهي وكعني وضل يضربني رفسات بصافحي
ومحمد هم دفرني برجلي وراح كعد ع التخم كلة موتة طبة مرض
ماكفتة الرفسات دنك لزمني من تشيرتي
ودك بوكسات على وجهي وخشمي وحلكي فصخني تفصخ مال بارحة بعدة بية جسمي راخي حيل
ضليت احلف بيه واضحك
وهو يسب ويحلف ما اضل حتة بنتي بعد ما اشوفها
بيان :
شفت الدم البوجه وفقدت
رحت ذبيت روحي عليه وسام يشمرني بيد وحدة ويرجع يضربة حيل
يكلة ساقط بيتك بيت ابوك حته تكلها روحي
ضليت ابجي واحجي ويا جذاب عوفة مكلي روحي عوفة جذاب
وسام بروح خالة عوفة
ماكو تخبل عليه وليث نشكت شفتة وكامت تجري دم قوي
لحد ما جتي ضربة بيدي المحروكة
شاغت روحي
كمت ابجي صوت عالي وارفس برجليه يلا بطل
ضليت كاعدة بالكاع بصف ليث وحاطه عكسي عليه مسويته تجوة وسام يفتح بالبلاستر البيدي يريد يشوفها
صاح على محمد حيل كوم نطيني الجنطة مال اسعافت بسرعة
راح محمد يركض جابها ويحجي ويسب بيه وبليث يكلي جنه مرتاحين منج المن اجيتي ام المشاكل
وسام يغلط ويسب بصفحة
طكت دم من صفحة وحدة نشف الدم وعقمها ورجع لفها بشاش جديد وبلاستر
وكام كعد التخم
ضليت كاعدة يم ليث وهو متمدد وحاط أيدة على عيونه وجهه كلة دم
وسام بعدة مستمر يغلط علينا ثنينا
تقربت يمة بسكوت وكمت امسح بالدم الي يم حلكة بالحافة مال ثوبي
امسح شوية وانزل أيدي وارجع امسح اشوية واوخر
فز لزم أيدي قوي ويحجي ويضحك
أأأحبج
والعباس ابو فاضل احبج
أسلام ميحبج بكدي
هذا الكواد الكاعد هنا ميحبج بكدي
ضليت صافنة عليه
وسام كام يغلط عليه ويتهدد يريد يكوملة
صاح علية هيييي الثولة سكران طافي كومي منه
كمت وخرت منه بسرعة وبعدني اباوع عليه وادير وجهي وهو يباوع علية ويرجع يغمض بتعب
راحتلة ياقوتة توها تزحف وصلتله على كيف وصعدت على بطنة
كام يضحك وشالها بسرعة
وسام كلة رح اطلع وارجع اجي الكاك مموجود ماكو بالعباس التحلف هلمرة ادفنك وية الچلاب
سمعتني لو لا
كلة اااي اااي سمعت دحطلي فحمات وياك بدربك
دفرة وسام حيل وطلع
محمد راح بالغرفة كال رح انطمر بالقران اليكعدني ما يلوم الا روحة
ضل حاط أيدة على عيونة ومغمض
حجة على كيف
كومي حبيبي حطيلي فحمات
ضليت اباوع عليه وخازتة
شمر علية المخدة
- لاتباوعيلي هيج وجه النعال هاي نعلست اخذلج اخوج حقج مني مو راس طخماخ
درت وجهي منه
- كومي انطيني ايدج داكوم
- ايدي محروكة
- أيدج الثانية
تقدمت نطيتة أيدي كام تحرك شوية عاط حيل من ضهرة
ضل نص ساعة ميكدريكوم كلما يتحرك شوية يعيط من الألم
ضليت اباوعلة بقلق وخوفة
- ليث اجيبلك الكرسي چلب بيه وتكوم
- لا ماكدر
- زين خلي أيدك هنا وچلب
- اااااااخ خرا بعشيرتك ياناقص هسه تدري ضهري زبالة ابن الكواد
خفت منه حيل رجعت ليورة
انتبه علية سكت رساً
جلب بالتخم وكام كوة
ركضتلة بسرعة وجلبت بيه بسرعة
ضل حاط أيدة على جتفي مستند عليه ويضحك بألم ولازم ضهرة
خزرتة شكو شبيك تضحك
- يعني هسه انتي جنج عصفور رح تلزميني اذا اوكع
- لا والله خاف تزعل هسه انت مو ذاب نص حيلك علية
- والعبااس هسه اذا اوكع عليج افشلج
كام يضحك حيل
فهيت بوجه مثل الغبية ضليت مبتسمة واباوع عليه بفهاوة
نوب ذكرت سوالفة وياي رجعت عبست بوجه ودنكت
ضحك حيل كام يكركر
ابتعدت عنة وكتلة روح احجزلي تذكرة يلا خلي ارجع
- وين اكدر مشوفيني متفلش
- احجزلي ع النت
- ماعندي فلوس شايفتني منو اني اسلام ينام على مخاد مال شدات
- انت شبيك حاط كورك وكور بابا
- اكرررره
- واني اليكره ابوية اكرهه هو واهله وعشيرته
- لااااااه شدعوة عاد
- بالقران تستاهل كل ضربة ضربك ياها قبل شويه وتستاهل هذا الالم البضهرك وانشاء الله يوم رجليناتك وادينك هم تتكسر
حجة بنبرة ناصية حيل
- اكثر من هذا آلم يعني
ضليت صافنة بوجه
اكثر من وجع كلبي يعني كلبج حجار انتي ؟
- اسلام الكواد من علمج على الوكاحة واللسان الطويل والعناد والحقارة ماعلمج شلون تحبين شوية ؟! لو لاا تحبي بس الة وسمعين كلامة شيكلج تنفذين
- انت خبل مو صاحي والله تغار من وسام وتغار من ابوية وتكره ومتأكدة اني لو ياقوتة ولد جان هم كرهتها وطلعت بيها الف عيب
- يعني اني خبل وانتي صاحية هسة ما غرتي لان هاي بنت القندرا اجتي للبيت وسويتها ليلة سودة رجعني ورجعني وماريدك هاا صح لو لا ؟ مو قبل متموت نضال صح لو لا ؟
- اي وانت واحد جذاب كتلي اني وياج لو شيصير واجيتك تعبانة ومحضنتني
جرني على صدرة وحضني كسر ضلوعي
ضليت ادفع بيه واضرب ضل حاضني حيل ويحجي بعصبية
- وهاي سالفة الحضن فضينها حته بعد متاكلين راسي بيها
يحجي وياي بعصبية
مشتاقتلة حيل حيييييل نسيت شديحجي انتهيت ضليت مغمضة وحاطة راسي على صدرة
لحد ما صحصت شوية وخرت منه
وهو بعدة يحجي وياي ويهزني من أيدي
- احجي ادبسززز ليش عفتيني
- ورح اعوفك بعد بس تخلص عطلتي ارجع انت واحد حقير مينعاش وياك
- وشدعوة عاد رح اجلب بيج .. روحي شسويلج يعني اكعد اكطع روحي
درب الصد مارد روحي انشاء الله توكع بيج الطيارة على بيت اسلام وتموتون سوة بنفس اليوم
ضليت اباوع عليه وعيوني مغوركة
نصة صوتة شوية شوية وسكت ضل يباوعلي بقهر
كمت ابجي حيل ردت ابتعد عنه جلب بيه وحضني قوي
- انت ليش هيج كمت متحبني
سحبني على صدرة وحضني حيل
ضل يمسح على راسي لا ابوية لا يروحي سكتي لا تبجين لا لا
يكلي هيج واني كمت ابجي بالزايد
حجة بصوت مخنوك
لج حبني الموت اذا ما احبج لج انتي غبية متحسين بية مشوفيني شلون مدمر
- لا مدمر ولا شي سهر بالنوادي الليلة ونسه وبنات بحضنك
ضلت ساكت محجة شي بس يباوعلي بحزن وقهر
- احلى مني ؟
اااااش
عجبتك ؟
- سكتي
- ليش اسكت احجيلي
بجيت حيل
كتلة ليش اسكت دتعاتبني على كولشي بس متكولي ليش كصيتي شعرج
- غلطت اول مرة بحياتها اسويها واخذت عقاب ضعف الذنب بمليون مرة
ماعرفها حته اسمها و ماعرفة بس ردت اسمع صوتج حته لو بعركة تخيلت من شوفين الصورة تخابريني وتتعاركين وياي
واكف ولازمني مقربني حيل عليه واني حاطة ايدي المحروكة على صدرة اباوع بوجه وهو لازم أيدي الخ وحاطها على شفتة ويحجي
نسيت روحي وهو هم مثلي جان يحجي بصوت ناصي حيل
سمعت صوت المفتاح الباب نفتح
كمزت بسرعة وخرت منه
وهو هم فرك وجه وضل يباوعلي بقهر
شلت ياقوتة وركضت بسرعة للغرفة قبل ميشوفني وسام
سمعتة يكلة هاا ابن الكلب بعدك هنا اني شحجيت
محجة ويا راح للمطبخ
ضليت افتر بالغرفة ونار بصدري متطفة كل العشتة بهل الشرين دينعاد كدامي بنفس القهر والحركة
ما تحملت بعد شلت البنية وطلعت
وكلت اروح احجي وية وسام يخابر اكرم يدزلنا فلوس وارجع باجر
طلعت وخايفة منه يگب بوجهي
فتحت الباب على كيف شفتهم من بعيد
هوا واكف مرتاج ع المغسلة ويزرف بالفنجان ويحجي لوسام بصوت ناصي حييللللللل وسام كاعد ع الكرسي وحاط ايدة على خدة ويباوعلة بقهر ويسمعلة
ااااكيد ديسولفة ع الصار قبل شوية ماااكو غيرها
ياخذ نفس طويل ويمسح عيونة ع السريع بچتفة ويرجع يباوع ليفوك وهنا وهنا
يفلش كلبي تفلش من اشوفة هيج مكسور وضعيف تعلمت على حقارته وعصبيتة
هسه اني شسوي ارجع الابويه المريض الوعدته اكمل دراستي وافرحة لوابقة يم روحي وكلبي العايفتهم هنا
اباوع على هاي الطفلة اشوفها تعب سنيني وسنينة اني نشلع كلبي ويه نضال وعناد ابوية
وهو هم اهلة تعبو وفاتن موتتة
همزين بعدهي طفلة ومتفتهم لو جبيرة وشوف هاي المشاكل الكدامها شيصير بيها
رجعت للغرفة وضليت مكابلتها وكاعدة اباوع عليها وهية هم تكعد بس وكحة حركة
علمتها تصفگ
تسوي شوية وتبطل كمت اضحك حيل حضنتها ورجعت اصفكلها بأديها كامت تصفك وتضحك حيل تكركر
شلتها بسرعة ورحت لوسام لكيتة كاعد بالصالة
كتلة سومة سووومة عليك الله شوف شلون تصفگ
- جذذذب !
