لاااا هواي هيج ..
هواي والله
يارب كون بعدني باالحلم
لا وساااام عليك الله شنوو هاي ...
بجيت حيل
- بطة اهدي مابيه شي هسه يصير زين
- لك شيصير باوع شلون نايم
- بطة لا تخليني اتندم لان كتلج
- زين بس عدل الكامرة داشوفة
- هاي عدلتها
- مداشوف مواضح شي تقرب
- ميقبلون يولي
- شلون صار هيج
- حادث
- ليش هيج على الاجهزة
- مديصحى بطة مديصحى ادعيلة
- شكد صارلة هيج
- من زمان
- اهلة يدرون
- لا دير بالح تحجين لا تكولين الاحد خيولون وحته ابوية مايدري بس انتي واكرم كتلكم
- ليش ماكتلي من زمان
- شمدريني عبالي كارهتة ماردت اذكرج بيه
سديت التلفون من وسام مدمرة
ضليت كاعدة ومقهورة منه وعليه هواااااي
كل الصار بصفحة والشفتة بصفحة
لليل اجة اكرم كال هاا شبيج سولفتلة كال ادري من زمان بس ما كتلج خاف تنقهرين
رجع صاحني كلي تعاي كعدي يمي
رحت كعدت
كلي بطة ليث مالة شغل ب اهلة صح تصرف برعونية من عافج يمهم وراح بس ماله شغل هو لا مد ايدة عليج ولا ضربج ولحد الان منعرف سبب ليش سافر
- اكرم شنو يعني ما اطلك ؟
- لج شهل الحقارة العندج الولد ميت ومعيشنة ع الاجهزة صار تلث اشهر وانتي دورين طلاك
عايزين فضايح احنا منا امج الصخمت وجهنا نوب بتهااا مطلكة
- لا تكول امج
- لا امج امج امج الدايحة النزلت روسنا
- شبيك اكرم اني شعلية كلساع وعدتها
عافني وكام ما حجة وياي
كمت سويتلهم عشة ياخذة ويا للمستشفى وحضرتلهم جنطة بيها ملابس صغيرة الابوية
توسلت بيه اروح يم سنا ماقبل كلي كعدي وسكتي وقفلي الباب
طلع قفلت الباب وضليت كاعدة بالصالة وحدي مضلمة البيت
لا الي خلك تلفون ولا تلفزيون ولا اي شي
بس مقهورة حتة مابية حيل ابجي
ضليت على صفنتي لحد ما عقلي تعب من التفكير وفصل من وحدة
نمت
ثاني يوم بابا طلع من المستشفى شوية اكو تحسن بس هم مالة خلك لا يحجي لا شي
بس لازم سبحتة ويسبح ردت اروح اكعد يمة
بس مالي جرئة احس حالي من حالها اني هم السبب بلي صار بيه
ضليت كاعدة بالمطبخ واباوع عليه من بعيد وهو هم بغير عالم بس صافن
ثاني يوم وهم نفس الروتين
كملت شغل وطبيت سبحت باوعت على روحي ب مراية الحمام طالعلي كرش صغير
ضحكت شسالفة قبل اكل اكل المعزاين وبطني ممسوحة مسح
هسه اكل وجبه لو وجبتين وطالعلي كرش
رجعت اتأكد من روحي حته وجهي وصدري ادية سمنانه
ضجت حيل هاملة روحي
سبحت وطلعت وكالعادة شغل البيت تنضيف تعزيل سويت عشة الابوية صاحني كلي رجلج شلونة كتلة زين
كال يخابرج
كتله اي بابا يخابرني
واريد بس اطلع حجاية ثانية بعد وابجي
كملت شغل غسلت الملابس
الصار كلة يجوز ما ستفاديت منه غير شغلة وحدة انو هية عفت الكلية ما اداوم بعد
ماتعشيت قررت اسوي رجيم
YOU ARE READING
- ياقوت -
Romanceمرحباً ايها القارئ هل تظن أنك وحدك تشيخ في متاعب هذه الحياة ؟ نعم وحدي .. نحن جميعنا نسير في نفس القافلة ياصديقي لا ايها الكاتب ف احزنانا لا تشابه بعضها لا اوفقك الرأي انا مصر ايها الكاتب ما رآئيك أن تقراء روايتي وكتاباتي هل تشبه قصتي ،، او...
