سافر وسام ..
طلع من الخمسة الصبح بيومها
اجاني لفيت راسي بالبطانيه حيل وابجي اجة حجة وياي راد ماكو قفلت كلت حته وجهي ما اشوفة
نزل كعد ع ركبة وشبكني واني لافة روحي دفرتة برجلي حيل واني اشهك وابجي
حجة وياي وصاني ادير ع نفسي وعلى دراستي كلي شهر شهرين وارجع
ماحجيت ويا بس شفتة طلع
كبل طلعت بالسطح وبقيت اباوع عليه من فوك راح صعد وية اكرم الولد كلهم صعدو ويا امل ونضال يبجن
ذبت وراه مي امل وتمسح بدموعها
رجعت للغرفة
ليث : لميت غراضي وطلعت بس الي احتاجة وابد ولا واحد فكدني لو كلي وين رايح بس امي
تخابرني يوميه وينك شوكت تجي
ضليت ب بغداد بين ما كملت جوازي
ما وصلت لبيت وسام بعد كرهت بيتهم من ورة اختة طبعاً وسام مايضم عليه شي ابد خاصة بالسوالف والعركات التخص فهد
كلي تعاركت ع فهد شغلة صارت بيناتا بس اني فهمت شنو الشغلة سكتت محجيت شي
ضليت بفندق
لحد صار موعد طيارتنا لتركيا بالخمسة الصبح طلعنا اني وسام
نطيت رقم ابوية الابو اكرم وكتله من نوصل تركيا خابره وكلة ليث سافر
امل : راح وليدي وضاك خلكنا كلنا
كلنا كلوبنة متزوهرة محد الة خلك يحجي ولا يسولف خاصة بطة ضلت حابسة روحها بالغرفة وتبجي عليه حتة صخنت وهيه هاي هيج من هية صغيرة عودها طري بس تنقهر لو شي تصخن تشتعل نار ولطمة حمة تترس وجها وحلكها تكوم حتة تكت دم
نخاف عليها
صعد ابوها رزلها يلا شوية فكت وكامت تنزل جوة
مر سبوع رجعو الولد للشغلهم وابوهم وياهم
فهد وسنا بعد ما وصلونه ولا اجو
وسام عيوني يخابرنا صبح وعصر كامرة ونحجي ويا من يطلع ويشوفنا المناضروالمكانات ضلو سبوعين بتركيا متونسين كلساع يرحون لمكان ويصورونا هو وصويحبة هذا خوش وليد حباب
بس مدري شمالة وية اهلة كاطعهم فد مرة وعود موصي ابو اكرم كلة خابر ابوي اول مانوصل
بس الرجال التهة شغل تراكم عليه والبضاعة العندة خربانه وملتهي يصفي بيها ولاذاك رجع ذكرة وكلة خابر ابوي
بيومها كاعدين ضهرية واجة ابو اكرم مو وكت جيتة اجة من وكت ومستعجل مو عوايدة كال
جونا عالم سون جاي
وصدك نص ساعة ونترس البيت سادة كلهم عمايم
نقبض كلبي منو ذول وشصاير ضلت بطة تنسنط ع حجيهم خاتله ورة الباب واجت سولفتلي
حجت بخوفة يمة هذا ابنهم مسافر ومكايللهم
ولج شتحجين
اي والله هسه سمعت ابوه يحجي عليه بحركة
يا شيكول
مادري يكول عليه حجي مو زين ويكون طالع من الطريق هذا مو مثل اخوتة
ياولج ستغفري ربج الوليد رابي ويه اخوتج من هو صغير واني اعرفة
يوم قابل السيد يجذب شوفي رجال جبيروعمامتة
اندري يمة شو نطيني التلفون
وين خليتي
هناك بالهول
ليث :
وسام كلما يخابر اهلة كدامي يسولف عادي نوب يصير ع صفحة يكل الام اكرم نطيني بطة احجي وياها
وتكلة ما ترضة ما تريدك
YOU ARE READING
- ياقوت -
Romantikkمرحباً ايها القارئ هل تظن أنك وحدك تشيخ في متاعب هذه الحياة ؟ نعم وحدي .. نحن جميعنا نسير في نفس القافلة ياصديقي لا ايها الكاتب ف احزنانا لا تشابه بعضها لا اوفقك الرأي انا مصر ايها الكاتب ما رآئيك أن تقراء روايتي وكتاباتي هل تشبه قصتي ،، او...