- والله هاك شوف
- شو بلا تعاي خالو اليوم معرسين السادة ماشاء الله
طب ليث يضحك ويباوع بس عليها
درت وجهي منه وهو هم ميباوعلي
ضليت كاعدة يم وسام
وهو تمدد ع التخم وخلة النركيلة بصفة وحط السماعات ب أذنه مدري شيباوع بتلفونة
وسام كلي تعاي عار تعاي ذكرت
- شكو شبيك
- شلون تعوفين التمن والمركة بالغرفة نوب هذا المطي قافل الغرفة من رحتي
لحد ما شلنا يلا فتحناها وشلكينا الغرفة يابة متنطب نوب ندور على الجثة ماكو
كمت اضحك حيل ولازمة صفاحي
- ولك ياجثة
- شمدرينا اني وليث كلنا هاي غافلتنا وقشمرت فاتن وجابتها وموتتها ودفنتها بالغرفة
ماكدر احجي بس اضحك حيل واباوع عليه
- والله جديات عبالج اشاقة لان سالفتج مو خالية هيج فجأة تغيرتي ونجلبتي علينا رجعوني ورجعوني كلنا هاي كتلتها وكالت افلت واعلك السالفة بروسهم ذول القشامر عاد اني الاخ الوفي كلت اتحمل واروح اعترف بمكانج
- ههههههههههههه ولك شتعترف هاي المركة مال بانيا طبختها وضميتها بالبطانية حته تاكلوها حارة واخت فاتن متخربهن
كام يضحك حيل وتمددد بالكاع
واني اضحك على ضحكتة بفطارية حيل
نسيت السيد
رفعت راسي عليه لكيتة يباوع علية ويضحك وعاض شفتة
دنكت بسرعة
كعد محمد من النوم مطنكر ويصيح علينا
غضب الله على راسكم ماتخلون واحد ينطمر وكتاب الله حته بيوت الجن والطناطلة مو هيج ساعة تتعاركون ساعة تتمالخون ساعة ضحكون دحترمو النايم شوية
كلة وسام اهووو شلون بالعجايز اني رح يبدي النكد
كومي بطوط سويلنا غدة عليج الله جوعانين
- اسويلك يعني بأيد وحدة كوم وياي
- لا اني رح انوم البنية هسه السيد يجي وراج
سكتت محجيت شي خزرتة وكمت
خليت الطاوة ع النار
وكليت من الكبة الجبناها ويانه السوتها امل
شغلت الفرن وهم شويت من الفطاير السوتهن
اجة وراي وبعدة تك سماعة بأذنه ولابس برمودة وكيمونة حاط التلفون بجيبة
اخذ الچفچير من أيدي كلي روحي لا تتقربين ع الطباخ اني اطلعهن
حجة بصوت ناصي وميباوع بوجهي
اني هم دنكت وخرت منه
رحت طلعت طماطة وخس حطيتهن ع الميز وحضرت التختة والسجين
ورجعت مرت الخ فتحت الثلاجة طلعت خيارة اكرط بيها وصافنه مدري عليمن اجيت وشردت اطلع !
اجة وكف وراي وكلي بنبرة هادئة حيل
- وخري شوية حبيبي
فزيت وخرت بسرعة
ماباوع بوجهي طلع جزر من الثلاجة وكعد يسوي زلاطة طلعت من المطبخ كلة
صاحني وسام واني بالي يمة طلعت كبل
واحجي وية روحي
شنو حبيبي وشهل النبرة هاي
هسه شنو احنا مصافين لولا !!!
ويرجعوني لو ابقة !!!!
والبنية هم ياخذونها مني ؟!
شوية طب وسام شايل الطفلة صاح علية حيوانة مو صحتج كتلج تعاي اخذيها نامت
كتلة مادري ماسمعتك
شالها حطها بجربايتها
صعدت يمها بجربتها مو جبيرة حيل بس تكفيني قرفصت ونمت يمها تغطيت بطانيتها
ليث :
كملت الغدة وصحتهم كتلهم يلا تعالو وسام كلة محمد روح صيح بطة كلها تعاي تغدي بس على كيفك لا تكعد البنية
راح محمد للغرفتها
كلة ماكو
كلة يجوز بالحمام دك عليها الباب
رح فتح باب الحمام وهم رجعلنا كال ماكو
ضلينا اني وسام واحد صافن بوجه الثاني
كمنا وكلمن يدور بصفحة اخرشي محمد كال خاف طلعت
كتلة مستحيل اني واكف هنا بالمطبخ اشوف الباب اذا ينفتح ماصدكني لبس وطلع يدور عليها
وسام نخبص ورجع يدور بالغرف واني ادور ويا
اجة يمشي سريع من بعيد واني ادور بالي مو يمة
واني ويا كصة بكصة واحد فلش الثاني
مدري اضحك مدري ابجي
رجع كلي ولك ليث وين راحت معقولة رجعت وحدها
يمعود صلي على محمد شترجع هاي الخوافة هيه للحمام متروح وحدها
ولا ساعة ولا ساعتين ندور وماكو
رجع محمد وجه اصفر كال ماكو ملكيتها
ستغفرالله ولك وسام اختك عندها الرداء السحري وين اختفت
ولك يارداء عفتها واكفة بالغرفة
سيد اشعللها بخور وهسه تطلع
زمخ بينا محمد انتو صدك تحجون
سكتنا ثنينا ورجعنا مرت الخ ندور بالغرفة
باوعت بكاروك البنية لكيتها حاضنتها ونايمة
اشرت لوسام تعال هاي
طب يمشي على كيف وغاص من الضحك
كال هسه مو اركعهن راس براس
ماضحكت ضليت واكف واباوعلها بقهر نومتها كسرة كلبي
طب محمد وهم ضلت ساكت الا هذا الفطير بعدة يضحك حيل
رحنا كعدنا تلاثتنا نتغدة حته الاكل برد
محمد كلة وسام انت موجود من جانت زغيرة وضاعت جنت يمنا ؟!
