بيان :صحصحت من البنج شويه نقلوني من السدية للجرباية عبالك نشمرت من السما للكاع هواي حجي فوك راسي ممرضات والدكتور
اسمع حته صوت ليث واكرم بس ما واعية هواية ع الديصير وماكو بلساني غير كلمة بابا هو اخر واحد شفتة
دنك عليه رفعيني هيج على كيف والممرضة خلت المخدة جواي عدلتها
احجي ويا ماذكر شنو بس اكلة بابا
وهو يكلي ها بابا ها عمري هسه صيرين زينة لا تنامين كعدي بس الصوت صوت ليث مو ابوية
ربع ساعة هيج وزاد الوجع عندي
اجوي نطوني مسكنات ونمت نومة وحدة افز واسمع صوتهم يحجون وياي بس ماكعد ارجع اكمل نومتي لثاني يوم الصبح يلا صحصت زينجتي عيني بابا نايم ع قنفة مال تخم هيج صغيرة موجودة بالغرفة
ليث يم راسي من الصفحة الثانيه ويلعب سباق سيارات بالتلفون
ضحكت
انتبه عليه بسرعة واجاني
- ها يروحي الحمدالله على السلامة
- الله يسلمك ..
كوة جاوبته مابية حيل احجي
- شلون صرتي موجوعة اصيلحج الممرضة
- لا زينة بس ارفعلي المخدة
كام عدلها
- خوفتيني عليج ادبسزز
- لا جذب البارحة اسمعك مكابلني وتضحك انت واكرم .. بس مابية حيل اكوملكم
- شسوي لعد شكلج يضحكني جنج وسام من يسكر هههههه
- هههههههه خوما حجيت شي
- لا بس خبصتينا بابا وين ياقوت .. منو ياقوت لدرجة كلت مصاحبه من وراي
- اي مصاحبة
- افرك حلكج ادبسزز
- هههههههشوية وطب اكرم شايل جنطة صغيرة بيه ملابس وشايل لعابتي بالايد الثانية
اني شفتها بيدة جان غطيت وجهي بسرعة
اجة سلم علية وباسني بكصتي كال هاج جبتلج ملابس وهاي لعابتج خبصتينا عليها اجيت ونسيتها وابوية رجعني عليها مرة الثانيةضليت اخزر بيه اريدة يسكت ماكو
وهذا الخ نهد من الضحك
- شوو بيان شو بلا جبيها ... لا ياربك نوب هية نفسها موو ولج لساها عندج
شو خلي اشوفها ههههههههههه
ضميتها جوة البطانية
واخزر ب اكرم اريدة يسكت
كلي شكو تخزريني هااا فتهمت فتهمت .. يابة ليث ترة هاي هيج اجت بالغلط
وية الملابس مادري بيها لا عبالك بطة بعدهي تلعب بيها وتشتريلها ملابس لا كبرت وحته اصلا ما تجبر امي وتكلها تعاي خيطيلهاليث غاص من الضحك ويكلي بيان نطيني ياها بس اشوفها والله هيه نفسها هاي التحوير
واكرم يجاوبة
احترم نفسك لك تحوير شنو هاي اصولية وعندها اسم اسمها ياقوت- بيان ولا يهمج بنتج هية بنتي اني ادللها واكبرها ما اخلي تحس بفرق
- ونعم منك اصيل ليث مو كدامك
- لا حبيبي اكرم هذا واجبي
- بيتكم رح تسو كارتون لو فلين
- لا نسوي خيمة كافي علينا هو احنا تلاثةحطيت ادية على وكمت ابجي نقهرت منهم مسويني نصبة ويضحكون لحد ما كعد ابوية ورزلهم ثنينهم
يلا سكتو
وبعدة كلما يباوع علية يضحك
درت وجهي منه ضجت حيل
STAI LEGGENDO
- ياقوت -
Storie d'amoreمرحباً ايها القارئ هل تظن أنك وحدك تشيخ في متاعب هذه الحياة ؟ نعم وحدي .. نحن جميعنا نسير في نفس القافلة ياصديقي لا ايها الكاتب ف احزنانا لا تشابه بعضها لا اوفقك الرأي انا مصر ايها الكاتب ما رآئيك أن تقراء روايتي وكتاباتي هل تشبه قصتي ،، او...