كلة لا وين بس سمعت امي سولفتلي
كتلة محمد وين ضاعت
كال هم هجيج لكينها نايمة ورة بال المطبخ جانت تلعب وغافية واحنا لل ١٢ بليل ندور حته صحنا عليه بالجامع وماكو
كلة وسام منها وضربها ابوك الكلب
كلة أي ودنك
شعوطت حيل
كتله محمد سولفلي شبيك ليش ضربها
كال جان عصبي من ورة ذني الاثنين الله لا يوفقهن وهية اختفت هيج بس طلعت طلع حركتة بيها ضربها راشدي وخوفها
حجة وسام بقهر كال اي سولفت امي منها وكامت تصخن وصارت بيها خوفة هسه بس تسمع واحد يصيح تكوم ترجف مثل الجهال
نمرد كلبي حته اللكمة كامت ما تنبلع هيج كوة علية
ومر اليوم والبعدة بين المشتاقلها واريد اشبع منها خاف ترجع وبين الانهزم منها ماريد اباوع بعيونها
كلما اجي والكاها نايمة اضل صافن بوجه وكل سالفة اسمعها عنها تعلقني بيه اكثر كلما يصير بعد بينا بعد وفراك يزيدني حب الها وتكثر معزتها بكلبي احس هلطينة مني ومخلوقة الي
الكبلها شكد جنت متعلق بيها سنين وتالي طلعت من كلبي بلمح البصر
هلمرة احس غير
احسها صدك نصيبي المكتوب علية ينشلع كلبي ويا ويتعبني
بس هم اريدة ومصررر
ضلت بالبيت متطلع بس مكابلة الطفلة وكاعدة
احسها فكت شويه مو مثل اول مرة
كامت تضحك وتلعب ويه الطفلة واذا كاعدة واجي اني متكوم
بس بعدهي متباوع بوجهي
الجو تغير صار شمس شوية قوية
كلت لوسام نروح ع البحيرة نشوي كال بكيفكم
كلها وسام هييي لا تكولين ماروح ومدري شنو ترة والله باجر ارجعج
باوعت عليه بخوفة وكلتله بصوت ناصي لا لا اروح وياكم
كلها كومي بدلي لعد ولبسي الطفلة
حجيت بدون ما اباوع عليها
ماريد كصيرومفتوح
نط وسام من يمة لاااا بالله الكريم اشو الا تلبس كصير واذا ما لبست اني اكصة الها
- تريدهن ستيل لو فافون اجيبلك ياهن
- لا جيبيلي كرون ابوك القديمات
ضحكت حيل
كتله يلا رايح اسوك اجي الكاكم جاهزين واباوع عليها
دنكت هيه مشالت عينها عليه ابد
كلها وسام مالج شغل بيه حبيبتي روحي بدلي لبسي التردي
خذت البنيه وراحت
واني هم طلعت اسوكت وجبت شيايش ومنقلة
ورجعت ضليت بالسيارة منتضرهم
شوية ونزلو كلهم وهذا الشايل ماعين وهذا الشايل جياس
طلعت هيه اخر شي وشايله بتها وتضحك وياها
لابسه فستان نص ردن بيجي
مدنفش من جوة ومن فوك مرسوم على جسمها رسم
طويل لحد الكاحل بس الحفرة مالته شويه جبيرة من ورة ضهرها مبين نوب شعرها كصير يحيل ويجذب النضر
لابسة طوك براسها
مدري افرح مدري اضوج
ذبت اللون الاسود اليوم لابسه اللوان بس طالعة حلوة حيل لو باقية ع الاسود احسن
اغار عليها من عيوني التشوفها مو نوب عيون العالم ..
وصلنا هناك واخذنا مكان النا وخلينا غراضنا
وشعلنا الفحم
كمنا نشوي كاعدة هيه على صفحة وحاطه بنتها كبالها وصور بيها وتضحك وياها وهالتصرفات توجع كلبي بالزايد احسها ناويه ع الرجعة تريد ترجع ودصور خاف محد يصورلها
ما باوعت عليه ابد ولا عبرتني من طلعنا لهسه
اجني بنات مصلخات بملابس البحر ويلعبن الكرة الطائرة
وسام ماقصر ضل يضحكلهن اجني وكفن يمنا
جنت بدون تشيرت بس بالبرمودا ولابس شفقة ونظارة
شمس قوية
واكفات يمنا واني عيني عليها ما اهتمت ابد باوعتلي برود ودارت وجها رجعت تلعب وية الطفلة
نغثيتت حيل حسيتني سطل واكف كدامها
ضليت اسولف وية وحدة منهن واضحك وهيه ولا يمها
ضجت حيل
شكد جنت مشتهي الكباب حته نسدت نفسي
كتله وسام اخذهن ذني ولي من خلقتي
ضل يضحك حيل كلهن تعالن هناك نلعب طوبة لعب وياهن شوية ورجع علينا كال يلا جعت ما استوة
كتلة استوة يلا صيحهم
جتي هيه ومحمد طلعو الخبز ويفرغون بالشياش اني بعدني اشوي
واكف
حطت الشياش الفارغة ع المنقلة
وشالتهن
وكلشي سوي برود ينرفز وبعدم انتباه
اني الاثول شفتها حطت الشياش الفارغة ع المنقلة كلت يجوز ما منتبه
رجعت اشيش بالكباب
اشرتلها كتلها نطيني شياش بعد
شالتهن ونطتنياهن وتباوع بوجهي بكل برائة دخت بنضرتها ضليت مثل الاثول صافن بوجها
لزمت الشايش وماعت ايدي
كفرة كفرة من وراها وشمرت كلشي ورحتلها بسرعة
ركضت ختلت ورة وسام
وهذا الفطير يضحك حيل ويكلي يلا مو كتلك مراح تعدي سلامات صاير نچر المن
ضليت اباوع عليها وهيه تباوعلي بحقد ومطنكرة تخزرني
هذا كلة وأيدي المصلوخة
نضرتها سحلتني سحل تمنيت هيج اجرها من ورة وساام وابوسها ماعوفها الا اشلع شفتها
فززني من صفنتي وسام ضربني
عفتها ورجعت
ماحطت ولا لكمة بحلكها بس تشرب بالعصير وساكتة
رحت سويتلها لفة وكعدت يمها
- هاج حبيبي
- اكلت
- ميخالف اكلي هاي من أيدي المحروكة
دنكت ضلت ساكته
- يلا يروحي يلا بنتي هاج أكلي
- سيد ماريد والله شبعت
- لج شكلتي ادبسزز ليش تخليني اصير مطي هسه كدام العالم
- كتلك شبعت والله ماريد
- يلا حبيبي وهسه اروح اشتريلج شعر بنات
بجت وحجت بقهر ويه وسام
وسام صيح عليه شنو زعطوطة كدامة ساعة يكلي بنيتي ساعة يكلي اشتريلج شعر بنات كلي يوخر من يمي
صاح وسام هي سرسري شنو تكلها اشتريلج شعر بنات يجوز تحب المصاص
دارت وجها حيل
وكامت تمسح بدموعها ع السريع
صرت نار يعني مطلعها اونسها وتغير جو شوية نوب تنغث وتكوم تبجي
جريتها من أيدها
وخذتها وهيه تفرغ بأيدها مني
خذتها واجر بيها امشي
هسه اشتري عشرة شعر بنات اكلهن كدامج امشي شنو بس الجهال ياكلونه
- ليث فضحتنا عالم تباوع علينا
شتريت ستة يمكن مدري شكد كتلها امشي
جان اكو هيج نفس الحايط ناصي يفصل بين الشجر
شلتلها وكعدتها عليه
وجيت كعدت بصفها
فتحتلها الجيس وخليته بيدها ضليت ساكت وهية ساكته خمس دقايق هيج
چيتت ونزلت وكفت كبالها وخليت أدية منا ومنا
كدامي البحر والمي يتحرك وعالم فرحانة وكلمن هو وحبيبتة وعائلة كاعدين سوة
- بيان
- هااه
- ااااااخ هاااه مو هلا !
ضلت ساكتة
- بنت الكفار بنت الصهيوني كليلي شسوي وتحبيني ؟!!!!!
جاوبت بعصبية
- تبطل تغلط على ابوية
- والله اغلط واسب واحركة واشمرج بالبحر هسه واخلص منج ولج الله واكبر عليج وعلى اسلام وعلى ابنة الورطني بيج بنت اليهود ااااااااحبج وارريدج ليش متحبيني
- ماحبك ؟!!!!!!!!
- يعني تقنعيني هسه انتي تحبيني ؟
- وشكو احب واحد سافل وعينه زايغة دينه وربه النسوان
- هاااااه اني هيج ؟
- اااي
- وهاي السافل علية
ضلت ساكتة ومدنكة
- حلو حلو ديسجلن عليج هوااااي
ضلت مدنكة وخافت الدمعة صارت بطرف عينها
بس شفتها هيج
غيرت بسرعة خذت شوية من الشعر بنات وخليتة بحلكها وكمت اطخ اصابعي بشفتها
- بنوو
- هلا
شالت راسها تباوعلي
رجعت خليت بحلكها شعر بنات مرت الخ
واباوع على شفتها
- احجيلي حبيبي شنو اليضوجج مني وبعد ما اسويه
- تبطل تعاملني مثل الطفلة
- شسوي اني احسج بنيتي
- مو بنتك اني وبعدين انت اكبر مني بخمس سنوات شوكت لحكت اصير بنتك
- صرتي صرتي مو بيدي صرتي بنتي الاخاف عليها الهوى يجرح خدها وصديقتي الاحب اسمع ضحكتها واسوالفها والفاتنة التغريني بنسمة من عطرها كلهن انتي كلهن
كافي زعلين مني بروح الحسين خلص كلبي
- اسسفة ... بعد ما ازعل بس انت هم بعد هم لا سب ابويه ولا تصيح عليه ولا توكف وية بنات
- اني هم اسف بس ما اصيح عليج مرات اصير عصبي
- وذني
- ردت اضوجج شوية بس ماشاء الله ايدج خفيفة ضوجتيني اني وابوي وعشيرتي
- هههههههههه
- بنو
- هااه عمري
حجتها بدون انتباه وهيه تاكل
هلمرة احس كلبي الخدر
- يعني مرات الواحد يتمنى يصير شعر بنات
- هههههههه ليش
نسيت روحي ونسيت العالم اليمنا
خليت اصباعي على شفتها
اذوب هنا
نزلت أيدي على ركبتها نوب انزل هنا وعلى صدرها وهنا
بعدت أيدي بسرعة وتتنفس سريع تباوع منا ومنا
تحجي وياي وعيونها خدرانة كوة طلع الكلمة
- ليث شجاك عالم منا
- ابتعدت عنها وفركت وجهي
مشتاقلج
ردت اسب كوة لزمت لساني
رجعت لزمت أيدها ترجف جرت أيدها بسرعة وتباوع ومنا ومنا متباوع بوجهي
حجيت وياها بصوت ناصي
- شبيييج
- شبية
- نطيني أيدج
- ماريد ليث خلي نرجع
تحجي وصوتها يرجف
تقربت عليها حيل ولزمتها من خصرها وهيه كاعدة فزت بسرعة وتدفع بأيدي
- احجي مشتاقتلي
هزت راسها أي
- شكد
- مادري
وانت ؟
- لا تكليلي وانت ثواني بعد وهاي الشفة اشلعها والله
- ليث خلي نرجع
تعالي
نزلتها وضليت واكف واعدل بشعرها
وهيه تبتعد مني
- ليث منا عالم
- ااي هنا عالم وبالبيت اخوانج كليلي اني شسوي اخطفج !!!
- صارت باردة خلي نرجع البنية لا تتمرض خلي نرجع
اخذت أيدها
- أمشي
بيان :
رجعنا لكينا الولد يلمون بالغراض وياقوتة منوميها بالكرسي مالتها ومغطينها
دنكت بسرعة وسام يباوع علينا ويضحك
وليث يباوع عليه بغرور
اجا ضربة بوكس بطنة
ليث كام يضحك حيل
شال الغراض وياهم ورحنا للسيارة
صعد هوا يسوق
كلة وسام ها تريد مرتك يمك
ضحك كلة لا عوفها
ضليت دايرة وجهي ع الجامة لحد ما وصلنا
الدنيا بدت تضلم
خليت البنية بسريرها
طلعلة ملابس بسرعة ودخل يسبح
اني هم بية ريحة دخلن طلعتلي ملابس
ورحت حطيتلة فحمات ع الطباخ
تلاكة وياي محمد
كتلة اني قبلك
كلي لا اني
- شنو انت مو شوفني واكفة قبلك
- اي واني اخوج الجبير وسمعين كلامي
- والله ماا
- هسه شوفين يلا اطلع انت
صحت عليه ليث لا تفتح الباب
كلي لا حبيبي ما افتحة
محمد كلة اكسرة عليك
ليث كلي عذريني بيان اخوج خوفني فتح الباب
وضل مجلب بمحمد ويضحك حيل طبي الفاهية يلا بسرعة يلاا
دخلت بسرعة وقفلت الباب
كال لااا حرامات ردتك انت تدخل بس شوفة عينك هية جنها فصمة زركت
محمد كام يضحك حيل راح كعد ع التخم
وسام كلة يلا لا تضوج حمودي اني من اسبح اسبحك وياي
سبحت وطلعت لبست بجامة عاديه هيج مال نوم نيليه ولافة المنشفة على راسي
رحت حطيت ملابسهم بالغسالة
سمعت يكل لوسام منك من الشيطان خليتلي فحمات
جاوبه كلة نقهرت عليك وخليتهن ديلا ردلي الجميل وكوم سويلي چاي خفيف
دخلت للصالة بسرعة حجيت على كيف ليث ترة اني الخليت فحملت يلا صبحون على خير واضحك
وسام صاح ياكلبه يا نذلة الا ترحين انتي تسوين چاي
كلة ليث والله مسوي
روحي حبيبي نامي وشكراع الفحمات ابوس الادين الخلتهن والاصابع الناعمة والاضافر والخدود والشفة والركبة وكام ينصي صوتة
شردت من الصالة بسرعة
شمر عليه التلفون وسام والمخدة
وهو بس يضحك بصوت عالي
دخلت للغرفة على كيف ونمت يم ياقوتة بجربايتها وقرفصت
كعدت بتلاثة اسوي ممة لكيتهم بعدهم كاعدين ويسولفون
رجعت نمت بسرعة
كعدت ثاني يوم بالعشرة لكيتهم بعدهم نايمين
والطفلة هم نايمة
غسلت وفرشت سويتلي كوب كهوة ورحت اعزل بالغرفة الحاطين بيها غراض بعدهم ما معزلينهم
بديت بغراضي الي اكدر عليه بيد وحدة
لكيت حاطهن بكرتونات ومرتبهن ترتب مكياجي لابتوبي وكلهن لافهم بجراجف وقطع مال قماش خاف يتكسرن
اكيد هذا هوا ترتيبه وسام فوضوي ميعرف راسة من رجليه
من شفت مكياجي كله ع حطته ووممكسر اجيت اروح احضنة وهو نايم
بعدني ادور واذكرت الفلوس الجبتهن بالحفاضات وكع كلبي بالكاع كمت ادور عليهن ب خبال لحد ما لكيتهن
ضليت لازمتهن وارجف وين اوديهن وخاف ميصدكون بسالفتي هسه عبالهم بايكتهن نفس نضال
خليتهن بجنطة رجعت لمكانهنن ورحتت بهتت روحي حته التعزيل عفتة ورحت ضليت كاعدة بالمطبخ افكر شلون ارجعن الابوية اكيد مدوريهن وملاكيهن
اجة كعد كبالي واني ممنتبهة عليه
كلي صباح الخير حبيبي ويعدل بشعري فزيت
كتلة صباح النور
وين صافنة
لا مصافنة
كام وكف وكفت كباله واباوع عليه عيوني مغوركة اريد ابجي مخنوكة حيل
كتلة ليث احضني
كلي تعاي حبيبي فتحلي أديه بسرعة
شفت محمد كعد
ابتعدت وطفرت بسرعة للغرفة
طلع هو من البيت كلة
احسة ضاج حيل
كعدت الطفلة التهيت وياها بعد وكلتها وغسلتلها
سوو همة ريوك بس محمد وسام اني ما طلعت كتلهن ما اريد
مرت الايام ..
ويصادف بعد سبوع وتخلص العطلة واني وليث علاقتنا مدري شنو لهسه حضنة ما حاضني
شكد بنفسي اغفة على صدرة مثل قبل ويلعب بشعري
احسه هو يريدني ويريد نرجع بس اني مدري شبية اني الانهزم منه اريد ارجع الابوية
تعب مني اخر فترة حته كام ميتوددلي لو يتغزل مثل قبل ويتحرش لا صار يكتفي ب النضر وبس
مرة ينقلون غراض للسيارة وهو مالة خلك لازم ضهرة واكف
وسام يشاقة كلة شو بلا تعال شنو هاي براسك
جاوبة بملل كلة شنو ينفض بشعرة
اختك براسي شنو البراسي قابل
ضحك وسام كلة تعبت ؟
يقصد ع الشغل الديسوها وبنفس الوقت على علاقتنا
جر حسرة جبيرة وكلة ااااي حيلللللل
ضليت اراقبة من بعيد وابجي من اكول ماعرف شريد من صدوك والله ماعرف شريد واكعة بين نارين بينة وبين ابوية ولازم اختار واحد
قبل ما ارجع بشكم يوم وسام مغلس لا حجزلي ولاشي
بيومها مانمت للصبح كعدت لكيته نايم بالاستقبال يم محمد بس وسام ماكو
دورت عليه لكيته كاعد بالمطبخ ويشرب من الصباحيات بيدة اوراق وجكارة تخبلت كمت اللطم
- ولك شبيك يمعزةةةة ميت ابوك غركانه سفنك وكاعد تشرب من الصبح
اريد اجر الكلاص منه بس تلعب نفسي مالزمة
عاط بية لا ست بطة رجلج رح ينسجن لو تصير معجزة بعد محد يطلعة
- شبيك شدتحجي
- لج هاي بنت الكحبة رافعة عليه قضية من شهرين هسه يلا وصل التبليغ لو يطلكها ويدفع لو ينسجن
- عزة العزها ليش هيج سوت مو كدامك اجت هنا تتوسل احبة واحبة
- لان طلك اختها
- كمت ابجي حيل كتله وهسة شلون شراح تسوي
عاط بيه شمدريني شسووووي شمدريني حته ماعندي وكت ما اللحك ابيع شي لا اللحك اداين
يحجيي وياي وسكران فاقد يشمر علية بالغراض ع الميز
كعد ليث من النوم يركض رزلة واخذ الكلاص منه شمرة بالمغسلة ويحجي عليه وبعدة ممفتهم السالفة شنو
ركضت عليه وحضنتة من ورة ابجي الجهال وهو يفتر يريد يسحبني واني افتر وياه وحاضنته ما اخليه يتحرك
كام يضحك حيل بفطارية ويفرغ روحة مني
ادري بنية لو عنكبوت شو تعاي منا
عفته ونداريت حضني حيل ويبوس براسي وبخدودي
- شبيج حبيبي احجي خوفج هذا الكواد شبيك وياها ولك من الصبح
- كمت ابجي بشهكة واحلفة يدبر الفلوس بسرعة
ضل صافن كلي يافلوس
نطاا الاوراق وسام
كعد ع الكرسي قراهن ضل ساكت محجة شي كام للغرفة
وتمدد ع الجراية وكمل نومتة
ضليت صافنة
اجة محمد شال الغراض من كدام وسام وسحبة للحمام
ابتعدت عنهم اني قرفانه روحي من هل المنظر نوب ريحة الشرب تلعب النفس وتارسة المكان
رحت كعدت بالصالة وحاطة أدية علو راسي وصافنة
اجة وسام شوية صحصح بس بعدة لازم الباكيت ويدخن
يكل لمحمد شوفة شلون نام الحيوان ولا يمة
كلة محمد هو يريدها حجة مايصدك يصير بيه شي رب الشمر روحة جوة السيارة ضلت ع السجن
يسولفون بيناتهم نسو اني كاعدة يمهم
كتله محمد خابر ميس واحجي وياها
اشرلي اااااااش
زين اني اخابر فاتن
كلي محمد حته اموتج بيدي
وسام كلة اي خلي تخابر يجوز بنات بينهن وحدة تقنع الثانية وتتنازل ذيج الدايحة
عاط بيه محمد صدك تحجي انت وهذا الحيوان لو يسمع غير يتخبل علينا
كام يصيح عليه وسام يلافهمني منين اجيب فلوس
حته لو ابوي يحولي هسه الدولة تحاسبني تكلي منيلك هلمبغ
ضلو كاعدين وصافنين
واني وياهم تعبت وتمددت ع التخم
مادري شلون غفيت
فزيت بعيوني النعاس الضهرية لكيت وسام نايم يمي بالكاع ومحمد طالع
وهو يفتر بالبيت سابح ولاف المنشفة مثل الشماغ ويعمر نركيلة
ويدندن بصوت ناصي
صفنت عليه هذا صدك يحجي !!!
رحت غسلت وجهي وطلعت اتمشى للمطبخ واباوع عليه
انتبهه عليه وابتسملي
رحت وكفت كباله واني ساكته
ذب البيدة وسحبني عليه من خصري ويباوع بوجهي بتأمل وابتسامة
- صح النوم حبيبي
- ليش هيج تباوع
- و أن عيناكِ موتٌ أيتها الحياة ..
- بطل تحجي فصحى
- هههههههه خايبة عيونج تعبن كلبي الرچيج
كمت اضحك ودنكت
تقرب يم أذني وحجة بصوت ناصي شهل الوجه الحلو والعباس تعبتيني
- ليث
- والله مرات احس الله خالقج حته يحرك كلبي
- ههههههه ليث كافي داحجي وياك
- يعني شنو تمرين مني اشم عطرج واخدر تلث ايام
- ليث خلي نحجي
يباوعلي وهو مطفي ومنعس
- شنحجي
- شراح تسوي
- اقفل الباب
- ياسالفه الباب المتخلص
- لا هية لازم تخلص اليوم
نزل الفحمات وشمرهن بالمي
واجة بتجاهي بسرعة سحبني من ايدي ومشة للغرفة بسرعة وقفل الباب
- ليث شدسوي اوكف داحجي وياك مو قريت الاوراق شراح تسوي
- اسوي المامسوي الضال بنفسي
يحجي وياي ويبوس بركبتي ويحضني حيل
كمت افصل شوية شوية وادفعة بفهاوة
كام يضحك بصوت ناصي
- يكلي اااحجي شردتي تكولين
ضليت بس اباوع عليه واغمض
رجع يبوسني بشفتي حيل ويضحك احجي
سحبني ع الجربايه وصار فوكاي ويشمر بملابسي قطعة قطعة
- احجي بشنو جنتي تسولفين
كوة جاوبته كتله نسيت
تغيرت نبرته حيل كام يحجي بصوت متكطع
- هلكد تحبيني
هزيتلة راسي اي
- تحبين قربي منج
هزيتلة راسي اي
ضلينا ساعة مدري ساعتين بالغرفة منومني بحضنة ويبوس بوجهي ويكول كلام يجنن
دك الباب وسام
هيييي طلعو فتحو الباب
كام يضحك كلي غلسي
- ليث عيب عوفني دالبس
- لا تخليني اسب
رجع صاح عليه وسام اطلع سافل اطلع نشوف حل للمصيبة السوده مالتك كوم ندبر فلوس
- خايب ماكوم لو تكلي طلعلك ورث هسه
- لك كوم حيوان اني الى متى اضل مبتلي بيك
- لاتخاف هو بس هلشكم يوم وتخلص مني
رافع راسة ويحجي ويه وسام
صرت ادبسزز حيل قربت راسي وبسته بشفتة الجوة على كيف واباوع عليه
- لا انتي ناويه اليوم تتفلشين تفلش
كام هجم علية مرت الخ
وسام أيس وراح
رجع نومني بحضنة وميقبل البس
حجة بصوت ناصي
- تعبتج ؟
ضميت راسي بصدرة
تنامين
كتلة اي
ضل يلعب بشعري لحد ماغفيت
ضل حاضني وساكت كلما افز الكا كاعد ويباوع عليه بس ارجع انام واغفة بسرعة ماطلعنا من الغرفة الا بليل
لكيت وسام كاعد بالمطبخ يوكل بياقوته ويباوع بتلفونة
ستحيت حيل ولا وصلت يمة اصلاً
رحت كعدت ليث كتله روح يمة لهي حباب بس اسبح واطلع بسرعة
كام وهو فاصل من الضحك
راح كعد يم وسام ويسولفون
سبحت وطلعت بسرعة
ماوصلت يمهم
بقيت اعزل بالبيت واكنس وانضف بأيد وحدة
لكيت ابوية دازلي رسايل ويسئل شلونج ومدري شنو يوم هلكد يبدي الدوام هسه نطوها بالتلفزيون
بجيت وكتلة اااي يابه لو باجر لو عكبة وسام يجيبني مسحت الرسايل خاف ليث يقراهن
طب عليه للغرفة كلي هاا شبيج باجية
كتله مابيه شي
اجة لزمني من وجهي احجي شصاير
دفعت أيدة قوي
كتله شيصير يعني اكثر من الصار
- وشصار قابل
- ليث انت ليش هيج بارد
ضحك ودار وجه
- داحجي وياك
- احجي حبيبي
- شراح اسوي
- شسوي اندري شسوي عكب باجر يوصلج وسام وتاخذين بنتج وياج ومالج شغل
من الثول العندي نسيت برامجي مفتوحة يمة
راد يطلع
ركضت كدامة وقفلت الباب ضميت المفتاح بصدري
- ولج بوية خبلة انتي ؟
- اي خبلة متطلع خلي نحجي
- مالي خلك
ضليت اباووع عليه وابجي
- لج كافي تبجين دموعج حته لو تمثيل يوجعن كلبي
- حطيت ايدي على صدرة ودفعتة
- تمثيل حيواااااااان تمثيل لك داموت من وراك ومن ورة برودك !!!
تقرب عليه لزمني من شعري قوي
ويهز بيه شكم مرة كايلج لا تغلطين ولسانج مطولي وياي
- اغلط والله
حييييييوان حيووووووان وكلب
ضل يقبض بيدة ميريد يضربني وضمها وره ضهرة
بس اني ضليت انرفزة اني ردتة يضربني بلكي اصحى وعقلي يشتغل عقل رح اموت ماعرف شريد
بقيت اغلط عليه لحد ماضربني راشدي نشمرت بيدة رجع ضربني مرت الخ وكعت بالكاع
ضل واكف وصافن علية
مد أيدة وجلب بالميز وكعد ع الجراية ويباوع علية
ضليت ابجي بشهكة ومدنكة ما اباوع عليه
حجة بصوت يرجف ومخنوك
- ليش هيج .. ليش خليتني امد أيدي
- لان استاهل
- لج كتلج كلشي وياج يصير الاول مرة لج حته الضرب اول مرة بحياتي اضرب مرة
عاط حيل ليش خليتني هيج اسوي
- لان تعبت منك الضرب عندي ارحم من الدسوي وياية دتموتني تعاقبني عقاب نفسي انت هم نفسهم هم خليتني ماعرف شريد استاهل الضرب استاهل
- بيان ...
- من عمري تسع سنوات سئلتني شاطرة لو كسلانه كتلك شاطرة بس اكره المدرسة كتلي شلون هيج ؟!! كتلج اخاف من بابا يضربني اذا رسبت
ولحد قبل ما اعرفك اني اكره الدوام والدراسة بس كلشي اسوي بخوف اخاف ارسب وابوية يضربني
ولحد هسسسسسسة اكره المدرسة نجبرت اداوم شفتة مريض ومكسور من وراه وكلبة تعبان ردت حسيت روحي حالي من حالها هم عفتة ورحت
اجة كعد يمي ولزم أيدي
- لا حبيبي انتي مو نفسها
- لا نفسها ذيج المرة انت كتلي انتي نفس امج قابل وحد شكيت بيه وخذت برامجي كلهن
- جنت شارب وزمال ومحروك كلبي والله
-لا نفسها ومدري شلون صرت اشبها هم عفت بنتي ورحت
- بيان ..
- شسوي ليث ماكو شي بحياتي كامل حته حضنك الي احسة هو الامان الوحيد هم مو كامل لازم يجي احد ويشاركني بيه ويسلب راحتي والامان مني
- ولج هوا اني الي نفس بعد بوحدة غيرج انتي هيج شايفتني منو يجي ياخذني
- ما مرتاحة عايشة بقلق خلي نفسك بمكاني عوفك من الحلال والشرع حلل اربعة ومدري ايش تقبل احد يشاركك بيه ويعيشك بقلق
ضل ساكت ويباوع عليه
كمت ابجي حيل
- لا تكولي متحبيني انت مجرب الحب قبلي .. بس اني لا انت حبي الاول والاخير انت عيوني الي اشوف بيهن انت الي حنيتك مغركتني ومعوضتني عن كلشي بيوم الي تنومني بحضنك مادور على شي يسعدني بعد ..
بس شسوي فهمني اسئل وسام كلة شلون جانت عايشة بيان
اني هيج تربيت ع الخوف جبانه وضعيفة ماعلموني احل مشاكلي وحدي حته من جان فهد يضربني بدون سبب ما اواجه واكلة ليش تضربني اضم العبرة بصدري وانتضر وسام يجي من كربلاء واكله عليه
جرني وحضني حيل على صدرة
لا تكولي تمثلين والله ما امثل احبك اكثر من روحي
- واني أحبج وكلام الله اسف بس شسوي تعبان واجي اطلع حركتي بيج واكوم اجفص وياج وانتي ولامرة تحجين وياي وسولفيلي الي بكلبج دايماً تحسسيني غريب عنج وتصرفاتج غريبه تخلين عقلي يفسر من وحدة
- عوفك هسه كولي شراح سوي
- شسوي اندري شسوي شو بلا خدج كسر بأيدي انشاء الله
- خرب ليث عوفني مداحجي ع الضرب احجي ع هاي القندرا وسالفتها
- احركها واحرك ليث ووياه ركدري ادبسزز خلي اشوف خدج
- مابيه شي عوفني
- تأذيتي هواي ؟!
- اي حقير ضربتك توجع
حضني حيل على صدرة اي استاهل غلطي طبني مرض
- شراح سوي حباب
- مادري حبيبي ربج يحلها
- امشي خلي نرجع كلنا سوة
- ميقبلون بعد ما اكدر اطلع من المانيا
طب وسام شايل ياقوتة كال هااا شبيكم جنكم مجاديه كاعدين هيج
كلة نجب معليك
يحجي وياي ويعدل بشعري ويبوسني بكصتي واني صافنة عليه اريد ابجي
دفرني وسام برجلة
كلي انتي مو چنج صايرة صلفة حيل
فزيت بسرعة وخرت منه
كتله اني شعلية مشوفة هوا
كلة لا جذابة هيه تفتر وراي احضني واحضني واني اكلها لا بيان عيب من اخوج
ضليت اباوع عليه واضحك
وسام كال جوعان بطة كومي سويلنا عشة
- شسوي
- مشتهي مخلمة
- اي اثرم بيد وحدة
- لا حضري الغراض والسيد يكوم وياج
رحت للمطبخ صاح علية
حبيبي حطلي فحمات وياج
خرب طركاعة الفحمات اجيت اخليهن براسة
اجة ساعدني وسوينها عشة
اباوع عليه جذاب ما اكل هيج بس شوية
وكام بسرعة
وحته وسام ماله خلك
كمت عزلت الاماعين وحطيتهن بالغسالة
اشتغل وفكرة براسي لو صايبه لو خايبة
رحت لوسام كتلة خلي نطلع اني وياك
كال مالي واهس كلي ليث
ليث كال اي صبري خلي اكمل النركيله
باوعت لوسام يفهمني بسرعة من النضرة
كام وكال اهووو زعلت امشي يلا اخذج
كتله ما اروح ليث ياخذني
كال لا اني هم تعبت من ياقوتة من الصبح اللهسه عندي خلي هوا يحتار بيها شوية
امشي جيبيلي ملابس يلا
جبتلة ملابس وكتلة رح انزل الزبالة كدامك
كلي أااي
اخذت الجنطة البيها فلوس والاوراق مال فهد حطيتهن بجيس اسود ونزلت بسرعة
نزل هوا وراي
مشينا مسافة كال شنو ست بطة منو الضايج ويريد يمشي انتي لو الزبالة
- يازبالة شدتحجي
- شنو هاي البيدج
كتلة هاا تعال
فتنا بحديقة فارغة
كعدت ع الكرسي وأيدي ترجف اكول يلا عصبية وسام ولا ابوية
اجة كعد يمي ويباوع علية بقلق
مديت أيدي وطلعت الاوراق ونطيتهن وساكتة وأيدي ترجف
كعد يقرة بيهن بتركيز
حجة بصوت ناصي ذني منين جبتيهن كمت امتتمت
كتله اجة عمي من جنت حامل وجابهن
عاط عليه الثولة ليش ما نطيتينياهن من زمان
- لا وسام شسوي بيهن دير بالك ابويه يحبة وبس ياخذونه يوكف كلبه ويموت
- كال انجبي معليج انتي
- ضليت اتوسل بيه واريد اخذهن من أيدة ميقبل ينطيني ياهن
رجع حجة بعصبيه بس شجابهن يمج ليش جايبتهن وياج
طلعتة وحدة من الحفاضات وايدي ترجف وطلعتلة فلوس كلهن ورق حته ماعرف شكد ونطيته الهن
رجعت مديت أيدي وطلعت ضبة لخ ونطيته
حجة بصوت ناصي ويصك ع اسنانه ذني منين جبتهبن
ضليت ساكته
كال رح اسحب للتلاثة وراسج يتفلش بالكرسي احجيي
سولفتلة السالفة كلها احجي وابجي
لزمني حيل من أذني كلي ولج تنهزميييين ردتي شلون أمن بيج بعد
ضليت احلفلة والله علمود ياقوتة سمعت اكرم يكله بس يجي ابوها انطيها وكلت اخذها وانهزم
حجة بعصبيه واحد شافج من اخذتيهن
هزيتله راسي لا
طلعلي بعد شكد جايبه
كمت امد أيدي واطلعلة وهو يحسب
- هسه تمد أيدها تطلعلي ابوي من الجيس
- كمت اضحك ابجي واسحب بالفلوس من الحافضات وانطي وهو يحسب ويتلفت خاف احد يشوفنا عبالك بايكين ونتقاسم البوكة
- أدري شلون طلعتيهن شلون جبتيهن من المطار ما خفتي صخام صخم وجهج
- وسام بس حرام انطيهن ليث يخلص هلشغلة بيهن نوب يلم ويرجعهن الة هنه هذني مال رواتبة خطية
- فهد خطية ؟ لازم مشتاقة للنطاق مالته حبيبتي
- سكتت ضليت اباوع عليه
حسبهن ويضحك بفرحة
- هاا يكفن
- اي اي يكفن بس مبلغ بسيط بعد باجر ابيع السيارة واكل الاكرم يحولي
- احلف
- والعباس على كولة ليث
- يعني رح يطلكها
اباوع عليه واضحك
-لا بس ندفعهن حته بس ما ينسجن
- جريت العلاكة من أيدة بسرعة وروح خاله هبه فلس احمر ما انطي وخلي ينسجن طبه مرض
كام يضحك حيل وشبكني لج غبية انتي ؟!
هو غير رح يدفعن غايب ويطلكها
- نطيتة العلاكة كتلة هااا هاك
فشلت حيل ضل يغمزلي ويضحك
تحبي موو على اساس وسام قشمرج بيه
- شوكت كايلة هيج
- هههههههههه امشي الفصمة امشي
- رح تكلة
- والله ماكول اكلة دبرتهن من صاحبي بس ادعي باجر السيارة تنباع وما تشلع كلبي واخسر بيها
- انشاء الله
طبينا وسام اشتغل رجع على سخافتة وشقاه شاف ليث يفرش اسنانه ويباوع علينا
كلي ها ادبسزز وين اخذتي هيج وغيرته مودة هذا لو ليث تخلصيها نكرة وبجي
كمت اضحك رحت شلت ياقوتة وطبيت للغرفة
بليل ساعة ثنتين مدري بيش
اجة كعدني جنت نايمة بجرباية البنية
كلي ممكن صيرين ادمية وتبطلين سوالف الجهال مراح طير ياقوتة
بعيوني النعاس
كتله شبيك ليث ياجهال
كلي انطيني ايدج
نطيته ايدي وسبحني من الكاروك ويضحك
شالني شيل وطلعني تمدد ع الجرباية وسحبني بحضنة
- ليث عيب من الولد شدسوي هنا
- ...... الولد
- خرب مو عيب شهل الفشار هاي سكران مو؟
- لا والله هاج شمي
شميته بركبتة رحيتة طيبة
- مو هنا يشمون حيوانه
- ادري يلا اريد انام شلت أيدة وخليتها بشعري
ضل يكعد بيه ما يقبل انام
اخر شي كلي بوسيني مثل ذاك اليوم واعوفج
بستة رجع باسني قوي ويضحك
ضل يلعب بشعري لحد ما غفيت
فزيت ب السبعة الصبح على صوت البنية لكيتة ماكو
كمت دورت عليهم ماكو لا هوا ولا وسام
بس محمد نايم
كمت غسلت للبنية وريكتها واني ممرتاحة كلبي نار
كعد محمد تريكنا اني ويا وهم طلع
ضليت وحدي اشتغلت عزلت البيت الغرفة البيها غراض عزلتها سبحت سويت غدة صارت ب الاربعة العصر وهمة ماكو ماعندي خط الماني بس الواتس وهمة ماعندهم نت ومحمد بعد ما رجع
هاي النتفة تنحست وكامت تبجي متعلمة هيج وكت يطلعونها
لبستها واخذت المفتاح نزلت بيها جوة حته ماخذتلها عربانه بقيت هيج شايلتها ع صفحتي وهيه ماشاء الله ثكيله تعبتني
ضليت كاعدين كبال البناية بالشمس اني وياها وهيه تلعب
يصير كبال البنايات موقف مال سيارت
صارت بالستة هيج شفتهم يمشون من بعيد واحد مجلب بالثاني عبالك سكارة وسام بيدة علاليك هواي واغراض وليث هم شايل بيدة علاكات وايدة الخ ورد وشعر بنات وسام يسولف ممنتبه عليه ليث شافني بسرعة ومشة سريع يباوع عليه ويضحك
جانت ملامح وجه تسولف كلشي شلت البنية ومشيت بتجاهة واباوع عليه وابجي
ذب وحدة العلاكات من أيدية بقة شايل بس الورد
وحضني حيل اني والبنيه بنص الشارع
وسام اخذ البنية من أيدي ويضحك ضرب ليث
كلة ماكو بيت موو سافل ماهتملة بقة حاضني وحاط راسة بركبتي
مديت أديه وهم حضنته حيل لحد ما تعبت نزلت أديه هو هم ابتعد وباسني بكصتي حجة بصوت ناصي
- ااااحبج
- كول والعباس
- هههههه والعباس احبج
جبتلج ورد
خذته من أيدة واضحك
وهذا هم الج
نطاني شعر بنات
خذته وبس اضحك واباوع عليه
مد أيدة بجيبة طلعلي كاكاو اسود وهذا هم
خذته منه
مد أيدة بجيبة لخ طلع ورقة ورجعها بسرعة لا هذا رقم مال صاحبتي الجديدة
شمرت الغراض كلهن من ايدي بالكاع وضليت اتلاوة ويا اريد اخذ الورقة
كام يضحك حيل
- جذب جذب والعباس وصل مال مرور
- اي نطينينا
- ما انطي
خذت الورقة من أيدة غصب عنه وشفتها صدك وصل مال مرور
طنكرت عليه دنكت لميت الورد والغراض ملاتي وصعدت
اجة وراي هواي وجاب العلاكات
وسام صعد كدامنا
تردون غدة
كال وسام ما اشتهي
ليث كال اني هم بس غسليلي النركيلة
- معلية كوم انت
- خبال موو
- عفتة ورحت للغرفة
جاب ورقة وحطها ع الميز
- باعي لج الفصمة اني تعبت منج هاي تذكرة مالتج وباجر تولين
كمت شفتها بسرعة صدك حاجزلي تذكرة !
- يول شكد حقير انت
- اي حقير ماعندي اني مره بطول الخاشوكة مال جاي وتشمر عليه وتكلي ما اغسل النركيله
- اغسلها والله
- ماكو العندي كلته ترجعين باجر من الصبح خوش
- وياقوت
- تعوفيها
سكت ضليت اباوع عليه بقهر ودنكت
ضل يباوع علية نوب تقدم بسرعة لزمني وجهي ويهز بية
- لج كافي ضلين هيج راددديني احجي من احد يقهرج عاركيه رديه
- دفعت أيده ليث عوفني شدتحجي انت
- ليش هيج فاهية
- مو فاهيه بس مو سام كلي اذا رجعتي وكلتي اريدها بعد ميجيني وما اشوفها
فرك وجه وحجة بتعب
- رح تاخذيها وياج
بجيت كتلة
- ماريد اريد ابقة يمك
- رح اروح وياج هم
ضليت اباوع عليه بصدمة وهو يباوعلي ويضحك
- احلف
- والله
- لا كول والعباس
- هههههههه ادبسزز الله الشكبرة
- اي انت جذاب ذيج المرة حلفت ب الله جذب
- لا هلمرة صدك والله والعباس
ضليت اباوع عليه واضحك
- مااستاهل حضن
تقدمت عليه وشبكتة بسرعة
ضل لازم وجهي منا ومنا ويبوس بشفتي وخدودي وكصتي
- رح اوصلج وارجع حبيبي كملي امتحاناتج وخلي بنتج يمج
- ليش ترجع
- ماعندي يروحي هسه ولا فلس وين نكعد وين نأجر
- بيتنا
- ليش تخليني اسب وافشر
- حباب
- لا حبيبي شهرين هيج لحد مصير العطلة واجي اخذج واكون اني هنا لاملي شكم فلس ومشتغل لا تعبيني يروحي قبلي يلا وشدي حيلج واقري
- يعني انت تقبل اداوم
- طبعاً اقبل هو اني اصلا جنت مقرر اذا رجعنا اقنعج اداومين بس جنت متردد اشوفج تكرهين الجامعة ف سكتت
- لعد ليش عصبت ذاك اليوم وشكيت كتابي
- من وراج لان اصرفتي بدون شوري وهسه واليوم وباجر سوي شي بدون متكليلي اشكج مثل الكتاب والعباس
- يعني السالفة مو يم بابا
ضحك واشرلي بحواجبه لاا
- لعد صالحة حباب والله خطيه هو مريض
- ااااش اوصلج للباب واروح
بجيت وباوعتلة بتوسل حباب لخاطري انت ليش هيج صرت والله هوا جان يحبك يموت عليك
- اي واني جنت احبة
- لعد ليش هسة كمت تكرهة
- ادبسزز ما اكرهه بس اضوج من سوالفة
- شبي شمسوي
- يغتصب افكاري
- ههههههههههههههههه شبيك ليث
- والله والعباس شنو الشي البراسي هو يسوي الج قبلي حاط كورة من كوري خلص بنتك ازوجت عوفها عوفها عوف سما ربها
- خلص كافي كافي ملازم
- ضجتي مو يلا طنكري وزعلي
- لا ما ازعل
- خلص نولي عود وانزل اسلم عليه
كمت اضحك واباوع عليه
باوعلي بمكر
- يعني هسه انتي اذا كتلج امشي نسلم على اهلي ترحين
هزيتلة راسي بغباء
اي اروح
سافرنا ثاني يوم تلاثتنا واني كلساع مسويتلي سالفة ومناكرته بزعتة ماريد افرح اخاف هم مثل كل مرة تتنغص عيشتي
وصلنا بليل
اجة اخذنا اكرم فرحان حيل ويضحك
وصلنا تلكانا ابوي من الباب
تقدم ليث وشبكة حيل وباس أيدة
يمة مشاعري جانت متنوصف
بجيت وشردت بسرعة نطيت البنية كبل الامل ودخلت جوة
ضلو كاعدين وياقوتة تنحست ضلت بحضن ابوها مستغربة حته اني متريدني
نامو بالاستقبال هو واكرم واحمد وامير
وخو هناك وسام هنا احمد نسخة منه وهم شايل البنيه مينزلها للكاع
ضل سبوع حته ماشفته نهار كله يفتر ويه اكرم ساعة يرحون الاربيل ساعة للبصرة يوميه بمكان لحد ما خلص الاسبوع
مراح ولا وصل كربلاء
سولفت الابويه كلي مترحين ومتوصلين
جنت ممغوصه لا اكدر اكسر كلمة ابويه ولا اكدر اكسر كلمته
بس هوا نفسه ما راحلهم اصلاً علاقتة زفت ب أهله
مرات صير عندي تصرفات مال مزعطة اضوج واغار عليه حته من اهله ومن اصدقائه اليطلع وياهم
خلص الاسبوع وسافر وصلنا اني واكرم للمطار
اريد احضنة بس استحي وهو هم يستحي من اكرم بس يضحك صار موعد طيارتة
باسني بكصتي وباس أيدي
شبك اكرم وراح
ضليت ويا ع التلفون
بس اجي من الدوام اصعد لغرفتي اخذ ياقوته واخابرة
يغنيلها تكوم تضحك حيل
تحبة هواي
وسام هم يحجي وياها تعرفهم تضل تفرفح وتخليهم بحلكها التلفون ترسة تفال
خلصت امتحانات والحمدالله نجحت ابوية تحسن بس مو مثل قبل بس ماكدر يرجع للشغل ولا يسوق ولا يطلع هواي
صارت العطلة محمد اخذ الجنسية واجوي هو وسام يشوفون ابوية
همة دخولهم سهل الااني وياقوته كامو فيزا يلا يقبلون
ضلو يمنا سبوع وسافرنا رجعنا تلاثتنا
سودة علية جاي بملابس الشغل منتضرتنا
صارت تلث اشهر ما شايفتة
وصلنا للبيت ورجع للشغل كال بليل اجي ما اكدر ابقة
طك كلبي ضليت كلساع اخابره وين انت وشوكت تجي
اجة تعبان ناكض يشتغل شفتين كوة واكف
اول ما اجة بوس ياقوتة وشالها نطها لوسام وشمرله الممة والحفاضات وطب وقفل الباب
فضحنا وعزانا وسام
ماقبل ليث افتح الباب للصبح
كام يبات يمي بالغرفة ويقفل الباب بالبدايه جنت استحي نوب شويه شويه
تعودت
خلصت العطلة وصارت سالفة كرونا عطلونا كالو الدراسة اولاين
منعو السفر بعد ما كدرت ارجع
بطل من الشفت المسائي بقة بس الصبح يداوم
خلصت السنة
عقدنا ب المانيا تلث اشهر واجتني الجنسية بس هم بعدة السفر شلعان كلب
كملت اوراقنه الا الطفلة ماقبلو
وصار موعد تخرجي
نجبرت اعوفها ورحت بس اني ويا
هو ما تخرج
جنت اشوفة فرحان بتخرجي اكثر مني
حضرت الروب
كتبت ع القبعة ياقوت
والوشاح اسمي
اكره اجواء الاحتفلات والتجمع بس غصباً عليه لو ما هوا فلا اوصل
بقينا سبوع بغداد بيت اهلي
شويه شويه كام يطلع الخبر
فهد مغيب وين ليش محد يدري
اكثر وحدة نصدمت بالخبر اني حته هم تفاجئو من ردة فعلي
خابرت وسام كتلة هسه تجي
اجة هو محمد وياقوت
يشاقة ويتمضحك ولا بعينه ولا بحاجبه
ماكدر بيتنا متروس عالم ما اكدر اصير وحدنا واحجي ويا
ابويه رجعت نتكست حالته ضليت بس مكابلته وابجي
طب وسام صاح هي شكو تبجين
الاستقبال جان فارغ بس ابويه وليث وسام
سحبته من أيده واخذته لغرفة امل كمت اضرب بيه وابجي وهو ولا يمة
لحكنا ليث كال هيييي شبيكم
سولفتلة كتله كله من وراه هو اخذ الاوراق من ايدي
ضربه ليث حيل كله ولك شهل الحقد العندك
كام يصيح علينا هي مابيه شي بس مسجون ومدكدكينة شوية وهسه عمامج الكواويد رح يطلعونه بواسطة دفعو فلوس
كله ليث هي زمال شتستفاديت انت بس ورطت العالم ورح يدفعون فلوس
كلة هيج ارتاحيت سحبو منه رتبتة
وصدك ٢٠ يوم وطلع فهد من السجن مشوهينا شوه
ليث سافر ثاني يوم مارد يشوفة
بقة بس وسام
وذاك تخبل فدنوب يومية عركة هو وسام
فهد يعير وسام بنضال
وسام يضحك عليه يكله سحبو رتبتك صرت تغسل لباسات الضابط وكتلوك مثل النسوان
ابويه تعب حيل منهم كام يومية يوكع ويتخربط
خابرت السيد ابجي كتله تعال اخذنا وسام الله ميحملة بعد
كال جايه
وصدك يومين هيج واجة ليث اخذنا تلاثتنا اني ومحمد وسام عاند ميريد يروح وحمسو حمس اكرم وليث يلا قبل يسافر
سافرت
وبقت شهادتي يم بابا
بعد مارجعت لحد هذا اليوم .....
———————————-
٢٠٢٢٠/٥/٢٣
خلصت الحتوتة
كل الحب والشكر الكم ..❤️🥺
انتظرونا بقصص جديدة ..
اتمنى ترجعون تقرون التنويه النشرته بداية القصة ..
دمتم في حفظ الرحمن ..❤️
كتابات ماروكو ..